កាលពីម្សិលមិញ Nicolas Jackson បានចុះកិច្ចសន្យាបន្តជាមួយ Chelsea ។ នេះ​មាន​ន័យ​ថាគាត់នឹង​ត្រូវលេងជាមួយ​ក្លិប​តោ​ខៀវ​ដល់​ឆ្នាំ 2033។

ខាងក្រោមនេះគឺជាបញ្ជីនៃកិច្ចសន្យាវែងបំផុតក្នុងកីឡាបាល់ទាត់។ ដូចដែលអ្នកអាចឃើញ ក្រៅពី Chelsea ក្លិប Athletic Bilbao របស់ La Liga បានផ្តល់កិច្ចព្រមព្រៀងដ៏វែងផងដែរ ។

Nicolas Jackson, Chelsea, កិច្ចព្រមព្រៀងផុតកំណត់ខែមិថុនា ឆ្នាំ 2033

Cole Palmer, Chelsea, ខែមិថុនា 2033

Dani Vivian ក្លិប Athletic ខែមិថុនា ឆ្នាំ 2032

Oihan Sancet, Club Athletic, ខែមិថុនា ឆ្នាំ 2032

Enzo Fernandez, Chelsea, ខែមិថុនា 2032 ។

របាយការណ៍នៅក្នុងប្រទេសចិនបាននិយាយថា មនុស្សចំនួន 43 នាក់ រួមទាំងអតីតកីឡាករ បុគ្គលិក និងអ្នកគ្រប់គ្រងផ្នែករដ្ឋបាល ត្រូវបានដាក់ពិន័យដោយសហព័ន្ធកីឡាបាល់ទាត់ចិន សម្រាប់បទល្មើសរួមទាំងការរៀបចំលទ្ធផលការប្រកួតទុកមុន និងទម្រង់នៃអំពើពុករលួយផ្សេងទៀត។

អតីតកីឡាករជម្រើសជាតិដូចជា Jin Jingdao, Guo Tianyu និង Gu Chao ត្រូវបានចោទប្រកាន់ក្នុងរឿងអាស្រូវទាំងនេះ។ តារាបាល់ទាត់កូរ៉េខាងត្បូង Son Jun-ho រួមជាមួយនឹងមនុស្ស ១២៨ នាក់ផ្សេងទៀត ត្រូវបានស៊ើបអង្កេតកាលពី ២ ឆ្នាំមុន ជុំវិញការភ្នាល់បាល់ខុសច្បាប់នៅក្នុងប្រទេសចិន ហើយត្រូវបានប៉ូលីសឃាត់ខ្លួន។ ប៉ុន្តែ​រឿងនេះបាន​ផ្ទុះឡើង បន្ទាប់ពីមាន​កីឡាករ​ចិន​មួយ​ចំនួន​ទទួល​បាន​បម្រាម។

អតីតកីឡាករជម្រើសជាតិចិន Jin Jingdao

Son Jun-ho ដែលត្រូវបានស៊ើបអង្កេតមុននេះ ត្រូវបានជាប់ពាក់ព័ន្ធយ៉ាងខ្លាំងក្នុងរឿងអាស្រូវ ទោះបីជាកីឡាកររូបនេះបានចាកចេញពីប្រទេសចិនរួចហើយកាលពីខែមីនា ឆ្នាំ 2024 ក៏ដោយ។ សហព័ន្ធកីឡាបាល់ទាត់ចិនបានអះអាងថា Son ដែលលេងឱ្យ Shandong Taishan បានទទួលសំណូក និងរៀបចំលទ្ធផលការប្រកួតអស់រយៈពេលជាយូរមកហើយ។

តារាបាល់ទាត់កូរ៉េខាងត្បូង Son Jun-ho

មិនយូរប៉ុន្មានកន្លងទៅនេះ អតីតកីឡាករជម្រើសជាតិចិន និងជាអតីតកីឡាកររបស់ក្លិប Everton លោក Lie Tie បានសារភាពកំហុសចំពោះការរៀបចំលទ្ធផលការប្រកួតដោយទទួលយកថាគាត់បានទទួលសំណូកចំនួន 9.7 លានអឺរ៉ូដើម្បីលក់ការ​ប្រកួត។

គ្រូបង្វឹកបណ្ដោះអាសន្នរបស់ក្រុមជម្រើសជាតិអង់គ្លេស លោក Lee Carsley កំពុងប្រឈមមុខនឹងការរិះគន់យ៉ាងខ្លាំងពីសំណាក់អ្នកគាំទ្រចំពោះការមិនព្រមច្រៀងបទភ្លេងជាតិ។

គាត់បានបដិសេធធ្វើដូច្នេះទេ មុនពេលក្រុម Three Lions ឈ្នះ 2-0 លើអៀរឡង់ក្នុង UEFA Nations League។ រឿងនេះបានបង្កភាពចលាចលក្នុងចំណោមអ្នកគាំទ្រអង់គ្លេសមួយចំនួន ដោយលោក Jeff Powell របស់កាសែត Daily Mail ថែមទាំងជំរុញឱ្យ FA បណ្តេញគាត់ចេញពីតំណែងដោយសារតែ “ការមិនគោរព” របស់គាត់ចំពោះភ្លេងជាតិអង់គ្លេស។

Carsley បានឆ្លើយតបនឹងការរិះគន់ទាំងអស់ចំពោះគាត់ដែលមិនបានច្រៀងបទភ្លេងដោយនិយាយថា៖ «ខ្ញុំមានបទពិសោធន៍ដ៏អស្ចារ្យនៅពេលខ្ញុំលេងឱ្យសាធារណរដ្ឋអៀរឡង់ ហើយខ្ញុំពិតជាមានបទពិសោធន៍ដ៏ល្អឥឡូវនេះទាក់ទងនឹងការទទួលខុសត្រូវដែលខ្ញុំបានទទួល។ ធ្វើជាគ្រូបង្វឹកបណ្ដោះអាសន្នសម្រាប់ក្រុមឈុតធំអង់គ្លេស»។

«អ្នកត្រូវតែទទួលយកវា ជាមួយនឹងគំនិតវិនិច្ឆ័យបន្តិចផងដែរ។ វាជាអ្វីដែលខ្ញុំមិនមានអារម្មណ៍ថាពិបាកធ្វើនោះទេ។ ខ្ញុំគោរពមតិរបស់អ្នកទាំងអស់គ្នា ហើយយើងឆ្ពោះទៅមុខទាំងអស់គ្នា»។

ការបរាជ័យយ៉ាងធ្ងន់ធ្ងររបស់ប្រទេសចិន 0-7 ក្រោមស្នាដៃក្រុមជប៉ុនក្នុងជុំទី 3 នៃវគ្គជម្រុះ World Cup ឆ្នាំ 2026 បានបង្កឱ្យមានការរិះគន់ពីអ្នកគាំទ្រ និងប្រព័ន្ធផ្សព្វផ្សាយនៅក្នុងប្រទេសចំពោះក្រុមជម្រើសជាតិ។

អ្នក​គាំទ្រ​ចិន​បាន​ប្រើ​ពាក្យ​«អាម៉ាស់»​ដើម្បី​ពណ៌នា​ការ​បរាជ័យ​កាល​ពី​ថ្ងៃ​ព្រហស្បតិ៍។ Channel News Asia បានសរសេរថា៖«ក្រុមបាល់ទាត់ជម្រើសជាតិចិន ប្រឈមមុខនឹងការមើលងាយ និងការរិះគន់តាមអ៊ីនធឺណិតពីអ្នកគាំទ្រ និងប្រព័ន្ធផ្សព្វផ្សាយ។ ពួកគេ​ក៏​បាន​ចំអក​ដល់​ស្ថានភាព​កីឡា​ក្នុង​ប្រទេស​ផងដែរ​»។

ការបរាជ័យនៅទីក្រុង Saitama ប្រទេសជប៉ុនបានក្លាយជាប្រធានបទពេញនិយមបំផុតនៅលើ Weibo ដែលជាបណ្តាញសង្គមដ៏ធំបំផុតរបស់ប្រទេសចិនគិតត្រឹមថ្ងៃសុក្រនេះ។

«ចិនចាញ់ 0-7 ក្រោមស្នាដៃជប៉ុន” បានក្លាយជាប្រធានបទដែលទទួលបានការចូលមើល 530 លានដង ដោយមានមតិរិះគន់ជាច្រើនបានទាក់ទាញអ្នកចុច Like រាប់ពាន់នាក់។

អ្នក​ប្រើ​ប្រាស់ Weibo ម្នាក់​បាន​សរសេរ​ថា៖ «ពួកគេ​ប្រហែល​ជា​គិត​ថា ចាញ់ត្រឹមរបូត​គ្រាប់​បាល់​ពីរ​គ្រាប់​គឺ​គ្រប់គ្រាន់​ហើយ ប៉ុន្តែ​ពួកគេបានបងកើត​ប្រវត្តិសាស្ត្រ​ម្ដង​ទៀត​ជាមួយ​នឹងគ្រាប់បាល់ 7-0»។

ម្នាក់​ទៀត​បាន​និយាយ​ថា​៖ «​ឥឡូវ​ខ្ញុំ​យល់​ថា​ហេតុ​អ្វី​បាន​ CCTV មិន​ចាក់​ផ្សាយ​ការ​ប្រកួត​នោះ​។

ការរិះគន់នៅតែបន្តកើតមានលើប្រធានបទពេញនិយមបំផុតរបស់ Weibo ។ គណនីមួយបាននិយាយថា ពួកគេមិនបានឃើញអ្នកចាំទីជប៉ុនពេញការប្រកួតនោះទេ។ អ្នក​ផ្សេង​ទៀត​ជា​ច្រើន​បាន​អំពាវ​នាវ​ឱ្យ​រំលាយ​ក្រុម​ជម្រើសជាតិនេះចោល​ព្រោះ​ថា ៖«គ្មាន​ន័យអ្វីសោះ​ក្នុង​ការ​ចំណាយ​ប្រាក់​ច្រើន​ដល់​ក្រុម​ដែល​គ្មាន​ប្រយោជន៍​នេះ​ទេ»។

មុនការ​ប្រកួតម្សិលមិញ ចិន​ចាញ់​ជប៉ុន​ច្រើន​​បំផុតត្រឹម២​គ្រាប់៉ុណ្ណោះ។ ការបរាជ័យដ៏សំខាន់ចុងក្រោយរបស់ពួកគេក្នុងការប្រកួតផ្លូវការមួយគឺការបរាជ័យ 1-4 លើអ៊ីរ៉ង់ក្នុងឆ្នាំ 1997 ក្នុងវគ្គជម្រុះ World Cup ឆ្នាំ 1998 ។ 0-7 ក៏ជាការបរាជ័យដ៏ធំបំផុតរបស់ចិនក្នុងរយៈពេល 12 ឆ្នាំ ចាប់តាំងពីការបរាជ័យ 0-8 ក្រោមស្នាដៃក្រុមប្រេស៊ីលក្នុងការប្រកួតមិត្តភាពកាលពីឆ្នាំ 2012។

ចិន​បាន​ឈាន​ចូល​ដល់​ជុំ​ទី​៣​នៃ​ការ​ប្រកួត​ជម្រុះ World Cup 2026 ក្នុង​នាម​ជា​ក្រុម​លេខ២នៅ​ក្នុង​ពូល C នៃ​ជុំ​ទី​ពីរ។ នៅលើចំណាត់ថ្នាក់របស់ FIFA ប្រទេសជប៉ុនឈរលេខ១៧ហើយចិនឈរលេខ៧១។

លោក Branko Ivankovic គ្រូបង្វឹករបស់ប្រទេសចិនបាននិយាយនៅក្នុងសន្និសីទសារព័ត៌មានក្រោយការប្រកួតថា ៖«ប្រទេសជប៉ុនមិនត្រឹមតែជាក្រុមខ្លាំងបំផុតនៅអាស៊ីប៉ុណ្ណោះទេ ប៉ុន្តែក៏ជាក្រុមលំដាប់ពិភពលោកផងដែរ»។

គ្រូ​បង្វឹក​សញ្ជាតិ​ក្រូអាត​បាន​ទួញ​សោក​ថា​វា​ជារាត្រី​ដ៏​លំបាក​បំផុតក្នុង​អាជីព​ជា​គ្រូ​បង្វឹក​របស់​គាត់។

Ivankovic បាននិយាយថា៖ “វាគឺជាការប្រកួតដ៏ស្វិតស្វាញមួយ។ យើងផ្តោតជាពិសេសលើការការពារកំឡុងពេលរៀបចំមុនការប្រកួតរបស់យើង ប៉ុន្តែយើងបានរបូតគ្រាប់បាល់ច្រើនពេកក្នុងអំឡុងពេលប្រកួត ហើយគ្រាប់បាល់មួយចំនួនមិនគួរកើតឡើងទេ”។

អ្នកសរសេរប្លុកកីឡាដ៏ល្បីល្បាញរបស់ប្រទេសចិន He Sheng ដែលមានអ្នកតាមដានជាងមួយលាននាក់នៅលើ Weibo បានធ្វើដំណើរទៅកាន់ទីក្រុង Saitama ដើម្បីមើលការប្រកួតផ្ទាល់ជាមួយកូនស្រីរបស់គាត់។ អ្វី​ដែល​នៅ​ក្នុង​ចិត្ត​របស់​គាត់​គឺ​ការ​ធ្វើ​មិន​បាន​ល្អ​របស់​កីឡាករ។ លោក​បាន​និយាយ​ថា​៖ «​មិន​មាន​អ្វី​ត្រូវ​និយាយ​អំពី​ការ​ប្រកួត​នេះ​ទេ»​។

ប្រទេស​ចិន​ត្រូវ​បាន​គេ​ចាត់​ទុក​ថា​ជា​ប្រទេស​កីឡា​ខ្លាំង​បំផុត​ទី​ពីរ​ក្នុង​ពិភពលោក ​បន្ទាប់​ពី​សហរដ្ឋ​អាមេរិក ប៉ុន្តែ​ពួកគេ​មិន​អាច​រក​វិធី​អភិវឌ្ឍកីឡា​បាល់ទាត់​បាន​ទេ ហើយ​មិន​អាច​សម្រេច​បាន​នូវ​មហិច្ឆតា ​ដើម្បី​ក្លាយ​ជា​ប្រទេស​បាល់ទាត់​ដ៏​អស្ចារ្យ​មួយ។ ក្លិបចិនធ្លាប់ចំណាយលុយច្រើនដើម្បីជ្រើសរើសតារាល្បីៗ ធំៗទៅប្រកួតជើងឯកថ្នាក់ជាតិ ដូចអ្វីដែលអារ៉ាប៊ីសាអូឌីតកំពុងធ្វើដែរ ប៉ុន្តែលទ្ធផលគឺដោយសារមូលដ្ឋានគ្រឹះបាល់ទាត់ខ្វះស៊ីជម្រៅក្នុងការអភិវឌ្ឍន៍យុវជន។

មិន​ត្រឹម​តែ​ប៉ុណ្ណោះ អំពើ​ពុក​រលួយ ជា​ពិសេស​នៅ​ក្នុង​សមាគម​កីឡា​បាល់ទាត់​ចិន (CFA) បាន​ធ្វើ​ឲ្យ​អ្វីៗ​ធ្លាក់​ចុះ។ នៅឆ្នាំ 2023 អតីតប្រធាន CFA លោក Chen Xuyuan ត្រូវបានកាត់ទោសឱ្យជាប់គុកអស់មួយជីវិតពីបទសូកប៉ាន់​នៅក្នុងការស៊ើបអង្កេតឆ្នាំ 2022 ។ ឥស្សរជនជាន់ខ្ពស់មួយចំនួន ជាពិសេសអតីតគ្រូបង្វឹកក្រុមជម្រើស​ជាតិ​ចិន លោក Li Tie ក៏ត្រូវបានចាប់ខ្លួនផងដែរ។

លើកចុងក្រោយ និងតែមួយគត់ដែលចិនបានចូលរួមក្នុង World Cup គឺឆ្នាំ 2002។ អតីតប្រធានក្រុមជម្រើស​ជាតិលោក Fan Zhiyi ជឿជាក់ថា ក្នុងស្ថានភាពបច្ចុប្បន្ន ការប្រកួតជម្រុះ World Cup ជាលើកទីពីរគឺមិនអាចទៅរួចទេ។ ការ​ចាញ់​ជប៉ុន​កាល​ពី​យប់​ថ្ងៃ​ព្រហស្បតិ៍​បាន​កាត់​បន្ថយ​ទំនុក​ចិត្ត​របស់​អ្នក​គាំទ្រ​ថែម​ទៀត។

អ្នកគាំទ្រម្នាក់បានសរសេរនៅលើ Weibo ថា៖«វិធីដែលពួកគេបានបរាជ័យគឺមិនអាចទទួលយកបាន»។

កាសែត Oriental Sports Daily បាននិយាយថា បាល់ទាត់ចិនកំពុងទទួលការវាយប្រហារយ៉ាងខ្លាំង។កាសែតនេះបានសរសេរថា៖«នៅពេលដែលភាពជូរចត់ឈានដល់ដែនកំណត់របស់វា អ្វីទាំងអស់ដែលនៅសល់គឺស្ពឹកស្រពន់” ។ លើសពីនេះ កាសែតដែលមានមូលដ្ឋាននៅទីក្រុងសៀងហៃ បានហៅ Ivankovic ថាជាគ្រូបង្វឹកអសមត្ថភាព ដែលទទួលខុសត្រូវមួយផ្នែកចំពោះការបរាជ័យនេះ។

ការប្រកួតជម្រុះ World Cup 2026 ជុំទីបីបានបញ្ចប់ការប្រកួតដំបូងរបស់ខ្លួន។ ប្រទេស​ចិន​នៅ​មាន​ការ​ប្រកួត​ចំនួន​ប្រាំបួន​ទៀត ​ដើម្បី​ស្ដារ​ទំនុក​ចិត្ត​ពី​អ្នក​គាំទ្រ។ ប៉ុន្តែផ្លូវឆ្ពោះទៅមុខមិនងាយស្រួលនោះទេ ព្រោះការប្រកួតបន្ទាប់នៅថ្ងៃទី 10 ខែកញ្ញា ពួកគេនឹងធ្វើជាម្ចាស់ផ្ទះទទួលក្រុមអារ៉ាប៊ីសាអូឌីត ដែលជាក្រុមដែលត្រូវការជ័យជម្នះផងដែរបន្ទាប់ពីស្មើ 1-1 ទល់នឹងក្រុមម្ចាស់ផ្ទះឥណ្ឌូនេស៊ី។

កម្លាំងអាវុធហត្ថក្រុងផាមឿង បង្ក្រាបក្រុមរត់ពន្ធគ្រឿងញៀនយ៉ាងសាហាវ រឹបអូសកាបូបស្ពាយ៥ ខាងក្នុងរកឃើញថ្នាំញៀនមេតំហ្វេតាមីន ១លានគ្រាប់ មានស្លាកសញ្ញាឡូហ្គោក្លិបបិសាចក្រហម Manchester United។

នៅថ្ងៃទី 5 ខែកញ្ញា ឆ្នាំ 2024 កម្លាំងអាវុធហត្ថក្រុងផាមឿងដោយសហការជាមួយប៉ូលិសក្នុងតំបន់ កំពុងបំពេញបេសកកម្មល្បាតនៅតំបន់ Ban Pha Taek ស្រុក Wiang Pang Kham និងស្រុក Mae Sai ខេត្ត Chiang Rai បានរកឃើញក្រុមមនុស្សគួរឱ្យសង្ស័យ។ ​ហេតុ​នេះ​សមត្ថកិច្ច​បាន​កំណត់​អត្តសញ្ញាណ​ដើម្បី​សុំ​ធ្វើការ​ស្រាវជ្រាវ ។

ក្រោយ​មក​ក៏​មាន​ការ​ប៉ះ​ទង្គិចគ្នាដោយ​អាវុធមួយប្រាវ​ជាមួយ​ក្រុម​ជួញ​ដូរ​គ្រឿង​ញៀន។ ការ​ប៉ះ​ទង្គិច​គ្នា​នេះ​បណ្តាល​ឱ្យ​មន្ត្រី​មានរបួសតែមិន​មាន​គ្រោះថ្នាក់ដល់ជីវិតទេ ចំណែក​ជន​ដៃដល់​បាន​រត់គេច​ខ្លួន​បាត់ ។

បន្ទាប់មកកម្លាំងជំនាញបានចុះត្រួតពិនិត្យ និងឆែកឆេរក្នុងមូលដ្ឋាន បានរកឃើញកាបូបស្ពាយកែឆ្នៃចំនួន ០៥ កញ្ចប់មានថ្នាំមេតំហ្វេតាមីនចំនួន ២០០,០០០ គ្រាប់ក្នុងមួយថង់ សរុបចំនួន ១,០០០,០០០ គ្រាប់។ ពួកគេ​បាន​រឹបអូស​ថ្នាំ​ញៀន​នោះ ហើយ​បាន​រក​ឃើញ​ថា​កញ្ចប់​ថ្នាំ​មេតំហ្វេតាមីន​ត្រូវ​បាន​បោះត្រា​ដោយ​ឡូហ្គោ​របស់​ក្លិប​បាល់ទាត់​ដ៏​ល្បី​របស់​អង់គ្លេស​គឺ Manchester United។

អារ៉ាប៊ីសាអូឌីត បានត្រឹមស្មើ 1-1 ជាមួយឥណ្ឌូណេស៊ីក្នុងការ​ប្រកួតនៅទីក្រុង Jeddah កាលពីថ្ងៃព្រហស្បតិ៍ ខណៈដែលការប្រកួតជម្រុះ World Cup 2026 ជុំទី 3 បានចាប់ផ្តើមកាលពីម្សិលមិញផងដែរ។

ការ​ប្រកួត​បើក​ឆាក​នៃ​ការ​ប្រកួត​ជម្រុះ World Cup 2026 ជុំ​ទី​បី​ ជប៉ុន​យក​ឈ្នះ​ចិន​ក្នុង​លទ្ធផល 7-0 ខណៈ​ដែល​អូស្ត្រាលី​បាន​រង​បរាជ័យ​យ៉ាង​គួរ​ឱ្យ​ភ្ញាក់ផ្អើល 0-1 ក្រោម​ស្នាដៃ​ក្រុម​បារ៉ែន។ គ្រូបង្វឹក Shin Tae-yong និងឥណ្ឌូណេស៊ីក៏ចង់ឈ្នះដូចបារ៉ែនដែរ ព្រោះពួកគេមានគោលបំណងទទួលបានយ៉ាងហោចណាស់មួយពិន្ទុទល់នឹងអារ៉ាប៊ីសាអូឌីត។

នៅកីឡដ្ឋាន King Abdullah Sports City ជម្រើសជាតិឥណ្ឌូនេស៊ីបានដាក់ក្រុមកីឡាករចូលសញ្ជាតិចំនួន 9 នាក់។ ការបន្ថែមអ្នកចាំទីដែលទើបចូលសញ្ជាតិថ្មី Maarten Paes បានរួមចំណែកយ៉ាងសំខាន់ក្នុងលទ្ធផលស្មើជាមួយអារ៉ាប៊ីសាអូឌីត។

នេះជាលទ្ធផលស្មើ​លើក​ដំបូង​របស់​ឥណ្ឌូណេស៊ី​ទល់​នឹង​អារ៉ាប៊ីសាអូឌីត​ក្នុង​ការ​ប្រកួត​ផ្លូវ​ការ​បន្ទាប់​ពី​ប្រកួត​មិត្ត​ភាព 0-0 ក្នុង​ឆ្នាំ 2011 និង​ចាញ់ 11 លើក។ លទ្ធផលស្មើ​នេះត្រូវបានចាត់ទុកថាជាសមិទ្ធិផលដ៏អស្ចារ្យមួយសម្រាប់ក្រុមរបស់ Shin Tae-yong ក្នុងការប្រកួតលើកដំបូងរបស់ពួកគេក្នុងការប្រកួតជម្រុះ World Cup ជុំទីបី។ ឥណ្ឌូណេស៊ី​ឈរ​លេខ​រៀង​ទី​៤​ដោយ​មាន​ពិន្ទុ​ស្មើអារ៉ាប៊ីសាអូឌីត។ ជប៉ុន​នាំមុខ​៣​ពិន្ទុ​ដូចគ្នាជាមួយ​បា​រ៉ែ​ន ប៉ុន្តែ​មាន​គ្រាប់​បាល់ចំណេញខុសគ្នា។

ក្នុង​ការ​ប្រកួត​លើក​ទី​២​នៅ​ថ្ងៃ​ទី​១០ ខែ​កញ្ញា ក្រុម​ឥណ្ឌូណេស៊ី​នឹង​ត្រឡប់​ទៅ​កីឡដ្ឋាន Gelora Bung Karno Stadium របស់​ខ្លួន​វិញ ដើម្បី​ជួប​ក្រុម​អូស្ត្រាលី។