ក្លឹប Barcelona ជំពាក់ Frenkie de Jong ដល់ទៅ 16 លានអឺរ៉ូ ដែល១៦លាននេះបានមក​ពីការពន្យារពេលបង់ប្រាក់បៀវត្សរ៍ទៅឱ្យកីឡការ នេះបើយោងតាមកាសែត The Telegraph សរសេរដោយលោក James Ducker ។

នេះ​ជា​ហេតុផល​ដែល​ការ​ផ្លាស់​ទៅ Manchester United របស់​គេ​បច្ចុប្បន្ន​ត្រូវជាប់គាំង។ ក្លិបមានមូលដ្ឋាននៅ Catalans មិនអាចបង់លុយនេះឱ្យគាត់ភ្លាមៗនេះបានទេ។

រឿងបែបនេះធ្វើឱ្យសំណួរមួយបានលេច​ឡើងថាតើ Barca ចំណាយមួយផ្នែកនៃប្រាក់ចំណូលរបស់ពួកគេពីការជំរុញសេដ្ឋកិច្ចទីពីរលើបញ្ហានេះ – ឬមករកវិធីទូទាត់សងផ្សេងទៀតជំនួសវិញ។

ប្រាក់ចំណូលរបស់ Frenkie de Jong ត្រូវបានគេរាយការណ៍ថានឹងកើនឡើងច្រើនចាប់ពីរដូវកាលនេះ មិនត្រឹមតែដោយសារតែប្រាក់បៀវត្សរ៍ដែលត្រូវបានពន្យារពេលប៉ុណ្ណោះទេ ប៉ុន្តែក៏ដោយសារតែប្រាក់រង្វាន់បន្ថែមដែលបានកំណត់ក្នុងកិច្ចសន្យារបស់គាត់ផងដែរ។

ប្រសិនបើគាត់យល់ព្រមលើការកាត់ប្រាក់ខែដ៏សំខាន់នេះ​ កីឡាករសញ្ជាតិ​ហូឡង់នឹងបន្តស្នាក់នៅក្នុងក្លឹបដដែល។

ប្រភព៖ The Telegraph

Fabrizio Romano បានបញ្ចេញពន្លឺខ្លះៗអំពីស្ថានភាព Cristiano Ronaldo នៅ Manchester United និងមូលហេតុដែលគាត់ព្យាយាមចាកចេញ។

“Cristiano Ronaldo គឺជាអ្នកគាំទ្រដ៏ធំនៃការងាររបស់ Erik ten Hag ។ សម្រាប់គាត់ Ten Hag មិនមែនជាបញ្ហាទេ។ បញ្ហាពិតប្រាកដគឺគម្រោង ការចុះហត្ថលេខា និងជំហានជាច្រើនរបស់ Man United “។

“ក្នុងរយៈពេលប៉ុន្មានថ្ងៃចុងក្រោយនេះ Cristiano បាននិយាយទៅកាន់ Manchester United តាមរយៈភ្នាក់ងាររបស់គាត់ ហើយបានស្នើសុំចាកចេញពីក្លឹបនៅរដូវក្តៅនេះ”។

“Cristiano ចង់​ទៅ​សាក​ល្បង​អ្វី​ដែល​ខុស​ពី​គេ – គាត់​មិន​សប្បាយ​ចិត្ត​នឹង​មហិច្ឆតា​របស់​ក្លឹប​ក្នុង​ទីផ្សារ​ដោះដូរទេ។ ឥឡូវ​នេះ ពួក​គេ​បាន​ចុះ​ហត្ថលេខា​ជាមួយ Tyrell Malacia ហើយ Christian Eriksen ក៏ជិត​ទទួលបាន​ផង​ដែរ”។

“ការចរចារបស់ Frenkie De Jong កំពុងបន្ត ដូច្នេះចាំមើលថាតើមានអ្វីបន្ទាប់ទៀតកើតឡើង។ Lisandro Martinez គឺជាកីឡាករដែលពួកគេចង់បាន ប៉ុន្តែ Cristiano Ronaldo ចង់បានច្រើនជាងនេះ”។

“គាត់ជឿជាក់ថា Manchester City ស្ថិតនៅលើកម្រិតមួយផ្សេងទៀត ហើយក៏ជា Liverpool បន្ទាប់ពីចុះហត្ថលេខាលើ Darwin Nunez និងបន្តកុងត្រារបស់ Mohamed Salah” ។

“Tottenham Hotspur និង Arsenal ធ្វើបានល្អក្នុងទីផ្សារ ដូច្នេះការគិតរបស់ Cristiano គឺថា Manchester United មិនស្ថិតក្នុងកម្រិតល្អបំផុតនៅក្នុង Premier League ហើយប្រឈមមុខនឹងហានិភ័យនៃការមិនស្ថិតក្នុងតំណែងកំពូលនៃ Premier League នៅរដូវកាលក្រោយ”។

“នេះជាមូលហេតុដែល Cristiano មិនសប្បាយចិត្ត ហើយបានសុំចាកចេញពីក្លឹប ហើយនេះជាមូលហេតុដែល Jorge Mendes កំពុងធ្វើការលើលទ្ធភាពជាច្រើន”។

ប្រភព៖ Fabrizio Romano តាមរយៈ Youtube

កាសែតដ៏ធំមួយរបស់អង់គ្លេស The Mirror បានធ្វើការចុះផ្សាយពីអតីតយុវជនថ្នាលរបស់ក្លិប Leicester City គឺខ្សែប្រយុទ្ធវ័យ ២២ឆ្នាំ Jozsef Keaveny ដែលបានចូលនិវត្តន៍ពីបាល់ទាត់អាជីពនៅអាយុ ២១ឆ្នាំបន្ទាប់ពីរបួសរ៉ាំរ៉ៃជាច្រើនលើកជាច្រើនសារ ប៉ុន្តែរូបគេបានសាងភាពលេចធ្លោរក្នុងលីគបាល់ទាត់កម្ពុជា បន្ទាប់ពីលោក Alistair Heath ដែលជាគ្រូបង្វឹកថ្មីរបស់អង្គរថាយហ្គឺរបានទាក់ទងគេមកចូលរួមក្រុមនៅដើមរដូវកាលឆ្នាំ២០២២នេះ។

ការទាក់ទងឲ្យមកកាន់ទឹកដីខេត្តសៀមរាបពីលោក Alistair Heath អតីតគ្រូបង្វឹកថ្នាលយុវជនរបស់ Leicester ស្រាប់ ដែលត្រូវបានតែងតាំងជាអ្នកចាត់ការថ្មី អង្គរថាយហ្គឺរ មក Jozsef Keaveny វាជាការសម្រេចចិត្តត្រង់មិនចាំបាច់មានការគិតច្រើនលើកច្រើនសារនោះទេ។ ប៉ុន្តែផ្លូវឆ្ពោះទៅមុខនៅទីនេះមិនមែនជាភាពងាយស្រួលប៉ុន្មានទេសម្រាប់រូបគេ ដោយអាជីពបាល់ទាត់ដែលធ្លាប់ស្គាល់បានធ្លាក់ចុះដោយការរងរបួសរ៉ាំរ៉ៃ ការវះកាត់ជាច្រើនដង និងច្រើនជាងមួយពេលដែលវាបង្ហាញថាថ្ងៃនៃការលេងរបស់គាត់អាចនឹងឈានដល់ទីបញ្ចប់។ សមាជិកដែលមានការវាយតម្លៃខ្ពស់នៃសាលា Leicester យុវជន Keaveny បានឆ្លងកាត់ក្រុមថ្នាលជាមួយមិត្តរួមក្រុមផ្សេងៗដែលកំពុងសាងភាពលេចធ្លោនៅអឺរ៉ុបដូចជា Kiernan Dewsbury-Hall និង Calvin Bassey ហើយនៅអាយុ ១៦ឆ្នាំគាត់បានឈានជើងចូលវគ្គបណ្តុះបណ្តាលជាន់ខ្ពស់ជាមួយក្រុមធំក្នុងឱកាសកំឡុង Leicester ការឈ្នះពានរង្វាន់លីគកំពូលអង់គ្លេសឆ្នាំ២០១៦ ។ គ្រានោះដែរគាត់ក៏ទទួលបានការហៅទៅកាន់ក្រុមជម្រើសជាតិអៀរឡង់អាយុក្រោម ១៧ឆ្នាំ ថែមទៀតផង។ ក្នុងឆ្នាំ២០១៩ រូបគេក៏ផ្លាស់ទៅប្រទេស Cyprus សម្រាប់ឆ្នាំដ៏ជោគជ័យមួយនៅ AEK Larnaca នៃក្របខណ្ឌ Cypriot First Division ។ Jozsef Keaveny ក៏បានជួបបញ្ហារបួសជាបន្តទៀត រហូតដល់ជំងឺរាតត្បាតមកដល់ គាត់បានត្រលប់មកផ្ទះវិញ ហើយនៅពេលនោះគឺមានគាត់បានចូលនិវត្តន៍ពីការលេងអាជីព។

Keaveny មានភាពស្រងូតស្រងាត់អំពីអាជីពបាល់ទាត់បច្ចុប្បន្នរបស់គាត់ តែក៏អរគុណដែលត្រូវបានផ្តល់ឱកាសឱ្យរីករាយក្នុងការលេងដោយបន្ទាប់ពីរបួសជាសះស្បើយឡើងវិញ។ គាត់បន្ថែមថា «ជាមួយនឹងអ្វីគ្រប់យ៉ាងនៅក្នុងជីវិត របស់ខ្លះមិនដើរតាមអ្នកទេ ប៉ុន្តែអ្នកត្រូវតែបន្ត។ ខ្ញុំមានពេលលំបាកខ្លះ ប៉ុន្តែខ្ញុំរីករាយនឹងបាល់ទាត់របស់ខ្ញុំម្ដងទៀត»។ រូបគេក៏បានបន្តនិយាយរាល់ការប្រកួតក្នុងផ្ទះរបស់ Tigers ធ្វើឡើងនៅពាក់កណ្តាលរសៀល ដោយសារកីឡដ្ឋានរបស់ពួកគេមិនទាន់មានភ្លើងបំភ្លឺ។ ប៉ុន្តែនោះមិនគ្រប់គ្រាន់ទេក្នុងការបន្ថយល្បឿនក្នុងលីគដែលកំពុងរីកចម្រើនយ៉ាងឆាប់រហ័សមួយផ្នែកដោយសារការវិនិយោគសំខាន់ៗពីថ្នាក់ដឹកនាំមកពីប្រទេសជប៉ុន។

ខ្សែប្រយុទ្ធសញ្ជាតិអៀឡង់-អង់គេ្លស Jozsef Keaveny បានស៊ុតបាល់បញ្ចូលទីចំនួន ៤គ្រាប់ក្នុង ៦ប្រកួតដំបូងរបស់គាត់នៅលីគកំពូលកម្ពុជា។ គាត់បានបានបន្ថែមថា «វាមិនមែនជារបៀបការលេងបាល់ដ៏វែងនោះទេនៅទីនេះ ប៉ុន្តែនៅពេលការបញ្ចប់ទីវាត្រូវតែល្បឿនលឿន។ វាត្រូវការការសម្របខ្លួនមួយចំនួនទៀត។ តាមខ្ញុំយល់ឃើញ បាល់ទាត់កម្ពុជាមានការរីកចម្រើនពីមួយឆ្នាំទៅមួយឆ្នាំ។ សូម្បីតែមើលការរំលេចពីឆ្នាំមុនបើធៀបនឹងឆ្នាំនេះ ដែលខ្ញុំបានតាមដាននៅលើ YouTube ហើយអ្នកអាចមើលឃើញថាវាត្រូវបានរីកចម្រើនច្រើន»៕

សមាជិកលីគកំពូលដាណាម៉ាក Obi Odense បានបញ្ចេញការខ្ចីជើង ខ្សែការពារវ័យក្មេងឈាមជ័រថៃដាណាម៉ាក Jonathan Khemdee របស់ក្រុមជម្រើសជាតិថៃ ចូលរួមជាមួយ Neastved Bold Club ដែលជាក្រុមក្នុងលីគទី២ ក្នុងរយៈពេលមួយរដូវកាល។ ទោះបីជាមានពាក្យចចាមអារ៉ាមថារូបគេនឹងផ្ទេរទៅលេងបាល់ទាត់នៅលីគថៃក៏ដោយ។

ខ្សែការពារកណ្តាលវ័យ ២០ឆ្នាំដែលមានកម្ពស់ ១៩០សង់ទីម៉ែត្ររូបនេះ ទើបតែបានបញ្ចប់បេសកកម្មដើម្បីជួយក្រុមជម្រើសជាតិថៃ U-23 ក្នុងជុំផ្តាច់ព្រ័ត្រ AFC U23 Asian CUP 2022 នៅប្រទេសអ៊ូសបេគីស្ថានកាលពីខែមិថុនាកន្លងទៅ។ បន្ទាប់ពីរួមចំណែកជួយក្រុមដណ្តើមបានមេដាយប្រាក់នៃការប្រកួតកីឡាបាល់ទាត់បុរសស៊ីហ្គេមឆ្នាំ 2021 នៅប្រទេសវៀតណាមកាលពីខែឧសភានាពេលកន្លងមកផងដែរ។ មុនពេលមានពាក្យចចាមអារ៉ាមជាច្រើនក្នុងពិភពបាល់ទាត់ថៃថាក្លិបយក្ស Thai League ចាប់អារម្មណ៍ចង់នាំយកពួកគេចូលរួមក្រុម។ ទោះជាយ៉ាងណាក៏ដោយ ពាក្យចចាមអារ៉ាមចុងក្រោយបានស្ងប់ស្ងាត់ភ្លាមៗ បន្ទាប់ពីក្លិប Obi Odense បានប្រកាសថារូបគេនឹងខ្ចីជើងទៅក្លិប Niestved Bold ដែលជាក្រុមនៃក្របខ័ណ្ឌ Danish first-division (លីគទីពីរ) សម្រាប់មួយរដូវកាលដើម្បីមានឱកាសលេងកាន់តែច្រើន។

Jonathan Khemdee មានឪពុករបស់គាត់គឺជាជនជាតិដាណឺម៉ាក និងម្តាយជាជនជាតិថៃ ដោយរូបគេជាយុវជនថ្នាលរបស់ Odense BK Youth ហើយត្រូវដំឡើងមកកាន់ក្រុមធំនៅពាក់កណ្ដាលឆ្នាំ២០២១ ជាមួយកិច្ចសន្យារហូតដល់ខែមិនថុនាឆ្នាំ២០២៤។ Jonathan ចាប់ផ្តើមចូលរួមជាមួយជាមួយក្រុមជម្រើសជាតិថៃអាយុក្រោម២៣ឆ្នាំ ជាលើកដំបូង ក្នុងវគ្គជម្រុះជើងឯកអាស៊ីឆ្នាំ២០២២ នៅប្រទេសម៉ុងហ្គោលី នៅចុងឆ្នាំ២០២១ និងបន្តកោះហៅចូលក្រុមជម្រើសជាតិថៃឈុតធំ ក្នុង AFF Suzuki Cup 2020 ឆ្នាំ២០២១ នៅប្រទេសសិង្ហបុរី ។

នៅក្នុងបទសម្ភាសន៍ថ្មីៗនេះជាមួយ Los Blancos Zone វីរបុរសរបស់ក្លឹប Real Madrid លោក Roberto Carlos ត្រូវបានស្នើឱ្យជ្រើសរើសកីឡាករល្អបំផុតរវាង Lionel Messi និង Cristiano Ronaldo ។ ចម្លើយរបស់គាត់ប្រហែលជាគួរឱ្យភ្ញាក់ផ្អើលបន្តិច។

លោក Roberto Carlos បាននិយាយទាំងសើចថា “Vinicius Junior” ។
គាត់បានបន្ថែមថា “Messi និង Ronaldo គេឈប់និយាយហើយ។ ឥឡូវនេះគេនិយាយអំពី Vinicius Junior” ។បើនិយាយពីអាជីពវិញ Vinicius នៅក្រោមឆ្ងាយពី Messi និង Ronaldo នៅឡើយ។ បើយើងនិយាយអំពីរដូវកាលមុន កីឡាករប្រេស៊ីលប្រាកដជាល្អបំផុតក្នុងចំណោមអ្នកទាំងបី។

កីឡាករវ័យ 21 ឆ្នាំរូបនេះបានបញ្ចប់អាណត្តិ 2021/2022 ដោយស៊ុតបញ្ចូលទីបាន 22 គ្រាប់ និងបញ្ជូនបាល់ដងក្នុង 52 ប្រកួតសម្រាប់ Madrid ខណៈដែលឈ្នះពានរង្វាន់ចំនួន 3 ។ នោះច្បាស់ណាស់ថាល្អជាង Ronaldo ដែលរដូវកាលមុនស៊ុតបាន 24 គ្រាប់ និង Assist 3 គ្រាប់ និង Messi 11 គ្រាប់ និង Assist 15 គ្រាប់។

Cristiano Ronaldo ត្រូវបានគេរាយការណ៍ថាគាត់បានប្រាប់ Man United ថាគាត់ចង់ចាកចេញ ហើយចូលរួមជាមួយក្លឹបដែលធានាគាត់ឱ្យលេងនៅ Champions​ League នៅរដូវកាលក្រោយ។

អតីតខ្សែប្រយុទ្ធក្រុម Chelsea លោក Tony Cascarino បានបង្កើតទ្រឹស្តីមួយ និងមូលហេតុដែលវាទាក់ទងនឹង Lionel Messi ។ គាត់បានប្រាប់ Talksport ថា៖ “Ronaldo គឺជាកីឡាករម្នាក់ដែលតែងតែមានភាពអត្មានិយម”។

“វាច្រើនទាក់ទងនឹងគាត់ ប៉ុន្តែក្រុមដែលគាត់លេងសុទ្ធតែទទួលបានជោគជ័យ ដូច្នេះគាត់​តែងតែចង់ជោគជ័យ ទោះបីពេល​ខ្លះក្លិបនោះ​កំពុងជួបការ​លំបាក”។

“ពិតជាល្អណាស់ គាត់ស៊ុតបញ្ចូលទីបាន គាត់ទទួលបានការសរសើរ គាត់គឺជាកីឡាករដ៏អស្ចារ្យបំផុតដែលមិនធ្លាប់មាន។ អ្នក​អាច​មាន​អ្វី​ទាំង​អស់ ហើយ​វា​ល្អ ដរាបណា​អ្នក​ឈ្នះ។ ពេល​អ្នក​មិន​ឈ្នះ ឥឡូវ​អ្នក​មាន​បញ្ហា”។

“ខ្ញុំបាននិយាយពីអនាគត ខ្ញុំមានការសង្ស័យបន្តិច ពីព្រោះគាត់រកបាន 141 គ្រាប់នៅក្នុង Champions League ។ Messi ស៊ុតបាន 125។ គាត់មិនចង់ខកខានលេងបាល់ទាត់ Champions League ទេ ព្រោះគាត់ចង់ក្លាយជាអ្នកស៊ុតបញ្ចូលទីនៅ Champions League ដ៏អស្ចារ្យបំផុតគ្រប់ពេល ហើយនេះជារបៀបដែល Ronaldo ត្រូវបានបង្កើតឡើង»។

United មិន​សូវ​មាន​ចិត្ត​ចង់​ឲ្យ Ronaldo ចាកចេញ​ទេ បើ​ទោះ​បី​ជា​គាត់​ចង់​ធ្វើ​បែប​នេះ​ ហើយ​នឹង​ព្យាយាម​ឲ្យ​អស់​ពី​សមត្ថភាព​ដើម្បី​រក្សាគាត់​យ៉ាង​ហោច​ណាស់​មួយ​រដូវ​កាល​ទៀត។

ការទាមទារប្រាក់បៀវត្សរ៍សំខាន់ៗរបស់ Cristiano (គាត់ទទួលបានប្រហែល 25 លានផោនក្នុងមួយឆ្នាំនៅ Old Trafford)ហើយ​ឱកាស​ផ្ទេរទៅ​លេង​នៅ​ក្លិប​ដទៃ​ទៀត​អាចមិនជោគជ័យដោយសារក្លិប​ទាំងនោះមិនអាចផ្ដល់ប្រាក់ឈ្នួលគ្រប់​គ្រាន់ឱ្យ​គាត់។

ប្រភព៖ Talksport