ព័ត៌មានកីឡាអាស៊ី
AFF សហព័ន្ធកីឡាបាល់ទាត់អាស៊ាន (AFF) ថ្ងៃនេះបានប្រកាសថា Shopee ជាដៃគូសហការឧបត្ថម្គ សម្រាប់ពាន ASEAN Club Championship ដែលនឹងដាក់ឈ្មោះថា Shopee Cup™️។
ភាពជាដៃគូនេះត្រូវបានបញ្ជាក់ដោយដៃគូពាណិជ្ជកម្មផ្តាច់មុខរបស់ AFF គឺ SPORTFIVE ហើយក៏រួមបញ្ចូល Shopee ក្លាយជាដៃគូបច្ចុប្បន្ននៃការប្រកួតជើងឯកអាស៊ានសំខាន់ៗផ្សេងទៀតរបស់ AFF ផងដែរ។
Shopee Cup នឹងមានក្លិបឈានមុខគេចំនួន 14 របស់អាស៊ានចូលរួមដែលសរុបចំនួន 40 ប្រកួតចាប់ពីថ្ងៃទី 17 ខែកក្កដា និងដំណើរការរហូតដល់ថ្ងៃទី 21 ខែឧសភា ឆ្នាំ 2025។
ពានរង្វាន់នេះនឹងមានក្រុមជើងឯករបស់លីគក្នុងប្រទេសនីមួយនៅអាស៊ានដែលត្រូវបានកំណត់ ឬក្រុមរងជើង ឯកលីគរបស់ឥណ្ឌូណេស៊ី ម៉ាឡេស៊ី ថៃ និងវៀតណាម (មួយប្រទេសយក២ក្រុម) និងហ្វីលីពីន និងសិង្ហបុរី (យកមួយក្រុម)។ ក្រុមជើងឯកលីគប្រ៊ុយណេ កម្ពុជា ឡាវ និងមីយ៉ាន់ម៉ា នឹង ប្រជែងយក ២ កន្លែងដែលនៅសល់ក្នុងវគ្គ Playoff។
ព័ត៌មានកីឡាអន្តរជាតិ
អស់រយៈពេលជាច្រើនខែ ប្រព័ន្ធផ្សព្វផ្សាយមានការភ្ញាក់ផ្អើលជាមួយនឹងការរំពឹងទុកថា Kylian Mbappe បានចុះកិច្ចសន្យាជាមួយ Real Madrid រួចហើយ ហើយនឹងចូលរួមជាមួយក្រុមរបស់ពួកគេនៅរដូវក្តៅ។ សូម្បីតែប្រធាន La Liga ហាក់ដូចជាជឿជាក់ថាកិច្ចព្រមព្រៀងនេះត្រូវបានសម្រេច ប៉ុន្តែទាំងក្លិប និងកីឡាករមិនបានបញ្ជាក់ពីរឿងនេះនៅឡើយទេ។
កីឡាករសញ្ជាតិបារាំងរូបនេះបានបង្ហើបថា គាត់នឹងបង្ហាញពីការសម្រេចចិត្តចុងក្រោយរបស់គាត់អំពីអនាគតរបស់គាត់មុនពេលការប្រកួត Euros ដែលនឹងចាប់ផ្តើមនៅក្នុងខែមិថុនា។ ប៉ុន្តែអ្វីដែលរារាំងការប្រកាសជាផ្លូវការមួយនេះ? អតីតកីឡាករ PSG ដែលបានក្លាយអ្នកវិភាគបាល់ទាត់ លោក Jerome Rothen ផ្តល់ចម្លើយសមហេតុផល។
«Mbappe នឹងចុះកុងត្រាជាមួយ Real Madrid ។ គាត់នឹងប្រកាសវាមុនពេល Euros នៅពេលដែល Paris Saint-Germain ឬ Real Madrid ត្រូវបានកាត់ចេញពី Champions League» ។ «ដរាបណាមានលទ្ធភាពនៃជំនួបទល់មុខគ្នារវាង Paris Saint-Germain និង Real Madrid នៅវគ្គផ្តាច់ព្រ័ត្រ នោះនឹងមិនមានសេចក្តីថ្លែងការណ៍ណាមួយត្រូវបានធ្វើឡើងនោះទេ»។
ប៉ូលីស Greater Manchester បានចាប់ខ្លួនបុគ្គលម្នាក់ ជាការឆ្លើយតបទៅនឹងការស្រែកច្រៀងដែលទាក់ទងនឹង សោកនាដកម្មក្នុងអំឡុងពេលការប្រកួត FA Cup កាលពីថ្ងៃអាទិត្យនៅ Old Trafford ។
ពេញមួយការប្រកួតនេះ អ្នកគាំទ្រក្រុម Manchester United មួយចំនួនត្រូវបានគេឮការច្រៀងបទអសុរោះ ដែលសំដៅទៅលើសោកនាដកម្ម Hillsborough និង Heysel (សោកនាដកម្ម រត់ជាន់គ្នាក្នុងកីឡដ្ឋានរបស់អ្នកគាំទ្រ Liverpool និង Juventus កាលពីឆ្នាំ ១៩៨៥)។
កាលពីថ្ងៃច័ន្ទ GMP បានបញ្ជាក់អំពីចំណាត់ការប្រឆាំងនឹងការស្រែកច្រៀង ដែលរួមបញ្ចូលឃ្លាដូចជា ‘ជនរងគ្រោះជានិច្ច, វាមិនមែនជាកំហុសរបស់អ្នកទេ’ និង ‘ឃាតករ’…ជាដើម។
អ្នកនាំពាក្យប៉ូលិសបាននិយាយថា៖«ឧប្បត្តិហេតុនេះបានហួសបន្ទាត់ក្រហមហើយ ហើយយើងនឹងធ្វើការយ៉ាងជិតស្និទ្ធជាមួយ Man United និង Liverpool ដើម្បីកំណត់អត្តសញ្ញាណនរណាម្នាក់ដែលទទួលខុសត្រូវ»។
គ្រោះមហន្តរាយនៅពហុកីឡដ្ឋាន Heysel គឺជាគ្រោះមហន្តរាយនៃហ្វូងមនុស្សរត់ជាន់គ្នា ដែលបានកើតឡើងនៅថ្ងៃទី 29 ខែឧសភា ឆ្នាំ 1985 នៅពេលដែលអ្នកគាំទ្រក្រុម Juventus ភាគច្រើនដែលរត់គេចពីការរំលោភបំពានហើយអ្នកគាំទ្រ Liverpool ត្រូវបានសង្កត់ទៅលើជញ្ជាំងដែលដួលរលំនៅក្នុងកីឡដ្ឋាន Heysel ក្នុងទីក្រុង Brussels ប្រទេសបែលហ្សិក មុនពេលចាប់ផ្តើមការប្រកួតពានរង្វាន់អឺរ៉ុបឆ្នាំ 1985 វគ្គផ្តាច់ព្រ័ត្ររវាង ក្លិបអ៊ីតាលី និងអង់គ្លេស។
ព័ត៌មានកីឡាជាតិ
ប្រធានក្លិប Real Madrid លោក Florentino Perez ត្រូវបានគេរាយការណ៍ថាជាអ្នកកោតសរសើរទេពកោសល្យរបស់ Alejandro Garnacho ហើយចូលចិត្តអ្វីដែលគាត់បានឃើញពី Man United ។
យោងតាម Defensa Central ដែលជាសារព័ត៌មានទំនោរអ្នកខាងក្លិប Real Madrid ប្រធានក្លិបអធិរាជសមួយនេះ មានបំណងរៀបចំកិច្ចប្រជុំផ្ទាល់ខ្លួនជាមួយខ្សែបម្រើស្លាបអាហ្សង់ទីននៅខែមេសា។ Real Madrid នឹងធ្វើដំណើរទៅកាន់ទីក្រុង Manchester ដើម្បីជួប Man City នៅថ្ងៃទី 17 ខែមេសា ក្នុងការប្រកួតជើងទីពីរនៃការប្រកួត UEFA Champions League វគ្គ 1/4 ផ្តាច់ព្រ័ត្រ ហើយ Perez ទំនងជានឹងទៅជាមួយក្រុមកីឡាករផងដែរ។
គាត់ក៏ចង់ជួបជាមួយ Garnacho ក្នុងអំឡុងពេលដំណើរទស្សនកិច្ចនេះ ហើយសង្ឃឹមថានឹងបញ្ចុះបញ្ចូលខ្សែប្រយុទ្ធកំពុងឡើងជើងរបស់ Man United ម្នាក់ឱ្យចូលរួមជាមួយ Real Madrid នាពេលខាងមុខនេះ។ ក្រុម La Liga បានចាប់អារម្មណ៍លើកីឡាករវ័យ 18 ឆ្នាំអស់រយៈពេលប៉ុន្មានឆ្នាំហើយ ដោយបានតាមដានគាត់តាមរយៈប្រព័ន្ធយុវជនថ្នាលក្នុងប្រទេសអេស្ប៉ាញ មុនពេលតំឡើងមកឈុតធំក្នុយងកីឡដ្ឋាន Old Trafford ។
យ៉ាងណាមិញ Man United គ្មានហេតុផលត្រូវរងការគំរាមកំហែងនេះនោះទេ ដោយសារតែ Garnacho ទើបតែបានចុះកុងត្រារយៈពេលវែងថ្មីជាមួយក្លិប។ គាត់បានចុះកិច្ចសន្យារយៈពេលប្រាំឆ្នាំជាមួយបិសាចក្រហមនៅឆ្នាំ 2023 ដែលនឹងរក្សាគាត់ឱ្យជាប់ជាមួយក្លិបរហូតដល់ខែមិថុនា ឆ្នាំ 2028។
ជាងនេះទៅទៀត Garnacho ពេលនេះមិនបានផ្តល់ការចង្អុលបង្ហាញណាមួយថាគាត់ចង់ចាកចេញពី Man United ហើយសប្បាយចិត្តខ្លាំងណាស់ជាមួយនឹងស្ថានភាពបច្ចុប្បន្ននេះ។
យោងតាម Marca ដែលជាប្រភពលំដាប់ថ្នាក់លេខមួយរបស់អេស្ប៉ាញ Barcelona និង Getafe លែងចាប់អារម្មណ៍ក្នុងការចុះហត្ថលេខាលើកីឡាករ Mason Greenwood បន្ទាប់ពី Manchester United បានដាក់តម្លៃខ្លួន 50 លានអឺរ៉ូ។
Greenwood វ័យ 22 ឆ្នាំបានរីករាយជាមួួនិងគុណផលលេងរបស់ខ្លួន ក្នុងការខ្ចីជើងនៅ Getafe ក្នុងរដូវកាលនេះ ដោយស៊ុតបញ្ចូលទីបាន 8 គ្រាប់ និង assist ៥លើកទៀតរហូតមកដល់ពេលនេះ។ នោះនាំឱ្យ Getafe ចង់បានគាត់ជាអចិន្ត្រៃយ៍ ខណៈពេលដែល Barca ក៏កំពុងតាមដានកីឡាករអង់គ្លេសរូបនេះផងដែរ។
ទោះជាយ៉ាងណាក៏ដោយ ឥឡូវនេះក្លិបទាំងពីរត្រូវបានគេរាយការណ៍ថាបានបិទចំណាប់អារម្មណ៍ ដោយសារការទាមទាររបស់ Man United ដែលពួកគេជឿថាមានតម្លៃថ្លៃខ្លាំង។
Greenwood បានស៊ូទ្រាំនឹងការចាកចេញដ៏លំបាកពី Old Trafford បន្ទាប់ពីត្រូវបានទម្លាក់ចេញពីក្រុម ដោយសារការចោទប្រកាន់ពីបទរំលោភ និងបង្ខំដៃគូរបស់គាត់។ អនាគតរបស់គាត់នៅតែមិនប្រាកដប្រជា ខណៈដែលគាត់កំពុងធ្វើបានល្អនៅ La Liga។
Arsenal កំពុងស្ថិតក្នុងស្ថានភាពដ៏លំបាកមួយក្នុងការប្រកួតប្រជែងពានរង្វាន់ UEFA Champions League បន្ទាប់ពីចាប់ឆ្នោតឱ្យជួបជាមួយក្រុម Bayern Munich ក្នុងវគ្គ៨ក្រុមចុងក្រោយ។
មិនត្រឹមតែប៉ុណ្ណឹងទេ កាំភ្លើងធំមួយនេះនឹងត្រូវប្រឈមមុខនឹងក្រុមឈ្នះជើងឯក Man City ឬក៏ Real Madrid ប្រសិនបើពួកគេយកឈ្នះ FC Bayern Munich ឡើងទៅវគ្គពាក់កណ្ដាលផ្ដាច់ព្រ័ត្រ។
អញ្ចឹងក៏ដោយ! Supercomputer ដែលបង្កើតឡើងដោយវេបសាយស្រាវជ្រាវស្ថិតិ Opta បានធ្វើបច្ចុប្បន្នភាពការទស្សន៍ទាយ Champions League របស់ខ្លួន ហើយបានទាយថា Arsenal ជាជម្រើសលំដាប់ទី 4 ដើម្បីលើកពាន UCL លើកដំបូងរបស់ខ្លួន។
ក្រុមកាំភ្លើងធំមានឱកាស 10.92% ឈរចំណាត់ថ្នាក់លេខ៤ ដែលវាពិតជាច្រើនជាងឱកាសរបស់ក្លិប Barcelona ឬ Bayern Munich ទៅទៀត។
ទោះជាយ៉ាងណាក៏ដោយ Man City គឺជាក្រុមដែលមានភាគរយខ្ពស់បំផុតនាពេលបច្ចុប្បន្ននេះ ក្នុងការដណ្តើមយកពានរង្វាន់ Champions League សារជាថ្មីដោយមានឱកាស 29.46% ក្នុងការឈ្នះពាន។
PSG ឈរលេខ២ មានឱកាស ១៦.១៥% ខណៈដែល Real Madrid ជាក្រុមឈ្នះពានរង្វាន់នេះច្រើនជាងគេឈរនៅលេខ៣ មានឱកាស១៣.០៦%។
យោងតាមគេហទំព័រTribuna ដកស្រង់សារព័ត៌មានក្នុងស្រុកCatRadioចេញផ្សាយកាលពីថ្ងៃសុក្រទី ១៥ មីនា ២០២៤ បានអោយដឹងថា ក្លឹបអ្នកមានបុណ្យ Barcelona កំពុងជជែក ដេញដោលផ្ទៃក្នុង អំពីលទ្ធភាពនៃការផ្តល់ឱ្យកីឡាករ Lamine Yamal ពាក់អាវលេខ១០ នៅរដូវកាលក្រោយ។
មនុស្សកាន់តែច្រើននៅក្នុងក្លឹបជឿថា Barcelona គួរតែទទួលបានអត្ថប្រយោជន៍កាន់តែច្រើនពីការលក់អាវលេខ១០ ហើយការសម្រេចចិត្តនេះអាចធ្វើឱ្យមានភាពខុសគ្នា។ យ៉ាងណាក៏ដោយ អ្នកខ្លះទៀតសង្កត់ធ្ងន់ថា វាអាចដាក់សម្ពាធខ្លាំងពេកទៅលើកីឡាករដែលទើបមានអាយុ ១៦ ឆ្នាំ។
Yamal ត្រូវបានគេរំពឹងថានឹងទទួលបានលេខអាវក្រុមដំបូងនៅរដូវក្តៅនេះ ខណៈដែល Ansu Fati ដែលបច្ចុប្បន្នកំពុងពាក់អាវលេខ១០នេះ ទំនងជាត្រូវបានលក់ចេញ ដូច្នេះហើយ ការជជែក ដេញដោលនេះអាចក្លាយជាប្រធានបទដ៏ក្តៅគគុកមួយនៅក្នុងក្លឹបឆាប់ៗនេះ។
Leo Messi គឺជាអ្នកគ្រប់គ្រងអាវដ៏ល្បីបំផុតមិនធ្លាប់មានមួយនេះ នៅមុនរដូវកាល២០០៨-០៩នៅពេលដែលគាត់មានអាយុ ២១ឆ្នាំ។ វាហាក់ដូចជាលឿនណាស់សម្រាប់ Lamine ដើម្បីទទួលបន្ទុកពាក់អាវ១០នេះ៕
យោងតាមរបាយការណ៍ថ្មីមួយបានឱ្យដឹងថា Jadon Sancho គ្មានចេតនាចង់វិលត្រលប់ទៅ Manchester United វិញទេ ប្រសិនបើគ្រូបង្វឹកលោក Erik ten Hag មិនត្រូវបានគេបណ្តេញចេញ។
Sancho ដែលបច្ចុប្បន្នកំពុងលេងឱ្យអតីតក្លឹប Dortmund ក្នុងល័ក្ខខណ្ឌខ្ចីជើង បន្ទាប់ពីមានជម្លោះដ៏ធំជាមួយគ្រូបង្វឹកសញ្ជាតិហូឡង់ បានបញ្ជាក់ថា នៅពេលនេះខ្ញុំមិនមានចេតនាចង់ត្រលប់ទៅ Man United វិញទេ។
បិសាចក្រហមបានទិញកីឡាកររូបនេះកាលពីឆ្នាំ ២០២១ក្នុងតម្លៃជាង៩៣លានដុល្លារ ប៉ុន្តែប្រសិនបើ លោកTen Hag នៅតែបន្តអង្គុយកៅអីគ្រូបង្វឹកសម្រាប់រដូវកាល ២០២៤-២៥ នោះ កីឡាករវ័យ ២៣ ឆ្នាំអាចនឹងបន្តស្នាក់នៅ ជាអចិន្ត្រៃយ៍ជាមួយ Dortmund ខណៈអនាគតរបស់គាត់នៅក្នុងក្រុមជម្រើសជាតិអង់គ្លេសមើលទៅមានកម្រិត។
The Sun រាយការណ៍ថា Manchester United អាចនឹងទទួលយកសំណើរជាង៤៤លានដុល្លារពី Dortmund សម្រាប់ការផ្ទេរអចិន្ត្រៃយ៍។ Sancho និង Ten Hag មើលមុខមិនចំគ្នាទេបន្ទាប់ពីកីឡាករបានហៅគ្រូបង្វឹកថាជាមនុស្សកុហក់ដែលអះអាងថាគាត់ធ្វើមិនបានល្អក្នុងពេលហ្វឹកហាត់។
កីឡាករវ័យ ២៣ ឆ្នាំរូបនេះបានបដិសេធមិនសុំទោសចំពោះទង្វើរបស់គាត់ដែលបង្កភាពតានតឹងបជាមួយអ្នកចាត់ការសញ្ជាតិហូឡង់៕
លោក Javi Miguel មកពីកាសែតអេស្ប៉ាញ AS បង្ហើបថាបុគ្គលិកបច្ចេកទេសរបស់ Barcelona ពេញចិត្តនឹងការចាប់ឆ្នោត Champions League ទល់នឹង PSG ។
Barcelona ជឿជាក់ថាពួកគេ អាចឈានដល់វគ្គពាក់កណ្តាលផ្តាច់ព្រ័ត្រ ប្រសិនបើពួកគេធ្វើបានល្អក្នុងជើងទី 1 ក្នុងទីក្រុងប៉ារីស ដោយហេតុនេះទទួលបានលទ្ធផលល្អក្នុងការប្រកួតជើងទីពីរនៅកីឡដ្ឋាន Montjuic ។
ក្រៅពី ‘អត្ថប្រយោជន៍’ ក្នុងការលេងជើងទី 2 នៅផ្ទះខ្លួនឯង Barca ក៏គិតថាការចាប់ឆ្នោតវគ្គពាក់កណ្តាលផ្តាច់ព្រ័ត្រផ្តល់ភាគរយខ្ពស់ដល់ពួកគេ ខណៈដែលពួកគេនឹងប្រឈមមុខនឹងក្រុមឈ្នះរវាង Atletico Madrid និង Dortmund ប្រសិនបើពួកគេទម្លាក់ PSG ។
Barcelona មិនបានឈានដល់វគ្គ៨ក្រុមចុងក្រោយក្នុងរយៈពេល៤ឆ្នាំចុងក្រោយនេះ ដែលមានន័យថាការឈ្នះលើ PSG នឹងក្លាយជាសមិទ្ធផលដ៏អស្ចារ្យសម្រាប់ Xavi និងកូនក្រុមរបស់គាត់។ វាក៏នឹងមកជាមួយការលើកទឹកចិត្តផ្នែកហិរញ្ញវត្ថុដ៏ធ្ងន់ធ្ងរមួយចំនួនសម្រាប់ក្លិបផងដែរ។ Barca នឹងញញឹមនៅផ្ទះជាមួយនឹងប្រាក់ចំណូលប្រហែល 20 លានអឺរ៉ូ។
ការប្រកួតវគ្គ 1/4 ផ្តាច់ព្រ័ត្រនឹងធ្វើឡើងនៅថ្ងៃទី 9 និង 10 ខែមេសា ខណៈដែល Barca ឡើងមកជួបជាមួយអតីតបុគ្គលិករបស់ខ្លួនដូចជា Luis Enrique និង Ousmane Dembele ។ ទាំងកីឡាករនិងគ្រូបង្វឹកធ្លាប់ទទួលបានបានប្រាក់ខែកាលដឹកនានិងលេងនៅ Barca។
