ក្រុមជើងឯករងលីគកំពូលកម្ពុជាឆ្នាំ២០២១ ព្រះខ័នរាជស្វាយ កំពុងតែធ្វើបានយ៉ាងល្អក្នុងការប្រកួតប្រជែងនៅក្របខណ្ឌលីគកំពូលកម្ពុជា Cambodian Primier League 2022 ដោយគិតត្រឹម ៦សប្ដាហ៍ដំបូងរដូវកាលនេះពួកគេមិនទាន់ស្គាល់បរាជ័យឡើយ។

ក្រុមមានគ្រូបង្គោលសញ្ជាតិអៀកឡង់ Conor Nestor បានបន្តក្រសោបយកជ័យជំនះក្នុងដីខ្លួនឯងនាខេត្តស្វាយរៀងបន្ថែមទៀត នៅក្នុងការប្រកួតលីគកំពូលកម្ពុជាសប្ដាហ៍ទី៦ លើក្រុមខ្លាំងមកពីទឹកដីសៀមរាប អង្គរថាយហ្គឺរ ជាមួយលទ្ធផលត្រជះត្រចង់ ៤ទល់នឹង១ ខណ:ដែល ៤គ្រាប់របស់ពួកគេធ្វើបានដោយខ្សែប្រយុទ្ធកាណា Macus Haber ២គ្រាប់ និងរកបានម្នាក់មួយគ្រាប់ ដោយខ្សែបម្រើការពារអៀកឡង់ Clyde O’Connell ជាមួយខ្សែបម្រើជប៉ុន Mizuno Hikaru ខណ:ដែលមួយគ្រាប់របស់អង្គរថាយហ្គឺរធ្វើបានដោយកីឡាករប្រេស៊ីល Bento Fernandes នៃគ្រាប់បាល់ទាំងអស់ក្នុងការប្រកួតដ៏ជក់ចិត្តនេះ។

សម្រាប់ជ័យជម្នះក្នុងសប្តាហ៍ទី៦នេះផងដែរ នឹងធ្វើឲ្យព្រះខ័នរាជស្វាយរៀនបន្តកាន់កាប់ទីកំពូលតារាងលីគកំពូលកម្ពុជា ដោយមាន១៦ពិន្ទុ ក្រោយឆ្លងកាត់លទ្ធផលឈ្នះ៥ ស្មើរ១ និងទាត់ចូលទីគូរប្រកួតរហូតដល់១៨គ្រាប់ និងដាច់ពិន្ទុក្រុមលេខ២បឹងកេត ៤ពិន្ទុផងដែរ។

ក្នុងការប្រកួត Cambodian Primier League គូរផ្សេងៗទៀតក្នុងសប្ដាហ៍នេះ ក៏បានបញ្ចប់ដូចគ្នាដោយកាលពីរសៀលទៅ ម្ចាស់ផ្ទះបឹងកេត បានឈ្នះគីរីវង់ ៦-០ ក្រុមភ្ញៀវវិសាខាឈ្នះម្ចាស់ផ្ទះ Tiffy Army FC ៣-០
និងក្រុមម្ចាស់ទឹកដីភ្នំពេញក្រោនស្មើគ្នាលទ្ធផល ០-០ ជាមួយណាហ្គាវើល។

បញ្ជាក់ផងដែរលីគកំពូលកម្ពុជានឹងសម្រាកចំនួន ២សប្ដាហ៍ពេញ ក្នុងឪកាសបុណ្យចូលឆ្នាំប្រពៃណីខ្មែរខាងមុខនេះ ដោយសម្រាកចាប់ពីសប្ដាហ៍ទី៦នេះតទៅ និងគ្រោងត្រឡប់មកវិញក្នុងសប្ដាហ៍ទី៧ នៅថ្ងៃទី២៣ ខែមេសា ឆ្នាំ២០២២នេះ៕

រូបភាព៖ ព្រះខ័នរាជស្វាយរៀង

កីឡាករ HCMC FC ជាច្រើនមិនបានចូលរួមក្នុងវគ្គហ្វឹកហាត់កាលពីថ្ងៃព្រហស្បតិ៍ បន្ទាប់ពីក្លឹបបានកាត់បន្ថយប្រាក់លើកទឹកចិត្តរបស់ពួកគេជាងពាក់កណ្តាលកាលពីឆ្នាំមុន។ កីឡាករភាគច្រើនស្ថិតក្នុងក្រុមសំខាន់របស់​ជម្រើស​ជាតិ។

លីគកំពូល​វៀតណាម 2021 V. League ត្រូវបានលុបចោលបន្ទាប់ពីការប្រកួតចំនួន 12 ជុំ ដោយសារ Covid-19។ នៅថ្ងៃទី 16 ខែកុម្ភៈឆ្នាំនេះ ក្លឹបបានប្រកាសថាពួកគេនឹងបង់ប្រាក់លើកទឹកចិត្តសម្រាប់ជើងទីមួយនៃរដូវកាលមុន ប៉ុន្តែចាប់តាំងពីជើងទីពីរត្រូវបានលុបចោល ការលើកទឹកចិត្តនឹងត្រូវបានកាត់បន្ថយ 90 ភាគរយ។ នេះមានន័យថាកីឡាករនឹងទទួលបានតែ 60 ភាគរយនៃការលើកទឹកចិត្តរបស់ពួកគេសម្រាប់ឆ្នាំ 2021។

ដោយ​មិន​យល់​ស្រប​នឹង​ការ​សម្រេច​ចិត្ត​នេះ កីឡាករ​បាន​និយាយ​ថា ​ពួកគេ​នៅ​តែ​ទៅ​ហ្វឹកហាត់​ដូច​ធម្មតាហើយពួកគេ​កំពុង​ពិចារណា​ជួល​មេធាវី​ដើម្បី​ដោះស្រាយ​ករណី​នេះ។

អស់​រយៈពេល​ជិត​ពីរ​ខែ​មក​ហើយ ក្លឹប និង​កីឡាករ​នៅ​តែ​រក​មិន​ឃើញ​ចំណុច​រួម​លើ​បញ្ហា​នេះ។ ទោះបីជានៅតែលេងក្នុង 2022 V. League ក៏ដោយ មុនពេលការប្រកួត National Cup ជាមួយ Saigon FC នៅថ្ងៃទី 10 ខែមេសា កីឡាកររបស់ HCMC បានសម្រេចចិត្តមិនទៅហ្វឹកហាត់។

ប្រសិនបើក្រុមនេះមិនព្រមចូលលេងទេ គ្រូបង្វឹក Tran Minh Chien នឹងមានកីឡាករតែ 17 នាក់ប៉ុណ្ណោះ រួមទាំងអ្នកចាំទីម្នាក់សម្រាប់ការប្រកួតបន្ទាប់។ មន្ត្រីរបស់ក្លឹប HCMC FC បាននិយាយថា៖ “យើងនឹងមានមេធាវីធ្វើការជាមួយកីឡាករលើបញ្ហានេះ។ អ្នកដែលរំលងការហ្វឹកហាត់គឺបំពានច្បាប់របស់ក្លឹប។ ប្រសិន​បើ​អ្នកខកខានការប្រកួត អ្នកនឹងត្រូវពិន័យ ហើយថែមទាំងត្រូវបានបញ្ចប់កិច្ចសន្យាផងដែរ” ។

ការលើកទឹកចិត្តគឺជាការបង់ប្រាក់ដែលធ្វើឡើងដល់កីឡាករ ឬភ្នាក់ងាររបស់ពួកគេ នៅពេលដែលពួកគេយល់ព្រមចុះកិច្ចសន្យាជាមួយក្លឹប។ មិន​ដូច​ប្រទេស​ដទៃ​ទៀត​ទេ នៅ​ប្រទេស​វៀតណាម ជួនកាល​នេះ​ជា​ប្រាក់​ចំណូល​សំខាន់​របស់​កីឡាករ មិន​មែន​ប្រាក់​ខែ​ទេ។

HCMC គឺជាក្លឹបមួយក្នុងចំណោមក្លឹបដែលបានទិញកីឡាករច្រើនបំផុត សម្រាប់មហិច្ឆតារបស់ពួកគេក្នុងការឈ្នះពានរង្វាន់ V. League ឆ្នាំ 2021។ យ៉ាង​ណា​ក៏​ដោយ ក្រោម​ការ​ដឹក​នាំ​របស់​គ្រូ​បង្វឹក​សញ្ជាតិ​ប្រេស៊ីល Mano Polking នៅ​ពេល​នោះ ពួក​គេ​ជួប​ការ​លំបាក។ មុនពេលលីគត្រូវបានលុបចោល HCMC ថែមទាំងប្រឈមមុខនឹងហានិភ័យនៃការកាត់ចោលទៀតផង។

លោក Jonathan Barnett ដែលជាភ្នាក់ងាររបស់ Gareth Bale បានបញ្ជាក់យ៉ាងច្បាស់ថា កីឡាករសញ្ជាតិវេលស៍ខាងលើ នឹងចាកចេញពី Real Madrid ក្រោយបញ្ចប់រដូវកាលនេះ។

កុងត្រារបស់ Bale នៅ Real Madrid នឹងអស់សុពលភាពក្រោយបញ្ចប់រដូវកាលនេះ ខណៈ កិច្ចពិភាក្សាលើការបន្តកុងត្រាថ្មីនឹងមិនធ្វើឡើង ដូច្នេះមានន័យថា រូបគេនឹងចាកចេញដោយគ្មានតម្លៃខ្លួន។

លោក Barnett បាននិយាយថា៖«Bale ស័ក្តិសមនឹងទទួលបានការធ្វើពិធីលាពីក្លិប។ ពួកយើងនៅមិនទាន់សម្រេចចិត្តពីអនាគតរបស់គាត់នៅឡើយទេ។ វាជាការសម្រេចចិត្តដ៏ពិបាកព្រោះគាត់ស្រលាញ់ទីក្រុងម៉ាឌ្រីដណាស់»៕

ម្ចាស់ពានកីឡាករល្អជាងប្រចាំលីគកំពូលកម្ពុជារដូវកាលឆ្នាំ២០២០ ខ្សែប្រយុទ្ធ ម៉ាត់ នូរុណ បានបង្ហាញការលេងយ៉ាងល្អនៅដើមរដូវកាលនេះ ទាំងការសាមគ្គីគ្នាជាមួយមិត្តរួមក្រុមទាំងមូល និងជាពិសេសការសហការគ្នាជាមួយខ្សែប្រយុទ្ធវ័យក្មេងសៀង ចន្ធា។ ជ័យជំនះរបស់បឹងកេត ៣ប្រកួត ក្នុងចំណោម៥សប្ដាហ៍នៃ Cambodian Primier League កន្លងទៅនេះ ជាការរួមចំណែកដ៏ធំមួយរបស់ពួកគេ ដោយកីឡាករម៉ាត់ នូរុណអាចរកគ្រាប់បាល់បានចំនួន​៤គ្រាប់ និងជាកីឡាករខ្មែរដែលស៊ុតចូលទីច្រើនជាងគេនៅបច្ចុប្បន្ននេះ។

ក្នុងកម្មវិធី Talk To The Press មុនការប្រកួតរបស់បឹងកេត កីឡាករ ម៉ាត់ នូរុណ បាននិយាយពីការលេងជាមួយ សៀង ចន្ធា បែបនេះ៖ «សម្រាប់ការសហកាគ្នាជាក្រុមពួកយើងធ្វើបានល្អ ហើយចំពោះការសហការគ្នារវាងខ្ញុំនឹងសៀង ចន្ធា ខ្ញុំគិតថាការលេងជាមួយចន្ធា ងាយស្រួលលេងច្រើន ពីព្រោះគាត់ជាកីឡាករដែលមានបញ្ចេកទេសល្អ ពេលគាត់ឲ្យបាល់មកកាន់យើង ធ្វើឲ្យយើងងាយស្រួលក្នុងការលេងបន្ត ហើយខ្ញុំសប្បាយចិត្តក្នុងការលេងជាមួយគេ»។

បញ្ជាក់ជូនបងប្អូនថា ក្លិបបឹងកេតនឹងត្រូវបើកទ្វាកីឡដ្ឋាន Cambodia Airway របស់ខ្លួនស្វាគមន៍ក្រុមភ្ញៀវមកពីខេត្តតាកែវគីរីវង់សុខសែនជ័យ នៅថ្ងៃសៅរ៍ចុងសប្ដាហ៍នេះវេលាម៉ោង០៣៖៤៥នាទី និងមានការផ្សាយផ្ទាល់ពី AMS Sports ផងដែរ៕

រូបភាព៖ ក្លិបបាល់ទាត់បឹងកេត

លោក Julen Lopetegui ដែលជាគ្រូបង្វឹករបស់ Sevilla បានបញ្ជាក់ថា Anthony Martial នឹងត្រឡប់មកកាន់ Manchester United វិញក្រោយបញ្ចប់រដូវកាលនេះ។

Martial ត្រូវបាន Man Utd ដាក់ឲ្យ Sevilla ខ្ចីជើងកាលពីខែមករាកន្លងទៅរហូតដល់បញ្ចប់រដូវកាល ប៉ុន្តែ រូបគេហាក់បង្ហាញទម្រង់លេងមិនល្អសោះ ជាហេតុធ្វើឲ្យ Sevilla សម្រេចចិត្តមិនទិញគេផ្តាច់។

លោក Lopetegui បាននិយាយថា៖«ខ្ញុំព្យាយាមជួយគាត់ដើម្បីយកភាពខ្លាំងរបស់គេមកវិញ។ គាត់ត្រូវតែធ្វើតាមអ្វីដែលពួកយើងចង់បាន។ គេនឹងចាកចេញពី Sevilla នៅក្នុងខែមិថុនា ដើម្បីត្រឡប់មកកាន់ Man Utd វិញ»៕

លោក Park Hang-seo ដែលជាគ្រូបង្គោលក្រុមជម្រើសជាតិវៀតណាម បានសម្រេចចិត្តជាផ្លូវការសម្រាប់ការជ្រើសរើសកីឡាករលើសអាតយុចំនួន ៣នាក់ ដើម្បីជួយក្រុមក្នុងព្រឹត្តិការណ៍ Sea Games ខាងមុខនេះ។

វៀតណាម ក្នុងនាមជាម្ចាស់ផ្ទះ ស្ថិតនៅក្នុងពូល A ជាមួយក្រុមជម្រើសជាតិហ្វីលីពីន មីយ៉ាន់ម៉ា ឥណ្ឌូនេស៊ី និង ទីម័រខាងកើត។ ងាកមកកាន់កីឡាករលើសអាយុដែលលោក Park បានជ្រើសរើសនោះ Do Hung Dung(២៨ឆ្នាំ)លេង​ក្នុងតំណែងខ្សែបម្រើ, Nguyen Hoang Duc (២៤ឆ្នាំ)លេងក្នុងតំណែងខ្សែបម្រើ និងខ្សែប្រយុទ្ធ Nguyen Tien Linh (២៤ឆ្នាំ) ៕

លោក Erik Ten Hag បានសំណូមពរឲ្យ Manchester United សន្យានឹងលោកចំពោះរឿងសំខាន់ពីរជាមុនសិន ទើបលោកយល់ព្រមមកដឹកនាំ។

លោក Ten Hag កាន់តែកៀកនឹងទទួលបានជោគជ័យក្នុងការមកដឹកនាំនៅឯកីឡដ្ឋាន Old Trafford ហើយបន្ទាប់ពីលោកត្រូវបានក្លិបដាក់ជាបេក្ខភាពឈានមុខគេជំនួសលោក Mauricio Pochettino និង Luis Enrique។

TILBURG, NETHERLANDS – FEBRUARY 19: Coach Erik Ten Hag of Ajax after the Dutch Eredivisie match between Willem II and Ajax at Koning Willem II Stadion on February 19, 2022 in Tilburg, Netherlands (Photo by Geert van Erven/Orange Pictures)

យ៉ាងណាក៏ដោយ ចំពោះការសម្រេចចិត្តមកដឹកនាំ Man Utd គឺ លោកក៏ត្រូវការចរចារលើលក្ខខណ្ឌមួយចំនួនផងដែរក្នុងនោះមានរឿងសំខាន់ចំនួនពីរ។ ទីមួយលោកត្រូវការក្រុមការងារផ្ទាល់ខ្លួនដែលលោកកំពុងរួមការងារជាមួយនៅ Ajax លោកនឹងនាំពួកគេមកកាន់ក្រុមបិសាចក្រហមដូចគ្នា និង ទីពីរ គឺ សេរីភាពក្នុងការជ្រើសរើសកីឡាករដោយខ្លួនឯង៕

ឧបនាយករដ្ឋមន្ត្រី Le Minh Khai បានអនុម័តថវិកាបន្ថែមចំនួន ៤៤៩ ពាន់លានដុង (១៩,៦៥ លានដុល្លារ) សម្រាប់ស៊ីហ្គេមលើកទី៣១។

ថវិកានេះយកពីថវិកាជាតិសម្រាប់កីឡា និងការហ្វឹកហ្វឺនកាយសម្បទានៅឆ្នាំ២០២២។ ក្រសួងនិងស្ថាប័នកណ្តាលចំនួនបួននឹងត្រូវបានផ្តល់ ៣៧៨,៣ ពាន់លានដុង ខណៈដែលទីក្រុងហាណូយ និងខេត្តចំនួន ១១ ផ្សេងទៀតនឹងទទួលបានប្រាក់បន្ថែមចំនួន ៧០,៧ ពាន់លានដុង។

ឧបនាយករដ្ឋមន្ត្រី នៅថ្ងៃសុក្រនេះ ស្នើឱ្យអង្គភាពប្រើប្រាស់ ទូទាត់ និងទូទាត់ថវិកាប្រកបដោយសេដ្ឋកិច្ច និងតម្លាភាព។ ស៊ីហ្គេម ៣១ នឹងចាប់ផ្តើមនៅថ្ងៃទី ១២ ឧសភា ហើយបញ្ចប់នៅថ្ងៃទី ២៣ ឧសភា នៅទីក្រុងហាណូយ និងខេត្តចំនួន ១១ នៅទូទាំងប្រទេសវៀតណាម។ វានឹងមានកីឡាចំនួន ៤០ប្រភេទដែលមាន ៥២៦វិញ្ញាសា និងមានអ្នកចូលរួមប្រហែល 10,000 នាក់។

ថវិកា​សម្រាប់​ធ្វើ​ម្ចាស់ផ្ទះ​ស៊ីហ្គេម​លើក​ទី​៣១​ត្រូវ​បាន​គេ​ប៉ាន់​ប្រមាណ​ថា​មាន​ប្រហែល​១.៣០០​ពាន់​លាន​ដុង (៥៦,៩​លាន​ដុល្លារ)។ អ្នករៀបចំរំពឹងថានឹងទទួលបានប្រាក់ចំណូលចំនួន 11.3 លានដុល្លារ ដែលក្នុងនោះ 3 លានដុល្លារបានមកពីអ្នកឧបត្ថម្ភ។ នេះ​ជា​លើក​ទី​២ ដែល​វៀតណាម​ធ្វើ​ជា​ម្ចាស់​ផ្ទះ​ស៊ីហ្គេម។ លើកទីមួយគឺនៅឆ្នាំ ២០០៣។

ml