ព័ត៌មានកីឡាអន្តរជាតិ
សំណុំរឿងដ៏ចម្លែកបំផុត…
ការប្រកួតនៅក្នុងលីគលំដាប់ស្រុកអាល្លឺម៉ង់រវាងក្លិប FC Taxi Duisberg II និង SV Rot-Weiss Mülheim ត្រូវបានលុបចោលក្នុងកាលៈទេសៈក៏ចម្លែកមួយ។
ការប្រកួតមិនទាន់នឹងចាប់ផ្ដើមចែកបាល់ផង ស្រាប់តែមានក្មេងម្នាក់ធ្វើកាយវិការហាត់បាល់កម្ដៅសាច់ដុំនៅលើទីលាន បានចូលទៅជិតអាជ្ញាកណ្តាល ហើយខាំពងស្វាសរបស់គាត់។
កុមារម្នាក់នេះទំនងជាកូនម្នាក់ក្នុងចំណោម៣នាក់របស់កីឡាករក្លិប FC Taxi ប៉ុន្តែមូលហេតុនៃសកម្មភាពរបស់គាត់មិនបង្ហាញឱ្យច្បាស់លាស់នោះទេ។
អាជ្ញាកណ្តាលបានសរសេរនៅលើរបាយការណ៍របស់គាត់ថា៖ “វាបានខិតមកជិតខ្ញុំ ហើយភ្លាមៗ និងមិននឹកស្មានដល់បានខាំខ្ញុំត្រង់ពងស្វាសខាងឆ្វេង”។
មន្ត្រីរូបនេះមិនអាចបន្តបានទេ ហើយត្រូវការការព្យាបាលរបួសក្រោយពេលកើតហេតុ។ ការប្រកួតត្រូវបានកំណត់ពេលឡើងវិញ ដើម្បីធ្វើឡើងនៅពេលក្រោយ។
ព័ត៌មានកីឡាអាស៊ី
សហព័ន្ធកីឡាបាល់ទាត់អាស៊ាន (AFF) ថ្ងៃនេះបានប្រកាសថា MSIG ដែលជាក្រុមហ៊ុនធានារ៉ាប់រងទូទៅឈានមុខគេក្នុងអាស៊ាន នឹងក្លាយជាម្ចាស់ឧបត្ថម្ភ ការប្រកួតបាល់ទាត់នារីអន្តរជាតិលំដាប់ថ្នាក់កំពូលរបស់អាស៊ាន ហើយដាក់ឈ្មោះថា ASEAN MSIG Serenity Cup™។
MSIG ជាដៃគូធានារ៉ាប់រងផ្លូវការសម្រាប់ជម្រើសជាតិ និងការប្រកួតក្លិបធំៗរបស់ខ្លួន រួមមាន ASEAN Mitsubishi Electric Cup™ 2024, ASEAN Club Championship Shopee Cup™ និង ASEAN U-23 Championship™ ជាដើម។ MSIG Serenity Cup™ មានកេរដំណែលតាំងពីឆ្នាំ 2004 ហើយបានឆ្លងកាត់១២សម័យកាលរួចមកហើយ ។
ក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលប្រជាប្រិយភាពនៃការប្រកួតកីឡានារីបានឈានចូលដល់ចំណុចកណ្តាលជាសាកល ទម្រង់លេងរបស់ក្រុមជម្រើសជាតិនារីអាស៊ានក៏មានការកើនឡើងជាលំដាប់នៅលើឆាកអន្តរជាតិ ដោយប្រទេសថៃបានចូលរួមក្នុងព្រឹត្តិការណ៍ FIFA Women’s World Cup នៅឆ្នាំ 2015 និង 2019 និងហ្វីលីពីន និងវៀតណាមនៅឆ្នាំ 2023។
ភាពជាដៃគូពានរង្វាន់របស់ MSIG បញ្ជាក់សារជាថ្មីអំពីជំហរ និងសារៈសំខាន់នៃការប្រកួតស្ត្រីកំពូលរបស់អាស៊ាន និងស្វែងរកការលើកកំពស់ការប្រកួតកីឡាស្ត្រីនៅទូទាំងតំបន់។
ក្រុមអាស៊ានទាំងប្រាំពីរ រួមមានក្រុមការពារតំណែងជើងឯកហ្វីលីពីន ម្ចាស់ជើងឯកបួនសម័យកាល ថៃ ម្ចាស់ជើងឯកបីសម័យកាល វៀតណាម និងកម្ពុជា ឥណ្ឌូនេស៊ី មីយ៉ាន់ម៉ា សិង្ហបុរី និងក្រុមបាល់ទាត់នារី FIFA Women’s World Cup 2023 វគ្គពាក់កណ្តាលផ្តាច់ព្រ័ត្រ អូស្ត្រាលី (ក៏ជាសមាជិក AFF) នឹងប្រកួតប្រជែងដណ្តើមយកជើងឯកស្ត្រីអាស៊ាន និងពានរង្វាន់ MSIG Serenity Cup™ ថ្មីដែលត្រូវបានដាក់បង្ហាញនៅថ្ងៃនេះផងដែរ។
នៅក្នុងអាស៊ាន MSIG ក៏មានវត្តមានតាមរយៈការបណ្តាក់ទុនរួមគ្នាផងដែរ ដូចជា BPI MS Insurance នៅប្រទេសហ្វីលីពីន KBZMS Insurance នៅប្រទេសមីយ៉ាន់ម៉ា និង MSIG Sokxay Insurance នៅប្រទេសឡាវ។
បណ្តាញរបស់ MSIG ក្នុងតំបន់ក៏រួមបញ្ចូលផងដែរនូវ MSIG Life ដែលពីមុនត្រូវបានគេស្គាល់ថា Sinarmas MSIG life ក្នុងប្រទេសឥណ្ឌូនេស៊ី។ ជារួម MSIG មានមោទនភាពក្នុងការរួមគ្នាគាំទ្រព្រឹត្តិការណ៍ជើងឯកឈានមុខគេរបស់អាស៊ាន ក្រោមការឧបត្ថម្ភនេះ ជើងឯកស្មារតីកីឡាបាល់ទាត់ និងជំរុញបាល់ទាត់នារី។
(English) ចាប់ពីរដូវក្តៅនេះតទៅ អ្នកចាំទីនឹងត្រូវបានអនុញ្ញាតឱ្យកាន់បាល់បានត្រឹមតែប្រាំបីវិនាទីប៉ុណ្ណោះ មុនពេលបោះវាចេញពីដៃ។ ការកំណត់រយៈពេលខ្លីបែបនេះគឺការប៉ុនប៉ងចុងក្រោយបំផុតដើម្បីកាត់បន្ថយការខ្ជះខ្ជាយពេលវេលាប្រកួត។ លទ្ធផលជាវិជ្ជមានក្នុងការសាកល្បងនៅទូទាំងប្រទេសអង់គ្លេស អ៊ីតាលី និងម៉ាល់តា បានជំរុញឱ្យអ្នកបង្កើតច្បាប់ប្រកួត ក្រុមប្រឹក្សាសមាគមបាល់ទាត់អន្តរជាតិ (Ifab) នឹងដាក់ឲ្យប្រេីប្រាស់សម្រាប់រដូវកាល២០២៥-២៦ ។
តើ Ifab និយាយអ្វីខ្លះអំពីការផ្លាស់ប្តូរច្បាប់? ក្នុងអំឡុងពេលសាកល្បង Ifab បាននិយាយថាមានតែបួនករណីប៉ុណ្ណោះដែលអ្នកចាំទីត្រូវបានពិន័យក្នុងការប្រកួតរាប់រយដង ទោះបីជាច្បាប់ត្រូវបានអនុវត្តយ៉ាងតឹងរ៉ឹងក៏ដោយ។ ច្បាប់បច្ចុប្បន្នចែងថាប្រសិនបើអ្នកចាំទីកាន់បាល់រយៈពេលប្រាំមួយវិនាទី នោះការទាត់ហ្វ្រីឃីកដោយប្រយោលត្រូវបានផ្តល់ជូនក្រុមប្រឆាំង។
នាយកបច្ចេកទេស Ifab និងជាអតីតអាជ្ញាកណ្តាល Premier League លោក David Elleray បានប្រាប់កាសែត The Times ថា ការផ្លាស់ប្តូរច្បាប់ល្អគឺជាកន្លែងដែលអ្នកមានឧបសគ្គខ្លាំងដែលមនុស្សគ្រប់គ្នាអនុវត្ត ហើយបន្ទាប់មកបញ្ហានឹងរលាយបាត់ទៅ។ ប្រសិនបើវាបង្កើនល្បឿនប្រកួត ប្រសិនបើវាកាន់តែវិជ្ជមាន វាមានន័យថាវាអាចរារាំងដ៏មានប្រសិទ្ធភាពបំផុតមួយ។
តើអាជ្ញាកណ្តាលនឹងដាក់ទោសយ៉ាងណា? អាជ្ញាកណ្តាលនឹងដាក់ពិន័យអ្នកចាំទីដែលកាន់បាល់លើសពី៨ វិនាទីដោយផ្តល់បាល់ជ្រុងដល់ក្រុមប្រឆាំង។ តើអាជ្ញាកណ្តាលនឹងបង្ហាញវាយ៉ាងណា? អ្នកចាំទីនឹងត្រូវបានព្រមានដោយអាជ្ញាកណ្តាល នៅពេលដែលពួកគេនៅសល់៥ វិនាទីទៀតដើម្បីបោះបាល់ចេញ។ អាជ្ញាកណ្តាលនឹងលើកដៃឡើង ហើយចាប់ផ្តើមរាប់ថយក្រោយ៕
ព័ត៌មានកីឡាជាតិ
(English) ការឈ្នះពានរង្វាន់ Premier League លឿនបំផុតត្រូវបានគណនាតាមរូបមន្តពីគឺឈ្នះតាមកាលបរិច្ឆេទលឿនបំផុតក្នុងប្រតិទិន ឬឈ្នះដោយការប្រកួតដែលនៅសល់។ យោងតាមរូបមន្តនេះ Manchester United គឺជាក្លិបមួយដែលឈ្នះពានរង្វាន់ខាងលើនេះលឿនជាងគេបំផុតក្នុងប្រវត្តិសាស្ត្រ គឺនៅថ្ងៃទី១៤ ខែមេសា ក្នុងរដូវកាល ២០០០-២០០១ ហើយបានកាន់កាប់កំណត់ត្រានេះរហូតមកដល់សព្វថ្ងៃជិតពីរទសវត្សរ៍។ នេះយោងតាមកំណត់ត្រារបស់ Premier League ដែលចេញផ្សាយដោយ Tribuna។
ចំណែកឯក្លិប Manchester City ឈរចំណាត់ថ្នាក់លេខ ២ ឈ្នះពាននៅថ្ងៃទី ១៥ មេសា ក្នុងរដូវកាល ២០១៧-១៨ខណៈនៅសល់៥ប្រកួតទៀត។ Liverpool កាន់កាប់កំណត់ត្រាចុងក្រោយនេះ ដោយទទួលបានជើងឯកឆ្នាំ ២០១៩-២០ បន្ទាប់ពីលេងបានត្រឹមតែ៣១ប្រកួតនៅសល់៧ប្រកួត ប៉ុន្តែពួកគេមិនអាចបំបែកកំណត់ត្រាក្លឹបManchester United បានទេ ដោយសារការពន្យារពេលនៃ COVID-19 បានរារាំងពួកគេពីការបង្កើតកំណត់ត្រាជាក្រុមដែលឈ្នះពានតាមកាលបរិច្ឆេទឆាប់បំផុត។
សម្រាប់ Liverpool ដើម្បីបំបែកកំណត់ត្រាផ្ទាល់ខ្លួនពួកគេនឹងត្រូវការលទ្ធផលដើម្បីឆ្ពោះទៅរកការឈ្នះពានជាមួយនឹងក្រុម Fulham នៅថ្ងៃទី ៥ឬ៦ខែមេសា បន្ទាប់ពីការប្រកួតចំនួន៣០ ។ ប្រសិនបើពួកគេតាមស្មើកំណត់ត្រាចាស់៣១ ប្រកួត ពួកគេអាចក្លាយជាជើងឯកនៅផ្ទះជាមួយ West Ham នៅថ្ងៃទី១២-១៣ ខែមេសា។ សេណារីយ៉ូណានេះនឹងជួយឲ្យក្រុមរបស់គេបំបែកកំណត់ត្រារបស់ Man United សម្រាប់ការឈ្នះពានរង្វាន់លឿនបំផុតតាមកាលបរិច្ឆេទក្នុងប្រវត្តិសាស្ត្រ Premier League ៕
(English) អតីតប្រធាន FIFA លោក Sepp Blatter បានមកដល់តុលាការប្រទេសស្វីស កាលពីថ្ងៃចន្ទ សម្រាប់ការកាត់ក្តីថ្មីរបស់គាត់ ពីបទចោទប្រកាន់ពុករលួយ ក្លែងបន្លំឯកសារ និងការប្រព្រឹត្តិមិនសមរម្យ។ ការកាត់ទោសនេះធ្វើឡើងរយៈពេលមួយសប្តាហ៍មុនខួបកំណីត៨៩ឆ្នាំរបស់គាត់។ លោក Sepp Blatter បានថ្លែងប្រាប់អ្នកាសែតថា ខ្ញុំសង្ឃឹមថានឹងទទួលបានយុត្តិធម។
Blatter បានមកដល់ ១០ នាទីមុនលោក Michel Platini ដែលអតីតជាប្រធាន UEFA និងអនុប្រធាន FIFA ។ Blatter និង Platini កំពុងប្រឈមមុខនឹងការកាត់ក្តីលើកទីពីរដែលមានរយៈពេលជិតបីឆ្នាំ បន្ទាប់ពីពួកគេត្រូវបានដោះលែងដោយចៅក្រមសហព័ន្ធបីនាក់។ ការចោទប្រកាន់នេះទាក់ទងនឹងការបង់ប្រាក់របស់ FIFA ដែលត្រូវបានអនុម័តដោយ Blatter ចំនួន ២,២១ លានដុល្លារ ទៅលោក Platini ។ ការកាត់ទោសលើកទីពីរត្រូវបានគេរំពឹងថានឹងមានរយៈពេលបួនថ្ងៃរហូតដល់ថ្ងៃព្រហស្បតិ៍។ សាលក្រមរបស់ចៅក្រមទាំងបីនឹងត្រូវប្រកាសនៅថ្ងៃទី ២៥ ខែមីនា។
Blatter និង Platini បានបដិសេធយ៉ាងការប្រព្រឹត្តខុស។ ពួកគេអះអាងថា ពួកគេមានកិច្ចព្រមព្រៀងដោយពាក្យសំដីមួយដើម្បីបង់ប្រាក់ឱ្យ Platini សម្រាប់ការងារមិនជាប់កិច្ចសន្យាដែលផ្តល់ប្រឹក្សាដល់លោក Blatter ក្នុងអំឡុងពេលអាណត្តិប្រធានាដំបូងរបស់គាត់ពីឆ្នាំ១៩៩៨ ដល់ឆ្នាំ២០០២ ។ព្រះរាជអាជ្ញាសហព័ន្ធបានស្នើសុំការកាត់ទោសរយៈពេល២០ ខែដោយព្យួររយៈពេល ២ ឆ្នាំ។ Blatter និង Platini ត្រូវបានលើកលែងទោសនៅខែកក្កដា ឆ្នាំ២០២២ បន្ទាប់ពីដើរដំណេីការកាត់ក្តី រយៈពេល១១ថ្ងៃនៅតុលាការព្រហ្មទណ្ឌសហព័ន្ធរបស់ប្រទេសស្វីសនៅទីក្រុង Bellinzona ៕
ប្រភព៖ AP
(English) ខ្សែប្រយុទ្ធ Vinicius Jr បាននិយាយថារូបគេ «ការរស់នៅក្នុងក្តីស្រម៉ៃ» នៅឯ Real Madrid ហើយចុះហត្ថលេខាលើកិច្ចសន្យាថ្មីជាមួយអ្នកកាន់ក្របខណ្ឌ Champions League ។ កិច្ចសន្យារបស់កីទ្បាករអន្តរជាតិប្រេស៊ីលវ័យ ២៤ ឆ្នាំរូបនេះនៅសល់ ២ ឆ្នាំទៀត ហើយត្រូវបានពាក្យចចាមអារ៉ាមថាជាគោលដៅផ្ទេរសម្រាប់ Saudi Pro League ។
«ខ្ញុំស្ងប់ស្ងាត់ណាស់ ព្រោះកុងត្រារបស់ខ្ញុំមានរហូតដល់ឆ្នាំ ២០២៧ ហើយខ្ញុំសង្ឃឹមថានឹងបន្តកុងត្រាថ្មីឱ្យបានឆាប់តាមដែលអាចធ្វើទៅបាន ព្រោះខ្ញុំសប្បាយចិត្តនៅទីនេះ» «ខ្ញុំកំពុងរស់នៅក្នុងសុបិន នៃការលេងជាមួយកីឡាករល្អបំផុតក្នុងពិភពលោក គ្រូបង្វឹកល្អបំផុត ប្រធានល្អបំផុត អ្នកគាំទ្រដ៏ល្អបំផុត។ នៅទីនេះគ្រប់គ្នាស្រលាញ់ខ្ញុំខ្លាំងណាស់។ ខ្ញុំមិនអាចនៅកន្លែងល្អជាងនេះទេ។» Vinicius បានចាកចេញពីក្លិប Flamengo ចូលរួមជាមួយនឹង Real Madrid ក្នុងឆ្នាំ ២០១៨ ហើយក៏ឈ្នះ La Liga ៣ ដង និងChampions League ២ ដងផងដែរ។
គួរបញ្ជាក់ថា Real Madrid ដែលជាក្រុមការពារតំណែងឯកជើងឯក UEFA Champions League នាថ្ងៃអង្គារ៍នេះ ដោយបើកទ្វារទទួលស្វាគមន៍ក្រុមមកពីទីក្រុមតែមួយគឺ Atletico Madrid ក្នុងជើងទី ១ វគ្គ ១៦ ក្រុមចុងក្រោយ ហើយ Vinicius ក៏នឹងចូលរួមការប្រកួតខាងលើនេះផងដែរ ជាមួយនឹង ១០២ គ្រាប់ក្នុងចំណោមបង្ហាញខ្លួនក្រុមចំនួន ៣០០ ដង៕
ប្រភព៖ BBC
(English) ខ្សែការពារ Nathan Ake របស់ក្លិប Manchester City នឹងត្រូវសម្រាកព្យាបាល បន្ទាប់ពីទទួលការវះកាត់របួសបាក់ឆ្អឹងប្រអប់ជើង។ កីទ្បាករអន្តរជាតិហុល្លង់វ័យ ៣០ ឆ្នាំលេងនៅពាក់កណ្តាលតង់ក្នុងការប្រកួត FA Cup កាលពីថ្ងៃសៅរ៍ទល់នឹងក្រុម Plymouth ជាមួយនឹងរបួសដែលរូបគេបាននិយាយថា៖ «វាបានរំខានខ្ញុំជាច្រើនខែ»។
Ake បានធ្វើការវះកាត់កាលពីថ្ងៃចន្ទ ហើយក្រោយមករូបគេក៏បានបង្ហោះរូបភាពរបស់ខ្លួនឯងនៅលើបណ្តាញសង្គម។ Ake ត្រូវបានដាក់កំហិតក្នុងការបង្ហាញខ្លួនចំនួន ១៨ លើកមកទល់ពេលនេះនៅរដូវកាលនេះដោយសារតែរបួសរយៈពេលខ្លីជាបន្តបន្ទាប់។ ខ្សែការពារ John Stones និង Manuel Akanji ក៏ខកខានការទទួលជ័យជម្នះជុំទីប្រាំកាលពីថ្ងៃសៅរ៍លើ Plymouth ដោយសាររបួសផងដែរ។
(English) លោក Benni McCarthy ត្រូវបានតែងតាំងជាគ្រូបង្វឹករបស់ក្រុមជម្រើសជាតិកេនយ៉ា ជាមួយនឹងកិច្ចសន្យារយៈពេល ២ ឆ្នាំ មានន័យថាលោកនឹងដឹកនាំក្រុមរហូតដល់ព្រឹត្តិការណ៍បាល់ទាត់ប្រចាំទ្វីបអាហ្រ្វិក Africa Cup of Nations ឆ្នាំ ២០២៧ ដែលជាការប្រកួតនឹងធ្វើឡើងនៅលើទឹកដីកំណើតនៅអាហ្វ្រិកខាងកើតដោយមានប្រទេសកេនយ៉ា តង់ហ្សានី និងអ៊ូហ្គង់ដាធ្វើជាម្ចាស់ផ្ទះរួមគ្នា។
បុរសសញ្ជាតិអាហ្វ្រិកខាងត្បូងវ័យ ៤៧ ឆ្នាំរូបនេះបានស្នងតំណែងពីគ្រូបង្វឹកបណ្នោះអាសន្ន លោក Francis Kimanzi ដែលទទួលបន្ទុកចាប់តាំងពីគ្រូបង្វឹកតួកគី លោក Engin Firat លាលែងពីដំណែងកាលពីចុងឆ្នាំមុន។ លោក Benni McCarthy នឹងទទួលបន្ទុកដឹកនាំក្រុមជម្រើសជាតិនុងនាមជាគ្រូបង្វឹក ដែលត្រូវប្រកួតជម្រុះ World Cup ក្នុងខែនេះនៅក្រៅផ្ទះក្នុងប្រទេសហ្គាំប៊ី និងក្នុងដីទល់នឹងហ្គាបុង។
បច្ចុប្បន្ន កេនយ៉ា ឈរនៅលេខរៀងទី៤ ក្នុងចំណោមក្រុមទាំង ៥ ក្នុងពូល F ដោយមាន ៥ ពិន្ទុក្នុងចំណោមប្រកួត ៤ ដែលតាមពីក្រោយក្រុមកំពូលកូតឌីវ័រ ៥ ពិន្ទុ ។ លោក Benni McCarthy ក៏ធ្លាប់ធ្វើជាក្រុមការងារគ្រូបង្វឹករបស់ក្លិប Manchester United ក្នុងឆ្នាំ ២០២២-២៤ ក្នុងគ្រាដែលលោក Erik Ten Hag បានកំពុងដឹកនាំក្រុម៕
(English) ខ្សែការពារកូដឆ្វេង Joao Cancelo របស់ក្លិប Al-Hilal នឹងអវត្តមាន ២ ខែដោយសាររបួសសរសៃពួរ។ នេះបើយោងតាមការបញ្ជាក់ពីម្ចាស់ជ់ើងឯក Saudi Pro League កាលពីថ្ងៃអាទិត្យ។ កីទ្បាករអន្តរជាតិព័រទុយហ្គាល់វ័យ ៣០ ឆ្នាំរូបនេះបានចូលរួមជាមួយនឹងក្លិប Al-Hilal ពី Manchester City កាលពីខែសីហា ឆ្នាំ២០២៤ ក៏នឹងអវត្តមានជួយក្រុមជម្រើសជាតិ លេងទល់នឹងដាណឺម៉ាក សម្រាប់ការប្រកួត Nations League នាវគ្គ ៨ ក្រុមចុងក្រោយ នៅថ្ងៃទី២៤ ខែមីនា ឆ្នាំ២០២៥ ខាងមុខនេះ។
អតីតកីទ្បាករ Juventus, Inter Milan, Manchester City, Bayern Munich និង Barcelona បានបញ្ជូនបាល់ឱ្យមិត្តរួមក្រុមបញ្ចប់ទីចំនួន ១១ ដង និងរកបាន ២ គ្រាប់ឱ្យ Al-Hilal ក្នុងចំណោម ៣១ ប្រកួតគ្រប់កម្មវិធី។
ក្រុមរបស់លោក Jorge Jesus ដែលឈរនៅលេខរៀងទី ២ ក្នុងតារាង Saudi Pro League ដោយមាន ៥១ ពិន្ទុតាមពីក្រោយក្រុម Al-Ittihad ចំនួន ៦ ពិន្ទុ នឹងជួបជាមួយ Pakhtakor របស់ Uzbekistan ក្នុងវគ្គ ១៦ ក្រុមចុងក្រោយនៃ AFC Champions League Elite នៅថ្ងៃអង្គារ៕
ប្រភព៖ CNA
