លោក Steven Gerrard សមនឹងទទួលបានរូបសំណាកនៅខាងក្រៅកីឡដ្ឋាន Anfield ដូចទៅនឹងកីឡាករផ្សេងៗទៀត ដែលជួយសម្រេចបានសមិទ្ធផលជាច្រីននៅលើទីលាន ប៉ុន្តែរហូតមកដល់ពេលនេះមិនមានរូបសំណាករបស់លោកទេ។ ទាក់ទងនឹងរឿងនេះដែរ លោក Steven Gerrard បានគូសបញ្ជាក់ថា៖ លោកមិនត្រូវការរូបសំណាកខ្លួនឯងនៅខាងក្រៅកីទ្បដ្ឋាន Anfield ដើម្បីធ្វើឱ្យលោកមានអារម្មណ៍ថាត្រូវបានគេកោតសរសើរដោយ Liverpool នោះទេ ។

ជាមួយគ្នានេះ កិច្ចសម្ភាសន៍មួយនៅក្នុងផតឃែស្ថរបស់លោក Rio Ferdinand Presents លោក Steven Gerrard បាននិយាយថា៖ «ខ្ញុំនៅតែមានអារម្មណ៍ថា ត្រូវបានគេស្រឡាញ់និងគោរពរាល់ពេលដែលត្រលប់ទៅពហុកីដ្ឋាន Anfield ។ មានការគោរពគ្រប់គ្រាន់ ហើយខ្ញុំគិតថាក្លឹបមិនដែលភ្លេចខ្ញុំទេ។ ខ្ញុំមិនត្រូវការរូបសំណាកដើម្បីទទួលអារម្មណ៍ស្រលាញ់ Liverpool នោះទេ។ វាគ្រប់គ្រាន់ហើយ។ ការគោរពរបស់ខ្ញុំចំពោះ Liverpool កាន់តែរឹងមាំ និងមានអ្នកស្រលាញ់ខ្ញុំច្រីន ចាប់តាំងពីថ្ងៃដែលខ្ញុំចូលនិវត្តន៍»។

Gerrard ត្រូវបានមនុស្សមួយចំនួនចាត់ទុកជាកីឡាករ Liverpool ដ៏អស្ចារ្យបំផុតគ្រប់ពេល។ ខ្សែបម្រើរូបនេះស៊ុតបញ្ចូលទីបាន ១៨៦ គ្រាប់ក្នុងការបង្ហាញខ្លួន ៧១០ ក្នុងអំឡុងពេលអាជីព ១៧ ឆ្នាំរបស់លោកនៅ Merseyside។ ក្នុងអំឡុងពេលនោះលោកក៏បានឈ្នះពានរង្វាន់ធំៗចំនួន ៩ រួមទាំងពានរង្វាន់ Champions League ក្នុងឆ្នាំ២០០៥ នៅទីក្រុងអ៊ីស្តង់ប៊ុល ផងដែរ៕

ប្រភព៖ The Mirror

អតីតខ្សែការពារកូតឆ្វេងរបស់ក្រុមជម្រើសជាតិអេស្ប៉ាញ និងក្លិប FC Barcelona កីទ្បាករ Jordi Alba នឹងចូលនិវត្តន៍ពីអាជីពបាល់ទាត់នៅពេលដែលរដូវកាល Major League Soccer ត្រូវបានបញ្ចប់។  Jordi Alba ដែលមានវ័យ ៣៦ ឆ្នាំរូបនេះបានផ្លាស់មកកាន់ក្លិប Inter Miami ដែលមានអតីតមិត្តរួមក្រុម Lionel Messi, Sergio Busquets និង Luis Suarez ក្នុងលក្ខខណ្ឌគ្មានតម្លៃខ្លួនពី FC Barcelona ក្នុងឆ្នាំ២០២៣។

Jordi Alba បាន​និយាយ​ក្នុង​វីដេអូ​ដែល​បាន​បង្ហោះ​លើ Instagram ថា៖ «ពេលវេលា​បាន​មក​ដល់​ដើម្បី​បិទ​ជំពូក​ដ៏​មាន​អត្ថន័យ​ក្នុង​ជីវិត​របស់​ខ្ញុំ”។ ខ្ញុំបានសម្រេចចិត្តនាំយកអាជីពបាល់ទាត់របស់ខ្ញុំទៅកាន់ទីបញ្ចប់នៅចុងបញ្ចប់នៃរដូវកាលនេះ។ ខ្ញុំធ្វើដូច្នេះដោយភាពជឿជាក់ពេញលេញ ដោយសន្តិភាព និងដោយសុភមង្គល»។  Alba បានចូលនិវត្តន៍ពីបាល់ទាត់ពីក្រុមជម្រើសជាតិក្នុងឆ្នាំ ២០២៣ បន្ទាប់ពីបានបង្ហាញខ្លួន ៩៣ លើក។

យ៉ាងណា មុនពេលចូលនិវត្តន៍ពីបាល់ទាត់ Jordi Alba ក៏បានកសាងកេរ្តិ៍ឈ្មោះល្បីល្បាញក្នុងស្រុកកំណើតផងដែរ (អេស្ប៉ាញ) ពោលគឺចាប់ពីឆ្នាំ២០១២-២៣ រូបគេបានរួមចំណែកជួយក្រុម FC Barcelona ឈ្នះពានរង្វាន់ La Liga ៦ សម័យកាល, UEFA Champions league ក៏ដូចជា UEFA Super Cup និង FIFA Club World Cup ចំនួន ១ លើក។ ដោយទ្បែកនៅអេស្ប៉ាញ Jordi Alba ក៏បានរួមចំណែកជួយឱ្យក្រុមជម្រើសជាតិ ឈ្នះពានរង្វាន់ Euro ឆ្នាំ២០១២ និង UEFA National League ឆ្នាំ២០២៣ ផងដែរ។

សូមជម្រាបថា មិត្តរួមក្រុមរបស់ Jordi Alba ម្នាក់ទៀតគឺ Sergio Busquets ក៏នឹងចូលនិវត្តន៍អាជីពបាល់ទាត់ផងដែរ នៅពេលដែលរដូវកាល Major League Soccer ត្រូវបានបញ្ចប់៕

សមាគមបាល់ទាត់អ៊ូសបេគីស្ថាន (UFA) បានប្រកាសជាផ្លូវការនូវការតែងតាំងលោក Fabio Cannavaro អតីតប្រធានក្រុម និងជាខ្សែការពាររបស់ក្រុមជម្រើសជាតិអ៊ីតាលី ដែលបានឈ្នះ World Cup ឆ្នាំ ២០២៦ ធ្វើជាអ្នកចាត់ការថ្មីរបស់ក្រុមជម្រើសជាតិអ៊ូសបេគីស្ថាន ដើម្បីរៀបចំដឹកនាំក្រុមលេង World Cup ឆ្នាំ ២០២៦។

គ្រូបង្វឹកជនជាតិអ៊ីតាលីវ័យ ៥២ ឆ្នាំរូបនេះមានបទពិសោធន៍ដឹកនាំទាំងក្លិប និងក្រុមជម្រើសជាតិ រួមមាន Guangzhou FC (ចិន), Al Nassr (អារ៉ាប៊ីសាអូឌីត), Tianjin FC (ចិន), ក្រុមជម្រើសជាតិចិន, Benevento (អ៊ីតាលី), Udinese (អ៊ីតាលី) និង Dinamo Zagreb (ក្រូអាត)។ លោក Fabio Cannavaro នឹងដឹកនាំក្រុមជម្រើសជាតិអ៊ូសបេគីស្ថាន ចូលរួមប្រកួតប្រជែង World Cup ជាលើកដំបូងរបស់ពួកគេនៅក្រោយ ដែលសហរដ្ឋអាម៉េរិក, កាណាដា និងម៉ិកស៊ិក ធ្វើជាម្ចាស់ផ្ទះរួមគ្នា។

លោក Fabio Cannavaro  ដែលជាម្ចាស់ពានរង្វាន់ Ballon d’Or ឆ្នាំ ២០០៦ បានលាតត្រដាងបន្ទាប់ពីទទួលយកការងារជាអ្នកចាត់ការទូទៅក្រុមជម្រើសជាតិអ៊ូសបេគីស្ថានថាពីមុនខ្ញុំបានទទួលការផ្តល់ជូនពីក្រុមប្រហែល ៧ ឬ ៨ ផ្សេងទៀត។ មូលហេតុដែលខ្ញុំជ្រើសរើសចូលរួមជាមួយអ៊ូសបេគីស្ថាន គឺដោយសារតែខ្ញុំចង់នាំក្រុមទៅប្រកួត World Cup វគ្គផ្តាច់ព្រ័ត្រ ដូច្នេះខ្ញុំទទួលយកការផ្តល់ជូននេះ។ សួរថាតើ World Cup ពិបាកទេ ខ្ញុំមានបទពិសោធន៍។ ប្រាកដ​ជា​នឹង​លះបង់​ខ្លួន​ឯង​សម្រាប់​ក្រុម»៕

ប្រភព៖ Ballthai

ប្រធានក្រុមរបស់កាំភ្លើងធំ Arsenal ខ្សែបម្រើ Martin Odegaard នឹងខកខានក្នុងការប្រកួតដ៏សំខាន់ចំនួន ២ សម្រាប់ក្រុមជម្រើសជាតិ ក្នុងខែតុលា ឆ្នាំ២០២៥ ខាងមុខនេះ ដោយសារូបគេបានរងរបួសជង្គង់ខាងឆ្វេង អំទ្បុងពេលប្រកួតជាមួយ West Ham កាលពីចុងសប្តាហ៍កន្លងទៅ។

មានន័យថាកីទ្បាករវ័យ ២៦ ឆ្នាំរូបនេះនឹងត្រូវខកខានក្នុងការប្រកួតជម្រុះ World Cup ជាមួយក្រុមជម្រើសជាតិអ៊ីស្រាអែល នាថ្ងៃទី១១ ខែតុលា មុនពេល ៣ បន្ទាប់ប្រកួតមិត្តភាពជាមួយនឹងជម្រើសជាតិនូវែលសេឡង់ ដែលជាក្រុមមកពីទ្វីបអូសេអានី។ Martin Odegaard នឹងបន្តព្យាបាលរបួសខាងលើនេះនៅឯក្លិបដដែល ដោយមិនកំណត់រយៈពេលឡើយ។

នៅក្នុងជំនួបដ៏ជក់ចិត្តខាងលើនេះ Martin Odegaard ត្រូវបានប្តូរចេញនៅនាទី ៣០ ជំនួសមកវិញដោយកីទ្បាករ Martin Zubimendi ដោយសាររូបគេបានប៉ះទង្គិចគ្នាជាមួយខ្សែប្រយុទ្ធ Crysencio Summerville។  គួររំលឹកផងដែរថា Odegaard ក៏ត្រូវបានប្តូរចេញលឿនផងដែរ ក្នុងជ័យជម្នះរបស់ Arsenal ទៅលើគូប្រជែង Leeds Unied និង Nottingham  បន្ទាប់ពីជួបបញ្ហារបួសស្មាតិចតួចរួចមក៕

ប្រភព៖ BBC

ក្លិប Real Madrid គ្រោងនឹងចំណាយប្រាក់ប្រមានជាង ១៧០ លានដុល្លារ ដើម្បីប្រមាញ់យកខ្សែបម្រើ Rodri របស់ Manchester City ដែលជាម្ចាស់ពានរង្វាន់ Ballon d’Or ឆ្នាំ ២០២៤ មកកាន់កីឡដ្ឋាន Santiago Bernabéu។ លោក Khaldoon Al-Mubarak ដែលជាប្រធានក្លិប City បានប្តេជ្ញាចិត្តរក្សាកីទ្បាករអន្តរជាតិអេស្ប៉ាញវ័យ ២៩ ឆ្នាំរូបនេះនៅកីទ្បដ្ឋាន Etihad ហើយកំពុងរៀបចំពិភាក្សាលើកិច្ចសន្យាថ្មីជាមួយនឹងការតំឡើងប្រាក់បៀវត្សរ៍យ៉ាងច្រីន ដើម្បីធានាអនាគតរយៈពេលវែងរបស់កីឡាកររូបនេះ។

កិច្ចព្រមព្រៀងបច្ចុប្បន្នរបស់ Rodri នៅមានសុពលភាពដល់ឆ្នាំ ២០២៧ ។ Rodri គឺជាកីឡាករសំខាន់នៃភាពជោគជ័យរបស់ Manchester City ចាប់តាំងពីផ្ទេរពី Atletico Madrid ក្នុងឆ្នាំ២០១៩ ក្នុងតម្លៃ ជាង៨៣លានដុល្លារ។ ថ្វីត្បិតតែអវត្តមានទាំងស្រុងក្នុងរដូវកាលមុន ដោយសាររបួសជង្គង់ធ្ងន់ធ្ងរ ដែលតម្រូវឱ្យធ្វើការវះកាត់សរសៃពួដែលរហែក គាត់បានជួយ Man City ឈ្នះពានរង្វាន់ធំៗចំនួន១១ រួមទាំងពានបីក្នុងឆ្នាំ២០២៣។

វត្តមានរបស់គេនៅក្នុងខ្សែបម្រើនៅតែជាចំណុចសំខាន់នៃផែនការរបស់ Pep Guardiola ដោយ Man City មានការប្រុងប្រយ័ត្នថាការផ្លាស់ប្តូរទម្រង់ខ្ពស់ពី Real Madrid អាចរំខានដល់យុទ្ធសាស្ត្ររយៈពេលវែងរបស់ពួកគេ។ ក្លឹបផ្តោតលើការធានាថា Rodri នៅតែប្តេជ្ញាចិត្តជាមួយ Manchester City សម្រាប់អាជីពដែលនៅសល់៕

ប្រភព៖ Express

បន្ទាប់ពីយកឈ្នះក្រុម Brentford ដោយលទ្ធផល ១-០ កាលពីរាត្រីថ្ងៃអាទិត្យ លោក Pep Guardiola បានបញ្ចូលឈ្មោះរបស់លោកទៅក្នុងប្រវត្តិសាស្ត្រ Premier League ក្លាយជាគ្រូបង្វឹកលឿនបំផុតដែលដឹកនាំឈ្នះ ២៥០ ប្រកួតត្រឹមតែ ៣៤៩ ប្រកួតជាមួយ Manchester City នៅក្នុងលីគកំពូលរបស់អង់គ្លេស។  អត្រាដឹកនាំឈ្នះរបស់ Pep គឺ ៧១,៦% នាំមុខលោកគ្រូតា Arsène Wenger និង Sir Alex Ferguson ។ នេះបញ្ជាក់ពីភាពលេចធ្លោរបស់លោកចាប់តាំងពីការមកដល់កីឡដ្ឋាន Etihad ក្នុងឆ្នាំ២០១៦។

​គ្រូបង្វឹកសញ្ជាតិ​អេ​ស្ប៉ា​ញ​រូប​នេះ​បាន​ឈ្នះ​២៥០​ លើកស្មើ៥០ និង​ចាញ់​៤៩ ​ក្នុង​ការ​ប្រកួត​តែ ​៣៤៩​លើក ។ លោកបានវ៉ាដាច់គ្រូបង្វឹកជើងចាស់លោក Sir Alex Ferguson ដែលត្រូវការការប្រកួតចំនួន៤០៤ ដើម្បីឈានដល់ចំនួនសរុបដូចគ្នា ខណៈដែលលោក Arsene Wenger សម្រេចបានវានៅក្នុងការប្រកួតចំនួន៤២៣ ។ លោក Pep Guardiola គ្រោងនឹងអបអរជ័យជម្នះលើកទី ២៥០ របស់លោកក្នុងក្របខណ្ឌ English Premier League ដោយការញុំាអាហារពេលល្ងាចពិសេសសជាមួយវីរបុរសលោក Sir Alex Ferguson និង Arsène Wenger ដែលជាគ្រូបង្វឹកឈានដល់ចំណុចសំខាន់ ទោះបីជាមានការប្រកួតជាង៤០០ ក៏ដោយ។

ក្រោយចប់ការប្រកួត Pep Guardiola បានញញឹមដោយនិយាយា វាជាកិត្តិយសណាស់ដែលបានចូលក្នុងកំណត់ត្រាប្រវត្តិសាស្ត្រនៅជាមួយលោក Sir Alex Ferguson និង Arsène Wenger ខ្ញុំនឹងអញ្ជើញពួកគេទាំងពីរមកពិសាអាហារពេលល្ងាច។ លោកបន្តថាវាពិតជារីករាយណាស់ដែលបានក្លាយជាផ្នែកមួយនៃប្រវត្តិសាស្រ្ត Premier League ។ ពិតជារីករាយណាស់។ ឥឡូវនេះតោះទៅបន្តឈ្នះ២៥០ទៀត៕

ប្រភព៖ Tribuna

ខ្សែប្រយុទ្ធ Thomas Muller របស់ក្លិប Vancouver Whitecaps បាននិយាយថា៖ ទូរស័ព្ទរបស់គាត់ រោទិ៍មិនឈប់ទេ បន្ទាប់ពីបានឈ្នះពានរង្វាន់លើកទី៣៥ក្នុងអាជីពបាល់ទាត់ ។ពាននេះបានធ្វើអោយគាត់ក្លាយជាកីឡាករដែលឈ្នះពានជាងគេក្នុងប្រវត្តិសាស្ត្របាល់ទាត់អាល្លឺម៉ង់។

ជាមួយនឹងពានទី៣៥ កីឡាករវ័យ ៣៦ឆ្នាំរូបនេះអាចហៅខ្លួនឯងថាជាកីឡាករអាឡឺម៉ង់ដែលឈ្នះពានច្រីនបំផុតគ្រប់ពេល បំបែកកំណត់ត្រា Toni Kroos ដែលគាត់ធ្លាប់ចែករំលែកកំណត់ត្រានេះពីមុន។ នៅក្នុងការប្រៀបធៀបជាមួយ Kroos គាត់បានលើកពាន Champions League ដល់ទៅ ៦ដងជាមួយ Real Madrid ខណៈដែល Müller បានឈ្នះវាពីរដងជាមួយ Bayern៕

ប្រភព៖ Yahoo.com

បាល់ទាត់ផ្លូវការសម្រាប់ការប្រកួតបាល់ទាត់ពិភពលោក ២០២៦ នៅប្រទេសកាណាដា ម៉ិកស៊ិក និងសហរដ្ឋអាមេរិក ត្រូវបានដាក់បង្ហាញជាផ្លូវការកាលពីថ្ងៃសុក្រទី ៣ តុលា ២០២៥។  ក្រុមហ៊ុន Adidas បានបង្ហាញបាល់ផ្លូវការដែលមានឈ្មោះថា Trionda ដែលជាបាល់ទី១៥ សម្រាប់ការប្រកួត FIFA World Cup ដោយក្រុមហ៊ុនផលិតក្នុងទំនាក់ទំនងដែលមានអាយុកាលជាង ៥០ ឆ្នាំ។

TRIONDA ត្រូវបានបកប្រែពីភាសាអេស្ប៉ាញថាជា “រលកបី” រួមជាមួយនឹងលក្ខណៈពិសេសរចនាប្លែក និងច្នៃប្រឌិតផ្សេងទៀត អបអរសាទរការប្រកួតលើកដំបូងដែលមានប្រទេសម្ចាស់ផ្ទះចំនួនបីគឺ កាណាដា ម៉ិកស៊ិក និងសហរដ្ឋអាមេរិក។ TRIONDA គឺជាបាល់ដែលមានការច្នៃប្រឌិតខ្ពស់ មានថ្នេរជ្រៅ បង្កើតស្ថេរភាពល្អបំផុតក្នុងការហោះហើរ ក្នុងស្ថានភាពសើម ឬរអិលក៏ដោយ។ បច្ចេកវិទ្យាបាល់មានលក្ខណៈពិសេស ជាមួយនឹងបន្ទះឈីប   ឧបករណ៍ចាប់សញ្ញាចលនា 500Hz ដ៏ទំនើប តាមដានចលនារបស់បាល់។ បច្ចេកវិទ្យានេះបញ្ជូនទិន្នន័យច្បាស់លាស់ទៅកាន់ប្រព័ន្ធជំនួយការអាជ្ញាកណ្តាលវីដេអូក្នុងពេលវេលាជាក់ស្តែង ពង្រឹងការសម្រេចចិត្តរបស់មន្ត្រីការប្រកួត រួមទាំងពាក់ព័ន្ធនឹងឧប្បត្តិហេតុក្រៅប្រព័ន្ធ។

ប្រធាន FIFA លោក Gianni Infantino បាននិយាយថា បាល់ប្រកួតផ្លូវការសម្រាប់ FIFA World Cup ២៦ មកដល់ហើយ វាពិតជាស្រស់ស្អាតណាស់។“ខ្ញុំសប្បាយចិត្ត និងមានមោទនភាពក្នុងការបង្ហាញ TRIONDA ។ adidas បានបង្កើតបាល់ FIFA World Cup ដ៏ល្បីមួយទៀត ជាមួយនឹងការរចនាដែលបង្ហាញពីការរួបរួម និងចំណង់ចំណូលចិត្តរបស់ប្រទេសម្ចាស់ផ្ទះនៅឆ្នាំក្រោយ។ ខ្ញុំមិនអាចរង់ចាំមើលបាល់ដ៏ស្រស់ស្អាតនេះទំលាយសំណាញ់ទីបានទេ។ សរុបមក មានការរចនាបាល់ចំនួន២៣ ផ្សេងគ្នាដែលត្រូវបានប្រើចាប់តាំងពីការប្រកួត World Cup លើកដំបូងបានកើតឡើងនៅអ៊ុយរូហ្គាយក្នុងឆ្នាំ ១៩៣០ដោយយុគសម័យ Adidas ទើបតែចាប់ផ្តើមជាមួយនឹងការណែនាំបាល់បុរាណ Telstar សម្រាប់ World Cup ឆ្នាំ១៩៧០ នៅប្រទេសម៉ិកស៊ិក៕