ព័ត៌មានកីឡាអន្តរជាតិ
(English) Olivier Giroud ខ្សែប្រយុទ្ធជើងចាស់បារាំងស៊ុតបញ្ចូលទីបានមួយគ្រាប់នៅចុងម៉ោងជួយឲ្យ Lille ទទួលជ័យជម្នះ២-១ លើក្រុមបាល់ទាត់ន័រវែស Brann ក្នុងការប្រកួតក្របខ័ណ្ឌពានរង្វាន់ Europa League។ Giroud ដែលបានចូលទីលាននៅនាទី៦៦ តែតបាល់បញ្ចូលទីបានមួយគ្រាប់នៅនាទី៧៩ រកជ័យជម្នះសម្រាប់ក្រុមបារាំងកាលពីយប់ថ្ងៃព្រហស្បតិ៍។
ក្នុងវ័យ៣៨ ឆ្នាំ និង ៣៦០ ថ្ងៃ Giroudបានក្លាយ អ្នកស៊ុតបញ្ចូលទីច្រើនជាងគេបំផុតរបស់បារាំងនិងជាអ្នកស៊ុតបញ្ចូលទីចាស់បំផុតរបស់បារាំងក្នុងប្រវត្តិសាស្ត្រការប្រកួតពានអឺរ៉ុប។ ជាមួយគ្នានេះដែរGiroud ក៏ជាប់ចំណាត់ថ្នាក់ជាកីឡាករបារាំងវ័យចំណាស់ជាងគេទី ២ ដែលបានបង្ហាញខ្លួនក្នុងពានរង្វាន់អឺរ៉ុប បន្ទាប់ពី Bruno Ferrero ដែលបានបង្ហាញខ្លួនក្នុងឆ្នាំ១៩៧៣ នៅក្នុង៣៩ ឆ្នាំ៣០២ ថ្ងៃ។ កំណត់ត្រានេះបង្ហាញពីវ័យចំណាស់មិនគួរឱ្យជឿរបស់ខ្សែប្រយុទ្ធដែលនៅតែបង្ហាញថាមពលនៅលើឆាកដ៏ធំបំផុត៕
(English) ទោះបីឈរចំណាត់ទី៧ ក្នុងបញ្ជីពានរង្វាន់ Ballon d’Or ២០២៥ កីឡាករសញ្ជាតិបារាំង Kylian Mbappe បានដណ្តីមយកចំណាត់ថ្នាក់លេខ១ ក្នុងបញ្ជីប្រាក់បៀវត្សរ៍ ប្រចាំឆ្នាំខណៈម្ចាស់ពាន Ousmane Dembele ឈរលេខ៣។ ១- Kylian Mbappe ចំណាត់ថ្នាក់លេខ៧ ក្នុងតារាងពានរង្វាន់ Ballon d’Or ឆ្នាំ ២០២៥ ប៉ុន្តែ លេខ១ បើនិយាយពីប្រាក់បៀវត្សរ៍ ប្រចាំឆ្នាំ។ កីឡាករសញ្ជាតិបារាំងរូបនេះរកចំណូលបានជាង ៤១លានដុល្លារក្នុងមួយឆ្នាំនៅឯ Real Madrid ។
២- Mohamed Salah កីឡាករសញ្ជាតិអេហ្ស៊ីបគឺជាកីឡាករល្អបំផុតរបស់ Premier League កាលពីរដូវកាលមុន និងបានបញ្ចប់ក្នុងចំណាត់ថ្នាក់លេខ ៤ នៅលើតារាង Ballon d’Or ។ គាត់ជាប់ចំណាត់ថ្នាក់លេខ២ជាមួយនឹងប្រាក់បៀវត្សរ៍ ប្រចាំឆ្នាំជាង២៨លានដុល្លារ។
៣-Ousmane Dembele ម្ចាស់ពានរង្វាន់ Ballon d’Or ២០២៥ ប៉ុន្តែស្ថិតនៅចំណាត់ថ្នាក់លេខ៣ក្នុងតារាងប្រាក់បៀវត្សរ៍គឺជាង២៤លានដុល្លារ ក្នុងមួយរដូវកាលជាមួយក្លឹប Paris SG។
៤- Lamine Yamalនិង Raphinha របស់ក្លឹបBarcelona Yarmal បញ្ចប់ក្នុងចំណាត់ថ្នាក់ទី២និង Raphinha លេខ៥ក្នុងតារាងរង្វាន់ Ballon d’Or ប៉ុន្តែនៅលើតារាងប្រាក់បៀវត្សរ៍ប្រចាំឆ្នាំ អ្នកទាំងពីរឈរចំណាត់ថ្នាក់ទី៤ដូចគ្នាគឺទទួលបានជាង២២លានដុល្លារ ក្នុងមួយឆ្នាំ។
៦-Achraf Hakimi ខ្សែការពារសញ្ជាតិម៉ារ៉ុកគឺជាកីឡាករតែម្នាក់គត់។ឈរចំណាត់ទី៦ទាំងពាននិងប្រាក់ខែ។ គាត់រកបានជាង១៧លានដុល្លារនៅ PSG។
៧- Gianluigi Donnarumma អ្នកចាំទីអ៊ីតាលីបានឈ្នះពានរង្វាន់ Yachine និងបានបញ្ចប់ក្នុងចំណាត់ថ្នាក់លេខ ៩ក្នុងតារាង Ballon d’Or ។ គាត់បានចាកចេញពី PSG ទៅចូលរួមជាមួយ Manchester City បន្ទាប់ពីមានជម្លោះលើកិច្ចសន្យាថ្មី ដោយទទួលបានកិច្ចព្រមព្រៀងដែលមានតម្លៃ១៧លានដុល្លារក្នុងមួយឆ្នាំនៅក្នុងប្រទេសអង់គ្លេស។
៨- Vitinha ខ្សែបម្រើសញ្ជាតិព័រទុយហ្គាល់បាន ចំណាត់ថ្នាក់លេខ៣ពានរង្វាន់ ប៉ុន្តែឈរចំណាត់ថ្នាក់ទី៨ ជាមួយនឹងប្រាក់ប្រាក់ខែ១៤លានដុល្លារក្នុងមួយឆ្នាំនៅ PSG ។
៩-Nuno Mendes Mendes ចំណាត់ថ្នាក់លេខ ១០នៅលើតារាង Ballon d’Or ប៉ុន្តែអាចជាប់ចំណាត់ថ្នាក់ទី៩ ជាមួយនឹងប្រាក់ខែ១៣លានដុល្លារ។
១០-Cole Palmer កីឡាករអង់គ្លេសដែលមានចំណាត់ថ្នាក់ទីប្រាំបីក្នុងតារាង Ballon d’Or និងលំដាប់ទី១០ ក្នុងតារាងប្រាក់បៀរវត្សរ៍ជាង៩ លានដុល្លារក្នុងមួយរដូវកាល៕
(English) ស្ថាប័នបាល់ទាត់អ៊ឺរ៉ុប UEFA កំពុងឆ្ពោះទៅរកការបោះឆ្នោតព្យួរកៅអីសមាជិកសហព័ន្ធបាល់ទាត់អ៊ីស្រាអែលជុំវិញសង្គ្រាមនៅហ្គាហ្សា។ នេះបើយោងតាមសារព័ត៌មាន AP ចេញផ្សាយកាលពីថ្ងៃព្រហស្បតិ៍ទី២៥ ខែកញ្ញា ឆ្នាំ២០២៥។ ប្រភពដែលគួរឲ្យទុកចិត្ត២បានប្រាប់ AP ក្នុងលក្ខខណ្ឌសុំមិនបញ្ចេញឈ្មោះថា៖ ភាគច្រើននៃគណៈកម្មាធិការប្រតិបត្តិដែលមានសមាជិក ២០ របស់ UEFA ត្រូវបានគេរំពឹងថានឹងបោះឆ្នោតគាំទ្រព្យួរកៅអីក្រុមជម្រើសជាតិ អ៊ីស្រាអែលមិនឲ្យប្រកួតអន្តរជាតិ។ ការធ្វើបែបបនេះនឹងរារាំងក្រុមជម្រើសជាតិ និងក្លិបបាល់ទាត់របស់អ៊ីស្រាអែលមិនឱ្យចូលរួមប្រកួតអន្តរជាតិ រួមទាំងការប្រកួតបាល់ទាត់ពិភពលោកនៅឆ្នាំក្រោយផងដែរ។ ក្រុមបុរសរបស់អ៊ីស្រាអែលគ្រោងនឹងបន្តយុទ្ធនាការជម្រុះ World Cup របស់ខ្លួនឡើងវិញក្នុងរយៈពេលពីរសប្តាហ៍នៅក្រៅដីជាមួយន័រវេស និងអ៊ីតាលី។
ទោះជាយ៉ាងណាក្តី វាមិននៅមិនទាន់ច្បាស់ថាតើស្ថាប័នបាល់ទាត់ពិភពលោក FIFA នឹងគាំទ្រសំណើររបស់ UEFA ដកអ៊ីស្រាអែលឬក៏អត់ដោយសារទំនាក់ទំនងយ៉ាងជិតស្និទ្ធរវាងមេដឹកនាំ FIFA លោក Gianni Infantino និងប្រធានាធិបតី Donald Trump ដែលជាមេរបស់អ៊ីស្រាអ៊ែល។ កាលពីដើមសប្តាហ៍នេះ អ្នកជំនាញឯករាជ្យចំនួនប្រាំពីរដែលធ្វើការជាមួយក្រុមប្រឹក្សាសិទ្ធិមនុស្សរបស់អង្គការសហប្រជាជាតិបានជំរុញឱ្យ FIFA និង UEFA ផ្អាកអ៊ីស្រាអែលពីការប្រកួតអន្តរជាតិ។អ្នកនាំពាក្យក្រសួងការបរទេសបាននិយាយថា ខ្លួននឹងធ្វើការដើម្បីបញ្ឈប់កិច្ចខិតខំប្រឹងប្រែងណាមួយដែលព្យាយាមហាមឃាត់ក្រុមអ៊ីស្រាអែលពីការប្រកួត World Cup ។ ក្រុមប្រឹក្សាគ្រប់គ្រងរបស់ FIFA គ្រោងនឹងជួបប្រជុំគ្នានៅទីក្រុង Zurich នៅសប្តាហ៍ក្រោយ។ ក្រុមប្រឹក្សាដែលមានសមាជិក៣៧ រូប រួមមាន ៨ រូបមកពី UEFA។FIFA បានបដិសេធមិនធ្វើអត្ថាធិប្បាយទេកាលពីថ្ងៃព្រហស្បតិ៍៕
(English) FIFA ត្រូវបានគេរាយការណ៍ថាកំពុងពិចារណាលើការពង្រីកការប្រកួតបាល់ទាត់ពិភពលោកឆ្នាំ ២០៣០ ដល់ចំនួន ៦៤ ក្រុមមុនពេលការពង្រីកចំនួន ៤៨ ក្រុមជាលើកដំបូងដែលរៀបចំដោយសហម្ចាស់ផ្ទះ អាមេរិក, កាណាដា និងម៉ិកស៊ិក ។ យោងតាមសារព័ត៌មាន The Athletic បានឱ្យដឹងថា៖ FIFA បានទទួលការណែនាំជាផ្លូវការដើម្បីឱ្យមានក្រុមចំនួន ៦៤ នៅ World Cup ឆ្នាំ ២០៣០ មុនពេលការប្រកួត ៤៨ ប្រទេសលើកដំបូងនៅឆ្នាំក្រោយ។ ប្រធានសមាគមបាល់ទាត់អ៊ុយរូហ្គាយលោក Ignacio Alonso បានបង្ហាញគំនិតនេះជាលើកដំបូងក្នុងអំឡុងពេលកិច្ចប្រជុំក្រុមប្រឹក្សា FIFA ក្នុងខែមីនា ដែលធ្វើអោយមានការភ្ញាក់ផ្អើលយ៉ាងខ្លាំងចំពោះអ្នកដែលមានវត្តមានចូលរួម។
ប្រធាន CONMEBOL លោក Alejandro Dominguez បានបង្ហាញវាម្តងទៀតនៅក្នុងកិច្ចប្រជុំដែលធ្វើឡើងនៅទីស្នាក់ការកណ្តាលរបស់ FIFA នៅទីក្រុងញូវយ៉ក ខាងក្នុងអគារ Trump Towers កាលពីថ្ងៃអង្គារ ទី ២៤ខែកញ្ញា ឆ្នាំ២០២៥។ មានឥស្សរជន និងអ្នកនយោបាយបាល់ទាត់កំពូលៗជាច្រើនមកពីបណ្តាប្រទេសនៅអាមេរិកខាងត្បូង អាហ្សង់ទីន ប៉ារ៉ាហ្គាយ និងអ៊ុយរូហ្គាយចូលរួម ដោយមិនរាប់បញ្ចូលប្រធានាធិបតីអាហ្សង់ទីន Javier Millei ។ CONMEBOL ចង់បានការប្រកួតដែលមានប្រទេសចំនួន ៦៤ សម្រាប់ការប្រារព្ធខួបមួយសតវត្សនៃការប្រកួតបាល់ទាត់ពិភពលោកលើកដំបូងដែលធ្វើជាម្ចាស់ផ្ទះ និងឈ្នះដោយអ៊ុយរូហ្គាយក្នុងឆ្នាំ ១៩៣០។
ការប្រកួតបាល់ទាត់ពិភពលោកឆ្នាំ ២០៣០គឺជាការប្រកួតដ៏ធំរួចទៅហើយជាមួយនឹងក្រុមចំនួន៤៨ក្រុមដែលរំពឹងថានឹងចូលរួមក្នុងការប្រកួតនៅទូទាំងទ្វីបចំនួន៣ ប្រទេសចំនួន ៦ និងកីឡដ្ឋានចំនួន១៩ ។ ម៉ារ៉ុក ព័រទុយហ្គាល់ និងអេស្បាញបានឈ្នះសិទ្ធិធ្វើជាម្ចាស់ផ្ទះ ប៉ុន្តែដើម្បីជាកិត្តិយសនៃការប្រារព្ធពិធីគម្រប់ខួបមួយសតវត្ស FIFA បានពង្រីកសិទ្ធិធ្វើម្ចាស់ផ្ទះមួយចំនួនដល់អាហ្សង់ទីន ប៉ារ៉ាហ្គាយ និងអ៊ុយរូហ្គាយ។ អ៊ុយរូហ្គាយនឹងធ្វើជាម្ចាស់ផ្ទះមួយប្រកួតក្នុងនាមជាម្ចាស់ផ្ទះ និងជាអ្នកឈ្នះការប្រកួតលើកដំបូង អាហ្សង់ទីនសម្រាប់ការឡើងដល់វគ្គផ្តាច់ព្រ័ត្រ និងប៉ារ៉ាហ្គាយសម្រាប់ធ្វើជាម្ចាស់ផ្ទះរបស់ CONMEBOL ដែលជាសហព័ន្ធតែមួយគត់ដែលមានស្រាប់ក្នុងឆ្នាំ ១៩៣០។
គួររំឭកថា ព្រឹត្តិការណ៍ FIFA World Cup ២០២៦ ដែលគ្រោងធ្វើនៅឆ្នាំក្រោយ នឹងក្លាយជាការប្រកួតលើកដំបូងដែលមានប្រទេសចំនួន ៤៨ ចូលរួម ច្រើនជាងការប្រកួតចំនួន៣២ក្រុម ដែលមានតាំងពីឆ្នាំ ១៩៩៨។ យោងតាម FIFA.com ទ្វីបអឺរ៉ុបមានកៅអីចំនួន១៦ អាហ្រ្វិក៩កៅអី អាស៊ីមាន៨ អាមេរិកខាងជើង៦ រួមទាំងម្ចាស់ផ្ទះទាំងបី។ អាមេរិកខាងត្បូងត្រូវបានគេទុកកៅអីចំនួន៦ និងអូសេអានី១ ខណៈដែលកៅអីពីរដែលនៅសល់នឹងត្រូវសម្រេចតាមរយៈការប្រកួតជម្រុះអន្តរទ្វីប។ គិតមកត្រឹមពេលនេះប្រទេសចំនួន ១៨ មានលក្ខណៈសម្បត្តិគ្រប់គ្រាន់សម្រាប់ការប្រកួតនេះ រួមទាំងក្រុមការពារជើងឯក អាហ្សង់ទីន ដែលបានបញ្ចប់នៅលើកំពូលតារាងនៃវគ្គជម្រុះនៅតំបន់ CONMEBOL៕
(English) ក្លិប Ternana នៅក្នុងក្របខណ្ឌ Serie C បានតែងតាំងអ្នកស្នងមរតកមហាសេដ្ឋីវ័យ ២៣ ឆ្នាំនាង Claudia Rizzo ជាប្រធានក្លិបថ្មីរបស់ពួកគេ ដែលធ្វើឲ្យអ្នកគាំទ្រនៅទូទាំងទ្វីបអឺរ៉ុបជជែកវែកញែកគ្នាពេញមួយយប់។ Claudia គឺជាកូនស្រីអ្នកជំនួញលោក Gianluigi Rizzo បានក្លាយជាប្រធានក្លិបស្ត្រីដំបូងគេក្នុងប្រវត្តិសាស្ត្ររបស់ក្លិប Ternana ។បច្ចុប្បន្ន Ternana អងស្ថិតនៅពាក់កណ្តាលតារាងក្នុងក្របខ័ណ្ឌ Serie C ពូល B ប៉ុន្តែជាមួយនឹងប្រធានថ្មី ពួកគេប្រហែលជាក្រុមដែលត្រូវបានគេនិយាយច្រើនបំផុតនៅក្នុងលីគនេះ។
រូបសម្ភស្សដ៏ស្រស់ស្អាតនិងស្នាមញញឹមរបស់នាង ទទួលបានការចាប់អារម្មណ៍យ៉ាងឆាប់រហ័ស ជាមួយនឹងតំណែងដ៏មានឥទ្ធិពលបែបនេះ។ នាងចូលកាន់តំណែងបន្ទាប់ពីគ្រួសាររបស់នាងបានក្លាយជាម្ចាស់ថ្មីរបស់ក្លិប។ នាងបាននិយាយថា៖ ខ្ញុំមានកិត្តិយសដែលបានធ្វើជាប្រធានក្លឹបដែលមានប្រវត្តិដ៏មានកិត្យានុភាពដូចជា Ternana Calcio ក្នុងឆ្នាំនៃសហស្សវត្សរ៍របស់ខ្លួន។គោលដៅរបស់យើងគឺបង្កើតគម្រោងដ៏រឹងមាំ ទំនើប និងតម្លាភាព ។យើងនឹងធ្វើការដោយការប្ដេជ្ញាចិត្តក្នុងការស្ដារឡើងវិញនូវភាពសាទរ និងមោទនភាពចំពោះអ្នកគាំទ្រទាំងអស់៕
(English) Tim Krul អតីតអ្នកចាំទីនៅ Premier League បានប្រកាសចូលនិវត្តន៍ពីបាល់ទាត់អាជីព បន្ទាប់ពីចំណាយពេលជិតពីរទសវត្សរ៍នៅក្នុងសមរភូមិវាលស្មៅ។ កីឡាករវ័យ ៣៧ ឆ្នាំរូបនេះបង្ហាញខ្លួនបាន ២២២ ប្រកួតនៅ Premier League សម្រាប់ក្លិប Newcastle United និង Norwich City រក្សាបាល់មិនឲ្យចូលទី (Clean Sheet) បានចំនួន ៥១ប្រកួត និងរបូតគ្រាប់បាល់ ៣៧១ គ្រាប់។
ទម្រង់លេងដ៏ល្អនៅក្នុងក្លិបក៏បានធ្វើឱ្យរូបគេមានឱកាសបង្ហាញវត្តមានឲ្យក្រុមជម្រីសជាតិហុល្លង់បានចំនួន ១៥ ដង រួមទាំងតួនាទីមិនអាចបំភ្លេចបានក្នុងការស៊ុតបាល់ប៉េណាល់ទីនៅ World Cup ២០១៤ ប្រកួតជាមួយនឹងកូស្តារីកា ជាកន្លែងដែលរូបគេបានសង្គ្រោះបាល់ពីរគ្រាប់ បន្ទាប់ពីចូលជំនួស Jasper Cillessen ។ Krul ដែលគ្មានក្លឹបលេងចាប់តាំងពីចាកចេញពី Luton Town កាលពីចុងរដូវកាលមុន ក៏បានចែករំលែកកំណត់ត្រា Premier League សម្រាប់ការសង្គ្រោះបាល់បានច្រើនបំផុតក្នុងការប្រកួតតែមួយជាមួយ David de Gea ដែលបានកំណត់អំឡុងពេលប្រកួតជាមួយ Tottenham ក្នុងខែវិច្ឆិកា ឆ្នាំ ២០១៣៕
(English) Aitana Bonmatí ខ្សែបម្រើសញ្ជាតិអេស្ប៉ាញដែលបច្ចុប្បន្នកំពុងលេងឱ្យក្លិបបាល់ទាត់ស្ត្រី FC Barcelona និងក្រុមជម្រើសជាតិអេស្ប៉ាញត្រូវបានគេចាត់ទុកថាជាកីឡាការិនីឆ្នើមម្នាក់ ក្នុងវិស័យបាល់ទាត់នារី។ ជាមួយគ្នានេះដែរនាងក៏ត្រូវបានគេចាត់ទុកថាជាកីឡាការិនីដែលមានប្រាក់បៀវត្សរ៍ប្រចាំឆ្នាំ ខ្ពស់ជាងគេបំផុតលើពិភពលោក គឺប្រហែលជាង ១,១លានដុល្លារ។
ចំណែកឯកីឡាការិនីដែលទទួលបានប្រាក់បៀវត្សរ៍ប្រចាំឆ្នាំខ្ពស់លំដាប់ទី២ក៏មិនទៅណាឆ្ងាយពីប្រទេសអេស្ប៉ាញដែរ គឺបានទៅលេីនាង Alexia Putellas ខ្សែបម្រើកណ្តាលរបស់ក្លឹប FC Barcelona និងជាប្រធានក្រុមបាល់ទាត់ជម្រើសជាតិអេស្ប៉ាញ។ Putellas ត្រូវបានគេចាត់ទុកថាជាកីឡាករបាល់ទាត់នារីល្អបំផុតមួយរូបក្នុងពិភពលោក ដោយបានឈ្នះពានរង្វាន់ Ballon d’Or Féminin ក្នុងឆ្នាំ២០២១ និង២០២២ ហើយក្លាយជាស្ត្រីដំបូងគេដែលឈ្នះពានរង្វាន់បាល់ទាត់ក្នុងរយៈពេលប៉ុន្មានឆ្នាំជាប់ៗគ្នា។
ប្រាក់ខែប្រចាំឆ្នាំរបស់ Putellas ត្រូវបានគេរាយការណ៍ថាមានប្រហែលជាង៨០ម៉ឺនដុល្លារ។ នាងបានចុះកិច្ចសន្យាថ្មីរយៈពេលពីរឆ្នាំជាមួយ Barcelona ក្នុងខែឧសភា ឆ្នាំ២០២៤ដោយរក្សានាងនៅក្លឹបរហូតដល់ឆ្នាំ២០២៦ ជាមួយនឹងជម្រើសបន្តមួយរដូវកាលបន្ថែមទៀត។ ចំណាត់ថ្នាក់ទី៣គឺកីឡាការិនី មកពីក្លិបChelsea និងក្រុមជម្រីសជាតិអូរស្ត្រាលី ទទួលបានប្រាក់បៀរវត្សរ៍ ជាង ៦៣ម៉ឺនដុល្លារ។
ប្រភព៖ EPSN
(English) Erling Haaland តែតបាល់បញ្ចូលទីបានមួយគ្រាប់នៅនាទី ៥៦ ក្នុងការបើកឆាកប្រកួត Champions League ជួយឲ្យក្លិប Man Cityឈ្នះ Napoli ដោយលទ្ធផល២-០ ដើម្បីបង្កើតប្រវត្តិសាស្ត្រថ្មីបន្ថែមទៀត។ ប្រវត្តិសាស្ត្រថ្មីរបស់ Haaland ក៏ដោយសារតែឥឡូវនេះបានក្លាយជាកីឡាករដែលស៊ុតបញ្ចូលទីបាន ៥០ គ្រាប់ក្នុងក្របខណ្ឌ Champions League ដែលមានចំនួនប្រកួតតិចជាងគេបំផុត។ នេះគឺជាគ្រាប់ទី ៥០ របស់កីឡាករន័រវេសក្នុងក្របខណ្ឌ Champions League ខណៈដែលរូបគេបានចំណាយពេលត្រឹមតែ ៤៩ ប្រកួតប៉ុណ្ណោះដើម្បីឈានដល់ដំណាក់កាលដ៏សំខាន់នេះ។
Haaland បានបំបែកកំណត់ត្រាចាស់របស់អតីតខ្សែប្រយុទ្ធ Manchester United និង Real Madrid គឺកីឡាករ Ruud van Nistelrooy ដែលបានចំណាយពេល ៦២ ប្រកួតដើម្បីឈានដល់ចំនុចនេះ។ ស្ថិតនៅក្នុងវ័យ២៥ ឆ្នាំ Haaland មើលទៅមានសមត្ថភាពតាមពីក្រោយកំណត់ត្រារបស់ Cristiano Ronaldo ដែលជាអ្នកគ្រាប់បាល់បានច្រីនគ្រប់ពេលនៃការប្រកួត Champions League គឺ១៤១គ្រាប់។ ជាមួយគ្នានេះដែរ លោក Guardiola សរសើរ Haaland ថា រដូវកាលនេះគាត់ល្អជាងពេលណាទាំងអស់ យើងចង់ឱ្យគាត់ស៊ុតបញ្ចូលទី និងជួយយើងឈ្នះពាន៕
(English) ក្រុមជម្រើសជាតិអេស្ប៉ាញ បានឆក់យកតំណែងកំពូលតារាងពីអាហ្សង់ទីន នៅក្នុងតារាងចំណាត់ថ្នាក់ FIFA ២០២៥ ដែលបានចេញផ្សាយកាលពីថ្ងៃព្រហស្បតិ៍ ។ នេះគឺជាការនាំមុខលើកដំបូងរបស់គោជល់ ចាប់តាំងពីត្រូវបានទម្លាក់ពីជើងឯកបាល់ទាត់ពិភពលោកក្នុងខែមិថុនា ឆ្នាំ២០១៤។
ការចាប់ផ្តើមឈ្នះពីរប្រកួតរបស់អេស្ប៉ាញក្នុងវគ្គជម្រុះ World Cup ២០២៦ ក្នុងខែនេះទៅលើក្រុមជម្រីសជាតិតួកគី និងប៊ុលហ្គារី – បានធ្វើឲ្យម្ចាស់ជើងឯកអឺរ៉ុបឡើងពីចំណាត់ថ្នាក់លេខ ២មកឈរតំណែងកំពូលតារាងនិងបានទម្លាក់ម្ចាស់ជើងឯក World Cup ឆ្នាំ២០២២ អាហ្សង់ទីនមកលេខបីវិញ។ ការចាញ់របស់អាហ្សង់ទីនក្នុងវគ្គជម្រុះ World Cup ជាមួយប្រទេសអេក្វាឌ័រ ធ្វើឱ្យបារាំងឡើងមកលេខ២។
ចំណែកឯក្រុមអង់គ្លេសនៅលេខ៤ដដែល ខណៈព័រទុយហ្គាល់ឡើងទៅលេខ៥ក្នុងការដោះដូរជាមួយប្រេស៊ីល ដែលចាញ់មួយប្រកួតជាមួយបូលីវី។ ម៉ារ៉ុក នៅលេខ១១គឺជាក្រុមល្អបំផុតក្នុងចំណោមប្រទេសអាហ្រ្វិក ហើយជប៉ុនបាននាំមុខគេនៅអាស៊ីនៅលេខ១៩ ។ អ្នកទាំងពីរមានកៅអីចូលលេង World Cup រួចហើយ៕
ប្រភព៖ AP
