ទម្រង់ UEFA Champions League រដូវកាលនេះ នឹងឃើញមានការប្រកួតជាច្រើនទៀតរវាងក្រុមកំពូលៗ និងក្រុមខ្សោយដូចៗគ្នា។ ការចាប់ឆ្នោតត្រូវបានបញ្ចប់រួចរាល់ហើយ ជាមួយនឹងក្រុមដែលដឹងថាពួកគេនឹងជួបក្រុមណានៅខែកញ្ញា។

ឥឡូវនេះ គណិតវិទូ Piotr Klimek បានប្រើក្បួនដោះស្រាយជាច្រើន ដើម្បីទស្សន៍ទាយថាក្រុមណានឹងឈានទៅដល់វគ្គ Playoff ។

សូមចាំថាក្រុមនឹងត្រូវបានចាត់ថ្នាក់ក្នុងវគ្គជម្រុះតាមពូល ដោយផ្អែកលើថា តើពួកគេធ្វើបានល្អក្នុងដំណាក់កាលលីគ។ ដូច្នេះ នឹងមានការប្រកួតប្រជែងខ្លាំងសម្រាប់ចំណាត់ថ្នាក់កំពូលទាំងប្រាំបីនៅក្នុងតារាងចំណាត់ថ្នាក់។

ក្រុមកំពូលៗដូចជា Manchester City និងម្ចាស់ការពារជើងឯក Real Madrid នឹងប្រជែងគ្នាយ៉ាងស្វិតស្វាញលើក្រុមកំពូលទាំងនោះ។ យោងតាមអ្នកគណិតវិទ្យា  Man City ដែលនឹងបញ្ចប់ដំណាក់កាលលីគកំពូល 24% តាមពីក្រោយដោយក្រុមអធិរាជស ។

ក្រុមផ្សេងទៀតនៅក្នុងកំពូលទាំង 8 ដោយផ្អែកលើក្បួនដោះស្រាយសមីកា​នេះនឹងរួមមាន Bayern, Inter, Atalanta, Arsenal, Dortmund និង Barcelona ។ ក្បួនដោះស្រាយរបស់គណិតវិទូបានបង្ហាញបន្ថែមថា ក្រុមណានឹងបញ្ចប់វគ្គ Playoff ចំនួន 8 ដែលនៅសេសសល់ដើម្បីឈានទៅជុំទី 16 ។ ពួកគេរួមមាន Bayer Leverkusen, PSG, Milan, Liverpool, Atletico និង Girona ។

សូមក្រឡេកមើលការព្យាករណ៍ ៖

Bruno Fernandes បានសារភាពថាក្រុម Man United បច្ចុប្បន្នមិនទាន់ត្រៀមខ្លួនរួចរាល់ក្នុងការឈ្នះពានរង្វាន់ Premier League ឆ្នាំ 2024/25 នោះទេ។

ថ្លែងទៅកាន់ DAZN Portugal បន្ទាប់ពីការចាញ់ Liverpool គាត់បាននិយាយថា៖ “បាទ ខ្ញុំដឹងច្បាស់ថា Manchester United នេះ មិនទាន់ត្រៀមខ្លួនរួចជាស្រេចដើម្បីឈ្នះ Premier League ទេ»។

«យើងពិតជាកំពុងស្ថិតក្នុងពេលដ៏ពិបាកដើម្បីប្រជែងដណ្ដើមពាន ខណៈដែល គោលដៅជាក់ស្តែង និងពិតប្រាកដគឺយើង ព្យាយាមបញ្ចប់ក្នុងចំណាត់ថ្នាក់កំពូលទាំងបួន នៅកន្លែងដែលផ្តល់សិទ្ធិចូលទៅកាន់ Champions League »។

«ប៉ុន្តែវានៅមានច្រើនទៀតដែលត្រូវកែលម្អ សម្រាប់គោលបំណងធំជាងនេះ ហើយសម្រាប់ក្តីសុបិនរបស់ខ្ញុំគឺថ្ងៃណាមួយឈ្នះជើងឯកនេះ»។

Man United តាមពីក្រោយ Man City ៦ ពិន្ទុក្នុងតារាង Premier League ដោយលេង៣ប្រកួតចាញ់២ ឈ្នះ១ប្រកួតប៉ុណ្ណោះក្នុងរដូវកាល ២០២៤/២៥។

Dinh Thanh Trung ដែលជាម្ចាស់ជ័យលាភីបាល់មាសវៀតណាមឆ្នាំ ២០១៧ ត្រូវបានកាត់ទោសឱ្យជាប់ពន្ធនាគាររយៈពេល ៤ ឆ្នាំ ៦ ខែពីបទប្រើប្រាស់គ្រឿងញៀនខុសច្បាប់។ គាត់គឺជាកីឡាករម្នាក់ក្នុងចំណោមកីឡាករបាល់ទាត់ពីរនាក់ដែលទទួលការកាត់ទោសធ្ងន់បំផុតនៅក្នុងករណីនេះ។

នៅថ្ងៃទី 4 ខែឧសភា ឆ្នាំ 2024 Trung និងកីឡាករបួននាក់ផ្សេងទៀតមកពីក្លិប Hà Tĩnh FC – Dương Quang Tuấn, Nguyễn Ngọc Thắng, Nguyễn Trung Học និង Nguyễn Văn Trường ត្រូវបានចាប់ខ្លួនពីបទប្រើប្រាស់គ្រឿងញៀននៅក្នុងសណ្ឋាគារមួយក្នុងទីក្រុង Hà Tĩnh រួមជាមួយនឹងស្ត្រីចំនួន 5 នាក់ផងដែរ។

ក្នុងចំណោមនោះ Trung គឺជាកីឡាករសំខាន់របស់ក្រុម Hà Tĩnh FC អស់រយៈពេលជាច្រើនឆ្នាំ ខណៈដែល Thắng គឺជាខ្សែការពារវ័យក្មេងដ៏ជោគជ័យ ដែលទើបតែលេងឱ្យក្រុម U23 វៀតណាម ក្នុងព្រឹត្តិការណ៍ AFC U23 Asian Cup 2024។

ប្រធានក្រុម Terengganu FC កីឡាករ Safawi Rasid បាន​និយាយ​ថា បេសកកម្មចម្បងរបស់ក្រុមគឺការទទួលបាន ៣ ពិន្ទុក្នុងការប្រកួតដំបូងនៃពានរង្វាន់ Asean Club Championship ជាមួយព្រះខ័នរាជស្វាយរៀង។

Terengganu នឹងត្រូវទទួលស្វាគមន៍ក្រុម ព្រះខ័នរាជស្វាយរៀង នៅកីឡដ្ឋាន Sultan Mizan Zainal Abidin សម្រាប់ការប្រកួតដំបូងក្នុងពូល A នៅថ្ងៃទី 21 ខែសីហានេះ។ Safawi Rasid មាន​ទំនុក​ចិត្ត​ថា Terengganu ត្រៀម​ខ្លួន​យ៉ាង​ពេញ​លេញ​ដើម្បី​ប្រឈម​មុខ​នឹង​ក្រុម​គូប្រកួតមក​ពី​កម្ពុជា។

«ផែនការរបស់យើងគឺធ្វើតាមលក្ខខណ្ឌតម្រូវ និងទម្រង់លេងរបស់គ្រូបង្វឹកសម្រាប់ការប្រកួតនេះ។ កីឡាករម្នាក់របស់ព្រះខ័នរាជស្វាយរៀងដែលខ្ញុំស្គាល់សម្រាប់ការប្រកួតនេះគឺ (ធារី ប៊ីន)។ សម្រាប់​យើង​មិន​មាន​បញ្ហា​ទេ ព្រោះ​កីឡាករ​បាន​ដឹង​ពី​វិធី​ដោះស្រាយ​រួច​ហើយ»។

«យើងគ្រាន់តែត្រូវធ្វើការងាររបស់យើងនៅលើទីលាន ហើយយើងនឹងឃើញក្នុងការប្រកួតនៅពេលក្រោយ។ យើងមានភាពស៊ីសង្វាក់គ្នានៅក្នុងលីគ ប៉ុន្តែប្រហែលជាមានបញ្ហាមួយចំនួនដែលជារឿងធម្មតានៅក្នុងបាល់ទាត់»។

«Terengganu ត្រៀមខ្លួនរួចជាស្រេចសម្រាប់ការប្រកួតនៅថ្ងៃស្អែក ហើយយើងចង់បានបីពិន្ទុដំបូងសម្រាប់ការប្រកួតនេះ»។

Terengganu ដែលបច្ចុប្បន្នកំពុងឈរនៅចំណាត់ថ្នាក់លេខ 3 ក្នុងក្របខណ្ឌលីគកំពូលម៉ាឡេស៊ី Super League នឹងត្រូវជួបជាមួយក្លិបមួយចំនួនដូចជា ព្រះខ័នរាជស្វាយរៀង BG Pathum United, PSM Makassar, Shan United និង Thanh Hoa FC បន្ទាប់ពីជាប់ក្នុងពូល A នៃពានរង្វាន់ Asean Club Championship។

ក្រុមបាល់ទាត់លីគកំពូលម៉ាឡេស៊ី Terengganu FC នឹងចាប់ផ្តើមបើកយុទ្ធនាការ ASEAN Club Championship Shopee Cup™ ក្នុងពូល A ជាមួយក្រុមព្រះខ័នរាជស្វាយរៀង របស់កម្ពុជា នៅកីឡដ្ឋាន Sultan Mizan Zainal Abidin នៅថ្ងៃពុធ។

Terengganu គឺជាកម្លាំងមួយរឹងមាំដែលត្រូវបានរាប់បញ្ចូលក្នុងវិស័យបាល់ទាត់ម៉ាឡេស៊ីក្នុងរយៈពេលប៉ុន្មានឆ្នាំចុងក្រោយនេះ ហើយបានឡើងដល់វគ្គផ្តាច់ព្រ័ត្រនៃពានរង្វាន់ក្នុងស្រុកចំនួនពីរក្នុងរដូវកាលជាច្រើនដូចជា FA Cup ក្នុងឆ្នាំ 2022 និងពានរង្វាន់ Malaysia Cup ឆ្នាំ 2023 ។ ហើយពួកគេនឹងសង្ឃឹមថានឹងនាំយកជំនាញ និង​កម្លាំងដ៏រឹងមាំនេះ ស្វែងរកជ័យជម្នះការប្រកួតជម្រុះក្នុងពូល A ពាន Shopee Cup ។

លោក Tomislav Steinbruckner ដែលបានមកដល់ប្រទេសម៉ាឡេស៊ីជាលើកដំបូងក្នុងនាមជាគ្រូបង្វឹកក្រុម T-Team ក្នុងឆ្នាំ 2015 បានត្រលប់មកដឹកនាំក្រុម Terengganu FC ក្នុងឆ្នាំ 2022 ហើយបានប្រមូលផ្តុំក្រុមតារាឆ្នើមដែលនឹងបង្កព្យុះភ្លៀងក្នុងរដូវ​កាល 2024/25 ។

ក្រុមរហ៍សនាមថា អណ្តើកមួយនេះមានកីឡាករកំពូលៗរបស់ម៉ាឡេស៊ីមួយចំនួនដូចជា Safawi Rasid, Akhyar Rashid និង Azam Azmi ក៏ដូចជាការនាំចូលដូចជាខ្សែបម្រើប្រយុទ្ធអ៊ូសប៊េគីស្ថាន Nurillo Tukhtasinov ខ្សែប្រយុទ្ធនីហ្សេរីយ៉ា Ismaheel Akinade និងខ្សែបម្រើហ្វីលីពីន Manuel Ott ។

អញ្ចឹង​ក៏ដោយ Terengganu ដែលនៅតែរង់ចាំការត្រលប់មកវិញរបស់អ្នកស៊ុតបញ្ចូលទីដ៏ច្រើនរបស់ពួកគេគឺ Ivan Mamut ពីរបួសរយៈពេលវែង។

ដោយឡែក ស្វាយរៀង បានបញ្ជាក់ពីកៅអីរបស់ពួកគេក្នុងការប្រកួត Shopee Cup តាមរយៈការប្រកួតជម្រុះជុំទី២ វគ្គ Play-off ដែលពួកគេបានយកឈ្នះក្រុម Young Elephants FC របស់ឡាវ ក្នុងលទ្ធផល ៨-៣ កាលពីខែមុន។

គ្រប់គ្រងដោយអតីតគ្រូបង្វឹកយុវជនរបស់ក្លិប FC Barcelona លោក Josep Munoz ក្រុមព្រះខ័នខៀវមួយនេះ គឺជាក្រុមដ៏ល្អបំផុតនៅក្នុងប្រទេសកម្ពុជាក្នុងអំឡុងពេលយុទ្ធនាការឆ្នាំ 2023/24 ដែលឈ្នះពានរង្វាន់ Hun Sen Cup និង Cambodian Premier League ក្នុងរដូវ​កាលតែមួយ។

ពួកគេក៏បានចាប់ផ្ដើមរដូវកាលថ្មីនៃលីគកំពូលផងដែរ ដោយស៊ុតបញ្ចូលទីបាន 11 គ្រាប់ និងរបូតវិញត្រឹមតែ 1 ដងប៉ុណ្ណោះក្នុងការប្រកួតឈ្នះជាមួយសមាគមកីឡាបាល់ទាត់ក្រសួងមហាផ្ទៃ និង ISI Dangkor Senchey FC ក្នុងការប្រកួតបើកឆាកលីគ២លើកដំបូងរបស់ពួកគេ។

ក្រុម​មានមូលដ្ឋានក្នុងខេត្ត​ស្វាយ​រៀង​មាន​ ខ្សែ​ប្រយុទ្ធ​ប្រេស៊ីល​បី​រូបដឹកនាំក្នុងតំបន់ជួរមុខ​ដូចជា​៖ Gabriel Silva, Cristian Roque dos Santos និង Pablo ដែល​បាន​ស៊ុត​បញ្ចូល​ទី​បាន​បី​គ្រាប់​ទល់​នឹង​ក្រុម Young Elephants ក្នុង​ការ​ប្រកួត​វគ្គ Play-off ជើង​ទី​ពីរ។ Munoz ក៏អាចពឹងពាក់ខ្សែបម្រើស្លាបវ័យក្មេងរបស់គេ ញាណ សុស៊ីដាន​ដែលកម្លាំងថ្មីទើប​ទិញ​ក្លិបគូប្រជែងក្នុងលីគ Tiffy Army FC។

ការប្រកួតវគ្គចែកពូលក្នុងការប្រកួត Shopee Cup នឹងដំណើរការចាប់ពីថ្ងៃទី 21 ខែសីហា ឆ្នាំ 2024 ដល់ថ្ងៃទី 6 ខែកុម្ភៈ ឆ្នាំ 2025 ដោយក្រុមលេខ១ និង​លេខ២ ទាំងពីរពូល នឹងឈានទៅដល់វគ្គ 4 ក្រុមចុងក្រោយដែលនឹងធ្វើឡើងនៅខែមេសា ឆ្នាំ 2025 បន្ទាប់មកការប្រកួតវគ្គផ្តាច់ព្រ័ត្រដ៏ធំទាំងពីរជើង នៅខែឧសភា ឆ្នាំ 2025 ។

Chelsea នឹងចាប់ផ្តើមយុទ្ធនាការ Premier League ទល់នឹង Man City នៅចុងសប្តាហ៍នេះ។ ក្រុមតោខៀវនឹងក្លាយជាក្រុមតែមួយគត់ដែលមិនមានអ្នកឧបត្ថម្ភអាវនៅខាងមុខ។

កិច្ចព្រមព្រៀងជាមួយ Infinite Athlete ដែលជាអ្នកឧបត្ថម្ភសម្រាប់រដូវកាលមុន មិនត្រូវបានបន្តទេ។ ឡូហ្គោរបស់ក្រុមហ៊ុនអាមេរិកឥឡូវនេះនឹងបង្ហាញតែនៅលើឈុតហ្វឹកហាត់ប៉ុណ្ណោះ។

របាយការណ៍របស់ Athletic ថា ការស្វែងរកអ្នកឧបត្ថម្ភថ្មីគឺជាកិច្ចការដ៏លំបាកសម្រាប់ Chelsea ។ ក្រុមតោខៀវបានធ្វើការចរចាជាមួយក្រុមហ៊ុនអាកាសចរណ៍អារ៉ាប៊ីសាអូឌីត Riyadh Air និងគេហទំព័រភ្នាល់បាល់ Kaiyun Sports ប៉ុន្តែការពិភាក្សាទាំងនេះមិនបាននាំឱ្យមានកិច្ចព្រមព្រៀងទេ។

Chelsea កំពុងស្វែងរកកិច្ចព្រមព្រៀងរយៈពេលខ្លីដែលមានតម្លៃប្រហែល 40 លានផោន។ ពួកគេ​មិន​ចង់​ធ្វើ​កិច្ច​សន្យា​យូរ​ទេ ព្រោះ​ពួកគេ​មាន​អារម្មណ៍​ថា​តម្លៃ​នៃ​ការ​ឧបត្ថម្ភ​នឹង​កើន​ឡើង​ប្រសិន​បើ​ពួកគេ​ត្រលប់​មក​លេង Champions League វិញ។

ក្លិប​គ្រោង​នឹង​ប្រកាស​អ្នក​ឧបត្ថម្ភ​ថ្មី​ក្នុង​ពេល​ឆាប់ៗ​នេះ បើ​ទោះ​ជា​មិន​ទាន់​ដឹង​កាលបរិច្ឆេទ​ច្បាស់លាស់​ក៏​ដោយ។