ព័ត៌មានកីឡាជាតិ
(English)
ខ្សែការពារ Manuel Akanji របស់ក្លិបមេឃខៀវ Manchester City នឹងត្រូវធ្វើការវះកាត់លើរបួសភ្លៅ និងត្រូវគេបានរំពឹងថាអវត្តមាន ១០ សប្តាហ៍។ កីទ្បាករអន្តរជាតិស្វីសវ័យ ២៩ ឆ្នាំរូបនេះបានរបួសខាងលើ អំទ្បុងពេលការប្រកួត Champions League ដែល City បានចាញ់ Real Madrid ២-៣ នៅឯកីទ្បដ្ឋាន Etihad Stadium សម្រាប់ការប្រកួតជើងទី ១ វគ្គ Play-off ដើម្បីឈានទៅវគ្គ ១៦ ក្រុមចុងក្រោយ។
Manuel Akanji បានបង្ហាញខ្លនឱ្យ City ចំនួន ២០ ក្នុងចំណោម ២៤ ប្រកួតនៅ Premier League និង ៣០ ប្រកួតគ្រប់កម្មវិធី នារដូវកាលនេះ។ បញ្ហារបួសរបស់ Akanji កើតទ្បើងបន្ទាប់ពីខ្សែការពារ John Stones, Nathan Ake និង Ruben Dias ត្រលប់មកកាន់ក្រុមវិញថ្មីៗនេះ។ គួរបញ្ជាក់ថា ក្រុម Manchester City ដែលបានបាត់បង់ខ្សែបម្រើការពារដ៏ល្អគឺ Rodri ដោយសាររងរបួសដាច់សរសៃពួរជង្គង់ ACL ក្នុងខែកញ្ញា ឆ្នាំ២០២៤ កន្លងទៅ ធ្វើឱ្យក្រុមធ្លាក់ទៅកាន់លេខរៀងទី ៥ នៅ Premier League តាមពីក្រោយក្រុមកំពូលតារាង Liverpool ចំនួន ១៦ ពិន្ទុ៕
ប្រភព៖ BBC
(English) តារាឆ្នើមរបស់ក្លិប Bayern Munich ខ្សែបម្រើប្រយុទ្ធ Jamal Musiala បានតកុងត្រាថ្មីជាមួយនឹងក្លិប រហូតដល់ខែមិថុនា ឆ្នាំ២០៣០។ កីទ្បាករសញ្ជាតិអាល្លឺម៉ង់វ័យ ២១ ឆ្នាំរូបនេះដែលលេងឱ្យក្លិប Chelsea ក្នុងកម្រិតថ្នាលយុវជនឆ្នាំ ២០១៩ បានចុះកិច្ចសន្យាថ្មី ដើម្បីបន្តស្នាក់នៅកីទុ្បដ្ឋាន Allianz Arena ខណៈដែលកិច្ចសន្យាមុននឹងអសុពលភាពនាចុងបញ្ចប់រដូវកាលក្រោយ។
Bayern Munich ក៏ទើបតែបានតកុងត្រាថ្មីដល់ខ្សែការពារ Alphonso Davies និងអ្នកចាំទី Manuel Neuer ។ Jamal Musiala រកបាន ១០ គ្រាប់ និង ៤ គ្រាប់នៅក្នុងក្របខណ្ឌ Bundesliga ក្នុងរដូវកាលនេះ ខណៈដែលរូបគេរកបាន ៤៣ គ្រាប់ក្នុងបង្ហាញខ្លួន ១៣២ ប្រកួតក្នុងលីគ ក៏ដូចជា ៦ គ្រាប់ក្នុងការបង្ហាញខ្លួន ៤៣ ប្រកួតនៅ Champions League។ Musiala ក៏រកបាន ៧ គ្រាប់ក្នុងការបង្ហាញខ្លួន ៣៨ ប្រកួតឱ្យក្រុមជម្រើសជាតិអាល្លឺម៉ង់ផងដែរ៕
ប្រភព៖ AP
ព័ត៌មានកីឡាអន្តរជាតិ
(English) បច្ចេកវិទ្យាពិនិត្យបាល់ offside ពាក់កណ្តាលស្វ័យប្រវត្តិនឹងត្រូវប្រើប្រាស់ជាលើកដំបូងនៅក្នុងការប្រកួតបាល់ទាត់ពានរង្វាន់អង់គ្លេស FA Cup ជុំទី៥ ខណៈដែល Premier League សម្លឹងមើលការអនុវត្តប្រព័ន្ធនេះផងដែរ ប្រសិនបើការសាកល្បងទទួលបានជោគជ័យ។ នេះបើយោងតាមការចេញផ្សាយរបស់ Daily mail។ វាត្រូវបានគេសង្ឃឹមថាបច្ចេកវិទ្យាថ្មីនេះនឹងត្រូវបានដាក់ឱ្យប្រីប្រាស់នៅពេលឆាប់ៗនេះ ប៉ុន្តែវាត្រូវបានគេយល់ថាបញ្ហាមួយចំនួនបានកើតឡើងអំឡុងពេលធ្វើតេស្តដែលធ្វើឱ្យវានៅខាងក្រោយឆាកពេញមួយរដូវកាល ២០២៣-២០២៤ និង ២០២៤- ២០២៥។
ទោះជាយ៉ាងណាក៏ដោយ សមាគមបាល់ទាត់ និងស្ថាប័នអាជ្ញាកណ្តាល PGMOL ឥឡូវនេះបានបញ្ជាក់ថា ពួកគេពេញចិត្តប្រព័ន្ធនេះ ដោយសារតែអីលូវនេះវាមានភាពត្រឹមត្រូវគ្រប់គ្រាន់សម្រាប់ការសាកល្បងក្នុងការប្រកួតពានរង្វាន់ចំនួន ៧ ដែលរៀបចំនៅកីឡដ្ឋាន Premier League នៅខែក្រោយ ខណៈការប្រកួតផ្សេងទៀតត្រូវបានធ្វើឡើងនៅក្លឹប Preston របស់ Championship ។ បច្ចេកវិទ្យា offside ពាក់កណ្តាលស្វ័យប្រវត្តិនឹងធានានូវការដាក់ឱ្យមានប្រសិទ្ធភាពជាងមុននៃបន្ទាត់ offside ដោយផ្អែកលើការតាមដានកីឡាកររូបភាពបញ្ឍរ និងផលិតក្រាហ្វិកច្បាស់ ដើម្បីធានាបាននូវបទពិសោធន៍ប្រសើរឡើងសម្រាប់អ្នកគាំទ្រនៅក្នុងកីឡដ្ឋាន និងនៅផ្ទះ។ វាត្រូវបានប្រើដោយជោគជ័យនៅ World Cup២០២២ នៅប្រទេសកាតា។Premier League សង្ឃឹមថាបច្ចេកវិទ្យានេះអាចកាត់បន្ថយពេលវេលាលើសពី៣០ វិនាទី៕
(English) អ្នកគាំទ្របាល់ទាត់អាចនឹងខកចិត្ត ប្រសិនបើពួកគេជិះយន្តហោះទៅតំបន់មជ្ឈិមបូព៌ា សម្រាប់ការចូលរួមទស្សនាការប្រកួត World Cup ឆ្នាំ២០៣៤។ ការខកចិត្តក៏ដោយសារតែប្រទេសអារ៉ាប៊ីសាអូឌីត ដែលជាម្ចាស់ផ្ទះសម្រាប់ការប្រកួតក្នុងខែធ្នូ បានហាមឃាត់យ៉ាងតឹងរ៉ឹងដោយគ្មានករណីលើកលែងមិនឱ្យផឹកគ្រឿងស្រវឹងដែលធ្លាប់បានអនុវត្តចាប់តាំងពីឆ្នាំ១៩៥២។ នេះយោងតាមការចេញផ្សាយរបស់កាសែតអង់គ្លេស Dailymail។ ប្រសិនបើអ្នកគាំទ្របំពានច្បាប់ដ៏តឹងរ៉ឹងទាំងនេះ ពួកគេអាចប្រឈមមុខនឹងការជាប់ពន្ធនាគារ ការផាកពិន័យយ៉ាងធ្ងន់ធ្ងរ ការវាយដំជាសាធារណៈ និងការនិរទេស។ មានក្តីសង្ឃឹមថាអាជ្ញាធរអារ៉ាប៊ីសាអូឌីតនឹងកែប្រែច្បាប់សម្រាប់ការប្រកួត World Cup បន្ទាប់ពីកាតា ដែលជាប្រទេសមូស្លីមមួយផ្សេងទៀតបានបន្ធូរបន្ថយគោលនយោបាយរបស់ពួកគេសម្រាប់ការបង្ហាញឆ្នាំ២០២២។
នៅប្រទេសកាតា អ្នកគាំទ្របាល់ទាត់អាចទិញស្រាពីសណ្ឋាគារដែលបានជ្រើសរើស ប៉ុន្តែមិនមែននៅកីឡដ្ឋានទេ។ ទោះបីជាយ៉ាងណាក៏ដោយ ព្រះអង្គម្ចាស់ Khalid bin Bandar Al Saud ឯកអគ្គរដ្ឋទូតប្រចាំចក្រភពអង់គ្លេស បានបញ្ជាក់ថា នឹងមិនកើតឡើងនៅក្នុងព្រះរាជាណាចក្រឡើយ។ គាត់បានប្រាប់គាត់បានប្រាប់ LBC ថា ទេ ទេ មិនមានជាតិអាល់កុលអ្វីទាំងអស់។នៅពេលនេះយើងមិនអនុញ្ញាតឱ្យមានជាតិអាល់កុលទេ ប៉ុន្តែអ្នកដឹងទេ ភាពសប្បាយរីករាយជាច្រើនអាចមានដោយគ្មានគ្រឿងស្រវឹង៕
កីឡាករខ្សែការពារ Benjamin Mendy ដែលឈ្នះពានរង្វាន់ World Cup ជាមួយក្រុមជម្រើសជាតិបារាំង បានចុះហត្ថលេខាជាមួយក្លឹបបាល់ទាត់ស្វីស Zurich កាលពីថ្ងៃអង្គារ បន្ទាប់ពីមិនបានលេងនៅក្នុងរដូវកាលនេះជាមួយក្លឹបលំដាប់ទីពីររបស់បារាំង Lorient ។នេះបើយោងតាមការចេញផ្សាយរបស់ទីភ្នាក់ងារសារព័ត៌AP កាលពីថ្ងៃពុធទី ១២ កុម្ភៈ ២០២៥។
Zurich បាននិយាយថាអតីតកីឡាករ Manchester City និង Monaco បានចុះកិច្ចសន្យារហូតដល់ចុងបញ្ចប់នៃរដូវកាលក្រោយប៉ុន្តែមិនបានបញ្ជាក់ឲ្យដឹងពីតម្លៃខ្លួននោះទេ។
Mendy បានចូលរួមជាមួយ Lorient ក្នុងឆ្នាំ២០២៣ បន្ទាប់ពីចំណាយពេល៦ ឆ្នាំនៅជាមួយ Man City ជាកន្លែងដែលគាត់បានឈ្នះពាន Premier League ចំនួន ៣មុនពេលកិច្ចសន្យារបស់គាត់ផុតកំណត់។គាត់មិនបានលេងឱ្យ Man City បន្ទាប់ពីខែសីហា ឆ្នាំ ២០២១ខណៈពេលដែលប្រឈមមុខនឹងការចោទប្រកាន់ពីបទរំលោភផ្លូវភេទតែក្រោយមកគាត់ត្រូវបានរួចទោស។
កីឡាករវ័យ៣០រូបនេះលេងបាន១០ ដងសម្រាប់ប្រទេសបារាំង រួមទាំងការប្រកួតវគ្គចែកពូលបាល់ទាត់ពិភពលោក២០១៨ សម្រាប់អ្នកឈ្នះពានរង្វាន់ចុងក្រោយ។
Zurich ស្ថិតនៅលេខរៀងទី៨ក្នុងលីគស្វីសដែលមាន១២ក្រុម តាមពីក្រោយក្រុមកំពូលតារាង Basel ត្រឹមតែ៧ពិន្ទុប៉ុណ្ណោះ៕
(English) ការប្រកួតពានរង្វាន់លំដាប់ទី ២ របស់កម្ពុជា គឺសម្តេចអគ្គមហាសេនាបតីតេជោ ហ៊ុន សែន លើកទី ១៨ ឆ្នាំ២០២៤-២៥ រកឃើញ ៥ ក្រុមហើយ ដែលទ្បើងទៅវគ្គ ៨ ចុងក្រោយ កាលពីថ្ងៃទី១២ ខែកុម្ភៈ ឆ្នាំ២០២៤។ ក្នុងចំណោម ៥ ក្រុមរួមមាន៖ ក្រុមរងជើងឯកភ្នំពេញក្រោន, វិសាខា, Tiffy Army FC, បឹងកេត និងណាហ្គាវើលដ៍ ដែលពួកគេសឹងតែយកឈ្នះលើគូប្រជែងរៀងខ្លួននៅវគ្គ ១៦ ក្រុមចុងក្រោយ នៃពានរង្វាន់ខាងលើនេះ កន្លងមក។
នៅវគ្គ ១៦ ក្រុមចុងក្រោយ ក្រុមដែលយកឈ្នះក្នុងលទ្ធផលសរុបទាំងពីរជើងរួមមាន៖
ខណៈដែលនៅជើងទី ១ ក្រុមដែលយកឈ្នះលើគូប្រជែងរួមមាន៖
សម្រាប់វគ្គ ៨ ក្រុមចុងក្រោយ នៃពានរង្វាន់ខាងលើនេះ ភ្នំពេញក្រោន ប៉ះណាហ្គាវើលដ៍, វិសាខា ប៉ះ Tiffy Army FC ស្របពេលបឹងកេត ត្រូវរង់ចាំការឈ្នះរវាងក្រុមមន្ទីរ អយក ខេត្តត្បូងឃ្មុំ និងអាយអេសអាយ នៅជើងទី ២។ គួរបញ្ជាក់ថា ក្លិបព្រះខ័នរាជស្វាយរៀង ជាក្រុមឈ្នះពានរង្វាន់សម្តេចថ្នាក់ជាតិច្រើនជាងគេរហូតដល់ទៅ៥ដងឯណោះ ខណៈដែលវិសាខា និង Tiffy Army FC ឈ្នះ៣ដងដូចគ្នា, ភ្នំពេញក្រោន ឈ្នះ២ដង ក៏ដូចជាបឹងកេត, ណាហ្គាវើលដ៍, ក្រសួងមហាផ្ទៃ និងខេមរាកីទ្បា ឈ្នះមួយក្រុមមួយលើក ចាប់តាំងពីបង្កើតពានរង្វាន់ខាងលើនេះទ្បើងនៅឆ្នាំ២០០៧ មកម្ល៉េះ៕
(English) ខ្សែប្រយុទ្ធ Nicolas Jackson របស់ក្លិបតោខៀវ Chelsea នឹងត្រូវអវត្តមាន ៦ សប្តាហ៍ ដោយសាររូបគេជួបបញ្ហារបួសសរសៃពួរ។ កីទ្បាករវ័យ ២៣ ឆ្នាំរូបនេះបានរងរបួសខាងលើ អំទ្បុងពេលប្រកួតទល់នឹង West Ham កាលពី ២ សប្តាហ៍មុន ហើយទោះបីជាអ្នកចាត់ការរបស់ក្លិប លោក Enzo Maresca សង្ឃឹមដំបូងថាខ្សែប្រយុទ្ធសេណេហ្គាល់បានជៀសផុតពីរឿងដ៏អាក្រក់មួយនេះក៏ដោយ ប៉ុន្តែការស្កែនបានបង្ហាញពីបញ្ហាកាន់តែអាក្រក់ទៅៗវិញ។
នៅរដូវកាលនេះ Nicolas Jackson រកបាន ៩ គ្រាប់ឱ្យ Chelsea និងធ្វើឱ្យរូបគេក្លាយជាអ្នកស៊ុតបញ្ចូលទីច្រើនជាងគេទីពីរបស់ក្រុមបន្ទាប់ពី Cole Palmer ដែលរកបាន ១៤ គ្រាប់។ យ៉ាងណា បញ្ហារបួសខាងលើនេះនឹងធ្វើឱ្យរូបគេសម្រាកព្យាបាលរហូតដល់ចុងខែមីនាទើបបានលេងវិញ៕
ក្លិបកាំភ្លើងងធំ Arsenal កំពុងតែព្រួយបារម្ភពីខ្សែប្រយុទ្ធ Kai Havertz បន្ទាប់ពីរូបគេជួបបញ្ហារបួសសរសៃពួរសាច់ដុំ អំទ្បុងពេលបោះជំរំហ្វឹកហាត់នៅទីក្រុងឌូបៃ ដែលអាចអាក់ខានការប្រកួតរហូតដល់ចប់រដូវកាលនេះតែម្តង។ យ៉ាងណា របាយការណ៍របស់សារព័ត៌មាន Athletic បានចេញផ្សាយថា មិនទាន់ច្បាស់ថាតើ Kai Havertz នឹងត្រូវវះកាត់ ឬយ៉ាងណាទេ។
Havertz បានបង្ហាញខ្លួន ៣៤ ប្រកួតនៅគ្រប់ការប្រកួតទាំងអស់នៅរដូវកាលនេះ ហើយរូបគេក៏ជាអ្នកស៊ុតបញ្ចូលទីច្រើនជាងគេរបស់ក្លិបជាមួយនឹង ១៥ គ្រាប់ និងបោះបាល់ឱ្យដៃគូស៊ុតចំនួន ៥ លើកផងដែរ។ គួរជម្រាបថា បច្ចុប្បន្នក្លិប Arsenal ដែលកំពុងស្ថិតនៅក្រោមការចង្អុលបង្ហាញរបស់លោក Mikel Arteta បានអវត្តមានកីទ្បាករសំខាន់ៗជាច្រើនដូចជា៖ Gabriel Martinelli និង Bukayo Saka ដែលមានរបួសសរសៃពួរដូចគ្នា ខណៈដែល Gabriel Jesus រងរបួសដាច់សរសៃពួរជង្គង់ ACL ធ្វើឱ្យរូបគេអវត្តមានរហូតដល់ចប់រដូវកាលនេះ៕
ព័ត៌មានកីឡាអាស៊ី
FIFA បានសរសើរថៃជាផ្លូវការថា ជាប្រទេសនាំមុខគេក្នុងវិស័យបច្ចេកវិទ្យា VAR បន្ទាប់ពីសមាគមបាល់ទាត់ថៃ (FAT) និង Thai League បានទទួលជោគជ័យក្នុងការដំឡើងប្រព័ន្ធ Crosshair 3D ដែលធ្វើឱ្យប្រទេសថៃក្លាយជាប្រទេសអាស៊ានដំបូងគេដែលអនុវត្តបច្ចេកវិទ្យាទំនើបនេះនៅក្នុងលីគក្នុងស្រុករបស់ខ្លួន។
ប្រទេសថៃបានប្រើប្រាស់ VAR (Video Assistant Referee) តាំងពីឆ្នាំ 2020 ដែលធ្វើឱ្យ ពួកគេក្លាយជាអ្នកអនុម័តដែលជាប់លាប់បំផុតមួយនៅអាស៊ី។
ឥឡូវនេះ តាមរយៈបច្ចុប្បន្នភាពចុងក្រោយបង្អស់មានគោលបំណងពង្រឹងភាពត្រឹមត្រូវ និងយុត្តិធម៌នៅក្នុង Thai League 1 ជាមួយនឹងការបណ្តុះបណ្តាលអាជ្ញាកណ្តាលជាបន្តបន្ទាប់ ដើម្បីធានាបាននូវភាពត្រឹមត្រូវ និងតម្លាភាពក្នុងការសម្រេចចិត្ត។
🔎 តើបច្ចេកវិទ្យា Crosshair 3D ជាអ្វី? ✅ ការក្រិតតាមខ្នាតមុនការប្រកួតធានាថា ប្រព័ន្ធត្រូវបានតម្រឹម(ច្រឹប)យ៉ាងជាក់លាក់។ ✅ជួយជ្រើសរើសស៊ុម (Frame) ពិតប្រាកដនៅពេលបាល់ត្រូវបានលេង។ ✅ កំណត់យ៉ាងត្រឹមត្រូវនូវទីតាំងរបស់ខ្សែការពារទីពីរ ដើម្បីបង្កើតបន្ទាត់ច្បាស់លាស់ពីរសម្រាប់ការសម្រេចចិត្តជំហ Offside។ 📅 អំឡុងពេលអនុវត្តការអាប់ដេត VAR៖ 📆 ថ្ងៃទី 10 ខែមករា ឆ្នាំ 2025 ដល់ថ្ងៃទី 31 ខែឧសភា ឆ្នាំ 2026 💰 មូលនិធិ៖ FIFA Forward 2.0 💵 ចំនួនទឹកប្រាក់៖ $488,774 (~16.45 លានបាត) 🚀 ថៃបន្តបង្កើតស្តង់ដារថ្មីក្នុងបាល់ទាត់អាស៊ាន! 🇹🇭⚽👏
