លោក Jose Mourinho បានរៀបចំនូវឈុតជម្រើសដំបូងល្អបំផុតចំពោះកីឡាករដែលលោកធ្លាប់ដឹកនាំ ប៉ុន្តែ លោកពុំបានជ្រើសរើសកីឡាករដែលលោកធ្លាប់ដឹកនាំនៅ Manchester United ឡើយ។

លោក Mourinho គឺ ជាអ្នកចាត់ការដែលគេចាត់ទុក ថា ឆ្នើមជាងគេម្នាក់នៅលើលោកបន្ទាប់ពីលោកធ្លាប់មានបទពិសោធន៍ដឹកនាំក្រុមធំៗជាច្រើនដូចជា Porto, Inter Milan, Real Madrid, Chelsea, Man Utd និង Tottenham ជាដើម ខណៈ លោកក៏ធ្លាប់បានជួយឲ្យក្លិបទាំងនោះឈ្នះពានរង្វាន់ជាច្រើនផងដែរ។

ទន្ទឹមនឹងការធ្លាប់ដឹកនាំក្លិបជាច្រើន លោកក៏ធ្លាប់បានជួបជាមួយនឹងកីឡាករល្អៗលំដាប់ពិភពលោកជាច្រើនដូចគ្នា ដូច្នេះលោកក៏បានរៀបចំជាជម្រើសដំបូងល្អបំផុតមួយ ដែលមានដូចតទៅ៖

អ្នកចាំទី៖ Petr Cech (Chelsea)។

ខ្សែការពារ៖ Javier Zanetti (Inter Milan), John Terry (Chelsea), Ricardo Carvalho (Chelsea) និង Ashley Cole (Chelsea)។

ខ្សែបម្រើ៖ Claude Makelele (Chelsea), Frank Lampard (Chelsea) និង Mesut Ozil (Real Madrid)។

ខ្សែប្រយុទ្ធ៖ Eden Hazard (Chelsea), Didier Drogba (Chelsea) និង Cristiano Ronaldo (Real Madrid)៕

ខ្សែប្រយុទ្ធឆ្នើម Pierre Emerick-Aubameyang បានប្រកាសជាផ្លូវការអំពីការសម្រេចចិត្តចូលនិវត្តន៍ពីក្រុមបាល់ទាត់ជម្រើសជាតិហ្គាបុង។

ជាការពិតណាស់ Aubameyang បានជាប់ជម្រើសជាតិហ្គាបុងឈុតធំ ជាលើកដំបូងនៅក្នុងឆ្នាំ២០០៩ ដោយគិតមកទល់ពេលនេះ គឺ វាមានរយៈពេល១៣ឆ្នាំ ខណៈ គេធ្លាប់បង្ហាញខ្លួនបាន៧២ប្រកួត រកគ្រាប់បាល់បាន៣០គ្រាប់។

Aubameyang បាននិយាយថា៖«បន្ទាប់ពីអស់រយៈកាល១៣ឆ្នាំនៃការតំណាងឲ្យប្រទេសរបស់ខ្ញុំ ពេលនេះ ខ្ញុំសូមប្រកាសថា ខ្ញុំបានបញ្ចប់អាជីពរបស់ខ្ញុំជាមួយនឹងក្រុមជម្រើសជាតិហើយ។ ខ្ញុំ សូម អរគុណ ប្រជាជន ហ្គាបុង និង អ្នក ទាំង អស់ គ្នាដែល បាន គាំទ្រ ខ្ញុំ ក្នុង ពេល វេលាល្អ ក៏ ដូចជាពេលវេលាមិនល្អ។ ខ្ញុំនឹងរក្សាការចងចាំល្អៗជាច្រើន ដូចជាថ្ងៃដែលខ្ញុំបានបង្ហាញខ្លួនលើកដំបូង ឬ ថ្ងៃដែលខ្ញុំត្រលប់មកពីប្រទេសនីហ្សេរីយ៉ាជាមួយនឹងពានរង្វាន់ African Ballon d’Or។ ខ្ញុំក៏សូមថ្លែងអំណរគុណដល់គ្រូបង្វឹក បុគ្គលិក និង កីឡាករទាំងអស់របស់ខ្ញុំ ដែលខ្ញុំបានរួមការងារជាមួយផងដែរ»៕

Paul Pogba បានទទួលកាសំណើកិច្ចសន្យាពី PSG និង Juventus ខណៈដែលគាត់ជិតចាកចេញពី Man United​ទៅ​ហើយនោះ ។

យោងតាម Mirror ក្លឹបយក្ស Ligue 1 បានផ្តល់ប្រាក់កម្រៃខ្ពស់ដល់កីឡាករសញ្ជាតិបារាំង ដោយផ្តល់ឱ្យគាត់នូវប្រាក់ឈ្នួល £350,000 ក្នុងមួយសប្តាហ៍។

ប្រាក់​ឈ្នួល​នេះគឺច្រើនជាងប្រាក់​ឈ្នួល £290,000 ក្នុងមួយសប្តាហ៍ដែលគាត់ទទួលបាននៅ Old Trafford ទៅ​ទៀត។ ប៉ុន្តែ​បើ​តាម​ Goal ក្លឹប Juventus ក៏​បាន​ដាក់​សំណើ​ទៅ​កីឡាករ​សញ្ជាតិ​បារាំង​រូប​នេះ​ដែរ បន្ទាប់​ពី​បាន​និយាយ​ជាមួយ​តំណាង​របស់​គាត់។

ថ្វីត្បិតតែសំណើរបស់ Juventus គឺតិចជាងច្រើន ដោយសារពួកគេនឹងអាចផ្តល់ឱ្យគាត់ត្រឹមតែ 120,000 ផោនក្នុងមួយសប្តាហ៍ ដែលនឹងបង្ខំឱ្យគាត់កាត់បន្ថយប្រាក់ឈ្នួលយ៉ាងច្រើនដើម្បីចូលរួមជាមួយពួកគេ។

Pogba មិនទាន់ធ្វើការសម្រេចចិត្តចុងក្រោយអំពីកន្លែងដែលគាត់នឹងទៅនោះទេ ប៉ុន្តែកំពុងបន្តពិភាក្សាជាមួយក្លឹបទាំងពីរ។

ប្រភព៖ Mirror | Goal.com

ក្រុមបាល់ទាត់ជម្រើសជាតិម៉ាឡេស៊ី នឹងប្រកួតមិត្តភាពអន្តរជាតិចំនួន២ប្រកួត ដើម្បីត្រៀមលក្ខណៈរៀបចំសម្រាប់ការប្រកួតវគ្គជម្រុះ Asian Cup 2023 ជុំចុងក្រោយនៅខែកំឡុងខែមិថុនាខាងមុខនេះ។ ក្នុងកំឡុងថ្ងៃ FIFA Days ក្រុមទ័ពខ្លាលឿងម៉ាឡេស៊ី នឹងជួបប្រ៊ុយណេនៅថ្ងៃទី២៣ ឧសភា ឆ្នាំ២០២២ និងបន្ទាប់មកហុងកុងនៅថ្ងៃទី១ ខែមិថុនា ឆ្នាំ២០២២។

លោក Kim Pan-gon គ្រូបង្វឹកម៉ាឡេស៊ីបានកោះហៅកីឡាករចំនួន ២៩នាក់សម្រាប់ជំរុំហ្វឹកហាត់ដែលនឹងចាប់ផ្តើមនៅថ្ងៃទី១៩ ខែឧសភាឆ្នាំ២០២២ មុនជម្រុះយក ២៣នាក់ចុងក្រោយសម្រាប់ជម្រុះ AFC Asian Cup នៅទឹកដីខ្លួនឯង ។

សម្រាប់ការប្រកួតវគ្គជម្រុះ Asian Cup 2023 ម៉ាឡេស៊ីស្ថិតក្នុងពូល E ជាមួយ តូមិននីស្ថាន, បារ៉ែន និងបង់ក្លាដែស ដែលត្រូវប្រកួតពីថ្ងៃទី៨ ដល់ថ្ងៃទី១៤ ខែមិថុនាឆ្នាំ២០២២នេះ នៅពហុកីឡដ្ឋានជាតិ Bukit Jalil នៃទីក្រុងកូឡាឡាំពួ ប្រទេសម៉ាឡេស៊ី៕

ជនសង្ស័យ០៣នាក់ពាក់ព័ន្ធករណីករណីក្លែងបន្លំពាណិជ្ជសញ្ញា សេវាសញ្ញា ម៉ាកសមូហភាព ឬពាណិជ្ជនាមរបស់សហគ្រាស ត្រូវបានកម្លាំងការិយាល័យព្រហ្មទណ្ឌបញ្ជូនទៅសាលាដំបូងខេត្តហើយនៅរសៀលថ្ងៃអង្គារ ទី១៧ ខែឧសភា ឆ្នាំ២០២២នេះ￸។

យោងតាមពាក្យបណ្ដឹងរបស់ឈ្មោះ￸ កែវ សារ៉េត ភេទប្រុស អាយុ៦៦ឆ្នាំ ជាអគ្គលេខាធិការនៃសហព័ន្ធកីឡាបាល់ទាត់កម្ពុជាបានរៀប​រាប់ថា នៅពេលថ្មីៗនេះ￸សហព័ន្ធកីឡាបាល់ទាត់កម្ពុជាបានអង្គេតឃើញថាមានជនខិលខូចមួយចំនួនតូច និងម្ចាស់គណនីហ្វេសប៊ុកឈ្មោះ￸ តាម៉ាប់លក់អាវកីឡា(ឈ្មោះ￸ សុខ ចាន់ថន SOK CHANTHORN) និងម្ចាស់ហ្វេសប៊ុកឈ្មោះ￸ POR POE LOVE,POR TRY SPORT ដែលមានយីហោលក់ឈុតកីឡាគ្រប់ប្រភេទ បានបង្ហោះ￸លក់តាមផេក ហ្វេសប៊ុក និងដាក់លក់ខោអាវក្រុមជម្រើសជាតិកម្ពុជាលើទីផ្សារដោយពុំមានច្បាប់អនុញ្ញាត ជាពិសេសមិនមែនជាផលិតផលផ្លូវការរបស់សហព័ន្ធកីឡាបាល់ទាត់កម្ពុជាជាមួយក្រុមហ៊ុន VARAMAN(វរ្ម័ន)នោះ￸ទេ ។

លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើសបានឱ្យដឹងថា ក្រោយពីទទួលបានពាក្យបណ្ដឹង បានធ្វើប្រតិបត្តិការបង្ក្រាបករណីលក់ដូរសម្លៀកបំពាក់កីឡារបស់ក្រុមហ៊ុនជម្រើសជាតិបាល់ទាត់កម្ពុជា ជាឡូហ្គោក្លែងក្លាយ ស្លាកសញ្ញា FFC នៅចំណុចមុខសណ្ឋាគារសុងតារា ស្ថិតក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដោយបានឃាត់ខ្លួនជនសង្ស័យចំនួន​០៣នាក់ ជាបន្តបន្ទាប់ នៅវេលាម៉ោង១៧និង០០នាទី ថ្ងៃទី១៥ ខែឧសភា ឆ្នាំ២០២២ និងដកហូតសម្លៀកបំពាក់កីឡាជម្រើសជាតិកម្ពុជាដែលមានឡូហ្គោ FFC ជាផលិតផលក្លែងក្លាយចំនួន២៤៩កំប្លេ ហើយនាំមកកាន់មូលដ្ឋានកងរាជអាវុធហត្ថក្រុងប៉ោយប៉ែតដើម្បីធ្វើការសួរនាំ និងចំណាត់ការតាមនីតិវិធី ។

លោកវរសេនីយ៍ឯក ម៉ែន ភិរម្យ បានឱ្យដឹងទៀតថា ជនសង្ស័យឈ្មោះ￸ សេង ប៊ុនធី ភេទប្រុស អាយុ៣៥ឆ្នាំ ក្រោយពីកម្លាំងជំនាញសួរនាំរួចបានឆ្លើយសារភាពថា រូបគេពិតជាបានយកស្លាកសញ្ញា ឡូហ្គោ FFC ដែលជាស្លាកញ្ញា កីឡាបាល់ទាត់ជម្រើសជាតិកម្ពុជា ឱ្យគេបោះ￸ពុម្ភ យកមកលក់ខ្លួនឯងផង និងចែកចាយឱ្យឈ្មោះ￸ សុខ ចាន់ថន ហៅតាម៉ាប់ និងឈ្មោះ￸ ស្រី ហុងអ៊ូ លក់បន្ត ។

សហព័ន្ធកីឡាបាល់ទាត់ទ្វីបអាស៊ី AFC បានប្រកាសជាផ្លូវការនៃពិធីចាប់ឆ្នោតពានរង្វាន់ AFC U17 Asian Cup Bahrain 2023™ Qualifiers និង AFC U20 Asian Cup Uzbekistan 2023™ Qualifiers ដែលនឹងធ្វើឡើងនៅថ្ងៃទី២៤ ខែឧសភា ឆ្នាំ២០២២ ក្នុងទីក្រុង Kuala Lumpur ប្រទេសម៉ាឡេស៊ី។

ក្រុមដែលចូលរួមសរុបនៃពានយុវជនប្រចាំទ្វីបទាំង២កម្រិត ត្រូវបានគេដឹងថាមានចំនួន 44 ប្រទេស ដែលពិធីចាប់ឆ្នោតសម្រាប់ពានរង្វាន់ AFC U17 Asian Cup Bahrain 2023™ និង AFC U20 Asian Cup Uzbekistan 2023™ Qualifiers នឹងចាប់ផ្តើមនៅម៉ោង ២រសៀល និងម៉ោង ៤រសៀលម៉ោងនៅប្រទេសម៉ាឡេស៊ី ដែលស្មើនឹងម៉ោង ១ និង៣រសៀលនៅកម្ពុជា។

ការប្រកួតជម្រុះពានរង្វាន់ AFC U20 Asian Cup Uzbekistan 2023™ នឹងត្រូវលេងក្នុងសមាគមសមាជិកម្ចាស់ផ្ទះចំនួន 10 ដែលរួមមាន បារ៉ែន ឥណ្ឌូនេស៊ី អ៊ីរ៉ាក់ ហ្សកដានី សាធារណរដ្ឋកៀហ្ស៊ីស៊ីស្ថាន ឡាវ ម៉ុងហ្គោលី អូម៉ង់ អារ៉ាប៊ីសាអូឌីត និងតាហ្ស៊ីគីស្ថាន ដែលការប្រកួតចាប់ផ្ដើមពីថ្ងៃទី១០ ដល់ថ្ងៃទី១៨ ខែកញ្ញា ឆ្នាំ២០២២។ .

ដោយឡែក អូស្ត្រាលី បង់ក្លាដែស ឥណ្ឌូណេស៊ី ហ្ស៊កដានី សាធារណរដ្ឋកៀហ្ស៊ីស៊ីស្ថាន អូម៉ង់ អារ៉ាប៊ីសាអូឌីត តាហ្ស៊ីគីស្ថាន អ៊ូសបេគីស្ថាន និងវៀតណាម នឹងរៀបចំការប្រកួតជម្រុះ AFC U17 Asian Cup Bahrain 2023™ Qualifiers ដែលចាប់ផ្ដើមប្រកួតជម្រុះពីថ្ងៃទី១ ដល់ថ្ងៃទី៩ ខែតុលា ឆ្នាំ២០២២។

ការចាប់ឆ្នោតចែកពូលវគ្គជម្រុះពានរង្វាន់កម្រិតយុវជនប្រចាំទ្វីបទាំងកម្រិតនេះ នឹងត្រូវបានផ្សាយផ្ទាល់នៅលើ Chanel YouTube ផ្លូវការរបស់ សហព័ន្ធកីឡាបាល់ទាត់ទ្វីបអាស៊ី AFC ផងដែរ៕

ក្លិបអធិរាជស Real Madrid បានបង្ហាញជាផ្លូវការនូវឯកសណ្ឋានក្នុងដីថ្មីរបស់ពួកគេសម្រាប់ប្រើប្រាស់ក្នុងរដូវកាលក្រោយ។

ចំពោះឯកសណ្ឋានថ្មីនេះផងដែរ វាបានតំណាងឲ្យប្រវត្តិសាស្រ្តរបស់ក្លិបទាំងមូល ក្នុងនោះអាវផ្តោតលើពណ៍ស រួមជាមួយនឹងឆ្នូតពណ៍ស្វាយនៅលើកអាវ និង ឆ្នូតនិមិត្តសញ្ញារបស់ក្រុមហ៊ុន Adidas ចំនួនបី។

ចំពោះឯកសណ្ឋានថ្មី នេះ គឺ ផលិត ចេញ ពី វត្ថុធាតុ កែច្នៃ។ វាក៏មានការច្នៃប្រឌិតថ្មីនៃបច្ចេកវិទ្យា HEAT DRY KEEP COOL ដើម្បីគ្រប់គ្រងសីតុណ្ហភាពរាងកាយរបស់កីឡាករអំឡុងពេលប្រកួត ដែលនេះជាលក្ខណៈពិសេសរបស់វា៕