ព័ត៌មានកីឡាជាតិ
ការប្រកួតលីគកំពូលកម្ពុជា Cambodian Premier League 2022 មានលំហូរនាំចូលកីឡាករអន្តរជាតិយ៉ាងសម្បូរបែប តាមរយៈបណ្ដារក្លិបទាំង៨នៃក្របខណ្ឌបាល់ទាត់ដ៏កំពូលរបស់ប្រទេសកម្ពុជា ដោយក្លិបនីមួយៗមានសិទ្ធចុះឈ្មោះកីឡាករបរទេសរហូតដល់ ០៥រូបដើម្បីបង្កើនការប្រកួតប្រជែងខ្ពស់សម្រាប់ក្រុមពួកគេ។
ក្នុងចំណោមកីឡាករបរទេសទាំងអស់ដែលប្រកបអាជីពនៅលីគបាល់ទាត់កម្ពុជា គឺមានកីឡាករ ចំនួន ០៣រូប ត្រូវបានក្រុមជម្រើសជាតិពួកគេកោះហៅដើម្បីត្រៀមប្រកួតមិត្តភាពនានា និងជាពិសេសត្រៀមប្រកួត AFC Asian Cup qualifiers ដែលចាប់ផ្ដើមប្រកួតប្រជែងនៅខែក្រោយនេះ។ ចំពោះសមាសភាពកីឡាករទាំង ០៣រូបរួមមាន៖ ខ្សែប្រយុទ្ធ Fareed Sadat របស់ភ្នំពេញក្រោន ជាមួយខ្សែបម្រើ Mustafa Zazai របស់បឹងកេត ត្រូវបានកោះហៅចូលក្រុមជម្រើសជាតិអាហ្វហ្គានីស្ថាន និងខ្សែបម្រើប្រយុទ្ធ OJ Porteria របស់គីរីវង់ ដែលត្រូវបានកោះហៅចូលក្រុមជម្រើសជាតិហ្វីលីពីនផងដែរ។
គួរបញ្ជាក់ផងដែរក្រុមជម្រើសជាតិអាហ្វហ្គានីស្ថានស្ថិតក្នុងពូល D ជាមួយកម្ពុជា ហុងកុង និងម្ចាសផ្ទះឥណ្ឌា ដែលប្រកួតពីថ្ងៃទី៨ ដល់ថ្ងៃទី១៥ ខែមិថុនា ឆ្នាំ២០២២ ចំណែកឯក្រុមជម្រើសជាតិហ្វីលីពីនវិញស្ថិតក្នុងពូល B ជាមួយប៉ាលេស្ទីន យ៉េមេន និងម្ចាស់ផ្ទះម៉ុងហ្គោលី ដែលការប្រកួតចាប់ផ្ដើមពីថ្ងៃទី៨ ដល់ថ្ងៃទី១៤ ខែមិថុនា ឆ្នាំ២០២២ខាងមុខនេះ៕
ខ្សែការពារស្លាបឆ្វេងជម្រើសជាតិកម្ពុជា និងក្លិបបឹងកេត វ៉ាំង ដាវីនបានបង្ហាញឈ្មោះកីឡាករ៣នាក់ដែលរូបគេពេញចិត្តបំផុត និងចាត់ទុកជាកីឡាករគំរូដើម្បីអភិវឌ្ឍន៍អាជីពបាល់ទាត់របស់ខ្លួន។
ក្នុងសារឆ្លើយឆ្លងអេឡិចត្រូនិកជាមួយអ្នករាយការណ៍ព័ត៌មានរបស់ B8 Sport ខ្សែការពារ U23 កម្ពុជាមានប្រភពពីខេត្តកំពង់ឆ្នាំរូបនេះបាននិយាយថា៖« នៅអឺរ៉ុប! កីឡាករដែលខ្ញុំពេញចិត្តជាងគេគឺ Robin van Persie ។ ពេលដែលខ្ញុំចេះមើលបាល់ទាត់ដំបូង គាត់ចាកចេញពី Arsenal មកលេងនៅ Manchester United ហើយជួយក្លិបលើកពាន”។
«នៅអាស៊ី! ខ្ញុំឃើញកីឡាករម្នាក់លេងកូដឆ្វេងរបស់ជម្រើសជាតិថៃ និងក្លិប Buriram United កីឡាករ Teerathon Bunmathan ។ខ្ញុំស្រឡាញ់ពូកែប្រើជើងឆ្វេង ទាត់ Set Piece គ្រប់ប្រភេទ។ ហើយនៅកម្ពុជា គឺរៀបច្បង ឆេង ម៉េងរបស់វិសាខាហ្នឹងហើយ»។
បញ្ជាក់ឡើងវិញ! វ៉ាំង ដាវីនគឺជាសមាជិកម្នាក់របស់ជម្រើសជាតិកម្ពុជាវ័យក្រោម២៣ឆ្នាំក្នុងព្រឹត្តិការណ៍ ស៊ីហ្គេមលើកទី៣១នៅវៀតណាម ហើយរូបគេក៏កំពុងចាប់ផ្ដើមបង្ហាញភាពលេចធ្លោក្នុងក្រុមបឹងកេតអេហ្វស៊ីនៅរដូវកាលនេះផងដែរ៕
ខ្សែបម្រើការពាររបស់ក្លិបវិសាខា កីឡាករធារី ចន្ថាប៊ីន ត្រូវបានកោះហៅចូលរួមក្នុងក្រុមជម្រើសជាតិកម្ពុជាឡើងវិញ ជំនួស លឹម ពិសុទ្ធ ដែលមានបញ្ហារបួសជើង។
គិតទាំងកីឡាករកូនខ្មែរមានដើមកំណើតពីបារាំងរូបនេះធ្វើឱ្យក្លិបវិសាខាមានកីឡាករ ១០រូបជាប់ជម្រើសជាតិដែលមានដូចជា កែវ សុខផេង, កែវ សុខសិលា, ទេស សម្បត្តិ, ឆេង ម៉េង, អុិន សុដាវីដ, កែន ចាន់សុភ័ក្រ្ត, គី រីណា, វីរៈ ដារ៉ា, សារ ទី, ចន្ថាជារី ប៊ីននេះឯ។
ពួកគេព្រមទាំងកីឡាករដទៃទៀតដែលត្រូវបានកោះហៅសម្រាប់ការប្រមូលផ្ដុំហ្វឹកហាត់ត្រៀមការប្រកួតមិត្តភាព អន្តរជាតិ ជាមួយប្រទេសទីម័រខាងកេីត និង ត្រៀមប្រកួតពានរង្វាន់ AFC Asian Cup Qualifier នៅពេលខាងមុខនេះ។ ចន្ថាជារី ប៊ីនក៏ខកខានជាប់ជម្រើសជាតិយូរមកហើយដែរ ហើយរូបគេគឺជាកីឡាករមានប្រភពមកពីប្រទេសបារាំងតែ២នាក់ដែលជាប់ជម្រើសជាតិលើកនេះជាមួយកូនខ្មែរបារាំងម្នាក់ទៀតដែលកំពុងតែបង្ហាញគុណផលលេងបានល្អនៅក្លិប Sarawak United កីឡាករ កុក បូរីស។
ដោយឡែក សម្រាប់របួសរបស់ខ្សែប្រយុទ្ធភ្នំពេញក្រោន លឹម ពិសុទ្ធ យ៉ាងហោចណាស់ត្រូចំណាយពេលយ៉ាងហោចណាស់ ១ខែដើម្បីព្យាបាល និងជាសះស្បើយ។ ដូចនេះធ្វើឱ្យរូបគេត្រូវខកខានជួយជម្រើសជាតិលេងមិត្តភាពជាមួយទីម័រខាងកើត និងការហ្វឹកហាត់ត្រៀម AFC Asian Cup វគ្គជម្រុះជុំទី៣ក៏ពិបាកផងដែរ។
ព័ត៌មានកីឡាអាស៊ី
ក្រុមU23របស់ប្រទេសថៃបានកោះហៅកីឡាករចំនួន 10 នាក់ដែលមានមូលដ្ឋាននៅក្រៅប្រទេសក្នុងបញ្ជីបឋមដើម្បីប្រឈមមុខនឹងការប្រកួត AFC U-23 ដែលនឹងប្រព្រឹត្តទៅនៅប្រទេសអ៊ូសបេគីស្ថានចាប់ពីថ្ងៃទី 1 ដល់ថ្ងៃទី 19 ខែមិថុនា។
ក្នុងចំណោមកីឡាករដែលមានមូលដ្ឋាននៅបរទេសត្រូវបានគេហៅចូលរួមមាន Jonathan Khemdee, Nicholas Mickelson (Odense Boldklub, ដាណឺម៉ាក) និង Yannick Nussbaum (BSC Young Boys, ស្វីស) ដែលលេងក្នុងតំបន់ការពារ។
នៅបម្រើកណ្តាល គ្រូបង្វឹកក្រុម U-23 ប្រចាំប្រទេសនេះ លោក Worrawoot Srimaka បានហៅ Thanawat Suengchitthawon (Leicester City, អង់គ្លេស), Ben Davis (Oxford United, អង់គ្លេស, Channarong Promsrikaew (Union Adarve, អេស្ប៉ាញ និង Chayapipat Supunpasuch (Estoril, ព័រទុយហ្គាល់) ។
ខាងផ្នែកប្រយុទ្ធ លោក Worrawoot បានកោះហៅ Achitpol Keereerom (FC Augsburg, អាល្លឺម៉ង់), Marcel Sieghart (SC Olching, អាល្លឺម៉ង់) និង Sittichok Paso (FC Ryukyu, ជប៉ុន) ដើម្បីបំពេញបញ្ជីឈ្មោះកីឡាករបរទេស១០រូប។
លើសពីនេះ ថៃក៏ត្រូវបានពង្រឹងដោយកីឡាករវ័យក្មេងដែលលេងក្នុងលីគក្នុងស្រុកដូចជា Ekanit Panya (Chiangmai United), Kritsada Kaman (Chonburi), Airfan Doloh, Suphanat Mueanta (Buriram United) និង Patrick Gustavsson (Chiangmai FC)។
ថៃជាប់ក្នុងពូល C ក្នុងការប្រកួត AFC B-23 ឆ្នាំនេះ ជាមួយកូរ៉េខាងត្បូង និងពីរក្រុមទៀតមកពីអាស៊ីអាគ្នេយ៍ គឺម៉ាឡេស៊ី និងវៀតណាម។ ក្រុមដំរីសដណ្តើមបានមេដាយប្រាក់១គ្រឿងនៅស៊ីហ្គេមឆ្នាំ២០២១ ដែលបានបញ្ចប់កាលពីពេលថ្មីៗនេះ។
ថៃនឹងប៉ះវៀតណាមក្នុងការប្រកួតបើកឆាកនៅថ្ងៃទី២ ខែមិថុនា ខណៈម៉ាឡេស៊ីត្រូវប៉ះកូរ៉េខាងត្បូង។ ក្នុងការប្រកួតទីពីរក្នុងពូលនេះ ថៃនឹងប៉ះម៉ាឡេស៊ីនៅថ្ងៃទី៥ ខែមិថុនា ខណៈវៀតណាមត្រូវប៉ះកូរ៉េខាងត្បូង។ សកម្មភាពចុងក្រោយនៃក្រុមនឹងឃើញថៃប៉ះកូរ៉េខាងត្បូង ខណៈម៉ាឡេស៊ីត្រូវប៉ះវៀតណាម។ ការប្រកួតទាំងពីរនេះនឹងប្រព្រឹត្តទៅនៅថ្ងៃទី៨ ខែមីនា។
កីឡាការិនីបាល់ទាត់ Trailblazer Putri Syaliza Sazali នឹងលេងឱ្យក្លឹបបាល់ទាត់ Chonburi Women’s Football Club ដែលជាក្លិបយក្សរបស់ថៃ ដែលនេះនឹងធ្វើឱ្យនាងក្លាយទៅជាកីឡាការិនីសិង្ហបុរីដំបូងគេដែលមានវត្តមានក្នុងការប្រកួត Thai Women’s League 1 (TWL1)។
Putri ដែលនឹងមានឱកាសលេងក្នុងការប្រកួតដែលនៅសល់នៃរដូវកាលនេះ បាននិយាយថា៖ “ខ្ញុំពិតជារំភើបណាស់ដែលមានឱកាសទៅលេងនៅប្រទេសថៃ ដែលកម្រិតបាល់ទាត់កាន់តែខ្ពស់ និងប្រកួតប្រជែងខ្លាំងជាង។ ខ្ញុំបានហ្វឹកហាត់រយៈពេលមួយសប្តាហ៍នៅឈុនបុរីកាលពីដើមឆ្នាំ 2020 ហើយខ្ញុំបានឃើញថាវាលឿនប៉ុណ្ណា ប៉ុន្តែខ្ញុំជឿជាក់ថាខ្ញុំនឹងមានខែដ៏អស្ចារ្យ ហើយរៀនបានច្រើនពីវា”។
ខ្សែបម្រើវ័យ 19 ឆ្នាំបានចាប់អារម្មណ៍គ្រូបង្វឹក Kritsada Phungmali នៅពេលដែលក្រុមជម្រើសជាតិនារីសិង្ហបុរីប្រកួតបិទទ្វារជាមួយក្រុមឈុតនារីរបស់ Chonburi កាលពីថ្ងៃទី 24 ខែមេសា ឆ្នាំ 2022 ដែលជាផ្នែកមួយនៃការបោះជំរុំហ្វឹកហាត់នៅក្រៅប្រទេសរបស់ពួកគេសម្រាប់ការប្រកួតកីឡាអាស៊ីអាគ្នេយ៍ (ស៊ីហ្គេម) លើកទី 31 ។ Chonburi គឺជាជើងឯករងកាលពីរដូវកាលមុន បច្ចុប្បន្នកំពុងឈរនៅលេខរៀងទី 3 ក្នុងតារាងក្រុមចំនួន 8 ដែលមាន 13 ពិន្ទុ។
គ្រូបង្វឹក Phungmali បាននិយាយប្រាប់សារព័ត៌មានថៃ SuperSub Thailand នៅថ្ងៃទី 11 ខែមេសា ថាគាត់ “កំពុងរៀបចំផែនការពង្រឹងក្រុមក្នុងការប្រកួតជើងទីពីរនៃលីគ។ គាត់បានប្រាប់ FAS ថា៖ «Chonburi មានបញ្ហាជាមួយនឹងការបញ្ចប់ឱកាសស៊ុតបញ្ចូលទីក្នុងការប្រកួតកំឡុងជុំទីមួយនៃលីគ។ ខ្ញុំចង់បានកីឡាករដែលអាចចូលរួមចំណែកក្នុងការវាយសម្រុកនិងមានលទ្ធផលល្អ។ បន្ទាប់ពីឃើញទម្រង់លេងរបស់ Putri ខ្ញុំពិតជាចង់មាននាងជាផ្នែកមួយក្នុងក្រុមរបស់យើង»។
Putri ដែលលេងឱ្យសិង្ហបុរីបានជម្រើស១១ប្រកួតត្រូវបានគេផ្តល់ឱ្យលេងក្នុងជុំទី២នៃ TWL1 ដែលនឹងចាប់ផ្តើមនៅថ្ងៃសៅរ៍ ទី២៨ ខែឧសភា ទល់នឹង BRU Burirat Academy។ នាងគឺជានិស្សិតមហាវិទ្យាល័យរដ្ឋផ្លរីដាភាគខាងកើត ដែលមានអាហារូបករណ៍អត្តពលិក បច្ចុប្បន្នកំពុងសម្រាកឆមាសរបស់នាង។ ក្នុងឆ្នាំដំបូងរបស់នាង នាងគឺជាផ្នែកមួយនៃក្រុមដែលបានឈ្នះពានថ្នាក់ជាតិលើកដំបូងរបស់មហាវិទ្យាល័យ គឺ National Junior College Athletic Association Division I National Championship។
នៅទីក្រុងឈុនបុរី Putri នឹងអាចហ្វឹកហាត់ និងលេងជាមួយខ្សែប្រយុទ្ធអន្តរជាតិថៃ Saowalak Pengngam និងខ្សែបម្រើ Wilaiporn Boothduang ដែលទាំងពីរបានបង្ហាញខ្លួនក្នុងព្រឹត្តិការណ៍ FIFA World Cup 2019 France ។ Putri នឹងចេញដំណើរទៅប្រទេសថៃនៅថ្ងៃស្អែក ហើយនឹងត្រឡប់ទៅសិង្ហបុរីវិញ បន្ទាប់ពីប្រកួតចុងក្រោយនៅថ្ងៃទី ១៩ ខែមិថុនា។
គ្រូបង្វឹកក្រុមបាល់ទាត់ជម្រើសជាតិឥណ្ឌា Igor Stimac បានបង្ហាញឈ្មោះក្រុមកីឡាករចំនួន 25 នាក់សម្រាប់ការប្រកួតមិត្តភាពរបស់ឥណ្ឌាជាមួយហ្សកដានីនាពេលខាងមុខ ដើម្បីត្រៀមធ្វើម្ចាស់ផ្ទះការប្រកួតវគ្គជម្រុះ AFC Asian Cup 2023 ក្នុងពូល D ។
ក្រុមមកពីអាស៊ីខាងត្បូងមួយនេះនឹងប្រកួតមិត្តភាពនៅទីក្រុងដូហា ប្រទេសកាតា នៅថ្ងៃទី 28 ខែឧសភា ដែលជាផ្នែកនៃការត្រៀមលក្ខណៈរបស់ពួកគេសម្រាប់ការប្រកួតជម្រុះជុំទីបីនៃពានរង្វាន់ Afc Asian Cup ឆ្នាំ 2023 នាពេលខាងមុខ។ ក្រោមការដឹកនាំរបស់ Stimac ក្រុម Blue Tigers បាននឹងកំពុងរៀបចំសម្រាប់ការប្រកួតជម្រុះតាំងពីដើមខែដំបូងនៅទីក្រុង Bellary និងបន្ទាប់មកនៅ Kolkata។
ឥណ្ឌាក៏បានលេងការប្រកួតបែបកម្ដៅសាច់ដុំចំនួនបីនៅ Kolkata ទល់នឹងក្លិបក្នុងស្រុក ATK Mohun Bagan (ចាញ់ 1-2), I-League All-Stars XI (ឈ្នះ 2-0) និងក្រុម Bengal Santosh Trophy (ស្មើ 1-1)។
កាលពីខែមីនា ពួកគេបានប្រកួតមិត្តភាពអន្តរជាតិពីរលើកទល់នឹងបារ៉ែន (ចាញ់ 2-1) និង Belarus (ចាញ់ 3-0) នៅប្រទេសបារ៉ែន។ ក្រុម Blue Tigers គ្រោងនឹងធ្វើដំណើរទៅកាន់ទីក្រុង Doha នៅថ្ងៃទី 25 ខែឧសភា ជាកន្លែងដែលពួកគេនឹងបន្តការរៀបចំរបស់ពួកគេមុនពេលប្រឈមមុខនឹងហ្សកដានីក្នុងការប្រកួតមិត្តភាព។ ឥណ្ឌាស្ថិតក្នុងពូល D ជាមួយកម្ពុជា ហុងកុង និងអាហ្វហ្គានីស្ថានសម្រាប់ការប្រកួតជម្រុះជុំទី៣ពាន AFC Asian Cup ។
ខាងក្រោមជាបញ្ជីឈ្មោះកីឡាករទាំងអស់៖
អ្នកចាំទី៖ Gurpreet Singh Sandhu, Laxmikanth Kattimani, Amrinder Singh ។
ខ្សែការពារ៖ Rahul Bheke, Akash Mishra, Harmanjot Singh Khabra, Roshan Singh, Anwar Ali, Sandesh Jhingan, Subhashish Bose, Pritam Kotal ។
ខ្សែបម្រើ៖ Jeakson Singh, Anirudh Thapa, Glan Martins, Brandon Fernandes, Ritwik Das, Udanta Singh, Yasir Mohammad, Sahal Abdul Samad, Suresh Wangjam, Ashique Kuruniyan, Liston Colaco ។
ខ្សែប្រយុទ្ធ:Ishan Pandita, Sunil Chhetri, Manvir Singh.
សហព័ន្ធកីឡាបាល់ទាត់ហ្វីលីពីនបានចេញសេចក្ដីថ្លែងអំណរគុណពីការចែកផ្លូវជាមួយគ្រូបង្វឹកជនជាតិអង់គ្លេសលោក Scott Cooper ចំពោះការរួមចំណែកដឹកនាំក្រុមជម្រើសជាតិហ្វីលីពីនប្រមាណជាង៣ឆ្នាំមក តាំងពីចូលកាន់ដំណែងផ្លូវការនៅឆ្នាំ២០១៩ មុនឈានដល់ការចាកចេញ នៅពាក់កណ្ដាលឆ្នាំ២០២២នេះ។
បន្ទាប់ពីឈានដល់កិច្ចសន្យាការចែកផ្លូវជាមួយជម្រើសជាតិហ្វីលីពីន លោក Cooper ក៏បាននិយាយថ្លែងអំណរគុណផងដែរថា៖ «ខ្ញុំចង់ឆ្លៀតឱកាសដើម្បីជូនពរ Azkals ឱ្យទទួលបានលទ្ធផលល្អបំផុតសម្រាប់នាពេលអនាគត។ វាពិតជារីករាយណាស់ ដែលបានធ្វើការជាមួយបុគ្គលិក និងកីឡាករទាំងអស់ »។
PFF គ្រោងនឹងធ្វើការប្រកាសអំពីគ្រូបង្វឹកថ្មីរបស់ពួកគេ នៅប៉ុន្មានថ្ងៃខាងមុខនេះ ខណៈដែលក្រុម ជម្រើសជាតិហ្វីលីពីន ត្រូវមានភារកិច្ចត្រៀមសម្រាប់ការប្រកួតជម្រុះ AFC Asian Cup Qualifiers ក្នុងពូល B ជាមួយប៉ាលេស្ទីន យ៉េមេន និងម្ចាស់ផ្ទះម៉ុងហ្គោលី ដែលការប្រកួតចាប់ផ្ដើមពីថ្ងៃទី៨ ដល់ថ្ងៃទី១៤ ខែមិថុនា ឆ្នាំ២០២២ខាងមុខនេះ៕
សម្រាប់គូប្រកួតក្នុងវគ្គផ្ដាច់ព្រ័ត្រពានរង្វាន់លំដាប់បីនៃបាល់ទាត់កម្ពុជា Cambodian League Cup 2022 ពេលនេះរកឃើញអស់ហើយដោយភ្នំពេញក្រោននឹងត្រូវជួបក្រុមវិសាខា បន្ទាប់ពីក្រុមមានមូលដ្ឋាននៅ ហ្រ្គែនភ្នំពេញមួយនេះយកឈ្នះក្រុមខ្លាំងព្រះខ័នរាជស្វាយរៀងក្នុងលទ្ធផល២ទល់០នៅវគ្គពាក់កណ្ដាលផ្ដាច់ព្រ័ត្រមុននេះបន្តិច។
ជំនួបនៅស្ដាតចាស់វិសាខាបានយកឈ្នះស្វាយរៀង២ទល់០ដែលស៊ុតបញ្ចូលទីដោយកីឡាករប្រេស៊ីល Vinicius នៅនាទី៣៦ និងមួយគ្រាប់ទៀតជាបាល់ពិន័យប៉េណាល់ទីរបស់ អ៊ុក សុវណ្ណនៅនាទី៨២ បន្ទាប់ពីអ្នកចាំទី អោម ឧត្តមទទួលបានកាតក្រហមក្រោយបង្កកំហុសលើខ្សែប្រយុទ្ធ Paulo Victor។
ចំណែកភ្នំពេញក្រោនបានឡើងទៅវគ្គផ្ដាច់ព្រ័ត្រតាំងពីម្សិលមិញម្ល៉េះ ក្រោយយកឈ្នះណាហ្គាវើលដ៏៣ទល់០។ ការប្រកួតវគ្គផ្ដាច់ព្រ័ត្រនឹងធ្វើឡើងនៅថ្ងៃទី២៨ខែឧសភាឆ្នាំ២០២២៕
ព័ត៌មានកីឡាអន្តរជាតិ
លោក Erik ten Hag បានបញ្ជាក់យ៉ាងច្បាស់ថា លោកចង់ឲ្យ Cristiano Ronaldo បន្តស្នាក់នៅជាមួយ Manchester United មួយរដូវកាលទៀត។
ក្រោយការប្រកាសអំពីការតែងតាំងលោក Ten Hag ជា អ្នកចាត់ការក្រុមរបស់ Man Utd ចាប់ពីរដូវកាលក្រោយទៅ Ronaldo ក៏ត្រូវបានគេលើកជាប្រធានបទ ដោយអ្នកខ្លះយល់ឃើញថា រូបគេនឹងមិនអាចស្ថិតនៅក្នុងផែនការរបស់អ្នកចាត់ថ្មីបានឡើយ ដោយសារ លោកទាមទារកីឡាកររូបណាដែលធ្វើការខ្លាំងលើទីលាន ដូចជាការដេញដាក់សម្ពាធលើក្រុមគូប្រកួតជាដើម។
ពេលអ្នកកាសែតសួរថាតើរំពឹងអ្វីខ្លះពី Ronaldo នៅរដូវកាលក្រោយ? ហើយលោក Ten Hag បាននិយាយថា៖«ពិតណាសគឺ គ្រាប់បាល់” ។ ខ្ញុំបាននិយាយជាមួយ Ronaldo មុនរួចទៅហើយ មុនពេលខ្ញុំនិយាយជាមួយអ្នកទាំងអស់គ្នា” ។
លើសពីនេះគ្រូបង្វឹកហូឡង់បានបង្ហើបថា Ronaldo អាចនឹងក្លាយជាមេដឹកនាំក្រុមនៅរដូវកាលក្រោយពីព្រោះតែគាត់ជាកីឡាករមានវ័យចាស់ជាងគេ និងមានបទពិសោធន៍ច្រើនហើយសក្តិសមជាមេដឹកនាំ៕
