ព័ត៌មានកីឡាអន្តរជាតិ
(English) តំណាងស្ថានទូតអ៊ីរ៉ង់បានធ្វើអត្ថាធិប្បាយលើព័ត៌មានដែលថាខ្សែប្រយុទ្ធ Al-Nassr គឺ Cristiano Ronaldo មិនត្រូវបានបញ្ចូលក្នុងក្រុមសម្រាប់ការប្រកួតពានរង្វាន់ AFC Champions Leagueជុំទី១៦ ទល់នឹង Esteghlal ដោយសារហេតុផលបំពានច្បាប់នៅក្នុងប្រទេសអ៊ីរ៉ង់។ ចំណែកឯកាសែត Saudi Gazette បានរាយការណ៍ថា Ronaldo ពិតជាខកខានក្នុងការធ្វើដំណើរដោយសារតែអស់បញ្ហារបួសសាច់ដុំ។
តំណាងស្ថានទូតអ៊ីរ៉ង់បាននិយាយថា៖ យើងប្រឆាំងដាច់ខាតចំពោះសេចក្តីសម្រេចរបស់តុលាការប្រឆាំងនឹងអត្តពលិកអន្តរជាតិណាមួយនៅក្នុងប្រទេសអ៊ីរ៉ង់។ ការជួបដោយស្មោះស្ម័គ្រ និងមនុស្សធម៌របស់គាត់ជាមួយ Fatemeh Hammami ក៏ទទួលបានការសរសើរ និងការកោតសរសើរពីប្រជាជន និងអាជ្ញាធរកីឡានៃប្រទេសនេះ។
សូមរំឭកថានៅខែកញ្ញាឆ្នាំ 2023 Al-Nassr បានប្រកួតក្រៅដីជាមួយក្លឹបអ៊ីរ៉ង់ Persepolis ជាកន្លែងដែល Ronaldo បានជួបជាមួយអ្នកគាំទ្រ សិល្បការិនីពិការ Fatemeh Hammami ដែលគូររូបដោយប្រើជើងរបស់នាង។ Cristiano បានឱប និងថើប Fatemeh លើថ្ងាស ដែលបានបំពានច្បាប់អ៊ីរ៉ង់។ គាត់បានប្រឈមមុខនឹងការពិន័យចំនួន ៩៩ ហើយវាត្រូវបានគេរាយការណ៍ថានេះជាហេតុផលដែលគាត់មិនធ្វើដំណើរទៅប្រទេសអ៊ីរ៉ង់សម្រាប់ការប្រកួតជាមួយ Esteghlal។
នៅឆ្នាំ២០២៣ បណ្តាញអ៊ីរ៉ង់ Sharq Emroz យោងទៅតាមតាមលោក Mundo Deportivo បានអះអាងថា៖ មេធាវីមួយចំនួនធំនៅក្នុងប្រទេសអ៊ីរ៉ង់បានដាក់ពាក្យបណ្តឹងជុំវិញសកម្មភាពរបស់ Ronaldo ជាមួយវិចិត្រករ Hamima ។ Hamima ដែលបានប្រីជើងគូររូប Ronaldo ជាច្រើនសន្លឹក ហើយញញឹមពេលគាត់ឱបនាងក្នុងការជួបគ្នាកាលពី ១៨ ខែមុន។ វាត្រូវបានគេនិយាយថា Ronaldo បានថើបនាងនៅលើថ្ពាល់ហើយឱ្យអាវដែលមានហត្ថលេខាឱ្យនាងខណៈពេលដែលគាត់ក៏បានថតរូបឱបនាងផងដែរ។ នៅពេលនោះ មានសេចក្តីរាយការណ៍ថា Ronaldo នឹងត្រូវចាប់ខ្លួន ប្រសិនបើគាត់ចូលអ៊ីរ៉ង់ម្តងទៀត៕
ព័ត៌មានកីឡាអាស៊ី
(English) យោងតាមសារព័ត៌មាន CNN Indonesia បានរាយការណ៍ថា លោក Shin Tae-yong ទំនងអាចនឹងដឹកនាំក្រុម ASEAN All Stars ក្នុងការប្រកួតមិត្តភាពទល់នឹង Manchester United ក្នុងខែឧសភា ឆ្នាំ២០២៥ ខាងមុខនេះ ខណៈដែលព្រឹត្តិការណ៍ខាងលើ នឹងត្រូវធ្វើទ្បើងប្រទេសម៉ាឡេស៊ី ត្រឹមតែ ៣ ថ្ងៃបន្ទាប់ពីក្លិបយក្សអង់គ្លេសនេះប្រកួតចុងក្រោយនៅ Premier League ទល់នឹង Aston Villa នាថ្ងៃទី២៥ ខែឧសភា ឆ្នាំ២០២៥។
យោងតាមសារព័ត៌មានឥណ្ឌូនេស៊ី លោក Shin Tae-yong ប្រហែលជាត្រូវជ្រើសរើសឱ្យដឹកនាំក្រុម ASEAN All Stars ដោយសារតែគ្រូបង្វឹកជនជាតិកូរ៉េមានឥទ្ធិពលខ្លាំងនៅក្នុងតំបន់ និងគ្មានការងារធ្វើ។ រហូតមកដល់ពេលនេះ មិនទាន់មានការសម្រេចជាផ្លូវការនៅឡើយទេ។ សូម្បីតែបញ្ជីឈ្មោះកីឡាករសម្រាប់ ASEAN All Star នៅតែជាអាថ៌កំបាំងធំ។
យ៉ាងណា វាទំនងជាក្រុមតំណាងឱ្យកីឡាបាល់ទាត់អាស៊ីអាគ្នេយ៍នឹងប្រមូលផ្ដុំតារាឆ្នើមរបស់ប្រទេសវៀតណាម ថៃ ឥណ្ឌូនេស៊ី និងម៉ាឡេស៊ី។ កីទ្បាករ Nguyen Tien Linh និង Nguyen Quang Hai អាចជាបេក្ខភាពខ្លាំងដើម្បីតំណាងឱ្យប្រទេសវៀតណាមក្នុងក្រុម ASEAN All Stars ខណៈដែល Nguyen Xuan Son មានរបួសរយៈពេលយូរ ហើយច្បាស់ជានឹងខកខានការប្រកួតកំពូល។
ព័ត៌មានអំពីការប្រកួតនេះទើបតែលេចចេញពីកាសែត News Straits Times ជាកាសែតដ៏មានកិត្យានុភាពក្នុងប្រទេសម៉ាឡេស៊ី។ Man Utd នឹងមកប្រទេសនេះដើម្បីប្រកួតមិត្តភាពនៅកីឡដ្ឋាន Bukit Jalil។ ក្រុម ASEAN All Stars ត្រូវបានបង្កើតឡើងក្នុងគោលបំណងទាក់ទាញទស្សនិកជនទូទាំងតំបន់។
លីគម៉ាឡេស៊ី និងថៃទាំងពីរគ្រោងនឹងបញ្ចប់នៅខែមេសា ប៉ុន្តែ Johor Darul Tazim (ម៉ាឡេស៊ី) និង Buriram United (ថៃ) នៅតែមានការប្រកួតក្នុង AFC Champions League Elite។ លីគឥណ្ឌូណេស៊ីនឹងបញ្ចប់នៅខែឧសភា ប៉ុន្មានថ្ងៃមុន ASEAN All Star ប៉ះ Man Utd។
ទន្ទឹមនឹងនេះ កាលវិភាគ V.League មានរយៈពេលរហូតដល់ចុងខែមិថុនា។ យ៉ាងណា ក្រុមរបស់វៀតណាមនឹងលេងរហូតដល់ថ្ងៃទី ២៥ ខែឧសភា ហើយអាចនឹងលេង National Cup នៅប៉ុន្មានថ្ងៃខាងមុខ។ ដូច្នេះគេមិនទាន់អាចកំណត់បានថាតើសមាជិកក្រុមវៀតណាមណា នឹងចូលរួមក្នុងការប្រកួតខាងលើនោះទេ៕
ប្រភព៖ znews.vn
កីឡាករ Songkran Puangnoi ត្រូវបានក្លិប Hua Hin City បណ្តេញចេញពីតំណែង បន្ទាប់ពីបានវាយទៅលើអាជ្ញាកណ្តាល និងគូប្រកួតអំឡុងពេលប្រកួត Thai League 3 ជាមួយក្លិប Rajaracha។
ឧបទ្ទវហេតុនេះបានកើតឡើងនៅកីឡដ្ឋាន Khao Takiap ខណៈដែលក្លិប Rajpracha បានយកឈ្នះក្រុម Hua Hin ក្នុងលទ្ធផល 3-0 ក្នុងវគ្គទីមួយនៃការប្រកួតកាលពីថ្ងៃទី 2 ខែមីនា។ បន្ទាប់ពីកីឡាករ Rajpracha ម្នាក់បានដួល បន្ទាប់ពីព្យាយាមទាត់បាល់ អាជ្ញាកណ្តាលបានបញ្ឈប់ការលេងដើម្បីឱ្យបុគ្គលិកពេទ្យមើលថែគាត់។ ដោយជឿថាកីឡាកររូបនេះកំពុងបង្ករបួសនាំឱ្យខ្ជះខ្ជាយពេលវេលា កីឡាករPuangnoi បានចូលទៅជិតនិងទាត់កីឡាករដែលដួលនោះ។
ភ្លាមៗនោះ អាជ្ញាកណ្តាលបានផ្តល់កាតក្រហម ប៉ុន្តែ Puangnoi បានបញ្ចេញប្រតិកម្មយ៉ាងក្តៅគគុក ដោយដាល់ចំមុខអាជ្ញាកណ្ដាល មុនពេលងាកទៅវាយកីឡាករ Srithai Bookok របស់ Rajpracha ។ ការប្រកួតត្រូវបានពន្យារពេលប្រាំបីនាទីដោយសារភាពចលាចល។
នៅពេលដែលការប្រកួតចាប់ផ្ដើមឡើងវិញ អាជ្ញាកណ្តាលក៏បានពិន័យកាតលឿងកីឡាករ Chutiphan Nopnob របស់ Rajpracha ផងដែរ។ ខណៈនោះ Bookok បានរងរបួសភ្នែកស្តាំយ៉ាងធ្ងន់ធ្ងរមិនអាចបន្តបានទេ ហើយត្រូវប្តូរចេញ។ Rajpracha បានបន្តយកឈ្នះក្នុងលទ្ធផល 5-2។
យោងតាមគេហទំព័រ Siamsport កីឡាករ Bookok ប្រហែលជាត្រូវវះកាត់ភ្នែកដោយសារតែកកឈាម ហើយ Rajpracha បានជំរុញឱ្យគាត់ដាក់ពាក្យបណ្តឹងចោទប្រកាន់លើកីឡាករ Puangnoi ទៅកាន់ប៉ុស្តិប៉ូលិសក្នុងតំបន់។
ក្លិប Hua Hin បានចេញការសុំទោសជាផ្លូវការទៅកាន់ក្លិប Rajpracha, អាជ្ញាកណ្តាល និងកីឡាករដែលត្រូវបានគេវាយដំ។ ក្លិបបានប្រកាសថាខ្លួនបានបញ្ចប់កិច្ចសន្យារបស់ Puangnoi ហើយត្រូវបានចាត់ទុកថាជាការដាក់ទណ្ឌកម្មដ៏ធ្ងន់ធ្ងរបំផុតសម្រាប់សកម្មភាពរបស់គាត់។
ករណីនេះកើតឡើង បានធ្វើឲ្យមានការពិនិត្យរឿងក្ដីនេះ កាន់តែខ្លាំងស្របពេលកីឡាករ Puangnoi ក៏ជាមន្ត្រីប៉ូលិសដែរ។ ក្នុងការបង្ហោះតាមបណ្តាញសង្គម កីឡាករបានសុំទោសចំពោះការបាត់បង់ការផ្ដោតអារម្មណ៍ និងទទួលខុសត្រូវចំពោះទង្វើរបស់ខ្លួន។
ក្រោមបទប្បញ្ញត្តិកីឡាបាល់ទាត់ថៃ ការប្រព្រឹត្តហឹង្សាដែលធ្វើឲ្យខូចមុខមាត់របស់កីឡា ជាធម្មតាត្រូវព្យួរចាប់ពី 2-4 ប្រកួត និងពិន័យជាប្រាក់ពី 40,000 ទៅ 60,000 បាត (1,170 ទៅ 1,750 ដុល្លារ)។ ទោះជាយ៉ាងនេះក្តី សារព័ត៌មាន ថៃរ៉ាត់ បានរាយការណ៍ថា Songkran ទំនងជានឹងត្រូវប្រឈមមុខនឹងការដាក់ទណ្ឌកម្មដ៏ធ្ងន់ធ្ងរ ដោយសារតែការវាយគូប្រកួតនេះ។
ប្រធានសមាគមកីឡាបាល់ទាត់ថៃ លោកស្រី Nualphan Lamsam បានសម្តែងការខកចិត្ត ជាពិសេសចំពោះតួនាទីរបស់ Puangnoi ជាមន្ត្រីប៉ូលីស ទៅលេងបាល់ទាត់ហើយ ធ្វើបានគូប្រកួតរហូតដល់មានរបួស។
(English) ខ្សែការពារ Tijjani Reijnders បានបន្តកិច្ចសន្យាថ្មីជាមួយនឹងក្លិប AC Milan រហូតដល់ខែមិថុនា ឆ្នាំ២០៣០។ នេះបើយោងតាមការបញ្ជាក់របស់ក្លិបកាលពីថ្ងៃច័ន្ទ ដើម្បីបញ្ចប់ការរំពឹងទុកអំពីអនាគតរបស់រូបគេ បន្ទាប់ពីរបាយការណ៍ប្រព័ន្ធផ្សព្វផ្សាយបានផ្សារភ្ជាប់រូបគេជាមួយនឹងការផ្លាស់ប្តូរដ៏មានសក្តានុពលទៅកាន់ Chelsea ។
កីទ្បាករសញ្ជាតិហុល្លង់វ័យ ២៦ ឆ្នាំរូបនេះបានចូលរួមជាមួយ Milan ក្នុងឆ្នាំ ២០២៣ ក្នុងកិច្ចសន្យារយៈពេល ៥ ឆ្នាំ។ Tijjani Reijnders បានបង្ហាញខ្លួន ៩០ លើកសម្រាប់ក្រុមក្នុងការប្រកួតទាំងអស់ដោយស៊ុតបញ្ចូលទីបាន ១៦ គ្រាប់។ ជាមួយនឹងការបន្តកិច្ចសន្យាថ្មី ក្លិបបាននិយាយនៅក្នុងសេចក្តីថ្លែងការណ៍មួយថា៖ «រូបគេតែងតែបង្ហាញពីភាពស្វាហាប់ គុណភាព និងចំណង់ចំណូលចិត្តរបស់គេចំពោះក្លិប»។
សូមបញ្ជាក់ថា បច្ចុប្បន្ននេះ AC Milan កំពុងតែស្ថិតនៅចំណាត់ថ្នាក់លេខ ៩ បន្ទាប់ពីពួកគេចាញ់ ៣ និងឈ្ន ១ ប្រកួត នៅក្របខណ្ឌលីគកំពូលអ៊ីតាលី Serie A ហើយពួកគេក៏នឹងត្រូវប៉ះគ្នាជាមួយ Lecce នៅថ្ងៃសៅរ៍នេះផងដែរ៕
ប្រភព៖ CNA
សំណុំរឿងដ៏ចម្លែកបំផុត…
ការប្រកួតនៅក្នុងលីគលំដាប់ស្រុកអាល្លឺម៉ង់រវាងក្លិប FC Taxi Duisberg II និង SV Rot-Weiss Mülheim ត្រូវបានលុបចោលក្នុងកាលៈទេសៈក៏ចម្លែកមួយ។
ការប្រកួតមិនទាន់នឹងចាប់ផ្ដើមចែកបាល់ផង ស្រាប់តែមានក្មេងម្នាក់ធ្វើកាយវិការហាត់បាល់កម្ដៅសាច់ដុំនៅលើទីលាន បានចូលទៅជិតអាជ្ញាកណ្តាល ហើយខាំពងស្វាសរបស់គាត់។
កុមារម្នាក់នេះទំនងជាកូនម្នាក់ក្នុងចំណោម៣នាក់របស់កីឡាករក្លិប FC Taxi ប៉ុន្តែមូលហេតុនៃសកម្មភាពរបស់គាត់មិនបង្ហាញឱ្យច្បាស់លាស់នោះទេ។
អាជ្ញាកណ្តាលបានសរសេរនៅលើរបាយការណ៍របស់គាត់ថា៖ “វាបានខិតមកជិតខ្ញុំ ហើយភ្លាមៗ និងមិននឹកស្មានដល់បានខាំខ្ញុំត្រង់ពងស្វាសខាងឆ្វេង”។
មន្ត្រីរូបនេះមិនអាចបន្តបានទេ ហើយត្រូវការការព្យាបាលរបួសក្រោយពេលកើតហេតុ។ ការប្រកួតត្រូវបានកំណត់ពេលឡើងវិញ ដើម្បីធ្វើឡើងនៅពេលក្រោយ។
សហព័ន្ធកីឡាបាល់ទាត់អាស៊ាន (AFF) ថ្ងៃនេះបានប្រកាសថា MSIG ដែលជាក្រុមហ៊ុនធានារ៉ាប់រងទូទៅឈានមុខគេក្នុងអាស៊ាន នឹងក្លាយជាម្ចាស់ឧបត្ថម្ភ ការប្រកួតបាល់ទាត់នារីអន្តរជាតិលំដាប់ថ្នាក់កំពូលរបស់អាស៊ាន ហើយដាក់ឈ្មោះថា ASEAN MSIG Serenity Cup™។
MSIG ជាដៃគូធានារ៉ាប់រងផ្លូវការសម្រាប់ជម្រើសជាតិ និងការប្រកួតក្លិបធំៗរបស់ខ្លួន រួមមាន ASEAN Mitsubishi Electric Cup™ 2024, ASEAN Club Championship Shopee Cup™ និង ASEAN U-23 Championship™ ជាដើម។ MSIG Serenity Cup™ មានកេរដំណែលតាំងពីឆ្នាំ 2004 ហើយបានឆ្លងកាត់១២សម័យកាលរួចមកហើយ ។
ក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលប្រជាប្រិយភាពនៃការប្រកួតកីឡានារីបានឈានចូលដល់ចំណុចកណ្តាលជាសាកល ទម្រង់លេងរបស់ក្រុមជម្រើសជាតិនារីអាស៊ានក៏មានការកើនឡើងជាលំដាប់នៅលើឆាកអន្តរជាតិ ដោយប្រទេសថៃបានចូលរួមក្នុងព្រឹត្តិការណ៍ FIFA Women’s World Cup នៅឆ្នាំ 2015 និង 2019 និងហ្វីលីពីន និងវៀតណាមនៅឆ្នាំ 2023។
ភាពជាដៃគូពានរង្វាន់របស់ MSIG បញ្ជាក់សារជាថ្មីអំពីជំហរ និងសារៈសំខាន់នៃការប្រកួតស្ត្រីកំពូលរបស់អាស៊ាន និងស្វែងរកការលើកកំពស់ការប្រកួតកីឡាស្ត្រីនៅទូទាំងតំបន់។
ក្រុមអាស៊ានទាំងប្រាំពីរ រួមមានក្រុមការពារតំណែងជើងឯកហ្វីលីពីន ម្ចាស់ជើងឯកបួនសម័យកាល ថៃ ម្ចាស់ជើងឯកបីសម័យកាល វៀតណាម និងកម្ពុជា ឥណ្ឌូនេស៊ី មីយ៉ាន់ម៉ា សិង្ហបុរី និងក្រុមបាល់ទាត់នារី FIFA Women’s World Cup 2023 វគ្គពាក់កណ្តាលផ្តាច់ព្រ័ត្រ អូស្ត្រាលី (ក៏ជាសមាជិក AFF) នឹងប្រកួតប្រជែងដណ្តើមយកជើងឯកស្ត្រីអាស៊ាន និងពានរង្វាន់ MSIG Serenity Cup™ ថ្មីដែលត្រូវបានដាក់បង្ហាញនៅថ្ងៃនេះផងដែរ។
នៅក្នុងអាស៊ាន MSIG ក៏មានវត្តមានតាមរយៈការបណ្តាក់ទុនរួមគ្នាផងដែរ ដូចជា BPI MS Insurance នៅប្រទេសហ្វីលីពីន KBZMS Insurance នៅប្រទេសមីយ៉ាន់ម៉ា និង MSIG Sokxay Insurance នៅប្រទេសឡាវ។
បណ្តាញរបស់ MSIG ក្នុងតំបន់ក៏រួមបញ្ចូលផងដែរនូវ MSIG Life ដែលពីមុនត្រូវបានគេស្គាល់ថា Sinarmas MSIG life ក្នុងប្រទេសឥណ្ឌូនេស៊ី។ ជារួម MSIG មានមោទនភាពក្នុងការរួមគ្នាគាំទ្រព្រឹត្តិការណ៍ជើងឯកឈានមុខគេរបស់អាស៊ាន ក្រោមការឧបត្ថម្ភនេះ ជើងឯកស្មារតីកីឡាបាល់ទាត់ និងជំរុញបាល់ទាត់នារី។
(English) ចាប់ពីរដូវក្តៅនេះតទៅ អ្នកចាំទីនឹងត្រូវបានអនុញ្ញាតឱ្យកាន់បាល់បានត្រឹមតែប្រាំបីវិនាទីប៉ុណ្ណោះ មុនពេលបោះវាចេញពីដៃ។ ការកំណត់រយៈពេលខ្លីបែបនេះគឺការប៉ុនប៉ងចុងក្រោយបំផុតដើម្បីកាត់បន្ថយការខ្ជះខ្ជាយពេលវេលាប្រកួត។ លទ្ធផលជាវិជ្ជមានក្នុងការសាកល្បងនៅទូទាំងប្រទេសអង់គ្លេស អ៊ីតាលី និងម៉ាល់តា បានជំរុញឱ្យអ្នកបង្កើតច្បាប់ប្រកួត ក្រុមប្រឹក្សាសមាគមបាល់ទាត់អន្តរជាតិ (Ifab) នឹងដាក់ឲ្យប្រេីប្រាស់សម្រាប់រដូវកាល២០២៥-២៦ ។
តើ Ifab និយាយអ្វីខ្លះអំពីការផ្លាស់ប្តូរច្បាប់? ក្នុងអំឡុងពេលសាកល្បង Ifab បាននិយាយថាមានតែបួនករណីប៉ុណ្ណោះដែលអ្នកចាំទីត្រូវបានពិន័យក្នុងការប្រកួតរាប់រយដង ទោះបីជាច្បាប់ត្រូវបានអនុវត្តយ៉ាងតឹងរ៉ឹងក៏ដោយ។ ច្បាប់បច្ចុប្បន្នចែងថាប្រសិនបើអ្នកចាំទីកាន់បាល់រយៈពេលប្រាំមួយវិនាទី នោះការទាត់ហ្វ្រីឃីកដោយប្រយោលត្រូវបានផ្តល់ជូនក្រុមប្រឆាំង។
នាយកបច្ចេកទេស Ifab និងជាអតីតអាជ្ញាកណ្តាល Premier League លោក David Elleray បានប្រាប់កាសែត The Times ថា ការផ្លាស់ប្តូរច្បាប់ល្អគឺជាកន្លែងដែលអ្នកមានឧបសគ្គខ្លាំងដែលមនុស្សគ្រប់គ្នាអនុវត្ត ហើយបន្ទាប់មកបញ្ហានឹងរលាយបាត់ទៅ។ ប្រសិនបើវាបង្កើនល្បឿនប្រកួត ប្រសិនបើវាកាន់តែវិជ្ជមាន វាមានន័យថាវាអាចរារាំងដ៏មានប្រសិទ្ធភាពបំផុតមួយ។
តើអាជ្ញាកណ្តាលនឹងដាក់ទោសយ៉ាងណា? អាជ្ញាកណ្តាលនឹងដាក់ពិន័យអ្នកចាំទីដែលកាន់បាល់លើសពី៨ វិនាទីដោយផ្តល់បាល់ជ្រុងដល់ក្រុមប្រឆាំង។ តើអាជ្ញាកណ្តាលនឹងបង្ហាញវាយ៉ាងណា? អ្នកចាំទីនឹងត្រូវបានព្រមានដោយអាជ្ញាកណ្តាល នៅពេលដែលពួកគេនៅសល់៥ វិនាទីទៀតដើម្បីបោះបាល់ចេញ។ អាជ្ញាកណ្តាលនឹងលើកដៃឡើង ហើយចាប់ផ្តើមរាប់ថយក្រោយ៕
ព័ត៌មានកីឡាជាតិ
(English) ការឈ្នះពានរង្វាន់ Premier League លឿនបំផុតត្រូវបានគណនាតាមរូបមន្តពីគឺឈ្នះតាមកាលបរិច្ឆេទលឿនបំផុតក្នុងប្រតិទិន ឬឈ្នះដោយការប្រកួតដែលនៅសល់។ យោងតាមរូបមន្តនេះ Manchester United គឺជាក្លិបមួយដែលឈ្នះពានរង្វាន់ខាងលើនេះលឿនជាងគេបំផុតក្នុងប្រវត្តិសាស្ត្រ គឺនៅថ្ងៃទី១៤ ខែមេសា ក្នុងរដូវកាល ២០០០-២០០១ ហើយបានកាន់កាប់កំណត់ត្រានេះរហូតមកដល់សព្វថ្ងៃជិតពីរទសវត្សរ៍។ នេះយោងតាមកំណត់ត្រារបស់ Premier League ដែលចេញផ្សាយដោយ Tribuna។
ចំណែកឯក្លិប Manchester City ឈរចំណាត់ថ្នាក់លេខ ២ ឈ្នះពាននៅថ្ងៃទី ១៥ មេសា ក្នុងរដូវកាល ២០១៧-១៨ខណៈនៅសល់៥ប្រកួតទៀត។ Liverpool កាន់កាប់កំណត់ត្រាចុងក្រោយនេះ ដោយទទួលបានជើងឯកឆ្នាំ ២០១៩-២០ បន្ទាប់ពីលេងបានត្រឹមតែ៣១ប្រកួតនៅសល់៧ប្រកួត ប៉ុន្តែពួកគេមិនអាចបំបែកកំណត់ត្រាក្លឹបManchester United បានទេ ដោយសារការពន្យារពេលនៃ COVID-19 បានរារាំងពួកគេពីការបង្កើតកំណត់ត្រាជាក្រុមដែលឈ្នះពានតាមកាលបរិច្ឆេទឆាប់បំផុត។
សម្រាប់ Liverpool ដើម្បីបំបែកកំណត់ត្រាផ្ទាល់ខ្លួនពួកគេនឹងត្រូវការលទ្ធផលដើម្បីឆ្ពោះទៅរកការឈ្នះពានជាមួយនឹងក្រុម Fulham នៅថ្ងៃទី ៥ឬ៦ខែមេសា បន្ទាប់ពីការប្រកួតចំនួន៣០ ។ ប្រសិនបើពួកគេតាមស្មើកំណត់ត្រាចាស់៣១ ប្រកួត ពួកគេអាចក្លាយជាជើងឯកនៅផ្ទះជាមួយ West Ham នៅថ្ងៃទី១២-១៣ ខែមេសា។ សេណារីយ៉ូណានេះនឹងជួយឲ្យក្រុមរបស់គេបំបែកកំណត់ត្រារបស់ Man United សម្រាប់ការឈ្នះពានរង្វាន់លឿនបំផុតតាមកាលបរិច្ឆេទក្នុងប្រវត្តិសាស្ត្រ Premier League ៕
(English) អតីតប្រធាន FIFA លោក Sepp Blatter បានមកដល់តុលាការប្រទេសស្វីស កាលពីថ្ងៃចន្ទ សម្រាប់ការកាត់ក្តីថ្មីរបស់គាត់ ពីបទចោទប្រកាន់ពុករលួយ ក្លែងបន្លំឯកសារ និងការប្រព្រឹត្តិមិនសមរម្យ។ ការកាត់ទោសនេះធ្វើឡើងរយៈពេលមួយសប្តាហ៍មុនខួបកំណីត៨៩ឆ្នាំរបស់គាត់។ លោក Sepp Blatter បានថ្លែងប្រាប់អ្នកាសែតថា ខ្ញុំសង្ឃឹមថានឹងទទួលបានយុត្តិធម។
Blatter បានមកដល់ ១០ នាទីមុនលោក Michel Platini ដែលអតីតជាប្រធាន UEFA និងអនុប្រធាន FIFA ។ Blatter និង Platini កំពុងប្រឈមមុខនឹងការកាត់ក្តីលើកទីពីរដែលមានរយៈពេលជិតបីឆ្នាំ បន្ទាប់ពីពួកគេត្រូវបានដោះលែងដោយចៅក្រមសហព័ន្ធបីនាក់។ ការចោទប្រកាន់នេះទាក់ទងនឹងការបង់ប្រាក់របស់ FIFA ដែលត្រូវបានអនុម័តដោយ Blatter ចំនួន ២,២១ លានដុល្លារ ទៅលោក Platini ។ ការកាត់ទោសលើកទីពីរត្រូវបានគេរំពឹងថានឹងមានរយៈពេលបួនថ្ងៃរហូតដល់ថ្ងៃព្រហស្បតិ៍។ សាលក្រមរបស់ចៅក្រមទាំងបីនឹងត្រូវប្រកាសនៅថ្ងៃទី ២៥ ខែមីនា។
Blatter និង Platini បានបដិសេធយ៉ាងការប្រព្រឹត្តខុស។ ពួកគេអះអាងថា ពួកគេមានកិច្ចព្រមព្រៀងដោយពាក្យសំដីមួយដើម្បីបង់ប្រាក់ឱ្យ Platini សម្រាប់ការងារមិនជាប់កិច្ចសន្យាដែលផ្តល់ប្រឹក្សាដល់លោក Blatter ក្នុងអំឡុងពេលអាណត្តិប្រធានាដំបូងរបស់គាត់ពីឆ្នាំ១៩៩៨ ដល់ឆ្នាំ២០០២ ។ព្រះរាជអាជ្ញាសហព័ន្ធបានស្នើសុំការកាត់ទោសរយៈពេល២០ ខែដោយព្យួររយៈពេល ២ ឆ្នាំ។ Blatter និង Platini ត្រូវបានលើកលែងទោសនៅខែកក្កដា ឆ្នាំ២០២២ បន្ទាប់ពីដើរដំណេីការកាត់ក្តី រយៈពេល១១ថ្ងៃនៅតុលាការព្រហ្មទណ្ឌសហព័ន្ធរបស់ប្រទេសស្វីសនៅទីក្រុង Bellinzona ៕
ប្រភព៖ AP
