«ផ្លយ»ជាឈ្មោះក្មេងប្រុសម្នាក់ ដែលក្នុង​មជ្ឈដ្ឋានបាល់ទាត់​កម្ពុជា ពិសេស​អ្នក​ដែល​ចូលទៅកាន់​ស្ដាត​ចាស់​កាលពី៥ ឬ ៦ឆ្នាំមុន​ពិត​ជាស្គាល់ច្បាស់ដែល​កាល​​នោះ ក្មេងប្រុស​សម្បុរខ្មៅ មាឌល្អិតម្នាក់​នេះ ជា​ក្មេង​រើស​បាល់​ និងរៀបឥវ៉ាន់ហ្វឹកហាត់  បានឆ្លងកាត់ការតស៊ូ ប្រឹងប្រែង ដំណាក់កាលបោះបង់​ចោល និង​ការ​ចាប់​ផ្ដើម​សារឡើង​វិញ ម្ដង​ហើយ​ម្ដង​ទៀត រហូតក្លាយទៅ​ជា​កីឡាករ​អាជីពនៅក្លិបបាល់ទាត់នគរបាលជាតិ។

ផ្លយ កាល​នៅជាក្មេងរើសបាល់ និង​រៀបឥវ៉ាន់នៅស្ដាតចាស់

ទោះបីត្រឹមមាន​ឈ្មោះក្នុង​បញ្ជីកោះហៅដំបូងក្នុង​ឈុត U23 កម្ពុជា​សម្រាប់ការធ្វើតេស្ដកាយសម្បទា ត្រៀមសម្រាប់ការប្រកួត​មិត្តភាពអន្តរជាតិ ទល់និងក្រុមជម្រើសជាតិជប៉ុនអាយុក្រោម២៣ឆ្នាំ អេម ផលនិត ឬ ផ្លយ បាន​បង្ហាញវា​ជាចំណុចចាប់​ផ្ដើមនៃអាជីពបាល់ទាត់​ដ៏លំបាក​មួយផុត​លេខ ព្រោះអីរូប​គេ​មិន​ដែល​រំពឹង​សោះថា មាន​ឈ្មោះរបស់​ខ្លួន​ក្នុង​បញ្ជីជម្រើស​ជាតិ។ ពេល​នេះ ផ្លយ​បាន​ធ្វើ​ការ​ឆ្លើយឆ្លងជាមួយអ្នក​យកព័ត៏មាន B8 Sport និង​គាស់រំលើងប្រវត្តិតស៊ូរបស់ខ្លួនក្នុង​វិថីនៃអាជីពបាល់ទាត់។

«ខ្ញុំស្រឡាញ់បាល់ទាត់​តាំងពីក្មេង។ ថ្ងៃមួយខ្ញុំបាន​តាម​មិត្តភ័ត្រម្នាក់ទៅស្ដាត់ចាស់មើល​គេហ្វឹកហាត់ និង​មើល​ការ​ប្រកួត មិនដែលខាន។ ខ្ញុំបាន​ស្គាល់គេ ស្គាល់​ឯងនៅទីនោះ សុំគេរើសបាល់ ពេលគេ​ហ្វឹកហាត់ រហូត​មក​ខ្ញុំបានរើស​បាល់ពេល​ក្លិប​គេ​ប្រកួតផ្លូវការ។ ពេល​គេហ្វឹកហាត់​ខ្ញុំបាន​ទៅជួយជញ្ជូនសម្ភារៈហ្វឹកហាត់ ជញ្ជូនបាល់ ហើយ​អង្គុយមើល​គេ​លេង​ភ្លេច​បាយ ភ្លេច​ទឹក»។

ផ្លយ(លេខ១៧)លេងនិង​ហ្វឹកហាត់​ក្នុងឈុតយុវជនក្លិបក្រសួងការពាជាតិ

«ក្រោយ​មក​ទៀត​ ក្លិប​ក្រសួងការពារជាតិ​កាល​នោះបាន​រើស​យុវជនថ្នាល U15 U18 ហើយខ្ញុំក៏សុំគេចូលហ្វឹកហាត់ទៅ និង​លេង​នៅទីនោះ។ ពេលនោះខ្ញុំបាន​​ចូលលេងពានលីគ U15 និង U18​ដែរ ហើយ​ពេល​ចប់​ក្លិប​បាន​រំសាយឈុត​ U នេះ ខ្ញុំក៏ចាកចេញ។ ខ្ញុំបានសម្រាកពីបាល់ទាត់​មួយរយៈធំ ហើយ​បន្ទាប់​មក​ទៀត​ខ្ញុំក៏បាន​ចូលរួម​ឈុត U18 បឹង​កេត​ដែលកាល​នោះ ក្លិប​បង្កើតឈុត​U18 លេង​ពាន KMH។ ខ្ញុំបាន​ទៅធ្វើ​តេស្តិ៍ជាប់ ហើយ​លេង​បាន​១រដូវ​កាល»។

ផ្លយ(លេខ១៧)លេងនិង​ហ្វឹកហាត់​ក្នុងឈុតយុវជនក្លិបក្រសួងការពាជាតិ

វា​ជាពេលវេលា​ដ៏ពិបាកបំផុត​សម្រាប់​ ផ្លយ ដែល​ត្រូវ​ចាកចេញ​ពីក្ដីស្រមៃ ទៅទទួលកាតព្វកិច្ចមើល​ថែរជីដូនឈឺអស់​រយៈពេល​ជាង២ឆ្នាំ។

«ពេល​នេះជាពេលវេលាដ៏ពិបាកសម្រាប់​ខ្ញុំ ដែល​ត្រូវ​ចាកចេញពីបាល់ទាត់​ជាថ្មីម្ដង​ទៀត ក៏ព្រោះកតព្វកិច្ចគ្រួសារ​គឺខ្ញុំបានចាកចេញពីបាល់ទាត់​ទៅមើលថែរយាយខ្ញុំឈឺនៅស្រុក ព្រោះ​គ្មាន​នរណាជួយមើល​ថែរ​នោះទេ។ គាត់​កើតជំងឺស្លាប់មួយចំហៀងខ្លួន​ដើរ​មិន​រួច ហើយ​វា​ជាជំងឺពិបាកពិបាកព្យាបាលបំផុត។ ខ្ញុំត្រូវ​ថែរក្សាយាយ​រហូត​ដល់​រយៈ​ពេល​២ឆ្នាំក្រោយ​មក​គាត់​បាន​ទទួលមរណៈភាព។ វាពិត​ជាស្ដាយពេល​វេលា​ណាស់​បង ដែលបែកពីបាល់ទាត់​ដល់ទៅ២ឆ្នាំ តែអ្នក​មានគុណ​ខ្ញុំមិនអាច​ទុកគាត់ចោលទេ»។

«ខ្ញុំត្រឡប់​មក​ភ្នំពេញវិញ តែការ​ត្រឡប់​មក​លើក​នេះមិនគិត​ថា​នឹង​មក​ប្រកបអាជីពលេង​បាល់ទាត់វិញនោះទេ។ ខ្ញុំឡើង​មក​ម្ដង​នេះ គឺមករកការងារ​ធ្វើហើយគិត​ថា​ឈប់​លេង​បាល់បាត់ទៅហើយ។ ប៉ុន្តែពេលឃើញគេ​លេង​បាល់ ចិត្ត​តែងតែនឹក​ឃើញពេល​វេលាកាល​នៅតូច ។ ខ្ញុំតែងគិត​ថាពីក្មេងខិតខំណាស់ សុំគេ​ហាត់​ផង លេង​ផង ដើម្បីបាន​នៅជាមួយបាល់គេ​ប្រើឱ្យ​យក​អី​ក៏ព្រមដែរ តែពេល​នេះហេតុអ្វីត្រូវបោះបង់ចោលសមត្ថផាពខ្លួនឯងចោល? ហើយ​ក្រោយ​មកក៏ឈ្លាតទៅហ្វឹកហាត់​បាល់សារជាថ្មី ហើយ​សុំក្លិប​នគរបាលជាតិ​ធ្វើ​តេស្តិ៍សមត្ថភាព ចំពេល​ក្លិប​រើស​កីឡាករថ្មី។ ធ្វើ​ការ​ផង ហាត់​បាល់​ផង ទៅហ្វឹកហាត់​បាល់ ខ្ញុំសុំទៅជាមួយមិត្តភ័ត្ត្រ ដោយ​សារគ្មានយាន្តជំនិះទេ ខ្ញុំព្យាយាមហ្វឹកហាត់​រហូតជាង​៥​ខែ ទើបមានឈ្មោះក្នុង​ក្លិបតែម្ដង»។

ផ្លយហ្វឹកហាត់​នៅក្រុមនគរបាលជាតិ

អេម ផលនិត ត្រូវបានកោះហៅសម្រាប់ការធ្វើតេស្ដកាយសម្បទានៅថ្ងៃទី​១៣ ខែកញ្ញា​ ឆ្នាំ២០២២ ដើម្បីត្រៀមសម្រាប់ការប្រកួត​មិត្តភាពអន្តរជាតិ ទល់នឹងក្រុមជម្រើសជាតិជប៉ុនអាយុក្រោម២៣ឆ្នាំ នៅថ្ងៃទី​២០ ខែកញ្ញា ឆ្នាំ២០២២ តែយ៉ាងណា! រូប​គេ​ថា​មិនដែលគិត​អំពីការ​ជាប់ក្រុមជម្រើសជាតិអីនោះទេ។

«ខ្ញុំមិនហ៊ានគិតសូម្បីតែបន្តិច​រឿង​ជាប់​ជម្រើស​ជាតិនេះ។ គោលបំណងរបស់ខ្ញុំគឺដណ្ដើមតំណែង​១១នាក់​នៅក្នុង​ក្រុមឈុតធំ ហើយលេង​បាល់ទាត់​អាជីព ដើម្បីទទួលបាន​កម្រៃខ្លះសម្រាប់ខ្លួនឯងតែប៉ុណ្ណោះ។ ការ​មានឈ្មោះក្នុងបញ្ជីដំបូង​នេះ វាភ្ញាក់ផ្អើល និង​រំភើបដែរ​សម្រាប់​ខ្ញុំ ព្រោះខ្ញុំមិនដែគិតសូម្បីតែម្ដង ទោះបីតែ​វាគ្រាន់​តែជាមាន​ឈ្មោះក្នុងបញ្ជីបឋមនៅឡើយ។ ខ្ញុំគិត​ត្រឹម​ជាកីឡាករនៅកម្រិតក្លិប និង​អាជីពក្នុងក្លិបប៉ុណ្ណោះ ហើយខ្ញុំមើល​ដឹង កាយសម្បទា និង​សមត្ថភាពខ្លួនឯង។»

សម្រាប់​កម្រឹតក្លិប​វិញ ផ្លយ តែងតែបង្ហាញខ្លួនទៀងទាត់ក្នុង​ជម្រើស១១នាក់ដំបូង និងជាកីឡាករបម្រុង។ ខ្សែបម្រើការពារវ័យក្មេង​រូប​នេះ​តែងតែ​មាន​វត្តមានក្នុង​ការ​ប្រកួតសឹង​គ្រប់ប្រកួតទៅហើយ​ក្នុង​ Cambodian League 2 និង​ពាន​រង្វាន់​សម្ដេចហ៊ន សែន​នាពេលកន្លងមក។

«ខ្ញុំលេង​បម្រើការពារ ហើយ​ពេលខ្លះខ្ញុំលេង​ក្នុង​តំណែងបម្រើប្រយុទ្ធ​តាម​គ្រូចាត់​តាំង។សម្រាប់​គ្រាប់បាល់វិញ ខ្ញុំរក​បាន​១គ្រាប់​និង​បញ្ចូនបាល់បាន​ច្រើន​លើក​ដែរ តែមិនចាំចំនួនទេបង។ តំណែងបម្រើការពារ​នេះ មិនរំពឹង​រក​គ្រាប់បាល់ទេបង តែសុំលេង​ឱ្យ​បាន​ល្អក្នុងតំណែងរបស់ខ្លួនតែប៉ុណ្ណោះ។ ទៅអនាគត! ខ្ញុំចង់​ស្វែងយល់ពីបាល់ទាត់​ឱ្យ​បាន​ច្រើនជាង​នេះទៀត ហើយគោលបំណងធំបំផុត​ចង់​លេង​ក្នុង​ឆាកអន្តរជាត»។

យោងតាមគេហទំព័រ Transfermarkt ទាំងនេះគឺជាកីឡាករកំពូលទាំង១០រូប ដែលតម្លៃខ្លួនបានកើនឡើងច្រើនបំផុតក្នុងរយៈពេលប៉ុន្មានខែចុងក្រោយនេះ។

លេខ១០៖ កីឡាករ Vitinha (៣០លានអឺរ៉ូ) ។ ខ្សែបម្រើសញ្ជាតិព័រទុយហ្គាល់រូបនេះ បានផ្ទេរពីក្លិប Porto ចូលរួមជាមួយ PSG បន្ទាប់ពីបង្កើនតម្លៃខ្លួន ១៥០ភាគរយ។

លេខ៩៖ កីឡាករ Jurrien Timber (៣៥លានអឺរ៉ូ) ។ គាត់​ត្រូវ​បាន​គេ​ចាត់​ទុក​ថា​ជា​ខ្សែ​ការពារ​កណ្តាល​ម្នាក់​ដ៏ល្អរបស់ Ajax នាពេលអនាគត ហើយ​នៅ​អាយុ​ត្រឹម​តែ ២១ឆ្នាំ​ប៉ុណ្ណោះ​បាន​ឃើញ​តម្លៃ​ខ្លួន​កើន​ឡើង ១០៦ ភាគរយ។

លេខ៨៖ កីឡាករ Aurelien Tchouameni (៦០លានអឺរ៉ូ) ។ ការជំនួសតំណែងរបស់ Casemiro និងកំពុងក្លាយជាកីឡាករគួរឲ្យកត់សម្គាល់របស់ Real Madrid នៅដើមរដូវកាលនេះ មានតម្លៃកើន ៥០ភាគរយ បើគិតតាំងពីដើមខែមករា។

លេខ៧៖ កីឡាករ Gavi (៦០លានអឺរ៉ូ) ។ ខ្សែបម្រើរូបនេះបានវិវឌ្ឍន៍ខ្លួនក្នុងជម្រើសដំបូងជាមួយ Xavi ហើយទើបតែមានអាយុ ១៨ឆ្នាំ។

លេខ៦៖ កីឡាករ Rodrygo (៦០លានអឺរ៉ូ) ។ កីឡាករប្រេស៊ីល ដែលជាវីរបុរស នៃវគ្គពាក់កណ្តាលផ្តាច់ព្រ័ត្រទល់នឹង Manchester City មានតម្លៃ ៥០ភាគរយ ច្រើនជាងប៉ុន្មានខែមុន។

លេខ៥៖ កីឡាករ Hugo Ekitike (២៨លានអឺរ៉ូ) ។ ខ្សែ​ប្រយុទ្ធ​សញ្ជាតិ​បារាំង​ ដែលប្រដូចទៅ​នឹង Kylian Mbappe ហើយ​ដែល​បាន​មក​ដល់​ទីក្រុង​ប៉ារីស ក្នុងលក្ខខណ្ឌខ្ចីជើងពេញមួយរដូវកាលជាមួយនឹងជម្រើសក្នុងការទិញ។ រូបគេមានតម្លៃ​ខ្លួនលើស​ពី​ខែ​មករា​ ដល់​ទៅ ៣៦៧ភាគរយ។

លេខ៤៖ កីឡាករ Darwin Nunez (៥៥លានអឺរ៉ូ) ។ ខ្សែប្រយុទ្ធអ៊ុយរូហ្គាយ ដែលក្រុម Liverpool របស់លោក Klopp ចំណាយ ៨០លានអឺរ៉ូនៅរដូវក្តៅនេះ មានតម្លៃ ៧២ភាគរយ ច្រើនជាង ៨ខែមុន។

លេខ៣៖ កីឡាករ Luis Diaz (៦៥លានអឺរ៉ូ) ។  ខ្សែប្រយុទ្ធសញ្ជាតិកូឡុំប៊ីមានតម្លៃ ២៥លានអឺរ៉ូ ច្រើនជាងក្នុងខែធ្នូ ឆ្នាំ២០២១ ដែលកើនឡើង ៦២,៥ ភាគរយ។

លេខ២៖ កីឡាករ Christopher Nkunku (80 លានអឺរ៉ូ) ។ ខ្សែប្រយុទ្ធជម្រើសជាតិបារាំង មានការចាប់អារម្មណ៍ពីក្រុមដូចជា Real Madrid ហើយជាតារាឆ្នើមរបស់ក្លិប RB Leipzig ដូច្នេះតម្លៃរបស់គាត់គឺខ្ពស់ជាង ៤៥,៥ភាគរយ ។

លេខ១៖ កីឡាករ Rafael Leao (៧០លានអឺរ៉ូ) ។ ខ្សែបម្រើស្លាបសញ្ជាតិព័រទុយហ្គាល់ ដែលធ្លាប់ជាតួឯក និងជាអ្នកដឹកនាំក្រុមជើងឯកអ៊ីតាលី AC Milan ហើយបានមើលឃើញតម្លៃខ្លួនកើនឡើង ១០០ ភាគរយ។

ប្រភព៖ Marca & Transfermarkt

កីឡាករ Vinicius Junior ឥឡូវនេះបាន​ក្លាយជាពលរដ្ឋនៃប្រទេសអេស្ប៉ាញជាផ្លូវការហើយ បើតាមការបញ្ជាក់របស់ក្លឹប Real Madrid ។

វា​មាន​ន័យ​ថា​ក្លឹប​ឥឡូវ​នេះសល់កៅអីក្រៅសហភាព​អឺរ៉ុប​មួយ​ដែល​អាច​ប្រើ​បាន​។ Real Madrid អាចនឹងសម្រេចចិត្តចុះឈ្មោះ Vinicius Tobias ជាសមាជិកក្រុមដំបូង ឬរង់ចាំរហូតដល់ទីផ្សារដោះដូរកីឡាករខែមករា ដើម្បីចុះហត្ថលេខាលើកីឡាករដែលមិនមែនជាសហភាពអឺរ៉ុប។

គួរបញ្ជាក់ផងដែរថា Real Madrid គ្រោងនឹងចុះហត្ថលេខាលើកីឡាករ Jude Bellingham នៅរដូវក្តៅក្រោយ ហើយគាត់ក៏នឹងកាន់កាប់កន្លែងកីឡាករដែលមិនមែនសហភាពអឺរ៉ុបផងដែរ។

ជាការកត់សម្គាល់ Real Madrid មិនបានទិញ Gabriel Jesus នៅរដូវក្តៅនេះទេ ដោយសារតែគាត់មិនអាចចុះឈ្មោះក្នុងក្រុមដំបូងបាន។ Eder Militao និង Rodrygo ក៏កំពុងធ្វើដំណើរទៅទទួលលិខិតឆ្លងដែនអេស្ប៉ាញផងដែរ បើ​តាមការរាយការណ៍ពី Relevo ។

ប្រភព៖ Real Madrid; Relevo

Lisandro Martinez បានធ្វើឱ្យអ្នកគាំទ្រ Man United ជាច្រើនភ័យខ្លាច នៅពេលដែលគាត់បានដើរចេញពីទីលាន កំឡុងពេលឈ្នះ 3-1 លើក្រុម Arsenal ហើយជំនួសវិញដោយ Harry Maguire។

វា​ហាក់​ដូច​ជា​គាត់​បាន​រង​របួស​ធ្ងន់ធ្ងរ ប៉ុន្តែ​វា​ហាក់​ដូច​ជា​មិន​មែន​ជា​ករណី​អាសន្ននោះ​ទេ។ យោងតាមអ្នកកាសែត TYC Sports Gaston Edul ខ្សែការពារកណ្តាលអាហ្សង់ទីនមិនបានទទួលរងនូវអ្វីដែលធ្ងន់ធ្ងរនោះទេ។

គាត់​គ្រាន់​តែរបួសប៉ោងសាច់ដុំភ្លៅ​ដោយ​សារ​តែ​ធ្វើ​ការ​ហួសកម្លាំង ហើយ​របួស​នេះ​នឹង​សះស្បើយឡើង​វិញ​ក្នុង​រយៈពេល​មិន​ដល់១០​ថ្ងៃ​ហើយ​បើ​មាន​គ្រូពេទ្យ​កាយសម្បទា​មើល​ថែទៀត​នោះ​វា​កាន់​តែឆាប់ ។ Martinez មិន​គួរ​អវត្តមាន​យូរ​ទេ ហើយ​គាត់​អា​ចនឹង​មាន​វត្តមានក្នុង​ការ​ប្រកួត Premier League ជាមួយ Leeds United។

ប្រភព៖ Gastonedul @Twitter

ព្រឹត្តិការណ៍ការ​ប្រកួតពាន​រង្វាន់បាល់ទាត់​ហ្វូតសាល៥ទល់៥ ​វ័យក្រោម ១៣ឆ្នាំ ១៥ឆ្នាំ ១៧ឆ្នាំ និង​ហ្វូតសាល​ឈុត​នារី​នឹង​លេច​រូបរាងនៅខេត្តបាត់ដំបង​ក្នុង​ពេលឆាប់​ៗនេះហើយ។

លោក ផៃ បរិញ្ញា ដែលជាអ្នក​ផ្ដួចផ្ដើមគំរោង​នៃ​ព្រឹត្តិការណ៍នេះ​បាន​និយាយថាមូលហេតុ​នៃការ​បង្កើតពាន​រង្វាន់បាល់ទាត់​ហ្វូតសាល​៥ទល់៥ ​វ័យក្រោម ១៣ឆ្នាំ ១៥ឆ្នាំ ១៧ឆ្នាំ និង​ហ្វូតសាល​ឈុត​នារី​នេះដោយ​សារ​ស្រឡាញ់ និង​ចង់ឱ្យ​ខេត្តបាត់ដំបងមានធនធានកីឡាករល្អ​ដូច​នៅភ្នំពេញ។

លោក​បាន​និយាយបែប​នេះ៖«អាចថាវាជាអារម្មណ៍ស្រឡាញ់ក៏ថាបានបង ដោយសារតែខ្ញុំឃើញក្មេងៗនៅទីនោះគាត់ស្រឡាញ់ការលេងកីឡា ជាពិសេសបាល់ទាត់នឹងតែម្ដង»។

«ជាក់ស្ដែងទៅខេត្ដបាត់ដំបង មិនមែនជាស្រុកកំណើតរបស់ខ្ញុំទេ ហើយខ្ញុំសម្រេចជ្រើសរើសខេត្ដបាត់ដំបងក៏ដោយសារតែខ្ញុំចង់ឃើញយុវជនក្មេងៗតាមបណ្ដាខេត្ដគាត់មានការប្រកួតប្រជែងជាលក្ខណៈស្ដង់ដាមួយដូចនៅភ្នំពេញ និងមានឱកាសបានបង្ហាញសមត្ថភាពនៅលើទីលាន»។

លោក​បាន​បន្ត​ថា កាលបរិច្ឆេទចាប់ផ្ដើមអត់ទាន់ប្រាកដថ្ងៃទេ ដោយសារកត្ដាដៃគូរឧបត្ថម្ភ។

«ឥឡូវនេះមិនទាន់មានអ្នកចូលរួមទេបង ប៉ុន្ដែខ្ញុំកំពុងធ្វើការស្នើសុំទៅក្រុមហ៊ុនមួយចំនួនដែរ។ ទាក់ទងទៅនឹងម្ចាស់ឧបត្ថម្ភសុំលាក់សិនបង ព្រោះអត់ទាន់ដឹងថាគាត់បានចូលរួមជាមួយខ្ញុំរឺក៏អត់ទេបង ព្រោះឥឡូវនេះការស្នើសុំខ្ញុំបានរៀបចំរួចរាល់អស់ហើយបង ចាំតែគាត់ Okay តែប៉ុណ្ណឹងបង»។

«សំណូមពរសម្រាប់ខ្ញុំសង្ឃឹមថាមានក្រុមហ៊ុនមួយចំនួន គាត់ងាកមកជួយអភិវឌ្ឍន៍យុវជនតាមបណ្ដាខេត្ដ ជាពិសេសក្មេងៗតាមបណ្ដាខេត្ដគាត់ក៏ចង់មានឱកាស​លេងពានដែលផ្លូវការដូចភ្នំពេញដែរ ហើយសម្រាប់ពានរបស់ខ្ញុំនៅតែត្រូវការអ្នកឧបត្ថម្ភជានិច្ច ដើម្បីឱ្យពានរង្វាន់មួយនេះបានដំណើរការទៅដោយរលូន ហើយយើងនឹងមានកម្មវិធីប្រកួតពានបែបនេះរាល់ឆ្នាំ សម្រាប់តាមបណ្ដាខេត្ដប្រសិនបើមានក្រុមហ៊ុនគាត់ជួយឧបត្ថម្ភ»៕

កីឡាករ Real Madrid បីនាក់បានចាកចេញពីក្លឹបក្នុងនាមជាភ្នាក់ងារឥតគិតថ្លៃនៅរដូវក្តៅនេះ ហើយ 7 នាក់ទៀតអាចធ្វើតាមពួកគេដែរនៅឆ្នាំ 2023 ។

នោះក៏ព្រោះតែកិច្ចសន្យារបស់ Karim Benzema, Toni Kroos, Luka Modric, Nacho, Mariano, Marco Asensio និង Dani Ceballos ផុតកំណត់នៅចុងបញ្ចប់នៃរដូវកាលនេះ។

ទោះជាយ៉ាងណាក៏ដោយ របាយការណ៍បាននិយាយថាក្លឹបនឹងសម្លឹងមើលការបន្តកិច្ចព្រមព្រៀងរបស់ Benzema, Nacho និង Ceballos ។ អនាគតរបស់ Modric​ នឹងអាស្រ័យលើការលេងរបស់គាត់នៅរដូវកាលនេះ។

សម្រាប់ Kroos អធិរាជសចង់ឱ្យគាត់ស្នាក់នៅ ប៉ុន្តែខ្សែបម្រើរូបនេះបានសញ្ជឹងគិតអំពីការចូលនិវត្តន៍មុនកំណត់ ហើយនឹងសម្រេចចិត្តអនាគតរបស់គាត់ឆ្ពោះទៅចុងបញ្ចប់នៃរដូវកាលនេះ។

តើអ្នកគិតថាអ្នកណាសមនឹងទទួលបានកុងត្រាបន្ថែម?

សហព័ន្ធកីឡាបាល់ទាត់ហូឡង់ (KNVB) បានផ្តល់ការឆ្លើយតបចំពោះបាតុភូតកីឡាករហូឡងជាច្រើននាក់ត្រូវបានចូលសញ្ជាតិឥណ្ឌូនេស៊ីមិនថាពួកគេមានដើមកំណើតហូឡង់ ឬដើមកំណើតផ្សេងនោះទេ។

កីឡាករ​ហូឡង់​ជាច្រើន​មាន​សញ្ជាតិ​ក្នុង​ប្រទេស​ឥណ្ឌូណេស៊ី អគ្គលេខាធិការ KNVBថា កុំ​ឱ្យមាន​ច្រើន​ពេក។ ដូចដែលអ្នកបានដឹងហើយថាមានកីឡាករជនជាតិហូឡង់ខ្លះ ដែល​ពេល​នេះបាន​ក្លាយជាជនជាតិឥណ្ឌូនេស៊ី ដូចជា Ezra Walian, Stefano Lilipaly, Shandy Walsh និង Shayne Pattynama ។

Marc Klok ក៏​ជា​ឧទាហរណ៍​មួយ​របស់​កីឡាករ​ដើម​កំណើតហូឡង់​ (គ្មាន​ឈាម​ឥណ្ឌូណេស៊ី) ដែល​មាន​សញ្ជាតិ​នៅ​ឥណ្ឌូនេស៊ី។ កាលពីមុនក៏មានឈ្មោះកីឡាករមយយចំនួនដូចជា Jhon van Beukering, Ruben Wuarbanaran, Sergio van Dijk, Tonnie Cusell, និង Raphael Maitimo ។

មិន​ផ្ដោត​ពីពីគម្រោងបង្កើតសញ្ជាតិសម្រាប់ U-20 World Cup 2023 កីឡាករមួយចំនួនដែលឮចូលសញ្ជាតិ ក៏មានអត្តសញ្ញាណមិនត្រូវបានបង្ហាញនិង​បញ្ជាក់មកពីប្រទេស​ហូឡង់ផងដែរ។ ពាក់ព័ន្ធនឹងបញ្ហានេះ សមាគមបាល់ទាត់ហូឡង់តាមរយៈលោក Gijs de Jong បានផ្តល់មតិកែលម្អ។ លោកបានវាយតម្លៃថា ការចូលសញ្ជាតិនឹងមានឥទ្ធិពលវិជ្ជមានដល់ក្រុមជម្រើសជាតិឥណ្ឌូនេស៊ី។ ទោះយ៉ាងណាក៏ដោយ លោកក៏បានបញ្ជាផងដែរថា កីឡាករហូឡង់មិនច្រើនទេ ដែលត្រូវបាន PSSI ចូលសញ្ជាតិ។

Gijs de Jong បាននិយាយទៅកាន់ប្រព័ន្ធផ្សព្វផ្សាយកាលពីថ្ងៃព្រហស្បតិ៍ (1/9/2022) ថា៖ “បាទ Marc Klok គឺជាឧទាហរណ៍មួយ។ គាត់ធ្លាប់ជាកីឡាករនៅប្រទេសហូឡង់ ហើយឥឡូវនេះគាត់កំពុងពង្រឹងក្រុមជម្រើសជាតិឥណ្ឌូនេស៊ី” ។

លោក​បាន​បន្ថែម​ពេល​សើច​ថា​៖ «​បាទ ពិត​ណាស់​វា​ល្អ ប៉ុន្តែ​កុំច្រើនពេក​»។ Gijs de Jong ខ្លួនគាត់ផ្ទាល់បច្ចុប្បន្ននៅទីក្រុងហ្សាកាតា ប្រទេស​ឥណ្ឌូនេស៊ី​។ ការមកដល់របស់គាត់គឺដើម្បីជូនដំណឹងថា សមាគមបាល់ទាត់ហូឡង់នឹងរៀបចំពិធីបុណ្យ Oranje Indonesia ។ ព្រឹត្តិការណ៍នេះនឹងប្រារព្ធឡើងនៅកីឡដ្ឋាន Gelora Bung Karno (SUGBK) ដែលជាកូីឡដ្ឋាន​ធំ ស្ថិតក្នុងតំបន់ Senayan ទីក្រុងហ្សាតាការ ថ្ងៃទី 25 ខែវិច្ឆិកា ឆ្នាំ 2022។