វីរបុរសក្រុម Manchester United លោក Wayne Rooney បានរិះគន់យ៉ាងខ្លាំងចំពោះការសម្រេចចិត្តរបស់ Erik ten Hag ក្នុងការប្ដូរកីឡាករ Marcus Rashford នៅតង់ទី ២ អំឡុងពេលពួកគេស្មើ 3-3 ជាមួយ Porto ។

Rashford បានបើកការស៊ុតបញ្ចូលទីជាមួយនឹងការខិតខំប្រឹងប្រែងតែម្នាក់ឯងយ៉ាងអស្ចារ្យនៅនាទីទី 7 ប៉ុន្តែត្រូវបានជំនួសដោយ Alejandro Garnacho គួរឱ្យភ្ញាក់ផ្អើលនៅចប់តង់ទីមួយ។

ក្រោយការប្រកួត លោក Ten Hag បាន​លើក​ឡើង​ពី “គោលបំណង​ការផ្លាស់ប្ដូររបស់​លោក” ដោយ​សារ​តែ​កាលវិភាគលេងច្រើនពេក កីឡាករត្រូវការផ្លាស់ប្ដូរ​។ ការ​ជំរុញ​ឱ្យ Rooney ខឹងសម្បាយ៉ាងខ្លាំង។

ថ្លែងក្នុងកម្មវិធី Stick to Football លោក Rooney បាននិយាយថា៖« Rashford… វាជារឿងល្អបំផុតដែលខ្ញុំបានឃើញគាត់លេងជាមួយ Porto។ គាត់​លេង​បាន​ល្អ តែ​រឿងដែលឆ្កួតបំផុត​គឺគាត់ត្រូវប្ដូរចេញពាក់កណ្ដាលតង់»។

Rooney បានចោទសួរពីកាយសម្បទារបស់ Rashford ដោយលើកឡើងថា ប្រសិនបើគាត់មិនអាចលេងពីរប្រកួតពេញក្នុងមួយសប្តាហ៍ គាត់គួរតែសម្រាកជាជាងការហ្វឹកហាត់ដាច់ដោយឡែកក្នុងអំឡុងពេលសម្រាកអន្តរជាតិ។

Rooney បន្ថែមថា៖ «ការផ្លាស់ប្តូរមួយចំនួនដែលគាត់ [Ten Hag] កំពុងធ្វើ… ខ្ញុំមិនដែលឃើញក្រុមកំពូលៗផ្លាស់ប្តូរខ្សែការពារកណ្តាលរបស់ពួកគេក្នុងអំឡុងពេលប្រកួតនោះទេ ហើយវាកើតឡើងជាទៀងទាត់ពេល​គាត់ដឹកនាំ” ។

Real Madrid ត្រៀម​ខ្លួន​ក្នុង​ការ​វិនិយោគ​យ៉ាង​ច្រើន​សម្រាប់​កីឡាករ​ដែល​ត្រឹមត្រូវ។ Cole Palmer ដែលបច្ចុប្បន្ននៅជាមួយ Chelsea អាចនឹងក្លាយទៅជាគោលដៅ ប្រសិនបើ Rodrygo ចាកចេញពីក្លិបនៅឆ្នាំ 2025។

វីរបុរសក្រុម Liverpool លោក Graeme Souness ជឿជាក់ថា Los Blancos អាចនឹងធ្វើការផ្លាស់ប្តូរដ៏សំខាន់មួយសម្រាប់កីឡាករដ៏មានទេពកោសល្យវ័យក្មេងរូបនេះ។

Souness បាននិយាយថា៖ “ខ្ញុំប្រាកដថាមានកីឡាករផ្សេងទៀតដែលពួកគេអាចរកលុយបាន។ Chelsea ចំណាយ 40 លានផោនសម្រាប់ Palmer ប៉ុន្តែប្រសិនបើ Real Madrid មកគោះទ្វារចរចារតម្លៃនៅរដូវក្តៅក្រោយ ហើយគាត់នៅតែស្ថិតក្នុងកម្រិតដែលគាត់កំពុងបង្ហាញនាពេលនេះ ខ្ញុំមិនភ្ញាក់ផ្អើលទេប្រសិនបើពួកគេទទួលបានសំណើ 150 លានផោនសម្រាប់គាត់” ។

ការសម្តែងគុណផលលេងរបស់ Palmer បានទាក់ទាញភ្នែកអ្នកទស្សនា ហើយគាត់អាចពង្រឹងក្រុមរបស់ Real Madrid ។ ទោះជាយ៉ាងណាក៏ដោយ ក្លិបអាចនឹងស្ទាក់ស្ទើរក្នុងការដេញថ្លៃគាត់នាពេលខាងមុខនេះ។ ទោះបីជា Rodrygo ចាកចេញក៏ដោយ ពួកគេមាន Arda Guler ត្រៀមខ្លួនជាស្រេចដើម្បីឡើងតំណែងជាអ្នកជំនួស។

យុទ្ធសាស្ត្ររបស់ Real Madrid ពាក់ព័ន្ធនឹងការកំណត់គោលដៅយុវជន ហើយ Palmer សមនឹងទម្រង់នោះ។

Juventus កំពុងពិចារណាយ៉ាងសកម្មក្នុងការចុះហត្ថលេខាលើ Sergio Ramos ក្នុងនាមជាកីឡាករគ្មានក្លិបលេង ដើម្បីបំពេញចន្លោះទំនេរដែលបន្សល់ទុកដោយ Gleison Bremer ដែលថ្មីៗនេះបានរងរបួស ACL ធ្ងន់ធ្ងរអំឡុងពេលប្រកួត Champions League ជាមួយ RB Leipzig ។

Bremer ត្រូវ​បាន​គេ​រំពឹង​ថា​នឹង​ទទួល​បាន​ការ​វះកាត់ ហើយ​នឹង​ត្រូវ​អវត្តមាន​ប្រហែល​ពី 6 ទៅ 7 ខែ ដែល​ជំរុញ​ឱ្យ Juventus ស្វែងរក​ការ​ពង្រឹង​តំបន់​ការពារ​ជា​បន្ទាន់។ Ramos បច្ចុប្បន្នគ្មានក្លិបលេងទេ បន្ទាប់ពីចាកចេញពី Sevilla FC កាលពីដើមឆ្នាំនេះ។ នៅអាយុ 38 ឆ្នាំ គាត់នៅតែជាជម្រើសដ៏គួរឱ្យទាក់ទាញសម្រាប់ Juventus ដោយផ្តល់នូវបទពិសោធន៍ និងគុណភាពភាពជាអ្នកដឹកនាំដ៏ទូលំទូលាយរបស់គាត់។

ការរំពឹងទុកនៃការលេងនៅ Serie A អាចផ្តល់ឱ្យ Ramos នូវឱកាសដ៏គួរឱ្យទាក់ទាញមួយដើម្បីបន្តអាជីពរបស់គាត់ឱ្យ​បាន​យូរ​អង្វែង ខណៈដែលការរួមចំណែកយ៉ាងសំខាន់ដល់ក្លិបលំដាប់កំពូលដូចជា Juventus ពិត​ជាឱកាស​ល្អ។

សារព័ត៌មានអេស្ប៉ាញ Marca បាននិយាយថា ម៉ាកយីហោសម្លៀកបំពាក់កីឡា Nike គ្រោងនឹងរៀបចំឱកាសពិសេសមួយ ដើម្បីអបអរការឈ្នះ Ballon d’Or លើកដំបូងមិនធ្លាប់មានរបស់ Vinicius Jr ។

Nike មានបំណងបើកហាង Gran Via របស់ពួកគេឡើងវិញក្នុងទីក្រុង Madrid ក្នុងសប្តាហ៍តែមួយ Vinicius ឡើងទទួលពានរង្វាន់ Ballon d’Or ។

លើស​ពី​នេះ Nike ក៏នឹងផលិតស្បែកជើងមាសថ្មីផ្ទាល់ខ្លួនសម្រាប់ Vinicius ដែលគាត់នឹងពាក់សម្រាប់ការ​ប្រកួត​ក្នុងរដូវកាលដែលនៅសល់។

ប្រភពជាច្រើនបានបញ្ជាក់ថា Vinicius ត្រូវបានគេប្រាប់រួចហើយថាគាត់ជាអ្នកឈ្នះ Ballon d’Or សម្រាប់ឆ្នាំ 2024 ។ ពិធី​ប្រគល់​ពាន Ballon d’Or នឹង​ធ្វើ​ឡើង​នៅ​ទីក្រុង​ប៉ារីស​ខែ​តុលា​នេះ។

ប្រធាន La Liga លោក Javier Tebas បានប្រាប់ The Wild Project ថា៖ “[ក្លិបល្អបំផុតក្នុងពិភពលោក?] ខ្ញុំថា នោះគឺជា Real Madrid ក្នុងកំឡុងពេលដែល​ពួកគេឈ្នះ Champions League លើកដំបូងប្រវត្តិសាស្រ្ត រហូតដល់ការ​ប្រកួត UCL លក្ខណៈប្រពៃណីបាន​បញ្ចប់»។

លើសពីនេះ គាត់ក៏បានកត់សម្គាល់ក្នុងអំឡុងពេលនិយាយក្នុងកម្មវិធីផតឃែស្ថ៖«ខ្ញុំជា Madridista!” 

Tebas សំដៅទៅលើអតីតកាលមួយចំនួន ដែល Real Madrid បានឈ្នះពានរង្វាន់ Champions League លើកដំបូងរបស់ពួកគេក្នុងឆ្នាំ 1956 ហើយគ្មាននរណាអាចបញ្ឈប់បានក្នុងពេល​នោះ។

ប្រធាន La Liga បានជ្រើសរើសក្រុម អធិរាជស បើទោះបីជាបានឃើញភាពអស្ចារ្យនៃយុគសម័យរបស់ Pep Guardiola ដោយភ្នែករបស់គាត់ក៏ដោយ ប៉ុន្តែវាមិនគួរឱ្យភ្ញាក់ផ្អើលទេនៅពេលដែល Tebas ពិពណ៌នាដោយ​បើក​ចំហ​ថាខ្លួនគាត់ជាអ្នកគាំទ្រ Real Madrid ។

🗣 គ្រូបង្វឹកព្រះខ័នរាជស្វាយរៀង លោក Pep Muñoz បាននិយាយថា៖ «ណាហ្គាវើលដ៍ ជាក្រុមដែលមានចង្វាក់លេងល្អ ក៏ដូចជាការការពារ និងការចាប់ផ្តើមការ​ប្រកួតបានយ៉ាងល្អ»។

លោក​បន្ត​ទៀត​ថា៖«ការចាប់ផ្តើមរបស់ពួកគេ ៣ ប្រកួតចុងក្រោយរបូតតែមួយគ្រាប់ប៉ុណ្ណោះ។ ដូច្នេះហើយ អ្វីដែលពួកគេធ្វើបានល្អនៅពេលដណ្តើមបានបាល់លេងភ្លាម គឺចង្វាក់លេងរបស់ពួកគេលឿន ។ ម្យ៉ាងទៀត នៅឆ្នាំនេះពួកគេចូលចិត្តលេង Build Up ពីខាងក្រោមទៅ ឃើញថាមានគុណភាពនៅក្នុងលេង Build Up មួយចំនួនដែរ។ អ្វីដែលពួកយើងធ្វើនៅក្នុងការប្រកួតនេះ គឺត្រូវធ្វើឱ្យបានល្អនៅក្នុងដី ដើម្បីអ្នកគាំទ្រ»។

នេះជាការលើកទ្បើងរបស់លោក Pep Muñoz នៅក្នុងសន្និសីទសារព័ត៌មាន មុនការប្រកួតជាមួយនឹងណាហ្គាវើលដ៍ សម្រាប់ការប្រកួតលីគកម្ពុជា នាថ្ងៃស្អែក។ សប្ដាហ៍​នេះ​ការ​ប្រកួត​ពាន​រង្វាន់ Cambodian Premier League លេង​ក្នុង​ពាក់កណ្ដាលសប្ដាហ៍។