ព័ត៌មានកីឡាជាតិ
ខ្សែប្រយុទ្ធ គី រីណា របស់ ក្លិនវិសាខា បានបង្ហាញអំពីចំណាប់អារម្មណ៍របស់ខ្លួន សម្រាប់ជំនួបទល់នឹង ក្លិបបឹងកេត ស្អែកនេះ។
វិសាខា នឹងត្រូវមានភារកិច្ចសំខាន់ក្នុងការប្រកួតលីគកំពូលកម្ពុជានៅថ្ងៃស្អែកដោយត្រូវលេងទល់នឹង បឹងកេត នៃការប្រកួតសប្តាហ៍ទី៥ ខណៈ កាលពីរដូវកាលមុន ក្រុមទាំងពីរឈ្នះគ្នាម្នាក់ម្តង។
ថ្លែងប្រាប់ក្លិបវិសាខា រីណា បាននិយាយថា៖«ពួកយើងបានត្រៀមរួចរាល់ សម្រាប់ការប្រកួតជាមួយ បឹងកេត ថ្ងៃសៅរ៍នេះ។ ពួកយើងបានខិតខំប្រឹងប្រែងយ៉ាងខ្លាំង ដើម្បីវិសាខា និង អ្នកគាំទ្ររបស់យើង។ ខ្ញុំពិតជារីករាយដែលបានបង្ហាញខ្លួនក្នុងការប្រកួតកន្លងមក ប៉ុន្តែ ខ្ញុំប្តេជ្ញាចិត្ត និង ខិតខំកាន់តែខ្លាំងបន្ថែមទៀត សម្រាប់ត្រៀមការប្រកួតបន្តបន្ទាប់ ពិសេសជំនួបក្នុងដីជាមួយ បឹងកេត ក្នុងសប្តាហ៍នេះ»៕
ព័ត៌មានកីឡាអន្តរជាតិ
កីឡាករ Aymeric Laporte ដែលជាខ្សែការពាររបស់ Manchester City បានលើកឡើងថា Manchester United មានការច្រណែននឹងក្លិបរបស់ខ្លួន បន្ទាប់ពីពួកគេខកខានឈ្នះពានរង្វាន់អស់រយៈពេលជាច្រើនឆ្នាំ។
ក្នុងរយៈពេលប៉ុន្មានឆ្នាំចុងក្រោយនេះ យើងបានដឹងស្រាប់ហើយថា Man City ជា ក្រុមដែលជោគជ័យជាងគេនៅអង់គ្លេស តាមរយៈការឈ្នះពានរង្វាន់ក្នុងស្រុកជាច្រើន ប៉ុន្តែ បើយើងក្រឡេកទៅមើល Man Utd វិញ ពួកគេខកខានឈ្នះពានរង្វាន់តាំងពីឆ្នាំ ២០១៧ មកម្លេះ។
Laporte បាននិយាយថា៖«ប្រសិនបើនិយាយមិនខុសទេ ពួកយើងឈ្នះពានចំនួន ១១ ក្នុងរយៈពេល ៤ឆ្នាំ។ វាអាចរំខានដល់អ្នកដទៃបាន ជាពិសេសកក្រុមអ្នកជិតខាងរបស់យើង ដែលមិនបានឈ្នះអ្វីសោះ។ ពួកគេមានអ្នកគាំទ្រច្រើន យើងស្ថិតនៅក្នុងទីក្រុងតែមួយ។ វាពិតជាពិបាកសម្រាប់ពួកគេក្នុងការយល់ណាស់។ យ៉ាងណាក៏ដោយ អ្នកឈ្នះមានតែម្នាក់គត់។ ពួកគេក៏ចំណាយលុយច្រើនដែរ»៕
លោក Rafael van de Vaart ដែលជាអតីតកីឡាករជម្រើសជាតិហូល្លង់ ជឿជាក់ថា កីឡាករ Georgino Wijnaldum គិតខុសហើយដែលផ្លាស់មកកាន់ Paris Saint Germain។
Wijnaldum សម្រេចចិត្តចាកចេញពី Liverpool ដើម្បីផ្លាស់មកកាន់ PSG ដោយគ្មានតម្លៃខ្លួនក្រោយអស់កុងត្រា ហើយ ការមកដល់ទឹកដីបារាំង គឺ រូបគេពុំសូវទទួលបានឱកាសបង្ហាញខ្លួនឡើយ ដោយភាគច្រើនអង្គុយនៅកៅអីបម្រុង។
លោក Van de Varrt បាននិយាយថា៖«Wijnaldum សម្រេចចិត្តខុសក្នុងការជ្រើសរើស PSG ខណៈ Steven Beghuis គិតត្រូវដែលចាកចេញពី Feyenoord មកកាន់ Ajax។ នៅពេលនេះ Wijnaldum នឹងយល់ថា ហេតុអ្វីបានជាសម្រេចចិត្តត្រឹមត្រូវ គឺ ជារឿងដ៏សំខាន់»៕
លីគបាល់ទាត់ម៉ាឡេស៊ី (MFL) បានដាក់ពិន័យ Perak FC ដែលជាក្លឹបនៅលីគកំពូលម៉ាឡេស៊ី ដោយកាត់ចេញ ៣ ពិន្ទុ ដោយសារខកខានមិនបានបើកប្រាក់បៀវត្សរ៍ដែលនៅសល់របស់កីឡាករ និងមន្ត្រីនៃក្រុមសំខាន់ និងក្រុមបម្រុង ចាប់តាំងពីខែវិច្ឆិកា ឆ្នាំ ២០២១។
ស្ថាប័នឯករាជ្យ First Instance Body (FIB) ថ្ងៃនេះបានប្រកាសថា Perak FC ត្រូវបានកាត់ចេញភ្លាមៗចំនួន 3 ពិន្ទុសម្រាប់ការប្រកួត Liga Premier Malaysia 2022 សម្រាប់ការខកខានមិនបានបើកប្រាក់បៀវត្សរ៍ដែលនៅសល់របស់កីឡាករ និងមន្ត្រីនៃក្រុមសំខាន់ និងក្រុមបម្រុង រហូតដល់ខែវិច្ឆិកា ឆ្នាំ 2021 ដោយផ្អែកលើសេចក្តីប្រកាសលក្ខន្តិកៈ (SD) ដែលដាក់ជូនដោយ Perak FC ចុះថ្ងៃទី (15 ខែធ្នូ ឆ្នាំ 2021)។
នាយកប្រតិបត្តិនៃលីគបាល់ទាត់ម៉ាឡេស៊ី (MFL) លោក Stuart Ramalingam បង្ហើបថាក្រុម Perak FC ឥឡូវនេះប្រឈមមុខនឹងហានិភ័យនៃការធ្លាក់ចេញពី Malaysia League 2022 ប្រសិនបើពួកគេបរាជ័យក្នុងការដោះស្រាយបញ្ហាជំលោះប្រាក់ខែនៅថ្ងៃទី 31 ខែមីនា (ម្សិលមិញ)។
យោងតាមរបាយការណ៍ពី Sinar Harian ក្រុមមួយនេះពិតជាមានបញ្ហាពីរដែលត្រូវដោះស្រាយពាក់ព័ន្ធនឹងការជំពាក់ប្រាក់ខែក្នុងរដូវកាល 2021 និងរដូវកាល 2022 ផងដែរ។
“តាមពិតទៅ មានបញ្ហាពីរដែល Perak FC កំពុងជួបប្រទះនៅពេលនេះ គឺបញ្ហាបំណុលកាលពីឆ្នាំមុន (2021) និងបញ្ហាជំពាក់ប្រាក់ខែសម្រាប់រដូវកាល 2022។
“ទោះជាយ៉ាងនេះក្តី បញ្ហាប្រាក់ខែដែលមិនបានបើកក្រៅពីការជំពាក់ប្រាក់បៀវត្សរ៍សម្រាប់រដូវកាលឆ្នាំ 2022 គឺជាបញ្ហាដែលបានទាក់ទាញការចាប់អារម្មណ៍របស់យើង ហើយយើងក៏បានទាក់ទងជាមួយ Perak FC អំពីរឿងនេះផងដែរ”។
លោកបានប្រាប់ Sukan Sinar ថា៖ “ដូច្នេះហើយ ការបរាជ័យរបស់ Perak FC ក្នុងការដោះស្រាយបញ្ហាការទូទាត់ រួមទាំងការជំពាក់ប្រាក់បៀវត្សរ៍ នឹងធ្វើឱ្យក្លឹបត្រូវដកចេញពីការប្រកួត M-League” ។
ប្រព័ន្ធផ្សព្វផ្សាយក្នុងស្រុកបានរាយការណ៍ថាកីឡាករ Perak មិនបានទទួលប្រាក់ខែអស់រយៈពេលពីរខែ។ ពួកគេក៏ប្រឈមមុខនឹងបញ្ហានៃការមិនត្រូវបានអនុញ្ញាតឱ្យចុះហត្ថលេខាលើកីឡាករថ្មីដោយសារតែបំណុលចំនួនជិត៤៣ម៉ឺនដុល្លារ ដែលមិនត្រូវបានដោះស្រាយ។ជាក់ស្តែង បញ្ហានេះក៏ទទួលបានការចាប់អារម្មណ៍ពីសមាគមកីឡាករបាល់ទាត់អាជីពម៉ាឡេស៊ី (PFAM) ដែលបានជួយរកដំណោះស្រាយផងដែរ។
ក្រៅពីបញ្ហាជំពាក់ប្រាក់ខែសម្រាប់រដូវកាល២០២២ Perak FC ក៏ប្រឈមនឹងបញ្ហាប្រាក់ខែដែលមិនបានបើកកាលពីឆ្នាំមុនដែរ។ លោក Stuart បាននិយាយថា “បញ្ហានេះក៏អាចបណ្តាលឱ្យ Perak FC ត្រូវបានកាត់ចេញចំនួនបីពិន្ទុផងដែរ ដែលជាការដាក់ទណ្ឌកម្មលើកដំបូងក្នុងរយៈពេលពីរបីថ្ងៃ” ។
ពេលដែលគេនឹកឃើញកីឡាករលេខធ្លោក្នុងពានរង្វាន់សម្ដេចហ៊ុនសែនថ្នាក់ខេត្តឆ្នាំ២០២១ គេនឹងនឹកឃើញខ្សែប្រយុទ្ធក្លិបខេត្តបន្ទាយមានជ័យ ផាន សុផេន ពីព្រោះកាលនោះរូបគេជាកីឡាកររកបានគ្រាប់បាល់ច្រើនជាងគេ ហើយលេចធ្លោខ្លាំងរហូតបានទទួលកុងត្រាពីក្លិបអាជីពព្រៃវែងអេហ្វស៊ីកាលពីពាក់កណ្ដាលរដូវកាល២០២១នៃពានរង្វាន់ Metfone Cambodian League ។
គិតមកដល់ពេលនេះ! រយៈពេលកន្លះឆ្នាំបានទៅហើយរូបគេទើបតែបង្ហាញភាពលេចធ្លោសារជាថ្មីម្ដងទៀត បន្ទាប់ពីស៊ុតបញ្ចូលទីគ្រាប់ដំបូងឱ្យព្រៃវែងអេហ្វស៊ីដោយរកបាន៣គ្រាប់ក្នុងជ័យជម្នះ៨ទល់១លើក្រុមក្រសួងអបរំយុវជនខេត្តត្បូងឃ្មុំ។ ផ្ដល់បទសម្ភាសន៍ដល់គេហទំព័រ B8 Sport កីឡាករមានប្រភពមកពីខេត្តបន្ទាយមានជ័យបាននិយាយបែបនេះ៖
ផាន សុផេន ក្នុងការប្រកួត រវាងព្រៃវែងអេហ្វស៊ីជាមួយខេត្តត្បូងឃ្មុំ សប្ដាហ៍ទី៤ លីគទី២កម្ពុជា
«ការប្រកួតជាមួយត្បូងឃ្មុំ ខ្ញុំបានចូលលេងក្នុងជម្រើស១១នាក់ ហើយស៊ុតបញ្ចូលទី៣គ្រាប់ក្នុងចំណោមលទ្ធផលដ៏ធំធេងនេះ(៨-១)។ខ្ញុំពិតជាសប្បាយរីករាយ ហើយមានមោទនកភាពមែនទែន ព្រោះវាជាគ្រាប់បាល់លើកដំបូងបំផុតរបស់ខ្ញុំក្នុងអាជីពជាកីឡាករនៅក្លិបខេត្តព្រៃវែង។ ចូលលេងលើកដំបូងគឺរកបាន៣គ្រាប់តែម្ដង វាមិននឹកស្មានដល់ទេបង»។
និយាយអំពីអាជីពនៅក្រុមខេត្តព្រៃវែងតាំងពីរដូវកាលមុន រដូវឆ្លងកាត់ឧបសគ្គជាច្រើន ទម្រាំតែបានចូលលេងវិញនៅរដូវកាលនេះ។ សុផេន បន្តថា៖«ឆ្នាំមុនខ្ញុំមកចូលរួមជាមួយព្រៃវែងនៅពាក់កណ្ដាលរដូវកាល។ ខ្ញុំបានចូលលេងបួនប្រកួតក្នុងជម្រើសដំបូង១១នាក់តែពេលនោះ ការបង្ហាញរបស់ខ្ញុំមិនសូវលេចធ្លោនោះទេ ហើយក្រោយមក ខ្ញុំមានរបួសពេលហ្វឹកហាត់ផង ធ្វើឱ្យចូលលេងទីលានកាន់តែខើច”។
« ២ប្រកួតដំបូងក្នុងលីគទី២នៅឆ្នាំថ្មីនេះគឺខ្ញុំមិនបានលេងទេដោយសាររបួស ប៉ុន្តែពេលនេះខ្ញុំអាចលេងបានវិញ ហើយខ្ញុំមានទំនុកចិត្តខ្ពស់អាចជួយព្រៃវែងឱ្យមានលទ្ធផលល្អតាមការចង់បានរបស់ថ្នាក់ដឹកនាំ”។
លើសពីនេះ! អតីតខ្សែប្រយុទ្ធរបស់ក្លិបពាក់កណ្ដាលអាជីពដូចជា អធិរាជភ្នំស្វាយ ប៊ុនកយអេហ្វស៊ីរូបនេះបង្ហាញគោលបំណងធំបំផុតមួយចង់មានឈ្មោះក្នុងជម្រើសជាតិលេងក្នុងព្រឹត្តិការណ៍ស៊ីហ្គេមនៅវៀតណាមក្នុងឆ្នាំនេះ។
«ចំពោះព្រឹត្តិការណ៍ស៊ីហ្គេម គោលបំណងខ្ញុំចង់ជាប់ជម្រើសជាតិ ចង់ជួយជម្រើសជាតិ ហើយនៅស៊ីហ្គេមឆ្នាំនេះខ្ញុំមានបំណងចង់លេងឱ្យជម្រើសជាតិដែរ ពីព្រោះវាជាគោលបំណងធំបំផុតក្នុងអាជីព។ ពិតណាស់! វាពិតជាការពិបាកក្នុងប្រជែងកន្លែងនៅទីនោះ តែខ្ញុំនឹងខំប្រឹងប្រែងឱ្យខ្លាំង ទោះបីជាមិនជាប់ក៏ដោយ។ កីឡាករជម្រើសជាតិគឺក្ដីស្រមៃរបស់ខ្ញុំ”៕
រូបភាព៖ Prey Veng Football Club
ខ្សែប្រយុទ្ធ Sergio Aguero ដែលជាអតីតកីឡាកររបស់ Barcelona និង Manchester City បានបង្ហើបអំពីតម្រុយក្នុងការវិលត្រឡប់មកកាន់ទីលានបាល់ទាត់វិញ។
Aguero បានចាកចេញពី Man City ដើម្បីផ្លាស់មកកាន់ Barcelona ដោយគ្មានតម្លៃខ្លួនកាលពីដើមរដូវកាល ប៉ុន្តែ ក្នុងការប្រកួតមួយទល់នឹង Alsace’s រូបគេត្រូវបានបង្ខំចិត្តដើរចេញពីទីលាន បន្ទាប់ពីបញ្ហាបេះដូងបានធ្វើទុក្ខដល់រូបគេអំឡុងពេលប្រកួត។ ចាបើតាំងពីពេលនោះមក វាជាការបង្ហាញខ្លួនចុងក្រោយរបស់គេ ដោយ រូបគេបានសម្រេចចិត្តចូលនិវត្តន៍ពីបាល់ទាត់កាលពីថ្ងៃទី៣១ ខែ ធ្នូ ឆ្នាំ២០២១ កន្លងទៅនេះ។
យ៉ាងណាក្តី ពេលនេះ Aguero បាននិយាយថា៖«កាលពីម្សិលមិញ ខ្ញុំមានកូនចិត្តមួយថា ខ្ញុំអាចលេងបាល់បានម្តងទៀត។ Inter Miami ទាក់ទងមកខ្ញុំ ប៉ុន្តែ ខ្ញុំបានបដិសេធ។ ក្នុងរយៈពេលពីរឆ្នាំ? រង់ចាំមើលសិន។ ក្រុមគ្រូពេទ្យបានប្រាប់ខ្ញុំថា ខ្ញុំត្រូវចំណាយពេល ៥-៦ខែ ដោយមិនអាចធ្វើសកម្មភាពអ្វីបាន ប៉ុន្តែ ពេលនេះខ្ញុំចង់ហ្វឹកហាត់ម្តងទៀត»៕
ខ្សែការពារស្លាបជម្រើសជាតិកម្ពុជា និងក្លិបវិសាខា កីឡាករ កែន ចាន់សុភ័ក្របាននិយាយថា ការប្ដូរតួនាទីលេងក្នុងតំណែងពីខ្សែការពារស្លាបមកលេងក្នុងតំណែងប្រយុទ្ធវាមិនមែនជាការពិបាកពេកនោះទេ ពីព្រោះការពារស្លាបគឺជាតំណែងមួយដែលតែងតែមកជំនួយក្នុងតំបន់ប្រយុទ្ធ ជួយក្នុងការបញ្ជូនបាល់ និងចុះឡើងញឹកញាប់។
មែនទែនទៅ! អតីតខ្សែការពារភ្នំពេញក្រោនរូបនេះគឺជាខ្សែការពារទេ ទាំងនៅក្លិបនិងជម្រើសជាតិទាំងឈុតតូចនិងធំ ប៉ុន្តែ២ប្រកួតចុងក្រោយនៅវិសាខា លោក លី តែហ៊ុនបានដាក់រូបគេក្នុងតំបន់ប្រយុទ្ធ ដោយសារតែគាត់មើលឃើញពីការចំណេញ(ចំនួនលើស)ក្នុងតំបនប្រយុទ្ធ ហើយកីឡាកររូបនេះមានទេពកោសល្យប្រយុទ្ធល្អជាង អ៊ុក សុវណ្ណ។ ល់ើសពីនេះ! ខ្សែប្រយុទ្ធបរទសរបស់ក្លិបមានការខ្វះខាតក្នុងតំបន់នេះ ដែលត្រូវតែធ្វើយ៉ាងណា រក្សាតុល្យភាព ពីការពារទៅប្រយុទ្ធឱ្យបានល្អ។
ឆ្លើយឆ្លងជាមួយអ្នកយកព័ត៌មានរបស់ B8 Sport កីឡាកររូបនេះថា«ចំពោះការផ្លាស់ប្ដូរនេះ គឺពេលខ្ញុំនៅតំបន់ខាងលើ (ប្រយុទ្ធ) ខ្ញុំអាចចុះមកជួយការពារបាន ព្រោះខ្ញុំចុះឡើងបានលឿន ហើយខ្ញុំអាចប្រយុទ្ធបានល្អផងដែរ»។
«ការផ្លាស់ប្ដូរតួនាទីលេងនេះ ខ្ញុំគិតថាវាប្លែកដែរ តែវាមិនជាពិបាកប៉ុន្មានទេ ព្រោះរាល់ឆ្នាំ ពេលខ្ញុំលេងនៅក្រោមក៏ខ្ញុំបានជួយនៅខាងលើដែរ អញ្ចឹងវាមិនពិបាកអីប៉ុន្មាននោះទេ»។
បន្ទាប់ពីប្ដូរពីការមកលេងប្រយុទ្ធនេះ វិសាខារក្សាកំណត់ត្រាមិនទាន់ចាញ់នោះទេក្នុង២ប្រកួតចុងក្រោយដោយយកឈ្នះគិរីវង់សុខសែនជ័យ ៥ទល់០ និងស្មើជាមួយភ្នំពេញក្រោន០ទល់០។ ក្នុងជ័យជម្នះលើក្រុមមានមូលដ្ឋាននៅខេត្តតាកែវ សុភ័ក្រក៏រកបានមួយគ្រាប់ដែរ ក្នុងចំណោម៥គ្រាប់នោះ៕
ក្លិប Liverpool និង Manchester United នឹងជួបគ្នាក្នុងការប្រកួតមិត្តភាពកម្រិតខ្ពស់នៅទីក្រុងបាងកកក្នុងខែកក្កដា ខណៈដែលក្រុម Premier League បន្តដំណើរទេសចរណ៍មុនបើករដូវកាល ដើម្បីរកបានប្រាក់ចំណេញឡើងវិញបន្ទាប់ពីបានបានបញ្ឈប់នៅពេលដែល Covid វាយប្រហាររយៈពេលជិត៣ឆ្នាំកន្លងមក។
បន្ទាប់ពីការជួបគ្នានៅថ្ងៃទី 12 ខែកក្កដានៅក្នុងរាជធានីបាំងកក Cristiano Ronaldo និងមិត្តរួមក្រុមរបស់គាត់នៅ Man Utd នឹងហោះហើរទៅកាន់ប្រទេសអូស្ត្រាលីសម្រាប់ការប្រកួតមិត្តភាពពីរបន្ថែមទៀតរួមទាំងការប៉ះជាមួយ Crystal Palace នៅទីលាន Melbourne Cricket Ground ដែលមានសមត្ថភាពផ្ទុកអ្នកទស្សនា 100,000 នាក់។
មុនពេលជំងឺរាតត្បាត Covid-19 ដែលធ្វើឱ្យបិទដំណើរទេសចរណ៍ក្រៅប្រទេស ពិសេសទៅកាន់ទ្វីបអាស៊ី និងសហរដ្ឋអាមេរិក ពួកគេជាអ្នករកលុយជាប្រចាំសម្រាប់ភាគី Premier League ទោះបីជាអ្នកគ្រប់គ្រងមិនចូលចិត្តការធ្វើដំណើរ អាកាសធាតុក្តៅ និងពេលខ្លះលេងទីលានដែលគួរឱ្យសង្ស័យក៏ដោយ។
ការប៉ះគ្នារវាង Liverpool របស់ Jurgen Klopp ជាមួយ Man United របស់លោក Ralf Rangnick ដែលបច្ចុប្បន្នកំពុងតាមប្រជែង Manchester City នៅលើកំពូលតារាង Premier League ហើយការប្រកួតត្រឹមតែមិត្តភាពនៅពហុកីឡដ្ឋានជាតិ Rajamangala របស់ថៃត្រូវបានប្រព័ន្ធផ្សព្វផ្សាយ និងអ្នកគាំទ្រថៃដាក់ឈ្មោះថា “សង្រ្គាមក្រហម” ។
ក្លឹបទាំងពីរមានការតាមដានយ៉ាងខ្លាំងនៅក្នុងប្រទេសថៃ ដោយមានអាវ Liverpool និងនិមិត្តសញ្ញាដែលអាចមើលឃើញជាពិសេស ទំព័រហ្វេសប៊ុកផ្លូវការរបស់ក្លឹប Anfield មានអ្នកតាមដានច្រើនជាង 38 លាននាក់។
ប៉ុន្តែជាមួយនឹងសំបុត្រតម្លៃចាប់ពី 5,000 ទៅ 25,000 បាត អ្នកគាំទ្រថៃធម្មតាជាច្រើនបានត្អូញត្អែរពីការឡើងថ្លៃ ដោយសារតែពួកគេចង់ឃើញវីរបុរសរបស់ពួកគេលេងពិតៗនឹងភ្នែក។ កាលពីដើមខែនេះ មន្ត្រីជាន់ខ្ពស់នៃក្លឹបទាំងពីរបានទៅធ្វើទស្សនកិច្ចនៅទីក្រុងបាងកក ដើម្បីពិនិត្យសម្ភារៈបរិក្ខារនៅទីលានដែលមានកៅអីចំនួន 51,000 ។
ក្រុម Premier League ដែលធ្វើដំណើរជុំវិញទ្វីបអាស៊ីនាពេលកន្លងមក បានត្អូញត្អែរអំពីទីលានដែលមិនសូវមានស្តង់ដារ ហើយរូបថតដែលបានចេញផ្សាយដោយអ្នករៀបចំបានបង្ហាញឱ្យឃើញអ្នកចាត់ការទូទៅរបស់ Liverpool លោក Ray Haughan បានលុតជង្គង់ធ្វើការត្រួតពិនិត្យយ៉ាងលំអិតអំពីទីលានស្មៅ។
លោក Vinij Lertratanachai នាយកប្រតិបត្តិនៃ Fresh Air Festival ដែលកំពុងរៀបចំការប្រកួតបាននិយាយថា កីឡដ្ឋាននឹងទទួលបាន “ការផ្លាស់ប្តូរ” ដើម្បីបំពេញតាមស្តង់ដាររបស់ក្លឹប។ អ្នករៀបចំសង្ឃឹមថានឹងបង្កើតបរិយាកាសថ្ងៃប្រកួតជាភាសាអង់គ្លេសនៅលើដីថៃ បើទោះបីជាសីតុណ្ហភាពទំនងជានៅកម្រិតទាប 30°C និងសំណើមប្រហែល 70% ក៏ដោយ សំណើមដ៏ត្រជាក់នៃភាគពាយព្យនៃប្រទេសអង់គ្លេសខុសឆ្ងាយពីនេះ។
ក្រុម Crystal Palace របស់ Patrick Vieira ក៏ធ្វើដំណើរទេសចរណ៍ជាមួយ United នៅប្រទេសអូស្ត្រាលីផងដែរ ហើយពួកគេជួបជាមួយក្លឹប Melbourne Victory នៃ A-League នៅកីឡដ្ឋាន MCG ។
ដំណើរកម្សាន្តនឹងកើតឡើងបន្ទាប់ពីរដូវកាលដ៏លំបាកសម្រាប់ United ដែលទំនងជានឹងមានអ្នកចាត់ការថ្មីនៅពេលនោះ បន្ទាប់ពីការតែងតាំងគ្រូបង្វឹកបណ្តោះអាសន្ន Ralf Rangnick ។
របាយការណ៍បាននិយាយថា Man Utd បានពិភាក្សាជាមួយគ្រូបង្វឹក Ajax លោក Erik ten Hag ជាមួយនឹងគ្រូបង្វឹក Paris Saint-Germain លោក Mauricio Pochettino និង Luis Enrique របស់អេស្ប៉ាញផងដែរ។
លោក Conor Nestor ដែលជាគ្រូបង្វឹកក្រុមព្រះខ័នរាជស្វាយរៀង បានទទូចឲ្យដឹងថា ក្រុមរបស់លោកមិនមែនជាក្រុមខ្លាំងពេកនោះទេ។
ព្រះខ័នរាជស្វាយរៀង ចាប់ផ្តើមបានល្អមែនក្នុងការប្រកួតលីគកំពូលកម្ពុជា ដោយឆ្លងកាត់ ៤សប្តាហ៍ ពួកគេទទួលបានជ័យជម្នះទាំង ៤ប្រកួត ទទួលបាន ១២ពិន្ទុពេញ និង កំពុងឈរកំពូលតារាងផងដែរ ខណៈ នៅថ្ងៃសៅរ៍ខាងមុខនេះ ពួកគេនឹងត្រូវប្រឈមមុខជាមួយ ក្លិបណាហ្គាវើលដ៍។
ថ្លែងប្រាប់ Cambodia 2023 លោក Conor បាននិយាយថា៖«វាជាការចាប់ផ្តើមដ៏ល្អសម្រាប់ពួកយើង ពីព្រោះថា ការប្រកួតលីគដែលមាន ៨ក្រុមមានការប្រកួតប្រជែងខ្ពស់។ ប៉ុន្តែវានៅឆ្ងាយពីភាពល្អឥតខ្ចោះ យើងនៅមានចំណុចជាច្រើនដែលត្រូវធ្វើឲ្យប្រសើរឡើង»។
«ខ្ញុំមិនគិតថា យើងខ្លាំងពេកទេ ក្នុងលីគដែលមាន ៨ក្រុម។ ក្រុមទាំងអស់ស្ថិតក្នុងដំណាក់កាលនៃទម្រង់លេងល្អ និង ទម្រង់មិនល្អ»។
សម្រាប់សប្ដាហ៍ទី៥នេះ ក្រុមកំពូលតារាង Cambodian Premier League ២០២២ នឹងត្រូវបើកទ្វារកីឡដ្ឋានខេត្តស្វាយរៀងរបស់ខ្លួនទទួលក្រុមខ្លាំងមិនសូវមាត់ករ ណាហ្គាវើលដ៏នៅថ្ងៃទី០២ខែមេសាឆ្នាំ២០២២ នៅម៉ោង៦និង៣០នាទីដែលផ្សាយផ្ទាល់ដោយ កម្ពុជាថ្មី ៕
