ព័ត៌មានកីឡាអន្តរជាតិ
Pep Guardiola បានបញ្ជាក់ថា អ្នកចាំទី Ederson នឹងមិនមានវត្តមានសម្រាប់ការប្រកួត Community Shield ជាមួយ Manchester United នោះទេដោយសារបញ្ហាសុខភាពមិនជាសះស្បើយ ។
Ederson បានខកខានការហ្វឹកហាត់នៅសប្តាហ៍នេះ ហើយខណៈពេលដែលលោក Guardiola រំពឹងថាគាត់នឹងប្រសើរឡើងនៅសប្តាហ៍ក្រោយ វត្តមានរបស់គាត់សម្រាប់ការប្រកួត Community Shield នៅតែមិនប្រាកដប្រជា។
អ្នកចាំទី Stefan Ortega ដែលលេងទល់នឹង Chelsea ទំនងជាមកជំនួស ប្រសិនបើ Ederson មិនរឹងមាំគ្រប់គ្រាន់។ ខណៈពេលដែល Ortega ជាអ្នកចាំទីដែលមានសមត្ថភាព គាត់មិននៅកម្រិតដូច Ederson ទេ ហើយការអវត្តមានដ៏មានសក្តានុពលរបស់គាត់អាចផ្តល់ឱ្យខ្សែប្រយុទ្ធរបស់ក្រុម Manchester United នូវអត្ថប្រយោជន៍នៅក្នុងការប្រកួត។
លោក Guardiola បានពន្យល់ថា Ederson បានកំពុងដោះស្រាយជាមួយនឹង “ភាពស្ទាក់ស្ទើ” ហើយមិនចង់ប្រថុយនឹងការដាក់គាត់លេងនោះទេ។ គាត់បាននិយាយថា៖ «ម្សិលមិញគាត់មិនបានហ្វឹកហាត់។ ថ្ងៃនេះប្រសើរជាងម្សិលមិញហើយ។ ខ្ញុំគិតថាសប្តាហ៍ក្រោយនឹងកាន់តែប្រសើរ ប៉ុន្តែខ្ញុំមិនចង់ប្រថុយទេ»។
Martin Braithwaite ត្រូវបានគេរាយការណ៍ថាកំពុងពិចារណាលើការដេញថ្លៃដើម្បីក្លាយជាម្ចាស់ភាគហ៊ុនភាគច្រើនរបស់ Espanyol ត្រឹមតែប៉ុន្មានសប្តាហ៍ បន្ទាប់ពីការចាកចេញពីក្លិបមួយនេះ។
អតីតខ្សែប្រយុទ្ធ Barcelona រូបនេះបានផ្ដាច់កុងត្រារបស់គាត់ចេញពីកិច្ចសន្យាជាមួយ Espanyol កាលពីខែមុន។ គាត់បានជួយ Espanyol ឱ្យត្រលប់ទៅ LaLiga វិញភ្លាមៗនៅរដូវកាលមុន តាមរយៈការប្រកួតវគ្គ Play-off របស់លីគទី២អេស្ប៉ាញ ខណៈដែលគាត់ជាកីឡាករស៊ុតបញ្ចូលទីបានច្រើនជាងគេដល់ទៅ 18 គ្រាប់។
ប៉ុន្តែកីឡាករអន្តរជាតិដាណឺម៉ាកបានសម្រេចចិត្តចាប់ផ្តើមដំណើរផ្សងព្រេងថ្មីនៅក្រៅទ្វីបអឺរ៉ុប ដើម្បីចូលរួមជាមួយក្លិបប្រេស៊ីល Gremio បន្ទាប់ពីបានដាក់លក្ខខណ្ឌនៃការដោះលែងកិច្ចសន្យារបស់គាត់ជាមួយក្លិប LaLiga ។
ថ្លែងបន្ទាប់ពីការឡើងមកលេងលីគកំពូលរបស់ Espanyol គាត់បានបង្ហាញថាគាត់មានអារម្មណ៍ថា គាត់មិនទទួលបានការគោរពពីថ្នាក់ដឹកនាំរបស់ក្លិប បន្ទាប់ពីពួកគេបានបដិសេធក្នុងការអនុញ្ញាតឱ្យគាត់ចូលរួមលេងលីគកំពូលអេស្ប៉ាញ ដែលនាំឱ្យគាត់គ្មានឈ្មោះក្នុងក្រុម Euro 2024 របស់ប្រទេសដាណឺម៉ាក។
គាត់បាននិយាយថា៖ «កាលពីមួយឆ្នាំមុនក្លិបបានធ្វើសំណើបន្តឲ្យខ្ញុំ ប៉ុន្តែវាជាការមិនគោរព។ ចាំមើលថាតើពួកគេចង់ឱ្យខ្ញុំស្នាក់នៅទីនេះទេ ពីព្រោះសំណើដែលពួកគេបានធ្វើកាលពីឆ្នាំមុនបង្ហាញថាពួកគេមិនជឿលើខ្ញុំ»។
Braithwaite ទីបំផុតបានសម្រេចចិត្តថាគាត់មិនចង់បន្តទំនាក់ទំនងរបស់គាត់ជាមួយ Espanyol ទេ ប៉ុន្តែវាប្រហែលជាមិនមែនជាការបញ្ចប់ទំនាក់ទំនងឱ្យដាច់ស្រេចរបស់គាត់ជាមួយក្លិបនោះទេ។ នោះគឺដោយសារតែយោងទៅតាម Marca គាត់កំពុងថ្លឹងថ្លែងទិញយកភាគហ៊ុនគ្រប់គ្រងនៅ Espanyol ។
គេនិយាយថាអតីតខ្សែប្រយុទ្ធ Middlesbrough មានបំណងចង់ទម្លាក់ម្ចាស់ក្លិបលោក Chen Yansheng ប្រធានក្រុមហ៊ុន Rastar Group ដែលជាឥស្សរជនមិនពេញនិយមក្នុងចំណោមអ្នកគាំទ្រ ដែលស្ថិតក្រោមការដឹកនាំរបស់គាត់ ក្លិបត្រូវបានកាត់ចោលពីរដងក្នុងរយៈពេល 3 ឆ្នាំ។
Braithwaite ត្រូវបានគេរាយការណ៍ថាមានទ្រព្យសម្បត្តិប្រហែល 250 លានផោនជាលទ្ធផលនៃការកាន់កាប់អាជីវកម្មអចលនទ្រព្យនៅអាមេរិក។ សហស្ថាបនិកនៃក្រុមហ៊ុន NYCE Companies ជាមួយពូរបស់គាត់ Philip Michael អាជីវកម្មដែលកំពុងរីកចម្រើនរបស់ពួកគេមានគោលបំណងផ្តល់នូវលំនៅដ្ឋានតម្លៃសមរម្យដល់សហគមន៍ស្បែកខ្មៅនៅ New Jersey និង Philadelphia ។
Ruud van Nistelrooy ត្រូវបាន Man United នាំមកដើម្បីជួយខ្សែប្រយុទ្ធ Alejandro Ganarcho បង្កើនជំនាញស៊ុតបញ្ចូលទីសម្រាប់រដូវកាល 2024/25 ។
យោងតាមគេហទំព័រ GiveMeSport គ្រូបង្វឹកសញ្ជាតិហូឡង់ត្រូវបានប្រគល់ភារកិច្ចឱ្យធ្វើការយ៉ាងជិតស្និទ្ធជាមួយ Alejandro Garnacho ហើយជួយកីឡាករវ័យក្មេងឈានទៅកម្រិតបន្ទាប់។ គណៈគ្រប់គ្រងរបស់បិសាចក្រហមចង់ឱ្យ Van Nistelrooy ជួយ Garnacho ធ្វើឱ្យប្រសើរឡើងនូវការសម្រេចចិត្ត និងប្រសិទ្ធភាពរបស់គាត់ក្នុងការបញ្ចប់ទី។
ពួកគេចង់ឱ្យអតីតកីឡាករសញ្ជាតិហូឡង់បង្ហាញមេរៀនពិបាកៗមួយចំនួនរបស់គាត់ទៅក្នុងខ្សែបម្រើស្លាបអាហ្សង់ទីន។ ពួកគេចង់ឱ្យគាត់ធានាថា Alejandro មានចំណេះដឹងកាន់តែប្រសើរឡើងអំពីពេលវេលាដែលត្រូវបញ្ជូនបាល់ទៅកាន់មិត្តរួមក្រុមក្នុងតំបន់បម្រើប្រយុទ្ធ និងបំប្លែងឱកាសរបស់គាត់ឱ្យកាន់តែប្រសើរឡើង។ Garnacho ត្រូវបានគេមើលឃើញថាជាកីឡាករសំខាន់ ដែលអាចជួយបិសាចក្រហមឈ្នះពានរង្វាន់ធំៗ នៅរដូវកាលក្រោយ ហើយចង់ធានាថាគាត់បង្កើនសក្តានុពលដ៏ធំរបស់គាត់។
កីឡាករអាហ្សង់ទីនរីករាយនឹងរដូវកាល 2023/24 ជាមួយ Man United ដោយស៊ុតបញ្ចូលទីបាន 10 គ្រាប់ និងបញ្ជូនបាល់ឱ្យមិត្តរួមក្រុមចំនួន 5 និងស៊ុតបញ្ចូលទីបានមួយគ្រាប់ដ៏សំខាន់នៅក្នុងការប្រកួតវគ្គផ្តាច់ព្រ័ត្រ FA Cup ។
ដំបូងឡើយ Ronald Araujo ត្រូវបានគេរំពឹងថានឹងត្រូវអវត្តមានរហូតដល់ខែតុលា បន្ទាប់ពីរបួសសរសៃពួរពេលបំពេញកាតព្វកិច្ចអន្តរជាតិជាមួយនឹងក្រុមជម្រើសជាតិអ៊ុយរូហ្គាយ។
ទោះយ៉ាងណាក៏ដោយ មានលទ្ធភាពដែលយើងមិនឃើញគាត់ត្រលប់មកវិញនៅលើទីលានសម្រាប់ Barcelona រហូតដល់ខែមករា ឆ្នាំ 2025។
យោងតាមលោក Javi Miguel នៃសារព័ត៌មាន Diario Sport ក្រុម FC Barcelona កំពុងពិចារណាលើការមិនចុះឈ្មោះគាត់ក្នុងបញ្ជី La Liga នៅពេលនេះ – ពួកគេបានធ្វើដូចគ្នានៅពេលដែល Gavi បានរហែកសសៃពួរ ACL កាលពីខែវិច្ឆិកាឆ្នាំមុន។
នេះនឹងផ្តល់ឱ្យក្លិបនូវភាពបត់បែនបន្ថែមក្នុងការចុះឈ្មោះកីឡាករថ្មី ឬគ្រប់គ្រងប្រាក់ខែរបស់ពួកគេ។ យើងត្រូវចាំមើលថាតើពួកគេនឹងបន្តការសម្រេចចិត្តបែបនេះឬយ៉ាងណា។ យ៉ាងណាមិញ Araujo នៅតែជាកីឡាករសំខាន់ម្នាក់របស់ Barca ហើយការទុកគាត់ឱ្យនៅក្រៅជាគោលបំណងអាចឱ្យគាត់ត្រលប់មកវិញបាន។
Lisandro Martinez អាចនឹងទទួលតួនាទីថ្មីពីរនៅ Manchester United នៅរដូវកាលក្រោយ៖ ជាខ្សែបម្រើប្រយុទ្ធ និងខ្សែការពារឆ្វេងបែបសង្គ្រោះបន្ទាន់។
មានតែ Harry Maguire ប៉ុណ្ណោះដែលទំនងជាប់ដំណែង១១នាក់ ខណៈលោក Erik ten Hag យកខ្សែការពារថ្មីជាមួយនឹងការបន្ថែម Leny Yoro។
យោងទៅតាមអ្នកខាងក្នុងកន្លែងហ្វឹកហាត់នៅ Carrington ភាពប៉ិនប្រសប់របស់ Martinez អាចផ្តល់ឱ្យ Hag ជាមួយនឹងជម្រើសយុទ្ធសាស្ត្រផ្សេងៗនៅពេលដែលយុទ្ធនាការថ្មីចាប់ផ្តើម។ គាត់អាចលេងក្នុងតំបន់បម្រើការពារ ឬក៏ស្លាបឆ្វេងនៅពេលគ្រូបង្វឹកត្រូវការ។
រឿងនេះអាចកើតឡើង ប្រសិនបើ Man United ទទួលបានកិច្ចព្រមព្រៀងចុះកុងត្រាយក Matthijs de Ligt។ វានឹងអនុញ្ញាតឱ្យ Martinez ផ្លាស់ប្តូរទៅជាបម្រើការពារកណ្តាលជាមួយ Kobbie Mainoo ។
សារព័ត៌មាន The Athletic បាននិយាយថា Real Madrid បានសម្រេចចិត្តមិនចុះហត្ថលេខាលើខ្សែការពារកណ្តាលថ្មី ឬនរណាម្នាក់ផ្សេងទៀតទេនៅរដូវក្តៅនេះ។
ទីផ្សារដោះដូរកីឡាករត្រូវបានបិទសម្រាប់ Los Blancos ជាមួយនឹងកីឡាករ Kylian Mbappe និង Endrick តែ២នាក់នេះគត់សម្រាប់ក្លិប។ លោក Carlo Ancelotti បានស្នើឱ្យក្លិបចុះហត្ថលេខាលើខ្សែការពារកណ្តាលបន្ថែមម្នាក់ទៀត ដើម្បីជៀសវាងការប្រើ Aurelien Tchouameni ដែលជាខ្សែបម្រើការពារ ចុះមកការពារ។
ការឆ្លើយតបរបស់ Real Madrid ទៅកាន់លោក Ancelotti គឺថាក្រុមនេះល្អគ្រប់គ្រាន់ហើយដើម្បីប្រកួតប្រជែងដណ្តើមយកពានរង្វាន់ទាំងអស់ដែលពួកគេចូលរួមនៅរដូវកាលក្រោយ។
បុគ្គលិករបស់លោក Ancelotti មានការព្រួយបារម្ភអំពីរបៀប ការគ្រប់គ្រងបន្ទុកការងារក្នុងតំបន់ការពារ ខណៈពេលក្រុម Real Madrid នឹងប្រកួតប្រជែងដណ្តើមពានរង្វាន់ចំនួនប្រាំពីរនៅរដូវកាលក្រោយ។ ប៉ុន្តែលោក Ancelotti បានបង្ហាញឱ្យឃើញថា គាត់ដឹងពីរបៀបបង្វែរក្រូចឆ្មារទៅជាទឹកតែក្រូចឆ្មាបាន។
ថ្មីៗនេះ Eder Militao បានរងរបួស ACL ហើយ David Alaba នៅតែចំណាយពេលព្យាបាលរបួសឱ្យជាសះស្បើយ។ ប៉ុន្តែ Real មានទំនុកចិត្តថាខ្សែការពារដែលមានស្រាប់ អាចធ្វើម្តងទៀតនូវស្នាដៃដែលពួកគេទទួលបានកាលពីរដូវកាលមុន។
ព័ត៌មានកីឡាជាតិ
សហព័ន្ធកីឡាបាល់ទាត់អាស៊ីAFC អញ្ជើញក្លិបថៃចូលរួមប្រកួតពានរង្វាន់ ACL2 វគ្គ Group Stage បន្ទាប់ពីក្លិបវៀតណាម Thanh Hoa FC 🇻🇳 ដកខ្លួន នេះបើយោងតាមការចុះផ្សាយរបស់សារព័ត៌មានថៃ ThinkCurve។
ដោយផ្អែកលើចំណាត់ថ្នាក់ Thai League 23/24 BG Pathum ដែលបានបញ្ចប់ក្នុងចំណាត់ថ្នាក់ទី 4 គួរតែទទួលបានឱកាសនេះ ប៉ុន្តែ BG Pathum បានសម្រេចចិត្តបដិសេធការអញ្ជើញដោយសារកាលវិភាគមមារញឹកពេក។ ក្រៅពីការប្រកួតនៅប្រទេសថៃ ពួកគេក៏ត្រូវប្រកួតក្នុងពានរង្វាន់ ASEAN Club Championship និង Singapore Cupផងដែរ។
ដូច្នេះហើយ ឱកាសនេះនឹងត្រូវផ្តល់ឱ្យ Muangthong United ខណៈដែលពួកគេបានបញ្ចប់ក្នុងចំណាត់ថ្នាក់លេខ 5 ក្នុង Thai League 23/24 ។ នេះជាការប្រកួតអាស៊ីលើកដំបូងរបស់ពួកគេក្នុងរយៈពេល៧ឆ្នាំ។ ទោះជាយ៉ាងណាក៏ដោយ ពួកគេត្រូវតែកែលម្អពន្លឺភ្លើងក្នុងកីឡដ្ឋានរបស់ពួកគេ ដើម្បីបំពេញតាមស្តង់ដារ AFC ។
លោក Daniel Sobis អ្នកកាសែតមកពី ElevenSports រាយការណ៍ថា Nico Williams បានសម្រេចចិត្តបន្តនៅ Athletic Bilbao នៅរដូវកាលក្រោយ។
ប្រភពបានអះអាងថា Williams នឹងលេងនៅរដូវកាល 2024/25 ឱ្យក្លិប Athletic Club ដែលនេះមានន័យថាគាត់បានច្រានចោលសំណើរបស់ Barcelona និង PSG ។
ទោះបីជាអ្នកកាសែតរូបនេះជាប្រភពដែលគួរឱ្យទុកចិត្តបំផុតក៏ដោយ របាយការណ៍នេះអាចគ្រាន់តែជាការពិចារណាលើការសន្យារបស់ Williams ដែលបាននិយាយប្រាប់ទៅបងប្រុសរបស់គាត់កាលពីរដូវកាលមុន។
ក្លិប Barcelona ត្រូវបានគេរាយការណ៍ថាកំពុងរង់ចាំការសម្រេចចិត្តរបស់ Williams មុនពេលចាប់ផ្តើមចំនាយលើលក្ខខណ្ឌផ្ដាច់កុងត្រារបស់គាត់។ ប្រសិនបើ Williams ពិតជាបានបដិសេធពួកគេមែននោះ ក្លិបនឹងផ្តោតលើការផ្ទេររបស់ Dani Olmo ។
Manchester United កំពុងពិចារណាសាងសង់កីឡដ្ឋានថ្មីដែលមានកៅអីអង្គុយចំនួន 100,000 ដើម្បីជំនួសកីឡដ្ឋាន Old Trafford ក្នុងគោលបំណងបំពេញតម្រូវការសំបុត្រដ៏ខ្ពស់ និងកន្លែងដែលជាសក្ដីភាពនាពេលអនាគត។
ក្រុមការងារបានវាយតម្លៃការជួសជុលលើកីឡដ្ឋានចាស់ ប៉ុន្តែបច្ចុប្បន្នពេញចិត្តនឹងការសាងសង់ថ្មីវិញ ក្រោយពេលលោក Jim Ratcliffe បានយល់ព្រម ហើយនឹងអនុញ្ញាតឱ្យបន្តប្រើប្រាស់ដីបច្ចុប្បន្នកំឡុងពេលសាងសង់។
ការជួសជុល Old Trafford នឹងរំខានដល់កន្លែងអង្គុយ និងអ្នកកាន់សំបុត្រពេញមួយរដូវកាលដែលអាចធ្វើរអាក់រអួល ខណៈពេលដែលការសាងសង់ថ្មី ទោះបីជាមានតម្លៃជាង 2 ពាន់លានផោនក៏ដោយ ក៏ជៀសវាងបញ្ហាទាំងនេះដែរ។ ការសាងសង់ត្រូវបានគេព្យាករណ៍ថា នឹងរួចរាល់ក្នុងរយៈពេល ៦ឆ្នាំ ទើបរួចរាល់។ អញ្ចឹងហើយ ក្លិបមិនចង់ឱ្យអ្នកគាំទ្រមានអារម្មណ៍ធុញទ្រាន់និងការជុលជុល ហើយក្លិបអាចរក្សាចំណូលពីកីឡដ្ឋានបានទៀតផង។
ក្រុមការងារ រួមទាំងឥស្សរជនគួរឱ្យកត់សម្គាល់ដូចជា Gary Neville, Lord Sebastian Coe និងអភិបាលក្រុង Manchester លោក Andy Burnham ឥឡូវនេះកំពុងផ្តោតលើការសាងសង់ថ្មី បើទោះបីជាការចំណាយខ្ពស់របស់វាក៏ដោយ។
