(English) Neymar ត្រូវបានអាជ្ញាកណ្តាលបណ្តេញចេញពីទីលានប្រកួត បន្ទាប់ពីរូបគេបានប្រើដៃទះបាល់បញ្ចូលទីដោយចេតនា តាមរបៀប អតីតកីឡាករ Diego Maradona ដែលបានជួយឱ្យអាហ្សង់ទីនឈ្នះពានបាល់ទាត់ពិភពលោកឆ្នាំ ១៩៨៦។ ខ្សែប្រយុទ្ធសញ្ជាតិប្រេស៊ីលវ័យ ៣៣ ឆ្នាំរូបនេះបានត្រលប់មកក្លឹប កុមារភាព Santos របស់រូបគេវិញ បន្ទាប់ពីសុបិន្តអាក្រក់ជាមួយក្លឹបបាល់ទាត់ Al-Hilal របស់អារ៉ាប៊ីសាអូឌីត។ នៅក្នុងការប្រកួត Neymar លោត​ទៅ​មុខ ​និងបានយកដៃរុញបាល់បញ្ចូល​សំណាញ់​ពី​ចម្ងាយ។ ទោះជាយ៉ាងណាក្តីអាជ្ញាកណ្តាល​បាន​មើល​ឃើញ​យ៉ាង​ច្បាស់ ហើយបាន​ផ្តល់​កាត​ក្រហម និង​លឿង​ទីពីរ​ដល់​តារា​ឆ្នើម​រូប​នោះ។

ជាមួយនឹង Santos មានកីឡាករតែ ១០ នាក់ក្រុមភ្ញៀវ Botafogo ស៊ុតបញ្ចូលទីបានមួយគ្រាប់យកជ័យជម្នះត្រឹមតែដប់នាទីក្រោយមក។ ការបរាជ័យនេះធ្វេីឲ្យក្រុម Santos ធ្លាក់មកលេខរៀងទី ១៨ ក្នុងតារាងក្នុងតំបន់កាត់ចោលបន្ទាប់ពីលេងបាន ១១ ប្រកួត។ វាអាចបង្ហាញថាជាការបង្ហាញខ្លួនចុងក្រោយរបស់ Neymar សម្រាប់ក្លិប ខណៈដែលកិច្ចសន្យារយៈពេលខ្លីរបស់រូបគេនឹងផុតកំណត់នៅថ្ងៃទី ៣០ ខែមិថុនា។ ជុំវិញនឹងបញ្ហានេះ រូបគេត្រូវបានព្យួរសម្រាប់ការប្រកួតបន្ទាប់របស់ពួកគេជាមួយ Fortaleza ហើយការប្រកួតបន្ទាប់ពីទល់នឹង Palmeiras គឺនៅថ្ងៃទី ១២ខែកក្កដា។ គួររំឭកថាអាហ្សង់ទីនឈ្នះពានបាល់ទាត់ពិភពលោក ១៩៨៦ គឺដោយសារបាតដៃព្រះរបស់Maradona ក្នុងពេលប្រកួតជាមួយក្រុមជម្រីសជាតិអង់គ្លេសវគ្គពាក់កណ្តាលផ្តាច់ព្រ័ត្រធ្វើឲ្យរបស់គាត់បានឡើងទៅវគ្គផ្តាច់ព្រ័ត្រឈ្នះម៉ិកស៊ិក២-១៕

(English) Real Madrid ក្លាយជាក្លិបបាល់ទាត់ដែលមានតម្លៃបំផុតនៅទូទាំងពិភពលោក។ នេះបើយោងតាមរបាយការណ៍របស់ Football Benchmark ឆ្នាំ២០២៥ ដែលត្រូវបានគេហំទព័រm.allfootballapp.com ដកស្រង់យកមកចុះផ្សាយកាលពីថ្ងៃសុក្រទី ៣០ ឧសភា​ ២០២៥។ ក្រុម​យក្ស​អេស្ប៉ាញ​បាន​រក្សា​តំណែង​កំពូល​តារាងពីរឆ្នាំជាប់​ៗ​គ្នា វ៉ា​ដាច់ក្លិបបាល់ទាត់អង់គ្លេស  Manchester City និង Manchester United។ គួរកត់សម្គាល់ថា Real Madrid បានក្លាយជាក្លិបដំបូងគេដែលមានតម្លៃលើសពី៦ពាន់លានដុល្លារ គឺ៦,៨៥ ពាន់លានដុល្លារ កើនឡើង២៣% ធៀបនឹងឆ្នាំមុន។ សមិទ្ធិផលនេះធ្វើឱ្យពួកគេនាំមុខក្រុម Manchester Cityដែលមានតម្លៃ៥,៥៧ ពាន់លានដុល្លារ កើនឡើង៣%) និង Manchester United ៥,៥២ពាន់លានដុល្លារកើនឡើង៤%។

របាយការណ៍ក៏បានគូសបញ្ជាក់ផងដែរថា Real Madrid ក៏ក្លាយជាក្លិបដំបូងគេដែលរកចំណូលប្រតិបត្តិការបានជាង ១,០៩ពាន់លានដុល្លារ។ ការរួមចំណែកដ៏សំខាន់ចំពោះកំណើននេះគឺកីឡដ្ឋាន Santiago Bernabéu ដែលត្រូវបានកែលម្អឡើងវិញ ដែលបានកើនឡើងជិតពីរដងនៃប្រាក់ចំណូលប្រចាំថ្ងៃដល់ ២៧៣,៨លានដុល្លារ។ ហេតុដូច្នេះហើយ Real Madrid បានពង្រីកតម្លៃសហគ្រាសរបស់ខ្លួននាំមុខលើដៃគូប្រកួតប្រជែងជាង ១,២ ពាន់លានដុល្លារ។

ចាប់តាំងពីការចេញផ្សាយរបាយការណ៍ដំបូងកាលពីមួយទសវត្សរ៍មុន ទាំង Real Madrid និង Manchester City បានបង្កើនតម្លៃសហគ្រាសរបស់ពួកគេប្រហែល៣,២៧ពាន់លានដុល្លារ។ ការវាយតម្លៃរបស់ Real Madrid ឥឡូវនេះជាមធ្យមលើសពីតម្លៃសិទ្ធិផ្តាច់មុខ នៅក្នុងក្របខណ្ឌបាល់ទាត់ជាតិអាមេរិក NFL (៦,៤៧ពាន់លានដុល្លារ) និងបាល់អោប NBA (៥,០២ ពាន់លានដុល្លារ)៕

(English) Karim Benzema បានផ្តួល Cristiano Ronaldo យកកៅអីកីឡាករឆ្នើមប្រចាំរដូវកាលនៅក្នុងក្របខណ្ឌ Saudi Pro League ។ Benzema ជាប្រធានក្រុម Al Ittihad ឈ្នះពានរង្វាន់ Saudi Pro League រដូវកាល២០២៤-២៥ ដោយបានផ្តួលក្លឹប Al Hilal និង Al Nassr របស់ Ronaldo ទៅកាន់ចំណាត់ថ្នាក់លេខ ២ និងទី ៣ រៀងគ្នា។

ខ្សែ​ប្រយុទ្ធ​សញ្ជាតិ​បារាំង​ស៊ុត​បញ្ចូល​ទី​បាន​ ២១ ​គ្រាប់​និង​បញ្ជូន​បាល់​ឱ្យ​បាន ​៩ ​លើក​ក្នុង ​២៩ ​ប្រកួត​ ប៉ុន្តែ​មិន​បាន​ស៊ុត​បញ្ចូល​ទីពេលលេងជាមួយ Ronaldo ទេ។ Ronaldo ស៊ុតបញ្ចូលទីបាន២៥គ្រាប់ និងជួយបានដងក្នុង៣០ ប្រកួតសម្រាប់ Al Nassr ដែលបានបញ្ចប់រដូវកាលដោយគ្មានទទួលបានពានរង្វាន់អ្វីសោះ។ វីរបុរសរបស់ក្លឹប Real Madrid ដែលបច្ចុប្បន្នស្ថិតក្នុងវ័យ ៤០ ឆ្នាំ បានសញ្ជឹងគិតអំពីការចាកចេញពី Al Nassr បន្ទាប់ពីការបង្ហោះរូបសម្ងាត់របស់គាត់នៅចុងបញ្ចប់នៃរដូវកាល Saudi Pro League ៕

ប្រភព៖ Tribuna

(English) Angel di Maria ខ្សែបម្រើស្លាបរបស់ Benfica នឹងត្រលប់ទៅក្លិបកុមារភាពរបស់គេវិញគឺ Rosario Central បន្ទាប់ពីគម្រោងនេះត្រូវបានផ្អាកមួយរយៈពេល។ ក្លិប Rosario បាននិយាយនៅក្នុងវីដេអូមួយបង្ហោះនៅលើបណ្តាញសង្គម X ថា៖  ប្រវត្តិសាស្រ្តរួមគ្នារបស់យើង មានច្រើនទំព័រទៀតដែលត្រូវសរសេរ។ សូមស្វាគមន៍ចំពោះការវិលត្រឡប់មកផ្ទះវិញ។ ជាកាពិតDi Maria ស្ទើរតែនឹងបានចូលរួមជាមួយ Rosario វិញក្នុងនាមជាភ្នាក់ងារឥតគិតថ្លៃកាលពីរដូវក្តៅមុន ប៉ុន្តែការកើនឡើងនៃអំពើហិង្សាទាក់ទងនឹងគ្រឿងញៀននៅក្នុងតំបន់ និងការគំរាមកំហែងមួយចំនួនប្រឆាំងនឹងគេ និងគ្រួសារគេបានបញ្ចប់ផែនការផ្ទេរនេះ។ កាលពីខែកក្កដាឆ្នាំមុន Di Maria បាននិយាយថា៖ មានការគំរាមកំហែងនៅក្នុងអាជីវកម្មបងស្រីខ្ញុំ ។ប្រអប់សារមួយដែលមានរូបក្បាលជ្រូក និងគ្រាប់កាំភ្លើងនៅថ្ងាស បាននិយាយថាប្រសិនបើខ្ញុំត្រលប់ទៅ [Rosario] Central នោះក្បាលរបស់ខ្ញុំនឹងស្លាប់ បន្ទាប់គឺកូនស្រីរបស់ខ្ញុំ Pia ។

កីឡាករវ័យ ៣៧ ឆ្នាំបានចាប់ផ្តើមអាជីពរបស់ជាមួយក្លឹប Rosario ក្នុងឆ្នាំ២០០៥។ម្ចាស់ជើងឯក World Cup ២០២២ បានចំណាយពេលពីររដូវកាលជាមួយ Rosario មុនពេលផ្លាស់ទៅអឺរ៉ុបជាមួយក្លឹប Benfica ។ រូបគេបានទៅលេងច្រើនជាង៧០០ ប្រកួតនៅអឺរ៉ុបសម្រាប់ក្លឹបមួយចំនួនដូចជាៈ Benfica, Real Madrid, Manchester United, Paris St-Germain និង Juventus ។ Di Maria បានឈ្នះពានរង្វាន់ចំនួន៣០ នៅទ្វីបអឺរ៉ុប រួមទាំងពានរង្វាន់លីកក្នុងប្រទេសចំនួន ៣និង Champions League ២០១៣-១៤ ជាមួយ Real ក៏ដូចជា World Cup និងពានរង្វាន់ Copa America ចំនួនពីរជាមួយអាហ្សង់ទីនផងដែរ៕

ប្រភព៖ BBC

(English) យោងតាមលោក Kieran Maguire អ្នកជំនាញផ្នែកហិរញ្ញវត្ថុបាល់ទាត់ បានប៉ាន់ប្រមាណថាការបាត់បង់កៅអីប្រកួតក្របខណ្ឌ Champions League រដូវកាលក្រោយ នឹងធ្វើឱ្យបិសាចក្រហម Manchester United បាត់បង់លុយជាង ១៣២ លានដុល្លារ។ Kieran Maguire បានវិភាគថា៖ ការចូលរួមក្នុងការប្រកួត Champions League នៅរដូវកាលក្រោយ បើទោះបីជាពួកគេចាញ់ទាំង៨ប្រកួត ឬធ្លាក់ត្រឹមវគ្គចែកពូលក៏ដោយ ក៏ពួកគេទទួលបានប្រាក់រង្វាន់របស់ UEFA ប្រហែល ៩០លានដុល្លារពីប្រាក់ចំណូលសិទ្ធិផ្សព្វផ្សាយពាណិជ្ជកម្ម។

លោកបានបន្ថែមថា ប្រាក់ចំណូលដែលបានមកពីថ្ងៃប្រកួត(Matchday)សម្រាប់ក្លឹបក៏នឹងរងផលប៉ះពាល់ដែរ ដោយសារពួកគេនឹងមានការប្រកួតក្នុងផ្ទះតិចជាង៤ដងនៅរដូវកាលក្រោយ។ ប្រាក់ចំណូលថ្ងៃប្រកួតរបស់ Man Utd ត្រូវបានគេប៉ាន់ប្រមាណថាមានចំនួនជាង៧លានដុល្លារ ហើយនេះនឹងកើនឡើងបន្ទាប់ពីតម្លៃសំបុត្រសម្រាប់រដូវកាលក្រោយត្រូវបានដំឡើង ៥% អាចធ្វើឲ្យពួកគេរកបាន៨លានដុល្លារ ក្នុងមួយប្រកួត និង៣២លានដុល្លារជាមួយនឹងការប្រកួតបន្ថែមចំនួន៤នៅក្នុងវគ្គចែកពូល UCL ។

ម្ចាស់ជេីងឯក UCL បីសម័យកាលក៏ត្រូវបាត់បង់ប្រាក់សំណងប្រហែលជាង៣០លានដុល្លារក្នុងក្របខ័ណ្ឌ Premier Leagueដោយសារបញ្ចប់ចំណាត់ថ្នាក់ទាប ។ យោងតាមគេហទំព័រ Mirror UK ក្លឹបក៏ត្រូវបង់ប្រាក់ពិន័យដល់ក្រុមហ៊ុនផលិតសម្លៀកបំពាក់ Adidas ជាង ១០ សម្រាប់ការខកខានការប្រកួតកំពូលនៅអឺរ៉ុប។ វាមិនត្រូវបានគេដឹងថាតើការឧបត្ថម្ភឧបករណ៍ផ្សេងទៀតជាមួយ Qualcomm, DXC និង Tezos មានការពិន័យស្រដៀងគ្នាដែរឬទេ៕

(English) ជាមួយនឹងកាដូកុងត្រាថ្មីរយៈពេល ៧ ឆ្នាំខ្សែប្រយុទ្ធវ័យក្មេង Lamine Yamal អាចក្លាយជាកីឡាករដែលមានប្រាក់ខែខ្ពស់បំផុតនៅក្នុងក្លិប Barcelona។ កីឡាករវ័យវ័យជំទង់រូបនេះត្រូវបានក្លិបផ្តល់ប្រាក់បៀវត្សរ៍សុទ្ធប្រចាំឆ្នាំចំនួនជាង ៤៥ លានដុល្លារ សរុបទាំងប្រាក់រង្វាន់លើកទឹកចិត្ត។

ប្រាក់ខែគោលរបស់ Yamal ត្រូវបានគេគិតថាមានប្រហែលជាង ៣៤ លានដុល្លារក្នុងមួយឆ្នាំស្មើនឹងជាង ៣២ ម៉ឺនដុល្លារក្នុងមួយសប្តាហ៍ បន្ទាប់ពីបង់ពន្ធកើនឡើងជាង ១០ ដងលើប្រាក់ឈ្នួលរបស់គេសម្រាប់រដូវកាលនេះ។ យោងតាមរបាយការណ៍របស់ Marca បានឱ្យដឹងថា៖ បច្ចុប្បន្ន Yamal ទទួលបានប្រាក់ខែប្រចាំឆ្នាំប្រហែលជាង១,៦លានដុល្លារ។ ខ្សែប្រយុទ្ធ Robert Lewandowski របស់ក្លិប Barcelona គឺជាអ្នករកចំណូលនាំមុខគេរបស់ក្លិបគឺជាង ៤០ លានដុល្លារ ។

ប្រភព៖ The Athletic

(English) ក្លិបអ្នកមានបុណ្យ Barcelona ​បាន​ប្រកាស​កាល​ពី​ថ្ងៃ​អង្គារ​ទី២៧ ខែឧសភា ឆ្នាំ២០២៥ ឱ្យដឹងថាតារា​វ័យ​ជំទង់ Lamine Yamal បានយល់ព្រម​ចុះ​ហត្ថលេខា​បន្ត​កុងត្រាថ្មីរួមរស់​ជាមួយក្លឹបដល់​ឆ្នាំ ២០៣១។ Yamal បានចូលរៀននៅសាលាបាល់ទាត់ La Masia ដ៏ល្បីល្បាញរបស់ Barcelona តាំងពីអាយុ៧ ឆ្នាំមកម្លេះ។ ក្លិបបាននិយាយនៅក្នុងការបង្ហោះនៅលើ X ថា នៅក្នុងឆ្នាំ២០៣១ Lamine Yamal នឹងមានអាយុត្រឹមតែ ២៣ឆ្នាំប៉ុណ្ណោះ។ នេះគឺជាការរំលឹកពីភាពវ័យក្មេងរបស់តារាពិភពលោករបស់ពួកគេ។

កីឡាករវ័យ ១៧ឆ្នាំរូបនេះបានជួយក្លិប Catalan ដណ្តើមបានពានរង្វាន់ក្នុងស្រុកចំនួនបីគឺ La Liga, Copa del Rey និង Spanish Super Cup ។ រូបគេ​បាន​ស៊ុត​បញ្ចូល​ទី​ក្នុង​​ជ័យ​ជម្នះ ២-០ នៅ​លើ​គូ​ប្រជែង Espanyol កាលពីសប្តាហ៍​មុនជួយឱ្យ Barcelona លើក​ពាន​លីគ​អេស្ប៉ាញ​លើក​ទី ២៨  និងជួយ Barcelona ឡើង​វគ្គ​ពាក់កណ្តាល​ផ្តាច់ព្រ័ត្រ Champions League ក្នុង​យុទ្ធនាការ​នេះផង​ដែរ។

Yamal ស៊ុតបញ្ចូលទី១៨គ្រាប់និងជួយមិត្តរួមក្រុមបាន២៥ក្នុង៥៥ប្រកួត គ្រប់ការប្រកួតទាំងអស់ក្នុងរដូវកាលនេះ។Yamal ដែលនឹងមានអាយុ១៨ឆ្នាំក្នុងខែកក្កដា បានបង្ហាញខ្លួនជាលើកដំបូងកាលពីខែមេសា ឆ្នាំ២០២៣នៅ Camp Nou បង្ហាញខ្លួនសរុប១០៦ លើកសម្រាប់ Barcelona ៕

ប្រភព៖ AP

(English) Luis Suarez និង Lionel Messi មិនត្រឹមតែជាដៃគូនៅលើទីលានប្រកួតអស់រយៈពេលជាច្រើនឆ្នាំប៉ុណ្ណោះទេ ឥឡូវ​នេះ​ពួក​គេ​បាន​សហការ​គ្នា​បើកមុខជំនួញក្នុងវិស័យបាល់ទាត់ថែមទៀត។ Suarez បានប្រកាសកាលពីថ្ងៃអង្គារថាគាត់បានបង្កើតក្រុមបាល់ទាត់អាជីពនៅក្នុងប្រទេសកំណើតអ៊ុយរូហ្គាយរបស់ខ្លួន ដោយសហការគ្នាជាមួយមិត្តរួមក្រុម Inter Miami គឺ Messi។ Suarez ដែលជាប្រធានក្រុមស៊ុតបញ្ចូលទីគ្រប់ពេលរបស់ក្រុមជម្រើសជាតិអ៊ុយរូហ្គាយបានពន្យល់នៅក្នុងវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គមថាក្រុមដែលពីមុនត្រូវបានគេស្គាល់ថា Deportivo LS នឹងត្រូវបានគេហៅថា LSM ហើយនឹងចាប់ផ្តើមលេងបាល់ទាត់អាជីពនៅក្នុងលីគលំដាប់ទី ៤ របស់អ៊ុយរូហ្គាយ។

Suarez បាននិយាយថា Deportivo LS គឺជាក្តីស្រមៃរបស់គ្រួសារដែលបានចាប់ផ្តើមនៅឆ្នាំ ២០១៨ ។ ពួកយើងបានរីកចម្រើនយ៉ាងខ្លាំងជាមួយនឹងសមាជិកជាង៣០០០នាក់។ Suárez និងគ្រួសាររបស់គេបានបើកកន្លែងកីឡាទំហំ ២០ ហិកតាក្នុងឆ្នាំ ២០១៨ នៅ Ciudad de la Costa ជាយក្រុង Montevideo ។ វាមានសកម្មភាពកីឡាជាច្រើនសម្រាប់សមាជិកជាង៣០០០។ក្លឹប​មាន​កីឡដ្ឋាន​តូចមួយ ​ដែល​អាច​ផ្ទុក​អ្នក​ទស្សនា​បាន១៤០០នាក់​ក្នុង​ចំណោម​ទីលាន​ផ្សេង​ទៀត។ ខ្ញុំចង់ធ្វេីឲ្យបាល់ទាត់អ៊ុយរូហ្គាយមានភាពរីកចម្រើន។ វាជាកន្លែងដែលខ្ញុំស្រលាញ់ និងជាកន្លែងដែលខ្ញុំធំឡើងក្នុងវ័យកុមារ ។ខ្ញុំចង់ផ្តល់ឱកាស និងមធ្យោបាយសម្រាប់ក្មេងជំទង់និងកុមារនៅទីនេះ។

Suarez វ័យ ៣៨ ឆ្នាំបានចូលនិវត្តន៍ពីបាល់ទាត់អន្តរជាតិកាលពីខែកញ្ញាឆ្នាំមុន ហើយបានលេងជាមួយ Messi នៅ Barcelona អស់រយៈពេល ៦រដូវកាល ហើយពួកគេបានក្លាយជាមិត្តរួមក្រុមកាលពី២ ឆ្នាំមុនម្តងទៀតនៅជាមួយ Inter Miami ។ចំណែកឯMessi  ដែលអង្គុយក្បែរ Suarez នៅក្នុងវីដេអូបាននិយាយថា ខ្ញុំមានមោទនភាព និងរីករាយដែលអ្នកបានជ្រើសរើសខ្ញុំ ដូច្នេះខ្ញុំសង្ឃឹមថានឹងរួមចំណែកអ្វីគ្រប់យ៉ាងដែលខ្ញុំអាចធ្វើបានដើម្បីបន្តរីក ចម្រើន៕

(English) រដូវកាល ២០២៤-២៥ ក្លិប FC Barcelona គឺជាក្រុមមួយដែលរីកចម្រើនបំផុតក្នុងប្រវត្តិសាស្ត្រ ដោយសារក្រុមរបស់គេស៊ុតបញ្ចូលទីបាន ១៧៣ គ្រាប់នៅគ្រប់ការប្រកួតទាំងអស់។  នេះគឺជាការស៊ុតបញ្ចូលទីបានចំនួនច្រីនគ្រាប់លើកទី ៤ នៅក្នុងកំណត់ត្រារបស់ក្លឹប។ លើកទី១ស៊ុតបញ្ចូលទីបាន១៩០ (រដូវកាល ២០១១-១២) ១៧៥គ្រាប់ (រដូវកាល២០១៤-១៥)  ១៧៣គ្រាប់ (រដូវកាល២០១៥-១៦) និងលើកទី៤  ១៧៣គ្រាប់ (រដូវកាល២០២៤-២៥)។

ក្រោមការដឹកនាំរបស់អ្នកចាត់ការ Hansi Flick ក្រុម Barcelona រកបានជាមធ្យម ២,៨៨ គ្រាប់ក្នុងមួយប្រកួតបានជាង៦០ប្រកួត ដែលបង្ហាញពីសមត្ថភាពវាយប្រហារដែលនឹកឃើញដល់យុគសម័យមាសរបស់ក្លឹប។ ការស៊ុតបាល់បញ្ចូលទីក្នុងរដូវកាលនេះគឺគួរឱ្យកត់សម្គាល់ជាពិសេសបើប្រៀបធៀបទៅនឹងយុទ្ធនាការរកគ្រាប់បាល់បានច្រើនមុនៗ ដូចជារដូវកាល២០១៥-១៦ ដែលក្រុមរកបាន១៧៣ គ្រាប់ប៉ុន្តែក្នុង៦២ ប្រកួត ជាមធ្យមទាបជាងបន្តិចគឺ២,៧៩គ្រាប់ក្នុងមួយប្រកួត។

កម្លាំងវាយលុករបស់ក្រុមត្រូវបានពង្រឹងដោយការបង្ហាញសមត្ថភាពដ៏លេចធ្លោពីកីឡាករសំខាន់ៗ។ Robert Lewandowski រកបាន៤២គ្រាប់ ខណៈដែល Raphinha ៣៤គ្រាប់ និង Lamine Yamal រកបាន១៨គ្រាប់ ។ លើសពីនេះ Ferran Torres និង Dani Olmo បានផ្តល់ការគាំទ្រយ៉ាងសំខាន់ដោយស៊ុតបញ្វូលទីបាន១៩គ្រាប់ និង១២ គ្រាប់រៀងគ្នា។ សមត្ថភាពស៊ុតបញ្ចូលទីដ៏គួរឱ្យកត់សម្គាល់នេះបង្ហាញពីការវាយលុក និងប្រសិទ្ធភាពយុទ្ធសាស្ត្រដែលត្រូវបានបង្កើតឡើងដោយលោក Flick ដោយសម្គាល់រដូវកាល២០២៤-២៥ ថាជាការប្រកួតដ៏មានឥទ្ធិពលបំផុតមួយនៅក្នុងប្រវត្តិសាស្ត្ររបស់ Barcelona ៕