ព័ត៌មានកីឡាអន្តរជាតិ
(English) ខ្សែបម្រើ Mason Mount របស់ក្លិបបិសាចក្រហម Manchester United បានវិលត្រលប់មកជំរំហ្វឹកហាត់វិញហើយ មុនពេលការប្រកួតជើងទី ២ វគ្គ ១៦ ក្រុមចុងក្រោយ នៃពានរង្វាន់លំដាប់ទី ២ របស់ទ្វីបអឺរ៉ុប Europa League ជាមួយនឹងក្រុម Real Sociedad នៅឯកីទ្បដ្ឋាន Old Trafford នារាត្រីថ្ងៃព្រហស្បតិ៍។
Mason Mount ចូលរួមជាមួយនឹង United ពី Chelsea ក្នុងតម្លៃផ្ទេរ ៥៥ លានផោន បានរងរបួសជាលើកទី ២។ នារដូវកាលនេះ Mason Mount លេងឱ្យ United បាន ៤ ប្រកួតប៉ុណ្ណោះនៅក្នុងលីគ ហើយរូបគេបានខកខានលេងឱ្យក្រុមចាប់តាំងពីរបួសសរសៃពួរ នៅពេលលេងជាមួយនឹង Manchester City កាលពីថ្ងៃទី១៥ ខែធ្នូ ឆ្នាំ២០២៤ កន្លងទៅ។
ក្រៅពី Mason Mount វិលត្រលប់មកហ្វឹកហាត់វិញក៏មាន Manuel Ugarte ផងដែរ បន្ទាប់ពីអវត្តមាន ២ ប្រកួតជាមួយនឹងក្រុមកន្លងទៅ។ ទោះជាយ៉ាងណាក៏ដោយ ខ្សែការពារ Harry Maguire និង Leny Yoro ទាំងពីរនាក់មិនត្រូវបានឃើញនៅជំរំហ្វឹកហាត់ទ្បើយ។
គួរជម្រាបថា សម្រាប់ United ត្រូវការឈ្នះពាន Europa League ដើម្បីមានសិទ្ធិទៅលេង UCL នារដូវកាលក្រោយ៕
ប្រភព៖ BBC
ព័ត៌មានកីឡាអាស៊ី
(English)
ខ្សែប្រយុទ្ធ Faisal Halim ទទួលបានការកោះហៅចូលរួមក្រុមជម្រើសជាតិម៉ាឡេស៊ី សាជាថ្មីទៀត សម្រាប់ការប្រកួតជម្រុះជើងឯកកម្រិតថ្នាក់អាស៊ី AFC Asian Cup ឆ្នាំ ២០២៧ ជុំទី ៣ ។ យ៉ាងណា មុនពេលទទួលការកោះហៅចូលរួមជាមួយនឹងក្រុមជម្រើសជាតិ តើគ្រប់គ្នាដឹងទេថាខ្សែជីវិតដ៏ខ្មៅងងឹតរបស់ Faisal Halim បានជួបរឿងជាច្រើនអ្វីខ្លះ?
(English) ក្រុមហង្សក្រហម Liverpool អាចនឹងអវត្តមានខ្សែការពារកូដឆ្វេង Trent Alexander-Arnold សម្រាប់ការប្រកួតវគ្គផ្តាច់ព្រ័ត្រពានរង្វាន់លំដាប់ទី ៣ របស់ប្រទេសអង់គ្លេស Carabao Cup ដែលត្រូវប៉ះគ្នាជាមួយនឹងសារិកាព្រៃ Newscalste United នៅឯកីទ្បដ្ឋានជាតិអង់គ្លេស Wembley នាថ្ងៃអាទិត្យទី១៦ ខែមីនា ឆ្នាំ២០២៥ ខាងមុខនេះ។
កីទ្បាករអន្តរជាតិអង់គ្លេសវ័យ ២៦ ឆ្នាំរូបនេះបានរងរបួស អំទ្បុងពេលប្រកួតជើងទី ២ វគ្គ ១៦ ក្រុមចុងក្រោយ នៃពានរង្វាន់លំដាប់ទី ១ របស់ទ្វីបអឺរ៉ុប UEFA Champions League ដែល Liverpool ចាញ់ Paris Saint Germain ដោយបាល់កាត់សេចក្តី ១១ ម៉ែត្រក្នុងលទ្ធផល ១-៤ កាលពីរាត្រីថ្ងៃអង្គារ៍។ Trent Alexander-Arnold ត្រូវបានផ្លាស់ប្តូរចេញនៅនាទីទី ៧៣ ជំនួសមកវិញដោយ Jarell Quansah បន្ទាប់ពីរងរបួសខាងលើ។
យ៉ាងណា បញ្ហាខាងលើនេះត្រូវបានសេចក្តីរាយការណ៍ពីសារព៏ត៌មានអង់គ្លេសបានបញ្ជាក់ថា Trent Alexander-Arnold គឺបានរងរបួសកជើង។ ដូច្នេះហើយ វាមានន័យថាបួសរបស់ Alexander-Arnold ក៏នឹងក្លាយជាបញ្ហាមួយសម្រាប់ក្រុមអង់គ្លេស ដែលជាម្ចាស់ផ្ទះទទួលអាល់បានីនៅថ្ងៃទី ២១ ខែមីនា និងប្រទេសឡាតវី បីថ្ងៃបន្ទាប់ក្នុងវគ្គជម្រុះ World Cup ឆ្នាំ ២០២៦ ផងដែរ៕
ប្រភព៖ Reuters
បន្ទាប់ពីក្រុម Buriram United បានទម្លាក់ក្រុម Johor Darul Ta’zim របស់ម៉ាឡេស៊ី ដោយលទ្ធផលសរុប 1-0 កាលពីយប់មិញ ពួកគេបានឈានទៅវគ្គ 8 ក្រុមចុងក្រោយនៃ ACL Elite 2024/25 ដែលនេះជាលើកទីពីរហើយបន្ទាប់ពីពួកគេធ្លាប់ឡើងកាលពីឆ្នាំ 2013 ដែលកាលនោះមានឈ្មោះថា AFC Champions League។
Buriram United មានឱកាសជួប ៤ក្រុមមកពីតំបន់ខាងលិចក្នុងជុំទី ៨ គឺ Al Nassr (អារ៉ាប៊ីសាអូឌីត), Al Hilal (អារ៉ាប៊ីសាអូឌីត), Al Ahly (អារ៉ាប៊ីសាអូឌីត) និង Al Sadd (កាតា) ដែលនឹងត្រូវចាប់ឆ្នោតនៅថ្ងៃសុក្រ ទី១៤ ខែមីនា ឆ្នាំ២០២៥។
ខាងក្រោមជាការធ្វើបច្ចុប្បន្នភាពលើក្រុមដែលមានលក្ខណៈសម្បត្តិគ្រប់គ្រាន់សម្រាប់វគ្គ 8 ក្រុមចុងក្រោយនៃ ACL Elite 2024/25 ៖
Al Ahly (អារ៉ាប៊ីសាអូឌីត)
Al Hilal (អារ៉ាប៊ីសាអូឌីត)
Al Nasser (អារ៉ាប៊ីសាអូឌីត)
Al Sadd (កាតា)
Buriram United (ថៃ)
Yokohama F. Marinos (ជប៉ុន)
Kawasaki Frontale (ជប៉ុន) vs Shanghai Shenhua (ចិន) នឹងប្រកួតក្នុងការប្រកួតវគ្គ 16 ក្រុមចុងក្រោយ ជើងទី 2 នៅថ្ងៃនេះ។ ក្នុងការប្រកួតទីមួយ Shanghai Shenhua បានយកឈ្នះលើ Kawasaki Frontale ក្នុងលទ្ធផល 1-0 ក្នុងផ្ទះ។
ខណៈ Gwangju FC ទល់នឹង Vissel Kobe នឹងត្រូវប្រកួតក្នុងការប្រកួតទីពីរនៅថ្ងៃនេះផងដែរ ដោយក្នុងការប្រកួតដំបូង Vissel Kobe ឈ្នះក្នុងដីទល់នឹង Gwangju FC 2-0 ។ សម្រាប់ការប្រកួតបាល់ទាត់ ACL Elite 2024/25 ក្រុមចំនួន 8 ចុងក្រោយនឹងត្រូវប្រកួតនៅប្រទេសអារ៉ាប៊ីសាអូឌីត រហូតដល់វគ្គផ្ដាច់ព្រ័ត្ររវាងថ្ងៃទី 25 ខែមេសា ដល់ថ្ងៃទី 4 ខែឧសភា ឆ្នាំ 2025។
ក្លិបបិសាចក្រហម Manchester United ត្រូវបានគេរំពឹងថានឹងសាងសង់កីឡដ្ឋានថ្មីដោយការគ្រោងរុះរើកីឡដ្ឋានចាស់ Old Trafford។ ឥឡូវនេះក្លិបបានបង្ហាញផែនការដ៏មានមហិច្ឆតាសម្រាប់ការសាងសង់កីឡដ្ឋានថ្មីដែលអាចផ្ទុកអ្នកទស្សនា 100,000 មានតម្លៃ២ពាន់លានផោន។
ក្រុមបិសាចក្រហម Manchester United បានបញ្ជាក់ថាពួកគេនឹងកម្ទេចកីឡដ្ឋាន Old Trafford និងសាងសង់កីឡដ្ឋានថ្មីដែលមានកៅអីអង្គុយ 100,000 នៅលើទីតាំងដែលមានស្រាប់។
កីឡដ្ឋានថ្មីនេះនឹងត្រូវចំណាយថវិកាសាងសង់ក្នុងតំបន់ចំនួន 2 ពាន់លានផោន ហើយនឹងក្លាយជាចំណុចកណ្តាលនៃការបង្កើតឡើងវិញនៃតំបន់ Old Trafford។
United ជឿជាក់ថាកីឡដ្ឋាន និងគម្រោងបង្កើតឡើងវិញកាន់តែទូលំទូលាយ ដែលជាផ្នែកមួយនៃរបៀបវារៈកំណើនរបស់រដ្ឋាភិបាល អាចផ្តល់ប្រាក់បន្ថែម 7.3 ពាន់លានផោនក្នុងមួយឆ្នាំដល់សេដ្ឋកិច្ចចក្រភពអង់គ្លេស។
វាត្រូវបានគេប៉ាន់ស្មានថាគម្រោងកីឡដ្ឋានថ្មីនេះនឹងបង្កើតការងារថ្មីរហូតដល់ 92,000 និងផ្ទះថ្មីជាង 17,000 ក៏ដូចជាទាក់ទាញអ្នកទស្សនាបន្ថែមចំនួន 1.8 លាននាក់ជារៀងរាល់ឆ្នាំ។
ថ្ងៃនេះ United បានបង្ហាញរូបភាព និងគំរូខ្នាតនៃកីឡដ្ឋានថ្មី និងតំបន់ជុំវិញ ដែលត្រូវបានរចនាឡើងដោយក្រុមស្ថាបត្យកម្ម Foster + Partners ដែលគេចាត់តាំងឱ្យរចនាតំបន់កីឡដ្ឋាន។
ដំណាក់កាលបន្ទាប់នៅក្នុងដំណើរការគឺលទ្ធភាពលម្អិត ការពិគ្រោះយោបល់ ការរចនា និងការងារធ្វើផែនការ ដោយសារការងារលើគម្រោងមហិច្ឆតាឈានចូលដំណាក់កាលថ្មីមួយ។
លោក Sir Jim Ratcliffe សហម្ចាស់ក្លិប United បាននិយាយថា៖ “ថ្ងៃនេះជាការចាប់ផ្តើមនៃដំណើរដ៏គួរឱ្យរំភើបមិនគួរឱ្យជឿមួយទៅកាន់ការប្រគល់នូវអ្វីដែលនឹងក្លាយជាកីឡដ្ឋានបាល់ទាត់ដ៏អស្ចារ្យបំផុតរបស់ពិភពលោក នៅចំកណ្តាលនៃ Old Trafford ដែលបានបង្កើតឡើងវិញ។
«កីឡដ្ឋានបច្ចុប្បន្នរបស់យើងបានបម្រើយើងយ៉ាងត្រចះត្រចង់ក្នុងរយៈពេល 115 ឆ្នាំមកនេះ ប៉ុន្តែវាបានធ្លាក់ចុះគុណភាពបើប្រៀបធៀបទៅលើកីលដ្ឋានដ៏ល្អបំផុតនៅក្នុងកីឡាពិភពលោក។ ដោយការសាងសង់នៅជិតកន្លែងដែលមានស្រាប់ យើងនឹងអាចរក្សាបាននូវខ្លឹមសារនៃ Old Trafford ខណៈពេលដែលបង្កើតកីឡដ្ឋានដ៏ទំនើបបំផុតដែលផ្លាស់ប្តូរបទពិសោធន៍អ្នកគាំទ្រត្រឹមតែជំហានពីផ្ទះប្រវត្តិសាស្ត្ររបស់យើង»។
«អ្វីដែលសំខាន់គឺឱកាសសម្រាប់កីឡដ្ឋានថ្មីដើម្បីក្លាយជាកាតាលីករសម្រាប់ការបន្តសង្គម និងសេដ្ឋកិច្ចនៃតំបន់ Old Trafford បង្កើតការងារ និងការវិនិយោគមិនត្រឹមតែក្នុងដំណាក់កាលសាងសង់ប៉ុណ្ណោះទេ ប៉ុន្តែនៅលើមូលដ្ឋានយូរអង្វែងនៅពេលដែលកីឡដ្ឋានបានបញ្ចប់។
“រដ្ឋាភិបាលបានកំណត់ការវិនិយោគហេដ្ឋារចនាសម្ព័ន្ធជាអាទិភាពជាយុទ្ធសាស្ត្រ ជាពិសេសនៅភាគខាងជើងនៃប្រទេសអង់គ្លេស ហើយយើងមានមោទនភាពដែលបានគាំទ្របេសកកម្មនោះជាមួយនឹងគម្រោងជាតិ ក៏ដូចជាមូលដ្ឋានផងដែរ។”
សហព័ន្ធកីទ្បាបាល់ទាត់វៀតណាម VFF បានតែងតាំងលោក Okiyama Masahiko ជាគ្រូបង្វឹករបស់ក្រុមជម្រើសជាតិ សម្រាប់កម្រិតយុវជនអាយុ ១៧ ឆ្នាំ និង ២០ ឆ្នាំ។
បុរសសញ្ជាតិជប៉ុនវ័យ ៥៧ ឆ្នាំរូបនេះគឺមានបទពិសោធន៍យ៉ាងជ្រៅជ្រះកាន់ការងារជាគ្រូបង្វឹកបាល់ទាត់ជប៉ុនជាង ៣០ ឆ្នាំ។ លោក Okiyama Masahiko ក៏ធ្លាប់បម្រើការជាគ្រូបង្វឹកសម្រាប់ក្រុមជម្រើសជាតិ និងក្លិបផ្សេងៗ រួមទាំងក្រុមជម្រើសជាតិនារីហ្សកដានី (២០១២-១៤) ផងដែរ។ គួរជម្រាបថា លោក Okiyama Masahiko ក៏បានកាន់តំណែងជាគ្រូបង្វឹកនៅសាលារបស់សមាគមបាល់ទាត់ជប៉ុនជាកន្លែងដែលលោកបានជួយអភិវឌ្ឍទេពកោសល្យបាល់ទាត់វ័យក្មេងសម្រាប់ប្រទេសជប៉ុន៕
សហព័ន្ធកីទ្បាបាល់ទាត់ពិភពលោក FIFA បានប្រកាសជាផ្លូវការនូវលទ្ធផលចំណាត់ថ្នាក់ FIFA Women’s World Ranking សម្រាប់ខែមីនា ឆ្នាំ២០២៥ ដោយក្រុមបាល់ទាត់នារីជម្រើសជាតិថៃបានជាប់ចំណាត់ថ្នាក់ទី ៤៧ លើពិភពលោក។ ក្រុមបាល់ទាត់នារីជម្រើសជាតិថៃ កាលពីមុន បានជាប់ចំណាត់ថ្នាក់ទី ៤៥ នៅលើពិភពលោក មុនពេលកម្មវិធីប្រកួតកម្ដៅសាច់ដុំសម្រាប់ព្រឹត្តិការណ៍ Pink Ladies Cup ឆ្នាំ២០២៥ នៅទីក្រុងឌូបៃ ប្រទេសអារ៉ាប់រួម ដែលពួកគេបានចាញ់រុស្ស៊ី ១-៣, ចាញ់កូរ៉េខាងត្បូង ០-៤ និងស្មើជាមួយនឹងអ៊ូសបេគីស្ថាន ០-០ ។ លទ្ធផលនេះបានធ្លាក់ចុះ .២ ពិន្ទុពីដើម ១៥១១.៣៣ ពិន្ទុសរុប ១៥០៦.១៣ ដោយទម្លាក់ ២ មកនៅលេខ ៤៧ លើពិភពលោក និងលេខ ៩ នៅអាស៊ី។
ក្រុមបាល់ទាត់នារីជម្រើសជាតិថៃ នឹងមានការកោះហៅមួយទៀតក្នុងអំឡុងពេល FIFA Day ក្នុងខែមេសា ដើម្បីបន្តត្រៀមសម្រាប់ការប្រកួតជម្រុះ AFC Women’s Championship ឆ្នាំ ២០២៦ ចន្លោះថ្ងៃទី២៣ ខែមិថុនា ដល់ថ្ងៃទី ៥ ខែកក្កដា ឆ្នាំ២០២៥ រួមទាំងបាល់ទាត់នារីក្នុងព្រឹត្តិការណ៍ SEA Games ឆ្នាំ២០២៥ ដែលថៃនឹងធ្វើជាម្ចាស់ផ្ទះនៅចន្លោះថ្ងៃទី៧ ដល់ថ្ងៃទី ១៩ ខែធ្នូ ឆ្នាំ២០២៥ ខាងមុខនេះ។ សូមបញ្ជាក់ថា សម្រាប់ចំណាត់ថ្នាក់ FIFA Women’s World Ranking របស់ក្រុមបាល់ទាត់នារីជម្រើសជាតិកម្ពុជាជាប់ចំណាត់ថ្នាក់ទី ១១៨ ពិភពលោក និងលេខ ២៥ នៅអាស៊ី៕
ប្រភព៖ Sanook
(English) ប្រធានក្រុម Buriram United កីទ្បាករ Theerathon Bunmatha នៅតែគ្មានឈ្មោះលេង សម្រាប់ការប្រកួតជើងទី ២ វគ្គ ១៦ ក្រុមចុងក្រោយ នៃពានរង្វានលំដាប់ទី ១ របស់ទ្វីបអាស៊ី AFC Champions League Elite ឆ្នាំ២០២៤-២៥ ទល់នឹង Johor Darul Ta’zim ដោយសាររងរបួសជង្គង់។
ជាការពិតណាស់ ខ្សែការពារសញ្ជាតិថៃ ៣៥ ឆ្នាំរូបនេះទើបតែបញ្ចប់ការពិន័យនៅការប្រកួត ACL Elite បន្ទាប់ពីរូបគេទទួលបានកាតក្រហម អំទ្បុងពេលប្រកួតវគ្គចែកពូលទល់នឹង Johor Darul Ta’zim កាលពីកន្លងទៅ។ ជាមួយគ្នានេះ Theerathon Bunmatha ក៏បានត្រៀមខ្លួនរួចជាស្រេចផងដែរ សម្រាប់ការប្រកួតជើងទី ២ ទល់នឹង Johor Darul Ta’zim ប៉ុន្តែរូបគេបែរជាមានបញ្ហារបួសជង្គង់ទៅវិញ ជាហេតុធ្វើឱ្យរូបគេមិនអាចជួយក្រុមបានទ្បើ់យ។
Theerathon Bunmatha បានខកខានជួយក្រុមចំនួន ៦ ប្រកួតហើយ បន្ទាប់ពីបញ្ហាខាងលើនេះ។ យ៉ាងណា សម្រាប់រូបគេក៏មានពាក្យចចាមអារ៉ាមថាអាចនឹងត្រលប់មកជួយក្រុមវិញក្នុងការប្រកួតក្រៅដីទល់នឹងក្រុម Johor Darul Ta’zim ក្នុងជើងទី ២ ផងដែរ។ ប៉ុន្តែរូបគេនៅតែមិនទាន់ Fit 100% ហើយមិនមានឈ្មោះនៅក្នុងការប្រកួតនោះទេ។
សូមបញ្ជាក់ថា សម្រាប់ការប្រកួតជើងទី ២ ខាងលើនេះនឹងសម្រេចថាក្រុម Buriram United ឬ Johor Darul Ta’zim ទ្បើងទៅវគ្គ ៨ ក្រោមចុងក្រោយ បន្ទាប់ពីជើងទី ១ ពួកគេប្រកួតស្មើគ្នា ០-០ នៅក្នុងថៃ ខណៈដែលជ់ើងទី ២ នឹងត្រូវលេងនៅឯកីឡដ្ឋាន Sultan Ibrahim ប្រទេសម៉ាឡេស៊ី៕
ប្រភព៖ Ball Thai
,
