ខ្សែការពារសញ្ជាតិអាល្លឺម៉ង់ កីឡាករ Niklas Sule នឹងចាកចេញពី Bayern Munich ដើម្បីផ្លាស់ទៅកាន់ Borussia Dortmund ក្រោយបញ្ចប់រដូវកាលនេះ។

កិច្ចពិភាក្សាគ្នារវាង Sule និង Bayern Munich លើកិច្ចសន្យាថ្មីមិនទទួលបានជោគជ័យឡើយ ខណៈ កុងត្រារបស់គេជាមួយក្លិបនឹងផុតកំណត់ក្រោយបញ្ចប់រដូវកាលនេះ ហើយ រូបគេក៏សម្រេចចិត្តចាកចេញដើម្បីផ្លាស់ទៅកាន់ក្រុមគូប្រជែងរួមលីគ Dortmund។

ចំពោះការចូលរួមជាមួយ Dortmund គឺ Sule នឹងចុះហត្ថលេខាលើកុងត្រាជាមួយក្លិបរហូតដល់ឆ្នាំ២០២៦ ហើយ រូបគេនឹងទទួលបានប្រាក់១០លានអឺរ៉ូក្នុងមួយឆ្នាំ ព្រមទាំងប្រាក់លើលក្ខខណ្ឌផ្សេងៗទៀតដែលបានព្រមព្រៀងគ្នា៕

ក្លិប Manchester United នឹងអវត្តមានកីឡាករ Fred និង Alex Telles ក្នុងការប្រកួតរាត្រីនេះបន្ទាប់ពីពួកគេមានវិជ្ជមានកូវីដ-១៩។

នៅរាត្រីនេះ Man Utd នឹងធ្វើដំណើរទៅកាន់កីឡដ្ឋាន Turf Moor របស់ក្លិប Burnley ដើម្បីប្រកួតគ្នាក្នុងក្របខណ្ឌ Premier League នៃសប្តាហ៍ទី២៤ ខណៈ Fred និង Telles នឹងខកខានជួយក្រុម។

សេចក្តីថ្លែងការរបស់ Man Utd មានខ្លឹមសារដូចតទៅ៖កីឡាករសញ្ជាតិប្រេស៊ីលខាងលើ បានតេស្តវិជ្ជមានកូវីដ-១៩ ដែលមានន័យថាឥឡូវនេះពួកគេនឹងត្រូវនៅដាច់ដោយឡែកស្របតាមការណែនាំរបស់រដ្ឋាភិបាល៕

ក្រុមបាល់ទាត់ជម្រើសជាតិឡាវអាយុក្រោម២៣ឆ្នាំបានត្រៀមខ្លួន​កាន់​តែ​ល្អ ក្នុងសប្តាហ៍នេះជាមួយនឹងជ័យជម្នះ ២-០ លើខេត្តសាឡាវ៉ាន់ក្នុងការប្រកួតមិត្តភាពដែលធ្វើឡើងនៅកីឡដ្ឋានចំប៉ាសាក់មុន​ការ​ប្រកួត AFF U23 Champions League 2022។

វគ្គ​ទី​មួយ​ក្រុម​ទាំងពីរ​មិន​បាន​ស៊ុត​បញ្ចូល​ទី​នោះ​ទេ តែ​ចូល​វគ្គ​ទី២​ក្រុម U23 ឡាវបាន​ធ្វើ​ការ​ស៊ុត​បញ្ចូល​ទីដោយកីឡាករ Thanouthong Kietnalonglop និង Thipphachanh Khambai ។ ក្រុម U23 ឡាវ នឹង​ប្រកួត​មិត្តភាព​ជា​លើក​ទី​ពីរ​ជាមួយ​ក្រុម Champasak FC នៅ​ទីលាន​ដដែល​ក្នុង​រយៈពេល​ពីរ​ថ្ងៃបន្ទាប់។

ក្រុម​នេះ​កំពុង​ត្រៀម​ខ្លួន​សម្រាប់​ការ​ប្រកួត AFF U23 Championship 2022 នៅ​កម្ពុជា​នៅ​ថ្ងៃ​ទី​១៤-២៦ ខែ​កុម្ភៈ ឆ្នាំ​២០២២។ U23 ឡាវ ស្ថិតក្នុងពូល B ជាមួយក្រុមការពារតំណែងជើងឯក ឥណ្ឌូនេស៊ី ម៉ាឡេស៊ី និងមីយ៉ាន់ម៉ា។

ក្រុមជម្រើស​ជាតិU23 ប្រ៊ុយណេបាន​មក​ដល់ប្រទេសកម្ពុជាហើយ​ដើម្បីត្រៀមខ្លួនសម្រាប់ពានរង្វាន់ AFF U23 Championship 2022។

ក្រុមបាល់ទាត់ជម្រើសជាតិ U23 ប្រ៊ុយណេបានមកដល់កម្ពុជាដោយសុវត្ថិភាពហើយកាលពីយប់មិញ។ក្រុមនេះរួមមានជំនួយការអ្នកគ្រប់គ្រង Ah Chua Bangau និងគ្រូបង្វឹក Aminuddin Jumat ព្រមទាំងកីឡាករ Haziq Hazwan Wahid និង Md Alin Syahmi Hossaini ។ ក្រុម​ដេល​ធ្វើ​ដំណើ​មក​កម្ពុជា​មុន​គឺ​ក្រុមបាល់​តាត់​ជម្រើស​ជាតិ​ហ្វិលីពីន U23 ដែល​មក​ដល់​កាល​ពី​ប៉ុន្មាន​ថ្ងៃ​មុន ខណៈក្រុម​ទី​បី​គ្រោង​នឹង​ហោះ​ហើរ​មក​កម្ពុជា​នៅ​ថ្ងៃ​អង្គារ​សប្តាហ៍​ក្រោយ។

U23 ប្រុយណេរស្ថិត​ក្នុងពូល A ជាមួយម្ចាស់​ផ្ទះកម្ពុជា ទីម័រខាងកើត និង​U23 ហ្វីលីពីន។ ខាងក្រោមជាបញ្ជី​ឈ្មោះកីឡាករ​ជម្រើស​ជាតិ​ U23 ព្រុយណេ៖

ខ្សែការពារស្លាបស្តាំ Dani Alves របស់ Barcelona បានឆ្លើយតបទៅនឹងការសម្រេចចិត្តរបស់លោក Xavi Hernandes ដែលមិនបានបញ្ចូលឈ្មោះរូបគេចូលរួមប្រកួតក្នុងពានរង្វាន់ Europa League។

មូលហេតុដែល Barcelona មិនបានចុចឈ្មោះ Alves គឺ ដោយសារ ច្បាប់នៅក្នុងពានរង្វាន់ Europa League ខាងលើអនុញ្ញាតឲ្យក្លិបនីមួយៗចុះឈ្មោះកីឡារចំណូលថ្មីរបស់ខ្លួនបានតែ៣នាក់ប៉ុណ្ណោះ ហើយ ផ្ទុយទៅវិញ លោក Xavi បានសម្រេចចិត្តជ្រើសយក Adama Traore, Ferran Torres និង Pierre-Emerick Aubameyang ដោយសារតែលោកចង់ពង្រឹងតំបន់ប្រយុទ្ធដែលកំពុងតែមានភាពខ្វះខាតក្នុងពេលបច្ចុប្បន្ននេះ។

Alves បាននិយាយថា៖«ខ្ញុំតែងតែផ្តោតអារម្មណ៍ជារៀងរាល់ថ្ងៃ។ ដូចដែលខ្ញុំតែងតែនិយាយពីមុនមកថា យើងជាបុគ្គលិក ហើយ ក្លិបជាអ្នកសម្រេចថាអ្វីដែលល្អបំផុតសម្រាប់យើង។ ខ្ញុំមកទីនេះដើម្បីជួយ និង តាំងចិត្តខ្លួនឯងក្នុងការនាំយកអ្វីៗមកក្រុម ដើម្បីនាំយកកម្រិតនៃការប្រកួតប្រជែង និងស្មារតីវិជ្ជមាន។ ខ្ញុំក៏ចង់ចូលរួមប្រកួតដែរ ប៉ុន្តែ យើងមានកីឡាករ៤នាក់ដែលមានតំណែងលេងបីខុសៗគ្នា ហើយ វា ជា វេន របស់ ខ្ញុំ ដែល ត្រូវ ខកខាន។ អ្នកត្រូវតែទទួលយកវា ប៉ុន្តែ អ្នកត្រូវផ្តោតលើអ្វីដែលអ្នកអាចផ្តល់ជូនមកក្រុមបាន«៕

សហព័ន្ធកីឡាបាល់ទាត់កម្ពុជាមានកិត្តិយសប្រកាសពីភាពជាដៃគូជាមួយម៉ាកVARAMAN ជាអ្នកផ្គត់ផ្គង់ឈុតឯកសណ្ឋានផ្លូវការដល់ក្រុមជម្រើសជាតិកម្ពុជា ចាប់ពីឆ្នាំ២០២២នេះតទៅ។

VARAMAN គឺជាម៉ាកក្នុងស្រុកថ្មី បង្កើតឡើងជាមួយគោលបំណង ចង់ឱ្យក្រុមជម្រើសជាតិកម្ពុជាប្រើប្រាស់ឯកសណ្ឋានដែលរចនា​ និងផលិត នៅក្នុងព្រះរាជាណាចក្រកម្ពុជា ជាផលិតផលដែលផលិតដោយដៃបងប្អូនខ្មែរយើងផ្ទាល់​ ដើម្បីប្រើប្រាស់ក្នុងពេលប្រកួតប្រជែងលើឆាកអន្តរជាតិ។

ម៉ាក VARAMAN (វរ្ម័ន) គឺបានបំផុសគំនិតចេញពីព្រះបរមនាមព្រះមហាក្សត្រខ្មែរមួយព្រះអង្គ ដែលគួរឲ្យកោតស្ញប់ស្ញែង គឺព្រះបាទជ័យវរ្ម័នទី៧ ក្នុងសម័យកាលដ៏រុងរឿងបំផុតនៃប្រវត្តិសាស្ត្រខ្មែរ។ ពាក្យនេះក៏ជាពាក្យសំស្ក្រឹតមួយ ដែលមាន​ន័យថាអាវក្រោះ ដែលអត្ថន័យនេះ ប្រៀបបានទៅនឹងឯកសណ្ឋានក្រុមជម្រើសជាតិកម្ពុជាយើងជាអាវក្រោះការពារ ក្នុងពេលប្រកួតជាមួយអន្តរជាតិ។

ឯកសណ្ឋានផ្លូវការរបស់ក្រុមជម្រើសជាតិកម្ពុជាឆ្នាំ២០២២​ នឹងចេញជាផ្លូវការនៅ ខែឧសភា ឆ្នាំ២០២២ សម្រាប់ការប្រកួតជម្រុះជុំទី៣ នៃពានរង្វាន់បាល់ទាត់ទ្វីបអាស៊ី។ ដោយឡែក សម្រាប់ការប្រកួតពានរង្វាន់ ជើងឯកបាល់ទាត់តំបន់អាស៊ីអាគ្នេយ៍អាយុក្រោម២៣ឆ្នាំ ឆ្នាំ២០២២ ខាងមុខនេះ VARAMAN នឹងមានឯកសណ្ឋានដោយ​ឡែក​ផ្សេងជាពិសេស សម្រាប់ក្រុមជម្រើសជាតិអាយុក្រោម២៣ឆ្នាំរបស់យើង។

អត្ថបទ៖ FFC