ព័ត៌មានកីឡាជាតិ
លោក Jean-Michel Aulas ដែលជាប្រធានក្លិប Lyon បានបញ្ជាក់ថាក្លិបរបស់លោកនឹងព្យាយាមចុះហត្ថលេខានាំយកតារាឆ្នើម Arsenal កីឡាករ Alexandre Lacazette មករួមក្រុមដោយគ្មានតម្លៃខ្លួនក្រោយបញ្ចប់រដូវកាលនេះ។
កុងត្រារបស់ Lacazette នៅឯកីឡដ្ឋាន Emirates Stadium នឹងអស់សុពលភាពនៅខែមិថុនាខាងមុខនេះហើយ ដែលមានន័យថា រូបគេអាចចាកចេញដោយគ្មានតម្លៃខ្លួនក្រោយបញ្ចប់រដូវកាលនេះ ខណៈ លោក Aulas ពិតជាចង់ឃើញរូបគេវិលត្រឡប់មកកាន់ក្លិបចាស់ Lyon វិញ។
លោក Aulas បាននិយាយថា៖«ពួកយើងតែមានទំនាក់ទំនងជាមួយ Lacazette។ គាត់ចាប់អារម្មណ៍ក្នុងការវិលត្រឡប់មកកាន់ Lyon វិញ។ ពួកយើងនឹងព្យាយាមរង់ចាំមើល ថា យើងអាចយកគាត់បានដោយគ្មានតម្លៃខ្លួនឫយ៉ាងណា!៕
ព័ត៌មានកីឡាអន្តរជាតិ
ខ្សែបម្រើប្រយុទ្ធ Thomas Muller របស់ Bayern Munich បានទម្លាយឲ្យដឹងថា គ្មាននរណាម្នាក់នៅក្នុងក្លិបពិភាក្សាជាមួយគេលើការបន្តកុងត្រាថ្មីនៅឡើយទេ។
កីឡាករវ័យ៣៣ឆ្នាំខាងលើ ដែលបានរួមចំណែកស៊ុតបញ្ចូលទីបាន៩គ្រាប់ និង បញ្ជូនបាល់ឲ្យមិត្តរួមក្រុមបាន២០ដងនៅក្នុងរដូវកាលនេះ នឹងអស់កុងត្រាជាមួយ Bayern Munich នៅក្នុងខែមកមិថុនា ឆ្នាំ២០២៣ ឆ្នាំក្រោយនេះហើយ ខណៈ រូបគេមានពាក្យចចាមអារ៉ាមក្នុងការផ្លាស់ទៅកាន់ Newcastle United និង Everton។
Muller បាននិយាយថា៖«គ្មាននរណាម្នាក់នៅក្នងក្លិបទាក់ទងមកខ្ញុំឡើយ។ ដូច្នេះ អ្នកនឹងត្រូវរង់ចាំមើលថា អនាគតនឹងមានរឿងអ្វីកើតឡើង!៕
គ្រូបង្វឹកក្រុមជម្រើសជាតិអាយុក្រោម២៣ឆ្នាំម៉ាឡេស៊ី លោក Brad Maloney បានទទួលស្គាល់ថាកីឡាករ Wan Ahmad Kuzri នៅតែចាប់អារម្មណ៍ក្នុងការជួយក្រុមជម្រើសជាតិក្នុងព្រឹត្តិការណ៍ AFF U-23 2022 Championship នៅកម្ពុជា ដែលចាប់ផ្តើមនៅថ្ងៃទី ១៤ ខែកុម្ភៈ បើទោះបីជាបច្ចុប្បន្នកំពុងប្រឈមមុខនឹងបញ្ហាមួយចំនួនក៏ដោយ។
ដំណើវិវត្តន៍ចុងក្រោយដែលត្រូវបានរាយការណ៍ដោយប្រភព Bernama បាននិយាយថា Maloney បានទាក់ទងជាមួយខ្សែបម្រើដែលមានមូលដ្ឋាននៅសហរដ្ឋអាមេរិករួចហើយ។ ខណៈដែលពេលវេលាកាន់តែខើចទៅៗ Maloney ក៏បានបង្ហើបថា Wan Kuzri ចាំបាច់ត្រូវដោះស្រាយបញ្ហាផ្ទាល់ខ្លួនដែលពាក់ព័ន្ធនឹងគាត់នៅទីនោះជាមុនសិន។
ទោះជាយ៉ាងណាក៏ដោយ ប្រសិនបើ Wan Ahmad Kuzri ដោះស្រាយគ្រប់បញ្ហាទាំងអស់ ហើយទៅដល់ប្រទេសម៉ាឡេស៊ី គាត់នឹងនៅតែមិនត្រូវបានផ្តល់សិទ្ធិឱ្យលេង ហើយនឹងនៅតែត្រូវប្រជែងយកកន្លែងជាមួយកីឡាករផ្សេងទៀត។
Wan Kuzri Wan Ahmad Kamal trains with the national under-19 training squad at Wisma FAM. – Picture taken from FAM’s Facebook page
“ខ្ញុំបាននិយាយជាមួយគាត់កាលពីម្សិលមិញ ហើយគាត់ហាក់ដូចជាចាប់អារម្មណ៍ខ្លាំងណាស់ក្នុងការចូលរួម ប៉ុន្តែឥឡូវនេះយើងខ្វះខាតពេលវេលា។ ខ្ញុំសង្ឃឹមថាគាត់អាចចូលរួមក្រុមបានឆាប់តាមដែលអាចធ្វើទៅបាន»។
“ប្រសិនបើគាត់ត្រឡប់ទៅទីក្រុងគូឡាឡាំពួវិញ គាត់នឹងត្រូវដាក់ឱ្យនៅដាច់ដោយឡែកក្នុងរយៈពេលជាក់លាក់មួយ ហើយនៅពេលដែលគាត់ដោះស្រាយកិច្ចការរបស់គាត់នៅសហរដ្ឋអាមេរិក យើងនឹងធ្វើការសម្រេចចិត្តចុងក្រោយលើបញ្ហានេះ” ។
“មនុស្សគ្រប់រូបមានឱកាសដូចគ្នា។ ដូចដែលខ្ញុំបាននិយាយ ទ្វាររបស់យើងតែងតែបើកចំហ ដូច្នេះនៅតែមានកីឡាករជាច្រើនដែលមានសិទ្ធិចូលរួមក្រុមនេះ ហើយយើងតែងតែបើកចំហរអំពីវា” នេះជាការលើកឡើងរបស់លោក Brad Maloney បាននិយាយទៅកាន់អ្នកយកព័ត៌មានរបស់ Bernama ។
តាមពិតទៅ! Wan Ahmad Kuzri ធ្លាប់បានហ្វឹកហាត់ជាមួយជម្រើសជាតិម៉ាឡេស៊ីនិងឈុត U22 ត្រៀមព្រឹត្តិការណ៍ស៊ីហ្គេមកាលពីឆ្នាំ២០១៩ ដែរប៉ុន្តែមិនអាចលេងបានដោយបញ្ហាឯកសារនានា។
ក្រុមបាល់ទាត់ជម្រើសជាតិ U-23 គ្រោងនឹងចេញដំណើរទៅទីក្រុងភ្នំពេញ នៅថ្ងៃទី ១២ ខែកុម្ភៈ ឆ្នាំ ២០២២ ដើម្បីជួបប្រកួតក្នុងពូល B ចំនួន ៣ ទល់នឹង មីយ៉ាន់ម៉ា (១៥ កុម្ភៈ) នៅកីឡដ្ឋាន Prince Stadium ប្រទេសឡាវ នៅថ្ងៃទី ១៨ ខែកុម្ភៈ នៅកីឡដ្ឋាន Prince Stadium។ ខណៈការប្រកួតចុងក្រោយនៃវគ្គចែកពូល គឺការជួបក្រុមឥណ្ឌូណេស៊ី នៅថ្ងៃទី២១ ខែកុម្ភៈ នៅពហុកីឡដ្ឋានជាតិមរតកតេជោ។ បន្ទាប់មក ក្រុមកំពូលតារាងពូល A, B និង C ក៏ដូចជាក្រុមជើងឯករង២០២២។ ការប្រកួតជម្រុះធ្វើឡើងនៅពហុកីឡដ្ឋានជាតិមរតកតេជោ។
សមាគមកីឡាបាល់ទាត់ថៃ (FAT) បានសម្រេចបញ្ជូនក្រុម U-19 របស់ខ្លួនទៅប្រកួតពានរង្វាន់ AFF U-23 ដែលនឹងប្រព្រឹត្តទៅនៅកម្ពុជានៅថ្ងៃទី ១៤ ដល់ថ្ងៃទី ២៦ ខែកុម្ភៈ។
ព័៍ត៌មាននេះត្រូវបានប្រកាសដោយសមាគមកីឡាបាល់ទាត់ថៃ តាមរយៈគេហទំព័រប្រព័ន្ធផ្សព្វផ្សាយសង្គមផ្លូវការរបស់ក្រុមដែលមានកីឡាករតែពីរនាក់យកចេញពីក្រុម U-23 ហើយកីឡាករនៅសល់សុទ្ធតែកីឡាករ U-19 ។
លោក Valero Garcia គ្រូបង្វឹកឈុត U19 ថៃមិនបានហៅកោះហៅឈ្មោះកីឡាករវ័យក្រោម២៣ឆ្នាំល្អៗនៅក្នុងការប្រកួត Thai League នោះទេ ដែលលោកចង់ផ្តល់ឱកាស និងការបង្ហាញដល់កីឡាករផ្សេងទៀត ដើម្បីតំណាងឱ្យក្រុមជម្រើសជាតិ។
ក្នុងចំណោមនោះគឺកីឡាករវ័យក្មេងកំពូលល្បី Suphanat Mueanta ដែលជាកីឡាករដែលបានបង្កើតប្រវត្តិសាស្ត្រក្នុងការប្រកួត AFC Champions League (ACL) ជាកីឡាករក្មេងជាងគេដែលអាចរកគ្រាប់បាល់បានក្នុងការប្រកួត។ កីឡាករផ្សេងទៀតដូចជា Airfan Doloh ដែលពីមុនជាប្រធានក្រុម U-19 ក្រៅពី Thanawat Suengchitthawon ដែលលេងជាមួយ Leicester City, Ben Davis, Ekanit Panya, Kritsada Kaman ដែលទើបជួយថៃឈ្នះពាន AFF Suzuki Cup 2020 និងកូនកាត់ដាណឺម៉ាក-ថៃ Jonathan Khemdee ក៏មិនបានកោះហៅដែរ។
សកម្មភាពរបស់ថៃត្រូវបានគេចាត់ទុកថាក្លាហានបំផុត ព្រោះពួកគេជាក្រុមដែលមានជម្រើសក្នុងការឈ្នះការប្រកួតលើកនេះ ទោះបីបានក្លាយជាក្រុមជើងឯករងក្នុងការប្រកួតឆ្នាំ ២០១៩ ដែលពួកគេបានចាញ់ក្រុមឥណ្ឌូណេស៊ីវគ្គផ្ដាច់ព្រ័ត្រក៏ដោយ។
ថៃត្រូវប្រកួតក្នុងពូល C ជាមួយសិង្ហបុរី និងវៀតណាម ដែលពួកគេនឹងប៉ះសិង្ហបុរីនៅថ្ងៃទី១៦ ខែកុម្ភៈ បន្ទាប់មកប៉ះវៀតណាមនៅថ្ងៃទី២២ ខែកុម្ភៈ។ ក្រៅពីប្រទេសថៃ ក្រុមមួយចំនួនក៏បានប្រកាសពីបញ្ជីកីឡាករដែលនឹងចូលរួមប្រកួតក្នុងឆ្នាំ២០២២ ដូចជា ម៉ាឡេស៊ី និងឥណ្ឌូនេស៊ី។
ប្រទេសម៉ាឡេស៊ីក្រោមការដឹកនាំរបស់ Brad Maloney បានចុះបញ្ជីកីឡាករចំនួន 30 នាក់ដើម្បីចូលរួមក្នុងការហ្វឹកហាត់ ហើយក្នុងចំណោមកីឡាករដែលត្រូវបានកោះហៅមាន Umar Hakeem, Alif Mutalib (JDT), Azhad Harraz (Sabah) និង Wan Kuzri ដែលកំពុងលេងនៅសហរដ្ឋអាមេរិក។
សម្រាប់ប្រទេសឥណ្ឌូនេស៊ី ពួកគេនឹងត្រូវបានបង្វឹកដោយ Shin Tae-yong ហើយក្នុងចំណោមកីឡាករដែលត្រូវបានកោះហៅនោះមាន Pratama Arhan, Alfeandra Dewangga, Rizky Ridho, Rachmat Irianto, Syahrian Abimanyu និង Hanis Sagara Putra ។ កីឡាករដែលបានលើកឡើងគឺជាផ្នែកមួយនៃក្រុមទទួលបានជើងឯករង AFF Suzuki Cup 2020។
ខ្សែការពារស្លាបឆ្វេង Joao Cancelo បានលើកឡើងថា មិត្តរួមក្រុម Phil Foden អាចក្លាយទៅជាកីឡាករល្អជាងគេនៅលើលោកបាននាពេលអនាគត។
Foden ដែលបច្ចុប្បន្នមានវ័យ២១ឆ្នាំ តែងតែទទួលបានឱកាសជាប់លាប់ក្នុងការបង្ហាញខ្លួនលើទីលាន ហើយ កាលពីរដូវកាលមុន រូបគេទើបរួមចំណែកជួយ Manchester City ឈ្នះពានរង្វាន់ Premier League, EFL Cup និង រងជើងឯកពានរង្វាន់ Champions League។ លើសពីនេះ រូបគេក៏បានឈ្នះពានរង្វាន់កីឡាករល្អជាងគេប្រចាំឆ្នាំរបស់ Premier League ផងដែរ។
Cancelo បាននិយាយថា៖«ពួកយើងមានកីឡាករជាច្រើនដែលនឹងមានអនាគតភ្លឺស្វាង។ ជាក់ស្តែង Foden នឹងក្លាយទៅជាកីឡាករល្អជាងគេបំផុតមួយនៅលើលោក»៕
ខ្សែការពារស្លាបស្តាំ Dani Alves មិនត្រូវបានក្លិប Barcelona ជ្រើសរើសចូលទៅក្នុងបញ្ជីឈ្មោះកីឡាករចូលរួមក្នុងពានរង្វាន់ Premier League ឡើយ។
មូលហេតុដែល Barcelona មិនបានចុចឈ្មោះ Alves គឺ ដោយសារ ច្បាប់នៅក្នុងពានរង្វាន់ Europa League ខាងលើអនុញ្ញាតឲ្យក្លិបនីមួយៗចុះឈ្មោះកីឡារចំណូលថ្មីរបស់ខ្លួនបានតែ៣នាក់ប៉ុណ្ណោះ ខណៈ ក្លិបបានសម្រេចចិត្តមិនជ្រើសយកកីឡាករវ័យ៣៨ឆ្នាំខាងលើ។
ផ្ទុយទៅវិញលោក Xavi បានជ្រើសយក Adama Traore, Ferran Torres និង Pierre-Emerick Aubameyang ដោយសារតែលោកចង់ពង្រឹងតំបន់ប្រយុទ្ធដែលកំពុងតែមានភាពខ្វះខាតក្នុងពេលបច្ចុប្បន្ននេះ៕
ខ្សែការពារស្លាបឆ្វេង Joao Cancelo របស់ Manchester City បានសម្រេចចិត្តបន្តកុងត្រាថ្មី២ឆ្នាំបន្ថែមទៀត ដែលនឹងរក្សាគេនៅឯកីឡដ្ឋាន Etihad Stadium រហូតដល់ឆ្នាំ២០២៧។
កីឡាករសញ្ជាតិព័រទុយហ្កាល់ខាងលើ បានក្លាយទៅជាតួអង្គដ៏សំខាន់របស់ Man City ក្រោមការដឹកនាំរបស់លោក Pep Guardiola ចាប់តាំងពីឆ្នាំ ២០១៩ ដោយ រូបគេធ្លាប់បានរួមចំណែកជួយក្រុមឈ្នះពានរង្វាន់ Premier League, EFL Cup និង រងជើងឯក Champions League កាលពីរដូវកាលមុន។
ក្រោយទទួលបានកុងត្រាថ្មី Cancelo បាននិយាយថា៖«Manchester City គឺ ជាក្លិបដ៏អស្ចារ្យមួយ ដូច្នេះខ្ញុំពិតជារីករាយណាស់ដែលបានបន្តកុងត្រាថ្មី។ កីឡាកររបស់ Man City មានអ្វីៗគ្រប់បែបយ៉ាងដើម្បីឈានទៅដល់សក្តានុពលរបស់ពួកគេ មានសម្ភារៈបរិក្ខារដ៏អស្ចារ្យ កីឡាករលំដាប់ពិភពលោក និង អ្នកចាត់ការក្រុមដែលតែងតែជម្រុញអ្នកជារៀងរាល់ថ្ងៃ។ ខ្ញុំពិតជារីករាយក្នុងការធ្វើការនៅទីនេះ។ ខ្ញុំមានគោលដៅច្រើនណាស់ដែលខ្ញុំចង់សម្រេចបានមុនពេលខ្ញុំបញ្ចប់អាជីព ហើយ Man City ផ្តល់ឱ្យខ្ញុំនូវឱកាសដ៏ល្អបំផុតក្នុងការបំពេញមហិច្ឆតារបស់ខ្ញុំ។ កិច្ចសន្យាថ្មីនេះមានន័យថា ពេលនេះខ្ញុំមានការផ្តោតអារម្មណ៍ទាំងស្រុងលើការកែលម្អការប្រកួតរបស់ខ្ញុំ និង ការឈ្នះពានរង្វាន់បន្ថែមទៀតជាមួយក្រុម»៕
ខ្សែប្រយុទ្ធ Pierre-Emerick Aubameyang បានថ្លែងសារអរគុណចំពោះការគាំទ្ររបស់អ្នកគាំទ្រ Arsenal និង បានបន្ថែមថា រូបគេមិនសប្បាយចិត្តនោះទេដែលមិនបានបន្តរួមចំណែកជួយក្រុម។
យើងបានដឹងហើយថា មួយរយៈចុងក្រោយនេះ ក្រោមការដឹកនាំរបស់លោក Mikel Arteta គឺ Aubameyang មិនបានបង្ហាញខ្លួនឡើយសូម្បីតែស្ថិតនៅក្នុងបញ្ជីឈ្មោះសម្រាប់ការប្រកួត ហើយ រូបគេក៏ត្រូវបានក្លិបដកស្លាកជាប្រធានក្រុមផងដែរ។ មូលហេតុនេះហើយដែលរូបគេបានសម្រេចចិត្តចាកចេញពីក្លិបដើម្បីផ្លាស់ទៅកាន់ Barcelona ដោយគ្មានតម្លៃខ្លួន។
Aubameyang បាននិយាយថា៖”ផ្ញើជូបទៅកាន់អ្នកគាំទ្រ Arsenal អរគុណដែលធ្វើឲ្យទីក្រុងឡុងដ៍ ក្លាយទៅជាផ្ទះរបស់ខ្ញុំ និង គ្រួសារខ្ញុំអស់រយៈពេល៤ឆ្នាំ។ ពួកយើងឆ្លងកាត់រឿងល្អ និង រឿងអាក្រក់ជាមួយគ្នា ហើយ ការគាំទ្ររបស់អ្នកទាំងអស់គ្នាពិតជាមានន័យណាស់សម្រាប់ខ្ញុំ។ ការដែលបានឈ្នះពានរង្វាន់ និង ទទួលបានស្លាកជាប្រធានក្រុមរបស់ក្លិប គឺ ជាអ្វីដែលខ្ញុំនឹងចងចាំទុកនៅក្នុងបេះដូងរបស់ខ្ញុំ។ ខ្ញុំសោកស្តាយដែលមិនបានជួយក្រុមប៉ុន្មានសប្តាហ៍ចុងក្រោយនេះ ប៉ុន្តែ ខ្ញុំគោរពចំពោះក្លិប និង ជូនពរឲ្យពួកគេ និង អ្នកគាំទ្រ ឲ្យទទួលបានជោគជ័យនាពេលខាងមុខ”៕
បន្ថែមពីលើការអភិវឌ្ឍន៍អាជីពបាល់ទាត់ និងប្រាក់ចំណូលខ្ពស់ Chanathip Songkrasin បានដឹងយ៉ាងច្បាស់អំពីទំនួលខុសត្រូវរបស់គាត់ក្នុងការជំរុញកីឡាករថៃ និងកីឡាករអាស៊ានឱ្យចេញទៅលេងនៅបរទេស។ នោះក៏ជាអ្វីដែលកីឡាករខ្មែរយើងមួយចំនួនត្រូវមានគោលបំណងបែបបនោះ ដូចជា សៀង ចន្ធា និងលឹម ពិសុទ្ធ។
កីឡាករពិសេសនៅ J.League
នៅចុងបញ្ចប់នៃពានរង្វាន់ AFF Cup 2020 ដែលក្រុមជម្រើសជាតិថៃបានឈ្នះជើងឯកយ៉ាងជឿជាក់ ហើយបន្ទាប់ពីឈ្នះពានកីឡាករល្អបំផុតប្រចាំព្រឹត្តិការណ៍ Chanathip Songkrasin បានផ្លាស់ទៅ Kawasaki Frontale ដែលជាក្រុមការពារតំណែងជើងឯកជប៉ុន។ ក្រុមមួយបានចំណាយលុយរាប់លានដុល្លារដើម្បីបានហត្ថលេខាតារាលេខ១របស់ក្រុមថៃ។
មុនរឿងនោះកើតឡើង Chanathip Songkrasin បានចំណាយពេលវេលា៥រដូវកាលជាមួយ Consodale Sapporo។ គាត់បានបង្ហាញខ្លួន ១២៥ ប្រកួត ស៊ុតបញ្ចូលទីបាន១៥ គ្រាប់។ បើនិយាយពីប្រាក់ចំណូលវិញ គាត់ទទួលបានប្រាក់បៀវត្សរ៍សរុបជាង ៣៦.៣ លានបាត ដោយមិនគិតពីប្រាក់រង្វាន់ និងការលើកទឹកចិត្តខ្ពស់ផ្សេងទៀត។
មក Kawasaki Frontale កីឡាករ Chanathip បានបោះជំហានដ៏ធំមួយក្នុងអាជីពរបស់គាត់ នៅពេលលេងឱ្យក្រុមខ្លាំងបំផុតមួយនៅក្នុងប្រទេសជប៉ុន។ គាត់នឹងមានឱកាសចូលរួមប្រកួតក្នុងកម្មវិធីអន្តរជាតិជាច្រើនជាពិសេសគឺ AFC Champions League។ បើនិយាយពីប្រាក់ឈ្នួលវិញ Messi Jay នឹងទទួលបានប្រាក់បៀវត្សរ៍រហូតដល់ ២១.៦ លានបាតក្នុងមួយឆ្នាំ។
យោងតាមស្ថិតិ Chanathip Songkrasin គឺជាកីឡាករដែលមានអ្នកតាមដានច្រើនជាងគេទីពីរនៅ J.League 2021 នៅលើ Instagram ដែលមានមនុស្សជាង 2.1 លាននាក់។ គាត់តិចជាង Iniesta ដែលជាកំពូលតារាអេស្ប៉ាញដែលកំពុងពាក់អាវរបស់ក្លិប Vissel Koke ។ នោះបង្ហាញថា ខ្សែបម្រើថៃបានសាងគុណផលនៅប្រទេសជប៉ុន។ រូបគេបានបង្ហាញពីកម្រិតរបស់ខ្លួនដោយផ្លាស់ប្តូរទម្រង់លេងអំពីកម្រិតកីឡាករថៃក្នុងការប្រកួតលីគកំពូលនៅប្រទេសជប៉ុន។
សំខាន់ជោគជ័យរបស់ Chanathip Songkrasin បានជំរុញចិត្តកីឡាករថៃផ្សេងទៀតឲ្យតាំងចិត្តរកជើងខ្លាំងពេលចេញទៅក្រៅប្រទេស។ រូបគេធ្លាប់បាននិយាយថា៖ “នៅ AFF Cup មានកីឡាករថៃជាច្រើនបានសួរខ្ញុំអំពី J.League។ ខ្ញុំបានចែករំលែកជាមួយពួកគេថា វាជាការប្រកួតដ៏មានការប្រកួតប្រជែងខ្លាំង ជាមួយនឹងល្បឿនលឿនជាង Thai League ខ្ញុំណែនាំពួកគេប្រសិនបើមានឱកាសទៅ។ ទៅលេងនៅបរទេស បង្កើនកម្រិតដើម្បីអាចជួយបាល់ទាត់ថៃឱ្យឡើងដល់កម្ពស់ថ្មីនៅអាស៊ី»។
មេរៀនសម្រាប់ សៀង ចន្ធា និង លឹម ពិសុទ្ធ
សៀង ចន្ធា(អាយុ ១៩ ឆ្នាំ) និងលឹម ពិសុទ្ធ ត្រូវបានគេចាត់ទុកថាជាកីឡាករវ័យក្មេងល្អបំផុតរបស់បាល់ទាត់កម្ពុជានៅពេលនេះ។ កីឡាករទាំងពីនាក់នេះនិងកីឡាករកម្ពុជាដទៃទៀតអាចយកដំណើរនៃការប្រកបអាជីពរបស់ Messi ទៅអនុវត្ត។ ការបង្ហាញទម្រង់លេងលេចធ្លោក្នុងលីគកំពូលកម្ពុជា ការក្លាយជាកីឡាករសំខាន់មិនអាចខ្វះបានរបស់ម្រើសជាតិជាតិសឹងគ្រប់ឈុតមិនទាន់គ្រប់គ្រាន់ទេ។ ពួកគេត្រូវការប្រកួតប្រជែងខ្លាំងថែមទៀត ។ចន្ធាធ្លាប់បាននិយាយថារូបគេមានគោលបំណងលេងនៅជប៉ុន មុនពេលផ្ទេរទៅលេងនៅ FC Barcelona ។ លឹម ពិសុទ្ធ បន្ទាប់ពីបង្ហាញខ្លួនឱ្យជម្រើសជាតិក្នុងទល់និងជម្រើសជាតិអ៊ីរ៉ាក់ អ៊ីរ៉ង់ក្នុងវគ្គជម្រុះ World Cup ជុំទី២ មានអ្នកជំនាញបាល់ទាត់ជាច្រើនក្នុងប្រទេសកម្ពុជាដូចជា លោក ភា សុភ័ត្រាគ្រូជំនួយជម្រើសជាតិកម្ពុជា អតីតគ្រូជំនួយជម្រើសជាតិលោក ប៊ួយ ដារី និងអ្នកជំនាញជាច្រើនទៀត សុទ្ធតែបង្ហាញការកោតសរសើរអំពីទេពកោសល្យរបស់ពួកគេទាំងពីរ។
ពិតណាស់! ទាំងនេះមិនគ្រប់គ្រាន់ទេ ពួកគេត្រូវការប្រឹងបន្ថែមទៀត។ ពួគគេនៅមានវ័យក្មេងនៅឡើយ ត្រូវការក្របជញ្ជក់ការបង្ហាញខ្លួនក្នុងលីគកម្ពុជា ពិសេសនៅពេលដែលកម្ពុជាបានកែប្រែមុខមាត់លីគថ្មីក្រុមកការដឹកនាំរបស់ក្រុមហ៊ុនលីគ។ ពួកគេត្រូវការបង្ហាញខ្លួននិងលេងក្នុងស្រុកយ៉ាងហោចណាស់ ៣ ទៅ៤ឆ្នាំទៀត រក្សាគុណផលលេង ពង្រឹងសមត្ថភាព បើមាឱកាសចាកចេញទៅលេងក្នុងលីគណាមួយដែលមានកម្រិតខ្ពស់ជាងកម្ពុជាក្នុងតំបន់ ដូចជាថៃ ម៉ាឡេស៊ី សិង្ហបុរី…គឺជាឱកាសកសាងសមត្ថភាព និងជាខ្សែយោងសម្រាប់គោលដៅរបស់ខ្លួនដេលចង់ទៅលេងនៅជប៉ុនហើយ។
ដំណើនៃអាជីពបាល់ទាត់ វាមិនឈប់ត្រឹមហ្នឹងទេ។ សម្រាប់ពួកគេទាំងពីរនិងកីឡាករវ័យក្មេងដទៃទៀត មិនទាន់មានសញ្ញាណាមួយនឹងចេញទៅក្រៅប្រទេសក្នុងពេលឆាប់ៗនេះទេ។ សម្រាប់ ចន្ធាធ្លាប់មានក្លិបជប៉ុនចង់បានកាលពីឆ្នាំមុន ខណៈដែល លឹម ពិសុទ្ធក៏មិនទាន់តម្រុយអ្វីដែរ។ ជាក់ស្តែង ការជ្រើសរើសបរិយាកាសឱ្យបានត្រឹមត្រូវក្នុងការចេញទៅក្រៅប្រទេសនៅតែជាបញ្ហាសម្រាប់កីឡាករកម្ពុជា។
មានកីឡាករកម្ពុជាមួយចំនួនមិនអាចស្នាក់នៅក្នុងក្លឹបដែលមិនសូវស្គាល់នៅជប៉ុន ម៉ាឡេស៊ី ថៃ តែម្នាក់ឯង។ ក្រុមជាច្រើននៅក្នុងលីគកំពូលកម្ពុជាខ្លួនឯង អ្នកគ្រប់គ្រងមិនទាន់ត្រៀមខ្លួនលក់កីឡាករល្អរបស់ពួកគេ ទៅក្រុមនៅក្រៅប្រទេសទេ។ សូម្បីតែកិច្ចសន្យាខ្ចីជើងដែលគ្រាន់តែជួយឱ្យកីឡាករឱ្យប្រសើរឡើងនូវប្រាក់ចំណូលក៏មិនទាន់មានដែរ។ មានកីឡាករកម្ពុជាជាច្រើនបង្ហាញបំណងលេងនៅក្រៅប្រទេស ហើយក៏មានកីឡាករកម្ពុជាមួយចំនួនក្នុងសម័យបាល់ទាត់ទំនើបនេះបានលេងនៅក្រៅដែដូចជា ចាន់ វឌ្ឍនាកា ធារី ចន្ថាប៊ីន កែវ សុខផេង…។
បទពិសោធន៍របស់រៀបច្បងទាំងនេះគឺជាអ្វីដែល សៀង ចន្ធា និងលឹម ពិសុទ្ធត្រូវតែមើលនិងធ្វើការផ្លាស់ប្តូរ។ ព្រោះពួកគេតំណាងឱ្យបច្ចុប្បន្ន និងអនាគតរបស់ក្រុមជម្រើសជាតិកម្ពុជា។ ពួកគេត្រូវជ្រើសរើសក្រុមសមស្របមួយដែលពួកគេអាចលេង បង្កើតកន្លែងឈរជើង និងបើកផ្លូវរឹងមាំសម្រាប់សហការីរបស់ពួកគេដើរតាម។ លុះត្រាតែមានកីឡាករកម្ពុជាច្រើនដែលអាចធ្វើបានដូច Chanathip នោះក្រុមកម្ពុជានឹងគិតយ៉ាងក្លាហានអំពីការប្រកួតបាល់ទាត់ពិភពលោក។ សម្រាប់ពេលនេះ វានៅតែជាសុបិនឆ្ងាយណាស់ ឆ្ងាយដូចជើងមេឃ។
