ក្រុមបាល់​ទាត់​អគ្គិសនីកម្ពុជា​ទើប​តែ​យក​ឈ្នះ​ក្រុម​ខេត្តបន្ទាយមានជ័យក្នុងលទ្ធផល​៦ទល់១​នា​ការ​ប្រកួត​បើក​ឆាក​ពាន​រង្វាន់ Cambodian League 2 សប្ដាហ៍​ទី​មួយ ខណៈក្នុង​នាម​ជាប្រធាន​ក្រុម ​ចិន វណ្ណៈបញ្ជាក់​អំពី​មូលហេតុ​ដែល​ក្រុមលេង​បាន​ល្អហើយ​អាច​រក​បាន​៦​គ្រាប់​ទល់នឹង​ក្រុម​មក​ពី​ភាគខាងលិច​នៃ​ប្រទេស​កម្ពុជាមួយ​នេះ។

«ឈ្នះ៦ទល់១​នេះ​មិន​មែនជារឿង​ចៃដន្យទេ! យើង​បាន​រៀបចំក្រុមបាន​ល្អ លេង​តាម​យុទ្ធសាស្រ្តរបស់​គ្រូដែល​ដាក់ឱ្យ ហើយការ​ហ្វឹកហាត់ខ្លាំងដើម្បីត្រៀមសម្រាប់​ការ​ប្រកួត​នេះ។ ម្យ៉ាង​វិញ​ទៀត! ការ​មិន​មើលងាយសមត្ថភាពគូប្រកួតគឺ​ជាកត្តាមួយដែរ ដែល​ធ្វើឱ្យ​លេង​ប្រុងប្រយ័ត្នពេល​លេង​លើ​ទីលាន ហើយ​កីឡាករ​ក្នុងក្រុមសហការ​គ្នាបាន​យ៉ាង​ល្អ»។

រំឮកឡើងវិញ​ផង​ដែរ! ៦​គ្រាប់​របស់អគ្គិសនីកម្ពុជា​រក​បាន​ដោយ​កីឡាករ ច្រឹង ច័ន្ទវីរៈ នាទី​ទី​២ ចិន វណ្ណៈ នាទី​ទី៤ ចន្ថា ចន្ទាកា នាទទី​២១ ហេង គឹមហុងនាទី៦០
ណុប ដេវីត នាទី៦៩ និង​កីឡាករ យ៉ាន់ សុខាស៊ុត​ប៉េណាល់​ទី​នៅ​នាទី៨៥៕

កីឡដ្ឋានហនុមាន​​បាន​ក្លាយជាកីឡដ្ឋាន​ទទួលបាន​អ្នក​ទស្សនាច្រើន​ជាង​គេ​ក្ន​ុង​ពាន​រង្វាន់ Cambodian Premier League 2022 សប្ដាហ៍​ទី​មួយ​នេះ​បើ​តាម​ស្ថិតិដែល​ B8 Sport​ ទទួលបាន។

កីឡដ្ឋានមាន​មូលដ្ឋាន​នៅ​ខេត្តសៀមរាបមួយ​នេះ​ទទួលបាន អ្នកចូលរួមទស្សនាដោយផ្ទាល់ ចំនួន ១១៨១នាក់ ច្រើនជាងគេក្នុងការប្រកួតបើកឆាក Cambodian Premier League រវាងម្ចាស់ផ្ទះអង្គរថាយហ្គឺរជាមួយក្រុមភ្ញៀវវិសាខា ខណៈដែលប្រភពក្រៅផ្លូវការមានរហូតដល់ទៅ ១៨៤១នាក់ ខណៈដែល​កីឡដ្ឋានខេត្តស្វាយរៀងជាប់​លំដាប់​លេខ២មាន​អ្នក​ទស្សនា១១១៥​នាក់។

ដោយ​ឡែក​២​ប្រកួត​ក្នុងរាជធានីភ្នំពេញ​នៅ​ខេមបូឌៀ អ៊ែរវ៉េ នៃ​ការ​ប្រកួតរបស់​បឹង​កេត​និង​ណាហ្គាវើលដ៏ និង​ស្ដាតចាស់ រវាង​ TIFFY ARMY FC និង​ ភ្នំពេញក្រោន ទទួល​បាន​អ្នក​ទស្សនាផ្ទាល់​តែ​ជាង៥០០​នាក់ប៉ុណ្ណោះ​ក្នុង​កីឡដ្ឋាននីមួយៗគឺ​៥៨០នាក់ និង​៥៥០​នាក់​រៀងៗគ្នា។

បញ្ហា​អ្នក​ទស្សនាផ្ទាល់​បាន​ក្លាយ​ជា​ប្រធាន​បទក្ដៅ​នា​ពេល​នេះ​ រហូត​មាន​ប្រតិកម្ម​ពី​សំណាក់​អ្នក​គាំទ្រ​ក៏​ដូចជា បុគ្គលក្នុងពិភពបាល់​ទាត់​ជាច្រើនផង​ដែរ​ដែល​ក្នុង​នោះ​លោក ខូវ ឆាយ អគ្គលេខាធិការក្លិប TIFFY ARMY FC និង​លោក Keisuke Honda អ្នក​ចាត់​ការ​ទូទៅជម្រើសជាតិកម្ពុជា៕

យោងតាមប្រភព ​​Onda Cero ក្លឹប Barcelona នឹងត្រូវលេងក្នុងផ្ទះរបស់ពួកគេនៅឯកីឡដ្ឋាន Montjuic Olympic Stadium (ឈ្មោះផ្លូវការ Estadi Olimpic Lluis Companys) ក្នុងរដូវកាល 2023/24 ។ ហេតុផល​​គឺ​ពួក​គេ​ត្រូវការ​គ្រោង​ជួសជុលកែលម្អ​កីឡដ្ឋាន Camp Nou បច្ចុប្បន្ន។

ហើយប្រសិនបើ Barca បញ្ចប់ការចុះហត្ថលេខាលើកិច្ចព្រមព្រៀងឧបត្ថម្ភជាមួយ Spotify ដោយ​ជោគជ័យ នោះកីឡដ្ឋានថ្មីនឹងត្រូវបានគេហៅថា Spotify-Camp Nou ។ សម្រាប់ Montjuic នេះគឺជារឿងសំខាន់បីដែលត្រូវដឹង៖

1. សាងសង់ក្នុងឆ្នាំ 1927

កីឡដ្ឋាននេះត្រូវបានសាងសង់ឡើងដំបូងក្នុងឆ្នាំ 1927 សម្រាប់ពិព័រណ៍អន្តរជាតិឆ្នាំ 1929 នៅទីក្រុងបាសេឡូណា។

2. ម្ចាស់ផ្ទះអូឡាំពិកឆ្នាំ 1992

Montjuic គឺជាកន្លែងសំខាន់នៃកីឡាអូឡាំពិករដូវក្តៅឆ្នាំ 1992 ។ កីឡដ្ឋាន​ត្រូវ​ជួសជុល​មុន​ពីរ​ឆ្នាំ។

3. តូចជាង Camp Nou

កីឡដ្ឋាន​នេះ​អាច​ផ្ទុក​អ្នក​ទស្សនា​បាន 60,713។ មានកៅអីជិត 40,000 បន្ថែមទៀតនៅ Camp Nou ។

4. Espanyol ធ្លាប់លេងនៅទីនោះ

គួរឱ្យចាប់អារម្មណ៍ គូប្រជែងក្នុងទីក្រុងគឺ Espanyol ធ្លាប់បានយក​កីឡដ្ឋាន Montjuic នេះធ្វើ​ជាផ្ទះរបស់ពួក​គេចន្លោះឆ្នាំ 1997 និង 2009 ។ ទោះជាយ៉ាងណាក៏ដោយ កីឡដ្ឋាននេះមិនបានរៀបចំព្រឹត្តិការណ៍បាល់ទាត់សំខាន់ៗផ្សេងទៀតទេចាប់តាំងពីពេលនោះមក។ កីឡដ្ឋាននេះជាកម្មសិទ្ធិរបស់ក្រុមប្រឹក្សាទីក្រុង Barcelona ហើយ Espanyol ធ្លាប់បានបង់ថ្លៃដើម្បីអាចលេងនៅទីនោះ។ Barca ទំនងជាត្រូវធ្វើដូចគ្នា។

ភាពច្របូកច្របល់កំពុងកើតមានឡើងនៅពីក្រោយឆាកនៃកីឡដ្ឋាន Old Trafford ខណៈដែល Manchester United បន្តតស៊ូដើម្បីភាពស្ថិតស្ថេរក្នុងតំបន់ Top 4។

យោងតាមសារព័ត៌មាន Manchester Evening News កីឡាករបួននាក់ “មិនសប្បាយចិត្ត” ជាមួយ Ralf Rangnick ដោយសារតែស្ថានភាពជ្រើសរើសរបស់គ្រូបង្វឹក​សញ្ជាតិអាល្លឺម៉ង់។

Marcus Rashford រួមជាមួយនឹង Dean Henderson, Diogo Dalot និង Eric Bailly ត្រូវបានគេនិយាយថាមិនពេញចិត្តនឹងតួនាទីរបស់ពួកគេ ក្រោមការ​ដឹកនាំរបស់គ្រូបង្វឹកបណ្តោះអាសន្នរូបនេះ។ពួួក​គេ​មាន​អារម្មណ៍ថា ទម្រង់​លេង​របស់​លោកមិន​ដំណើរការ ទោះ​បី​ជា​គាត់​ព្យាយាម​ផ្លាស់ប្ដូរ ហើយ​ការ​ផ្លាស់ប្ដូរនេះ​បាន​ប៉ះពាល់​ដល់​តួនាទី​លេង​របស់​កីឡាករ​មួយចំនួនក្នុងក្រុម។

Rashford និង Henderson ខ្លាចបាត់បង់កៅអីក្នុងក្រុមជម្រើស​ជាតិអង់គ្លេសនៅមុនការប្រកួត World Cup ឆ្នាំ 2022 ខណៈដែល Dalot និង Bailly ជឿថាពួកគេសមនឹងទទួលបានឱកាសត្រឹមត្រូវមួយ។

ប្រភព៖ Manchester Evening News

ក្រុមបាល់​ទាត់​ឈុតនារីភ្នំពេញ​ក្រោន​ទើប​តែ​គ្រងពាន​រង្វាន់លីគនារី២០២១ ក្រោយ​លេង​បាន​១១​ប្រកួត​មិន​ដែល​ចាញ់​សោះ ដែល​ក្នុង​១១​ប្រកូត​នេះស៊ុត​បញ្ចូល​ទី​គូប្រកួត​៨៨​គ្រាប់​របូត​តែ​៣​គ្រាប់​ប៉ុណ្ណោះ​ ខណៈនៅ​សល់បី​ប្រកួត​ទៀតទើប​ចប់​លីគ។

នៅ​ពីក្រោយលទ្ធផល​ដ៏​ល្អមិន​ស្មានរបស់​ក្លិប​នារី​ភ្នំពេញ​ក្រោន​នេះ​ គឺ​បាន​មក​ពី​ការ​ដឹកនាំ​របស់​អតីតកីឡាការិនីបាល់ទាត់​តាម​អង្គការ​មួយ​នៅ​តាម​ខេត្តដែល​មាន​ជីវិតតស៊ូក្នុងពិភពបាល់​ទាត់​សឹង​តែមិន​គួរឱ្យ​ជឿ រហូតក្លាយជាគ្រូបង្វឹកបាល់​ទាត់​ដែល​មាន​អាជ្ញាប័ណ្ឌគ្រូបង្វឹក​កម្រិត​ A ម្នាក់ក្នុងចំណោម២នាក់​នៅ​ស្រុក​ខ្មែរ នោះ​គឺ​អ្នក​គ្រូ ម៉ៅ សាវីន។

ឆ្លើយឆ្លងតាម​រយៈសារអេឡិចត្រូនិកជាមួយអ្នក​យក​ព័ត៌មានរបស់ B8 Sport គ្រូបង្វឹកមាន​ប្រភពពី​ខេត្តបន្ទាយមាន​ជ័យបាន​រៀបរាប់អំពី​ជីវិតតស៊ូរបស់​នាងរហូត​ក្លាយ​ជា​គ្រូបង្វឹកបាល់​ទាត់នាពេល​នច្ចុប្បន្ន។

«ប្រវត្តិនៃ​ការ​ចូលរួម​បាល់​ទាត់របស់ខ្ញុំ​គឺចាប់​ផ្ដើម​ពី​ឆ្នាំ២០១០ ប៉ុន្តែអំឡុងពេល​ហ្នឹង​ខ្ញុំចូល​ហាត់​ក្នុង​អង្គការ​មួយក្នុងខេត្តបាត់​ដំបង ឈ្មោះអង្គការសល (SALT Academy ) ដែល​គេ​បង្កើត​កម្មវិធី Mighty Girls ហើយ​ពេល​នោះ​គេបាន​ប្រមូលផ្ដុំក្មេង​ស្រីលេងបាល់ ហើយ​ខ្ញុំក៏​បាន​ចូលរួម​ជាមួយពួក​គាត់មក​ដល់​ឆ្នាំ២០១៥។ ពេល​នោះ​ខ្ញុំជាកីឡាការិនីជម្រើស​ជាតិ​បាត់​ដំបង។ ពេល​ដែលខ្ញុំចប់វិទ្យាល័យ​ទៅ ក៏​ខ្ញុំបន្ត​រៀនវគ្គ​បាល់​ទាត់បន្ថែម រហូត​ដល់​ចុងឆ្នាំ២០១៨ ខ្ញុំបាន​បញ្ចប់​អាជ្ញាប័ណ្ឌកម្រិត A »។

អ្នក​គ្រូបាន​រៀបរាប់អំពីឧបសគ្គនានា​ដែល​បាន​ឆ្លង​កាត់អំឡុង​ពេល​ប្រឡូកក្នុងវិស័យបាល់​ទាត់​ដំបូង​ថា៖« ឧបសគ្គមាន​ច្រើនមែនទែន! ពិសេសក្រុមគ្រួសារ មិត្តភ័ត្រ បងប្អូនអីហ្នឹងអត់​យល់​ស្របឱ្យ​យើង​ហ្នឹង​លេង​បាល់ទាត់​ទេ ដោយ​សារ​ពួក​គាត់​គិត​ថា បាល់​ទាត់​សម្រាប់​តែ​មនុស្សប្រុស មិន​មែន​សម្រាប់​នារី​ទេ។ ពេល​ហ្នឹង​ខ្ញុំមាន​សម្ពាធខ្លាំង ហើយខ្ញុំក៏​បាន​វេចសម្ពាយខោអាវ ចាកចេញ​ពី​ស្រុកកំណើតខាងបន្ទាយមានជ័យ ទៅ​រស់​នៅជាមួយក្មេងស្រីៗ ក្នុង​អង្គការសល នៅ​ខេត្តបាត់​ដំបង”។

«សម្ពាធជារឿយៗ! ពេល​យើងទៅ​លេង​ផ្ទះ​ឯស្រុកកំណើត ខ្ញំនៅ​តែ​លឺពាក្យ​ថា បាល់​ទាត់​សម្រាប់​តែបុរស​ទេ មិន​មែន​សម្រាប់​នារី​ទេ…។ ពាក្សម្ដី​ទាំង​នេះរឹតតែបាន​ជំរុញឱ្យខ្ញុំបន្តជម្នះ ហើយ​បង្ហាញថា​វា​មិន​មែន​ជាការ​ពិត​ទេ ដែល​បាល់​ទាត់​សម្រាប់​តែ​បុរស គឺ​បាល់​ទាត់​សម្រាប់​ទាំងអស់​គ្នា ហើយខ្ញុំក៏បាន​ប្ដេជ្ញាចិត្តថាបង្កើតសមិទ្ធផលយ៉ាងម៉េច ឱ្យ​ពួក​គាត់​បាន​ឃើញ​ថា​នេះជា​អ្វី​ដែលដែល​ពួក​គាត់​បាន​គិត​អវិជ្ជមានទៅលើ​ប្រភេទកីឡាបាល់ទាត់”។

«សព្វថ្ងៃ​នេះផង​ដែរ! ឪពុកម្ដាយរបស់​ខ្ញុំ គាត់​បាន​កែ​ប្រែគំនិតមក​គាំទ្រខ្ញុំ លើក​ទឹក​ចិត្តខ្ញុំ ឱ្យ​ខ្ញុំខំប្រឹង​ប្រែង នូវ​ជំនាញរបស់​ខ្លួនឯង​ដែល​មាន។ ខ្ញុំចង់​ប្រាប់​អ្នក​ទាំងអស់​គ្នាថា នេះ​គឺ​ជាសមិទ្ធិផលដែល​យើង​ទទួលបាន។ បើ​យើងស្រឡាញ់ យើង​ចូលចិត្ត យើង​យត្រូវ​ការ​ខំប្រឹងឱ្យ​ច្បាស់​លាស់ កុំបោះបង់ ព្រោះ​វា​ជាផល​ល្អ​ឬ​សមិទ្ធិផលដែល​មនុស្ស​ដ៏ទៃ​គេមិន​គាំទ្រ ងាក​មក​ទទួល​យក​វិញ»។

«មួយវិញ​ទៀតផង​ដែរ!​ ខ្ញុំលើក​ទឹក​ចិត្ត​ដល់​ក្មេង​ស្រីៗនៅក្នុង​ប្រទេស​កម្ពុជារបស់​យើង បើសិន​គាត់​ស្រឡាញ់​បាល់​ទាត់ គាត់​ស្រឡាញ់​ជំនាញនៃ​ការ​លេង​បាល់ ខ្ញុំលើក​ទឹក​ចិត្តឱ្យ​គាត់​ខំប្រឹង​ប្រែង ហើយ​កុំបោះបង់ក្ដីស្រម៉ៃរបស់ខ្លួនឯង”៕

រូបភាព៖ ភ្នំពេញក្រោន កឹម សុវណ្ណា ម៉ៅ សាវីន

លោក ឃួន ឡាបូរ៉ាវី ដែលជាអតីតកីឡាកររបស់ក្លិបបឹងកេត បានសរសើរពីការរួមចំណែករបស់ កីឡាករ ម៉ាត់ ណូរុន និង សៀង ចន្ធា ក្នុងការប្រកួតទល់នឹងណាហ្គាវើលដ៍ កាលពីថ្ងៃសៅរ៍កន្លងទៅ។

បឹងកេត យកបាន៣ពិន្ទុពី ណាហ្គាវើលដ៍ ក្នុងការប្រកួតបើកឆាកពានរង្វាន់លីគកំពូលកម្ពុជា តាមរយៈការរកគ្រាប់បាល់វាយបកដោយ ណូរុន ២គ្រាប់ម្នាក់ឯង និង មួយគ្រាប់ចុងម៉ោងរបស់ ចន្ធា។

ថ្លែងប្រាប់ The Morning លោក ឃួន ឡាបូរ៉ាវី បាននិយាយថា៖«ក្នុងការប្រកួតនោះកីឡាករ បឹងកេត គ្រប់រូបធ្វើបានល្អហើយខ្សែប្រយុទ្ធ កម្ពុជា ពីរ រូប គឺ ចន្ធា និង ណូរុន ធ្វើបានល្អណាស់។ ចន្ធាបានប្រើប្រាស់ល្បឿនរបស់គេ បង្កើតឱកាសជាច្រើន ហើយ ណូរុន លេងជាខ្សែប្រយុទ្ធក្នុងប្រអប់។ ណូរុន យល់ដឹងពីទីតាំងបានល្អ ជាមួយនឹងគុណភាពបញ្ចប់ទីដ៏ល្អរបស់គេ»៕

«ខ្ញុំកំពុងលេងនៅក្នុងលីគដែលខ្លាំងជាមួយនឹងការប្រកួតប្រជែងដ៏ខ្ពស់។ ខ្ញុំត្រូវបានរុំព័ន្ធដោយកីឡាករល្អៗជាច្រើន ដូច្នេះវាអាចធ្វើឲ្យខ្ញុំរីកចម្រើន។ ខ្ញុំមកលេងនៅ​ទី​នេះ(ម៉ាឡេស៊ី)សម្រាប់ការប្រកួតប្រជែងថ្មី និង ការវិលត្រឡប់មកកាន់ក្រុមជម្រើសជាតិវិញ”នេះ​គឺ​ជា​សម្ដីរបស់កីឡាករ កុក បូរីស​និយាយ​ក្នុងទំព័រហ្វេសបុកកីឡា TheMorning ។

កីឡាករកូនខ្មែរបារាំងរូប​នេះ​បាន​ចុះកុងត្រា​លេង​ឱ្យ​ក្លិប​ Sarawak United ក្នុង​លីគកំពូលម៉ាឡេស៊ី​ក្នុង​លក្ខខ័ណ្ឌខ្ចី​ជើងមួយរដូវ​កាល ហើយ​ពេល​រូប​គេ​និយាយ​ថា​ដល់​ពេល​ជួយជម្រើស​ជាតិ​ហើយណាមួយ​រូប​គេ​ជឿជាក់លើ​ការ​ដឹកនាំរបស់​អ្នក​ចាត់​ការ​ជម្រើស​ជាតិ​កម្ពុជាលោក Keisuke Honda។

« ខ្ញុំព្យាយាមខ្លាំងណាស់ពីររដូវកាលចុងក្រោយនេះពីព្រោះខ្ញុំចង់ទទួលបានការកោះហៅពីក្រុមជម្រើសជាតិ។ ខ្ញុំធ្លាប់ប្រាប់គេជាច្រើនដង ថា ក្តីស្រមៃខ្ញុំ គឺ ចង់ជួយប្រទេសខ្ញុំ។ ខ្ញុំដឹងថាខ្ញុំជឿជាក់លើលោក Keisuke Honda ហើយ ខ្ញុំសង្ឃឹមថា ខ្ញុំនឹងទទួលឱកាសបានលេងនៅក្នុងក្រុមកម្ពុជាក្រោមការដឹកនាំរបស់គាត់»។

បូរីស​ធ្លាប់​ជាប់​ជម្រើស​ជាតិ​ផង​ដែរដោយ​លេង​បាន​២​ប្រកួត​ពេល​មិត្តភាព​ជាមួយ​ជម្រើស​ជាតិ​ប៊ូតាន់ និង​អង្គុយបម្រុង​ក្នុងការ​ប្រកួត​កម្ពុជា​ប៉ះ​ជាមួយ​ជម្រើស​ជាតិ​ជប៉ុន​វគ្គ​ជម្រុះ World Cup 2018 នៅ​ទីក្រុងភ្នំពេញ​កាល​ពី​ឆ្នាំ២០១៥៕

ដកស្រង់សម្ដីពី៖ TheMorning

បើនិយាយពីក្លិបបាល់ទាត់ក្នុងសាល គឺមានក្លិបបាល់ទាត់ឱម៉ាល់ ដែលជាក្លិបមួយ ក្នុងចំណោមក្លិបដទៃទៀត មានកំណត់ត្រាល្អៗ កីឡាករឆ្នើមៗ ជាពិសេសទៅទៀតនោះ គឺមានឈ្មោះបោះសម្លេងក្នុងការប្រកួតពានរង្វាន់ជាច្រើននៅក្នុងប្រទេសកម្ពុជា។

សហព័ន្ធបាល់ទាត់កម្ពុជា (FFC) បានរៀបចំពានរង្វាន់បាល់ទាត់ក្នុងសាល Tiger រដូវកាលឆ្នាំ២០២១ (Tiger Futsal Cup 2021) ដែលការប្រកួតគ្រោងនឹងចាប់ផ្តើមពីថ្ងៃទី១២ ខែមីនា ឆ្នាំ២០២២។ មុននឹងព្រឹត្តិការណ៍ពានរង្វាន់ Tiger Futsal Cup 2021 ដំណើរការនៅចុងសប្តាហ៍នេះ ក្រុមការងារ B8-sport.com ក៏បានសាកសួរទៅកាន់គ្រូបង្វឹកក្លិបបាល់ទាត់ឱម៉ាល់ លោក ជាប លីឆាយ ជុំវិញការកំណត់គោលដៅរបស់ក្លិប មុនការចូលរួមពានរង្វាន់ Tiger Futsal Cup 2021 ។

គ្រូបង្វឹក វ័យ៥២ឆ្នាំ រូបនេះ បានសម្តែងចំណាប់អារម្មណ៍ថា៖ «គោលដៅរបស់ពួកយើង គឺចង់គ្រងតំណែងជើងឯកក្នុងឆ្នាំនេះតែម្តង ដោយសារឆ្នាំមុន យើងខកបំណងរួចមកហើយ ដោយបានត្រឹមចំណាត់ថ្នាក់លេខ២ បន្ទាប់ពីបរាជ័យក្រោមថ្វីជើងក្លិបមហាហង្ស។ បន្ថែមលើសពីនេះទៀតក្តីកង្វល់របស់ខ្ញុំ នៅតែមានមុនការប្រកួតចូលមកដល់ គឺការហ្វឹកហាត់ ក៏ដូចជាការប្រកួតមិត្តភាពតែម្តង យើងដឹងហើយថា ដោយសារការរីករាលដាលនៃមេរោគកូវីដ១៩ ដូច្នេះពួកយើងមិនសូវបានហ្វឹកហាត់ជុំគ្នា ឬក៏មានការប្រកួតមិត្តភាពបានច្រើនឡើយ»

«បើធៀបទៅឆ្នាំមុន សម្រាប់ឆ្នាំនេះ យើងមានកីឡាករល្អៗច្រើន ដែលមានបទពិសោធនៅលើទីលាន បានមកចូលរួមជាមួយក្លិបឳម៉ាល់ ដោយឡែកកីឡាករ ជាប រីឈី ដែលជាកូនប្រុសរបស់ខ្ញុំ ក៏បានមកចូលរួមជាមួយពួកយើងសារជាថ្មី ដូច្នេះពួកយើងមានក្តីសង្ឃឹមខ្ពស់ក្នុងការប្រជែងជើងឯក Futsal Tiger Cup 2021» លោក ជាប លីឆាយ បានបញ្ជាក់បន្ថែមមកកាន់ក្រុមការងារ B8-sport.com អំពីសមាភាពកីឡាករ ដែលត្រៀមខ្លួនក្នុងឆ្នាំនេះ គឺមានកម្រិតល្អជាងឆ្នាំមុន។

ក្រៅពីមានតួនាទីជាគ្រូបង្វឹក លោក ជាប លីឆាយ ក៏ជាស្ថាបិកក្លិបបាល់ទាត់ឱម៉ាល់ ផងដែរ ដែលក្លិបមួយនេះ ចាប់ផ្តើមបង្កើតឡើងតាំងពីឆ្នាំ២០១២។ ក្លិបបាល់ទាត់ឱម៉ាល់ស្ថិតនៅពូល C ដែលមានគូប្រជែងដូចជា ក្លិប F1 Sport Club, ក្លិប Youngchester FT និងក្លិប Alpha FT ៕

រូបភាព៖ FFC និងមករ