អ្នកចាំទី វីរៈ ដារ៉ា បានចាត់ទុកថា វាជារឿងដ៏មិនគួរឲ្យជឿដែលរូបគេអាចទទួលបានឱកាសបង្ហាញខ្លួនជាជម្រើសដំបូងឲ្យក្លិបវិសាខា។

លោក Lee Tae Hoon បានផ្តល់ឱកាសឲ្យ វីរៈ ដារ៉ា លេងជាជម្រើសដំបូងពីរប្រកួតជាប់ៗគ្នាហើយក្នុងការប្រកួតទល់នឹង គិរីវង់សុខសែនជ័យ និង ភ្នំពេញក្រោន ហើយ អ្វីដែលល្អនោះ គឺ គេអាចរក្សាសំណាញ់ទីមិនឲ្យរបូតទាំងពីរប្រកួតផងដែរ។

ថ្លែងប្រាប់ Cambodia 2023 វីរៈ ដារ៉ា បាននិយាយថា៖«វា មិន គួរ ឲ្យ ជឿ ក្នុង ការ បង្ហាញ ខ្លួន ឲ្យ ក្លិប ហើយ ខ្ញុំ មិន រំពឹង ថា វាឆាប់ បែបនេះ ទេ។ ដូចដែលអ្នកបានដឹងហើយថា កែវ សុខសិលា គឺជាអ្នកចាំទីជម្រើសដំបូងរបស់យើង»។

«ខ្ញុំតែងតែខិតខំប្រឹងប្រែង និងហ្វឹកហាត់យ៉ាងលំបាកជារៀងរាល់ថ្ងៃ ហើយត្រៀមខ្លួនគ្រប់ពេលដែលខ្ញុំត្រូវការ។ ខ្ញុំតែងតែស្តាប់គ្រូបង្វឹក ហើយព្យាយាមយល់ពីតម្រូវការរបស់គាត់។ ខ្ញុំ ហ្វឹកហាត់ ខ្លាំង ហើយ តែងតែ ផ្តោត អារម្មណ៍នៅ រាល់មុន ការ ប្រកួត ទោះបី ខ្ញុំ មិន បាន លេង ក៏ដោយ។ វាបានមកពីការខិតខំ។ ខ្ញុំពិតជាមិនខ្វល់ថា តើខ្ញុំអាចលេងនៅប្រកួតបន្ទាប់ទេ។ អ្វីដែលសំខាន់សម្រាប់ខ្ញុំ គឺការខិតខំប្រឹងប្រែង។ ខ្ញុំ ចង់ ជួយ ក្រុម តាម ដែល អាច ធ្វើ ទៅ បាន»។

«ខ្ញុំមិនលេងច្រើនទេ ហើយខ្ញុំដឹងថា វាពិបាកក្នុងការទទួលបានឱកាស។ នេះជាឱកាសដ៏ល្អសម្រាប់ខ្ញុំ។ ដូច្នេះខ្ញុំត្រូវតែចាប់យកវាឲ្យបាន»។

«ខ្ញុំដឹងថា ខ្ញុំត្រូវកែលម្អបន្ថែមទៀត ប៉ុន្តែខ្ញុំជឿជាក់លើខ្លួនឯង។ ខ្ញុំត្រូវប្រឹងប្រែងឱ្យអស់ពីសមត្ថភាពដើម្បីទទួលបានឱកាសលេងឱ្យបានច្រើន។ ខ្ញុំមិនប្រាកដថាខ្ញុំ អាចចាប់ផ្តើមក្នុងការប្រកួតបន្ទាប់ ឬយ៉ាងណាទេ។ អ្វីគ្រប់យ៉ាងគឺអាស្រ័យលើគ្រូបង្វឹកប៉ុន្តែខ្ញុំតែងតែខិតខំដើម្បីខ្លួនឯងនិងជួយក្លិបរបស់ខ្ញុំ»៕

Bruno Fernandes កំពុងស្ថិតក្នុងភាពល្បីល្ប៉ាញកម្រិតខ្ពស់ បន្ទាប់ពីបានរុញជម្រើស​ជាតិព័រទុយហ្គាល់ចូលទៅក្នុងការប្រកួតបាល់ទាត់ពិភពលោកឆ្នាំ 2022 ជាមួយនឹងការទាត់បញ្ជូល​ទី២​គ្រាប់យ៉ាងអស្ចារ្យក្នុងជ័យជម្នះ 2-0 របស់ពួកគេលើក្រុមម៉ាសេដ្វានខាងជើង។

ហើយបើយោងតាមអ្នកកាសែតលំដាប់ទី 1 Fabrizio Romano ខ្សែបម្រើរបស់ Manchester United នឹងចុះហត្ថលេខាលើកិច្ចសន្យាថ្មីរបស់គាត់នៅពេលដែលគាត់ត្រលប់ទៅប្រទេសអង់គ្លេសវិញ។

Romano កត់​សម្គាល់​ថា នៅ​ពេល​ដែល​គាត់​ចុះ​ហត្ថលេខា​លើ​កិច្ច​ព្រម​ព្រៀង​នេះ​ជា​ផ្លូវ​ការ ការ​ប្រកាស​នឹង​ត្រូវ​ធ្វើ​ឡើង​ក្នុង ‘ប៉ុន្មាន​ថ្ងៃ​ខាង​មុខ’។ Bruno វ័យ 27 ឆ្នាំកំពុងឡើងប្រាក់ខែយ៉ាងសំខាន់ – ចាប់ពី 100,000 ផោនក្នុងមួយសប្តាហ៍ដល់ 240,000 ផោនក្នុងមួយសប្តាហ៍ – ហើយនឹងត្រូវចងពេលវេលាឱ្យនៅ Old Trafford រហូតដល់ឆ្នាំ 2027 ។

គាត់គឺជាតួអង្គសំខាន់សម្រាប់ United ចាប់តាំងពីចូលរួមនៅក្នុងខែមករាឆ្នាំ 2020 ដោយស៊ុតបញ្ចូលទីបាន 49 គ្រាប់ក្នុង 117 ប្រកួតរហូតមកដល់ពេលនេះ។

ប្រភព៖ Fabrizio Romano @ Twitter

ខ្សែបម្រើ Bruno Fernandes បានបង្ហាញអំពីអារម្មណ៍សប្បាយរីករាយដែលបានជួយ ក្រុមជម្រើសជាតិព័រទុយហ្កាល់ ឡើងទៅលេងក្នុងពានរង្វាន់ World Cup ២០២២។

កាលពីយប់មិញក្នុងការប្រកួតទល់នឹងក្រុមជម្រើសជាតិម៉ាសេដូនៀ គឺ Bruno រកគ្រាប់ពីរគ្រាប់ម្នាក់ឯង ក្នុងជ័យជម្នះ ២ទល់នឹង០ គ្រប់គ្រាន់ហើយដើម្បីជួយក្រុមទទួលបានកៅអីទៅកាន់ប្រទេសកាតា ចូលរួមក្នុងព្រឹត្តិការណ៍ World Cup 2022។

Bruno បាននិយាយថា៖«វាស្ថិតនៅក្នុងកន្លែងដ៏ពិសេសមួយ ពីព្រោះគោលបំណងរបស់យើងត្រូវបានសម្រេច។ វាជារឿងសំខាន់បំផុត។ ខ្ញុំមិនមែនមកទីនេះដើម្បីរកគ្រាប់បាល់នោះទេ គឺ ខ្ញុំមកដើម្បីជួយក្រុម។ ប្រសិនបើខ្ញុំអាចជួយក្រុមតាមរយៈការរកគ្រាប់បាល់បាន ខ្ញុំសប្បាយចិត្ត ព្រោះ កីឡាករណាក៏ចូលចិត្តស៊ុតបញ្ចូលទីដែរ ប៉ុន្តែការផ្តោតសំខាន់គឺ ការជួយក្រុម»៕

ខ្សែប្រយុទ្ធ Cristiano Ronaldo និង ជាប្រធានក្រុមជម្រើសជាតិព័រទុយហ្កាល់ មានពាក្យពេជន៍ផ្ញើសារទៅកាន់អ្នកគាំទ្របន្ទាប់ពីរូបគេបានរួមចំណែកជួយក្រុមទទួលបានជ័យជម្នះកាលពីយប់មិញ។

ព័រទុយហ្កាល់ បានយកឈ្នះ ក្រុមជម្រើសជាតិម៉ាសេដូនៀ ក្នុងលទ្ធផល ២ទល់នឹង០ ពីការស៊ុតបញ្ចូលទីរបស់ Bruno Fernandes ទាំងពីរគ្រាប់ដើម្បីធានាកៅអីឡើងទៅលេងក្នុងជុំផ្តាច់ព្រ័ត្រ World Cup 2022 ដែលរៀបចំនៅប្រទេសកាតា។

Ronaldo បាននិយាយថា៖«គោលដៅរបស់យើងធ្វើបានសម្រចហើយ។ យើងបានទៅលេង World Cup នាប្រទេសកាតា។ ពួកយើងកំពុងស្ថិតនៅក្នុងកន្លែងដ៏ត្រឹមត្រូវ។ សូមអរគុណទៅកាន់អ្នកគាំទ្រព័រទុយហ្កាល់ ចំពោះការគាំទ្រពេញទំហឹងរបស់ពួកគេ។ ស៊ូស៊ូ ព័រទុយហ្កាល់»៕

រាយការណ៍ពី​គេហទំព័រ Channel News Asia នាយករដ្ឋមន្ត្រីម៉ាសេដ្វានខាងជើង លោក Dimitar Kovacevski បានសន្យាថានឹងផ្តល់រង្វាន់ចំនួន 500,000 អឺរ៉ូដល់ក្រុមជម្រើសជាតិ ប្រសិនបើពួកគេអាចយកឈ្នះព័រទុយហ្គាល់ និងមានលក្ខណៈគ្រប់គ្រាន់សម្រាប់ការប្រកួតបាល់ទាត់ពិភពលោកឆ្នាំ 2022 នៅប្រទេសកាតា។

ប្រទេសម៉ាសេដ្វានខាងជើង បានទាញការភ្ញាក់ផ្អើលដ៏ធំបំផុតប្រចាំឆ្នាំ នៅពេលដែលពួកគេបានផ្តួលក្រុមអ៊ីតាលី ដែលជាម្ចាស់ជើងឯក Euro 2020 ឡើង​មក​ជួបក្រុមព័រទុយហ្គាល់ដើម្បីយកកន្លែងមួយនៅក្នុងការប្រកួតដ៏ធំនៅក្នុងខែធ្នូខាងមុខនៅ​ប្រទេស​កាតារ។

ឥឡូវនេះ ការយកឈ្នះលើក្រុមព័រទុយហ្គាល់នឹងមិនងាយស្រួលនោះទេ ដោយសារពួកគេមានកីឡាករដូចជា Bruno Fernandes, Cristiano Ronaldo និង Diogo Jota ជាដើម។ ទោះជាយ៉ាងណាក៏ដោយ ហាងឆេងមានកាន់តែច្រើន ខណៈដែល​គេ​គិត​ថា ជម្រើស​ជាតិ​ម៉ាសេដ្ឋានខាងជើងគឺ​ជាក្រុមដែលមានភាគរយខ្ពស់នៅពេលនេះ។

សំបុត្រចំនួន 50,000 សន្លឹកសម្រាប់ការប្រកួតនេះត្រូវបានលក់អស់ហើយ ដោយអ្នកគាំទ្របានអធិស្ឋានយ៉ាងអន្ទះសារសម្រាប់ការខកចិត្ដដល់​ព័រទុយហ្គាល់ដែលអាចកើតមានមួយទៀត ក្រោយ​ធ្វើឱ្យអ៊ីតាលី​យំមិនចេញកាល​ពី​វគ្គ​ជម្រុះ Playoff ជុំដំបូង៕

ប្រភព៖ Channel News Asia

ថ្លែងទៅកាន់ The Sun លោក Wayne Rooney បាននិយាយថា៖ “Sir Alex Ferguson បានព្យាយាមចុះហត្ថលេខាជាមួយខ្ញុំ នៅពេលខ្ញុំមានអាយុ 14 ឆ្នាំ។ គាត់កំពុងទូរស័ព្ទទៅកាន់ម្តាយ និងប៉ារបស់ខ្ញុំ”។

“ពួកគេបាននិយាយថា ‘Alex បាន​ខល​មក​ហើយ Manchester United ចង់ចុះហត្ថលេខាលើអ្នក’ ។ ខ្ញុំបាននិយាយថា “ប្រាប់គាត់ឱ្យបិទទៅ។ ខ្ញុំចង់លេងឱ្យ Everton ទេ” ។

“បន្ទាប់មក! យូរៗទៅ ខ្ញុំដឹងថាខ្ញុំត្រូវតែលេងឱ្យ Alex Ferguson ។ ហេតុផលដែលខ្ញុំចុះហត្ថលេខាជាមួយ Manchester United គឺ Alex Ferguson” ។

Rooney បានបញ្ចប់ការផ្លាស់ប្តូរទៅ Old Trafford នៅអាយុ 18 ឆ្នាំដោយបានចូលរួមជាមួយបិសាចក្រហមក្នុងឆ្នាំ 2004 ក្នុងតម្លៃ 20 លានផោន ដែលជាតម្លៃខ្ពស់បំផុតមិនធ្លាប់មានសម្រាប់កីឡាករដែលមានអាយុក្រោម 20 ឆ្នាំនៅពេលនោះ។

ខ្សែប្រយុទ្ធសញ្ជាតិអង់គ្លេសបានរក្សាការស្រលាញ់របស់គាត់ចំពោះ Everton (និងការស្អប់ Liverpool) ពេញមួយអាជីពរបស់គាត់ ដោយបានចូលរួមជាមួយក្រុមកុមារភាពរបស់គាត់ម្តងទៀតដោយ​លេង​បានមួយរដូវកាលក្នុងឆ្នាំ 2018 មុនពេលផ្លាស់ទៅ MLS ៕