ព័ត៌មានកីឡាអន្តរជាតិ
(English) វីរបុរសសញ្ជាតិព័រទុយហ្គាល់ Cristian Ronaldo បានចូលក្នុងបញ្ជីមហាសេដ្ឋីអត្តពលិកជាផ្លូវការ ដោយបានវ៉ាដាច់គូប្រជែងយូរអង្វែងរបស់ខ្លួនគឺ Lionel Messi ក្នុងទ្រព្យសម្បត្តិផ្ទាល់ខ្លួន។ យោងតាមក្រុមហ៊ុន Celebrity Net Worth បានទម្លាយឲ្យដឹងថា ការបន្តកិច្ចសន្យាចុងក្រោយរបស់ Cristiano ជាមួយក្លឹបបាល់ទាត់អារ៉ាប៊ីសាអូឌីត Al Nassr បានធ្វើឱ្យទ្រព្យសម្បត្តិរបស់គាត់កើនឡើងលើសពីមួយពាន់លានដុល្លារ ដោយបង្កើតស្តង់ដារថ្មីមួយសម្រាប់ភាពជោគជ័យផ្នែកហិរញ្ញវត្ថុនៅក្នុងវិស័យកីឡា។
កិច្ចសន្យារយៈពេលពីរឆ្នាំដែលដំណើរការរហូតដល់ខែមិថុនាឆ្នាំ២០២៧ ត្រូវបានគេរាយការណ៍ថាមានតម្លៃ៦៦១លានដុល្លារដែលជាកិច្ចសន្យាកីឡាថ្លៃបំផុតមិនធ្លាប់មាន។ ជាមួយនឹងទ្រព្យសម្បត្តិសុទ្ធដែលលើសពី១ពាន់លានដុល្លារជា ធ្វីឲ្យគាត់បានចូលរួមជាមួយមហាសេដ្ឋីអត្តពលិក ដូចជា Michael Jordan, LeBron James និង Tiger Woods ។នេះបើយោងទៅតាមការចេញផ្សាយរបស់ទស្សនាវដ្តី Forbes។ គាត់មិនត្រឹមតែជាកីកីឡាករប៉ុណ្ណោះទេ តែជាស្លាកយីហោពិភពលោក សហគ្រិន និងជាកីឡាករបាល់ទាត់ដែលមានជាងគេបំផុតក្នុងប្រវត្តិសាស្ត្រ៕
(English) កីឡាករ១០រូបនៅក្នុងក្របខណ្ឌ Premier League ទទួលបានប្រាក់ឈ្នួលខ្ពស់បំផុតសម្រាប់ឆ្នាំ២០២៥-២៦។
កីឡាករទាំងនោះរួមមានៈ
១-ខ្សែប្រយុទ្ធ Erling Haaland ក្លឹប Manchester City ទទួលបានប្រាក់ឈ្នួល ជាង៧១ម៉ឺនដុល្លារ។
កាលពីរដូវកាលមុនគាត់ទទួលបានប្រាក់ឈ្នួលតែជាង ៥០ម៉ឺនដុល្លារក្នុងមួយសប្តាហ៍ ប៉ុន្តែបន្ទាប់ពីចុះកុងត្រាថ្មីរយៈពេល៩ឆ្នាំកន្លះ តួលេខនោះបានកើនឡើងដល់ជាង៧១ម៉ឺនដុល្លារក្នុងមួយសប្តាហ៍។
២-ខ្សែប្រយុទ្ធ Mohamed Salah ក្លឹប Liverpool ទទួលបានប្រាក់ឈ្នួល ជាង៥៤ ម៉ឺនដុល្លារ(នេះមិនរាប់បញ្ចូលប្រាក់រង្វាន់ទេ)។Salah បានចុះកិច្ចសន្យាថ្មីរយៈពេល២ឆ្នាំកាលពីខែមេសា ឆ្នាំ ២០២៥។
៣-ខ្សែការពារ Virgil Van Dijk ក្លឹប Liverpool ទទួលបានប្រាក់ឈ្នួល ជាង៤៧ ម៉ឺនដុល្លារ។ ពីដំបូងVan Dijk ថានឹងចាកចេញនៅរដូវក្តៅឆ្នាំ២០២៥ ប៉ុន្តែគាត់បានជ្រើសរើសចុះកិច្ចសន្យាថ្មីដើម្បីរក្សាគាត់នៅ Anfield សម្រាប់ពីររដូវកាលទៀតរហូតដល់រដូវក្តៅឆ្នាំ២០២៧។
៤-កីឡាករ Casemiro ក្លឹប Manchester Utd ទទួលបានប្រាក់ឈ្នួល ជាង៤៧ ម៉ឺនដុល្លារ។
៥-កីឡាករ Raheem Sterling ក្លឹបChelsea ទទួលបានប្រាក់ឈ្នួល ជាង៤៣ម៉ឺនដុល្លារ។
៦-កីឡាករ Bruno Fernandes ក្លឹប Manchester United ទទួលបានប្រាក់ឈ្នួល ជាង៤០ម៉ឺនដុល្លារ។
៧-កីឡាករ Jack Grealish ក្លឹប Manchester City ទទួលបានប្រាក់ឈ្នួល ជាង៤០ម៉ឺនដុល្លារ។
៨-កីឡាករ Bernardo Silva ក្លឹប Manchester City ទទួលបានប្រាក់ឈ្នួល ជាង៤០ម៉ឺនដុល្លារ។
៩-កីឡាករ Omar Marmoush ក្លឹប Manchester City ទទួលបានប្រាក់ឈ្នួល៤០ម៉ឺនដុល្លារ។
១០-កីឡាករ Kai Havertz ក្លឹប Arsenal ទទួលបានប្រាក់ឈ្នួល ជាង៣៨ម៉ឺនដុល្លារ៕
ប្រភព៖ Givemesport
(English) ក្លិប Sydney FC កំពុងស្ថិតក្នុងការពិភាក្សាកម្រិតខ្ពស់ ដើម្បីចុះហត្ថលេខាលើវីរបុរសក្លិប Bayern Munich កីឡាករ Thomas Muller ដែលវាអាចជាការចុះហត្ថលេខាដ៏សំខាន់បំផុតមួយរបស់ A-League ។ កីឡាករសញ្ជាតិអាឡឺម៉ង់មានអាយុ 35 ឆ្នាំជាកីឡាករគញមានក្លិបលេង បន្ទាប់ពីចាកចេញពី Bayern ក្រោយពីការប្រកួត FIFA Club World Cup ហើយគាត់កំពុងពិចារណា Sydney FC ជាជម្រើសមួយក្នុងចំណោមជម្រើសចុងក្រោយ ខណៈពេលក្លិបលេងនៅ MLS ក៏បានរាយការណ៍ថាជាគោលដៅដែលគាត់ពេញចិត្តផងដែរ។
ការពិភាក្សាជាមួយអ្នកតំណាងរបស់ Muller បានបន្តអស់រយៈពេលជាច្រើនសប្តាហ៍ ដោយការសម្រេចចិត្តនឹងរំពឹងទុកក្នុងពេលឆាប់ៗនេះ។ ប្រភពបង្ហាញថា Muller ដែលជាម្ចាស់ជើងឯក Bundesliga 13 សម័យ និងជាជើងឯក World Cup 2014 មានការចាប់អារម្មណ៍យ៉ាងខ្លាំងចំពោះទីលានរបស់ Sydney FC ដែលត្រូវបានជំរុញដោយអតីតមិត្តរួមក្រុមរបស់គាត់ Douglas Costa និង Alexander Baumjohann ដែលឥឡូវនេះកំពុងលេងនៅទីនោះ។ ការចុះហត្ថលេខារបស់គាត់នឹងក្លាយជាការជំរុញដ៏សំខាន់មួយសម្រាប់ A-League និង Sydney FC ដែលមានកូតាកីឡាករបរទេសចំនួនពីរនៅសល់សម្រាប់រដូវកាល 2025/26 ៕
(English) Lucas Vazquez បានបញ្ចប់ដំណើផ្សងព្រេងជាប្រវត្តិសាស្ត្ររបស់គាត់ជាផ្លូវការនៅ Real Madrid បន្ទាប់ពីចំណាយពេលជាងមួយទសវត្សរ៍ក្នុងក្រុមធំ ហើយឥឡូវនេះកំពុងវាយតម្លៃសំណើរបស់ក្លិបមួយចំនួន ខណៈដែលគាត់ចាប់ផ្តើមដំណាក់កាលថ្មីក្នុងអាជីពរបស់គាត់។ ខ្សែបម្រើស្លាបដែលផុតកុងត្រានៅរដូវក្តៅនេះ បានចាកចេញពីក្លិបជាមួយនឹងកំណត់ត្រាដ៏គួរឱ្យចាប់អារម្មណ៍មួយ គឺការបង្ហាញខ្លួនចំនួន 402 ដង ស៊ុតបាន 38 គ្រាប់ បញ្ជូនបាល់បាន 73 ដង និងឈ្នះពានរង្វាន់ផ្លូវការចំនួន 23 រួមទាំងពានរង្វាន់ Champions League ចំនួន 5 ដងផងដែរ។ គាត់បានចូលហ្វឹកហាត់នៅសាលាយុវជនរបស់ Real Madrid នៅអាយុ 16 ឆ្នាំ ហើយបានឡើងគ្រប់កម្រិតរហូតដល់ក្រុមធំ។
ពេលនេះ AS រាយការណ៍ថា Vazquez កំពុងឆ្លៀតពេលសម្រេចចិត្តលើក្លិបបន្ទាប់របស់គាត់ ស្របពេលមានក្លិបនៅអារ៉ាប៊ីសាអូឌីត ទួរគី Premier League និងសូម្បីតែ Juventus ក៏ចាប់អារម្មណ៍ដែរ។ ទោះបីជាយ៉ាងណា កីឡាករវ័យ៣៣ឆ្នាំមិនប្រញាប់ប្រញាល់ឡើយ។ អាទិភាពរបស់គាត់គឺស្វែងរកគម្រោងដែលរួមបញ្ចូលគ្នានូវមហិច្ឆតាប្រកួតប្រជែងជាមួយនឹងស្ថិរភាពគ្រួសារ ខណៈដែលគាត់កំពុងស្វែងរកផែនការរយៈពេល 2 ទៅ 3 ឆ្នាំដែលសាកសមនឹងតម្រូវការផ្ទាល់ខ្លួន និងវិជ្ជាជីវៈរបស់គាត់។
អតីតក្លិបដែលគាត់ធ្លាប់ខ្ចីជើងដូចជា Espanyol និង Deportivo La Coruna ក៏បង្ហាញចំណាប់អារម្មណ៍ដែរ ប៉ុន្តែប្រភពជិតស្និទ្ធនឹងកីឡាករបានលើកឡើងថា គាត់ទំនងជាមិនបន្តនៅអេស្ប៉ាញទេ។ Vazquez ចូលចិត្តមិនប្រឈមមុខជាមួយ Real Madrid ដែលជាក្លិបនៃជីវិតរបស់គាត់ ហើយមានទំនោរទៅរកអ្វីដែលថ្មីនៅបរទេស ស្រដៀងទៅនឹងការផ្ទេររបស់ Luka Modric ទៅ AC Milan ។ បច្ចុប្បន្ន Vazquez កំពុងរីករាយនឹងការសម្រាករដូវក្តៅជាមួយភរិយា និងកូនបីនាក់ ដោយជឿជាក់ថា ឱកាសដ៏ត្រឹមត្រូវនឹងមកដល់ក្នុងប៉ុន្មានសប្តាហ៍ខាងមុខនេះ៕
ប្រភព៖ Tribuna
(English) Crystal Palace បានប្តឹងឧទ្ធរណ៍ប្រឆាំងស្ថាប័នបាល់ទាត់ UEFA ទៅតុលាការអាជ្ញាកណ្តាលសម្រាប់កីឡាហៅកាត់ថា CAS ដែលបានទម្លាក់ក្លិបរបស់គេទៅប្រកួតក្របខណ្ឌ UEFA Conference League ពានអឺរ៉ុបលំដាប់ទីបីនៅរដូវកាលក្រោយ។ CAS ដែលមានមូលដ្ឋាននៅប្រទេសស្វីសបានបញ្ជាក់កាលពីថ្ងៃអង្គារថាក្លឹប Premier League បានដាក់បណ្តឹងឧទ្ធរណ៍ប្រឆាំងនឹងស្ថាប័នគ្រប់គ្រងបាល់ទាត់អឺរ៉ុប។ តុលាការបាននិយាយថា ដំណើរការដែលបានពន្លឿននឹងធ្វើការសម្រេចមិនឱ្យលើសពីថ្ងៃទី១១ ខែសីហា។ CAS បាននិយាយថាការប្តឹងឧទ្ធរណ៍របស់ Palace ក៏ប្រឆាំងនឹង Nottingham Forest ដែលត្រូវបានដំឡើងពីការប្រកួត Conference League ទៅ Europa League ។ ការប្តឹងឧទ្ធរណ៍របស់ Palace ទាមទារឱ្យបដិសេធ។ លក្ខណៈសម្បត្តិរបស់ Forest ឬ Lyon ។
ប្រធានក្លឹបCrystal លោក Steve Parish បានពណ៌នាការទម្លាក់តំណែងរបស់ Palace គឺជារឿងអយុត្តិធម៌ដ៏គួរឲ្យខ្លាចបំផុត។ Palace កក់បានកៅមួយនៅវគ្គជម្រុះពានរង្វាន់ក្រប Europa League ពានកម្រិតទីពីររបស់អឺរ៉ុប បន្ទាប់ពីឈ្នះពានរង្វាន់ FA Cup កាលពីរដូវកាលមុន ដែលជាពានរង្វាន់ធំដំបូងរបស់ខ្លួនក្នុងរយៈពេល១២០ឆ្នាំប៉ុន្តែ UEFA បានទម្លាក់ Palace បន្ទាប់ពីរកឃើញថាវាបំពានលើបទប្បញ្ញត្តិកម្មសិទ្ធិពហុក្លឹប ដោយសារតែទំនាក់ទំនងរបស់ខ្លួនជាមួយក្លឹបបារាំង Lyon តាមរយៈអ្នកជំនួញជនជាតិអាមេរិក John Textor ។ លោកTextor មានភាគហ៊ុន៤៣% ជាមួយក្លឹប Palace និងជាម្ចាស់ក្លឹប Lyon ទាំងស្រុង។ ច្បាប់ UEFA បានចែងថាក្លឹបមួយអាចត្រូវបានរារាំងពីការប្រកួតពានរង្វាន់តែមួយ ទោះបីជាក្លឹបទាំងពីរមានលក្ខណៈសម្បត្តិគ្រប់គ្រាន់ក៏ដោយ៕
(English) ទោះបីជាមានភាពចម្រូងចម្រាស់និងខឹងសម្បារពីអ្នកគំាទ្រក្លិបនីមួយៗយ៉ាងណាក៏ដោយ ទីបំផុតស្ថាប័នបាល់ទាត់អន្តរជាតិ FIFA បានសម្រេចដកហូតពានរង្វាន់ Club World Cup ពីក្លិបទាំងអស់ដែលបានឈ្នះមុនឆ្នាំ២០២៥។ នៅក្នុងការសម្រេចចិត្តដែលធ្វើឲ្យកក្រើកពិភពបាល់ទាត់ FIFA បានទទួលស្គាល់ជាផ្លូវការថា Chelsea ជាជើងឯក FIFA Club World Champions ជាលើកដំបូង ក្រោមកំណែទម្រង់ការប្រកួតថ្មីដែលខ្លួនបានកែប្រែ។ ពេលនេះ FIFA បានបញ្ជាក់ថា ការឈ្នះរបស់ Chelsea គឺជាការចាប់ផ្តើមនៃយុគសម័យថ្មី ដោយរាល់ការប្រកួតនាពេលអនាគតបានធ្វើឡើងរៀងរាល់៤ ឆ្នាំម្តង ពាក់ព័ន្ធនឹងការពង្រីកក្រុមបន្ថែមទៀត ។នេះបើយោងតាមគេហទំព័រ FIFA.com ។
FIFA បានសម្រេចចិត្តថាអ្នកឈ្នះពានរង្វាន់ Club World Cup ពីមុនទាំងអស់ រួមទាំងក្លិបបាល់ទាត់យក្ស Real Madrid, Liverpool និង Manchester United នឹងមិនត្រូវបានគេហៅថាជា ក្លឹបជើងឯកពិភពលោកទៀតទេ។ ឥឡូវនេះ ជំនួសមកវិញ ពួកគេត្រូវបានគេហៅថាពានរង្វាន់អន្តរទ្វីបរបស់FIFA “FIFA Intercontinental Champions។ គួររំឭកថា គិតមកត្រឹមឆ្នាំ២០២៥ មានក្លិបបាល់ទាត់ចំនួន១២ ដែលធ្លាប់លេីកពាននេះ។ ក្លឹបទាំងនោះរួមមានៈ Real Madrid ៥ដង Barcelona៣ដង Chelsea, Corinthians និង Bayern ២ដងដូចគ្នាក្រៅពីនេះម្តងដូចគ្នាមាន Liverpool ,Sao Paulo, Internacional , Milan , Manchester United ,Inter Milan និងManchester City ៕
(English) ខ្សែប្រយុទ្ធអាហ្សង់ទីន Lionel Messi ទទួលបានកំណត់ត្រាថ្មីមួយទៀតប្រចាំសតវត្សរ៍ទី២១សម្រាប់ ការស៊ុតបញ្ចូលទីបានច្រើនជាងគេបំផុតនៅក្នុងការប្រកួតអន្តរជាតិក្នុងមួយឆ្នាំប្រតិទិន។ នេះបើយោងតាមការចេញផ្សាយរបស់គេហទំព័រ Tribuna កាលពីថ្ងៃពុធទី ២៣ កក្កដា ២០២៥។ ប្រភពខាងលើដដែលបានឲ្យដឹងថា សម្រាប់ឆ្នាំ ២០២២ ខ្សែប្រយុទ្ធមុខស្លូតរូបនេះស៊ុតបញ្ចូលទីបាន១៨គ្រាប់ក្នុងការបង្ហាញវត្តមាន១៤ ប្រកួត។
Messi បាននាំមុខ ខ្សែប្រយុទ្ធសញ្ជាតិហូឡង់ Memphis Depay ដែលបានស៊ុតបញ្ចូលទី ១៧ គ្រាប់ក្នុងការបង្ហាញខ្លួន១៦ប្រកួតសម្រាប់ហូឡង់ក្នុងឆ្នាំ ២០២១។ ចំណែកឯខ្សែប្រយុទ្ធអង់គ្លេស Harry Kane ឈរចំណាត់ថ្នាក់កំពូលទាំងបីដោយរកបាន១៦គ្រាប់ក្នុង១៦ ប្រកួត ឆ្នាំ២០២១ ផងដែរ។ ជាមួយគ្នានេះដែរខ្សែប្រយុទ្ធបែលហ្ស៊ិក Romelu Lukaku ចំណាត់ថ្នាក់លេខ៤ស៊ុតបាន១៥គ្រាប់ក្នុង៩ប្រកួតឆ្នាំ២០២៣និង Neymar របស់ប្រេស៊ីលស៊ុតបាន១៥គ្រាប់ក្នុង ១៤ប្រកួត នៅក្នុងឆ្នាំ២០១៤។ ខ្សែប្រយុទ្ធព័រទុយហ្គាល់ Cristiano Ronaldo ជាប់ចំណាត់ថ្នាក់ទី៦ស៊ុតបាន១៤គ្រាប់ក្នុង១០ប្រកួតសម្រាប់ឆ្នាំ២០១៩ ។ គួរឱ្យចាប់អារម្មណ៍ Lukaku មានសមាមាត្រគ្រាប់បាល់ដ៏ល្អបំផុតក្នុងមួយប្រកួតនៅក្នុងបញ្ជី ១,៦៦ ៕
(English) យោងតាមការចេញផ្សាយរបស់គេហទំព័រ Legit.ng កាលពីថ្ងៃអង្គារទី២២កក្កដា ២០២៥ បានឱ្យដឹងថាមានកីឡាករ ៩ រូបដែលមានយន្តហោះតម្លៃថ្លៃបំផុត ជិះ។ ខាងក្រោមនេះគឺជាបញ្ជីឈ្មោះកីឡាករទាំង៩រូបនោះ។
១-ស្តេចបាល់ទាត់ប្រេស៊ីលលោកតា Pele ដែលបានស្លាប់កាលពីឆ្នាំ ២០២២មានយន្តហោះប្រភេទ Emirates Boeing 777 តម្លៃជាង ៨០ លានដុល្លារ។ Boeing 777 គឺជាយន្តហោះលំដាប់ថ្នាក់ពាណិជ្ជកម្ម ប្រែទៅជាយន្តហោះឯកជន។ យន្តហោះនេះមានកន្លែងទទួលភ្ញៀវ បន្ទប់ប្រជុំ និងសមត្ថភាពរយៈចម្ងាយឆ្ងាយ ដែលស័ក្តិសមជាបុរសដែលគេតែងតែហៅថាជាស្តេចបាល់ទាត់។
២- Cristiano Ronaldo មានយន្តហោះផ្ទាល់ខ្លួន ប្រភេទ Gulfstream G650 តម្លៃជាង៧៥លានដុល្លារ។សម្រាប់ Cristiano Ronaldo គឺគ្មានអ្វីអស្ចារ្យទេ។ យន្តហោះនេះផ្ទុកអ្នកដំណើរ១៨នាក់ ។ វាមានផ្ទៃខាងក្នុងស្បែកល្អបំផុត បំពាក់វ៉ាយហ្វាយ ទូរស័ព្ទផ្កាយរណប និងគ្រែគេងធំទូលាយ ដែលល្អឥតខ្ចោះសម្រាប់កីឡាករបាល់ទាត់ដែលឆ្លងកាត់ទ្វីបជាបន្តបន្ទាប់។
៣-Lionel Messi មានយន្តហោះប្រភេទGulfstream V តម្លៃត្រឹមតែ៤៥លានដុល្លារ។ Messi អាចជាកីឡាករកំពូលនៅក្នុងទីលាននិងស្រទាប់មហាជនដែលគេចាត់ទុកថាជា ( G.O.A.T.) ប៉ុន្តែនៅលើអាកាស Ronaldo បានរុញគាត់ចេញ។
Gulfstream V Messi នៅតែជាមហាអំណាចលេីអាកាស មានសមត្ថភាពធ្វើដំណើរដ៏ល្អក្នុងផ្លូវឆ្ងាយ។ វារួមមានផ្ទះបាយ បន្ទប់ទឹកពីរ និងកៅអីសម្រាប់អ្នកដំណើរ១៦នាក់ ក្នុងការហោះហើរសាមញ្ញ។
៤- David Beckham មានយន្តហោះប្រភេទ Bombardier Challenger 350 តម្លៃ ២៧លានដុល្លារ) ។
៥- Zlatan Ibrahimovic មានយន្តហោះប្រភេទ Cessna Citation Longitude តម្លៃ២៦លានដុល្លារ ។
៦- Wayne Rooney មានយន្តហោះប្រភេទDassault Falcon 900LX តម្លៃ២៣ លានដុល្លារ) ។
៧- Neymar មានយន្តហោះប្រភេទCessna Citation Sovereign តម្លៃ២២លានដុល្លារ។
៨- Paul Pogba មានយន្តហោះប្រភេទ Gulfstream G280 តម្លៃ២០ លានដុល្លារ។
៩- Gareth Bale មានយន្តហោះប្រភេទCessna Citation XLS+ តម្លៃជាង ៨ លានដុល្លារ ។ខណៈពេលដែលវាមានតម្លៃទាបបំផុតនៅក្នុងបញ្ជី វាមានប្រសិទ្ធភាព ទាន់សម័យ និងសមឥតខ្ចោះសម្រាប់ការធ្វើដំណើររយៈពេលខ្លីរវាងផ្ទះ និងទីលានវាយកូនហ្គោលរបស់គាត់៕
Keylor Navas បានចូលរួមជាផ្លូវការជាមួយនឹងក្លិប Pumas UNAM របស់ម៉ិកស៊ិក បន្ទាប់ពីបង្ហាញខ្លួនគួរឱ្យចាប់អារម្មណ៍មួយរយៈខ្លីជាមួយនឹងក្លិប Newell’s Old Boys របស់អាហ្សង់ទីន។
អ្នកចាំទីសញ្ជាតិកូស្តារីការូបនេះ ផ្ទេរក្នុងតម្លៃខ្លួន 1.9 លានដុល្លារ (ប្រហែល 1.6 លានអឺរ៉ូ) ជាមួយនឹងប្រាក់បន្ថែមចំនួន 100.000 ដុល្លារ (85.500 អឺរ៉ូ) ជាប្រាក់បន្ថែម។
ក្លិប Newell’s បានបញ្ជាក់ពីការផ្ទេរនេះ នៅក្នុងសេចក្តីថ្លែងការណ៍ផ្លូវការមួយ ដោយសង្កត់ធ្ងន់ថាការសម្រេចចិត្តនេះ ស្របតាមការប្តេជ្ញាចិត្តរបស់ក្លិបចំពោះឯកភាព វិជ្ជាជីវៈ និងការគោរពចំពោះតម្លៃស្នូលរបស់វា។ សេចក្តីថ្លែងការណ៍បានសរសេរថា៖ «ដើម្បីសម្រេចបានទាំងកីឡា និងគោលដៅរបស់មនុស្ស សមាជិកគ្រប់រូបត្រូវតែដើរក្នុងទិសដៅដូចគ្នា ដោយតែងតែដាក់សមូហភាពនាំមុខបុគ្គល»។
Navas បានចូលរួមជាមួយ Newell’s កាលពីដើមឆ្នាំនេះ ហើយបានបង្ហាញខ្លួនក្នុង 16 ប្រកួត ដោយរក្សាបាន Clean Sheet ប្រាំបី និងរបូតគ្រាប់បាល់តែ 11 គ្រាប់ប៉ុណ្ណោះ។ ទោះបីជាគាត់ស្នាក់នៅរយៈពេលខ្លីក៏ដោយ គាត់ជាកីឡាករមានឥទ្ធិពលខ្លាំង ដោយបង្ហាញពីបទពិសោធន៍ និងភាពជាអ្នកដឹកនាំដែលបានកំណត់អាជីពរបស់គាត់នៅក្លិបកំពូលៗនៅអឺរ៉ុបដូចជា Real Madrid និង PSG ។
នៅ Pumas Navas ត្រូវបានគេរំពឹងថានឹងនាំមកនូវស្ថេរភាព និងលក្ខណៈអន្តរជាតិ ខណៈដែលក្លិបសម្លឹងមើលការប្រកួតប្រជែងនៅកម្រិតខ្ពស់បំផុតនៅក្នុង Liga MX ។
