ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ ដែលមានលោក Keisuke Honda ជា អ្នកចាត់ការទូទៅ បានសម្រេចចិត្តមិនកោះហៅកីឡាករអាយុលើស ៣នាក់ ឡើយសម្រាប់ដំណើរទៅចូលរួមប្រកួតកីឡាអាស៊ីអាគ្នេយ៍ (ស៊ីហ្គេម) លើកទី ៣១នៅប្រទេសវៀតណាមក្នុងខែឧសភាខាងមុខនេះ។

ជំនួយការគ្រូបង្វឹកលោក ភា សុភក្ត្រា មានប្រសាសន៍ថា មូលហេតុដែលក្រុមជម្រើសជាតិអាយុក្រោម២៣ឆ្នាំ មិនបញ្ចូលឈ្មោះកីឡាករលើសអាយុ ដោយសារតែគោលបំណងសំខាន់របស់ក្រុម គឺ ផ្តល់ឱកាសដល់កីឡាករក្មេងៗ ដើម្បីពង្រឹងសមត្ថភាពរបស់ពួកគេ។ ក្រុមនេះមិនត្រឹមតែផ្តោតលើការប្រកួតនាពេលខាងមុខប៉ុណ្ណោះទេ ប៉ុន្តែថែមទាំងផ្តោតលើដំណើរឆ្ពោះទៅស៊ីហ្គេមលើកទី ៣២ ឆ្នាំក្រោយ ដែលកម្ពុជានឹងធ្វើជាម្ចាស់ផ្ទះ។

“ដូចដែលឃើញក្នុងបញ្ជី​ឈ្មោះដែលស.ប.ក​ បាន​បង្ហោះ យើងមិនបានចុះឈ្មោះ កីឡាករដែលលើសអាយុនោះទេ ។ យើងបានជ្រើសរើសកីឡាករផ្ដោតលើ​ផែនការរយៈពេលវែង ហើយផ្តោតលើឆ្នាំ 2023 នៅកម្ពុជា”។

“មានកីឡាករចំនួន 50 នាក់នៅក្នុងបញ្ជីដំបូង។ យើង​បាន​កោះហៅ​ពួកគេ​ចំនួន ២៦ នាក់​មក​ហ្វឹកហាត់ ហើយ​នឹង​ជម្រុះ​ពួកគេ​ចំនួន ៦ នាក់ចេញ​ហើយ​នៅសល់​កីឡាករ 20 នាក់ចុងក្រោយ។ ក្នុងចំណោម​កីឡាំករក្នុងបញ្ជី​ចុងក្រោយ​២០​នាក់​នេះ​បើ​នរណា​ម្នាក់ឆ្លងកូវីដ ១៩ យើង​អាច​ប្ដូរថ្មី​ដោយ​រើស​កីឡាករណាម្នាក់​ពី​បញ្ជី​ដំបូង៥០​នាក់​នេះបាន។ ប៉ុន្តែក្នុងករណី​កីឡាកររបួសខុស​ពី​កូវីដ យើង​មិនអាច​ប្ដូរ​បាន​ទេ”។

ប្រភព៖ Phnom Penh Post

អតីតយុវជនសាលាបាល់ទាត់ជាតិបាទី កីឡាករ ផុន តៃនិញ បានបង្ហាញអារម្មណ៍សោកស្ដាយជាខ្លាំងដែលខ្លួនបានរងរបួសជង្គង់ជើងខាងស្ដាំជាថ្មីម្ដងទៀត ទាំងដែលខ្លួនមិនទាន់បានលេងជាមួយមិត្តរួមក្រុមអគ្គិសនីកម្ពុជា ក្នុងរដូវកាលថ្មី នៃក្របខណ្ឌ Cambodian League 2 ។

ឆ្លើយឆ្លងតាមរយ:សារអេឡិចត្រូនិចជាមួយទំព័រ B8 SPORTS កីឡាករ ផុន តៃនិញ បានរៀបរាប់បែបនេះ”÷ នេះជាការរងរបួសលើកទី២ របស់ខ្ញុំហើយវាធ្វើឲ្យខ្ញុំសោកស្ដាយយ៉ាងខ្លាំងសម្រាប់ខ្លួនឯង ដែលវាមិននឹកស្មានថាវាមកជួបស្ឋានភាពរបួសនេះជាលើកទី២ទេ។ ប៉ុន្តែខ្ញុំសង្ឃឹមថា វានឹងឆាប់ជាសះស្បើយត្រឡប់មកវិញក្នុងរយៈ:ពេលពី ៦-៧ខែខាងមុខទៀត ដែលខ្លួនបានវះកាត់ដោយជោគជ័យ”។

ជុំវិញមូលហេតុដែលបណ្តាលឲ្យមានបញ្ហារបួសជាលើកទី២ នេះ រូបគេបានបញ្ជាក់ថា“÷ របួសខ្លួនបានកើតឡើងជាថ្មី មុនការប្រកួតលីគ២ ចាប់ផ្តើមពីរថ្ងៃ ដែលកើតឡើងកំឡុងពេលហ្វឹកហាត់ជាមួយមិត្តរួមក្រុមរបស់ខ្លួន នឹងបន្តពិនិត្យមើលស្ថានភាពរបួសរហូតដល់វះកាត់បានជោគជ័យនាប៉ុន្មានថ្ងៃមុននេះ”។

បញ្ជាក់ផងដែរថា ខ្សែការពារវ័យ២២ឆ្នាំរូបនេះ បានចាកចេញពីក្លិបបាល់ទាត់វិសាខា មកចូលរួមជាមួយអគ្គិសនីកម្ពុជាកាលពីពាក់កណ្ដាលរដូវកាលមុន ក្នុងលក្ខខណ្ឌខ្ចីជើងដើម្បីស្វែងឱកាសបង្ហាញខ្លួនច្រើន ក្រោយពីខ្លួនបានជាសះស្បើយការរងរបួសជង្គង់លើកទី១នៅដើមរដូវកាលឆ្នាំ២០២១៕

សហព័ន្ធកីឡាបាល់​ទាត់​កម្ពុជា​ទើប​តែ​បាន​បង្ហាញបញ្ជី​ឈ្មោះ​បឋមជម្រើស​ជាតិ​ U23 កម្ពុជា២៦នាក់​ត្រៀម​ហ្វឹកហាត់ និង​ធ្វើ​ដំណើ​ទៅ​ចូល​រួមព្រឹត្តិការណ៍ស៊ីហ្គេម​នៅ​វៀតណាម ខណៈក្នុង​នោះ​មាន​កីឡាករ​មក​ពី​ក្លិប​ព្រះខ័នរាជស្វាយរៀង៣​នាក់​ជាប់​ផង​ដែរ។

ក្នុង​ករណី​នេះ​គ្រូបង្វឹក​ក្រុម​មាន​មូលដ្ឋាន​នៅ​ខេត្តស្វាយរៀង Conor Nestor និយាយអំពីកីឡាករ​ជាប់​ឈ្មោះក្នុង U23 កម្ពុជា​ទៅ​លេង​នៅស៊ីហ្គេមប្រទេស​វៀតណាម ខណៈដែលកីឡាករ៣​នាក់​មក​ពី​ព្រះខ័នរាជស្វាយរៀងមាន មិន រតនៈ អ៊ាន ពិសី និង​ជូ ស៊ិនទី។ លោក​បាន​និយាយក្នុងទំព័រហ្វេសបុករបស់​លោក​ថា៖

«ខ្ញុំមានមោទនភាពចំពោះយុវជនរបស់យើង។ ខ្ញុំក៏មានការខកចិត្តយ៉ាងខ្លាំងផងដែរ សម្រាប់អ្នកដែលមិន​មាន​ឈ្មោះក្នុងការជ្រើសរើស ទោះបីជាពួក​គេលេងទៀងទាត់ និងជាប់លាប់ក៏ដោយ។ នេះគឺជាបាល់ទាត់ – អ្នកដែលមិនមាន​ឈ្មោះត្រូវតែប្រឹងបន្ថែម ហើយប្រើវាជាកម្លាំងចិត្តក្នុងតស៊ូ។
រង់ចាំគាំទ្រជម្រើស​ជាតិកម្ពុជា ?? ពេលការប្រកួតចាប់ផ្តើម !កម្ពុជាស៊ូស៊ូ »។

បញ្ជាក់​ឡើង​វិញ! ក្នុងចំណោម២៦​នាក់​ត្រូវ​ធ្វើ​ការ​បោះជុំរំហ្វឹកហាត់នៅ​ពហុកីឡដ្ឋានមរតកតេជោ ឬ​ទីលាន​ហ្វឹកហាត់របស់ស្វាយរៀង និងចម្រាញ់​យក​តែ​កីឡាករ​២០​នាក់​ធ្វើ​ដំណើរ​ទៅ​វៀតណាម​នៅ​ខែ​ក្រោយ។ U23 កម្ពុជា​ស្ថិត​ក្នុងពូល​Bនៃ​វិញ្ញាបាល់​ទាត់បុរស​ដេល​មាន​ដូចជា U23 ថៃ ម៉ាឡេស៊ី សិង្ហបុរី និង​U23 ឡាវ៕

យោងតាមកាសែត The Independent ដែលជាប្រភពលំដាប់ទី 2 បាន​ឱ្យ​ដឹង​ថា លោក Erik ten Hag បានស្នើសុំក្រុមប្រឹក្សាភិបាល Manchester Unitedប្ដូរ​កីឡាករក្នុងជម្រើស១១នាក់ថ្មីមួយផ្សេង​ទៀតដើម្បីដោះស្រាយបញ្ហាជាច្រើននៅក្នុងក្រុម។

បន្ទាប់​ពី​ក្រុមបិសាចក្រហមចាញ់ Arsenal 3-1 ដូច្នេះ​គេ​អាច​ស្រមៃ​មើល​ថា Ten Hag គិត​យ៉ាង​ណា​ចំពោះ​ក្រុម​ឥឡូវ​នេះ។ The Independent យល់ថាសូម្បីតែ Ralf Rangnick គាំទ្រគំនិតនេះ ដោយសារគាត់គិតថាកីឡាករភាគច្រើនមិនស្របតាមស្តង់ដារ។ របាយការណ៍បន្ថែមថា សេចក្តីថ្លែងការណ៍នាពេលថ្មីៗនេះរបស់ Rangnick ស្តីពីការចុះហត្ថលេខាលើកីឡាករថ្មី 10 នាក់ មិនមែនជា “ពាក្យគ្រាន់​តែ​និយាយចោល” នោះទេ។

កីឡាករដូចជា Jesse Lingard, Paul Pogba និង Edison Cavani ប្រាកដណាស់ថានឹងចាកចេញនៅពេលដែលកិច្ចសន្យារបស់ពួកគេផុតកំណត់នៅរដូវក្តៅនេះ។ ទោះបីជាយ៉ាងណាក៏ដោយ របាយការណ៍នេះបានអះអាងថា អាចមានមនុស្សជាច្រើនទៀតចាកចេញពី Old Trafford បន្តបន្ទាប់​ទៀត៕

ប្រភព៖ The Independent

ក្លិប Pairs Saint-Germain គ្រោងនឹងបណ្តេញលោក Mauricio Pochettino ចេញពីតំណែងក្នុងរយៈពេល២៤ម៉ោងចុងក្រោយនេះ បន្ទាប់ពីក្លិបដណ្តើមបានពានរង្វាន់ Ligue 1។ នេះបើយោងតាមរបាយការណ៍នៅក្នុងប្រទេសបារាំង។

PSG បានគ្រងដំណែងជើងឯក បន្ទាប់ពីពួកគេបញ្ចប់លទ្ធផលស្មើគ្នា ១ទល់នឹង១ ជាមួយ Lens កាលពីរាត្រីថ្ងៃសៅរ៍ ប៉ុន្តែទាំងក្រុម និង ថ្នាកលើរបស់ក្លិប បានបន្តប្រឈមមុខនឹងសម្ពាធពីអ្នកគាំទ្របន្ទាប់ពីការធ្លាក់ចេញពីក្របខ័ណ្ឌ Champions League កាលពីខែមីនាកន្លងទៅក្រោមថ្វីជើង Real Madrid។

បើយោងទៅតាមការចុះផ្សាយរបស់កាសែត Le Parisen បានលើកឡើងថា លោក Pochettino ទំនងជានឹងក្លាយជាអ្នលចាត់ការគ្មានតម្លៃខ្លួនក្រោយបញ្ចប់រដូវកាលនេះ បន្ទាប់ពីក្លិបកំពុងចរចាលក្ខខណ្ឌនៃការចាកចេញរបស់គលោក។ របាយការណ៍បានអះអាងថា Pochettino លែងចង់បន្តនៅ PSG ទៀតហើយ ខណៈដែលក្លិបក៏មិនចង់បានលោកជាអ្នកដឹកនាំដូចគ្នា។ យ៉ាងណាក្តី PSG នឹងត្រូវចំណាយប្រាក់ ១៥លានអឺរ៉ូ (1៦ លានដុល្លារ) ជាសំណងដល់លោក Pochettino និង ក្រុមការងារគ្រូបង្វឹករបស់លោក ដែលនៅសល់កុងត្រាមួយឆ្នាំទៀត។

គ្រូបង្វឹក​ថ្មីរបស់ Man Utd លោក Erik Ten Hag នឹងមិនមានការកែប្រែស្ទីលដឹកនាំរបស់ខ្លួន​ ទៅផ្គាប់ចិត្តឈ្កីឡាករល្បីៗ និង​តារាង​មួយចំនួនក្នុងក្រុមថ្មីរបស់គាត់ឡើយ។

Erik ten Hag បានព្រមាន Cristiano Ronaldo និងកំពូលតារាឆ្នើមរបស់ Manchester United ថាគាត់នឹងមិនផ្លាស់ប្តូរវិធីសាស្រ្តរបស់គាត់ ដើម្បីបំពេញតម្រូវ​ការរបស់ពួកគេទេ ដោយសង្កត់ធ្ងន់ថាគាត់មានបំណងបង្កើតផ្នែកមួយតាមរូបភាពរបស់គាត់ដែល​មាន។

បុរសសញ្ជាតិហូឡង់រូបនេះនឹងស្នងតំណែងជាគ្រូបង្វឹកបណ្ដោះអាសន្ន Ralf Rangnick នៅចុងបញ្ចប់នៃរដូវកាលនេះ ដោយចាកចេញពី Ajax ហើយ​មកចុះកុងត្រានៅ Old Trafford ជាមួយបិសាចក្រហម។

គាត់នឹងទទួលមរតកក្រុមមួយ ដែលមានឈ្មោះតារាជាច្រើនហើយក្នុងចំណោមក្រុមទាំង​នោះ​មានរួមទាំងវីរបុរសជម្រើស​ជាតិព័រទុយហ្គាល់ Ronaldo ផងដែរ ប៉ុន្តែនិយាយឥឡូវនេះ មុនពេលការមកដល់របស់គាត់ Ten Hag និយាយថាគាត់នឹងប្រកាន់ខ្ជាប់នូវវិធីសាស្រ្តដឹកនាំរបស់គាត់ជាជាងបំបែកនៅក្នុងរចនាប័ទ្មថ្មីដើម្បី ផ្គាប់ចិត្តកីឡាករឬ​តារាល្បីៗរបស់​ក្លិប។

Ten Hag គិតថាគាត់អាចគ្រប់គ្រងតារា Man Utd បានទេ?

គ្រូបង្វឹកហូឡង់​អាយុ ៥២ ឆ្នាំនិយាយប្រាប់​កាសែត​ Trouw ​ថា៖ «ខ្ញុំ​គិត​ដូច្នេះដែរ ប៉ុន្តែ​ខ្ញុំ​នឹង​ក្លាយ​ជា​ខ្លួន​ឯង​ជានិច្ច»។ “ខ្ញុំនឹងមិនផ្លាស់ប្តូរទស្សនៈរបស់ខ្ញុំលើការបង្វឹកនោះទេ។ ប្រភេទនៃកីឡាករដែលអ្នកបានកំណត់ពីរបៀបដែលអ្នកលេង ប៉ុន្តែខ្ញុំគ្រប់គ្រងលើការទាមទារ និងភារកិច្ចដែលត្រូវបានសួរពីកីឡាករ”។

“ខ្ញុំសម្រេចចិត្តថាតើកីឡាករម្នាក់មានភារកិច្ចអ្វី ប្រសិនបើនរណាម្នាក់មិនបំពេញភារកិច្ចរបស់គាត់ គាត់នឹងដឹងអំពីរឿងនោះ មិនថាអ្នកណាក៏ដោយ ខ្ញុំនឹងមិនសម្រប​សម្រួលលើកិច្ចការនោះទេ។ ខ្ញុំទាមទារពីរបៀបដែលខ្ញុំចង់ធ្វើការ។ មុនពេលខ្ញុំចុះហត្ថលេខា ប្រសិនបើការទាមទារទាំងនោះមិនត្រូវបានបំពេញ ខ្ញុំមិនចុះហត្ថលេខាទេ”។

“លុយកាក់មិនទាក់​ទងជាមួយខ្ញុំ ហើយខ្ញុំនឹងត្រូវវិនិច្ឆ័យលើលទ្ធផលនៃក្រុម។ ខ្ញុំមិនចង់ក្លាយជាជនផ្តាច់ការទេ ខ្ញុំចង់ធ្វើការជាមួយគ្នា ប៉ុន្តែខ្ញុំចង់និយាយនៅក្នុងការផ្ទេរ នោះគឺជាលក្ខខណ្ឌសម្រាប់ខ្ញុំ។ ”

គ្រូបង្វឹកហូឡង់ដឹងពីសម្ពាធភ្លាមៗនៅ Man Utd៖

Ten Hag នឹង​ត្រូវ​ទទួល​រងសម្ពាធដោយ​គាត់​ដឹង​ថា​ត្រូវ​ដឹកនាំ Man Utd ចេញ​ពី​ភាព​ស្រពេចស្រពិលរបស់​បិសាចក្រហម ជាពិសេសបន្ទាប់ពីការធ្លាក់ចុះនៃការដឹកនាំពេញមួយរដូវកាលចុងក្រោយរបស់ Ole Gunnar Solskjaer ។ ប៉ុន្តែ​អ្នក​ចាត់​ការ​រូបនេះ​ទទួល​ស្គាល់​ថា​នឹង​មាន​សម្ពាធ​ភ្លាម​ៗ​ក្នុង​ការ​បង្ហាញគុណផលលេង ។ លោក​បាន​បន្ថែម​ថា៖ «ខ្ញុំ​ដឹង​រឿង​នោះហើយ! អ្នកគ្រាន់តែត្រូវឈ្នះការ​ប្រកួត បើមិនដូច្នេះទេ អ្នកនឹងត្រូវវិនិច្ឆ័យ ហើយត្រឹម​តែ​ឈ្នះវាមិនគ្រប់គ្រាន់ទេ”។

“ឧទាហរណ៍ Ajax ទទួលបានពិន្ទុច្រើនក្នុងមួយប្រកួតបន្ទាប់ពីសម្រាករដូវរងាជាងពេលមុន ប៉ុន្តែទស្សនៈដែលមនុស្សមានគឺថា ពួកយើងមានភាពល្អប្រសើរក្នុងពាក់កណ្តាលរដូវកាលដំបូង”៕

ក្លិបនៃលីគកំពូលឥណ្ឌូនេស៊ី Persija Jakarta បានតែងតាំង លោក Thomas Doll ជាគ្រូបង្វឹកថ្មីជាផ្លូវការ ដើម្បីត្រៀមសម្រាប់ការប្រកួតរដូវកាលថ្មី Liga 1 ឆ្នា២០២២/២០២៣ នាពេលខាងមុខ។ នេះបើតាមបង្ហោះជាផ្លូវការលើប្រព័ន្ធផ្សព្វផ្សាយរបស់ពួកគេ។

អ្នកចាត់ការជនជាតិអាឡឺម៉ង់វ័យ៥៦ឆ្នាំ លោក Thomas Doll ត្រូវបានក្លិបយក្សនៃលីគកំពូលឥណ្ឌូនេស៊ី
Persija Jakarta តែងតាំងជាអ្នកចាត់ការជាផ្លូវការបន្ទាប់ពីរដូវកាលមុនក្លិបបញ្ចប់នៅចំណាត់ថ្នាក់លេខ៨ នៃតារាងលីគកំពូលឥណ្ឌូនេស៊ី ដែលស្ថិតក្រោមការដឹកនាំរបស់អ្នកចាត់ការអ៊ីតាលីលោក Angelo Alessio គ្រូក្នុងស្រុកបណ្ដោះអាសន្នលោក Sudirman។

លោក Thomas Doll ធ្លាប់មានបទពិសោធន៍ក្លិបធំៗនៅអាឡឺម៉ង់មួយចំនួន រួមមាន Hamburger SV (2004-2007), Hannover 96 (2019) និង Borussia Dortmund (2007-2008) ផងដែរ។ មិនត្រឹមតែប៉ុណ្ណោះ លោកក៏ធ្លាប់បង្វឹកក្លិបធំមួយនៅប្រទេសអារ៉ាប៊ីសាអូឌីត Al Hilal Riyadh ក្នុងកំឡុងឆ្នាំ២០១១-២០១២៕