ព័ត៌មានកីឡាអន្តរជាតិ
(English) ចាប់ពីរដូវក្តៅនេះតទៅ អ្នកចាំទីនឹងត្រូវបានអនុញ្ញាតឱ្យកាន់បាល់បានត្រឹមតែប្រាំបីវិនាទីប៉ុណ្ណោះ មុនពេលបោះវាចេញពីដៃ។ ការកំណត់រយៈពេលខ្លីបែបនេះគឺការប៉ុនប៉ងចុងក្រោយបំផុតដើម្បីកាត់បន្ថយការខ្ជះខ្ជាយពេលវេលាប្រកួត។ លទ្ធផលជាវិជ្ជមានក្នុងការសាកល្បងនៅទូទាំងប្រទេសអង់គ្លេស អ៊ីតាលី និងម៉ាល់តា បានជំរុញឱ្យអ្នកបង្កើតច្បាប់ប្រកួត ក្រុមប្រឹក្សាសមាគមបាល់ទាត់អន្តរជាតិ (Ifab) នឹងដាក់ឲ្យប្រេីប្រាស់សម្រាប់រដូវកាល២០២៥-២៦ ។
តើ Ifab និយាយអ្វីខ្លះអំពីការផ្លាស់ប្តូរច្បាប់? ក្នុងអំឡុងពេលសាកល្បង Ifab បាននិយាយថាមានតែបួនករណីប៉ុណ្ណោះដែលអ្នកចាំទីត្រូវបានពិន័យក្នុងការប្រកួតរាប់រយដង ទោះបីជាច្បាប់ត្រូវបានអនុវត្តយ៉ាងតឹងរ៉ឹងក៏ដោយ។ ច្បាប់បច្ចុប្បន្នចែងថាប្រសិនបើអ្នកចាំទីកាន់បាល់រយៈពេលប្រាំមួយវិនាទី នោះការទាត់ហ្វ្រីឃីកដោយប្រយោលត្រូវបានផ្តល់ជូនក្រុមប្រឆាំង។
នាយកបច្ចេកទេស Ifab និងជាអតីតអាជ្ញាកណ្តាល Premier League លោក David Elleray បានប្រាប់កាសែត The Times ថា ការផ្លាស់ប្តូរច្បាប់ល្អគឺជាកន្លែងដែលអ្នកមានឧបសគ្គខ្លាំងដែលមនុស្សគ្រប់គ្នាអនុវត្ត ហើយបន្ទាប់មកបញ្ហានឹងរលាយបាត់ទៅ។ ប្រសិនបើវាបង្កើនល្បឿនប្រកួត ប្រសិនបើវាកាន់តែវិជ្ជមាន វាមានន័យថាវាអាចរារាំងដ៏មានប្រសិទ្ធភាពបំផុតមួយ។
តើអាជ្ញាកណ្តាលនឹងដាក់ទោសយ៉ាងណា? អាជ្ញាកណ្តាលនឹងដាក់ពិន័យអ្នកចាំទីដែលកាន់បាល់លើសពី៨ វិនាទីដោយផ្តល់បាល់ជ្រុងដល់ក្រុមប្រឆាំង។ តើអាជ្ញាកណ្តាលនឹងបង្ហាញវាយ៉ាងណា? អ្នកចាំទីនឹងត្រូវបានព្រមានដោយអាជ្ញាកណ្តាល នៅពេលដែលពួកគេនៅសល់៥ វិនាទីទៀតដើម្បីបោះបាល់ចេញ។ អាជ្ញាកណ្តាលនឹងលើកដៃឡើង ហើយចាប់ផ្តើមរាប់ថយក្រោយ៕
ព័ត៌មានកីឡាជាតិ
(English) ការឈ្នះពានរង្វាន់ Premier League លឿនបំផុតត្រូវបានគណនាតាមរូបមន្តពីគឺឈ្នះតាមកាលបរិច្ឆេទលឿនបំផុតក្នុងប្រតិទិន ឬឈ្នះដោយការប្រកួតដែលនៅសល់។ យោងតាមរូបមន្តនេះ Manchester United គឺជាក្លិបមួយដែលឈ្នះពានរង្វាន់ខាងលើនេះលឿនជាងគេបំផុតក្នុងប្រវត្តិសាស្ត្រ គឺនៅថ្ងៃទី១៤ ខែមេសា ក្នុងរដូវកាល ២០០០-២០០១ ហើយបានកាន់កាប់កំណត់ត្រានេះរហូតមកដល់សព្វថ្ងៃជិតពីរទសវត្សរ៍។ នេះយោងតាមកំណត់ត្រារបស់ Premier League ដែលចេញផ្សាយដោយ Tribuna។
ចំណែកឯក្លិប Manchester City ឈរចំណាត់ថ្នាក់លេខ ២ ឈ្នះពាននៅថ្ងៃទី ១៥ មេសា ក្នុងរដូវកាល ២០១៧-១៨ខណៈនៅសល់៥ប្រកួតទៀត។ Liverpool កាន់កាប់កំណត់ត្រាចុងក្រោយនេះ ដោយទទួលបានជើងឯកឆ្នាំ ២០១៩-២០ បន្ទាប់ពីលេងបានត្រឹមតែ៣១ប្រកួតនៅសល់៧ប្រកួត ប៉ុន្តែពួកគេមិនអាចបំបែកកំណត់ត្រាក្លឹបManchester United បានទេ ដោយសារការពន្យារពេលនៃ COVID-19 បានរារាំងពួកគេពីការបង្កើតកំណត់ត្រាជាក្រុមដែលឈ្នះពានតាមកាលបរិច្ឆេទឆាប់បំផុត។
សម្រាប់ Liverpool ដើម្បីបំបែកកំណត់ត្រាផ្ទាល់ខ្លួនពួកគេនឹងត្រូវការលទ្ធផលដើម្បីឆ្ពោះទៅរកការឈ្នះពានជាមួយនឹងក្រុម Fulham នៅថ្ងៃទី ៥ឬ៦ខែមេសា បន្ទាប់ពីការប្រកួតចំនួន៣០ ។ ប្រសិនបើពួកគេតាមស្មើកំណត់ត្រាចាស់៣១ ប្រកួត ពួកគេអាចក្លាយជាជើងឯកនៅផ្ទះជាមួយ West Ham នៅថ្ងៃទី១២-១៣ ខែមេសា។ សេណារីយ៉ូណានេះនឹងជួយឲ្យក្រុមរបស់គេបំបែកកំណត់ត្រារបស់ Man United សម្រាប់ការឈ្នះពានរង្វាន់លឿនបំផុតតាមកាលបរិច្ឆេទក្នុងប្រវត្តិសាស្ត្រ Premier League ៕
(English) អតីតប្រធាន FIFA លោក Sepp Blatter បានមកដល់តុលាការប្រទេសស្វីស កាលពីថ្ងៃចន្ទ សម្រាប់ការកាត់ក្តីថ្មីរបស់គាត់ ពីបទចោទប្រកាន់ពុករលួយ ក្លែងបន្លំឯកសារ និងការប្រព្រឹត្តិមិនសមរម្យ។ ការកាត់ទោសនេះធ្វើឡើងរយៈពេលមួយសប្តាហ៍មុនខួបកំណីត៨៩ឆ្នាំរបស់គាត់។ លោក Sepp Blatter បានថ្លែងប្រាប់អ្នកាសែតថា ខ្ញុំសង្ឃឹមថានឹងទទួលបានយុត្តិធម។
Blatter បានមកដល់ ១០ នាទីមុនលោក Michel Platini ដែលអតីតជាប្រធាន UEFA និងអនុប្រធាន FIFA ។ Blatter និង Platini កំពុងប្រឈមមុខនឹងការកាត់ក្តីលើកទីពីរដែលមានរយៈពេលជិតបីឆ្នាំ បន្ទាប់ពីពួកគេត្រូវបានដោះលែងដោយចៅក្រមសហព័ន្ធបីនាក់។ ការចោទប្រកាន់នេះទាក់ទងនឹងការបង់ប្រាក់របស់ FIFA ដែលត្រូវបានអនុម័តដោយ Blatter ចំនួន ២,២១ លានដុល្លារ ទៅលោក Platini ។ ការកាត់ទោសលើកទីពីរត្រូវបានគេរំពឹងថានឹងមានរយៈពេលបួនថ្ងៃរហូតដល់ថ្ងៃព្រហស្បតិ៍។ សាលក្រមរបស់ចៅក្រមទាំងបីនឹងត្រូវប្រកាសនៅថ្ងៃទី ២៥ ខែមីនា។
Blatter និង Platini បានបដិសេធយ៉ាងការប្រព្រឹត្តខុស។ ពួកគេអះអាងថា ពួកគេមានកិច្ចព្រមព្រៀងដោយពាក្យសំដីមួយដើម្បីបង់ប្រាក់ឱ្យ Platini សម្រាប់ការងារមិនជាប់កិច្ចសន្យាដែលផ្តល់ប្រឹក្សាដល់លោក Blatter ក្នុងអំឡុងពេលអាណត្តិប្រធានាដំបូងរបស់គាត់ពីឆ្នាំ១៩៩៨ ដល់ឆ្នាំ២០០២ ។ព្រះរាជអាជ្ញាសហព័ន្ធបានស្នើសុំការកាត់ទោសរយៈពេល២០ ខែដោយព្យួររយៈពេល ២ ឆ្នាំ។ Blatter និង Platini ត្រូវបានលើកលែងទោសនៅខែកក្កដា ឆ្នាំ២០២២ បន្ទាប់ពីដើរដំណេីការកាត់ក្តី រយៈពេល១១ថ្ងៃនៅតុលាការព្រហ្មទណ្ឌសហព័ន្ធរបស់ប្រទេសស្វីសនៅទីក្រុង Bellinzona ៕
ប្រភព៖ AP
(English) ខ្សែប្រយុទ្ធ Vinicius Jr បាននិយាយថារូបគេ «ការរស់នៅក្នុងក្តីស្រម៉ៃ» នៅឯ Real Madrid ហើយចុះហត្ថលេខាលើកិច្ចសន្យាថ្មីជាមួយអ្នកកាន់ក្របខណ្ឌ Champions League ។ កិច្ចសន្យារបស់កីទ្បាករអន្តរជាតិប្រេស៊ីលវ័យ ២៤ ឆ្នាំរូបនេះនៅសល់ ២ ឆ្នាំទៀត ហើយត្រូវបានពាក្យចចាមអារ៉ាមថាជាគោលដៅផ្ទេរសម្រាប់ Saudi Pro League ។
«ខ្ញុំស្ងប់ស្ងាត់ណាស់ ព្រោះកុងត្រារបស់ខ្ញុំមានរហូតដល់ឆ្នាំ ២០២៧ ហើយខ្ញុំសង្ឃឹមថានឹងបន្តកុងត្រាថ្មីឱ្យបានឆាប់តាមដែលអាចធ្វើទៅបាន ព្រោះខ្ញុំសប្បាយចិត្តនៅទីនេះ» «ខ្ញុំកំពុងរស់នៅក្នុងសុបិន នៃការលេងជាមួយកីឡាករល្អបំផុតក្នុងពិភពលោក គ្រូបង្វឹកល្អបំផុត ប្រធានល្អបំផុត អ្នកគាំទ្រដ៏ល្អបំផុត។ នៅទីនេះគ្រប់គ្នាស្រលាញ់ខ្ញុំខ្លាំងណាស់។ ខ្ញុំមិនអាចនៅកន្លែងល្អជាងនេះទេ។» Vinicius បានចាកចេញពីក្លិប Flamengo ចូលរួមជាមួយនឹង Real Madrid ក្នុងឆ្នាំ ២០១៨ ហើយក៏ឈ្នះ La Liga ៣ ដង និងChampions League ២ ដងផងដែរ។
គួរបញ្ជាក់ថា Real Madrid ដែលជាក្រុមការពារតំណែងឯកជើងឯក UEFA Champions League នាថ្ងៃអង្គារ៍នេះ ដោយបើកទ្វារទទួលស្វាគមន៍ក្រុមមកពីទីក្រុមតែមួយគឺ Atletico Madrid ក្នុងជើងទី ១ វគ្គ ១៦ ក្រុមចុងក្រោយ ហើយ Vinicius ក៏នឹងចូលរួមការប្រកួតខាងលើនេះផងដែរ ជាមួយនឹង ១០២ គ្រាប់ក្នុងចំណោមបង្ហាញខ្លួនក្រុមចំនួន ៣០០ ដង៕
ប្រភព៖ BBC
(English) ខ្សែការពារ Nathan Ake របស់ក្លិប Manchester City នឹងត្រូវសម្រាកព្យាបាល បន្ទាប់ពីទទួលការវះកាត់របួសបាក់ឆ្អឹងប្រអប់ជើង។ កីទ្បាករអន្តរជាតិហុល្លង់វ័យ ៣០ ឆ្នាំលេងនៅពាក់កណ្តាលតង់ក្នុងការប្រកួត FA Cup កាលពីថ្ងៃសៅរ៍ទល់នឹងក្រុម Plymouth ជាមួយនឹងរបួសដែលរូបគេបាននិយាយថា៖ «វាបានរំខានខ្ញុំជាច្រើនខែ»។
Ake បានធ្វើការវះកាត់កាលពីថ្ងៃចន្ទ ហើយក្រោយមករូបគេក៏បានបង្ហោះរូបភាពរបស់ខ្លួនឯងនៅលើបណ្តាញសង្គម។ Ake ត្រូវបានដាក់កំហិតក្នុងការបង្ហាញខ្លួនចំនួន ១៨ លើកមកទល់ពេលនេះនៅរដូវកាលនេះដោយសារតែរបួសរយៈពេលខ្លីជាបន្តបន្ទាប់។ ខ្សែការពារ John Stones និង Manuel Akanji ក៏ខកខានការទទួលជ័យជម្នះជុំទីប្រាំកាលពីថ្ងៃសៅរ៍លើ Plymouth ដោយសាររបួសផងដែរ។
(English) លោក Benni McCarthy ត្រូវបានតែងតាំងជាគ្រូបង្វឹករបស់ក្រុមជម្រើសជាតិកេនយ៉ា ជាមួយនឹងកិច្ចសន្យារយៈពេល ២ ឆ្នាំ មានន័យថាលោកនឹងដឹកនាំក្រុមរហូតដល់ព្រឹត្តិការណ៍បាល់ទាត់ប្រចាំទ្វីបអាហ្រ្វិក Africa Cup of Nations ឆ្នាំ ២០២៧ ដែលជាការប្រកួតនឹងធ្វើឡើងនៅលើទឹកដីកំណើតនៅអាហ្វ្រិកខាងកើតដោយមានប្រទេសកេនយ៉ា តង់ហ្សានី និងអ៊ូហ្គង់ដាធ្វើជាម្ចាស់ផ្ទះរួមគ្នា។
បុរសសញ្ជាតិអាហ្វ្រិកខាងត្បូងវ័យ ៤៧ ឆ្នាំរូបនេះបានស្នងតំណែងពីគ្រូបង្វឹកបណ្នោះអាសន្ន លោក Francis Kimanzi ដែលទទួលបន្ទុកចាប់តាំងពីគ្រូបង្វឹកតួកគី លោក Engin Firat លាលែងពីដំណែងកាលពីចុងឆ្នាំមុន។ លោក Benni McCarthy នឹងទទួលបន្ទុកដឹកនាំក្រុមជម្រើសជាតិនុងនាមជាគ្រូបង្វឹក ដែលត្រូវប្រកួតជម្រុះ World Cup ក្នុងខែនេះនៅក្រៅផ្ទះក្នុងប្រទេសហ្គាំប៊ី និងក្នុងដីទល់នឹងហ្គាបុង។
បច្ចុប្បន្ន កេនយ៉ា ឈរនៅលេខរៀងទី៤ ក្នុងចំណោមក្រុមទាំង ៥ ក្នុងពូល F ដោយមាន ៥ ពិន្ទុក្នុងចំណោមប្រកួត ៤ ដែលតាមពីក្រោយក្រុមកំពូលកូតឌីវ័រ ៥ ពិន្ទុ ។ លោក Benni McCarthy ក៏ធ្លាប់ធ្វើជាក្រុមការងារគ្រូបង្វឹករបស់ក្លិប Manchester United ក្នុងឆ្នាំ ២០២២-២៤ ក្នុងគ្រាដែលលោក Erik Ten Hag បានកំពុងដឹកនាំក្រុម៕
(English) ខ្សែការពារកូដឆ្វេង Joao Cancelo របស់ក្លិប Al-Hilal នឹងអវត្តមាន ២ ខែដោយសាររបួសសរសៃពួរ។ នេះបើយោងតាមការបញ្ជាក់ពីម្ចាស់ជ់ើងឯក Saudi Pro League កាលពីថ្ងៃអាទិត្យ។ កីទ្បាករអន្តរជាតិព័រទុយហ្គាល់វ័យ ៣០ ឆ្នាំរូបនេះបានចូលរួមជាមួយនឹងក្លិប Al-Hilal ពី Manchester City កាលពីខែសីហា ឆ្នាំ២០២៤ ក៏នឹងអវត្តមានជួយក្រុមជម្រើសជាតិ លេងទល់នឹងដាណឺម៉ាក សម្រាប់ការប្រកួត Nations League នាវគ្គ ៨ ក្រុមចុងក្រោយ នៅថ្ងៃទី២៤ ខែមីនា ឆ្នាំ២០២៥ ខាងមុខនេះ។
អតីតកីទ្បាករ Juventus, Inter Milan, Manchester City, Bayern Munich និង Barcelona បានបញ្ជូនបាល់ឱ្យមិត្តរួមក្រុមបញ្ចប់ទីចំនួន ១១ ដង និងរកបាន ២ គ្រាប់ឱ្យ Al-Hilal ក្នុងចំណោម ៣១ ប្រកួតគ្រប់កម្មវិធី។
ក្រុមរបស់លោក Jorge Jesus ដែលឈរនៅលេខរៀងទី ២ ក្នុងតារាង Saudi Pro League ដោយមាន ៥១ ពិន្ទុតាមពីក្រោយក្រុម Al-Ittihad ចំនួន ៦ ពិន្ទុ នឹងជួបជាមួយ Pakhtakor របស់ Uzbekistan ក្នុងវគ្គ ១៦ ក្រុមចុងក្រោយនៃ AFC Champions League Elite នៅថ្ងៃអង្គារ៕
ប្រភព៖ CNA
(English)
អ្នកចាត់ការទូទៅរបស់ក្លិប Manchester City លោក Pep Guardiola បានប្រាប់ឱ្យដឹងថារូបលោកពិតជារីករាយចំពោះការជាសះស្បើយរបស់ខ្សែបម្រើ Rodri ហើយរូបលោកសង្ឃឹមថាម្ចាស់ពានរង្វាន់ Ballon d’Or នឹងត្រលប់មកវិញ មុនពេលបញ្ចប់រដូវកាលនេះ។
ដំបូងទ្បើយ លោក Pep Guardiola បានច្រានចោល Rodri សម្រាប់ការវិលត្រលប់នៅរដូវកាលនេះ បន្ទាប់ពីកីទ្បាករអន្តរជាតិអេស្ប៉ាញវ័យ ២៨ ឆ្នាំខាងលើ បានដាច់សរសៃពួរជង្គង់ ACL កាលខែកញ្ញា ឆ្នាំ២០២៤ មកម្លេះ។ យ៉ាងណា បញ្ហាខាងលើនេះ Rodri ក៏បានកំណត់គោលដៅរបស់ខ្លួនក្នុងការត្រលប់មកទីលានវិញ បន្ទាប់ពីធ្វើការវះកាត់ ខណៈពេលនេះរូបគេក៏បានបន្តហ្វឹកហាត់លក្ខណៈឯកជនវិញផងដែរ។
គួរបញ្ជាក់ថា ការអវត្តមានរបស់ Rodri បានធ្វើឱ្យ City ដែលជាក្រុមការពារតំណែងជើងឯក English premier League កំពុងតែប្រដេញតាមពីក្រោមក្រុមកំពូលតារាង Liverpool រហូតដល់ ២០ ពិន្ទុ និងធ្លាក់ចេញពីក្របខណ្ឌ UEFA Champions League ក្នុងពូលថែមទៀតផង៕
ព័ត៌មានកីឡាអាស៊ី
(English) ខ្សែប្រយុទ្ធ Suphanat Mueanta របស់ក្លិប Buriram United ត្រូវបានក្លិប Kawasaki Frontal កំពុងតែចាប់អារម្មណ៍ចង់បានរូបគេមកកាន់លីគកំពូលជប៉ុន J-League 1 ។ កីទ្បាករអន្តរជាតិថៃវ័យ ២២ ឆ្នាំរូបនេះបានចំណាយកាលពីរដូវកាលមុន លេងឱ្យក្លិប OH Leuven. Mueanta នៃក្របខណ្ឌលីគកំពូលបែលហ្ស៊ិក Belgian Pro League ក្នុងលក្ខខណ្ឌខ្ចីជើង។
បច្ចុប្បន្ន Suphanat Mueanta រកបាន ៦ គ្រាប់ បញ្ចូនបាល់ឱ្យមិត្តរួមក្រុមបញ្ចប់ទី ៤ លើក ក្នុងចំណោមបង្ហាញឱ្យក្រុមនៅលីគកំពូលថៃ Thai League ចំនួន ៧ ប្រកួត៕
ប្រភព៖ Markaj News
