(English) Lionel Messi នៅតែជាកីឡាករដែលមានប្រាក់ខែខ្ពស់បំផុតនៅក្នុងក្របខណ្ឌកំពូលអាមេរិក Major League Soccer ជាមួយនឹងប្រាក់ខែគោលប្រចាំឆ្នាំចំនួន ២៥ លានដុល្លារច្រើនជាងពីរដងនៃកីឡាករដែលរកចំណូលខ្ពស់បំផុតបន្ទាប់។ ប្រាក់ខែគោលរបស់ខ្សែប្រយុទ្ធអាហ្សង់ទីនរូបនេះបានកើនឡើងទ្វេដង ខណៈពេលដែលកិច្ចព្រមព្រៀងទាំងមូលមានតម្លៃ ២៨,៣លានដុល្លារ (រួមនឹងប្រាក់សំណងធានារ៉ាប់រង)។

ចំណែកឯកីឡាករ Son Heung-min របស់ក្លិប Los Angeles FC គឺជាអ្នករកចំណូលខ្ពស់បំផុតទីពីរជាមួយនឹងប្រាក់ខែគោលជាង ១០ លានដុល្លារ សរុបនឹងប្រាក់ធានា១១,២លានដុល្លារ។ អតីតខ្សែប្រយុទ្ធ Tottenham អាយុ ៣៣ ឆ្នាំរូបនេះរកបានច្រើនជាង Rodrigo de Paul របស់ក្លិប Inter Miami និង Hirving Lozano របស់ San Diego FC បន្តិច។ ប្រាក់ខែមិនរាប់បញ្ចូលប្រាក់ចំណូលពីកិច្ចព្រមព្រៀងផ្សព្វផ្សាយពានិជ្ជកម្ម ឬជម្រើសរបស់ Messi ក្នុងការទទួលបានភាគហ៊ុននៅក្នុង Inter Miami – ដែលគ្រប់គ្រងដោយ David Beckham នោះទេ។

Messi បានចូលរួមជាមួយក្រុមដែលមានមូលដ្ឋាននៅរដ្ឋ Florida ក្នុងឆ្នាំ២០២៣ ស៊ុតបញ្ចូលទីបាន ៥៩គ្រាប់ក្នុងការប្រកួត MLS រដូវកាលធម្មតាចំនួន ៦៤ លើក ដោយបានជួយក្រុម Miami ឈ្នះពានរង្វាន់ MLS Cup ក្នុងឆ្នាំ២០២៥។ រូបគេបាននាំមុខគេក្នុងលីគជាមួយនឹងគ្រាប់បាល់ចំនួន ២៩ គ្រាប់កាលពីរដូវកាលមុន និងជាកីឡាករដែលមានតម្លៃបំផុតក្នុងរដូវកាល MLS៕

ប្រភព៖ BBC

(English) យោងតាមសារព័ត៌មានប្រេស៊ីល The Touchline ចេញផ្សាយកាលពីថ្ងៃអង្គារទី ១២ ឧសភា ២០២៦ បានឲ្យដឹងថា អតីតតារាបាល់ទាត់ប្រេស៊ីលលោក Ronaldinho Gaúcho ទទួលបានតួនាទីដ៏អស្ចារ្យនៅក្នុងព្រឹត្តិការណ៍បាល់ទាត់ពិភពលោកដែលរៀបចំដោយសហម្ចាស់ផ្ទះបីគឺសហរដ្ឋអាមេរិក កាណាដា និងម៉ិកស៊ិក។ ប្រភពដដែលខាងលើបានឲ្យដឹងថា ទូរទស្សន៍ TV Globo បានជ្រើសរើសអតីតកីឡាករក្លិប Barcelona និង Selecao ឱ្យធ្វើជាអត្ថាធិប្បាយនៃការផ្សាយព័ត៌មានការប្រកួតបាល់ទាត់ពិភពលោក។

ការទទួលខុសត្រូវរបស់ Ronaldinho គឺលើសពីភារកិច្ចធម្មតារបស់អ្នកវិភាគបាល់ទាត់។ គាត់ត្រូវបានគេរំពឹងថានឹងក្លាយជា ឯកអគ្គរដ្ឋទូតពិសេស រួមមានភារកិច្ចសំខាន់ៗចំនួន៣គឺៈ

១-ការផ្សាយបន្តផ្ទាល់ការប្រកួត៖ ការផ្តល់ការវិភាគរបស់អ្នកជំនាញពីពហុកីឡដ្ឋាន។ ២-នៅពីក្រោយឆាក៖ការទៅទស្សនាជំរុំហ្វឹកហាត់របស់ក្រុមនិងការប្រាស្រ័យទាក់ទងជាមួយកីឡាករ។ ៣-ការចូលរួមរបស់អ្នកគាំទ្រ៖ ការបង្កប់ខ្លួននៅក្នុងហ្វូងមនុស្ស និងចូលរួមក្នុងព្រឹត្តិការណ៍ពិសេសនៅតាមទីតាំងទេសចរណ៍សំខាន់ៗរបស់សហរដ្ឋអាមេរិក។ អ្នកប្រើប្រាស់ប្រព័ន្ធផ្សព្វផ្សាយសង្គមបានហៅតួនាទីរបស់តារាបាល់ទាត់ប្រេស៊ីលថាជាតួនាទីធំបំផុតនៅក្នុងប្រវត្តិសាស្ត្រទូរទស្សន៍បាល់ទាត់ដែលសាកសមបំផុតទៅនឹងបុគ្គលិកលក្ខណៈស្ងប់ស្ងាត់ និងមានមន្តស្នេហ៍របស់ Ronaldinho៕

(English) UEFA បាននិយាយកាលពីថ្ងៃចន្ទថា លោក Daniel Siebert ជនជាតិអាល្លឺម៉ង់ ដែលបានធ្វើអាជ្ញាកណ្តាលក្នុងការប្រកួតជើងទីពីរវគ្គពាក់កណ្តាលផ្តាច់ព្រ័ត្រ Champions League រវាង Arsenal និង Atletico Madrid ត្រូវបានជ្រីសរីសជាអាជ្ញាកណ្តាលប្រកួត វគ្គផ្តាច់ព្រ័ត្រនៅថ្ងៃទី៣០ ខែឧសភា។ ជាមួយគ្នានេះដែរ លោក Francois Letexier មកពីប្រទេសបារាំង ដែលបានធ្វើជាអាជ្ញាកណ្តាលក្នុងវគ្គផ្តាច់ព្រ័ត្រ Euro ២០២៤ នឹងធ្វើជាអាជ្ញាកណ្តាលក្នុងវគ្គផ្តាច់ព្រ័ត្រ Europa League រវាង Freiburg និង Aston Villa នៅថ្ងៃទី២០ ខែឧសភា។

ការប្រកួតវគ្គផ្តាច់ព្រ័ត្រ Conference League រវាង Crystal Palace និង Rayo Vallecano នឹងត្រូវបានដឹកនាំដោយអាជ្ញាកណ្តាលជនជាតិអ៊ីតាលីលោក Maurizio Mariani មួយសប្តាហ៍ក្រោយមក។ UEFA បានតែងតាំងជនរួមជាតិពីរនាក់ជាជំនួយការសម្រាប់អាជ្ញាកណ្តាលម្នាក់ៗ។ បន្ថែមពីនេះលោកស្រីត Tess Olofsson ជនជាតិស៊ុយអែត នឹងធ្វើជាអាជ្ញាកណ្តាលក្នុងការប្រកួតវគ្គផ្តាច់ព្រ័ត្រ Women’s Champions League រវាង Barcelona និង Olympique Lyonnais នៅថ្ងៃទី២៣ ខែឧសភា ផងដែរ៕

ប្រភព៖ Reuters

(English) បន្ទាប់ពីឈ្នះ West Ham ១-០ កាលពីរាត្រីថ្ងៃច័ន្ទ ឥឡូវនេះក្រុម Arsenal ត្រូវការត្រឹមតែបួនពិន្ទុប៉ុណ្ណោះពីការប្រកួតដែលនៅសល់របស់ពួកគេដើម្បីលើកពានរង្វាន់ Premier League។ ដូចដែលបានឃើញនៅលើតារាង Premier League ចំនួនពិន្ទុអតិបរមាដែលក្រុម Manchester City អាចរកបានគឺ ៨៣ពិន្ទុក្នុង៣៨ប្រកួត មានន័យថាក្រុម Arsenal ត្រូវការតែពិន្ទុស្មើនឹងឈ្នះ១ប្រកួតដើម្បីក្លាយជាជើងឯក។

ដូចដែលបានរំពឹងទុក ការឈ្នះមួយប្រកួត និងស្មើមួយប្រកួតពីការប្រកួត ២ ចុងក្រោយរបស់ពួកគេគឺគ្រប់គ្រាន់ហើយ ជាពិសេសប្រសិនបើពិចារណាលើគ្រាប់បាល់ចំណេញរបស់ក្រុម Arsenal។ កាលវិភាគដែលនៅសល់របស់ក្រុមកាំភ្លើងធំរួមមានការប្រកួតក្នុងផ្ទះទល់នឹងក្រុម Burnley មុនពេលបញ្ចប់រដូវកាលនៅទឹកដីក្រុម Crystal។ ចំណែកឯក្រុមManchester City ត្រូវប៉ះជាមួយ Crystal, AFC Bournemouth និង Aston Villa ៕

A

(English) បន្ទាប់ពីដឹកនាំក្លិប FC Barcelona ឈ្នះ Real Madrid ២-០ ក្នុងការប្រកួត El Clásico លើកពាន LaLiga មុនបញ្ចប់រដូវកាល លោក Hansi Flick បានដាក់ផែនការជាក់លាក់ចំនួន ២ គឺទីមួយយកឲ្យបាន ១០០ ពិន្ទុក្នុងរដូវកាលនេះ និងទី២ ត្រូវឈ្នះពាន UEFA Champions League រដូវកាលក្រោយ។ វាក៏ជាការលើកពាន La Liga ទី ២៩ របស់ក្លិបអ្នកមានបុណ្យផងដែរ។ FC Barcelona បានស៊ូទ្រាំនឹងការខកចិត្តបន្ទាប់ពីធ្លាក់ចេញពីវគ្គពាក់កណ្តាលផ្តាច់ព្រ័ត្រពានរង្វាន់ Copa del Rey និងវគ្គ ៨ ក្រុមចុងក្រោយ Champions League ប៉ុន្តែមិនដែលបោះបង់ចោលការគ្រប់គ្រងរបស់ពួកគេលើការប្រជែងដណ្តើមពានរង្វាន់ La Liga ឡើយ។

ក្រោយពេលអបអរជ័យជម្នះ លោកបានមានប្រសាសន៍ថា៖ ឥឡូវនេះយើងចង់សម្រេចបាន ១០០ ពិន្ទុហើយឆ្នាំក្រោយយើងនឹងព្យាយាមយកឈ្នះពានរង្វាន់ Champions League។ ក្រុមរបស់លោក Hansi Flick ទទួលបាន៩១ ពិន្ទុ នាំមុខReal Madrid ដែលឈរនៅលេខរៀងទីពីរ ១៤ពិន្ទុខណៈដែលនៅសល់ការប្រកួតបីលើកទៀត។ លោកបន្តថា នៅពេលដែលខ្ញុំមកដល់ទីក្រុង មនុស្សគ្រប់គ្នាបានស្វាគមន៍ខ្ញុំ។ ខ្ញុំពិតជាកោតសរសើរចំពោះអ្វីដែលយើងបានចាក់គ្រឹះនៅទីនេះ។ខ្ញុំតែងតែគិតវិជ្ជមាន។ នៅពេលដែលអ្នកបង្វឹកក្រុមធំមួយ អ្នកត្រូវតែឈ្នះពានរង្វាន់។ ខ្ញុំតែងតែស្រមៃចង់បានវា ហើយតស៊ូដើម្បីវា៕

(English) បន្ទាប់ពីស៊ុតបញ្ចូលទីបានមួយគ្រាប់នៅក្នុងការប្រកួតពានរង្វាន់ UEFA Champions League វគ្គពាក់កណ្តាលផ្តាច់ព្រ័ត្រ ជួយឲ្យក្រុម Bayern Munich ស្មើ ១-១ ជាមួយក្រុម Paris Saint-Germain កាលពីរាត្រីថ្ងៃព្រហស្បតិ៍ កីឡាករ Harry Kane បានតាមស្មើកំណត់ត្រាគ្រាប់បាល់បញ្ចូលទីមួយរដូវកាលរបស់ Lewandowski និងឈរចំណាត់ថ្នាក់លេខ ២ ក្នុងប្រវត្តិសាស្ត្ររបស់ក្លិប។

ទាក់ទងនឹងទិន្នន័យ Kane រកបាន ៥៥ គ្រាប់ក្នុងការប្រកួតផ្លូវការទាំងអស់សម្រាប់ Bayern Munich រដូវកាលនេះ ដែលជាតួលេខស្មើនឹងកំណត់ត្រាគ្រាប់បាល់ក្នុងមួយរដូវកាលរបស់ Lewandowski (៥៥គ្រាប់) សម្រាប់ក្រុមក្នុងរដូវកាល ២០១៩-២០។

ទោះជាយ៉ាងណាក៏ដោយ Lewandowski បានចំណាយពេលតិចជាង Kane ដើម្បីរកគ្រាប់បាល់របស់គាត់ ព្រោះរូបគេបានចំណាយពេលត្រឹមតែ ៤៧ ប្រកួតប៉ុណ្ណោះ ដើម្បីរកគ្រាប់បាល់បាន ៥៥ ខណៈដែល Kane បានចំណាយពេល ៤៨ ប្រកួតដើម្បីសម្រេចបានសមិទ្ធផលនេះ។ នៅក្នុងប្រវត្តិសាស្ត្ររបស់ Bayern មានតែកីឡាករ Gerd Müller ម្នាក់ប៉ុណ្ណោះដែលស៊ុតបញ្ចូលទីបាន ៦៦ គ្រាប់ក្នុងរដូវកាល ១៩៧២-៧៣៕

(English) Opta’s Supercomputer បាន​ព្យាករណ៍​ដ៏​អស្ចារ្យ​មួយ​សម្រាប់​វគ្គ​ផ្តាច់ព្រ័ត្រ UEFA Champions League ឆ្នាំ២០២៦ ដែលនឹងប្រព្រឹត្រទីនៅថ្ងៃទី​៣០ ខែឧសភា ឆ្នាំ២០២៦ ខាងមុខនេះ បញ្ជាក់ថាក្លិប Arsenal នឹងឈ្នះ​ Paris Saint Germain ក្លាយជាម្ចាស់ពាន UEFA Champions League ជា​លើកដំបូង​របស់​ពួកគេ។

យោងតាមការព្យាករណ៍របស់ Opta’s Supercomputer បានផ្តល់ឱកាសឲ្យក្រុម Arsenal ឈ្នះ  ៥៥,៧៦% ខណៈដែលឱកាសឈ្នះរបស់ PSG ក្នុងការការពារតំណែងជើងឯករបស់ពួកគេមានត្រឹមតែ ៤៤,២៤ %។ វគ្គផ្តាច់ព្រ័ត្រនេះក៏នឹងបន្តការប្រជែងគ្នាដូចក្នុងវគ្គពាក់កណ្តាលផ្តាច់ព្រ័ត្រកាលពីរដូវកាលមុនផងដែរ នៅពេលដែល PSG បានយកឈ្នះក្រុម Arsenal ៣-១សរុបទាំងពីរជើង។ ទន្ទឹមនឹងនេះ ខ្សែបម្រើ Joao Neves របស់ PSG បាននិយាយថា វាដល់ពេលដែលត្រូវអបអរសាទរហើយ ដែលពួកគេបានយកឈ្នះក្រុមដ៏លំបាកមួយក្នុងវគ្គពាក់កណ្តាលផ្តាច់ព្រ័ត្រ៕

(English)

ខ្សែការពាររបស់ក្លិប Borussia Dortmund កីទ្បាករ Niklas Suele នឹងព្យួរស្បែកជើងពីអាជីពបាល់ទាត់ នាចុងបញ្ចប់រដូវកាលនេះ។ នេះបើយោងតាមបញ្ជាក់របស់បុរសវ័យ ៣០ ឆ្នាំរូបនេះ នៅថ្ងៃព្រហស្បតិ៍ទី០៥ ខែឧសភា ឆ្នាំ២០២៦។ Niklas Suele ដែលធ្លាប់លេងឱ្យក្រុមជម្រើសជាតិអាល្លឺម៉ង់ ចំនួន ៤៩ ប្រកួតបានចាប់ផ្តើមអាជីពបាល់ទាត់ដំបូង ដោយលេងឱ្យក្លិប TSG Hoffenheim មុនពេលចូលរួមជាមួយនឹងក្លិប Bayern Munich ក្នុងឆ្នាំ២០២០១៧ ជាកន្លែងរូបគេឈ្នះពានរង្វាន់ចំនួន ៥ រួមទាំង UEFA Champions League ក្នុងឆ្នាំ២០២០ មុនពេលផ្លាស់ទៅកាន់ក្លិប Borussia Dortmund ក្នុងឆ្នាំ២០២២។

ក្នុងបទសម្ភាសន៍លើកម្មវិធី “Spielmacher” កីឡាករ Niklas Süle បានបញ្ជាក់ថា រូបគេសម្រេចចិត្តចូលនិវត្តន៍ពីអាជីពបាល់ទាត់ បន្ទាប់ពីរងរបួសជង្គង់ ក្នុងការប្រកួតទល់នឹង TSG Hoffenheim កាលពីខែមុន។ Niklas Süle បាននិយាយថា៖ «រូបគេសម្រេចចិត្តបញ្ចប់អាជីពបាល់ទាត់ បន្ទាប់ពីការពិនិត្យ MRI ក្រោយរបួសជង្គង់។ ទោះមិនមែនជារបួសដាច់សរសៃ ACL ក៏ដោយ ក៏វាធ្វើឲ្យរូបគេយល់ច្បាស់ថា ដល់ពេលត្រូវបញ្ចប់អាជីពហើយ ព្រោះមិនចង់ប្រឈមមុខនឹងរបួសធ្ងន់ជាលើកទី 3 ដែលអាចប៉ះពាល់ដល់ជីវិតគ្រួសារ និងអនាគត»។

សូជម្រាបថា បច្ចុប្បន្ន ក្រុម Borussia Dortmund កំពុងឈរលេខ ២ ក្នុងលីគ និងនៅសល់ ២ ប្រកួតចុងក្រោយទៀតក្នុងរដូវកាលនេះ ដោយត្រូវប៉ះគ្នាជាមួយនឹងក្រុម Eintracht Frankfurt នាថ្ងៃសុក្រ និង Werder Bremen នាថ្ងៃទី១៦ ខែឧសភា ឆ្នាំ២០២៦ ខាងមុខនេះ៕

ប្រភព៖ CNA

(English) គិតមកត្រឹមវគ្គផ្តាច់ព្រ័ត្រនេះ ក្លិបកាំភ្លើងធំ Arsenal រកបានប្រាក់ចំណូលសរុបគឺជាង ១៦៨ លានដុល្លារ ជាមួយនឹងឱកាសរកបានប្រាក់កាន់តែច្រើនបន្ថែមទៀតនៅវគ្គផ្តាច់ព្រ័ត្រ។ នេះបើយោងតាមការចេញផ្សាយរបស់គេហទំព័រ Legit.ng។

គេហទំព័រខាងលើដដែលបានបង្ហាញថា៖ ពួកគេទទួលបានប្រាក់ឈ្នួលចាប់ផ្តើមប្រកួតដំបូងចំនួនជាង ២១ លានដុល្លារ។ ជាង ៤០ លានដុល្លារបានមកពី Value Pillar និងជាង ២ លានដុល្លារ សម្រាប់ជ័យជម្នះនីមួយៗ។ តម្លៃជាង ១០ លានដុល្លារ សម្រាប់ការបញ្ចប់ក្នុងចំណាត់ថ្នាក់លេខ ១ ក្នុងតារាង។ ប្រាក់រង្វាន់ ១១ លានដុល្លារ ១៣ លានដុល្លារ និងជាង ១៥ លានដុល្លារ សម្រាប់ការឡើងដល់វគ្គ ១៦ ក្រុមចុងក្រោយវគ្គ ៨ ក្រុមចុងក្រោយ និងវគ្គពាក់កណ្តាលផ្តាច់ព្រ័ត្រ។

Arsenal នឹងទទួលបានជាង ៧ លានដុល្លារ ប្រសិនបើពួកគេឈ្នះវគ្គផ្តាច់ព្រ័ត្រលើកដំបូងរបស់ពួកគេនៅទីក្រុង Budapest នៅថ្ងៃទី៣០ ខែឧសភា ហើយពួកគេនឹងមានលក្ខណៈសម្បត្តិគ្រប់គ្រាន់សម្រាបពានរង្វាន់ UEFA Super Cup ដែលនឹងទាក់ទាញបានជាង ៤ លានដុល្លារ ហើយប្រសិនបើពួកគេឈ្នះ នឹងទទួលបានបន្ថែមជាង ១ លានដុល្លារទៀត។ ប្រសិនបើអ្វីៗដំណើរការទៅដូចការពន្យល់មានន័យថាពួកគេនឹងរកបានប្រាក់ចំណូលសរុបកើនដល់ប្រហែលជាង ១៨០ លានដុល្លារ ជាប្រាក់រង្វាន់សរុបសម្រាប់យុទ្ធនាការនេះ៕

ប្រភព៖ Legit.ng