នៅថ្ងៃទី២៥ខែខែសីហាឆ្នាំ២០២២​នេះ ឯកឧត្តម ហ៊ុន ម៉ានី និងមានការចូលរួមពីឯកឧត្តមអភិបាលខេត្តផងដែរ បានចូលរួមប្រកួតបាល់ទាត់មិត្តភាពជាមួយក្រុមកីឡាករក្លិបណាហ្គាវើលអេហ្វស៊ី នៅលើទីលានបាលទាត់នៃកីឡដ្ឋានខេត្តកំពង់ស្ពឺ។

កីឡដ្ឋានទើបសាងសង់ថ្មីមួយនេះ គ្រោងនឹងដាក់សម្ពោធឱ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរោបនីយកម្ម និងសំណង់ នាពេលឆាប់ៗខាងមុខនេះហើយ។

ក្នុងទំព័រហ្វេសបុកផ្លូវការរបស់ ឯកឧត្តម ហ៊ុន ម៉ានី លោក​បាន​បាន​សរសេរថា៖ «​ថ្ងៃនេះ ខ្ញុំ និងក្រុមការងារ ដោយមានការចូលរួមពីឯកឧត្តមអភិបាលខេត្តផងដែរ បានចូលរួមប្រកួតបាល់ទាត់មិត្តភាពជាមួយក្រុមកីឡាករក្លិបណាហ្គាវើល អេហ្វស៊ី នៅលើទីលានបាលទាត់នៃកីឡដ្ឋានខេត្តកំពង់ស្ពឺដែលគ្រោងនឹងដាក់សម្ពោធ​ឱ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរោបនីយកម្ម និងសំណង់ នាពេលឆាប់ៗខាងមុខនេះ។ សមិទ្ធផលថ្មីនេះនឹងលើកកម្ពស់មុខមាត់បន្ថែមទៀតដល់ខេត្តកំពង់ស្ពឺ ជាមួយនឹងការអភិវឌ្ឍរីកចម្រើនគ្រប់វិស័យផ្សេងទៀត ក្រោមម្លប់នៃសុខសន្តិភាព។ សូមបងប្អូនប្រជាពលរដ្ឋ ចូលរួមគាំទ្រ និងថែរក្សាកីឡដ្ឋាននេះដើម្បីជាប្រយោជន៍ដល់ការលើកកម្ពស់វិស័យកីឡាក្នុងខេត្តយើងផង និងឈានឆ្ពោះទៅបង្កើតស្នាដៃថ្មីលើឆាកជាតិ និងអន្តរជាតិបន្ថែមទៀត»។

កីឡដ្ឋានខេត្តកំពង់ស្ពឺមានតម្លៃ ២លានដុល្លារ សម្រេចការសាងសង់៩០% ហើយ បើគិតត្រឹមខែសីហា ឆ្នាំ២០២២ ខណៈបច្ចុប្បន្ន ក្រុមការងារសាងសង់កំពុងដំឡើងបង្គោលភ្លើងធំៗជុំវិញទីលានបាល់ទាត់ និង​សំណងបន្ទាប់បន្សំផ្សេងទៀត។​ កីឡដ្ឋានខេត្តកំពង់ស្ពឺ ដែលមានទីតាំងស្ថិតនៅក្នុងភូមិតាម៉ុល សង្កាត់ច្បារមន ក្រុងច្បារមន គឺជាក្តីសង្ឃឹមថ្មីមួយទៀតនៃវិស័យកីឡារបស់ខេត្តកំពង់ស្ពឺ ជាពិសេសជាការត្រៀមខ្លួនរបស់កម្ពុជាក្នុងការធ្វើជាម្ចាស់ផ្ទះកីឡាអាស៊ីអាគ្នេយ៍ SEAGAME ឆ្នាំ២០២៣។

សាងសង់លើផ្ទៃដីប្រមាណ ៤ហិចតា កីឡដ្ឋានស្តង់ដារអន្តរជាតិនេះ ធ្វើឡើងក្រោមជំនួយឧបត្ថម្ភជាង ២លានដុល្លារ របស់មូលនិធិណាហ្គាវើល ដែលគ្រោងនឹងបញ្ចប់ការសាងសង់ទាំងមូលក្នុងឆ្នាំ២០២២ នេះ៕

Man United បានដក​ចេញ​កីឡាករ​៩​នាក់​ផ្សេង​គ្នា​ពី​ក្រុម​កាល​ពី​រដូវ​កាល​មុន​ក្នុង​រយៈ​ពេល​ប៉ុន្មាន​ខែ​ចុង​ក្រោយ​នេះ។ ជាអកុសល បិសាចក្រហមមិនអាចទទួលបានថ្លៃផ្ទេរណាមួយសម្រាប់ទាំងនៅសល់ភាគច្រើនដូចជាភ្នាក់ងារឥតគិតថ្លៃ ឬខ្ចីជើង។

Eric Bailly គឺជាកីឡាករក្នុងក្រុមឈុតធំចុងក្រោយរបស់ Man Utd ដែលបានចាកចេញក្នុងលក្ខខ័ណ្ឌខ្ចីជើង ដែលធ្វើឱ្យគាត់ក្លាយជាកីឡាករក្រុមទី ៩ ដែលបានចាកចេញពី Old Trafford ក្នុងទីផ្សារដោះដូរកីឡាកររដូវក្តៅនេះ។

Dean Henderson និង Alex Telles គឺជាកីឡាករពីររូបផ្សេងទៀតដែលខ្ចីជើងមកទល់ពេលនេះ។ លើសពីនេះទៅទៀត Paul Pogba, Juan Mata, Jesse Lingard, Edinson Cavani, Lee Grant និង Nemanja Matic អស់កិច្ចសន្យា ហើយបានចាកចេញដោយមិនគិតថ្លៃនៅរដូវក្តៅនេះផង​ដែរ។

Man UItd ប្រហែលជាមិនទទួលបានថ្លៃផ្ទេរណាមួយសម្រាប់ពួគគេដែលចាកចេញនេះទេ ប៉ុន្តែបិសាចក្រហមបានសន្សំប្រាក់ប្រចាំឆ្នាំចំនួន 62 លានផោន (ដូចក្នុង Sportrac) សម្រាប់ប្រាក់ឈ្នួលមិនត្រូវ​បង់ឱ្យកីឡាករទាំងនោះរួមបញ្ចូលគ្នា។

ប្រាក់​ឈ្នួល​ដែល​បាន​រក្សា​ទុក​ទាំង​នេះ​នឹង​ត្រូវ​ដាក់​បញ្ចូល​ក្នុង​ការ​ទូទាត់​ការ​មក​ដល់​រដូវ​ក្តៅ​ថ្មី ហើយ​ជួយ United កាត់​បន្ថយ​វិក្កយបត្រ​ប្រាក់​ឈ្នួល​របស់​ពួក​គេ​បន្តិច​ផង​ដែរ។

ប្រភព៖ Sportrac

Casemiro មិនមែនជាកីឡាកររបស់ Real Madrid តែម្នាក់នោះទេ ដែលបានចូលរួមជាមួយ Manchester United នាពេលថ្មីៗនេះ ខណៈដែល Raphael Varane ក៏បានសម្រេចចិត្តផ្ទេរមកកាន់បិសាចក្រហមកាលពីរដូវក្តៅមុនផងដែរ។

កីឡាករសញ្ជាតិបារាំងរូបនេះ រីករាយចំពោះវត្តមានអតីតមិត្តរួមក្រុមរបស់គាត់ឡើងវិញ ហើយបានពន្យល់ពីហេតុផលនៅពីក្រោយការសម្រេចចិត្តរបស់ Casemiro ក្នុងការចែកផ្លូវជាមួយ Real Madrid ហើយផ្លាស់ទៅក្លឹបយក្សនៅ Premier League ។

Varane បាន​ប្រាប់ថ្លែងប្រាប់សារព័ត៌មាន PA ថា៖ «ពិតជារំភើប​ណាស់! ខ្ញុំ​បានដឹង​ពី​គុណភាព​របស់​គាត់​យ៉ាង​ច្បាស់។ គាត់អាចនាំមកនូវតុល្យភាពនៅក្នុងក្រុម និងជាពិសេសផ្នត់គំនិតរបស់គាត់។ គាត់ជាកីឡាករដ៍អង់អាចម្នាក់ ដូច្នេះខ្ញុំគិតថា គាត់នឹងរីករាយជាមួយបាល់ទាត់អង់គ្លេស។ ខ្ញុំស្គាល់ច្បាស់»

«ខ្ញុំគិតថា វាជារាត្រីដ៏ល្អឥតខ្ចោះសម្រាប់គាត់ក្នុងការមកដល់ Old Trafford ពីព្រោះបរិយាកាសទីនេះពិតជាអស្ចារ្យណាស់ ហើយគាត់បាននាំមកនូវជ័យជំនះ ដូច្នេះវានឹងល្អណាស់។ Casemiro មិនត្រូវការពិភាក្សាជាមួយខ្ញុំ ដើម្បីធ្វើជាជម្រើសរបស់គាត់ទេ។ ខ្ញុំបានដឹងច្បាស់ពីអារម្មណ៍របស់គាត់ និងមូលហេតុ ដែលគាត់មកទីនេះ បន្ទាប់ពីគាត់រស់នៅទីក្រុង Madrid។

«គាត់​ត្រូវ​ការ​ ការប្រកួត​ប្រជែង​ថ្មីៗ។​ ខ្ញុំ​ដឹង​ច្បាស់​ពី​មូលហេតុ​ ដែល​គាត់​ជ្រើសរើស​ក្លឹប​នេះ។ វា​ជា​ដំណើរ​ការ​ ដែលស្រដៀង​គ្នា​ទៅនឹងរឿង​ខ្ញុំ​មានដែរ ដូច្នេះ​ច្បាស់​ណាស់​ខ្ញុំ​ជូនពរ​គាត់​ ធ្វើឱ្យ​បាន​ល្អ​បំផុត ហើយ​ខ្ញុំ​​ក៏កំពុងនិយាយ​ជាមួយ​គាត់​ច្រើនដែរ ប៉ុន្តែ​គាត់​មិន​ត្រូវ​ការ​ឱ្យ​ខ្ញុំ​ធ្វើ​ផ្តល់ជាអ្វីសម្រាប់ជម្រើសគាត់ឡើយ»

ប្រភព៖ Marca
ប្រែសម្រួល៖ B8-Sport

ខ្សែប្រយុទ្ធ Kylian Mbappe របស់ក្លឹប Paris Saint-Germain នឹងចែករំលែកជាមួយលោក Michel Rio នូវកិត្តិយសនៃការស៊ុតបាល់បញ្ចូលទីបានលឿនបំផុតក្នុងប្រវត្តិសាស្ត្រ Ligue 1 របស់បារាំង បន្ទាប់ពីរូបគេអាចរកគ្រាប់បាល់ជាមួយនឹងក្រុម Lille ត្រឹមតែ ៨វិនាទីប៉ុណ្ណោះ។ ជាការពិតទៅ Kylian Mbappe មិនមែនជាកីឡាករដំបូងគេឡើយ ដែលរកបាល់បានលឿនបែបនេះ គឺ លោក Michel Rio សញ្ជាតិបារាំង លេងឲ្យក្លិប Caen ដែលជាកីឡាកររកគ្រាប់បាល់ស៊ុតបញ្ចូលទីលឿនបំផុតដំបូងគេ ក្នុងការប្រកួតបាល់ទាត់ Ligue 1 គឺធ្វើត្រឹម ៨វិនាទី ដោយរូបលោកធ្វើបានក្នុងការប្រកួតទល់នឹងក្លិប Cannes នៅ Stade de Venoix, Caen ប្រទេសបារាំង នៅថ្ងៃទី១៥ ខែកុម្ភៈឆ្នាំ១៩៩២ ។

១- ទស្សនាវីដេអូរបស់លោក លោក Michel Rio កាលពីឆ្នាំ១៩៩២៖

២- ទស្សនាវីដេអូរបស់ Kylian Mbappe ៖

កែសម្រួលដោយ៖ B8-sport
ប្រភព៖ ឯកសារបរទេស

បន្ទាប់ពីលោក Newin Chidchob ប្រធានក្លឹប Buriram United បានប្រកាសថា ក្លឹបនឹងមិនបញ្ជូនកីឡាករអាយុក្រោម ១៩ឆ្នាំទៅចូលរួមជាមួយក្រុមជម្រើសជាតិថៃឡើយ។ ដោយសារ​កីឡាករ​ត្រឡប់​ពី​ជំរុំ​វិញ​ដោយគ្មានវិន័យ… អ្នកខ្លះត្រឡប់មកវិញ ហើយចាប់ផ្តើមចេះជក់បារី ជប់លៀង និងផឹកស៊ីយ៉ាងសប្បាយ។

លោក Somyot Poompanmoung ប្រធាន​សមាគម​បាល់ទាត់​ថៃ លោកក៏​បាន​បើក​ចិត្ត​ចំពោះ​រឿង​បែប​នេះ​ថា៖ «រឿង​ក្រុម​យុវជនចាប់ពីអាយុក្រោម ២៣ឆ្នាំ ឬក្រោមនេះ ភាគី FIFA មិនកំណត់ច្បាប់ចំពោះបញ្ហានេះទេ ដូច្នេះវាជាសិទ្ធិរបស់ក្លឹបជាមួយនឹងទំនាក់ទំនងរបស់កីឡាករ ក្នុងករណីសម្រេចចិត្តចូលរួម ឬមិនចូលរួមជាមួយ​ក្រុម​ជម្រើស​ជាតិ»

«ពិត​ណាស់! គុណភាពរបស់ក្រុមជម្រើសជាតិល្អ ឬមិនល្អនោះ គឺវាទាមទារកិច្ចសហប្រតិបត្តិការពីគ្រប់ភាគី។ សមាគមមានកាតព្វកិច្ចគោរពតាមច្បាប់របស់ FIFA ។ ប្រសិន​បើ​នៅ​ទី​បំផុត​កីឡាករ​មិន​បាន​មក​ពី​ក្លឹប ដើម្បីចូលរួមជាមួយក្រុមជម្រើសជាតិ​ ខ្ញុំ​នឹង​មិន​អាច​ធ្វើ​អ្វី​បាន​ទេ ដូច្នេះត្រូវតែធ្វើតាមកាលទេស»

ក្រុមជម្រើសជាតិថៃ ក្រោមអាយុ ២០ឆ្នាំ នឹងទទួលភារកិច្ចក្នុងវគ្គជម្រុះ 2023 AFC U-20 Asian Cup នៅប្រទេសអូម៉ង់ នៅខែកញ្ញា ដោយឡែកក្រុមជម្រើសជាតិថៃ ក្រោមអាយុ ១៧ឆ្នាំ នឹងទទួលភារកិច្ចក្នុងវគ្គជម្រុះ 2023 AFC U-17 Asian Cup នៅប្រទេសអូម៉ង់ នៅខែតុលា ខាងមុខនេះ។

ប្រែសម្រួល៖ B8-sport
ប្រភព៖ Ball Thai

សមាគមបាល់ទាត់នៃប្រទេសថៃបានប្រកាសអំពីច្បាប់ និងបទប្បញ្ញត្តិសម្រាប់ក្រុមយុវជនរបស់ខ្លួន បន្ទាប់ពីមានការលើកឡើងរបស់ប្រធានក្លិប Buriram United លោក Newin Chidchob ទាក់ទងនឹងកីឡាករយុវជនរបស់លោកដែលត្រលប់មកវិញជាមួយនឹងបញ្ហាវិន័យ។

បន្ទាប់ពី Newin Chidchob បាននិយាយទៅកាន់ប្រព័ន្ធផ្សព្វផ្សាយក្នុងអំឡុងពេលព្រឹត្តិការណ៍ឧបត្ថម្ភប្រចាំឆ្នាំរបស់ក្លឹប គាត់បានបង្ហាញថាគាត់នឹងលែងបញ្ជូន​កីឡាករ U-19 និងក្មេងៗរបស់ Buriram United ទៅក្រុមជម្រើសជាតិទៀតហើយ ដោយសារបញ្ហាវិន័យ។

លោក​បាន​បង្ហាញ​ថា​: “និយាយឱ្យត្រង់ទៅ Buriram United នឹងមិនបញ្ជូនកីឡាករ U-19 និងក្មេងៗទៅក្រុមជម្រើសជាតិទៀតទេ។ កន្លង​មក​កីឡាករ​អាយុ​ក្រោម​១៦​ឆ្នាំ​វិល​មក​វិញ​ដោយ​គ្មាន​វិន័យ”។

“នៅពេលដែលក្រុមជម្រើសជាតិហៅកីឡាកររបស់យើង ពួកគេនឹងត្រលប់មកវិញជាមួយនឹងបញ្ហាវិន័យ ទោះបីជាពួកគេមានគំនិតល្អនៅពេលនៅជាមួយយើងក៏ដោយ។ នៅពេលដែលកីឡាករទៅក្រុមជម្រើសជាតិ ពួកគេបានជួបក្មេងៗមកពីក្លឹបផ្សេងៗ ហើយអាកប្បកិរិយារបស់ពួកគេក៏ផ្លាស់ប្តូរនៅពេលពួកគេជួបមិត្តថ្មី”។

“ខ្ញុំបានដាក់ទណ្ឌកម្មកីឡាករទាំងនេះ ដោយមិនឱ្យពួកគេហ្វឹកហាត់រយៈពេល 3 សប្តាហ៍ដើម្បីឱ្យពួកគេទទួលបានគំនិតត្រឹមត្រូវត្រឡប់មកវិញ។ ខ្ញុំ​អនុញ្ញាត​ឱ្យ​ពួក​គេ​រត់ និង​មើល​មិត្ត​ភក្តិ​របស់​ពួក​គេ​ហាត់​តែ​ប៉ុណ្ណោះ»។

ក្រោយ​ពី​មាន​ហេតុការណ៍​នេះ​មក សហព័ន្ធ​បាល់ទាត់​ថៃ​បាន​ចេញ​ផ្សាយ​នៅ​ព្រឹក​ថ្ងៃ​នេះ ដើម្បី​ប្រកាស​ពី​ច្បាប់ និង​បទប្បញ្ញត្តិ​ចំនួន ១០ ដែល​ក្រុម​យុវជន​ទាំង​អស់​ត្រូវ​អនុវត្ត។

1. កីឡាករគ្រប់រូបត្រូវតែអនុវត្តឱ្យអស់ពីសមត្ថភាពក្នុងគ្រប់សកម្មភាពរបស់ក្រុម
2. កីឡាករគ្រប់រូបត្រូវតែគោរពគ្នាទៅវិញទៅមកនៅក្នុងជំរុំ
3. កីឡាករសគ្រប់រូបត្រូវស្លៀកពាក់ឲ្យបានសមរម្យគ្រប់ពេលវេលា
4. កីឡាករគ្រប់រូបត្រូវតែទាន់ពេលវេលាសម្រាប់សកម្មភាពក្រុមទាំងអស់។
5. អំឡុងពេលសកម្មភាពក្រុមមិន​អនុញ្ញាតឱ្យ​ប្រើប្រាស់ទូរស័ព្ទ
6. កីឡាករសគ្រប់រូបត្រូវតែរាយការណ៍ពីរបួស ឬជំងឺណាមួយដល់បុគ្គលិក
7. គ្មាននរណាម្នាក់ត្រូវបានអនុញ្ញាតឱ្យចាកចេញពីជំរុំដោយគ្មានការអនុញ្ញាត
8. គ្មាននរណាម្នាក់ត្រូវបានអនុញ្ញាតឱ្យកម្ម៉ង់ជាអាហារពីខាងក្រៅជំរុំនោះទេ។
9. គ្មានការនាំយកគ្រឿងញៀន ឬគ្រឿងស្រវឹងមកជំរុំ
10.គ្មានការវាយតបគ្នានៅក្នុងជំរុំ