ព័ត៌មានកីឡាអន្តរជាតិ
(English) មុនពេលធ្វើជាម្ចាស់ផ្ទះការប្រកួតបាល់ទាត់ពិភពលោកឆ្នាំ២០៣៤ ប្រទេសអារ៉ាប៊ីសាអូឌីត បាននឹងកំពុងពង្រឹងវិស័យបាល់ទាត់របស់ខ្លួន ដោយការនាំយកកីឡាករល្បីៗលំដាប់ពិភពលោកមកលេងក្នុងលីគរបស់ពួកគេ។ ជាមួយគ្នានេះដែរយោងតាមការចុះផ្សាយរបស់គេហទំព័រ Tribuna កាលពីថ្ងៃអង្គារទី ១១កុម្ភៈ ២០២៥ បានឱ្យដឹងថា ប្រទេសនេះកំពុងឈានមួយជំហានយក្យទៀត ជាមួយនឹងគម្រោងជះលុយជាង២០លានដុល្លារ នាំយកគ្រូបង្វឹកដ៏ល្បីគឺ លោក Carlo Ancelotti មកដឹកនាំក្រុមជម្រើសជាតិរបស់ពួកគេ។
ប្រទេសនេះបានបោះជំហានយ៉ាងសំខាន់រួចហើយតាមរយៈការចុះហត្ថលេខាលើតារាបាល់ទាត់ដូចជា Cristiano Ronaldo និង Neymar (អីលូវទៅប្រេស៊ីលវិញ) ហើយឥឡូវនេះ ពួកគេមានបំណងពង្រឹងលីគបាល់ទាត់បន្ថែមទៀត តាមរយៈការទាក់ទាញគ្រូបង្វឹក និងបន្តនាំយកកីឡាករកំពូលៗនៅអឺរ៉ុប។
ប្រភពខាងលើដដែលបានបន្តថា អារ៉ាប៊ីសាអូឌីតកំពុងផ្តល់ជូនអ្នកចាត់ការក្លឹប Real Madrid លោក Carlo Ancelotti នូវកិច្ចសន្យាដែលមានតម្លៃ២០ លានដុល្លារ ក្នុងមួយរដូវកាល។ នេះបើយោងតាម OK Diario ។ ការផ្តល់ជូននេះកើនឡើងជិតទ្វេដងនៃប្រាក់ខែបច្ចុប្បន្នរបស់គាត់នៅ Real Madrid ដែលធ្វើឱ្យវាក្លាយជាការរំពឹងទុកដ៏គួរឱ្យទាក់ទាញ។
ទោះជាយ៉ាងណាក៏ដោយ អនាគតរបស់លោក Ancelotti អាស្រ័យលើការសម្រេចចិត្តរបស់ Real Madrid ព្រោះគាត់បានបញ្ជាក់យ៉ាងច្បាស់ថាគាត់នឹងមិនចាកចេញដោយស្ម័គ្រចិត្តនោះទេ។ គាត់នឹងពិចារណាការផ្តល់ជូនរបស់អារ៉ាប៊ីសាអូឌីត ប្រសិនបើក្លឹបជ្រើសរើសយកការចែកផ្លូវជាមួយគាត់ ទាំងក្នុងរដូវកាល ឬនៅចុងបញ្ចប់នៃរដូវកាល៕
(English) ស្ថាប័នបាល់ទាត់អឺរ៉ុប UEFA បានហាមក្លិប Bayern Munich មិនឱ្យពាក់ឈុតក្រហមក្នុងផ្ទះនៅក្នុងយុទ្ធនាការប្រកួត Champions League បើទោះជាឈុតក្នុងផ្ទះរបស់ខ្លួនមិនប៉ះពាល់ជាមួយក្លិបគូប្រជែងក៏ដោយ។ Bayern ត្រូវប៉ះជាមួយម្ចាស់ផ្ទះ Celtic នៅរាត្រីថ្ងៃពុធ ដែលមានឈុតពណ៌បៃតង និងស ខណៈក្លិប Bayern ពណ៌ក្រហម និងខ្មៅ ។ យោងតាមការចេញផ្សាយរបស់កាសែតអាល្លឺម៉ង់ Bild បានឱ្យដឹងថា UEFA បានបញ្ជាក់ថាលេខខ្មៅងងឹតនៅលើអាវពណ៌ក្រហមគឺមិនផ្តល់នូវកម្រិតពណ៌គ្រប់គ្រាន់សម្រាប់អ្នកទស្សនា។ វាត្រូវបានគេចាត់ទុកថាបំពានបទប្បញ្ញត្តិដែលអាចមើលឃើញ។
ទោះជាយ៉ាងណាក្តីស្ថាប័នគ្រប់គ្រងអឺរ៉ុបបាននិយាយថា៖ Bayern នឹងត្រូវបានអនុញ្ញាតឱ្យពាក់ឈុតនេះ ប្រសិនបេីពួកគេធ្វើការកែប្រែបន្តិចបន្តួចចំពោះវា។ ជាពិសេស ការផ្លាស់ប្តូរលេខ និងឈ្មោះទៅជាពុម្ពអក្សរពណ៌សនឹងអនុញ្ញាតឱ្យ Bayern ពាក់ឈុតនេះ នៅពេលដែលការប្រកួតកំពុងដំណើរការ។ នេះមិនមែនជាលើកទីមួយទេដែល Bayern មានបញ្ហាជាមួយនឹងការបោះពុម្ពអាវ។ នៅរដូវកាល ២០២០-២១ ឈុតក្រៅដីពណ៌សនិងពណ៌ទឹកក្រូច ត្រូវបានគេមើលឃើញថាជាការបំពានច្បាប់របស់ UEFA ផងដែរ។ Bayern បានបញ្ចៀសបញ្ហានេះដោយពាក់ពុម្ពអក្សរខ្មៅលើឈុតក្រៅផ្ទះរបស់ពួកគេក្នុងការប្រកួតអន្តរជាតិ មិនថា Champions League ឬ Club World Cup៕
ព័ត៌មានកីឡាជាតិ
(English) UEFA បានបញ្ជាឱ្យក្លិប Roma បិទភាគច្រើននៃកីឡដ្ឋាន Stadio Olimpico ក្នុងការប្រកួតជម្រុះ Europa League ដោយសារតែបញ្ហាអ្នកគាំទ្រ។ Roma ត្រូវបានចោទប្រកាន់ពីបទរំខានហ្វូងមនុស្ស និងឧប្បត្តិហេតុអ្នកគាំទ្រផ្សេងទៀតនៅឯការទទួលជ័យជម្នៈ ២-០ លើក្រុម Frankfurt ក្នុងការប្រកួតជុំចុងក្រោយកាលពីថ្ងៃព្រហស្បតិ៍សប្តាហ៍មុន។ ផ្នែកពីរនៅខាងជើងនៃកីឡដ្ឋាន Roma ឥឡូវនេះត្រូវតែបិទនៅពេលដែល Porto មកលេងនៅថ្ងៃទី ២០ខែកុម្ភៈសម្រាប់ជើងទីពីរក្នុងវគ្គជម្រុះជុំចុងក្រោយ។ អ្នកឈ្នះបានឡើងទៅជុំទី ១៦ ។
ជាមួយគ្នានេះដែរចៅក្រមផ្នែកវិន័យរបស់ UEFA ក៏បានពិន័យក្លិប Roma ជាប្រាក់ចំនួន៣ ១២៥០ ដុល្លារ។ បន្ថែមពីនេះដែរ UEFA ក៏បានពិន័យលើក្លិប Frankfurt ចំនួន ២៦០០០ ដុល្លារផងដែរ ទៅលេីអ្នកគាំទ្ររបស់ពួកគេនៅទីក្រុងរ៉ូម។ ក្លិបបាល់ទាត់អាល្លឺម៉ង់ក៏ទទួលបានបម្រាមមួយប្រកួតជាបណ្តោះអាសន្នលើការលក់សំបុត្រសម្រាប់ការប្រកួតក្រៅដីកំឡុងពេលសាកល្បងរយៈពេលពីរឆ្នាំ។ Frankfurt ដែលជាម្ចាស់ជើងឯក Europa League ឆ្នាំ ២០២២បានឈានទៅដល់វគ្គ ១៦ក្រុមរួចទៅហើយ។ ក្នុងករណីដាច់ដោយឡែកមួយទៀត UEFA ក៏បានពិន័យក្លិប Twente ចំនួន ៣៦៥០០ ដុល្លារ និងបានបញ្ជាឱ្យបិទទ្វារកីឡដ្ឋានរបស់ក្លិបហូឡង់ សម្រាប់ការប្រកួតវគ្គ Playoff ជើងទី ១ របស់អឺរ៉ុបជាមួយ Bodo/Glimt នៅថ្ងៃទី១៣ ខែកុម្ភៈ៕
ប្រភព៖ AP
(English) ក្របខណ្ឌកំពូលអង់គ្លេស Premier League បានចំណាយលុយផ្ទេរកីឡាករច្រីនជាងគេបំផុតក្នុងចំណោមលីគបាល់ទាត់អឺរ៉ុបផ្សេងទៀតសម្រាប់រដូវកាលដោះដូររដូវរងារខែមករានេះ។ នេះបើយោងតាមផ្សាយរបស់គេហទំព័រ Tribuna។ ប្រភពខាងលើដដែលបានឱ្យដឹងទៀតថា ក្លិបនៅក្នុងក្របខណ្ឌកំពូលអង់គ្លេស បានចំណាយលុយចំនួនជាង ៤៦២ លានដុល្លារលើការចុះហត្ថលេខាទិញកីឡាករថ្មីៗក្នុងរយៈពេលមួយខែកើនឡើងជាង ១២៤ លានដុល្លារបើធៀបទៅនឹងឆ្នាំមុន។
ជាមួយគ្នានេះដែរក្លិប Manchester City បានចំណាយលុយច្រីនជាងគេ ស្ទើរតែស្មើនឹងក្លិបចំនួន១៩ រួមបញ្ចូលគ្នា។ ការចុះហត្ថលេខាតម្លៃជាង៦២លានដុល្លារទិញខ្សែបម្រើ Nico Gonzalez ពី Porto មុនបិទទីផ្សារដោះដូរធ្វើឱ្យការចំណាយសរុបរបស់ City ឡើងដល់ជាង ២២៣ លានដុល្លារ។ នេះបើយោងតាមរបាយការណ៍ពី Football Transfers។
ចំណាត់ថ្នាក់ទី ២ បានទៅលើលីគបាល់ទាត់អ៊ីតាលី Serie A ដែលមានការចំណាយសរុបជាង២២៧លានដុល្លារ។តាមពីក្រោយអ៊ីតាលីគឺលីគបាល់ទាត់បារាំង Ligue 1 ចំណាត់ថ្នាក់លេខបី ជាមួយនឹងការចំណាយអស់ជាង២០៩លានដុល្លារ នាំមុខលីគបាល់ទាត់អាល្លឺម៉ង់ Bundesliga ដែលបានចំណាយអស់ត្រឹមតែ ១៧២ លានដុល្លារ)។ អ្វីដែលគួរឱ្យចាប់អារម្មណ៍នោះក្លឹបបាល់ទាត់អេស្ប៉ាញា La Liga បានចំណាយតិចបំផុតសម្រាប់ការផ្ទេររដូវរងារគឺត្រឹមតែចំណា២៦លានដុល្លារប៉ុណ្ណោះ។វាគឺជាការចំណាយតិចបំផុតក្នុងរយៈពេល១០ចុងក្រោយនេះ៕
ព័ត៌មានកីឡាអាស៊ី
(English) សហព័ន្ធកីឡាបាល់ទាត់ប៉ាគីស្ថាន (PFF) បានប្រឈមមុខនឹងការព្យួរពី FIFA ម្តងទៀត បន្ទាប់ពីពួកគេបរាជ័យក្នុងការអនុម័តវិសោធនកម្មរដ្ឋធម្មនុញ្ញសហព័ន្ធកីឡាបាល់ទាត់ពិភពលោក FIFA ដែលជាចាំបាច់បំផុតដើម្បីទាមទារសម្រាប់ការបោះឆ្នោតដោយយុត្តិធម៌ និងប្រជាធិបតេយ្យ។ ស្ថាប័នគ្រប់គ្រងបាល់ទាត់ពិភពលោក FIFA បានប្រកាសការសម្រេចចិត្តកាលពីថ្ងៃព្រហស្បតិ៍ ដោយលើកឡើងពីអសមត្ថភាពរបស់ PFF ក្នុងការបំពេញកាតព្វកិច្ចរបស់ខ្លួនក្រោមដំណើរការច្បាប់ធម្មតារបស់ FIFA ។
នៅក្នុងសេចក្តីថ្លែងការណ៍របស់ខ្លួន FIFA បានបំភ្លឺថាការព្យួរនេះត្រូវបានដាក់ ដោយសារតែសភា PFF បរាជ័យក្នុងការសម្របខ្លួនទៅនឹងការកែប្រែដែលបានស្នើឡើងចំពោះរដ្ឋធម្មនុញ្ញរបស់សហព័ន្ធ។ FIFA និងសហព័ន្ធកីឡាបាល់ទាត់អាស៊ី (AFC) បានធ្វើវិសោធនកម្មច្បាប់ទាំងនេះមានគោលបំណងធ្វើឱ្យប្រសើរឡើងនូវអភិបាលកិច្ច និងធានានូវតម្លាភាពក្នុងនីតិវិធីបោះឆ្នោត។ ទោះជាយ៉ាងណាក៏ដោយ សមាជជាប់ឆ្នោតរបស់ PFF បានបដិសេធមិនអនុវត្តការផ្លាស់ប្តូរនេះ ដែលបណ្តាលឱ្យមានការដាក់ទណ្ឌកម្មភ្លាមៗ។
សេចក្តីថ្លែងការណ៍របស់ FIFA បានសរសេរថា៖ «PFF ត្រូវបានព្យួរដោយមានប្រសិទ្ធិភាពភ្លាមៗដោយសារតែការបរាជ័យរបស់ខ្លួនក្នុងការអនុម័តការកែសម្រួលរដ្ឋធម្មនុញ្ញ PFF ដែលនឹងធានាឱ្យមានការបោះឆ្នោតប្រកបដោយយុត្តិធម៌ និងប្រជាធិបតេយ្យ ហើយដោយហេតុនេះការបំពេញកាតព្វកិច្ចរបស់ខ្លួនដែលកំណត់ដោយ FIFA ដែលជាផ្នែកនៃដំណើរការធម្មតានៃ PFF ដែលកំពុងបន្ត។
ទោះបីជាមានការប្រឈមផ្នែករដ្ឋបាលទាំងនេះក៏ដោយ ក៏ប៉ាគីស្ថានថ្មីៗនេះបានបោះជំហានទៅមុខក្នុងវិស័យបាល់ទាត់អន្តរជាតិ។ ប្រទេសនេះបានចូលរួមក្នុងការប្រកួតជម្រុះអូឡាំពិកជាលើកដំបូង ហើយឈានទៅជុំទី២។ ទោះជាយ៉ាងណាក៏ដោយ ការព្យួរចុងក្រោយនេះ មានន័យថា ក្រុមជម្រើសជាតិប៉ាគីស្ថាន នឹងត្រូវហាមឃាត់មិនឱ្យចូលរួមការប្រកួតអន្តរជាតិ ហើយសហព័ន្ធបាល់ទាត់ប៉ាគីស្ថាន នឹងមិនទទួលបានជំនួយផ្នែកហិរញ្ញវត្ថុ ឬបច្ចេកទេសពី FIFA ទៀតទេ។
ការព្យួរនេះនឹងត្រូវបានលុបចោលលុះត្រាតែសភា PFF អនុម័តរដ្ឋធម្មនុញ្ញដែលបានកែសម្រួលដូចដែលបានស្នើឡើងដោយ FIFA និង AFC ។ រហូតមកដល់ពេលនោះ អនាគតបាល់ទាត់របស់ប្រទេសប៉ាគីស្ថាននៅតែមិនច្បាស់លាស់ ដោយកីឡាករ និងអ្នកគាំទ្ររបស់ខ្លួនបានបង្ហាញក្ដីអស់សង្ឃឹមសម្រាប់ដំណោះស្រាយដែលនាំមកនូវស្ថេរភាពដល់កីឡានៅក្នុងប្រទេស។ សេចក្តីថ្លែងការណ៍របស់ FIFA បានបញ្ជាក់យ៉ាងដូច្នេះថា “ការព្យួរនេះនឹងត្រូវបានលុបចោលដោយសភា PFF ដែលអនុម័តកំណែនៃរដ្ឋធម្មនុញ្ញ PFF ដែលបង្ហាញដោយ FIFA និង AFC” ៕
(English)
(English) ក្លិប Fulham បានចុះហត្ថលេខានាំយកខ្សែប្រយុទ្ធ Willian ម្តងទៀតរហូតដល់ចប់រដូវកាលនេះ បន្ទាប់ពី ៦ ខែដែលរូបគេចាកចេញពីទីនេះ។ កីទ្បាករប្រេស៊ីល ដែលលេងឱ្យក្រុម Fulham ចាប់ពីរដូវកាល ២០២២-២៤ បានត្រលប់មកក្លិបវិញក្នុងលក្ខខណ្ឌគ្មានតម្លៃខ្លួន បន្ទាប់ពីចាកចេញពី Olympiakos នាចុងខែធ្នូ ឆ្នាំ២០២៤ កន្លងទៅ។ នៅក្នុងលក្ខខណ្ឌខាងលើ ការផ្លាស់មកកាន់ក្លិបចាស់របស់រូបគេមិនត្រូវបានបញ្ជាក់មុនថ្ងៃផុតកំណត់ នៃការផ្ទេរនៅច័ន្ទនោះទេ។
Willian ដែលមានវ័យ ៣៦ ឆ្នាំបានបង្ហាញខ្លួនឱ្យក្រុម Fulham ចំនួន ៦៧ ប្រកួតរកបាន ១០ គ្រាប់ និងបញ្ចូនបាល់ឱ្យមិត្តរួមក្រុមចំនួន ៧ លើក មុនពេលផ្លាស់ទៅកាន់ប្រទេសក្រិច ក្នុងខែកញ្ញា ឆ្នាំ២០២៤ ប៉ុន្តែរូបគេចំណាយពេលនៅទីនោះបានតែ ៣ ខែប៉ុណ្ណោះ។ Willian បានបង្ហាញខ្លួន ៣១៧ ប្រកួតនៅក្នុងក្របខណ្ឌលីគកំពូលអង់គ្លេស Premier League ដោយបានចំណាយពេលលេងឱ្យ Chelsea ៧ រដូវកាល និង ១ រដូវកាលនៅ Arsenal ជាមួយនឹងការឈ្នះពានរង្វានចំនួន ២ នៅក្រុមតោខៀវ។ Fulham នឹងត្រូវប៉ះគ្នាជាមួយ Wigan នៅក្រៅដីក្នុងពានរង្វាន់ FA Cup ជុំទី ៤ នាថ្ងៃសៅរ៍ទី០៨ ខែកុម្ភៈ ឆ្នាំ២០២៥ ខាងមុខនេះ៕
ប្រភព៖ BBC
(English) ក្រុមហង្សក្រហម Liverpool ទ្បើងទៅវគ្គផ្តាច់ព្រ័ត្រ នៃពានរង្វាន់លំដាប់ទី ៣ របស់ប្រទេសអង់គ្លេស EFL Cup (Carabao Cup) បន្ទាប់ពីយកឈ្នះលើ Tottenham Hotspur ដោយបញ្ចប់លទ្ធផល ៤-០ នៅឯកីទ្បដ្ឋាន Anfield សម្រាប់ការប្រកួតជើងទី ២ កាលពីយប់មិញ។ ខណៈដែលជើងទី ១ ក្រុម Tottenham Hotspur បានយកឈ្នះលើ Liverpool ក្នុងដី (កីទ្បដ្ឋាន Tottenham Hotspur Stadium Limited) ដោយបញ្ចប់លទ្ធផល ១-០ មានន័យថាសរុបលទ្ធផលទាំងពីរគឺ ៤-១។
លទ្ធផលបែបនេះបានធ្វើឱ្យក្រុម Liverpool ស្ថិតនៅក្រុមការដឹកនាំរបស់លោក Arne Slot ត្រូវប៉ះគ្នាជាមួយនឹងក្រុមសារិកាព្រៃ Newcastle United ដែលយកឈ្នះលើ Arsenal ក្នុងលទ្ធផលសរុបទាំងពីរជើងគឺ ៤-០ ឯណោះ។ ការប្រកួតវគ្គផ្តាច់ព្រ័ត្រ នៃពានរង្វាន់ខាងលើ ត្រូវបានលេងតែ ១ ជើងប៉ុណ្ណោះនៅឯកីទ្បដ្ឋានជាតិអង់គ្លេស (Wembley Stadium) នាថ្ងៃទី១៦ ខែមីនា ឆ្នាំ២០២៥ ខាងមុខនេះ។ គួរបញ្ជាក់ថា Liverpool គឺជាក្រុមទី ១ នៅអង់គ្លេសដែលឈ្នះពានរង្វាន់ EFL Cup (Carabao Cup) ច្រើនជាងគេបង្អស់ ពោលគឺរហូតដល់ ១០ ដងឯណោះ ខណៈដែលក្រុម Manchester City ៨ដង, Manchester United ៦ដង, Chelsea និង Aston Villa ៥ ដងដូចគ្នាផងដែរ៕
(English) នៅក្នុងបទសម្ភាសន៍ជាមួយទូរទស្សន៍អេស្ប៉ាញ La Sexta ខ្សែប្រយុទ្ធ Cristiano Ronaldo ដែលមានវ័យ ៤០ ឆ្នាំបាននិយាយថា៖ «ទោះបីជាខ្ញុំមិនប្រើជើងឆ្វេងក៏ដោយ ប៉ុន្តែខ្ញុំស្ថិតក្នុងលំដាប់កំពូលកីឡាករទាំង ១០ ក្នុងប្រវត្តិសាស្ត្រសម្រាប់ការស៊ុតបាល់បញ្ចូលទីដោយជើងឆ្វេង។ តួលេខទាំងនេះគឺបង្ហាញថាខ្ញុំគឺជាកីឡាករបំផុតមិនធ្លាប់មាន។គិតមកទល់ពេលនេះគាត់ស៊ុតបញ្ចូលទីសរុបាន ៩២៣គ្រាប់»។ Ronaldo បន្តថា៖ «ខ្ញុំលេងបានល្អជាមួយក្បាលរបស់ខ្ញុំ ខ្ញុំទាត់បាល់ហ្វ្រីឃីកបានល្អ ខ្ញុំលឿន ខ្ញុំខ្លាំង ខ្ញុំពូកែលោត… ខ្ញុំមិនដែលឃើញអ្នកណាល្អជាងខ្ញុំទេ»។
កីទ្បាករសញ្ជាតិព័រទុយហ្គាល់រូបនេះមានកំណត់ត្រាស៊ុតបញ្ចូលទីច្រើនជាងគេក្នុងការប្រកួតបាល់ទាត់អន្តរជាតិបុរស រួមទាំងការបង្ហាញខ្លួនច្រើនបំផុតដែលស៊ុតបាន២១៧គ្រាប់ និងស៊ុតបញ្ចូលទីបានច្រើនបំផុត១៣៥។ រូបគេក៏ធ្លាប់បាននិយាយច្រើនដងហើយថា៖ រូបគេត្រូវតែប្រឹងប្រែងឱ្យអស់ពីសមត្ថភាព ដេីម្បីក្លាយជាកីឡាករល្អបំផុតនៅក្នុងប្រវត្តិសាស្ត្របាល់ទាត់។ នៅពេលណាដែលគេសួរអំពីថាតើកីឡាករណាល្អជាងគាត់? រូបគេតែងតែសរសើរ Messi កីឡាករអាហ្សង់ទីន ប៉ុន្តែរូបគេបានបញ្ចប់ការសន្ទនាដោយប្រកាន់យកខ្លួនគេ។ ការអត្ថាធិប្បាយថ្មីៗបំផុតរបស់ Ronaldo បានជំរុញឱ្យមានប្រតិកម្មមួយចំនួននៅក្នុងពិភពបាល់ទាត់។
Javier Mascherano អតីតមិត្តរួមក្រុម Messi និងគ្រូបង្វឹកបច្ចុប្បន្នរបស់រូបលោកនៅ Inter Miami បាននិយាយថា ខ្ញុំមានគំនិតផ្ទាល់ខ្លួនរបស់ខ្ញុំ ហើយវាមិនដូច្នោះទេ។ ខ្ញុំមានការគោរពច្រើនចំពោះ Cristiano ហើយខ្ញុំមិនចាំបាច់វិភាគយោបល់របស់រូបគេទេ។ នេះវាគ្រាន់ជាអ្វីដែលរូបគេគិត៕
