(English) ក្រុមតោកំណាចអង់គ្លេសបានបញ្ចប់យុទ្ធនាការជម្រុះ World Cup ដ៏ល្អឥតខ្ចោះជាមួយនឹងជ័យជម្នះទាំង៨ប្រកួត និងគ្មានរបូតគ្រាប់បាល់ សូម្បីតែមួយគ្រាប់។ ជ័យជម្នះ ២-០ទល់នឹងអាល់បានីកាលពីថ្ងៃអាទិត្យបានធ្វើឱ្យក្រុមរបស់លោក Thomas Tuchel ទទួលបានជ័យជម្នះចំនួនប្រាំបីលើកក្នុងចំណោមការប្រកួតទាំង៨ កក់បានកៅអីមួយសម្រាប់ការប្រកួតឆ្នាំក្រោយដោយមិនរបូតគ្រាប់បាល់មួយគ្រាប់ឡើយ។  តាមពិតទៅក្រុមអង់គ្លេសទទួលបានកៅអីមួយរួចហើយមុនពេលបញ្ចប់ការប្រកួតចុងក្រោយនៃពូល K ។ កីឡាករ Harry Kane ដែលជាអ្នករកគ្រាប់បាល់បានច្រើនជាងគេគ្រប់ពេល  បានស៊ុតបញ្ចូលទីទាំងពីរគ្រាប់នៅទីក្រុង Tirana ដើម្បីពង្រីកកំណត់ត្រារបស់គាត់ដល់៧៨ គ្រាប់ក្នុង១១២ ប្រកួតសម្រាប់ប្រទេសរបស់គាត់។

ប្រធានក្រុមអង់គ្លេសបានប្រាប់អ្នកផ្សាយ ITV ថា ឥឡូវនេះ យើងបានកំណត់ស្តង់ដារមួយ ជាពិសេសនៅក្នុងជំរំពីរបីលើកចុងក្រោយ។ យើងនឹងចូលទៅប្រកួតម្តងនេះក្នុងនាមជាក្រុមដែលមានប្រៀបមួយ។ លោក Kane បន្តថា យើងបានកសាងក្រុម យើងមានឆ្នាំដ៏អស្ចារ្យជាមួយគ្រូបង្វឹកថ្មី ហើយឥឡូវនេះយើងទន្ទឹងរង់ចាំឆ្នាំ ។ កំណត់ត្រារបស់ Kane ក្នុងការប្រកួតទាំងអស់សម្រាប់ Bayern និងអង់គ្លេសនៅរដូវកាលនេះមានចំនួន២៥ គ្រាប់ក្នុង១៨ប្រកួត។

លោក Tuchel ត្រូវបានជួលកាលពីឆ្នាំមុន ដោយមានភារកិច្ចដំបូងគឺដឹកនាំក្រុមអង់គ្លេសចូលទៅក្នុងព្រឹត្តិការណ៍ World Cup នៅសហរដ្ឋអាមេរិក កាណាដា និងម៉ិកស៊ិក។ សមាគមបាល់ទាត់អង់គ្លេសជឿជាក់ថា គ្រូបង្វឹករូបនេះអាចបញ្ចប់ការរង់ចាំអស់ជាច្រើនទសវត្សរ៍របស់ប្រទេសសម្រាប់ពានរង្វាន់ធំមួយ ដោយក្រុមអង់គ្លេសមិនបានឈ្នះពានរង្វាន់ World Cup ចាប់តាំងពីឆ្នាំ ១៩៦៦។ ក្រុមអង់គ្លេសនឹងឈានចូលដល់ការប្រកួតនៅឆ្នាំក្រោយ បន្ទាប់ពីបានឡើងដល់វគ្គផ្តាច់ព្រ័ត្រនៃការប្រកួតជើងឯកអឺរ៉ុបពីរលើកចុងក្រោយ៕

ប្រភព៖ AP