ការលេងនៅក្នុងលីគកំពូលរបស់ចិន (CSL) គឺពិតជទទួលបាន​លុយ​គ្រាក់ៗទាំងគីបៗ ជាពិសេសប្រសិនបើស្ថានភាពរបស់កីឡាករម្នាក់​ណា​នោះ ធ្លាប់បានលេងជាមួយក្លឹបធំៗជាច្រើនជុំវិញទ្វីបអឺរ៉ុប។

ទោះជាយ៉ាងណាក៏ដោយ មិនមែនតារាល្បីៗទាំងអស់សុទ្ធតែបានបង្ហាញគុណផលបានល្អនៅពេលកំពុងលេងនៅក្នុងប្រទេសចិន​នោះ​ទេ។ ខាងក្រោមនេះ យើងរាយបញ្ជីកីឡាករឆ្នើមចំនួន ៧ នាក់ដែលទទួលបានប្រាក់បៀវត្សរ៍ខ្ពស់ តែបង្ហាញទម្រង់​លេងមិនបានល្អក្នុងក្របខ័ណ្ឌ Chinese Super League ។

1. Carlos Tevez

អតីតកីឡាករ Manchester United និង Juventus បានចូលរួមជាមួយ Shanghai Shenhua ក្នុងឆ្នាំ ២០១៧ ហើយបានក្លាយជាកីឡាករដែលមានប្រាក់ខែខ្ពស់បំផុតទីពីរនៅលើពិភពលោកនៅពេលនោះ។ ប៉ុន្តែ Tevez មិន​អាច​ឈរនៅ​ទី​នោះរឹងមាំ​បាន​ទេ ដោយ​គាត់​រក​បាន​តែ ៤ គ្រាប់​ប៉ុណ្ណោះ​ក្នុង​ការ​ប្រកួត ១៤ លើក។

2. Robinho

Robinho ធ្លាប់លេងឱ្យ Real Madrid និង Manchester City ប៉ុន្តែគាត់បរាជ័យក្នុងការតស៊ូក្នុងពេលវេលាលេងនៅប្រទេសចិន។ កីឡាករ​ដែល​ជាប់​ពន្ធនាគារ​ពី​បទ​រំលោភ​សេពសន្ថវៈ​ស៊ុត​បញ្ចូល​ទី​បាន​តែ​៣​គ្រាប់​ប៉ុណ្ណោះ​ក្នុង​១០​ប្រកួត ខណៈ​ពាក់​អាវ​ Guangzhou Evergrande ក្នុង​ឆ្នាំ​២០១៥។

3. Jo

Jo ធ្លាប់លេងនៅ English Premier League (EPL) ជាមួយ Manchester City និង Everton ប៉ុន្តែគាត់អាចស៊ុតបានតែ 6 គ្រាប់ប៉ុណ្ណោះក្នុង 17 ប្រកួតជាមួយ Jiangsu Suning ។

4. Nicolas Gaitan

Nicolas Gaitan បានចូលរួមជាមួយ Dalian Yifang ក្នុងឆ្នាំ 2018 ពី Atletico Madrid ជាមួយមិត្តរួមក្រុម Yannick Carrasco ។ កីឡាកររូបនេះបានបង្ហាញខ្លួនក្នុង 28 ប្រកួត និងស៊ុតបញ្ចូលទីបាន 2 គ្រាប់។

5. Hernanes

Hernanes បានចូលរួមជាមួយ Hebei China Fortune ក្នុងខែកុម្ភៈ ឆ្នាំ 2017 ហើយបន្ទាប់មកគាត់ត្រូវបានគេខ្ចីទៅ Sao Paulo បួនខែក្រោយមក។ ពេលត្រលប់មក Hebei ប្រទេសចិនវិញ Hernanes បានបង្ហាញខ្លួនតែ 13 ប្រកួតប៉ុណ្ណោះមុនពេលលក់ចេញ។

6. Anthony Modeste

Anthony Modeste អតីតខ្សែប្រយុទ្ធ Blackburn Rovers បានចូលរួមជាមួយ Tianjin Quanjian ក្នុងឆ្នាំ 2017 ។ បន្ទាប់ពីមួយឆ្នាំគាត់បានបាត់ខ្លួនភ្លាមៗ ហើយក្រោយមកបានចូលរួមជាមួយ FC Koln ក្នុងការប្រកួត Bundesliga ។ Modeste និង Tianjin បានជាប់ពាក់ព័ន្ធក្នុងការចេញពាក្យបណ្តឹងប្រឆាំងនឹងគ្នាទៅវិញទៅមក ហើយការផ្ទេររបស់គាត់ត្រូវបានចាត់ទុកថាជារឿងមិនសមហេតុផលបំផុតក្នុងប្រវត្តិសាស្ត្របាល់ទាត់របស់ចិន។

7. Brown Ideye

Ideye បានចុះកិច្ចសន្យារយៈពេលពីរឆ្នាំកន្លះជាមួយ Tianjin Teda ក្នុងឆ្នាំ 2017។ មួយឆ្នាំក្រោយមក កីឡាកររូបនេះបានចូលរួមជាមួយក្លឹបអេស្ប៉ាញ Malaga ក្នុងលក្ខខ័ណ្ឌខ្ចីជើង ហើយបានបដិសេធមិនត្រលប់ទៅ Tianjin វិញ បន្ទាប់ពីខកខានមិនបានស៊ុតបញ្ចូលទីក្នុង 14 ប្រកួត។

ការរិះគន់ជាច្រើនប្រឆាំងនឹងក្រុមបាល់ទាត់ជម្រើសជាតិ បន្ទាប់ពីការបង្ហាញទម្រង់លេងដ៏គួរឱ្យសង្វេគរបស់ពួកគេក្នុងព្រឹត្តិការណ៍ AFF Suzuki Cup នៅប្រទេសសិង្ហបុរីកាលពីខែមុន បានជះឥទ្ធិពលខ្លះៗដល់ក្រុមបាល់ទាត់ជម្រើសជាតិអាយុក្រោម 23 ឆ្នាំម៉ាឡេស៊ីយ៉ាងខ្លាំង។

ជាក់ស្តែង! ក្រុមកីឡាកររបស់គ្រូបង្វឹកលោក Brad Maloney ឥឡូវនេះកំពុងប្រឈមមុខនឹងជោគវាសនាដូចគ្នា ប្រសិនបើពួកគេបរាជ័យក្នុងការប្រកួតពានរង្វាន់ AFF U-23 Championship និង Under-23 Asia Cup នាពេលខាងមុខ។

ខ្សែប្រយុទ្ធ Mohd Nur Azfar Fikri Azhar របស់ Terengganu II បានសារភាពថាគាត់ក៏ត្រូវបានរងផលប៉ះពាល់ដោយប្រតិកម្មអវិជ្ជមានផ្សេងៗ និងការរិះគន់យ៉ាងខ្លាំងដែលបានបោះទៅលើក្រុម Harimau Malaya នៅលើប្រព័ន្ធផ្សព្វផ្សាយសង្គម។ Azfar បាននិយាយបន្ទាប់ពីថ្ងៃដំបូងនៃជំរុំហ្វឹកហាត់របស់ពួកគេនៅឯ PKNS Sports Complex កាលពីម្សិលមិញថា៖ “យើងព្យាយាមរក្សាភាពវិជ្ជមាន” ។

Malaysia’s Kogileswaran Raj Mohana Raj (3R) celebrates with teammates after scoring a goal during the AFF Suzuki Cup 2020 Group B football match between Malaysia and Indonesia at the National Stadium in Singapore on December 19, 2021. (Photo by Roslan RAHMAN / AFP)

“នៅពេលដែលអ្នកគាំទ្ររិះគន់យើង យើងគ្រាន់តែឆ្លើយតបដោយជោគជ័យ។ ប្រសិន​បើ​យើង​ក្លាយ​ជា​អ្នក​ឈ្នះ វា​នឹង​មិន​មាន​ការ​រិះគន់​នោះ​ទេ»។

យ៉ាង​ណា​ក៏ដោយ កីឡាករ​វ័យ 22 ឆ្នាំ​សង្ឃឹម​ថា​អ្នក​គាំទ្រ​នឹង​ផ្តល់​នូវ​ពាក្យ​ពេចន៍​វិជ្ជមាន និង​ការ​លើក​ទឹកចិត្ត​ដល់​សមាជិក​ក្រុម ជាជាង​ការ​រំជួល​ចិត្ត​ខ្លាំង​ពេក​ក្នុង​ការ​បញ្ចេញ​មតិ។ ការចែករំលែកអារម្មណ៍ស្រដៀងគ្នាគឺ ខ្សែប្រយុទ្ធ Mohd Alif Abdul Mutalib របស់ Johor Darul Ta’zim ដែលបានពណ៌នាថាគ្រប់ទម្រង់នៃការ​រិះគន់ខ្លាំងនឹងមិននាំមកនូវអ្វីល្អដល់កីឡាករ និងក្រុមនោះទេ។

“ខ្ញុំ​មើល​ពួកគេ​ទាំង​អស់​ជា​វិជ្ជមាន។ យើង​អាច​ប្រឹង​អស់​ពី​សមត្ថភាព​ដើម្បី​ឈ្នះ​រាល់​ការ​ប្រកួត។ យើងសង្ឃឹមថាអ្នកគាំទ្ររបស់យើងនឹងបន្តគាំទ្រយើង ដើម្បីទទួលបានជ័យជំនះ។”

កីឡាករ​ទាំង​នោះ​កំពុង​ត្រៀម​ខ្លួន​សម្រាប់​ការ​ប្រកួតពាន​ AFF U-23 នៅ​ទីក្រុង​ភ្នំពេញ ប្រទេស​កម្ពុជា ចាប់​ពី​ថ្ងៃ​ទី ១៤-២៦ ខែ​កុម្ភៈ។

ប្រភព៖ Bernama

យុវជនវ័យក្មេង Rodrygo បានបង្ហាញពីមហិច្ឆតានៅក្នុងឆ្នាំ២០២២នេះ ដោយ បានដាក់គោលដៅចង់ឈ្នះពានរង្វាន់ World Cup ជាមួយក្រុមជម្រើសជាតិប្រេស៊ីល។

Rodrygo បានលើកឡើងបែបនេះបន្ទាប់ពី ប្រេស៊ីល បានកក់កៅអីឡើងទៅកាន់ជុំផ្តាច់ព្រ័ត្រនៃព្រឹត្តិការណ៍ World Cup ដែលរៀបចំនៅប្រទេសកាតារួចរាល់ហើយ ទោះបីជាក្រុមនៅសេសល់ការប្រកួតជម្រុះនៅតាមតំបន់ក៏ដោយ។

Rodrygo បាននិយាយថា៖«ប្រជាជនប្រេស៊ីលទាំងអស់ចង់ទៅប្រទេសកាតា។ ខ្ញុំនឹងប្រឹងប្រែងដើម្បីមានឈ្មោះទៅលេងនៅទីនោះ។ ប្រសិនបើខ្ញុំលេងបានល្អ ខ្ញុំមានឱកាសនឹងទៅ។ ប្រសិនបើខ្ញុំត្រូវជ្រើសរើសពានរង្វាន់ដើម្បីឈ្នះនៅក្នុងឆ្នាំ ២០២២ នេះ ខ្ញុំនឹងជ្រើសរើស World Cup»៕

សម្ដេចតេជោ ហ៊ុនសែន និង​សម្តេច​កិត្តិព្រឹទ្ធបណ្ឌិត បាន​ឧបត្ថម្ភ​ប្រាក់ចំនួន៥ម៉ឺនដុល្លារសហរដ្ឋអាមេរិក ជួយព្យាបាល​របួសជង្គង់​របស់​ខ្សែប្រយុទ្ធជម្រើស​ជាតិកម្ពុជា និង​ក្លិប​បឹង​កេតចាន់ វឌ្ឍនាកា នេះ​បើ​តាម​ការ​បញ្ជាក់​ពីលោក ចាន់ ចេស្ដា ឪពុករបស់​ខ្សែប្រយុទ្ធរូបនេះ​ក្នុងគណនីហ្វេសបុកផ្លូវការ​របស់​គាត់។

រដ្ឋលេខាធិកាក្រសួងកសិកម្មរូបនេះបាន​សរសេរថា៖ «ក្នុង​នាម​ខ្ញុំ​បាទ​ជា​ឪពុកម្ដាយ​និង​ក្រុម​គ្រួសារ​របស់​កីឡាករ​ចាន់​ វឌ្ឍនាកា​សូម​លំអោន​កាយ​គោរព​ថ្លែង​អំណរគុណ​ដ៏ជ្រាលជ្រៅ​បំផុត​ចំពោះ​គុណូបការ:ដ៏ថ្លៃថ្លា​​របស់​សម្តេច​តេជោ​និង​សម្តេច​កិត្តិព្រឹទ្ធបណ្ឌិត​ដែលបាន​ជួយ​ឧបត្ថម្ភ​ថវិកា​ដ៏ច្រើន​សន្ធឹកសន្ធាប់​ចំនួន​ 50.000$ ប្រាំមុឺន​ដុល្លា​សហរដ្ឋអាមេរិក​ដេីម្បី​ព្យាបាល​របួស​របស់​កូន​ខ្ញុំ​បាទ​»។

«ខ្ញុំ​បាទ​សូមគោរព​ជូនពរ​សម្តេច​តេជោ​ សម្តេច​កិត្តិព្រឹទ្ធបណ្ឌិត​ បុត្រា​បុត្រី​និង​ចៅៗ​ជាទីស្រឡាញ់​សូម​មេត្តា​បន្ត​មាន​សុខភាព​ល្អ​ប្រសើរ​ កម្លាំង​ពលំ​មាំមួន​ បញ្ញា​ញាណ​ភ្លឺ​ថ្លា​ អាយុ​យឺនយូរ​ដេីម្បី​បន្ត​ដឹកនាំ​ប្រទេស​កម្ពុជា​អោយ​សម្បូរ​ណ៍​រុងរឿង​ថែម​ទៀត​ ។ ជាមួយគ្នា​នេះ​ដែរ​ខ្ញុំ​បាទ​និង​ក្រុម​គ្រួសារ​ក៏​សូម​ថ្លែង​អំណរគុណ​ដ៏ជ្រាលជ្រៅ​បំផុត​ចំពោះ​លោក​ស្រី​ ពុធ​ ធីតា​ប្រធាន​ក្លឹប​និង​ស្វាមី​ លោក​បែរ​ មករា​អ្នក​ចាត់ការ​ទូទៅ​របស់​ក្លឹប​បាល់ទាត់​បឹងកេត​ដែល​បាន​ខ្នះខ្នែង​ជ្រោមជ្រែងលះបង់​កម្លាំង​កាយ​និង​ថវិកា​​តាំង​ពី​ពេល​របួស​រហូត​ដល់ពេល​នេះបាន​និងកំពុង​រៀបចំ​បែបបទ​ដេីម្បី​ចេញទៅ​វះកាត់​នៅ​ប្រទេស​ថៃ​ ។ សូមអរគុណ​ដល់​បងប្អូន​ កូនក្មួយ​និងចៅៗ​និង​ហ្វេនទាំងអស់​ដែល​បាន​បារម្ភ​និង​ជូនពរ​ អោយ​កូន​ប្រុស​របស់​ខ្ញុំ​ឆាប់​ជាសះស្បើយ​ដូចដេីម​ឡេីងវិញ​។ ដោយ​សេចក្ដី​គោរព​ដ៏ខ្ពង់ខ្ពស់​បំផុត​ ❤️❤️❤️??????»។

ចាន់ វឌ្ឍនាកា ត្រូវធ្វើការវះកាត់ជង្គង់ក្រោយរងរបួសក្នុងការប្រកួតកាល​ពី​២​ថ្ងៃ​មុន។ បន្ទាប់ពីធ្វើការតាមដានពិនិត្យយ៉ាងម៉ត់ចត់និងយកចិត្តទុកដាក់ពីគ្រូពេទ្យឯកទេស ជាលទ្ធផល ស្ថានភាពរបួសបានឲ្យឃើញថា វឌ្ឍនាកា បានដាច់សរសៃរជង្គង់ខាងស្ដាំ ACL (Anterior Cruciate Ligament)។ ចាន់ វឌ្ឍនាកា សម្រាកព្យាបាលរបួសយ៉ាងហោចណាស់ ចន្លោះពី៦ ទៅ៨ខែ ទើបអាចត្រឡប់មកធ្វើការហ្វឹកហាត់នៅលើទីលានវិញបាន។

កីឡាករ Bruno Fernandes បានលើកទឹកចិត្ត Anthony Martial ឱ្យ រះឡើងវិញ ក្រោយសម្រេចចិត្តចាកចេញពី Manchester United ដើម្បីផ្លាស់ទៅកាន់ Sevilla។

កីឡាករសញ្ជាតិបារាំងខាងលើ បានសម្រេចចិត្តផ្លាស់ទៅកាន់ Sevilla ក្នុងលក្ខខណ្ឌខ្ចីជើងរហូតដល់បញ្ចប់រដូវកាល បន្ទាប់ពីរូបគេទទួលបានឱកាសស្តូចស្តើងមែនទែនក្នុងការបង្ហាញខ្លួនលើទីលាន ខណៈ ការផ្លាស់ទៅកាន់ទឹកដីអេស្ប៉ាញ ជាការរំពឹងទុករបស់គេក្នុងការបង្ហាញខ្លួននៅលើទីលានបានញឹកញ៉ាប់។

Bruno បាននិយាយថា៖«មិត្តភក្តិ ទំនាក់ទំនងរបស់យើងនៅក្នុង និង ក្រៅទីលាន តែងតែពិសេស។ សូមជូនពរឲ្យអ្នកទទួលបានជោគជ័យនៅក្នុងរដូវកាលនេះ។ ទៅទីនោះ និង រះឡើងវិញ»៕

លោក Petr Cech ដែលជាអតីតកីឡាកររបស់ Chelsea បានរៀបរាប់ពីចរិតលក្ខណៈរបស់លោក Thomas Tuchel។

លោក Tuchel បានមកកាន់តួនាទីជាអ្នកចាត់ការក្រុម Chelsea កាលពីពាក់កណ្តាលរដូវកាលមុន ហើយ រឿងអស្ចារ្យដែលលោកបានធ្វើនោះ គឺ ត្រឹមរយៈពេល៦ខែលោកបានជួយក្រុមឲ្យឈ្នះពានរង្វាន់ Champions League និង បន្តបន្ទាប់ទៀតដូចជា UEFA Super Cup និង FIFA Club World Cup។

Cech បាននិយាយថា៖«លោក Tuchel មានចិត្តទូលាយ ពូកែស្តាប់ និង មានការប្រាស្រ័យ ទាក់ទង ល្អ។ គាត់ចូលចិត្តលេងសើច និង ធ្វើឲ្យបរិយាកាសជុំវិញខ្លួនល្អ។ គ្រប់ក្រុមទាំងអស់តែងតែចង់បានមនុស្សប្រភេទនេះ ប៉ុន្តែ គាត់ជាមនុស្សឧស្សាហ៍ព្យាយាម និង ច្បាស់លាស់ ថា ក្រុមត្រូវតែត្រៀមខ្លួនរួចរាល់ជារៀងរាល់ថ្ងៃ»៕

កីឡាករ Erling Haaland ដែលជាខ្សែប្រយុទ្ធរបស់ក្រុម Borussia Dortmund បានចាត់ទុក Robert Lewandowski, Karim Benzema and Lionel Messi ជា កីឡាករបីរូបដែលល្អជាងគេនៅលើលោក។

Haaland បានលើកឡើងបែបនេះបន្ទាប់ពីពេលថ្មីៗ Lewandowski ទើបតែឈ្នះពានរង្វាន់ FIFA Best Player 2021, Messi ឈ្នះ Ballon d’Or ជាលើកទី៧ និង Benzema កំពុងតែក្លាយជាម៉ាស៊ីលផលិតគ្រាប់បាល់របស់ Real Madrid។

Haaland បាននិយាយថា៖«Lewandowski ជា កីឡាករលំដាប់ទី១។ បន្ទាប់មកអ្នកមាន Benzema គាត់ពិតជាអស្ចារ្យណាស់ ប៉ុន្តែ Messi ក័៏ខ្លាំងដែរ។ ដូច្នេះ Benzema និង Messi ស្ថិតនៅក្នុងចំណាត់ថ្នាក់លេខ ២ និង លេខ៣»៕

លោក Jamie Carragher បានជ្រើសរើសយកតារា ឆ្នើមក្លិប Manchester City គឺ Kevin de Bruyne ជា កីឡាករម្នាក់ដែលលោកចង់ឃើញលេងនៅ Liverpool។

ខ្សែបម្រើសញ្ជាតិបែលហ្ស៊ិកខាងលើ បានដើរតួយ៉ាងសំខាន់ក្នុងភាពជោគជ័យរបស់ Man City នាប៉ុន្មានឆ្នាំចុងក្រោយនេះតាមរយៈភាពច្នៃប្រឌិតរបស់គេចេញពីតំបន់បម្រើ។ នៅពេលដែលត្រូវបានសួរថាតើអ្នកណាដែល លោក Carragher ចង់ចុះហត្ថលេខាសម្រាប់ក្រុមរបស់លោក Jurgen Klopp ប្រសិនបើលុយ ឬ ការប្រកួតប្រជែងមិនមែនជាបញ្ហាចោទ គឺ លោកបានជ្រើសរើស De Bruyne។

លោក Carragher បាននិយាយថា៖”ខ្ញុំគ្រាន់តែគិតថា De Bruyne គឺ ពិតជាគួរឲ្យចាប់អារម្មណ៍ណាស់។ ខ្ញុំ គិត ថា គាត់ ជា កីឡាករ ល្អ បំផុត ម្នាក់ ក្នុង ពិភពលោក។ ប្រាកដ ណាស់ ក្នុង រយៈ ពេល ពីរ ឬ បី ឆ្នាំ ចុង ក្រោយ នេះ គាត់ ជា កីឡាករ ខ្សែ បម្រើ ល្អ ជាងគេបំផុត នៅលើលោក”៕