ព័ត៌មានកីឡាអាស៊ី
សមាគមកីឡាបាល់ទាត់ថៃបានបង្ហាញបញ្ជីឈ្មោះកីឡាករជម្រើសជាតិ U23 ថៃដើម្បីត្រៀមចូលរួមប្រកួតក្នុងពានរង្វាន់ AFC U23 ASIAN CUP 2022។
ក្នុងចំណោមកីឡាករទាំង២៤នាក់មាន៩នាក់លេងនៅក្លិបបរទេស ហើយកីឡាករ១០នាក់ផ្សេងទៀតធ្លាប់ចូលរយមព្រឹត្តិការណ៍ 31st SEA Games។ក្នុងការប្រកួតពានរង្វាន់នេះ U23 ថៃស្ថិតក្នុងពូល C ជាមួយ U23 កូរ៉េខាងត្បូង U23 វៀតណាម និង U23ម៉ាឡេស៊ី។
ការប្រកួតបើកឆាកថៃប៉ះ U23 វៀតណាមនៅថ្ងៃទី០២ខែមិថុនា បន្ទាប់មកប៉ះម៉ាឡេស៊ីនៅថ្ងៃទី០៥ ហើយចុងក្រោយប៉ះកូរ៉េខាងត្បូងនៅថ្ងៃទី០៨ខែមិថុនា។ ខាងក្រោមជាបញ្ជីឈ្មោះកីឡាករទាំង២៤នាក់៖
?GOALKEEPER : Nopphon Lakhonphon (2000-Buriram United) Kiadtiphon Udom (2000- Chiangmai) Supanut Suadsong (1999 – True Bangkok) ?DEFENDER : Kritsada Kaman (1999-Chonburi) Chatmongkol Rueangthanarot (2002 – Chonburi) Songchai Thongcham (2001 – Chonburi) Wanchat Choosong (2000 -Uthai Thani) Nicholas Mickelson (1999 – Obi Odense??) Yannick Nussbaum (2003 – BSC Young Boys ??) Jonathan Khemdee (2002 – Obi Odense??) Nakin Wisetchat (1999 – BG Pathum) ?MIDFIELDER: Thanawat Suengchitthawon (2000 -Leicester City???????) Channarong Promsrikaew (2001 – Unión Adarve ??) Purachet Thodsanit (2001 -Muangthong United) Benjamin Davis (2000 – Oxford United ???????) Airfan Doloh (2001 – Buriram United) Chayapiat (2002 – Estroil Prai ??) Ekanit Panya (1999 – Chiang Mai United) ?STRIKER : Suphanat Mueanta (2002- Buriram United) Sittichok Paso (1999-FC Ryukyu ??) Achitpol Keereerom (2001 -FC Augsburg II ??) Jakkit Palapon (1999 – Khon Kaen United) Korawich Tasa (2000 -Muangthong United) Patrick Gustavsson (2001-Chiangmai FC) #FAT #AFCU23
ព័ត៌មានកីឡាជាតិ
កាលពីម្សិលមិញ សហព័ន្ធកីឡាបាល់ទាត់កម្ពុជា បានបង្ហាញឈុតថ្មីរបស់ជម្រើសជាតិកម្ពុជា ដែលរចនា និងផលិតនៅកម្ពុជាដោយក្រុមហ៊ុន Varaman។ អាវថ្មីសម្រាប់ក្រុមជម្រើសជាតិកម្ពុជាក្នុងឆ្នាំ២០២២គឺច្នៃប្រឌិតផ្អែកលើគោលគំនិត Concept Design អត្ថន័យនិងរូបភាពនៃទង់ជាតិខ្មែរ។
ជាពិសេសក្រាហ្វិកអាវក្នុងទឹកដីត្រូវបានរចនាដោយដកស្រង់អត្ថន័យរបស់ពាក្យ“ប្រាសាទសីលាកំបាំងកណ្តាលព្រៃ”នៃបទនគររាជក្នុងការបង្កប់រូបភាពតូចៗនៃប្រាសាទអង្គរវត្ត(ទាំង៣ពណ៌ក្នុងសាច់ក្រណាត់:ពណ៌ខៀវទឹកប៊ិចខៀវនិងខៀវផ្ទៃមេឃ)ក្នុងលំនាំនៃការរចនាប៉ារ៉ាឌីជីថល Digital Camouflage ក្នុងអត្ថន័យថាប្រាសាទសីលាដែលជាប្រាសាទអង្គរវត្តយើងនេះកំពុងកំបាំងកណ្តាលព្រៃនៅលើក្រាហ្វិកអាវក្នុងទឹកដីយើងថ្មីនេះហើយចំណែកផ្នែកនីមួយៗនៃអាវទាំងមូលគឺដកស្រង់អត្ថន័យពីឃ្លាទីពីរនៃភ្លេងជាតិរបស់យើងនេះឯង។
– ប្រាសាទសីលា កំបាំងកណ្តាលព្រៃ: រូបភាពតូចៗនៃប្រាសាទអង្គរវត្តបង្កប់ខ្លួនក្នុងប៉ារ៉ាឌីជីថល Digital Camouflage ដែលតំណាងឱ្យព្រៃ – គួរអោយស្រមៃ នឹកដល់យសស័ក្តិមហានគរ: Logo Varaman វរ្ម័ន (ដែលដកស្រង់អត្ថន័យពីព្រះបាទជ័យវរ្ម័នទី៧) តំណាងឲ្យសម័យកាលមហានគរ – ជាតិខ្មែរដូចថ្មគង់វង្សនៅល្អរឹងប៉ឹងជំហរ: Logo សហព័ន្ធកីឡាបាល់ទាត់កម្ពុជា ដែលមានមុខបាយ័នតំណាងឱ្យថ្មបាយ័នដែលនៅតែរឹងមាំមកដល់ថ្ងៃនេះដូចជាតិខ្មែរ – យើងសង្ឃឹមពរ ភ័ព្វព្រេងសំណាងរបស់កម្ពុជា: ពាក្យស្លោក”ដេីម្បីកម្ពុជា”តំណាងឱ្យឃ្លា”ភ័ព្វព្រេងសំណាងរបស់កម្ពុជា”ដែលក្រុមជម្រើសជាតិត្រូវខិតខំប្រឹងប្រែងធ្វើសម្រាប់ភ័ព្វព្រេងសំណាងរបស់កម្ពុជាដែលបងប្អូនសង្ឃឹមទៅលើក្រុមជម្រើសជាតិ – មហារដ្ឋកើតមាន យូរអង្វែងហើយ: ក្រុមជម្រើសជាតិលេងតំណាងឱ្យកម្ពុជាយើងទាំងអស់គ្នា។អាវក្នុងទឹកដីដែលក្រុមជម្រើសជាតិពាក់ដើម្បីប្រកួតគឺជាឯកសណ្ឋាននិមិត្តសញ្ញាតំណាងឱ្យបងប្អូននិងប្រទេសជាតិខ្មែរយើងទាំងមូលដែលជាជាតិសាសន៍ដែលធ្លាប់មានប្រវត្តិយូរអង្វែងមកហើយ
សម្រាប់ក្រាហ្វិកអាវក្រៅទឹកដីត្រូវបានរចនាដោយដកស្រង់ផ្នែកមួយនៃបន្ទាត់ក្រាហ្វិក Vector Lines របស់ប្រាសាទអង្គរវត្តពីទង់ជាតិខ្មែរយើងមករចនាជាលំនាំក្រាហ្វិកនៅលើអាវដែលមានការប្រើប្រាស់ពណ៌ក្រហមព្រាលៗនៅកណ្តាល និងពណ៌ខៀវព្រាលៗនៅសងខាងដើម្បីតំណាងឱ្យប្លង់ពណ៌នៃទង់ជាតិរបស់យើង។
ការយកផ្នែកមួយនៃបន្ទាត់ក្រាហ្វិក Vector Lines របស់ប្រាសាទអង្គរវត្តពីទង់ជាតិមកលាតសន្ធឹងឱ្យធំមានន័យថាយើងចង់បង្ហាញអត្តសញ្ញាណក៏ដូចជាវប្បធម៌ និងអរិយធម៌ខ្មែរឱ្យទូលំទូលាយដើម្បីផ្សព្វផ្សាយឱ្យបរទេសបានស្គាល់នៅពេលយើងនៅឆ្ងាយក្រៅពីទឹកដីរបស់យើង។
ឯកសណ្ឋានក្រុមជម្រើសជាតិមិនមែនគ្រាន់តែជាអាវសម្រាប់ពាក់នោះទេ ប៉ុន្តែវាគឺជាឱកាសមួយដើម្បីបង្ហាញអត្តសញ្ញាណរបស់យើងនៅលើឆាកអន្តរជាតិដែលក្រុមជម្រើសជាតិយើងចូលរួមប្រកួត។ដូច្នេះ វាមានប្រយោជន៍ដែលយើងរចនាអាវរបស់យើងក្នុងវិធីផ្សព្វផ្សាយតម្លៃវប្បធម៌របស់យើងទៅកាន់ពិភពលោកតាមសកម្មភាពរបស់ក្រុមជម្រើសជាតិយើង ។
ក្រាហ្វិកអាវអ្នកចាំទីត្រូវបានរចនាដោយដកស្រង់ផ្នែកមួយនៃបន្ទាត់ក្រាហ្វិក Vector Lines របស់ប្រាសាទអង្គរវត្តពីទង់ជាតិខ្មែរយើងមករចនាជាលំនាំក្រាហ្វិកឱ្យអាវអ្នកចាំទីឃើញដូចជាអាវក្រោះដើម្បីការពារទីរបស់យើងព្រោះអ្នកចាំទីគឺជាខ្សែការពារចុងក្រោយរបស់យើង។ពណ៌ក្រហមពីទង់ជាតិរបស់យើងតំណាងឱ្យភាពក្លាហានដែលអ្នកចាំទីរបស់យើងត្រូវតែមានដើម្បីលះបង់ខ្លួនក្នុងការពារទីរបស់យើងពីគូប្រកួត
ព័ត៌មានកីឡាអន្តរជាតិ
កាសែតអេស្ប៉ាញ Mundo Deportivo បាននិយាយថា Frenkie de Jong បានបញ្ជាក់យ៉ាងច្បាស់ថាគាត់មិនចង់ចូលរួមជាមួយ Man United នៅរដូវក្តៅនេះទេ។
ខ្សែបម្រើរបស់ក្លឹប Barcelona ត្រូវបានទាក់ទងដោយ Erik ten Hag ថ្មីៗនេះអំពីការផ្លាស់ប្តូរ ប៉ុន្តែគាត់គ្រាន់តែប្រាប់គាត់ថា “No” ។ ហេតុផលរបស់ Frenkie នៅពីក្រោយការបដិសេធសំណើនេះគឺថាគាត់ចង់លេងនៅ Champions League នៅរដូវកាលក្រោយ។ បិសាចក្រហមត្រូវបានគេរាយការណ៍ថាបានផ្តល់ឱសានវាទដល់ De Jong ដើម្បីសម្រេចចិត្តភ្លាមៗថាតើគាត់ចង់ចូលរួមជាមួយ United ។
នៅពេលនេះ យើងមើកឃើញថាកីឡាករហូឡង់មិនចង់ផ្ទេរទៅលេងនៅ Old Trafford ហើយស្ថានភាពបែបនេះអាចបង្ខំឱ្យបិសាចក្រហមស្វែរកជម្រើសនៅកន្លែងផ្សេងទៀតហើយ៕
ប្រភព៖ Mundo Deportivo
លទ្ធផលចាប់ឆ្នោតពានរង្វាន់ AFF Women’s Championship 2022 បានចេញហើយដោយក្រុមបាល់ទាត់នារីឈុតធំកម្ពុជាស្ថិតក្នុងពូល B ជាមួយកម្ចាស់ការពារតំណែងជើងឯក និងម្ចាស់មេដាយមាសស៊ីហ្គេម២សម័យកាលជាប់គ្នាវៀតណាម មីយ៉ាន់ម៉ា ទីម័រខាងកើត និងជម្រើសជាតិនារីឡាវ។
ដោយឡែកសម្រាប់ពូល A មានក្រុមជម្រើសជាតិនារីចំប៉ាកែវថៃ ម្ចាស់ផ្ទះនារីហ្វីលីពីន ឥណ្ឌូនេស៊ី សិង្ហបុរី អូស្រ្តាលី និងម៉ាឡេស៊ី។ ការប្រកួតនឹងប្រព្រឹត្តទៅនៅខែកក្កដា ហើយនឹងធ្វើឡើងនៅកីឡដ្ឋាន Biñan ក្នុងទីក្រុង Laguna និង Imus Grandstand ក្នុងទីក្រុង Cavite ប្រទេសហ្វីលីពីន។
ទោះបីជាយ៉ាងណាក៏ដោយ វាមិនច្បាស់ទេថាតើអូស្ត្រាលីនឹងបញ្ជូនក្រុមខ្លាំងបំផុតរបស់ខ្លួន(ឈុតធំ) ឬក្រុមយុវនារីដោយផ្ទាល់ ខណៈដែលយើងបានឃើញនៅក្នុងការប្រកួតឆ្នាំ 2018 នៅពេលដែលប្រទេសនេះបានឈានដល់វគ្គផ្តាច់ព្រ័ត្រជាមួយនឹងក្រុមអាយុក្រោម 20 ឆ្នាំរបស់ខ្លួន។ វៀតណាមនឹងចូលជាម្ចាស់ការពារតំណែងជើងឯក ខណៈដែលពួកគេបានទទួលជ័យជម្នះលើកមុនលើថៃក្នុងការប្រកួតលើកមុន។
គណៈកម្មការរៀបចំការប្រកួតពានរង្វាន់ ខេអឹមអេច បានចេញសេចក្ដីថ្លែងការពីការបញ្ចប់ការប្រកួតពានរង្វាន់បាល់ទាត់ ខេ អឹម អេច ទាំងអស់ មានដូចជា ពានរង្វាន់ KMH CHAMPOINS LEAUGE , KMH CUP U18 និង KMH SUPER CUP ចាប់ពីពេលនេះតទៅ ។
នេះគឺជាដំណឹងដ៏សោកស្ដាយមួយសម្រាប់បងប្អូនអ្នកស្នេហាវិស័យកីឡាបាល់ទាត់ជាតិ ដោយសារការប្រកួតពានរង្វាន់ដែលមានសកម្មភាកន្លងទៅបានរួមចំណេកជាច្រើនក្នុងការអភិវឌ្ឍន៏ យុវជនកម្ពុជាតាមរយៈការរៀបចំព្រឹត្តិការពានយុវជន ដែលផ្ដល់ឱកាសឲ្យមានការចូលរួមពីបណ្ដាក្លិបពាក់កណ្ដាលអាជីព និងអាជីពដែលរួមចំណែកបណ្ដុះបណ្ដាលសមត្ថភាពយុវជនកម្ពុជាមួយចំនួនធំ រហូតដល់ជាប់ក្នុងក្រុមជម្រើសជាតិឈុតយុវជន និងក្រុមធំថែមទៀតផង។
យ៉ាងណាក្ដីតាមរយៈសេចក្ដីប្រកាសរបស់គណៈកម្មការរៀបចំការប្រកួតពានរង្វាន់ ខេអឹមអេច ចំពោះការប្រកាសបញ្ចប់ការប្រកួតបាល់ទាត់ ខេអឹមអេច ទាំងអស់នេះដោយសារការខ្វះធនធាន ប៉ុន្តែមូលនិធិខេអឹមអេច នឹងនៅបន្តចូលរួមគាំទ្រវិស័យកីឡាបាល់ទាត់តាមរយៈកម្មវិធីប្រកួតផ្សេងៗ។
គួរបញ្ជាក់ផងដែរថា សកម្មភាពការប្រកួតបាល់ទាត់ ខេអឹមអេច ចាប់ផ្ដើមមានសកម្មភាពឡើងឡើងក្នុងឆ្នាំ២០១៥ ប្រមូលផ្តុំក្រុម សមាគម ក្លិបបាល់ទាត់ពាក់កណ្ដាលអាជីពល្អៗ និងយុវជន់មកពីក្លិបអាជីពមួយចំនួនពីលីគបាល់ទាត់ធំៗទូទាំងរាជធានីភ្នំពេញ៕
អ្នកវិភាគបាល់ទាត់ Jamie Carragher បានបង្ហាញមតិយោបល់លើតារាបាល់ទាត់ Manchester United កីឡាករ Marcus Rashford ថាជាកីឡាករល្ះមិនគ្រប់គ្រាន់សម្រាប់ក្លិបបិសាចក្រហម។
កីឡាករវ័យ 24 ឆ្នាំរូបនេះបានស៊ូទ្រាំនឹងយុទ្ធនាការមិនល្អជាមួយបិសាចក្រហមក្នុងឆ្នាំ 2021-22 ដោយស៊ុតបញ្ចូលទីបានតែ 4 គ្រាប់នៅក្នុង Premier League ខណៈពេលដែលកំពុងរសាត់ចេញពីជម្រើសដំបូង។
វាជានិមិត្តរូបនៃបញ្ហាធំដែលកំពុងញាំញីមកលើគាត់ ខណៈដែលក្លិបកំពុងតែស្រុតចុះគ្រប់វិស័យ ដែលរាប់បញ្ចូលទាំងការបញ្ចប់ក្នុងចំណាត់ថ្នាក់ទីប្រាំមួយក្នុងលីគ ជាមួយនឹងពិន្ទុទាបបំផុតមិនធ្លាប់មាននៅក្នុងការប្រកួត។ Rashford គឺជាកីឡាករឆ្នើមសម្រាប់ក្លឹប ប៉ុន្តែទម្រង់លេងរបស់គាត់បានធ្លាក់ចុះយ៉ាងខ្លាំងនាពេលថ្មីៗនេះ ហើយ Carragher មានអារម្មណ៍ថាគាត់ “មិនល្អគ្រប់គ្រាន់” ដើម្បីលេងឱ្យក្លឹបទៀតទេ។ ថ្លែងទៅកាន់ Gary Neville នៅលើ Channel YouTube The Overlap អតីតខ្សែបម្រើ Liverpool បាននិយាយ (The Daily Mail)៖
“គាត់មិនល្អគ្រប់គ្រាន់សម្រាប់ Man United, Marcus Rashford មានតែប៉ុណ្ណឹងទេ។គាត់ពិតមិនល្អគ្រប់គ្រាន់សម្រាប់ Manchester United ។ គាត់នឹងមិនអាចជួយអ្នកនៅ Champions League ទេ តែពីរនាក់ទៀតនៅជួរមុខជាមួយគាត់នឹងត្រូវក្លាយជាតារាឆ្នើម»។
យោងតាមអ្នកឆ្លើយឆ្លងព័ត៌មាន TalkSPORT លោក Alex Crook អ្នកចាត់ការថ្មី Erik ten Hag នឹងផ្តល់ឱកាសឱ្យ Rashford សង្គ្រោះអាជីព Manchester United របស់គាត់នៅរដូវកាលក្រោយ។
វាត្រូវបានគេរាយការណ៍ផងដែរថាខ្សែប្រយុទ្ធនឹងឆ្លងកាត់ “ការហ្វឹកហាត់ដ៏ខ្លាំងក្លា” នៅសហរដ្ឋអាមេរិកនៅខែក្រោយ ដើម្បីអាចវាយលុកយកតំណែងរបស់គាត់វិញ ដែលកំពុងដំណើរការក្រោមការដឹកនាំរបស់គ្រូបង្វឹកជនជាតិហូឡង់លោក Erik Ten Hag។
នេះគឺជាសំណេរទាំងស្រុងរបស់លោក អូន សៅណាត អ្នកសារព័ត៌មានកីឡាក្នុងស្រុកខ្មែរម្នាក់បង្ហាញមតិផ្ទាល់ខ្លួនអំពីថា ហេតុអ្វីក៏ក្រុមការងារជម្រើសជាតិមិនកោះហៅកីឡាករកូនកាត់មកចូលរួមជម្រើសជាតិ? ខាងក្រោមជាអត្ថបទវិភាគរបស់គាត់ទាំងស្រុង៖
ហេតុអ្វីក៏ក្រុមការងារជម្រើសជាតិមិនកោះហៅកីឡាករកូនកាត់មកចូលរួមជម្រើសជាតិ? នេះជាសំណួរដែលកើតឡើងនិងផ្ទុះតាំងពីបញ្ចប់ព្រឹត្តិការណ៍ស៊ីហ្គេម តែវាបានកើតឡើងតាំងពីប៉ុន្មានឆ្នាំមុនមកម្ល៉េះ។
បងប្អូនមួយចំនួនឃើញថៃជោគជ័យក្នុងការកោះហៅកីឡាករកូនកាត់មកជួយជម្រើសជាតិ…ហើយយើងចង់ជោគជ័យដូចគេដែរ។ បើបងប្អូនសួរខ្ញុំសួរថា ចង់អត់? ពិតណាស់! ពិតជាចង់ ចង់ខ្លាំងជាងបងប្អូនទៅទៀត។ តែរឿងនេះ(ការហៅកីឡាករកូនកាត់លេងនៅបរទេសមកចូលរួមជម្រើសជាតិ)មិនចេះតែហៅបាននោះទេ។
បញ្ជាក់បងប្អូន៖ ក្រុមការងាររបស់ជម្រើសជាតិនិង FFC ទាក់ទងទៅកីឡាករកូនកាត់ជាច្រើនដែលយើងមិនដឹង។ ពួកគាត់ទាក់ទងទៅហើយ សួរនាំហើយ តែបញ្ហាមកពីនោះ។ ចាក់ក្រឡែកបងប្អូនឱ្យភ្ញាក់ ពញ្ញាក់បងប្អូនឱ្យដឹង ចងចាំសម្ដីខ្ញុំ ក្រុមការងារជម្រើសជាតិ ព្រមទាំងសហព័ន្ធកីឡាបាល់ទាត់កម្ពុជាបើកចំហជើងមេឃ បើកផ្លូវយ៉ាងទូលាយ កីឡាករដើមកំណើតខ្មែរនៅបរទេស កីឡាករកូនកាត់ខ្មែរគ្រប់ជាតិសាស្រ្តឱ្យតែមានសមត្ថភាពលើសកីឡាករក្នុងស្រុក ទទួលដៃដប់ ដៃម្ភៃ…។ មើលឱ្យទាន់ មានសមត្ថភាពលើសកីឡាករក្នុងស្រុក ។ ទោះកីឡាករនោះជាកូនកាត់ប៉ុន្មានសញ្ជាតិក៏ដោយ អ្វីដែល FFC ចង់បានគឺសមត្ថភាពលើសកីឡាករក្នុងស្រុក។
-គុណភាពឬគុណផលរបស់ពួកគេ=លេងក្នុងលីគប្រទេសណា លីគទីប៉ុន្មាន? កម្រិតលីគនោះប្រកួតប្រជែងល្អជាងលីគក្នុងស្រុក…..? លេងល្អមែនអត់? (ជាទូទៅ! ខ្ញុំមិនដែលបានឃើញកូនកាត់ខ្មែរទាំងនោះលេងបាន៤៥នាទីផង កុំថាឡើយ៩០នាទីពេញមួយប្រកួត ឬ២ ៣ ឬ៥ប្រកួត។ ខ្ញុំឃើញតែផេកគេផុស វីដេអូកាត់ខ្លីៗពេលស៊ុតបញ្ចូលទី អូសញាក់…៤ ឬ៥នាទីយ៉ាងច្រើនបំផុត”។
បញ្ជាក់ Nick Taylor ហ្នឹងឃើញប្រសើរជាងគេបំផុត ព្រោះឃើញវីដេអូច្រើនជាងគេ តែមិនប្រាកដថាខ្លាំង ចាំមើលសិន។)
-ផលវិបាក៖ ការកោះហៅកីឡាករមកចូលជម្រើសជាតិមិនមែនជារឿងស្រួល។ ពេលវេលាខុសគ្នា! សម្រាប់កីឡាករយុវជន! នៅពេលដែលយើងកោះហៅចំពេលដែលពួកគេសិក្សារៀនសូត្រ ហើយអាណាព្យាបាលរបស់គាត់មិនអនុញ្ញាតិយើងក៏មិនអាចបង្ខំបានដែរ(សិទ្ធិ)។ ការចំណាយ! បងប្អូនលឺព័ត៌មានថា FFC ទទួលបានម្ចាស់ឧបត្ថម្ភច្រើនតិចលោថាចំណេញច្រើនអីទៅ! FFC ក្នុងមួយឆ្នាំទទួលបានចំណូល តែចំណាយច្រើនណាស់ (រឿងនេះ Admin និយាយក្នុងផុសមួយដាច់ដោយឡែក ថាចំណាយលើអី?)
មិនមែន FFC គ្មានលុយចំណាយលើសំបុត្រយន្តហោះអញ្ជើញកីឡាករកូនកាត់ទាំងនោះមកលេងជម្រើសជាតិនោះទេ។ តែ FFC មានបទពិសោធន៍រួចទៅហើយ រឿងការទិញសំបុត្រនិងចេញគ្រប់យ៉ាងឱ្យពួកគេមកកម្ពុជា ស្នាក់នៅ ហូបចុក ធ្វើដំណើរ អស់រាប់ពាន់ម៉ឺនដុល្លារ តែចុងក្រោយការហ្វឹកហាត់របស់គាត់ ការលេងរបស់គាត់មានកម្រិតនៅក្រោមកីឡាករក្នុងស្រុក។
ប្រសិនបើពួកគាត់ពិតជាមានសមត្ថភាពមែន លេងល្អមែន ហើយមានឆន្ទៈចង់លេងជម្រើសជាតិកម្ពុជា នោះក៏ពួកគេគួរតែអាចធ្វើដំណើមកកម្ពុជាដោយខ្លួនឯង ឬក្នុងចេញក្នុងកម្រិតណាមួយ ដើម្បីមកធ្វើតេស្តិ៍ ហ្វឹកហាត់សាកល្បងសមត្ថភាពជាមួយជម្រើសជាតិដែលមានកីឡាករស្រុក ដាក់មួយប្រ៉ាវមើលថាតើនរណាល្អជាង….។
មិនចេះនិយាយ ហើយសរសេរក៏មិនអស់សេចក្ដី តែសម្រាប់ខ្ញុំសុំតែម្យ៉ាង កីឡាករកូនកាត់លេងនៅបរទេសគួរតែកោះហៅ និងទាក់ទងមកជួយជាតិបើកីឡាករកូនកាត់រូបនោះពិតជាចង់មកជួយហើយសមត្ថភាពពូកែ និងមានវិន័យពិតមែន។ និយាយត្រង់ខ្ញុំមិនច្បាស់ថាតើកីឡាករកូនកាត់ទាំងអស់នោះលេងល្អមែនអត់? បើមិនដែលបានឃើញលេងក្នុងការប្រកួតជាក់លាក់ណាមួយផង មិនដែលឃើញលេងតាមរយៈមការ Live ក្នុងបណ្ដាញសង្គម ឬយូធូបឱ្យពេញសាច់ ពេញឈាមផងហ្នឹង។ បើករណីកុក បូរីសយើងច្បាស់ទាំងអស់គ្នា មិនអញ្ចឹង?
ខ្ញុំយល់ស្របឱ្យកីឡាករកូនកាត់មកជួយជម្រើសជាតិកម្ពុជា តែមិនយល់ស្របឱ្យតែកីឡាករកូនកាត់កោះហៅមកទាំងអស់នោះទេ។ កីឡាករនោះត្រូវតែល្អជាងគេកីឡាករក្នុងស្រុក ល្អទាំងព្រមគឺ ល្អទាំងកាយសម្បទា និងគុណផលលេងបាល់ កម្រិតបច្ចេកទេសផ្ទាល់ខ្លួន ពិសេសវិន័យហ្នឹងហើយ។ បងប្អូនមានត្រង់ណាមិនយល់ស្រប ឆាតមកខ្ញុំ ឬខំមិនខាងក្រោមបញ្ចេញមតិយោបល់ ពិភាក្សាគ្នារកដំណោះស្រាយឱ្យបាល់ទាត់កម្ពុជារំកិលខ្ពស់ជាងនេះ។
មតិយោបល់របស់បងប្អូន ខ្ញុំទទួលយកទាំងអស់!
សហព័ន្ធកីឡាបាល់ទាត់អាស៊ី (AFC) នៅថ្ងៃនេះបានបញ្ជាក់ថាសមាគមកីឡាបាល់ទាត់ថៃ (FA Thailand) ជាម្ចាស់ផ្ទះ (MA) សម្រាប់ការប្រកួត AFC Women’s Club Championship™ – Pilot Tournament នៅតំបន់បូព៌ា។
លើសពីនេះ កាលវិភាគប្រកួតក៏ត្រូវបានបញ្ចប់ជាមួយនឹងក្រុមទាំងបីនៅបូព៌ាគឺ Taichung Blue Whale FC មកពីចិនតៃប៉ិ និង ISPE Women FC របស់មីយ៉ាន់ម៉ា រួមជាមួយក្លឹបមកពីប្រទេសថៃដែលត្រូវសម្រេចនៅខែមិថុនា ឆ្នាំ 2022 ដែលគ្រោងនឹងប្រកួតពីថ្ងៃទី 15 ដល់ថ្ងៃទី 21 ខែសីហា , 2022 ។
មុននេះ សមាគមបាល់ទាត់ អូសបេគីស្ថាន (UFA) ត្រូវបានបញ្ជាក់ថាជាម្ចាស់ផ្ទះសម្រាប់តំបន់ខាងលិច ដែលនឹងមានក្លឹបចូលរួមពីម្ចាស់ផ្ទះ ឥណ្ឌា សាធារណរដ្ឋអ៊ីស្លាមអ៊ីរ៉ង់ និងហ្ស៊កដានី ដែលនឹងប្រព្រឹត្តទៅចាប់ពីថ្ងៃទី 20 ដល់ថ្ងៃទី 26 ខែសីហា ដែលនេះជាលើកទីមួយ ការប្រកួតប្រជែងនឹងធ្វើឡើងនៅទូទាំងតំបន់ទាំងពីរ។
ខណៈពេលដែលក្រុមចុងក្រោយនៃក្លឹបដែលចូលរួមនឹងត្រូវបានបញ្ជាក់ និងទំនាក់ទំនងក្នុងពេលកំណត់នោះ ព្រឹត្តិការណ៍នៅឆ្នាំនេះក៏នឹងឃើញការបង្ហាញពីការប្រកួតវគ្គផ្តាច់ព្រ័ត្រជាលើកដំបូងដែលមិនធ្លាប់មានរវាងក្រុមជើងឯកមកពីមកពីតំបន់ខាងកើតប៉ះជើងឯកមកពីខាងលិច ដែលនឹងប្រព្រឹត្តទៅដោយភ្ជាប់ជាមួយ AFC Cup 2022™ វគ្គផ្តាច់ព្រ័ត្រនៅថ្ងៃទី 22 ខែតុលា។
អ្នកឈ្នះនឹងចូលរួមជាមួយក្រុមជើងឯកឆ្នាំ 2019 Nippon TV Beleza មកពីប្រទេសជប៉ុន និងជើងឯកឆ្នាំ 2021 Amman Club មកពីប្រទេសហ្សកដានីក្នុងការប្រកួតពានរង្វាន់កិត្តិយសនៃការប្រកួតសាកល្បង ជាមួយនឹងគោលបំណងចុងក្រោយនៃការដេញតាមពីភាពរុងរឿងរបស់ក្លឹបលំដាប់ទ្វីបមុនការប្រកួត AFC Women’s Champions League នៅឆ្នាំ 2024។
ប្រភព៖ AFC
ខ្សែប្រយុទ្ធក្លិប ភ្នំពេញក្រោន និង ក្រុមជម្រើសជាតិកម្ពុជា កីឡាករ លឹម ពិសុទ្ធ បានបង្ហាញពីតាំងចិត្តក្នុងការជួយក្រុមសម្រាប់ព្រឹត្តិការណ៍ស៊ីហ្គេមឆ្នាំ ២០២៣ ដែលកម្ពុជាធ្វើជាម្ចាស់ផ្ទះ និង ទាក់ទងបញ្ហារបួសរបស់ខ្លួន។
កាលពីព្រឹកមិញនេះ ក្លិបបាល់ទាត់ភ្នំពេញក្រោន បានបញ្ជាក់ជាផ្លូវការថា ពិសុទ្ធ មានបញ្ហារបួសសសៃពួរកជើងខាងឆ្វេង បន្ទាប់ពីមានការប៉ះទង្គិចគ្នាក្នុងការប្រកួតជាមួយក្រុមណាហ្គាវើលដ៍ នាពេលកន្លងទៅថ្មីៗនេះ ខណៈ រូបគេ នឹងត្រូវសម្រាកព្យាបាលរយៈពេលពី ៥ ទៅ ៦ សប្តាហ៍។ បញ្ហារបួសនេះហើយបានធ្វើឲ្យរូបគេខកខានបង្ហាញខ្លួនជាមួយក្រុមជម្រើសជាតិក្នុងព្រឹត្តិការណ៍ជម្រុះពានរង្វាន់ AFC Asian Cup ដែលនឹងធ្វើឡើងនៅខែក្រោយនេះ។
ថ្លែងប្រាប់ Cambodia 2023 ពិសុទ្ធ បាននិយាយថា៖«ខ្ញុំមានអារម្មណ៍សោកស្តាយនឹងខ្លួនឯង ដែលរងរបួសសារជាថ្មី។ ខ្ញុំចង់បង្ហាញខ្លួននៅកីឡដ្ឋានថ្មីរបស់យើងណាស់។ ប៉ុន្តែរឿងដដែលៗ បានកើតឡើងចំពោះខ្ញុំ»។
«សម្រាប់ស៊ីហ្គេម២០២៣ ខ្ញុំត្រូវតាំងចិត្តថា នឹងត្រូវប្រកួតនៅកីឡដ្ឋានមរតកតេជោឲ្យបាន ពិសេសត្រូវរក្សាខ្លួន មិនឲ្យរងរបួសម្ដងទៀតទេ ព្រោះវាជាព្រឹត្តិការណ៍ដ៏សំខាន់សម្រាប់ខ្ញុំ ក៏ដូចជាប្រជាជនកម្ពុជាផងដែរ»៕
