ក្នុងការទទួលបានការកោះហៅចូលក្រុមជម្រើសជាតិលើកដំបូងក្នុងអាជីព អ្នកចាំទីវ័យក្មេង នុន ណាត របស់ក្លិបបាល់ទាត់អង្គរថាយហ្គឺរបានបង្ហាញក្ដីរំភើបជាខ្លាំងក្នុងការទទួលបានការកោះហៅពីសហព័ន្ធកីឡាបាល់ទាត់កម្ពុជា សម្រាប់បញ្ជីបឋម ២៦នាក់នៃក្រុមជម្រើសជាតិអាយុក្រោម២៣ឆ្នាំ សម្រាប់ព្រឹត្តិការណ៍ស៊ីហ្គេមនៅប្រទេសវៀតណាម។

ជុំវិញការទទួលបានឱកាសលើកដំបូងនេះ អ្នកចាំទីវ័យ២១ឆ្នាំ បាននិយាយប្រាប់ទំព័រ B8SPORT ថា៖«ខ្ងុំរំភើបជាខ្លាំង ក្នុងការកោះហៅចូលក្រុមជម្រើសជាតិ ព្រោះវាជាក្ដីស្រម៉ៃរបស់ខ្ញុំ។ ហើយខ្ញុំប្ដេជ្ញាចិត្ត ក្នុងការប្រឹងប្រែងហ្វឹកហាត់ឲ្យកាន់តែខ្លាំង ដើម្បីប្រជែងឱកាសក្នុងបញ្ជីឈ្មោះកីឡាករចុងក្រោយទៅស៊ីហ្គេម និងដើម្បីក្លិប ក៏ដូចអ្នកគាំទ្រសៀមរាបផងដែរ។ ខ្ញុំពិតជារំភើប និងមិននឹកស្មានដល់ដែលមានឱកាសលេងជាអ្នកចាំទីដៃទី១ នៅ៧ប្រកួតដំបូងក្នុងលីគសម្រាប់ក្រុម និងទទួលបានឱកាសចូលការប្រមូលផ្ដុំហ្វឹកហាត់ជាមួយក្រុមជម្រើសជាតិអាយុ២៣ឆ្នាំ ហើយខ្ញុំនឹងប្ដេជ្ញាចិត្តឲ្យអស់ពីសមត្ថភាពក្នុងការហ្វឹកហាត់ ដែលពីមុនខ្ញុំខំប្រឹងមក នឹងព្យាយាមឲ្យកាន់តែខ្លាំងជាងមុនបន្ថែមទៀត ដើម្បីឱកាសទាំងក្នុងក្លិប និងជម្រើសជាតិចង់បាន»៕

អ្នកចាំទីមានកម្ពស់ ១.៨០សង់ទីម៉ែត្ររូបនេះ ទទួលបានឱកាសបង្ហាញខ្លួន១១នាក់ដំបូង គ្រប់ប្រកួតសម្រាប់អង្គរថាយហ្គឺរជាមួយសមត្ថភាពគួរឲ្យកត់សម្គាល់ ក្រោមការដឹកនាំរបស់លោក Alistair Heath  ៧សប្ដាហ៍ដំបូងនៃក្របខណ្ឌ Cambodian Premier League រដូវកាលនេះ៕

រូបភាព៖ ATK

ខ្សែប្រយុទ្ធ Karim Benzema បានបកស្រាយពីហេតុផលដែលគេសម្រេចចិត្តទាត់បាល់ប៉េណាល់ទី ដោយប្រើស្ទីលបន្តក់បាល់ (Panenka) ទល់នឹង អ្នកចាំទី Ederson កាលពីយប់មិញ។

កាលពីយប់មិញនេះ Benzema បានរកគ្រាប់បាល់បញ្ចូលពីរគ្រាប់ម្នាក់ឯង ប៉ុន្តែវាមិនគ្រប់គ្រាន់ក្នុងការជួយក្រុមស្វែងរកលទ្ធផលល្អបានឡើយ ដោយ Real Madrid បានចាញ់ Man City ក្នុងលទ្ធផល ៤ទល់នឹង៣ នៃការប្រកួតវគ្គពាក់កណ្តាលផ្តាច់ព្រ័ត្រ ជើងទី១ ក្របខណ្ឌ Champions League។

ទាក់ទងនឹងការទាត់បាល់ប៉េណាល់ទី Benzema បាននិយាយថា៖«ខ្ញុំតែងតែមានវានៅក្នុងក្បាលរបស់ខ្ញុំថា ប្រសិនបើអ្នកមិនទទួលការទាត់បាល់ប៉េណាល់ទីទេ នោះ អ្នកនឹងមិនដែលខកខានការទាត់បាល់ពិន័យនេះឡើយ។ នេះគឺជាទំនុកចិត្តលើខ្លួនឯង។ ដូច្នេះខ្ញុំក៏ធ្វើវា ហើយ វាទទួលបានជោគជ័យ»៕

ក្រុមហ៊ុន Cambodian Premier League បាន​ចេញ​លិខិតស្តីពីការអនុញ្ញាតឱ្យទស្សនិកជន ចូលរួមទស្សនាការប្រកួតចំនួន១០០%នៅក្នុងកីឡដ្ឋានផ្ទាល់ និងមិនមានការ តម្រូវឱ្យធ្វើតេស្តរហ័សរកមេរោគកូវីដ-១៩ លើមន្ត្រី និងកីឡាករ សម្រាប់ការប្រកួតដែលរៀបចំដោយក្រុមហ៊ុនខេមបូឌានពីមៀរលីគ។

លិខិត​នេះ​ចេញ​នៅ​ថ្ងៃ២៧ខែមេសាឆ្នាំ២០២២​ដោយ​លោក SATOSHI SAITO នាយកប្រតិបត្តិ​លីគកំពូលកម្ពុជា ហើយ​សេច​ក្ដី​លម្អិត​មាន​ដូចខាងក្រោម៖

តារាវ័យក្មេងពីររូបរបស់ក្រុមជម្រើសជាតិឥណ្ឌូនេស៊ី Egy Maulana Vikri និង Witan Sulaeman បានសម្រេចចិត្តចាកចេញពីក្លឹប Slovakian FK Senica ដោយសារតែក្លឹបមិនបានបើកប្រាក់ខែ។

ព័ត៌មាននេះត្រូវបានចែករំលែកដោយ Asean Football ដែលក្រៅពី Egy និង Witan មានកីឡាករយ៉ាងហោចណាស់ប្រាំបីនាក់ទៀត និងគ្រូបង្វឹកក្រុមដែលបដិសេធមិនបន្តបម្រើជាមួយក្លឹបដោយសារតែមិនមានប្រាក់ខែ។

FK Senica មានពាក្យចចាមអារ៉ាមថាកំពុងប្រឈមនឹងបំណុលចំនួន 1 លានអឺរ៉ូដែលបណ្តាលឱ្យពួកគេមិនអាចបើកប្រាក់ខែរបស់កីឡាករនិងបុគ្គលិកគ្រូបង្វឹកបាន។ ដោយ​គ្មាន​កីឡាករ​សំខាន់​ក្នុង​ក្រុម Senica បាន​ចាញ់​ក្នុង​បី​ប្រកួត​ចុង​ក្រោយ​ទៅ​លើក្រុម Lipstovsky Mikulas, Spartak Trnava, និង Zemplin Michalovche ។

Egy និង Witan បានធ្វើកូដកម្មបដិសេធមិនចូលលេងឱ្យ​ក្លិប​តទល់​និង​ក្រុមជា Mikulas និង Michalovche តែ​គ្មាន​ជម្រើសរូប​គេ​នៅតែលេង​ដដែល។ ពេល​ប៉ះក្រុម Trnava កីឡាករទាំងពីរមិន​បាន​ចូល​លេង​ទេ។

ប្រធានក្រុម Senica កីឡាករ Juraj Prioska បង្ហើបថា អ្នកគ្រប់គ្រងមិនខ្វល់ពីបញ្ហាជំពាក់ប្រាក់បៀវត្សរ៍ ដែលបណ្ដាលឱ្យកីឡាករមួយចំនួនធ្វើកូដកម្ម និងបដិសេធមិនចូលលេងឱ្យក្រុម។

“អ្នកគ្រប់គ្រងមិនបានធ្វើតាមសំណើរបស់យើងទេ។ ដូច្នេះយើងជ្រើសរើសយក​ការ​ចាកចេញ​ពី​ក្លិប​និង​មិន​លេងឱ្យ។ យើងនឹងឃើញមានអ្វីកើតឡើងនៅពេលក្រោយ។ ពួកគេមានអាថ៌កំបាំងជាច្រើនជាមួយយើង”។

គាត់បាននិយាយថា៖ “ពិតណាស់ពួកគេមិនចង់ឱ្យកីឡាករចាកចេញពីក្រុមទេ។ ប៉ុន្តែពួកគេចង់ឱ្យយើងលេងដោយឥតគិតថ្លៃ។ នោះមិនមែនជាដំណោះស្រាយចំពោះបញ្ហានេះទេ” ។

Egy Maulana និង Witan Sulaeman ស្ទើរតែនឹងធ្វើចំណាកស្រុកទៅក្រុមផ្សេងទៀត បន្ទាប់ពីឆ្លងកាត់ស្បៃអន្ធការជាមួយ FK Senica ។ យ៉ាងណាក៏ដោយ គេនៅមិនទាន់ដឹងច្បាស់ថា កីឡាករទាំងពីរនឹងបន្តលេងនៅអឺរ៉ុប ឬត្រឡប់ទៅលេងក្នុងតំបន់អាស៊ីដូចមុននោះទេ។

ក្លិប​នៅជប៉ុន និងលីគកូរ៉េ ត្រូវបានគេមើលឃើញថាជាដំណាក់កាលសមរម្យសម្រាប់កីឡាករទាំងពីរ ដោយសារពួកគេមានគុណភាពគ្រប់គ្រាន់ឱ្យ​អ្នក​ទាំងពីរក្នុងការប្រកួត​ប្រជែង បន្ទាប់ពីលេងនៅអឺរ៉ុបយូរខែ​មក​ហើយ​ដែរ​នោះ។ Egy និង Witan ស្ថិត​ក្នុង​បញ្ជី​កីឡាករ​ឥណ្ឌូណេស៊ី​ដែល​នឹង​ចូល​រួម​ប្រកួត​កីឡា​ស៊ីហ្គេម​ឆ្នាំ​២០២១ នៅ​ទីក្រុង​ហាណូយ ប្រទេស​វៀតណាម។

លោក Felix Dalmas ដែលជាអតីតគ្រូបង្គោលក្រុមជម្រើសជាតិកម្ពុជា បានបង្ហាញអំពីការយល់ឃើញចំពោះបញ្ជីឈ្មោះក្រុមកម្ពុជាក្នុងព្រឹត្តិការណ៍ Sea Games ខាងមុខនេះ។

កម្ពុជា ស្ថិតនៅក្នុងពូល B ជាមួយក្រុមជម្រើសជាតិថៃ, ម៉ាឡេស៊ី, សិង្ហបុរី និង ឡាវ ដែលសុទ្ធសឹងតែជាក្រុមខ្លាំងនៅក្នុងតំបន់ ខណៈកាលពីឆ្នាំ២០១៩ ពេលដែលលោក Felix ដឹកនាំ ក្រុមកម្ពុជា ទទួលបានចំណាត់ថ្នាក់លេខ៤។

ថ្លែងប្រាប់ Cambodia 2023 លោក Felix បាននិយាយថា៖

«ទាំងនេះគឺជាការសម្រេចចិត្តរបស់គ្រូបង្វឹក។ ពួកគាត់ជាអ្នកដែលបានតាមដាន និងធ្វើការជាមួយកីឡាករនាពេលបច្ចុប្បន្ននេះ។ ជាអកុសល ខ្ញុំមិនបានធ្វើការជាមួយក្រុមអស់រយៈពេលមួយឆ្នាំកន្លងមក។ ដូច្នេះ ខ្ញុំមិនដឹងព័ត៌មានលម្អិតទាំងអស់អំពីអ្វីដែលកំពុងកើតឡើងនៅពេលនេះទេ។ ខ្ញុំគិតថា វាជាដំណើរការដ៏វែងមួយ។ យើងធ្លាប់បានខិតខំយ៉ាងខ្លាំង ក្នុងការអភិវឌ្ឍ និងរៀបចំកីឡាករ រួមទាំងបុគ្គលិកទាំងអស់ជាមួយនឹងមូលដ្ឋានគ្រឹះ និងវិធីនានា ដើម្បីភាពរីកចម្រើន។ ការប្រកួត ដូចជាស៊ីហ្គេមនេះ គឺជា ការសាកល្បងដ៏អស្ចារ្យ ដើម្បីបង្ហាញថា តើកីឡាករកំពុងនៅកន្លែងណា ក្នុងដំណើរការនោះ។ អ្នកដែលខ្ញុំបានធ្វើការជាមួយផ្ទាល់ គឺជាក្មេងដែលពូកែ មានការផ្ដោតអារម្មណ៍បានល្អ ហើយពួកគេចង់ធ្វើឲ្យបានល្អសម្រាប់កម្ពុជា។ ជាមួយគ្នាផងដែរ លើកនេះ បុគ្គលិក និងកីឡាករទាំងអស់ កំពុងប្រឹងប្រែងធ្វើឲ្យប្រជាជនកម្ពុជា សប្បាយចិត្ត ។ ដូច្នេះសូមគាំទ្រពួកគេ»៕

តាមប្រព័ន្ធផ្សព្វផ្សាយរបស់ក្លិបបាល់ទាត់បឹងកេត លោក KIYOSHI SEKIGUCHI នាយកបច្ចេកទេស ក្លិប Shonan Bellmare នៃលីគកំពូលជប៉ុន បានធ្វើដំណើរទស្សនកិច្ចផ្លូវការ ជាមួយក្លិបបាល់ទាត់បឹងកេត ដោយមានការទទួលស្វាគមន៍ពី អ្នកស្រី ពុធ ធីតា ប្រធានក្លិប និងលោក បែ មករា អគ្គលេខាធិកា ដើម្បីពិនិត្យ និងពិភាក្សាលើ ការងារសហប្រតិបត្តិការរវាងក្លិប Shonan Bellmare និងក្លិបបាល់ទាត់បឹងកេត ដែលធ្វើឡើងកាលពីថ្ងៃទី២៣ ខែមេសា ឆ្នាំ២០២២ កន្លងទៅនេះ។

លោក KIYOSHI ដែលជាបុគ្គលមានបទពិសោធន៏ការងារបាល់ទាត់អាជីពជាច្រើនទាំងក្នុងប្រទេសជប៉ុន និងក្រៅប្រទេសផងនោះ ក៏បានចូលរួមធ្វើបទបង្ហាញអំពី បច្ចុប្បន្នភាព នៃក្លិបបាល់ទាត់ Shonan Bellmare និងបង្ហាត់បង្ហាញដល់ យុវជនអាយុក្រោម ១៨ឆ្នាំ និងសិស្សសាលាបាល់ទាត់បឹងកេតផងដែរ ដោយលោកបានសង្កេតឃើញពីបច្ចេកទេស ក៏ដូចជាភាពប៉ិនប្រសព្វរបស់យុវជន បឹងកេតថែមទៀតផង។

ជុំវិញការចុះមកទស្សនកិច្ច ក៏ដូចជាពិនិត្យពិភាក្សាលើកិច្ចសហប្រត្តិបត្តិការនេះ ក្លិបទាំងពីរ បាន និងកំពុងត្រៀមក្នុងការធ្វើការរួមគ្នាមួនចំនួន ក្នុងគោលដៅផ្លាស់ប្តូរបទពិសោធន៍ និង អភិវឌ្ឍ បាល់ទាត់រួមគ្នាជាច្រើន ដែលនឹង លេចចេញជាផ្លូវការនាពេលអនាគត។ តាមការឲ្យដឹងក្លិបបាល់ទាត់បឹងកេត ក៏ត្រៀមធ្វើដំណើរទស្សនកិច្ចនៅជប៉ុនវិញដែរ នាពេលខាងមុខនេះ។

គួបញ្ជាក់ផងដែរថាក្លិបបាល់ទាត់បឹងកេត បានចុះកិច្ចព្រមព្រៀង ជាមួយក្រុមសមាជិក J-Leaggue របស់ជប៉ុនមួយនេះ  មានសុពលភាពពីថ្ងៃ១ ខែមករា ឆ្នាំ២០២២នេះ រហូតដល់ថ្ងៃទី៣១ ខែមករា ឆ្នាំ២០២៤ ៕

ប្រភព&រូបភាព ៖ក្លិបបាល់ទាត់បឹងកេត

ខ្សែបម្រើ Rodri របស់ Manchester City បានចេញមុខដាស់តឿនមិត្តរួមក្រុម ត្រូវតែបិទ Karim Benzema ឲ្យជាប់ប្រសិនបើពួកគេចង់ឡើងទៅកាន់វគ្គផ្តាច់ព្រ័ត្រនៃក្របខណ្ឌ Champions League។

នៅរាត្រីនេះ Man City នឹងត្រូវមានភារកិច្ចសំខាន់បើកទ្វារកីឡដ្ឋាន Etihad Stadium របស់ខ្លួនស្វាគមន៍ Real Madrid ក្នុងការប្រកួតជើងទី១ វគ្គ៤ក្រុមចុងក្រោយ នៃក្របខណ្ឌ Champions League។

Rodri បាននិយាយថា៖«Benzema កំពុងតែស្ថិតនៅក្នុងពេលវេលាដ៏អស្ចារ្យជាងគេនៅក្នុងអាជីពរបស់គាត់។ គេមិនមែនត្រឹមតែអាចរកគ្រាប់បាល់បានទេ ប៉ុន្តែ គាត់ក៏អាចធ្វើឲ្យមិត្តរួមក្រុមមានអារម្មណ៍ស្រស់ស្រាយជាមួយបាល់ផងដែរ។ គាត់យល់ពីគ្រប់ផ្នែករបស់ការប្រកួត និង តែងតែរកគ្រាប់បាល់បាន។ ដូចការលើកឡើងរបស់លោក Carlo Ancelotti អ៊ីចឹង គេ ជាខ្សែប្រយុទ្ធដ៏ទំនើបនាបាល់ទាត់បច្ចុប្បន្ន ដូច្នេះពួកយើងត្រូវតែប្រុងប្រយ័ត្នចំពោះគាត់»៕

ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ ដែលមានលោក Keisuke Honda ជា អ្នកចាត់ការទូទៅ បានសម្រេចចិត្តមិនកោះហៅកីឡាករអាយុលើស ៣នាក់ ឡើយសម្រាប់ដំណើរទៅចូលរួមប្រកួតកីឡាអាស៊ីអាគ្នេយ៍ (ស៊ីហ្គេម) លើកទី ៣១នៅប្រទេសវៀតណាមក្នុងខែឧសភាខាងមុខនេះ។

ជំនួយការគ្រូបង្វឹកលោក ភា សុភក្ត្រា មានប្រសាសន៍ថា មូលហេតុដែលក្រុមជម្រើសជាតិអាយុក្រោម២៣ឆ្នាំ មិនបញ្ចូលឈ្មោះកីឡាករលើសអាយុ ដោយសារតែគោលបំណងសំខាន់របស់ក្រុម គឺ ផ្តល់ឱកាសដល់កីឡាករក្មេងៗ ដើម្បីពង្រឹងសមត្ថភាពរបស់ពួកគេ។ ក្រុមនេះមិនត្រឹមតែផ្តោតលើការប្រកួតនាពេលខាងមុខប៉ុណ្ណោះទេ ប៉ុន្តែថែមទាំងផ្តោតលើដំណើរឆ្ពោះទៅស៊ីហ្គេមលើកទី ៣២ ឆ្នាំក្រោយ ដែលកម្ពុជានឹងធ្វើជាម្ចាស់ផ្ទះ។

“ដូចដែលឃើញក្នុងបញ្ជី​ឈ្មោះដែលស.ប.ក​ បាន​បង្ហោះ យើងមិនបានចុះឈ្មោះ កីឡាករដែលលើសអាយុនោះទេ ។ យើងបានជ្រើសរើសកីឡាករផ្ដោតលើ​ផែនការរយៈពេលវែង ហើយផ្តោតលើឆ្នាំ 2023 នៅកម្ពុជា”។

“មានកីឡាករចំនួន 50 នាក់នៅក្នុងបញ្ជីដំបូង។ យើង​បាន​កោះហៅ​ពួកគេ​ចំនួន ២៦ នាក់​មក​ហ្វឹកហាត់ ហើយ​នឹង​ជម្រុះ​ពួកគេ​ចំនួន ៦ នាក់ចេញ​ហើយ​នៅសល់​កីឡាករ 20 នាក់ចុងក្រោយ។ ក្នុងចំណោម​កីឡាំករក្នុងបញ្ជី​ចុងក្រោយ​២០​នាក់​នេះ​បើ​នរណា​ម្នាក់ឆ្លងកូវីដ ១៩ យើង​អាច​ប្ដូរថ្មី​ដោយ​រើស​កីឡាករណាម្នាក់​ពី​បញ្ជី​ដំបូង៥០​នាក់​នេះបាន។ ប៉ុន្តែក្នុងករណី​កីឡាកររបួសខុស​ពី​កូវីដ យើង​មិនអាច​ប្ដូរ​បាន​ទេ”។

ប្រភព៖ Phnom Penh Post