(Khmer) កាសែតជិតស្និទជាមួយ Manchester United ពោលគឺ Mancester Evening News អះអាងថា អតីតអ្នកចាត់ការទូទៅរបស់ក្លិប លោក Ralf Rangnick មានការស្រឡាំងកាំងជាមួយនឹងវិធីសាស្រ្តរបស់ក្លឹបចំពោះអាជីវកម្មទិញដូរកីឡាកររដូវក្តៅរបស់ពួកគេ។

អ្នកចាត់ការទូទៅក្រុមជម្រើសជាតិអូទ្រីស មានអារម្មណ៍ថារឿង​រ៉ាវជាប់ទាក់ទង​លើការផ្ទេរកីឡាករ Marko Arnatovic គឺជាការច្នៃប្រឌិតប្រព័ន្ធផ្សព្វផ្សាយ និងរឿងកំប្លែងមួយ ហើយបើក្លិបពិត​ជា​ចង់​បាន​មែន​នោះ មិនថា​ត្រូវ​និយាយយ៉ាងម៉េច​នោះទេ។

គាត់​មិន​បាន​ចាប់អារម្មណ៍​នឹង​ការ​មក​ដល់​របស់​កីឡាករទាំងអស់នៅ​រដូវក្តៅ​នេះទេ ហើយក្លិប​ក៏​គ្មានបានទិញជោគជ័យ​កីឡាករ​ណា​ម្នាក់​ដែល​គាត់​បាន​ណែនាំ​នោះដែរ។

Ralf បានណែនាំ Man Utd ឱ្យទិញខ្សែការពារក្លិប RB Leipzig កីឡាករ Josko Gvardiol ថាជាជម្រើស “ត្រូវតែទិញ” ហើយក៏បានណែនាំផងដែរនូវការផ្ទេរយក Christopher Nkunku និង Konrad Laimer ។ បច្ចុប្បន្ន​កីឡាករទាំងបីនាក់នេះបន្តលេង​នៅក្លិប​អាល្លឺម៉ង់មួយនេះដដែល ហើយ Christopher Nkunku បន្ត​កុងត្រាបន្ថែមជាមួយក្លិប។

Erik ten Hag ត្រូវបានអនុញ្ញាតឱ្យចុះហត្ថលេខាលើកីឡាករចំនួន 6 នាក់នៅរដូវក្តៅដោយក្រុមប្រឹក្សាភិបាល ដែលនៅតែខ្វះកីឡាករថ្មីទាំង 10 ដែលបានណែនាំដោយ Rangnick ។

ប្រភព៖ MEN

(Khmer) Erik ten Hag បាននិយាយអំពី Cristiano Ronaldo បន្ទាប់ពីត្រូវបានអ្នកកាសែតចោទសួរថា តើនៅពេលណាដែលគាត់អាចត្រូវបានរំពឹងថានឹងចាប់ផ្តើមការប្រកួតម្តងទៀតសម្រាប់ Man United ៖ «ដូចដែលយើងបាននិយាយអញ្ចឹង»។

“វាពិទើប​តែដើមរដូវកាល ហើយយើងមានក្រុមពេញលេញ។ យើង​មាន​កីឡាករ​ចាប់​ផ្ដើម​ច្រើន​ជាង ១១ នាក់ ដែល​នោះ​ជា​អ្វី​ដែល​អ្នក​ឃើញ​ឥឡូវ​នេះ កីឡាករ​ដែល​លេង​ជា​កីឡាករ​បម្រុង​អាច​លេង​បានក្នុង១១នាក់ ​ក្នុង​រយៈពេល​មួយ ពីរ ឬ​បី​សប្ដាហ៍ទៀត»។

Ronaldo បាន​អង្គុយ​កៅអី​បម្រុងបី​ប្រកួត​ជាប់​គ្នា​ដែល​បិសាច​ក្រហម​ឈ្នះទាំងបីប្រកួត។ នោះហើយជាមូលហេតុដែល Ten Hag បានបដិសេធមិនមិនធ្វើ​ការ​ប្ដូរឈុត១១នាក់២ប្រកួតជាប់​គ្នា ដែលបានឈ្នះដោយយើងឃើញដូចជា Anthony Elanga និង Marcus Rashford ទាំងពីរចាប់ផ្តើមជំនួសគាត់។

ប៉ុន្តែជាមួយនឹងតាំងចិត្ត​បន្ត​នៅជាមួយ Man Utd យ៉ាងហោចណាស់ក្នុងរដូវកាលនេះ Cristiano គួរតែទទួលបានពេលវេលាលេងបន្ថែមទៀតដើម្បីឆ្ពោះទៅមុខ ហើយត្រលប់មកវិញនូវជម្រើសដំបូងនៅពេលដែលគាត់អាចមាន​ទំនុកចិត្តចាប់ផ្តើមស៊ុតបញ្ចូលទីម្តងទៀត។

ប្រភព៖ MEN

(Khmer) លោក Carlo Ancelotti បាននិយាយថា៖ “Luka Modric និង Karim Benzema? អនាគតរបស់ពួកគេគឺច្បាស់ណាស់។ ប្រសិនបើពួកគេចង់ស្នាក់នៅ ពួកគេនឹងបន្តនៅទីនេះរហូតដល់ចុងបញ្ចប់នៃអាជីពរបស់ពួកគេ”។

Carlo Ancelotti បាននិយាយ៖«ដូចគ្នាសម្រាប់ Toni Kroos និង Nacho ។ នេះជាអ្វីដែលក្លឹបចង់បាន» ។

កិច្ចសន្យារបស់កីឡាករទាំងបួននាក់ដែលបានរៀបរាប់ខាងលើនឹងផុតកំណត់នៅឆ្នាំ 2023។ យោងតាមរបាយការណ៍ Real Madrid ចង់បន្តកិច្ចព្រមព្រៀងរបស់ Benzema ។  ករណីបីផ្សេងទៀតគឺខុសគ្នា។ Kroos មិនប្រាកដទេអំពីការបន្តអាជីពរបស់គាត់ ខណៈដែលការបន្តរបស់ Modric នឹងអាស្រ័យលើរបៀបដែលគាត់បង្ហាញឡុណផលនៅរដូវកាលនេះ។ ចំពោះ Nacho មានពាក្យចចាមអារ៉ាមតិចតួចទាក់ទងនឹងអនាគតរបស់គាត់។

ប្រភព៖ Real Madrid (h/t MadridXtra @ Twitter)

(Khmer) លោក Patit Suphaphong អគ្គលេខាធិការសមាគមកីឡាបាល់ទាត់ថៃ បង្ហាញពីការប្រើប្រាស់កីឡដ្ឋាន Rajamangala ក្នុងវគ្គចែកពូល AFF Mitsubishi Electric Cup 2022 បន្ទាប់ពីកាលបរិឆ្ឆេទការប្រកួតវាកៀកនឹងការប្រគុំតន្ត្រីរបស់តារាចម្រៀងពិភពលោក Justin Bieber និង Maroon 5។

លោក Patit Suphaphong បានបញ្ជាក់បន្ថែមថា «ឱកាសសម្រាប់ក្រុមជម្រើសជាតិថៃធ្វើការប្រកួតនៅកីឡដ្ឋាន Rajamangala នៃវគ្គសន្សំពិន្ទុ ជុំទី១ គឺពិបាកខ្លាំងណាស់ ដោយសារតែទីលានត្រូវការពេលវេលា ដើម្បីរៀបចំគុណភាពស្មៅឡើងវិញ។ ដូច្នេះហើយចាំបាច់ត្រូវរកទីលានបម្រុងតាមបទបញ្ជារបស់សហព័ន្ធកីឡាបាល់ទាត់អាស៊ាន (AFF) គ្រប់ប្រទេសទាំងអស់ត្រូវតែមានកីឡដ្ឋានយ៉ាងហោចណាស់២។

ក្នុងនោះដែរ គ្រូបង្វឹករបស់ក្រុមជម្រើសជាតិថៃ លោក Mano Polking ក៏បានបង្ហាញពីគំនិតរបស់លោកផងដែរ ក្រោយទទួលបានដំណឹងបែបនេះ។
«ពួកយើងមិនចង់ប្រើកីឡដ្ឋាន ដែលត្រូវធ្វើដំណើរឆ្ងាយនោះទេ។ ដោយ​សារ​តែ​យើងត្រឡប់មកពីធ្វើការប្រកួតក្រៅទឹកដី ​មាន​ពេល​សម្រាក​តិច​តួច ហើយកីឡាករមានភាពនឿយហត់។ ដូច្នេះ​ហើយ យើង​ត្រូវ​ស្វែង​រក​ទីលាន​មួយ​ ដែល​មិន​ឆ្ងាយ​ប៉ុន្មាន»

«ការប្រគុំតន្ត្រីដ៏ធំនឹងធ្វើឡើងនៅថ្ងៃទី១០ ខែធ្នូ ខណៈពេលដែលយើងមានការប្រកួតនៅក្នុងផ្ទះដំបូង នៅថ្ងៃទី២៦ ខែធ្នូ ឆ្នាំ២០២២។ ទោះបីជាមានគម្លាតច្រើនជាង១០ថ្ងៃក៏ដោយ ប៉ុន្តែមានឱកាស ដែលលក្ខខណ្ឌនៃទីលាននឹងត្រូវបានរៀបចំឡើងវិញយ៉ាងពេញលេញនោះ គឺវាពិបាកប្រើណាស់។ ហើយ​ត្រូវ​មើល​ផលប៉ះពាល់​ជា​ច្រើននៅ​ពេល​ការ​ប្រគំ​តន្ត្រី​ចប់ តើ​អ្នករៀបចំទី​លាន​នឹង​មាន​វិធាន​ការ​អ្វី​ខ្លះ​ក្នុង​ការ​សម្អាត​និង​រៀបចំទីលានឡើង​វិញ? នេះ​មិន​មែន​ជា​ភារកិច្ចរបស់យើង ជាអ្នកទទួលបន្ទុកក្នុងការទៅលើករណីនេះទេ»

សម្រាប់កម្មវិធីប្រកួតរបស់ក្រុមជម្រើសជាតិថៃ នៃវគ្គសន្សំពិន្ទុ ក្នុងពូល AFF Mitsubishi Electric Cup 2022 មានដូចខាងក្រោម៖

ថ្ងៃទី២០ ខែធ្នូ ឆ្នាំ២០២២ ប្រ៊ុយណេ ឬទីម័រខាងកើត ជួបថៃ
ថ្ងៃទី២៦ ខែធ្នូ ឆ្នាំ២០២២ ថៃ ជួប ហ្វីលីពីន
ថ្ងៃទី២៦ ខែធ្នូ ឆ្នាំ ២០២២ ឥណ្ឌូនេស៊ី ជួប ថៃ
ថ្ងៃទី២ ខែមករា ឆ្នាំ ២០២៣ ថៃ ជួប កម្ពុជា។

(Khmer) និន្នាការ​នៃ​កីឡាករ​បាល់ទាត់​ដែលចូលសញ្ជាតិ​ហាក់​ដូច​ជា​ដើរ​ទន្ទឹម​គ្នា​ជាមួយ​នឹង​ប្រទេស​អាស៊ីអាគ្នេយ៍​ក្នុង​រយៈពេល​ប៉ុន្មាន​ឆ្នាំ​កន្លង​មក​នេះ។ កាលពី​យប់​មិញ ខ្សែប្រយុទ្ធសញ្ជាតិអង់គ្លេស Lee Tuck បានក្លាយជាកីឡាករចុងក្រោយគេក្នុងបញ្ជីនោះ ខណៈដែលកីឡាករវ័យ 34 ឆ្នាំបានប្រកាសនៅលើ Instagram របស់គាត់អំពីដំណឹងនៃការក្លាយជាពលរដ្ឋម៉ាឡេស៊ីផ្លូវការ។

 Tuck បាននិយាយថា “ថ្ងៃនេះខ្ញុំអាចនិយាយជាផ្លូវការថាខ្ញុំជាពលរដ្ឋម៉ាឡេស៊ី” ។

“ខ្ញុំពិតជាមានអំណរគុណណាស់ក្នុងការទទួលបានសញ្ជាតិម៉ាឡេស៊ី។ វា​ជា​ផ្លូវ​ដ៏​លំបាក​មួយ​ជាមួយ​នឹង​ការ​លះបង់​ ដើម្បី​មក​ដល់​ទី​នេះ ប៉ុន្តែ​នេះ​ជា​ឱកាស​ដែល​ខ្ញុំ​មិន​អាច​ឆ្លង​កាត់​បាន»។

“ខ្ញុំចង់ផ្ញើការគោរព និងដឹងគុណរបស់ខ្ញុំចំពោះម្ចាស់ក្លឹបបាល់ទាត់ Sri Pahang លោក Yang Amat Mulia Tengku Abdul Rahman Al Haj Ibni Almarhum Sultan Haji Ahmad Shah Al-Musta’in Billah ប្រធានរបស់យើង Raja Datuk Shaharuddin Shah Raja Jalil Shah នាយកប្រតិបត្តិ SPFC Datuk Mohammed Suffian Awang សមាជិកក្រុមប្រឹក្សាភិបាលរបស់ Sri Pahang FC និងអ្នកគាំទ្រ Sri Pahang FC ទាំងអស់សម្រាប់ការគាំទ្រខ្ញុំពេញមួយដំណើរការនេះ។ ខ្ញុំ​ក៏​សូម​ថ្លែង​អំណរ​គុណ​ដល់​ក្រុម​គ្រួសារ និង​មិត្ត​ជិត​ស្និទ្ធ​ដែល​ជា​ទី​ស្រឡាញ់​របស់​ខ្ញុំ»។

Tuck បានចាប់ផ្តើមអាជីពបាល់ទាត់របស់គាត់សម្រាប់ក្លឹបស្រុកកំណើតរបស់គាត់ Halifax Town ក្នុងឆ្នាំ 2007 មុនពេលហោះទៅលេងនៅអាស៊ីអាគ្នេយ៍ជាមួយក្លឹបថៃ Nakhon Pathom បីឆ្នាំក្រោយមក។ គាត់នឹងក្លាយជាកីឡាករបរទេសដែលបម្រើការបានយូរបំផុតនៅក្នុងប្រទេសថៃ ខណៈដែលគាត់បានបង្ហាញខ្លួនជាង 150 ដង និងស៊ុតបញ្ចូលទីបានជិត 60 គ្រាប់សម្រាប់ក្លឹបចំនួន 5 ផ្សេងៗគ្នាក្នុងអំឡុងពេលប្រាំមួយឆ្នាំរបស់គាត់នៅក្នុងប្រទេសថៃ។

ខ្សែប្រយុទ្ធរូបនេះបាន​បន្ត​យកទេពកោសល្យរបស់គាត់ទៅកាន់ម៉ាឡេស៊ីក្នុងឆ្នាំ 2017 នៅពេលដែលគាត់បានចូលរួមជាមួយ Negeri Sembilan មុនពេលផ្លាស់ទៅ Sri Pahang ។ ប៉ុន្មានឆ្នាំក្រោយមក គាត់នឹងត្រូវខ្ចីជើងទៅក្លឹប Terranganu FC ហើយក្លាយជាកីឡាករសំខាន់សម្រាប់ក្រុមអណ្តើកសមុទ្រមួយនេះ ដោយស៊ុតបញ្ចូលទីបាន ២៤គ្រាប់​ក្នុង​ការ​បង្ហាញខ្លួនសរុប៦០ប្រកួត។

ឥឡូវនេះ Tuck បានត្រលប់មក Sri Pahang វិញហើយ បន្ទាប់ពីកុងត្រាខ្ចីជើងរបស់គាត់បានបញ្ចប់នៅឆ្នាំ 2021។ Tuck ចូលរួមជាមួយកីឡាករ Mohamadou Sumareh, Liridon Krasniqi និង Guilherme De Paula ជាកីឡាករចូលសញ្ជាតិ 4 នាក់ ដែលអាចបង្ហាញខ្លួនសម្រាប់ក្រុមដំបូងរបស់ប្រទេសម៉ាឡេស៊ីមុនការប្រកួត AFF Mitsubishi Electric Cup 2022 ។

(Khmer) ការផ្លាស់ប្តូររបស់ Antony ពី Ajax ទៅ Manchester United គឺជាផ្លូវការហើយតម្លៃផ្ទេរសម្រាប់ខ្សែប្រយុទ្ធប្រេស៊ីលអាចកើនឡើងរហូតដល់ 100 លានអឺរ៉ូ។បិសាចក្រហមត្រូវបានអ្នកគាំទ្រជាគូប្រជែងចំអកឡកឡឺយនៅលើប្រព័ន្ធផ្សព្វផ្សាយសង្គមចំពោះការចំណាយប្រាក់យ៉ាងច្រើនទៅលើកីឡាករវ័យ 22 ឆ្នាំ ប៉ុន្តែ Erik ten Hag ដឹងពីអ្វីដែលគាត់កំពុងធ្វើ។

ថ្លែងនៅលើផតឃែស្ថ YouTube ផ្លូវការរបស់គាត់ លោក Rio Ferdinand បាននិយាយថា៖ “ពេល​ដែលអ្នកមាន Antony ក្នុងដៃ មនុស្សត្រូវយល់ថា ‘អូ! អ្នកកំពុងចំណាយប្រាក់ 85 លានផោនហើយ’ ។ គាត់មិនមែនជាផលិតផលចុងក្រោយទេ គាត់នឹងធ្វើខុសក្នុងពេលណាមួយ»។

“គាត់នឹងធ្វើរឿងដែលអាចធ្វើឱ្យខូចចិត្ត គាត់នឹងធ្វើរឿងដែលអ្នក​មិនពេញចិត្ត។ ខ្ញុំមិនប្រាកដអំពីរឿងនោះទេ” ប៉ុន្តែគាត់ទើបមានអាយុ 22 ឆ្នាំ ហើយគាត់នឹងកាន់តែប្រសើរឡើង។ ខ្ញុំគិតថាយើងត្រូវភ្លេចតម្លៃខ្លួនរបស់គាត់ ហើយ​មក​មើល​អ្វីដែលគាត់​បាន​ផ្ដល់ឱ្យ​អ្នក»។

“ខ្ញុំបាននៅជាមួយ Paul Scholes កាលពីម្សិលមិញ ហើយគាត់បានបង្កើតចំណុចល្អមួយ។ ដោយសារតែគាត់មានតម្លៃ 85 លានផោន នោះមិនមានន័យថាអ្នកត្រូវតែមានអ្វីគ្រប់យ៉ាងភ្លាមៗទេ ហើយយើងមិនគួររំពឹងថាវានឹងនៅទីនោះទេ។ គាត់ទើបមានអាយុ 22 ឆ្នាំទេ»។

ប្រភព៖ Rio Ferdinand Presents FIVE @ YouTube

(Khmer) កាសែតវិភាគ Athletic បានបញ្ជាក់ថា អ្នកចាំទីរបស់ Newcastle Martin Dubravka ជិតផ្ទេរទៅ Man United ក្នុងលក្ខខណ្ឌខ្ចីជើងហើយ។

ទោះជាយ៉ាងណាក៏ដោយ ផ្ទុយទៅនឹងរបាយការណ៍មុនៗ បិសាចក្រហមនឹងមិនត្រឹមតែមានជម្រើសចុះកុងត្រាខ្ចីជើងប៉ុណ្ណោះទេ ប៉ុន្តែមានកាតព្វកិច្ចទិញ – ក្រោមលក្ខខណ្ឌជាក់លាក់។ គេយល់ថា Man United នឹងត្រូវធ្វើឱ្យការផ្ទេររបស់ Dubravka ជាអចិន្ត្រៃយ៍សម្រាប់តម្លៃ 6 លានផោន ប្រសិនបើគាត់ចាប់ផ្តើមការប្រកួតក្នុង Premier League បានច្រើន។ មានន័យថា បើ Dubravka ​បង្ហាញខ្លួនក្នុង Premier League បាន​ច្រើនប្រកួតតាម​កំណត់​ក្នុង​កុងត្រា​នោះ បិសាចក្រហម​ត្រូវតែចំណាយលុយ​៦លាន​ផោនទិញយកដាច់តែម្ដង។

មកទល់ពេលនេះ វាហាក់បីដូចជា Dubravka កំពុងមកដល់ Old Trafford ដើម្បីជាកីឡាករបម្រុងក្រោមដៃ David de Gea ។ ទោះបីជាយ៉ាងណាក៏ដោយ ប្រសិន​បើ ទម្រង់​លេងរបស់កីឡាករសញ្ជាតិអេស្ប៉ាញនៅរដូវកាលនេះមិនល្អតាម​ការ​គ្រោង​ទុក មានន័យថា កីឡាករជម្រើសជាតិស្លូវ៉ាគីវ័យ 33 ឆ្នាំ អាចនឹងមានឱកាសលេងឱ្យក្រុមបិសាចក្រហមក្នុងលីគផងដែរ។

ប្រភព៖ The Athletic