រដូវកាល ២០២៤-២៥ ក្លិប FC Barcelona គឺជាក្រុមមួយដែលរីកចម្រើនបំផុតក្នុងប្រវត្តិសាស្ត្រ ដោយសារក្រុមរបស់គេស៊ុតបញ្ចូលទីបាន ១៧៣ គ្រាប់នៅគ្រប់ការប្រកួតទាំងអស់។  នេះគឺជាការស៊ុតបញ្ចូលទីបានចំនួនច្រីនគ្រាប់លើកទី ៤ នៅក្នុងកំណត់ត្រារបស់ក្លឹប។ លើកទី១ស៊ុតបញ្ចូលទីបាន១៩០ (រដូវកាល ២០១១-១២) ១៧៥គ្រាប់ (រដូវកាល២០១៤-១៥)  ១៧៣គ្រាប់ (រដូវកាល២០១៥-១៦) និងលើកទី៤  ១៧៣គ្រាប់ (រដូវកាល២០២៤-២៥)។

ក្រោមការដឹកនាំរបស់អ្នកចាត់ការ Hansi Flick ក្រុម Barcelona រកបានជាមធ្យម ២,៨៨ គ្រាប់ក្នុងមួយប្រកួតបានជាង៦០ប្រកួត ដែលបង្ហាញពីសមត្ថភាពវាយប្រហារដែលនឹកឃើញដល់យុគសម័យមាសរបស់ក្លឹប។ ការស៊ុតបាល់បញ្ចូលទីក្នុងរដូវកាលនេះគឺគួរឱ្យកត់សម្គាល់ជាពិសេសបើប្រៀបធៀបទៅនឹងយុទ្ធនាការរកគ្រាប់បាល់បានច្រើនមុនៗ ដូចជារដូវកាល២០១៥-១៦ ដែលក្រុមរកបាន១៧៣ គ្រាប់ប៉ុន្តែក្នុង៦២ ប្រកួត ជាមធ្យមទាបជាងបន្តិចគឺ២,៧៩គ្រាប់ក្នុងមួយប្រកួត។

កម្លាំងវាយលុករបស់ក្រុមត្រូវបានពង្រឹងដោយការបង្ហាញសមត្ថភាពដ៏លេចធ្លោពីកីឡាករសំខាន់ៗ។ Robert Lewandowski រកបាន៤២គ្រាប់ ខណៈដែល Raphinha ៣៤គ្រាប់ និង Lamine Yamal រកបាន១៨គ្រាប់ ។ លើសពីនេះ Ferran Torres និង Dani Olmo បានផ្តល់ការគាំទ្រយ៉ាងសំខាន់ដោយស៊ុតបញ្វូលទីបាន១៩គ្រាប់ និង១២ គ្រាប់រៀងគ្នា។ សមត្ថភាពស៊ុតបញ្ចូលទីដ៏គួរឱ្យកត់សម្គាល់នេះបង្ហាញពីការវាយលុក និងប្រសិទ្ធភាពយុទ្ធសាស្ត្រដែលត្រូវបានបង្កើតឡើងដោយលោក Flick ដោយសម្គាល់រដូវកាល២០២៤-២៥ ថាជាការប្រកួតដ៏មានឥទ្ធិពលបំផុតមួយនៅក្នុងប្រវត្តិសាស្ត្ររបស់ Barcelona ៕

បន្ទាប់ពីប្រកួតបញ្ចប់រដូវកាល Premier League កាលពីរាត្រីថ្ងៃអាទិត្យទី ២៥ ឧសភា ២០២៥ ក្រុមអង់គ្លេសចំនួន៩ មានកៅអីប្រកួតពានរង្វាន់ទ្វីបអឺរ៉ុបទាំង៣កម្រិតគឺ Champions League, Europa League និង Conference League។

ក្រុមទាំង៩នោះរួមមានៈ

I-កៅអី Champions League មាន៦ក្រុមគឺ

១- Liverpool (ជើងឯក Premier League)

២- Arsenal (ចំណាត់ថ្នាក់លេខ២)

៣- Manchester City (ចំណាត់ថ្នាក់លេខ៣)

៤- Chelsea (ចំណាត់ថ្នាក់ទី៤)

៥- Newcastle (ចំណាត់ថ្នាក់ទីប្រាំ)

៦- Tottenham (ជើងឯក Europa League)

II- កៅអី Europa League មាន២ក្រុមគឺ

១-Aston Villa (ចំណាត់ថ្នាក់ទី៦)

២-Crystal Palace (ជើងឯក FA Cup)

III-កៅអី Conference Leagueមាន១ក្រុមគឺ

Nottingham Forest (ចំណាត់ថ្នាក់ទីប្រាំពីរ)

Newcastle បានបិទវគ្គជម្រុះ Champions League នៅថ្ងៃចុងក្រោយ បើទោះបីជាចាញ់ Everton ក៏ដោយ ខណៈដែល Chelsea និង Manchester City ក៏បានបញ្ជាក់ពីកៅអីរបស់ពួកគេនៅក្នុងការប្រកួតសម្រាប់រដូវកាលក្រោយ។ Chelsea បានផ្តួល Nottingham Forest នៅថ្ងៃចុងក្រោយដើម្បីបញ្ចប់ចំណាត់ថ្នាក់លេខ៤ ប៉ុន្តែលទ្ធផលនោះមានន័យថាមិនមានកន្លែង Conference League សម្រាប់ក្រុមចំណាត់ថ្នាក់ទី៨គឺ Brighton៕

ប្រភព៖ BBC

កីឡាករ Mohamed Salah ខ្សែប្រយុទ្ធ Liverpool ត្រូវបានបោះឆ្នោតជាប់ជាកីឡាករឆ្នើមប្រចាំរដូវកាល Premier League២០២៤-២៥។  កីឡាករអន្តរជាតិអេហ្ស៊ីបបានចូលក្នុងបញ្ជីជាមួយ កីឡាករ Thierry Henry, Cristiano Ronaldo, Nemanja Vidic និង Kevin De Bruyne ដែលធ្លាប់ឈ្នះពានរង្វាន់កីឡាករឆ្នើមពីរសម័យកាល។ រហូតមកទល់ពេលនេះគ្មាន​កីឡាករ​ណា​រូបណា​ឈ្នះ​ពាននេះបាន​បី​ដង​នោះ​ទេ។ Salah ស្ថិតក្នុងវ័យ ៣២ ឆ្នាំដែលបានឈ្នះធ្លាប់ឈ្នះពាននេះកាលពីរដូវកាល ២០១៧-១៨ បានដឹកនាំ Liverpool ឈ្នះពានរង្វាន់ Premier League រដូវកាលនេះ។ សម្រាប់ការប្រកួតបញ្ចប់រដូវកាល កាលពីថ្ងៃអាទិត្យនៅ Anfield ទល់នឹង Crystal ខ្សែប្រយុទ្ធ Salah ស៊ុតបញ្ចូលទីបានមួយគ្រាប់តាមស្មើCrystal ១-១ម្ចាស់ស្មើជើងឯកFA Cup Crystal ។

ក្រៅពីស៊ុតបញ្ចូលទី បាន២៩គ្រាប់ Salah ក៏បានជួយមិត្តរួមក្រុមបានចំនួន១៨ដង មានន័យថាមានន័យថាគាត់បានតាមស្មើកម្រិតជាមួយ Alan Shearer និង Andy Cole សម្រាប់ការចូលរួមគ្រាប់បាល់ច្រើនបំផុតក្នុងរដូវកាល Premier League ។ ពាន​រង្វាន់​នេះ​ត្រូវ​បាន​កំណត់​តាម​រយៈ​ការ​បោះ​ឆ្នោត​ពី​សាធារណជន​រួម​ជាមួយ​នឹង​អ្នក​ដែល​មក​ពី​ក្រុម​អ្នក​ជំនាញ។Salah ធ្លាប់ត្រូវបានបោះឆ្នោតជ្រើសរើសជា កីឡាករបាល់ទាត់ល្អប្រចាំឆ្នាំជាលើកទីបីផងដែរសម្រាប់ពានរង្វាន់របស់សមាគមអ្នកនិពន្ធបាល់ទាត់៕

ក្លិប Bayern Munich គឺជាក្រុមបាល់ទាត់ល្អបំផុតក្នុងទឹកដីអាល្លឺម៉ង់ ហើយក៏ជាក្រុមមួយកំពុងកាន់កាប់កំណត់ត្រាឈ្នះពានជាប់ៗគ្នាច្រើនបំផុតនៅទូទាំងលីគកំពូលទាំង៥របស់អឺរ៉ុប។ ក្លិបBayern ឈ្នះពានជាប់ៗគ្នាចំនួន១១ដងនៅចន្លោះឆ្នាំ ២០១៣-២០២៣នាំមុខក្លិបបាល់ទាត់អ៊ីតាលីសេះបង្កង់ Juventus  ដែលឈ្នះពានជាប់ៗគ្នាចំនួន ៩ដងនៅចន្លោះឆ្នាំ ១០១២-២០ ឈរលំដាប់លេខ២ក្នុងតារាង។

ជាមួយគ្នានេះក្លិបបាល់ទាត់បារាំង Lyon ក៏ធ្លាប់ឈ្នះពាន៧ដងជាប់ៗគ្នាផងដែរ។ ក្នុងចន្លោះឆ្នាំ ២០០២-២០០៨ ឈរចំណាត់ថ្នាក់លេខ៣។ក្លឹបReal Madrid ឈរចំណាត់ថ្នាក់លេខ៤ ឈ្នះ៥ដងជាប់ៗគ្នា(១៩៨៦-១៩៩០) ក្លឹបManchester City ឈ្នះ៤ដងគឺ២០២១-២០២៤៕

Cristian Romero ប្រធានក្រុមនិងខ្សែការពាររបស់ Tottenham Hotspur ត្រូវបានបោះឆ្នោតជ្រើសរើសជាប់ជាកីឡាករឆ្នើមរបស់ UEFA Europa League ប្រចាំឆ្នាំ២០២៤-២៥ ។ កីឡាករអាហ្សង់ទីនរូបនេះបានបង្ហាញខ្លួនក្នុងការប្រកួតពានរង្វាន់អឺរ៉ុបចំនួន៧ដងនិងមានសមត្ថភាពការពារបាល់ បានត្រឹមត្រូវ ៩០% បញ្ជូនបាល់បានត្រឹមត្រូវ៩១% និងការដណ្តីមបាល់ត្រឡប់មកវិញបាន៩០% ។

ការដឹកនាំរបស់គាត់គឺសំខាន់នៅក្នុងជ័យជម្នះចុងក្រោយរបស់ Tottenham ១-០ លើ Manchester United ក្នុងទីក្រុង Bilbao នៅថ្ងៃទី ២១ខែឧសភា ឆ្នាំ២០២៥ ដោយបញ្ចប់ភាពរាំងស្ងួតពានរង្វាន់រយៈពេល ១៧ ឆ្នាំរបស់ពួកគេ។ ទន្ទឹមនឹងនេះដែរ ខ្សែបម្រើក្រុម Lyon វ័យ២១ ឆ្នាំ Rayan Cherki ត្រូវបានជ្រើសរើសជាកីឡាករវ័យក្មេងល្អបំផុតរបស់ការប្រកួត ដោយស៊ុតបញ្ចូលទីបាន៤គ្រាប់ និងជួយមិត្តរួមក្រុមបាន៨ដងក្នុង១២ ប្រកួត។ កីឡាករដែលអ្នកឈ្នះពីមុនៗមករួមមានៈ
-២០២៣-២៤ កីឡាករ Pierre-Emerick Aubameyang របស់ Marseille

-២០២២-២៣: កីឡាករ Jesús Navas ក្លិប Sevilla

-២០២១-២២៖ កីឡាករ Filip Kostić ក្លិប Frankfurt

-២០២០-២១: កីឡាករ Gerard Moreno ក្លិប Villarreal

-២០១៩-២០: កីឡាករ Romelu Lukaku ក្លិប Inter Milan

-២០១៨-១៩: កីឡាករ Eden Hazard ក្លិប Chelsea៕

Crystal Palace បានលើកពានរង្វាន់ជាប្រវត្តិសាស្ត្រលើកដំបូង កាលពីថ្ងៃសៅរ៍ទី១៧ឧសភា បន្ទាប់ពីបានយកឈ្នះលើក្រុម Manchester City ក្នុងលទ្ធផល ១-០ ក្នុងការប្រកួតវគ្គផ្តាច់ព្រ័ត្រ FA Cup នៅឯកីឡដ្ឋាន Wemble ប៉ុន្តែក្លិបនេះ អាចគ្មានកៅអីប្រកួតពានរង្វាន់ Europa League។ ជាការពិតជ័យជម្នះនេះបានធ្វើឱ្យក្លិប Crystal Palace ទទួលបានកៅអីមួយទៅប្រកួតពានរង្វាន់ Europa League នៅរដូវកាលក្រោយ ខណៈដែលអ្នកឈ្នះពានរង្វាន់ FA Cup មានសិទ្ធិសម្រាប់ការប្រកួតកម្រិតទីពីររបស់ទ្វីបអឺរ៉ុបដោយស្វ័យប្រវត្តិ។

ទោះជាយ៉ាងណាក៏ដោយ ច្បាប់របស់ UEFA អាចបង្អាក់ក្តីសុបិនប្រកួតពានអឺរ៉ុបរបស់ពួកគេ។ ច្បាប់នេះបានហាមមិនឱ្យក្លិបបាល់ទាត់ ២ ដែលមានម្ចាស់តែមួយទៅប្រកួតពានអឺរ៉ុបទាំងពីរនោះទេ។ ក្តីបាម្ភនេះក៏ដោយសារតែលោក John Textor’s Eagle Football Group កាន់កាប់ភាគហ៊ុនក្លិបបាល់ទាត់ ២ គឺ Crystal Palace ចំនួន៤៣% និង Lyon (បារាំង) ៨៨%  ។ បច្ចុប្បន្ន​Lyon ស្ថិត​ក្នុង​ចំណាត់​ថ្នាក់​លេខ ៦​ក្នុង​តារាងបារាំង Ligue 1 ។ ក្រុមនេះកំពុង​ត្រៀម​ខ្លួន​សម្រាប់ Europa Conference League ។ ទោះជាយ៉ាងណាក៏ដោយ ប្រសិនបើ Paris Saint-Germain ឈ្នះការប្រកួតវគ្គផ្តាច់ព្រ័ត្រ Coupe de France ទល់នឹង Reims នោះ Lyon អាចឡើងទៅកាន់ Europa League ។ សេណារីយ៉ូនេះធ្វើឱ្យ Palace ប្រឈមនឹងហានិភ័យ ដោយសារ UEFA អាចចាត់ទុកកម្មសិទ្ធិពីររបស់ Textor ជាការបំពានច្បាប់កម្មសិទ្ធិពហុក្លិបរបស់ពួកគេ៕

កីឡាករ Luka Modric ប្រធានក្រុម Real Madrid បានប្រកាសថា គាត់នឹងចាកចេញពីក្លិបយក្ស អេស្ប៉ាញ បន្ទាប់ពីបញ្ចប់យុទ្ធនាការប្រកួតពានរង្វាន់ FIFA Club World Cup នៅសហរដ្ឋអាមេរិករដូវក្តៅនេះ។ ខ្សែបម្រើសញ្ជាតិក្រូអាស៊ី ដែលជាម្ចាស់ពានរង្វាន់ Ballon d’Or ឆ្នាំ២០១៨ នឹងចូលសមរភូមិវាលស្មៅចុងក្រោយក្នុងទឹកដីរបស់ខ្លួន នៅពេលដែលReal Madrid ស្វាគមន៍ក្រុម Real Sociedad នៅថ្ងៃសៅរ៍ក្នុងការប្រកួតបញ្ចប់រដូវកាល La Liga។

Modric បាននិយាយនៅលើ Instagram ថា ពេលវេលាបានមកដល់ហើយ។ ពេលវេលាដែលខ្ញុំមិនដែលខ្ញុំមិនចង់ឃើញ វាបានមកដល់ ប៉ុន្តែនោះគឺជាបាល់ទាត់ ហើយនៅក្នុងជីវិត អ្វីគ្រប់យ៉ាងមានការចាប់ផ្តើម និងចុងបញ្ចប់របស់វា។ ចាប់តាំងពីមករួមរស់ជាមួយក្រុម Real ពីក្លឹប Spurs ក្នុងឆ្នាំ ២០១២ Modric បានឈ្នះពានរង្វាន់ចំនួន២៨ រួមទាំងពានរង្វាន់ Champions League ចំនួន៦និងពានរង្វាន់ក្នុងស្រុកចំនួន៤ផងដែរ ។ កីឡាករវ័យ៣៩ឆ្នាំបានបន្តថាការលេងឱ្យ Real Madrid បានផ្លាស់ប្តូរជីវិតរបស់ខ្ញុំក្នុងនាមជាកីឡាករបាល់ទាត់ និងជាមនុស្សម្នាក់។

ខ្ញុំមានមោទនភាពដែលបានក្លាយជាផ្នែកមួយនៃយុគសម័យដ៏ជោគជ័យបំផុតនៃក្លឹបល្អបំផុតក្នុងប្រវត្តិសាស្ត្រ”។ Real នឹងបើកយុទ្ធនាការ Club World Cup របស់ពួកគេទល់នឹងក្រុម Al-Hilal របស់អារ៉ាប៊ីសាអូឌីត នៅថ្ងៃទី១៨ខែមិថុនា ហើយនឹងជួបជាមួយ Pachuca របស់ម៉ិកស៊ិក និងSalzburg របស់អូទ្រីសក្នុងវគ្គចែកពូលផងដែរ៕

FIFA បានប្រកាសពីទីផ្សារដោះដូរកីឡាករពិសេសសម្រាប់ក្លិបទាំង ៣២ ដែលត្រូវចូលរួមប្រកួតពានរង្វាន់ FIFA Club World Cup ២០២៥។ ទីផ្សារពិសេសនេះនឹងចាប់ផ្តើមបើកពីថ្ងៃទី០១ ដល់ថ្ងៃទី១០  ខែមិថុនា ឆ្នាំ២០២៥ ដែលអនុញ្ញាតឱ្យក្រុមនីមួយៗចុះឈ្មោះកីឡាករថ្មីមុនការប្រកួត។ ចាប់ពីថ្ងៃទី០១ ដល់ថ្ងៃទី១០ ខែមិថុនា សមាជិករបស់សមាគមចំនួន២០ នឹងមានឱកាសចុះឈ្មោះកីឡាករថ្មីដែលនឹងមានសិទ្ធិចូលរួមប្រកួតក្នុងការប្រកួតពានរង្វាន់នេះ។

បញ្ជីឈ្មោះចុងក្រោយត្រូវដាក់ជូនត្រឹមថ្ងៃទី១០ ខែមិថុនា ហើយក្រុមនីមួយៗនឹងអាចប្រើប្រាស់កីឡាករដែលពួកគេបានចុះហត្ថលេខាក្នុងអំឡុងពេលនេះនៅសហរដ្ឋអាមេរិក។ លើសពីនេះ ក្លឹបនឹងមានពេលវេលាកំណត់ដើម្បីធ្វើការផ្លាស់ប្តូរបញ្ជីឈ្មោះកីឡាកររបស់ពួកគេក្នុងអំឡុងពេលនៃការប្រកួតដោយខ្លួនឯង នៅចន្លោះថ្ងៃទី២៧ ខែមិថុនា ដល់ថ្ងៃទី៣ ខែកក្កដា ឆ្នាំ២០២៥។ ក្នុងអំឡុងពេលនេះ ក្រុមនឹងអាចជំនួសកីឡាករដែលកិច្ចសន្យាបានផុតកំណត់ និងបន្ថែមកីឡាករថ្មីបានចំនួនពីរនាក់ ដោយមិនលើសពីចំនួនកំណត់ដែលបានចុះឈ្មោះអតិបរមា ៣៥ នាក់។

ការធ្វេីបែបនេះ FIFA មានគោលបំណងជួយសម្រួលដល់កីឡាករដែលមានកិច្ចសន្យាផុតកំណត់ក្នុងការចូលរួមក្នុងការប្រកួត លើកកម្ពស់ដំណោះស្រាយដែលផ្តល់អត្ថប្រយោជន៍ដល់ភាគីទាំងអស់។ ព្រឹត្តិការណ៍ Club World Cup ឆ្នាំ ២០២៥នឹងមានក្រុមចំនួន៣២មកពីសហព័ន្ធចំនួន៦ ដោយចាប់ ផ្តើមប្រកួតនៅថ្ងៃទី១៤ ខែមិថុនា នៅកីឡដ្ឋាន Hard Rock ទីក្រុង Miami និងវគ្គផ្តាច់ព្រ័ត្រនៅថ្ងៃទី១៣ ខែកក្កដា នៅកីឡដ្ឋាន MetLife ក្នុងទីក្រុង New York/New Jersey៕

ទីបំផុត! ក្លិបអ្នកមានបុណ្យ FC Barcelona បានបន្តកុងត្រាថ្មីជូនលោក Hansi Flick រហូតដល់ខែមិថុនា ឆ្នាំ២០២៧។  គ្រូបង្វឹកសញ្ជាតិអាល្លឺម៉ង់ដែលត្រូវបានតែងតាំងដំបូងក្នុងកិច្ចសន្យារយៈពេល ២ឆ្នាំកាលពីខែឧសភា ឆ្នាំ២០២៤ ទទួលបានកុងត្រាថ្មីបន្ថែមទៀត បន្ទាប់ពីដឹកនាំក្លិបឈ្នះពានរង្វាន់ចំនួន ៣ ក្នុងរដូវកាលដំបូងរបស់គាត់។

លោក Hansi Flick ក៏ជាគ្រូបង្វឹកមួយរូបដែលបាន​ដឹកនាំ Barcelona ទទួល​បាន​ជ័យ​ជម្នះ​ទាំង ៤ ប្រកួត​​ទល់​នឹង Real Madrid ក្នុង​រដូវ​កាល​នេះ។ Barca បានឈ្នះពាន La Liga, Copa del Rey និង Spanish Super Cup នៅរដូវកាលនេះ ខណៈពេលដែលពួកគេត្រូវបានផ្តួលដោយ Inter Milan ក្នុងវគ្គពាក់កណ្តាលផ្តាច់ព្រ័ត្រនៃការប្រកួតក្របខណ្ឌ Champions League ។ Flick បានឈ្នះ ៤៣ ប្រកួតក្នុងចំណោម ៥៤ ប្រកួតស្មើនឹង ៧៣ ភាគរយដែលជាកំណត់ត្រាល្អបំផុតនៅក្នុងរដូវកាលដំបូងបន្ទាប់ពីលោក Luis Enrique ដែលដឹកនាំឈ្នះ ៨៣ ភាគរយ។

ក្លិបបាននិយាយនៅក្នុងសេចក្តីថ្លែងការណ៍មួយថា លោកHansi Flick បានធ្វើឱ្យអ្នកគាំទ្រ Barca សប្បាយចិត្តក្នុងរដូវកាលដំបូងរបស់គាត់សម្រាប់ហេតុផលជាច្រើន សម្រាប់ជំនឿដែលគាត់បានផ្តល់ឱ្យក្រុម សម្រាប់ការត្រលប់មកវិញដ៏អស្ចារ្យ និងសម្រាប់ពានរង្វាន់។ភាពរំភើបដែលគ្រូបង្វឹកបាននាំយកមកក្លឹបក្នុងឆ្នាំដំបូងរបស់គាត់បានធ្វើឱ្យ FC Barcelona ក្លាយជាគូប្រជែងដ៏គួរឱ្យភ័យខ្លាចម្តងទៀតនៅអឺរ៉ុប។ Flick ក៏ធ្លាប់បានដឹកនាំ Bayern ឈ្នះពានរង្វាន់៣ដែរ កាលពីឆ្នាំ២០២០ នៅពេលដែលពួកគេបានឈ្នះពាន Bundesliga, German Cup និង Champions League ។ គ្រូបង្វឹកវ័យ៦០ឆ្នាំរូបនេះបានបន្តគ្រប់គ្រងក្រុមជម្រីសជាតិអាល្លឺម៉ង់ ប៉ុន្តែត្រូវបានបណ្តេញចេញនៅខែកញ្ញា ឆ្នាំ២០២៣ មុនពេលចូលមកស្នងតXavi ជាអ្នកចាត់ការក្លឹប Barcelona ៕

ប្រភព៖ BBC