ព័ត៌មានកីឡាអន្តរជាតិ
(English) នៅក្នុងកិច្ចសម្ភាសន៍ជាមួយសារព័ត៌មាន El Mundo បន្ទាប់ពីយល់ព្រមបន្តកុងត្រាថ្មីរយៈពេល ២ឆ្នាំជាមួយក្លិបបាល់ទាត់អារ៉ាប៊ីសាអ៊ូឌីត Al-Nassr រហូតដល់ឆ្នាំ ២០២៧ ខ្សែប្រយុទ្ធ Ronaldo បានបញ្ជាក់ថា កៅអីគ្រូបង្វឹកមិនមាននៅក្នុងផែនការរបស់ខ្ញុំទេ។ កីឡាករវ័យ ៤០ ឆ្នាំបានច្រានចោលការផ្លាស់ប្តូរណាមួយពីកីឡករទៅជាគ្រូបង្វឹកដោយនិយាយថា ធ្វើជាគ្រូបង្វឹក? ខ្ញុំអាចប្រាប់អ្នកឥឡូវនេះថាខ្ញុំនឹងមិនក្លាយជាគ្រូបង្វឹកទេ។ដាច់ខាតគឺមិនអាចទេ។ តំណែងនេះវាមិនដែលមាននៅក្នុងផែនការរបស់ខ្ញុំ ទោះក្នុងរយៈពេល៥ឆ្នាំ១០ ឆ្នាំ ឬ២០ ឆ្នាំខាងមុខ។
អតីតខ្សែប្រយុទ្ធ Real Madrid និង Manchester United ដែលស៊ុតបញ្ចូលទីបានជាង ៩៣០ គ្រាប់ក្នុងអាជីពរបស់គាត់ កំពុងផ្តោតអារម្មណ៍របស់គាត់ទៅលើក្លិប និងប្រទេសសម្រាប់រដូវកាលខាងមុខនេះ ជាមួយនឹងចក្ខុវិស័យរបស់គាត់ស៊ុតបាល់ឲ្យបាន ១០០០ គ្រាប់ និងសម្រាប់ការប្រកួតបាល់ទាត់ពិភពលោកឆ្នាំ២០២៦ នៅអាមេរិកខាងជើង។
ជាមួយគ្នានេះដែរ Cristiano Ronaldo បានបញ្ជាក់ជាថ្មីពីការប្តេជ្ញាចិត្តរបស់គាត់ចំពោះប្រទេសអារ៉ាប៊ីសាអូឌីត។ វីរបុរសសញ្ជាតិព័រទុយហ្គាល់រូបនេះបានពន្យល់ថា៖ «ខ្ញុំមកទីនេះមិនត្រឹមតែមកលេងបាល់នោះទេ។ ខ្ញុំមកទីនេះដើម្បីការផ្លាស់ប្តូរប្រទេស និងវប្បធម៌… ខ្ញុំជាផ្នែកមួយនៃដំណើរការនោះ ។ដូចដែលខ្ញុំនិយាយ ខ្ញុំជារបស់ប្រទេសអារ៉ាប៊ីសាអូឌីត។ ខ្ញុំជាជនជាតិព័រទុយហ្គាល់ ប៉ុន្តែខ្ញុំជារបស់អារ៉ាប៊ីសាអូឌីត៕
(English)
យោងតាមការចុះផ្សាយរបស់សារព័ត៌មាន BBC បានឱ្យដឹងថាខ្សែបម្រើសញ្ជាតិអាហ្សង់ទីន Camilo Nuin បានបាត់បង់ជីវិត អំទ្បុងពេលធ្វើការវះកាត់ជង្គង់។ កីទ្បាករវ័យ ១៨ ឆ្នាំរូបនេះគឺលេងឱ្យក្រុម San Telmo ក្នុងក្របខណ្ឌលិគទី ២ របស់ប្រទេសអាហ្សង់ទីន ចាប់តាំងពីឆ្នាំ ២០២២ មកម្ល៉េះ បន្ទាប់ពីរូបគេប្រកបអាជីពបាល់ទាត់នៅក្នុងក្រុមថ្នាលយុវជន Boca Juniors និង Independiente។ យ៉ាងណា មូលហេតុ នៃការស្លាប់នៅមិនទាន់ត្រូវបានគេដឹងនៅឡើយទេ។
នៅក្នុងសេចក្តីថ្លៃងការណ៍របស់ AFA បានបញ្ជាក់ថាសមាគមបាល់ទាត់អាហ្សង់ទីន តាមរយៈប្រធានរបស់ខ្លួន Claudio Tapia និងគណៈកម្មាធិការប្រតិបត្តិ សូមសម្តែងនូវទុក្ខសោកចំពោះការស្លាប់របស់ Camilo Nuin និងចូលរួមរំលែកទុក្ខដល់គ្រួសាររបស់កីឡាករ៕
ប្រភព៖ BBC
(English) លោកយាយអ្នកគាំទ្របាល់ទាត់វ័យ ៩៨ ឆ្នាំម្នាក់បានសុំខ្សែប្រយុទ្ធអាហ្សង់ទីន Messi រៀបការ។ Lionel Messi បានទទួលសំណើពិសេសមួយពីអ្នកគាំទ្រ មុនពេលការប្រកួតរវាង Inter Miami ទល់នឹង Palmeiras ក្នុងការប្រកួត Club World Cup ឆ្នាំ ២០២៥។ នៅក្នុងវីដេអូមួយដែលបានចែករំលែកនៅលើបណ្តាញសង្គម Instagram ដោយពិធីករកម្មវិធីទូរទស្សន៍ DAZN គេបានឃេីញលោកយាយម្នាក់ឈរកាន់បដាមុនពេលការប្រកួត ដែលមានសរសេរអក្សរអង់គ្លេសថា “Messi, Will you marry me ដែលមានន័យថា Messi តើអ្នកនឹងរៀបការជាមួយខ្ញុំបានទេ?
លោកយាយត្រូវបានអ្នកគាំទ្រត្រូវបានកំណត់អត្តសញ្ញាណច្បាស់គឺមានឈ្មោះថា Pauline Kana វ័យ៩៨ឆ្នាំដែលតែងតែបង្ហាញខ្លឹមសារកំប្លែងនៅក្នុងមាតិកា(Contenត)របស់ចៅប្រុស Ross Smith ជាពិសេសនៅក្នុងព្រឹត្តិការណ៍កីឡាធំៗ រួមទាំង NFL និង WWE ។ សារសុំស្នេហ៍ខុសវ័យដ៏កម្សត់នោះបានទាក់ទាញប្រតិកម្មពីអ្នកគាំទ្រដែលយល់ឃើញថាវាគួរឱ្យអស់សំណើច។ អ្នកគាំទ្របានបញ្ចេញយោបល់ប្រតិកម្មតបទៅនឹងសាររបស់លោកយាយថា លោកយាយគួរតែយកនំខួបកំណើតឲ្យកូនប្រុស Messi ជំនួសឲ្យការសុំរៀបការ។ ចំណែកឯម្នាក់ទៀតបានបញ្ចេញមតិថា លោកយាយគួរតែត្រឡប់ថយក្រោយ៥០ឆ្នាំវិញ៕
(English) ខ្សែបម្រើ Paul Pogba គ្រោងនឹងបញ្ចប់ការបំពេញឯកសារការផ្ទេរទៅក្លិប AS Monaco របស់ប្រទេសបារាំង នៅក្នុងសប្តាហ៍នេះ បន្ទាប់ពីរួចផុតបម្រាមដកបញ្ឈរជើង លើករណីពាក់ព័ន្ធនឹងការប្រើប្រាស់សារធាតុហាមឃាត់។ .
ប្រភពសារព័ត៌មាន BBC បានចេញផ្សាយនៅក្នុងខែនេះថាកីទ្បាករសញ្ជាតិបារាំងវ័យ ៣៣ ឆ្នាំរូបនេះបានឈានដល់ចរចាគ្នាលើកិច្ចសន្យារយៈពេល ២ ឆ្នាំជាមួយនឹងក្លិបស្ថិតនៅ Ligue 1 មួយនេះហើយ ដោយរង់ចាំតែពិនិត្យសុខភាពប៉ុណ្ណោះ មុនពេលចុះកិច្ចសន្យាផ្លូវការតែប៉ុណ្ណោះ។
អតីតខ្សែបម្រើ Manachester United និង Juventus ត្រូវបានពិន័យលើករណីខាងលើនេះត្រូវបានរងពិន័យ ៤ឆ្នាំ និងក្រោយមកកាត់មកនៅត្រឹម ១៨ខែវិញ បន្ទាប់ពីប្តឹងជំទាស់ទទួលបានជោគជ័យ។ គួរជម្រាបថា Paul Pogba ត្រូវបានរួចផុតបម្រាមដកបញ្ឈរជើង លើករណីពាក់ព័ន្ធនឹងការប្រើប្រាស់សារធាតុហាមឃាត់ ចាប់តាំងពីខែមីនា ឆ្នាំ២០២៥ ហើយរូបគេក៏ទំនេរពីបាល់ទាត់ផងដែរ បន្ទាប់ពីកិច្ចសន្យារបស់រូបគេត្រូវបានក្លិប Juventus រំសាយចោល៕
(English) Neymar Jr បានព្រមព្រៀងតកុងត្រាថ្មីជាមួយនឹងក្លិប Santos ដែលរូបគេលេងតាំងពីក្មេងរយៈពេល ៦ ខែបន្ថែមទៀត ពោលគឺមានសុពភាពរហូតដល់ខែធ្នូ ឆ្នាំ២០២៥។ កីទ្បាករអន្តរជាតិប្រេស៊ីលវ័យ ៣៣ ឆ្នាំរូបនេះបានត្រលប់មកលេងឱ្យក្លិបប្រេស៊ីលវិញ ក្នុងកិច្ចសន្យារយៈពេល ៦ ខែចាប់ពីខែមករា ឆ្នាំ២០២៥ មកម្ល៉េះ បន្ទាប់ពីរូបគេត្រូវបានក្លិប Al-Hilal បញ្ចប់កិច្ចសន្យា។
Neymar រកបាន ១៤១ គ្រាប់ និងបញ្ជូនបាល់ឱ្យមិត្តរួមក្រុម ៦៩ ដង ក្នុងការបង្ហាញខ្លួនឱ្យក្រុម Santos ចំនួន ២៤៣ ប្រកួត។ គួររំឹលកថា Neymar Jr បានចាប់ផ្តើមប្រកបអាជីពបាល់ទាត់មុនគេ គឺលេងឱ្យក្លិប Santos (លីគកំពូលប្រេស៊ីល Serie A) មុនពេលផ្លាស់ទៅលេងនៅដែនដីអឺរ៉ុប ក្នុងក្លិប FC Barcelona របស់ប្រទេសអេស្ប៉ាញ និង Paris Saint Germain របស់ប្រទេសបារាំង៕
(English) នាង Antonella ជាប់ចំណាត់ថ្នាក់ទី៥ជារបស់ប្រពន្ធកីឡាករដែលមានជាងគេ។នាងគឺជាភរិយារបស់ខ្សែប្រយុទ្ធ Messi ដែលត្រូវបានគេប៉ានស្មានថាមានទ្រព្យសម្បត្តិជាង ២០ លានដុល្លារ។ ប្រភពចំណូលភរិយារបស់ Messi បានមកពីការលក់រាយម៉ូដសម្លៀកបំពាក់ កិច្ចព្រមព្រៀង ការឧបត្ថម្ភ និងការផ្សាយពាណិជ្ជកម្ម។ នាងធ្វើអាជីវកម្មនៅអាហ្សង់ទីន និង Barcelona ប៉ុន្តែផ្លាស់ទៅជាមួយប្តីរបស់នាង នៅពេលដែលគាត់ផ្លាស់ប្តូរក្លឹប។នាងបានធ្វើបែបនោះពីរដងក្នុងរយៈពេលប្រាំឆ្នាំចុងក្រោយនេះ។
ចំណែកភរិយារបស់លោកបេកខាំនាង Victoria Beckham ឈរកំពូលតារាងភរិយាកីឡាករដែលមានជាងគេបំផុតគឺ៧០លានដុល្លារ។ទ្រព្យសម្បតិ្តទាំងនេះបានមកពី ហាងលក់សម្លៀកបំពាក់ គ្រឿងសម្អាង អចលនទ្រព្យ និងកិច្ចព្រមព្រៀង។ចំណាត់ថ្នាក់ទី២ ភរិយារបស់ខ្សែប្រយុទ្ធ ប៉ូឡូញ Lewandowska នាង Anna Lewandowski ៦៣លានដុល្លារ។ទី៣ ប្រពន្ធSergio Ramos នាង Pilar Rubio ៥៩លានដុល្លារនិងទី៤ ប្រពន្ធរបស់កីឡាករAndre Gray ក្លឹបWatford ២៥លានដុល្លារ៕
ប្រភព៖ Legit.ng
ព័ត៌មានកីឡាអាស៊ី
(English) សហព័ន្ធកីទ្បាបាល់ទាត់អាស៊ី (AFC) បានពិន័យសមាគមបាល់ទាត់ចិន (CFA) និងជំនួយការគ្រូបង្វឹកជម្រើសជាតិចិនកម្រិតអាយុក្រោម ២០ ឆ្នាំពីបទលួចថតវីដេអូហ្វឹកហាត់របស់ក្រុមដែលជាគូប្រកួតក្នុងព្រឹត្តិការណ៍ AFC U-20 Championship ឆ្នាំ២០២៥ ដែលចិនធ្វើជាម្ចាស់ផ្ទះ កាលពីខែកុម្ភៈ កន្លងទៅ។
លោក Slobodan Ristic ដែលជាជំនួយការរបស់គ្រូបង្វឹកក្រុមជម្រើសជាតិអាយុក្រោម ២០ ឆ្នាំដែលទទួលបន្ទុកវិភាគការប្រកួតរបស់ក្រុម “Dragon U20” ត្រូវបានគេចាប់បានថតសកម្មភាពរបស់ក្រុមដែលជាគូប្រកួតដោយគ្មានការអនុញ្ញាត ដោយចាត់ទុកថាជាការបំពានច្បាប់យុត្តិធម៌របស់ AFC។ លទ្ធផលនេះបានធ្វើឱ្យ AFC បានពិន័យសមាគមបាល់ទាត់ចិន និងជំនួយការគ្រូបង្វឹក លោក Slobodan Ristic សរុបចំនួន ៧ ពាន់ដុល្លារ។ សមាគមបាល់ទាត់ចិនត្រូវបានពិន័យជាប្រាក់ចំនួន ៥ ពាន់ដុល្លារ និងលោក Slobodan Ristic ត្រូវបានពិន័យជាប្រាក់ចំនួន ២ ពាន់ដុល្លារ។
នៅក្នុងព្រឹត្តិការណ៍ខាងលើនេះ ក្រុមជម្រើសជាតិចិនកម្រិតអាយុក្រោម ២០ ឆ្នាំ ត្រូវបានធ្លាក់ចេញពីវគ្គ ៨ ក្រុមចុងក្រោយ បន្ទាប់ពីប្រកួតចាញ់អារ៉ាប៊ីសាអូឌីត ១-០។ សូមជម្រាបថា ជុំវិញការដាក់ទណ្ឌកម្មនេះបានកើតឡើង បន្ទាប់ពីការប្រកួត ដោយ AFC បាននិយាយថា វាជាការក្រើនរំលឹកដល់ក្រុមជម្រើសជាតិ និងសមាគមកីឡាបាល់ទាត់ទាំងអស់ឱ្យប្រកាន់ខ្ជាប់នូវក្រមសីលធម៌ និងតម្លាភាពក្នុងការប្រកួតតាមទ្វីប៕
ប្រភព៖ Ballthai
(English) សមាគមបាល់ទាត់សិង្ហបុរី FAS បានប្រកាសថា៖ លោក Tsutomu Ogura បានលាលែងពីតំណែងជាគ្រូបង្វឹករបស់ក្រុមជម្រើសជាតិសិង្ហបុរី ដោយសារហេតុផលផ្ទាល់ខ្លួន។ បុរសសញ្ជាតិជប៉ុនវ័យ ៥៨ ឆ្នាំរូបនេះបានកាន់តំណែងជាគ្រូបង្វឹករបស់ក្រុមជម្រើសជាតិសិង្ហបុរី ចាប់តាំងពីខែកុម្ភៈ ឆ្នាំ២០២៤ មកម្ល៉េះ ដោយដឹកនាំក្រុម ១៦ ប្រកួត ឈ្នះ ៥ ស្មើ ៣ ចាញ់ ៨ និងរបូតគ្រាប់បាល់ ៣៤ ដង មុនពេលសម្រេចចិត្តលាលែងពីតំណែងពីក្រុមជម្រើសជាតិ។
គួរជម្រាបថា បន្ទាប់ពីលោក Tsutomu Ogura ចាកចេញពី សមាគមបាល់ទាត់សិង្ហបុរី FAS បានតែងតាំងលោក Gavin Lee មានវ័យ ៣៤ ឆ្នាំដែលជាអតីតគ្រូបង្វឹករបស់ក្លិប BG Tampines Rovers និងជំនួយការគ្រូបង្វឹកក្នុងក្រុមជម្រើសជាតិសិង្ហបុរី ជាបណ្ដោះអាសន្នសិន ខណៈដែលការស្វែងរកគ្រូបង្វឹកថ្មីនៅតែបន្ត៕
(English) ក្លិប Tottenham Hotspur បានយល់ព្រមលើកិច្ចព្រមព្រៀងតម្លៃ ៥ លានផោនដើម្បីចុះហត្ថលេខាលើកីឡាករអន្តរជាតិជប៉ុន Kota Takai ពី Kawasaki Frontale។ ខ្សែការពារកណ្តាលវ័យ ២០ ឆ្នាំត្រូវបានគេរំពឹងថានឹងមកដល់ក្លិបនៅខែក្រោយ ហើយនឹងជាផ្នែកមួយស្ថិតក្នុងជម្រើសដំបូងរបស់លោក Thomas Frank ផងដែរ។
Kota Takai ទើបតែបានចូលលេងក្នុងឈុតធំ សាម៉ូរៃខៀវជប៉ុន ចំនួន ២ ប្រកួតប៉ុណ្ណោះ ក្នុងការប្រកួតជម្រុះ World Cup ឆ្នាំ២០២៦ ប្រចាំតំបន់អាស៊ី ដែលត្រូវលេងជាមួយនឹងក្រុមជម្រើសជាតិចិន កាលពីខែសីហា ឆ្នាំ២០២៤ មកម្ល៉េះ។ គួរជម្រាបថា Takai បានដើរតួយ៉ាងសំខាន់ក្នុងក្រុម Kawasaki Frontale ដែលរួមចំណែកជួយក្រុមឈ្នះជើងឯក Japanese Super Cup កាលឆ្នាំ ២០២៤ ជាពេលរូបគេត្រូវបានបោះឆ្នោតជាប់ជាកីឡាករវ័យក្មេងល្អបំផុតរបស់ប្រទេសនៅឆ្នាំនោះផងដែរ ក្នុងនាមជាកីទ្បារបស់ជប៉ុន៕
