(English) ក្លិបយក្សម៉ាឡេស៊ី Johor Darul Ta’zim បានគ្រងជើងឯកលីគកំពូលម៉ាឡេស៊ី Malaysia Super League រដូវកាល ២០២៤-២៥ ជាលើកទី ១១ ជាប់ៗគ្នានៅក្នុងប្រវត្តសាស្រ្តរបស់ក្លិប ចាប់តាំងពីឆ្នាំ ២០១៤ មកម្ល៉េះ។

យ៉ាងណា ក្រុម JDT ត្រូវលេង ១ ប្រកួតទៀតក្នុងចំណោម ៤ ប្រកួតដែលនៅសល់ មានន័យពួកគេត្រូវការឈ្នះ ១ ប្រកួតទៀតប៉ុណ្ណោះ ដើម្បីធានាក្នុងការលើកពានរង្វាន់ខាងលើនេះ ខណៈដែលពួកគេក៏បាននាំមុខលើក្រុមលេខ ២ គឺ Selangor FC ចំនួន ១៦ ពិន្ទុផងដែរ។  ចាប់តាំងពីឆ្នាំ ២០១៣ មក Johor បានឈ្នះពានរង្វាន់ក្នុងស្រុកសំខាន់ៗ រួមទាំងពានរង្វាន់ AFC Cup ឆ្នាំ ២០១៥ ពោលគឺសរុបចំនួន ២៩ ពានរង្វាន់ឯណោះ។

គួរជម្រាបថា សម្រាប់ក្លិបយក្សម៉ាឡេស៊ីខាងលើ ក៏កំពុងត្រៀមខ្លួនក្នុងការប្រកួតទល់នឹង Buriram United (ថៃ) នៅក្នុងការប្រកួតវគ្គ ១៦ ក្រុមចុងក្រោយ នៃពានរង្វាន់លំដាប់ទី ១ របស់ទ្វីបអាស៊ី AFC Champions League Elite ឆ្នាំ២០២៤-២៥ ដោយជើងទី១ លេងនៅថៃ (ថ្ងៃទី០៤ ខែមីនា ឆ្នាំ២០២៥ Buriram Stadium ) និងជើងទី ២ នៅម៉ាឡេស៊ី (ថ្ងៃទី១១ ខែមីនា ឆ្នាំ២០២៥ Sultan Ibrahim Stadium)៕

ប្រភព៖ Ball Thai

(English) បន្ទាប់ពីស៊ុតបញ្ចូលទីបាន ១ គ្រាប់ជួយឱ្យក្លិប Liverpool យកឈ្នះ Manchester City ដោយលទ្ធផល ២-០ កាលពីរាត្រីថ្ងៃអាទិត្យ ខ្សែប្រយុទ្ធអន្តរជាតិអេហ្ស៊ីប Mo Salah បានបំបែកកំណត់ត្រាធំៗចំនួន៦។ តើកំណត់ត្រាទាំង៦មានអ្វីខ្លះ?

១- Salah គឺជាកីឡាករដំបូងគេក្នុងប្រវត្តិសាស្ត្រ Premier League ដែលស៊ុតបញ្ចូលទីបានជាង៤០គ្រាប់នៅក្នុងពីររដូវកាលផ្សេងគ្នា។

២- គាត់គឺជាកីឡាករដំបូងគេនៅទូទាំងលីគកំពូលទាំងប្រាំរបស់អឺរ៉ុបក្នុងឆ្នាំ ២០២៤-២៥ ដែលស៊ុតបញ្ចូលទី និងបញ្ចូនបាល់ឱ្យមិត្តរួមក្រុម (assists) បាន៥១ គ្រាប់នៅគ្រប់ការប្រកួតទាំងអស់ ក្នុងរដូវកាលនេះ។

៣- Salah ស៊ុតបញ្ចូលទី និងបញ្ជូនបាល់ឱ្យមិត្តរួមក្រុមនៅ Premier League បានចំនួន ១១ ប្រកួតក្នុងរដូវកាលនេះ ដែលជាចំនួនច្រើនបំផុតក្នុងរដូវកាលតែមួយនៅក្នុងលីគធំទាំង ៥ របស់អឺរ៉ុបចាប់តាំងពី Lionel Messi របស់ Barcelona ធ្វើបានក្នុង ២០១៤-១៥ ។

៤- កីឡាករសញ្ជាតិអេហ្ស៊ីបរូបនេះបានផ្តល់ជំនួយដល់មិត្តរួមក្រុមក្នុងឆ្នាំ ២០២៤-២៥ ច្រើនជាងកីឡាករ Liverpool ផ្សេងទៀតៗនៅក្នុងយុទ្ធនាការ Premier League តែមួយ។ អតីតខ្សែបម្រើជម្រើសជាតិអង់គ្លេស Steve McManaman បានរក្សាកំណត់ត្រា Assist ជាយូរមកហើយនៅ Anfield គឺចំនួន១៥ ដងក្នុងរដូវកាល ១៩៩៥-​៩៦​​ ប៉ុន្តែពេលនេះ Salah បញ្ជូនបាល់ ១៦ ដងច្រើនជាងកីឡាករ Liverpool ផ្សេងទៀតដែលមិនធ្លាប់មាននៅក្នុងប្រវត្តិសាស្ត្រ Premier League ។

៥- កីឡាករដំបូងគេក្នុងប្រវត្តិសាស្ត្រ Premier League ដែលអាចស៊ុតបញ្ចូលទី និងជួយ ( assist) មិត្តរួមក្រុម ក្នុងការប្រកួតទាំងពីរទល់នឹងក្រុមជើងឯក (Manchester City ) ក្នុងរដូវកាលតែមួយ។

៦- គាត់គឺជាកីឡាករ Premier League ទី ១ស៊ុតបញ្ចូលទីបាន២៥ គ្រាប់ និងបញ្ជូនបាល់បាន១៦ដង(គិតតែក្នុង Premier League)ខណៈនៅសល់១១ប្រកួតទៀត៕

(English) ក្លិប Tottenham Hotspur បានស្នើសុំឱ្យប្រព័ន្ធផ្សព្វផ្សាយទូទាំងពិភពលោកជាពិសេសនៅក្នុងក្របខណ្ឌ Premier League ឈប់ហៅក្លិបពួកគេថា Tottenham ផ្ទុយទៅវិញ​ត្រូវហៅថា ‘Spur’ ឬ ‘Tottenham Hotspur ។ នៅក្នុងលិខិតបំភ្លឺទាក់ទងនឹងឈ្មោះក្លិបពួកគេបានស្នើសុំឱ្យហៅឈ្មោះថា៖  «Tottenham Hotspur» ឬអាចហៅកាត់ខ្លីថា «Spurs» ហេីយបានបញ្ជាក់ថាឈប់​ហៅ​ Tottenham តទៅទៀត។ តើមូលហេតុអ្វីបានជាគេមិនឱ្យហៅ Tottenham?

យោងតាមរបាយការណ៍ក្លិបបានអះអាងថាភាពខុសគ្នារវាង Tottenham និង​ Tottenham Hotspor ឬ Spur នេះគឺគ្មានអ្វីថ្មីទេ ពីព្រោះក្លិបបានកំណត់តាំងពីឆ្នាំ ២០១១។ ពួកគេអះអាងថា Tottenham គឺជាឈ្មោះតំបន់មួយ មិនមែនជាឈ្មោះរបស់ក្លិបនោះទេ។ នៅក្នុងសំណើថ្មីៗនេះ ការពន្យល់របស់ក្លិបគឺសាមញ្ញ៖ Tottenham គឺជាឈ្មោះតំបន់ មិនមែនជាឈ្មោះរបស់ក្លិបនោះទេ៕

ប្រភព៖ ​​The Athletic

(English)

អ្នកចាំទីជម្រើសជាតិបែលហ្សិក Thibaut Courtois បាននិយាយថា៖ រូបគេអាចនឹងត្រូវជាប់ជម្រើសជាតិម្តងទៀត ហើយរូបគេក៏រំពឹងថានឹងត្រលប់មកកាន់ក្រុមនៅខែក្រោយនេះផងដែរ។ ក្រុមជម្រើសជាតិបែលហ្ស៊ិក ត្រូវប៉ះគ្នាជាមួយនឹងអ៊ុយក្រែន ក្នុងការប្រកួតជម្រុះ Nations League ចំនួន ២ ជើងនៅខែក្រោយ។  ជាការពិតណាស់ អ្នកចាំទីដៃទី ១ របស់ក្លិប Real Madrid វ័យ ៣២ ឆ្នាំរូបនេះធ្លាប់បដិសេធមិនលេងឱ្យក្រុមជម្រើសជាតិ ដែលស្ថិតនៅក្រោមការដឹកនាំរបស់លោក Domenico Tedesco ប៉ុន្តែឥទ្បូវនេះ លោក Tedesco ត្រូវបានបណ្តេញចេញពីក្រុម។ អ្វីកាន់តែច្បាស់ Thibaut Courtois នឹងត្រលប់មកលេងឱ្យក្រុមម្តងទៀត។

Thibaut Courtois បាននិយាយនៅផតឃែស្ថជាមួយអតីតកីឡាករជម្រើសជាតិអង់គ្លេស Rio Ferdinand ថា៖ «ខ្ញុំនឹកក្រុមជម្រើសជាតិ ប៉ុន្តែឥឡូវនេះខ្ញុំត្រៀមខ្លួនរួចរាល់ហើយ»។ Courtois ក៏បានពិភាក្សាជាមួយគ្រូបង្វឹកថ្មី លោក Rudi Garcia ដែលបាននិយាយកាលពីខែមុន គាត់ចង់ឱ្យ Courtois ត្រលប់មកវិញ បន្ទាប់ពីចាកចេញពីក្រុមដោយបង្ខំចិត្ត។  គួរបញ្ជាក់ថា Thibaut Courtois មិនបានលេងឱ្យក្រុមជម្រើសជាតិ ចាប់តាំងពីខែមិថុនា ឆ្នាំ២០២៣ បន្ទាប់ពីរូបគេត្រូវបានមើលរំលងដោយលោក Tedesco៕

ប្រភព៖ Reuters

(English) ក្រុមហង្សក្រហម Liverpool បានយកឈ្នះលើម្ចាស់ផ្ទះមេឃខៀវ Manchester City ០-២  សម្រាប់ការប្រកួតលីគកំពូលអង់គ្លេស English Premier League សប្តាហ៍ទី ២៦ រដូវកាល ២០២៤-២៥ កាលពីយប់មិញ។ ២ គ្រាប់របស់ក្រុម Liverpool ដឹកនាំដោយគ្រូបង្វឹក លោក Arne Slot រកបានដោយខ្សែប្រយុទ្ធ Mohamed Salah ១ គ្រាប់នៅនាទីទី ១៤ មុនពេលរូបគេបញ្ចូនបាល់ឱ្យ Dominik Szoboszlai រកបាន ១ គ្រាប់ទៀតនៅនាទីទី ៣៧ ក្នុងវគ្គទី ១ នៅឯកីទ្បដ្ឋាន Etihad  ដែលជាលទ្ធផលដូចគ្នាកាលជើងទី១ នៅកីឡដ្ឋាន Anfield សម្រាប់ការប្រកួតលីគកំពូលអង់គ្លេស English Premier League រដូវកាល ២០២៤-២៥។

លទ្ធផលបែបនេះបានធ្វើឱ្យម្ចាស់ជើងឯកលីគកំពូលអង់គ្លេស ១៩ សម័យកាល គឺ Liverpool នាំមុខ Arsenal ដែលជាក្រុមលេខ ២ រហូតដល់ចំនួន ១១ ពិន្ទុនៅ English Premier League បន្ទាប់ពីក្រុមដឹកនាំដោយលោក Mikel Arteta ភ្លាត់ចាញ់ញញួរធំ West Ham United ០-១ នៅក្នុងដី (Emirates Stadium) កាលពីរាត្រីថ្ងៃសៅរ៍។ ដូច្នេះហើយ មានន័យថា Liverpool កំពុងតែខិតជិតក្នុងការឈ្នះជើងឯកលីគកំពូលអង់គ្លេស English Premier League ជាលើកទី ២០ ស្របពេលពួកគេនៅសល់ ១២ ប្រកួតទៀត មុនពេលបញ្ចប់រដូវកាលនេះ ២០២៤-២៥។

សូមជម្រាបថា Liverpool បានខកខានក្នុងការឈ្នះជើងឯកលីគកំពូលអង់គ្លេស English Premier League ចំនួន ៤ ឆ្នាំហើយ បន្ទាប់ពីពួកគេឈ្នះជើងឯកពានធំនេះចុងក្រោយកាលឆ្នាំ ២០២០ ខណៈដែល Manchester City ជាក្រុមឈ្នះជើងឯក ៤ សម័យកាលជាប់ៗ៕

(English) ចំពោះកាតក្រហមយប់មិញ នឹងធ្វើឱ្យខ្សែប្រយុទ្ធ Antony អវត្តមានក្នុងការប្រកួតទល់នឹងក្រុម Real Madrid។ ក្នុងការប្រកួតទល់នឹងក្រុម Gatafe យប់មិញ កីទ្បាករអន្តរជាតិប្រេស៊ីលវ័យ ២៥ ឆ្នាំរូបនេះត្រូវបានអាជ្ញាកណ្តាលផ្តល់នូវកាតក្រហមភ្លាមៗនៅនាទី ៩០+៤ បន្ទាប់ពីរូបគេបានបង្កកំហុសលើខ្សែការពារកូដស្តាំ Juan Iglesias របស់ក្លិប Gatafe ពីការស្លាយជើងខាងក្រោយ។

បញ្ហាខាងលើនេះ Antony ត្រូវអវត្តមានក្នុងការប្រកួតទល់នឹងក្រុម Real Madrid សម្រាប់ការប្រកួត La Liga នាថ្ងៃសៅរ៍ទី០១ ខែមីនា ឆ្នាំ២០២៥ ខាងមុខនេះ។ នៅក្នុងជំនួបខាងលើនេះ Real Betis បានយកឈ្នះលើ Gatafe ១-២ ដោយ Antony បានបញ្ចូនបាល់ឱ្យ Isco រកបាន ១ គ្រាប់នៅនាទីទី ១៨ មុនពេល Isco រកបានគ្រាប់បាល់ទី ២ ឱ្យ Real Betis ដោយការទាត់បាល់ពិន័យ ១១ ម៉ែត្រនៅនាទីទី ៧៧ មុនពេល Borja Mayoral រកបាន ១ គ្រាប់ឱ្យ Gatafe នៅនាទីទី ៨២ ផងដែរ។

សូមជម្រាបថា Antony ចាប់តាំងពីចូលរួមជាមួយនឹងក្លិប Real Betis ក្នុងលក្ខខណ្ឌខ្ចីជើងពី Manchester United ក្នុងខែមករា ឆ្នាំ២០២៥ មករូបគេបានបង្ហាញខ្លួនឱ្យក្រុមចំនួន ៦ ប្រកួត ក៏ដូចជារកបាន ៣ គ្រាប់ និងបញ្ចូនបាល់ឱ្យមិត្តរួមក្រុមបញ្ចប់ទីចំនួន ២ លើក៕

(English) សហព័ន្ធកីទ្បាបាល់ទាត់ឥណ្ឌូនេស៊ី PSSI បានបណ្តេញលោក Indra Sjafri ចេញពីតំណែងជាគ្រូបង្វឹកកម្រិតយុវជនអាយុក្រោម ២០ ឆ្នាំរបស់ក្រុមជម្រើសជាតិ បន្ទាប់ពីដឹកនាំក្រុមធ្លាក់ចេញពីប្រកួតពានរង្វាន់ AFC U-20 Asian Cup ឆ្នាំ ២០២៥ នៅទីក្រុង Shenzhen ប្រទេសចិន។

បុរសសញ្ជាតិឥណ្ឌូនេស៊ីវ័យ ៦២ ឆ្នាំរូបនេះធ្លាប់បញ្ជាក់ពីឆន្ទៈ​ក្នុង​ការ​ទទួល​ខុស​ត្រូវ​ចំពោះ​ការ​បរាជ័យ​របស់​ក្រុម​ក្នុង​ការ​ប្រកួត​ជម្រុះ U-20 World Cup។ ឥឡូវនេះ PSSI ក៏បានធ្វើការសម្រេចចិត្តដើម្បីផ្លាស់ទីក្នុងទិសដៅថ្មីមួយ។ សូមរំលឹកថា លោក Indra Sjafri បានដឹកនាំក្រុមជម្រើសជាតិឥណ្ឌូនេស៊ីកម្រិតយុវជនអាយុក្រោម ២២ ឆ្នាំ ដណ្តើមបានមេដាយមាសក្នុងព្រឹត្តិការណ៍កីឡាស៊ីហ្គេមលើកទី៣២ នៅកម្ពុជា ឆ្នាំ២០២៣ ក្នុងវិញ្ញាសារបាល់ទាត់ផ្នែកបុរស បន្ទាប់ពីយកឈ្នះលើថៃទាំងចម្រូងចម្រាស ៥-២ ក្នុងវគ្គផ្តាច់ព្រ័ត្រ៕

(English)

អ្នកចាត់ការរបស់ក្លិបអធិរាជ-ស Real Madrid គឺលោក Carlo Ancelotti បានសរសើរដល់ខ្សែប្រយុទ្ធ Kylian Mbappe បន្ទាប់ពីរូបគេរកបាន Hat-Trick ទម្លាក់ Manchester City ចេញពីក្របខណ្ឌ UEFA Champions League សម្រាប់ការប្រកួតជើងទី ២ វគ្គ Play-Off ទ្បើងទៅវគ្គ ១៦ ក្រុមចុងក្រោយ។ Real Madrid បានយកឈ្នះលើ Manchester City នៅជើងទី ២ ក្នុងលទ្ធផល ៣-១ ខណៈដែលជើងទី ១ ក្នុងលទ្ធផល ២-៣ មានន័យថាសរុបទាំងពីរជើងគឺ ៦-៣។

យ៉ាងណា បន្ទាប់ពីរកបាន Hat-Trick សម្រាប់ការប្រកួតខាងលើនេះ លោក Carlo Ancelotti បានថ្លៃងប្រាប់នៅក្នុងសន្និសីទសារព័ត៌មាន ក្រោយពីបញ្ចប់ការប្រកួតថា៖ Mbappe មានសក្ដានុពលក្នុងការឈានទៅដល់កម្រិតដូចគ្នានឹង Cristiano Ronaldo ដែលជាអ្នកស៊ុតបញ្ចូលទីច្រើនជាងគេរបស់ក្រុមរហូតដល់ ៤៥១ គ្រាប់ក្នុងការបង្ហាញខ្លួនចំនួន ៤៣៨ ប្រកួតសម្រាប់ក្រុមឈ្នះពានរង្វាន់ Champions League ចំនួន ១៥ ដង។ «គ្រប់គ្នាបានរង់ចាំការស៊ុតបញ្ចូលទី Hat-Trick របស់រូបគេ ហើយទីបំផុតវា​បាន​មក​ដល់​ហើយ។ ប៉ុន្តែ Mbappe មិន​មែន​តែ​ម្នាក់​នោះ​ទេ យើង​មាន​កីឡាករ​ជា​ច្រើន​ដែល​ធ្វើ​ឱ្យ​មាន​ការ​ផ្លាស់​ប្តូរ។ ហើយ​ពួកគេ​ធ្វើ​ឱ្យ​មាន​ភាព​ខុស​គ្នា​ជាមួយ​នឹង​ការងារ​រួម​របស់​ពួកគេ​លើស​ពី​គុណភាព​បុគ្គល​របស់​ពួកគេ​ដែល​គួរ​ឱ្យ​កត់សម្គាល់»។

កីទ្បាករអន្តរជាតិបារាំងវ័យ ២៦ ឆ្នាំរូបនេះរកបាន ២៥៦ គ្រាប់ក្នុងការបង្ហាញខ្លួន ៣០៨ ប្រកួតឱ្យក្រុម Paris Saint Germain រយៈពេលជាង ៦ ឆ្នាំ បាននិយាយថា៖ រូបគេមិនខ្វល់អំពីការក្លាយជាអ្នកស៊ុតបញ្ចូលទីច្រើនជាគេទេ ប្រសិនបើមិនទាន់ឈ្នះពានរង្វាន់»។ គួរបញ្ជាក់ថា ក្រុមការពារតំណែងជើងឯក Real Madrid បើមិនប៉ះ Bayer Leverkusen ក៏ Atletico Madrid  សម្រាប់ការប្រកួតវគ្គ ១៦ ក្រុមចុងក្រោយ ពីព្រោះវាអាស្រ័យការចាប់ឆ្នោត នាថ្ងៃសុក្រទី២១ ខែកុម្ភៈ ឆ្នាំ២០២៥ ខាងមុខនេះ ខណៈដែលពួកគេក៏សម្លឹងមើលក្នុងការឈ្នះពានរង្វាន់ខាងលើនេះជាលើកទី ១៦ ក្នុងប្រវត្តិសាស្រ្តផងដែរ៕

ប្រភព៖ Reuter

(English) ខ្សែបម្រើរបស់ក្លិបអធិរាជស-រ Real Madrid គឺ Jude Bellingham ត្រូវបានពិន័យ ២ ប្រកួតនៅ La Liga បន្ទាប់ពីរូបគេទទួលបានក្រហម អំទ្បុងពេលក្រុមប្រកួតស្មើគ្នាជាមួយនឹង Osasuna សម្រាប់ការប្រកួតលីគ កាលថ្ងៃសៅរ៍មុន។  កីទ្បាករអន្តរជាតិអង់គ្លេសវ័យ ២១ ឆ្នាំរូបនេះត្រូវបានបណ្តេញចេញពីទីលាននៅក្នុងនាទីទី ៣៩ សម្រាប់ការពន័យ និងប្រើប្រាស់ពាក្យមិនសមរម្យទៅកាន់អាជ្ញាកណ្តាលកាត់សេចក្តី លោក Jose Luis Munuera Montero។

កាលពីថ្ងៃអង្គារ៍ សហព័ន្ធកីទ្បាបាល់ទាត់អេស្ប៉ាញ (RFEF)  បានថ្កោលទោសការបំពាន “គួរឱ្យស្អប់ខ្ពើម” Montero បានទទួលតាំងពីពេលនោះមក។

បន្ថែមពីនេះ គណៈកម្មាធិការវិន័យរបស់ RFEF បានសម្រេចកាលពីថ្ងៃពុធថា Bellingham គួរតែត្រូវបានដាក់ទណ្ឌកម្មចំពោះអ្វីដែលខ្លួនបាននិយាយថាជា “អាកប្បកិរិយានៃការមើលងាយ ឬខ្វះការពិចារណាចំពោះអាជ្ញាកណ្តាល។ ដូច្នេហើយ មានន័យថា Jude Bellingham នឹងត្រូវអវត្តមាន សម្រាប់ការប្រកួតនៅ La Liga ដោយក្រុម Real Madrid ប៉ះគ្នាជាមួយ Girona និង Real Betis ជាដើម។

អតីតកីទ្បាកររបស់ក្លិប Birmingham City បានអះអាងថា៖ «ភាសារបស់រូបគេត្រូវបានយល់ខុសដោយអាជ្ញាកណ្តាល លោក Montero ។ ដោយបន្ថែមទៀតថា« មិនមានចេតនាប្រមាថរូបលោកទេ»។  Real Madrid បានថ្លៃងប្រាប់សារព័ត៌មាន Reuters ថាក្លិបនឹងប្តឹងឧទ្ធរណ៍ប្រឆាំងនឹងការព្យួរខាងលើនេះ។

Real Madrid ត្រូវប៉ះគ្នាជាមួយនឹង Real Sociedad នាវគ្គ ៤ ក្រុមចុងក្រោយ នៃពានក្នុងពានរង្វាន់ Copa del Rey ក្នុងជើងទី ១ នាចុងសប្តាហ៍ក្រោយ មុនពេល Jude Bellingham នឹងត្រូវបានអនុញ្ញាតឱ្យវិលត្រឡប់ទៅកាន់ការប្រកួតលីគទល់ Rayo Vallecano នាថ្ងៃទី០៩ ខែមីនា ឆ្នាំ២០២៥។  សូមជម្រាបថា ក្រុមការពារតំណែងជើងឯក La Liga គឺ Real Madrid គឺមិនស្គាល់ឈ្នះសោះក្នុងការប្រកួតលីគចំនួន ៣ ចុងក្រោយពួកគេ៕

ប្រភព៖ BBC