Lisandro Martinez នឹង​ត្រឡប់មកវិញសម្រាប់ការប្រកួតវគ្គផ្តាច់ព្រ័ត្រ FA Cup នៅ Wembley នេះបើយោងតាមកាសែត Daily Mail ។

ខ្សែការពារកណ្តាលអាហ្សង់ទីនដែលទើបតែបង្ហាញខ្លួនបាន 11 ដងក្នុងរដូវកាលនេះ ចង់លេងតទល់ជាមួយ Manchester City ។ Jonny Evans បច្ចុប្បន្នគឺជាខ្សែការពារកណ្តាលតែម្នាក់គត់ដែល​អាច​ដាក់ឱ្យលេង​បាន Erik ten Hag ដូច្នេះវត្តមានរបស់ Martinez នឹងត្រូវបានស្វាគមន៍បំផុត។

Manchester United អាចសង្គ្រោះខ្លួនឯងយុទ្ធនាការឆ្នាំ 2023/24 ដ៏មហន្តរាយដោយការផ្តួល Man City លើក​ពាន FA Cup នៅចុងខែនេះ ហើយជ័យជម្នះក៏អាចជួយយឺតយោងការងាររបស់​លោក Ten Hag ឱ្យនៅដឹកនាំបន្តផងដែរ។

កីឡាករ Dinh Thanh Trung ដែលជាម្ចាស់ពានរង្វាន់បាល់មាសវៀតណាមឆ្នាំ 2017 និងកីឡាករ 4 នាក់ទៀតដែលលេងនៅក្លិបក្នុងក្របខ័ណ្ឌ  V. League ដូចជា៖ Hong Linh Ha Tinh (របស់ក្លិប Hong Linh Ha Tinh FC) ត្រូវបានឃុំខ្លួនពាក់ព័ន្ធនឹងករណីប្រើប្រាស់គ្រឿងញៀននៅឯសណ្ឋាគារមួយក្នុងទីក្រុង Ha Tinh ។

Trung រួមទាំងខ្សែបម្រើ Nguyen Trung Hoc អ្នកចាំទី Duong Quang Tuan ខ្សែបម្រើ Nguyen Ngoc Thang និងខ្សែការពារ Nguyen Van Truong ត្រូវបានប៉ូលីស Ha Tinh ឃាត់ខ្លួនកាលពីថ្ងៃពុធ។

កាលពីប្រាំថ្ងៃមុន អាជ្ញាធរបានត្រួតពិនិត្យសណ្ឋាគារមួយក្នុងទីក្រុង Ha Tinh ហើយបានរកឃើញមនុស្សមួយក្រុមចំនួន 10 នាក់ រួមទាំងកីឡាករបាល់ទាត់បានប្រើប្រាស់សារធាតុហាមឃាត់ផងដែរ។ អ្នកទាំងអស់​ត្រូវ​បាន​ឃុំ​ខ្លួន​ប្រឈម​នឹង​ការ​ចោទ​ប្រកាន់​ពី​បទ​រៀប​ចំ​ការ​ប្រើ​ប្រាស់​គ្រឿង​ញៀន។

ប្រភព​មួយ​បាន​និយាយ​ថា​៖ «​ករណី​នេះ​ត្រូវ​បាន​អាជ្ញាធរ​តាម​ដាន​ជា​យូរ​មក​ហើយ ខណៈ VnExpress បាន​ទាក់ទង​ទៅ​កីឡាករ​មួយ​ចំនួន ប៉ុន្តែ​មិន​មាន​ការ​ឆ្លើយ​តប​ទេ។

នៅថ្ងៃពុធ Hong Linh Ha Tinh FC នឹងប្រកួតជុំទី 17 នៃ V-League 2023-2024 ទល់នឹង Binh Dinh FC។ កីឡាករ​ទាំង​បួន​ដែល​ត្រូវ​បាន​ឃុំ​ខ្លួន​នោះ​មិន​មាន​ក្នុង​បញ្ជី​ចុះ​ឈ្មោះ​សម្រាប់​ការ​ប្រកួត​នោះ​ទេ។ Trung ដែល​ជា​ខ្សែ​បម្រើ​វ័យ 36 ឆ្នាំ​ក៏​បាន​ឈ្នះ​ពាន V. League ដូចគ្នា​ជាមួយ​នឹងក្លិប Quang Nam FC។ Nguyen Ngoc Thang គឺជាខ្សែការពារវ័យក្មេងដ៏មានទេពកោសល្យរបស់ U23 វៀតណាម ដែលទើបតែបានលេង U23 Asian Cup នៅប្រទេសកាតា។ Nguyen Trung Hoc ជាខ្សែបម្រើសំខាន់របស់ ក្លិប Hong Linh Ha Tinh FC  ជាច្រើនឆ្នាំ ហើយធ្លាប់បានធ្វើជាប្រធានក្រុមជាច្រើនដងផងដែរ។

Hong Linh Ha Tinh FC បច្ចុប្បន្នកំពុងឈរនៅលេខ 8 ក្នុង V. League បន្ទាប់ពីជុំទី 16 ដែលមាន 20 ពិន្ទុ។

Manchester United រំពឹងថា Jadon Sancho នឹងចាកចេញពីក្លិបនៅរដូវក្ដៅនេះ នេះបើយោងតាម ESPN FC ។

ការចាកចេញរបស់កីឡាករវ័យ 24 ឆ្នាំទំនងជានឹងកើតឡើង ដោយមិនគិតពីថាតើ Erik ten Hag នៅតែដឹកនាំនៅ Old Trafford ទេ ឬក៏ត្រូវក្លិបបណ្ដេញចេញ។

ខណៈពេលដែលអនាគតរបស់គ្រូបង្វឹកសញ្ជាតិហូឡង់ស្ថិតក្នុងភាពស្រពិចស្រពិល បន្ទាប់ពីយុទ្ធនាការឆ្នាំ 2023/24 ដ៏ខកចិត្តនោះ ផែនការនេះគឺនៅតែមានសម្រាប់ខ្សែប្រយុទ្ធដែលត្រូវចាកចេញ។

Sancho ធ្វើបានល្អចាប់តាំងពីការផ្ទេរទៅ Borussia Dortmund ក្នុងលក្ខខណ្ឌខ្ចីជើងក្នុងខែមករា ពិសេសជាតួអង្គ សំខាន់ជួយក្លិបអាល្លឺម៉ង់មួយនេះឡើងវគ្គផ្ដាច់ព្រ័ត្រ UEFA Champions League ស្របពេលបិសាចក្រហមសង្ឃឹមថានឹងរកលុយបានខ្លះពីការលក់គាត់ទៅឱ្យ​ក្លិបផ្សេង។

Erik ten Hag ត្រូវ​បានអ្នកសារព័ត៏មានសួរថាតើគាត់គឺជាមនុស្សត្រឹមត្រូវឬទេក្នុងការគ្រប់គ្រង Man United បន្ទាប់ពីការបរាជ័យរបស់ Crystal Palace ហើយគាត់​ឆ្លើយ​ថា “ពិតណាស់”។

«ខ្ញុំជាអ្នកចាត់​ការដ៏ត្រឹមត្រូវក្នុងការបង្វែរអ្វីៗទាំងអស់។ ប្រសិនបើកីឡាករត្រឹមត្រូវមានគ្រប់ នោះយើងមានក្រុមដ៏ល្អ។ ប៉ុន្តែនៅពេលដែលយើងស្ទើរតែផ្នែកខាងក្រោយរបស់យើង នោះយើងមានបញ្ហា»។

អនាគតរបស់ United របស់ Ten Hag នឹងស្ថិតក្រោមការត្រួតពិនិត្យបន្ថែមទៀតពី​ប្រធាន​ក្លិប​ថ្មី បន្ទាប់ពីរង់បរាជ័យធ្ងន់ធ្ងរក្រោម​ថ្វីជើង Crystal Palace៕

កីឡាករបាល់ទាត់ជម្រើសជាតិម៉ាឡេស៊ី Faisal Halim បានរងការវាយប្រហារដោយទឹកអាស៊ីតកាលពីព្រឹកមិញ។

រូប​ថត​របស់​ខ្សែ​បម្រើ​ស្លាប​ក្រោយ​ការ​វាយ​ប្រហារ​ដោយ​ទឹក​អាស៊ីត​បាន​លេចឡើងក្នុងបណ្ដាញសង្គម ហើយ​មាន​គេ​ចែកចាយ​ជាច្រើនផងដែរ។ គេមិនទាន់ដឹងពី​ទំហំនៃ​របួស​របស់​គាត់​នៅ​ឡើយ​ទេ គ្រាន់តែ​ថា គាត់​ត្រូវ​បាន​ជន​មិន​ស្គាល់​មុខ​វាយ​ប្រហារ។

ការវាយប្រហារលើ Faisal កើតឡើង បន្ទាប់ពីមានការវាយប្រហារលើកីឡាករបាល់ទាត់ជម្រើសជាតិម្នាក់ទៀត ឈ្មោះ Akhyar Rashid កាលពីដើមសប្តាហ៍នេះ។ Akhyar ដែលលេងឱ្យ Terengganu ត្រូវបានវាយប្រហារបន្ទាប់ពីចេញពីក្នុងឡានរបស់គាត់។

គាត់​បាន​រង​របួស​ត្រង់​ក្បាល និង​ដងខ្លួន ហើយ​ត្រូវបាន​ព្យាបាល​នៅ​មន្ទីរពេទ្យ Sultanah Nur Zahirah ក្នុង​ទីក្រុង Terengganu ។ ជន​ដៃដល់​ក៏​បាន​ឆក់​កាបូប​លុយ និង​ទូរស័ព្ទ​ដៃ​របស់​គាត់​ផង​ដែរ ។

Manchester United បើកចំហចំពោះលទ្ធភាពនៃការលក់ Marcus Rashford នៅក្នុងទីផ្សារដោះដូរកីឡាកររដូវក្តៅ។

ទោះបីជាយ៉ាងណាក៏ដោយ យោងតាមគេហទំព័រ talkSPORT កីឡាករវ័យ 26 ឆ្នាំទំនងជាមិនចាកចេញពី Old Trafford នៅមុនរដូវកាល 2024/25 នោះទេ។

នេះក៏ដោយសារតែហេតុផលពីរយ៉ាង។ ទីមួយគឺកង្វះចំណាប់អារម្មណ៍៖ ក្លិបផ្សេងទៀតកំពុង ‘ពិបាក’ ដាក់សំណើចុះកុងត្រាខ្សែប្រយុទ្ធរូបនេះណាស់។ គិត​មក​ដល់ពេល​នេះ មិនមាន​ក្លិបណាមួយល្បី​ថា​ចង់​បាន​គាត់​នោះទេ ស្របពេលដែលគុណផលលេងរបស់គាត់ម្ដងលិចម្ដងអណ្ដែត ពិបាកស្មានខ្លាំងណាស់។ PSG ធ្លាប់​មាន​ព័ត៌មានចចាម​អារ៉ាមចង់​បាន​គាត់​កាលពីរដូវ​កាលមុន ដើម្បី​យក​ទៅជំនួស Mbappe ដែល​នឹង​ចាកចេញទៅ Real Madrid ។

ទីពីរគឺទាក់ទងនឹងប្រាក់ខែដ៏ច្រើនរបស់គាត់។  Rashford ទទួល​បាន ៣០ម៉ឺនផោនក្នុងមួយសប្តាហ៍នៅ Man Utd ដែលនេះធ្វើឱ្យក្លិបផ្សេងៗទៀត​មិនអាចទ្រាំទ្រជាមួយការ​ចំណាយថ្លៃពលកម្មរបស់គាត់​បាន​នោះទេ។ តម្លៃដ៏ថ្លៃបែបនេះ វាច្រើនលើសលប់ទៅនឹងគុណផលលេងរបស់គាត់បាន​ផ្ដល់ឱ្យ Man Utd ក្នុងរដូវកាលនេះ។ ច្បាស់ណាស់! កីឡាកររូប​នេះ មិនចាកចេញ​ទៅកាន់​ក្លិបណាដែលផ្ដល់ប្រាក់ឈ្នួលតិចជា Man Utd នោះទេ។

នៅពេលសួរអំពីចំណាប់អារម្មណ៍របស់ Manchester United លើ Frenkie de Jong កំឡុងរដូវក្តៅឆ្នាំ 2022 គ្រូបង្វឹកលោក Erik Ten Hag បាននិយាយថា៖«បាទ យើងមានគម្រោងយក De Jong និង Casemiro មកលេង និងបំពេញគ្នាទៅវិញទៅមក» ។

អ្នកចាត់ការសញ្ជាតិហូឡង់រូបនេះបានបន្ថែមថា ៖«ប៉ុន្តែនៅក្នុងទសវត្សរ៍ចុងក្រោយ និងក្នុងរយៈពេលនេះ យើងមិនអាចតែងតែទទួលបានកីឡាករដែលយើងចង់បាននោះទេ។ អ្នកត្រូវតែទទួលស្គាល់» ។

Barcelona បើកចិត្តលក់ De Jong នៅរដូវក្តៅនោះ ដោយ Man United ដាក់សំណើប្រហែល 100 លានអឺរ៉ូលើតម្លៃខ្លួនខ្សែបម្រើរូបនេះ។

ទោះបីជាយ៉ាងណាក៏ដោយ De Jong បានជំទាស់យ៉ាងម៉ឺងម៉ាត់រាល់ការប៉ុនប៉ងរបស់ក្លិបដែល​ចង់បញ្ជូនគាត់ចេញ ហើយបដិសេធមិនចូលមកជិតតុចរចា ផ្ទេរមក Man Utd ។

Barca គ្មានជម្រើសអ្វីក្រៅពីបន្តវត្តមានជាមួយខ្សែបម្រើដែលមានប្រាក់ខែខ្ពស់របស់ពួកគេទេ ស្របពេល De Jong បានបន្តធ្វើបានយ៉ាងល្អកាលពីរដូវកាលមុន ដោយជួយ Barca ឈ្នះ La Liga និង Super Cup របស់អេស្ប៉ាញ។

Erik ten Hag នឹងប្រឈមមុខនឹងការកាត់បន្ថយប្រាក់បៀវត្សរ៍ 25% នៅរដូវកាលក្រោយ ប្រសិនបើគាត់រក្សាតំណែងរបស់គាត់ជាអ្នកគ្រប់គ្រង Manchester United នេះបើយោងតាម ESPN FC ។

នេះគឺដោយសារតែបិសាចក្រហមទំនងជាបរាជ័យក្នុងការ​ទទួល​បាន​កៅអីពាន Champions League បន្ទាប់ពីមិនអាចទទួល​បាន​កៅអី Top 4 ក្នុង  Premier League នៅរដូវកាលនេះ។

គ្រូបង្វឹកសញ្ជាតិហូឡង់ទទួលបានប្រាក់បៀវត្សរ៍ប្រហែល 9 លានផោនក្នុងមួយឆ្នាំកំពុងស្ថិតក្រោមសម្ពាធកាន់តែខ្លាំងខណៈដែលក្រុមឈរនៅចំណាត់ថ្នាក់លេខ 7 ក្នុងតារាង។

ទោះបីជាបានឈានទៅដល់វគ្គផ្តាច់ព្រ័ត្រ FA Cup ក៏ដោយ របៀបដែល Man United ដួលជាមួយក្រុម Coventry City បានបន្ថែមទៅការត្រួតពិនិត្យលើ Ten Hag ។

យោងតាមសារព័ត៌មានអាល្លឺម៉ង់ Kicker ដែលជាប្រភពអាចទុកចិត្តបាន Manchester United បានផ្តួចផ្តើមទំនាក់ទំនងជាមួយគ្រូបង្វឹក FC Bayern Munich លោក Thomas Tuchel ។

អ្នកតំណាងរបស់​ក្រុមបិសាចក្រហម Man Utd ត្រូវបានគេរាយការណ៍ថាបានចាប់ផ្តើមពិភាក្សាជាមួយលោក Tuchel មក​ជំនួស​តំណែងលោក Erik ten Hag ។ រដូវ​កាលរបស់ Man United កាន់តែអាក្រក់ទៅៗ បន្ទាប់ពីពួកគេបានឡើងទៅវគ្គផ្តាច់ព្រ័ត្រ FA Cup បន្ទាប់ពីនាំមុខ 3-0 ទល់នឹង Coventry City ហើយឱ្យគូប្រកួតស៊ុត​តាម​ស្មើ និងអូសបន្លាយដល់​ការស៊ុតបាល់ប៉េណាល់ទីកាត់​សេចក្ដី។

Tuchel នឹងចាកចេញពី Bayern Munich នៅចុងបញ្ចប់នៃរដូវកាលនេះ ហើយត្រូវបានគេរាយការណ៍ថាមានបំណងចង់ត្រលប់ទៅ Premier League វិញ។

គាត់ធ្លាប់បានឈ្នះ Champions League ក្នុងរដូវកាលដំបូងជាមួយ Chelsea ហើយប្រធានក្លិបថ្មីរបស់ Man Utd លោក Sir Jim Ratcliffe បាន​កើត​សរសើរពី​យុទ្ធសាស្រ្តដឹកនាំ​របស់​គ្រូបង្វឹក​សញ្ជាតិអាល្លឺម៉ង់រូប​នេះផង​ដែរ។

អញ្ចឹងក៏ដោយ! រដូវ​កាលនេះ Man Utd អាច​នឹង​មិន​មានកៅអីលេងពាន Champions League ទេ ដូច្នោះហើយ ការ​មក​ដល់​របស់​លោក Tuchel ក៏មិនអាចជួយអ្វី​បាន​ដែរ ក្រៅពី​ប្រកួតប្រជែងពាន​ក្នុងស្រុកនៅ​រដូវ​កាល​ក្រោយ៕