វិធានការដាក់ពិន័យនឹងត្រូវចាត់វិធានការចំពោះអាជ្ញាកណ្តាល អ្នកវាយតម្លៃអាជ្ញាកណ្ដាល និងគ្រូអាជ្ញាកណ្តាលទាំងអស់ ប្រសិនបើពួកគេត្រូវបានគេរកឃើញ​ថា​កំពុងធ្វើសេចក្តីថ្លែងការណ៍(ទទួលសម្ភាស)ទៅកាន់ប្រព័ន្ធផ្សព្វផ្សាយដោយគ្មានការអនុញ្ញាតជាលាយលក្ខណ៍អក្សរ ពីសមាគមបាល់ទាត់ម៉ាឡេស៊ី (FAM​)​។

យោងតាមរបាយការណ៍របស់ Berita Harian សារាចរមួយចុះហត្ថលេខាដោយលេខាធិការគណៈកម្មាធិការវិន័យរបស់ FAM លោក Shailida Bashirah Bhishamuddin ត្រូវបានចេញដើម្បីធានាថាអាជ្ញាកណ្តាល អ្នកវាយតម្លៃអាជ្ញាកណ្តាល និងគ្រូបង្ហាត់ដែលបំពេញកាតព្វកិច្ចក្នុងប្រទេស និងក្រៅប្រទេសគោរព​តាមច្បាប់ដែលមានស្រាប់។

“មាត្រា 61 នៃក្រមនេះគួរតែត្រូវបានអានរួមជាមួយនឹងមាត្រា 82 នៃលក្ខន្តិកៈ FAM (បោះពុម្ពឆ្នាំ 2020) ។ មាត្រា 61- សេចក្តីថ្លែងការរបស់សារព័ត៌មាន មន្ត្រី ឬកីឡាករមិនអាចធ្វើសេចក្តីថ្លែងការណ៍ណាមួយទៅកាន់ប្រព័ន្ធផ្សព្វផ្សាយដោយពាក្យសំដី ឬជាលាយលក្ខណ៍អក្សរ ដោយគ្មានការយល់ព្រមជា លាយ​លក្ខណ៍​​អក្សរ ឬការអនុញ្ញាត ពីគណៈកម្មាធិការប្រតិបត្តិដែលមានចែងក្នុងមាត្រា ៨៨ នៃលក្ខន្តិកៈ FAM ឬបទប្បញ្ញត្តិ ឬសេចក្តីណែនាំ ឬសារាចរដែលបានចេញ។

«នៅពេលដែលមានការយល់ព្រម ឬការអនុញ្ញាត សេចក្តីថ្លែងការណ៍ដែលបានធ្វើឡើង ឬផ្តល់ទៅឱ្យប្រព័ន្ធផ្សព្វផ្សាយត្រូវតែស្របតាមមាត្រា 88 នៃលក្ខន្តិកៈរបស់ FAM និងបទប្បញ្ញត្តិ ឬសេចក្តីណែនាំរបស់ FAM ណាមួយដែលកំពុងប្រើប្រាស់នាពេលបច្ចុប្បន្ន ឬដែលនឹងចេញនាពេលខាងមុខ»។

ទន្ទឹមនឹងនេះ សម្រាប់មាត្រា 82 (អតីតមាត្រា 88) ពាក់ព័ន្ធនឹងការរួមចំណែកដល់ប្រព័ន្ធផ្សព្វផ្សាយ ប្រធាន ឬលេខាធិការ ឬមន្រ្តីណាមួយដែលត្រូវបានអនុញ្ញាត​ដោយគណៈកម្មាធិការប្រតិបត្តិអាចធ្វើសេចក្តីថ្លែងការណ៍ ឬវិភាគទានដល់ប្រព័ន្ធផ្សព្វផ្សាយ ប៉ុន្តែមានលក្ខខណ្ឌ។

«ក្នុងលក្ខខណ្ឌនៃការមិនប៉ះពាល់ ឬបង្ហាញការសោកសៅ បង្ហាញពីអារម្មណ៍មិនពេញចិត្ត ឬការរិះគន់ទាក់ទងនឹងការគ្រប់គ្រងកិច្ចការរបស់ FAM ឬការគ្រប់គ្រងលីគម៉ាឡេស៊ី ឬការប្រកួតផ្សេងទៀតដែលត្រូវបានអនុម័ត ឬយល់ព្រមដោយ FAM »។

« ការគំរាមកំហែង ការមើលងាយ ការត្អូញត្អែរ ការចោទសួរ ឬវិវាទចំពោះការអនុវត្តរបស់មន្ត្រី និងគំរាមកំហែង FAM ឬការប្រកួតប្រជែង»។

“ការជំទាស់ ការជជែកដេញដោល ការសាកសួរ ឬអង្គហេតុដែលបានផ្តល់ឱ្យគឺមិនត្រឹមត្រូវ ឬផ្ទុយ ឬខុសជាមួយនឹងការសម្រេចចិត្តណាមួយរបស់ស្ថាប័ន FAM យោងតាមមាត្រា 2l លក្ខន្តិកៈរបស់ FAM ដែលជាការសម្រេចចិត្តរបស់សភា គណៈកម្មាធិការប្រតិបត្តិ ប្រធាន គណៈកម្មាធិការសង្គ្រោះបន្ទាន់ គណៈកម្មាធិការអចិន្ត្រៃយ៍ អគ្គលេខាធិការដ្ឋាន និងស្ថាប័នតុលាការ FAM “។

លោក​បាន​បន្ត​ថា​៖ «ពេលខ្លះ​មាន​ចេតនា​ប្រមាថ​មើលងាយ បង្អាប់ ឬ​បង្ខូច​កេរ្តិ៍ឈ្មោះ​មន្ត្រី FAM ឬ​ប្រមាថ​មន្ត្រី FAM ឬ​មន្ត្រី​សមាជិក ឬ​ផ្ទុយ​នឹង​ច្បាប់ FAM ឬ​ការ​កំណត់​ដោយ​គណៈកម្មាធិការ​ប្រតិបត្តិ​ពី​ពេល​មួយ​ទៅ​ពេល​មួយ»។

ក្រុមហ៊ុន ខេមបូឌានព្រីមៀរលីគបាន​បើកពិធីចុះហត្ថលេខា លើអនុស្សរណៈនៃការយោគយល់គ្នា ស្តីពីការសហការឧបត្ថម្ភ ជាមួយគ្រឹះស្ថានមីក្រូហិរញ្ញវត្ថុ JACCS  ជេកស៍ (ខេមបូឌា) ម.ក ដែលកម្មវិធីនេះបានប្រព្រឹត្តិទៅនៅថ្ងៃព្រហស្បតិ៍ ៧កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៤ ខែសីហា ឆ្នាំ២០២២ នៅរាជធានីភ្នំពេញ នៅអគារ Raintree Cambodia / វេលាម៉ោង ៤ៈ០០នាទីរសៀល។

លោក Satoshi Saito ជា CEO របស់​ក្រុមហ៊ុន Cambodian Premier League បាន​ប្រកាស​ពីមោទនកភាពក្នុង​ការ​ប្រកាសពីការ​ឧបត្ថម្ភ​ថ្មីរវាង​ក្រុមហ៊ុនមីក្រូហិរញ្ញវត្ថុកំពូលមួយ​របស់​ជប៉ុន និង​ក្រុមហ៊ុនដែលរីកចម្រើនបំផុតក្នុង​ប្រទេសកម្ពុជា​គឺ គ្រឹះស្ថានហិរញ្ញវត្ថុ JACCS និងស្ថាប័នកីឡាបង្កើតថ្មី​ និង​រីកលូតលាស់លឿនបំផុត​គឺ Cambodia  Premier League ដែល​យើង​ហៅ​ថា «CPL»។

អ្វី​ដែល​លោក​សង្កត់ធ្ងន់​ជាង​គេគឺ៖« នៅក្នុងបាល់ទាត់​យើង​ត្រូវ​ការ​«លុយ» បន្ថែមទៀត! សូមអភ័យទោស យើង​ត្រូវការ​វិនិយោគបន្ថែមទៀត​ទៅលើ​កន្លែងកីឡាបាល់ទាត់ ដូចជា​កីឡដ្ឋាន កន្លែងហ្វឹកហាត់ និង​ឧបករណ៍ ក្លិប និង​ការិយាល័យ និង​ច្រើនទៀត​ចំពោះចំពោះអ្នកគ្រប់​គ្រងបាល់ទាត់ គ្រូបង្វឹក ការប្រកួត មន្រ្តី​ បុគ្គលិគ និង​កីឡាករ»។

«ថ្ងៃនេះ​យើងសូមស្វាគមន៍ មីក្រូហិរញ្ញវត្ថុ JACCS មក​កាន់​គ្រួសារបាល់ទាត់របស់​យើង ហើយ​សេចក្ដីប្រកាសភាពជាដៃគូនេះ​នឹង​ក្លាយជាជំនាន់ថ្មី និង​ការ​បើកទ្វារថ្មី​សម្រាប់​ការ​អភិវឌ្ឍន៍មួយកម្រិត​ទៀត​នៃវិស័យបាល់ទាត់ និង​សង្គមកម្ពុជាឆ្ពោះទៅមុខ។ ខ្ញុំសូមធានាថា គ្រឹះស្ថានមីក្រូហិរញ្ញវត្ថុ JACCS មានទិសដៅដូចគ្នានឹង​ CPL គឺជាការ​គាំទ្រដ៏ល្អ​រួម​ជាមួយម្ចាស់​ឧបត្ថម្ភ​ដទៃទៀតដូចជា Metfone, Panasonic, Suzuki, Molten…ជាដើម»។

ចំណែកលោក Chikara Narita នាយកប្រតិបត្តិ​របស់​គ្រឹះស្ថានហិរញ្ញវត្ថុ JACCS បាន​និយាយ​ថា៖« មូលហេតុដែលយើង​សម្រេច​ចិត្តចូលរួម​ឧបត្ថម្ភ CPL លើក​នេះ​គឺ​ដោយ​សារ​លោក Saito ដែលជា CEO និង​បុគ្គលិគ CPL ទាំងអស់មានចំណាប់​អារម្មណ៍ខ្លាំង​ក្នុង​ការ​អភិវឌ្ឍន៍វិស័យបាល់ទាត់កម្ពុជា។ ម្យ់ាងទៀត​តាម​រយៈអ្នក​ឧបត្ថម្ភ CPL យើង​ចង់​ចូលរួមចំណែកនៅក្នុង​ការ​អភិវឌ្ឍាន៍​វប្បធម៌កីឡា​នៅកម្ពុជា​ផង​ដែរ»។

Suárez និង Sofia ចាប់​ផ្ដើម​មាន​ទំនាក់ទំនង​ស្នេហា​កាលពី​១៨​ឆ្នាំ​មុន។ នៅពេលនោះ ខ្សែប្រយុទ្ធអ៊ុយរូហ្គាយបានធ្វើការជាអ្នកបោសសម្អាតផ្លូវនៅផ្លូវនៅទីក្រុង Montevideo ហើយរស់នៅដោយកិត្តិយសជាមួយនឹងសក្តានុពលរបស់គាត់នៅក្នុងនាមជាកីឡាបាល់ទាត់។

ដោយមានការគាំទ្រពីមិត្តស្រីរបស់គាត់ គាត់អាចគេចចេញពីជំងឺធ្លាក់ទឹកចិត្ត ចូលហ្វឹកហាត់បាល់ទាត់ បាន​លេង​ក្នុងជម្រើសជាតិ និងក្លាយជាអ្នកដែលមានទេពកោសល្យសម្រាប់ប្រទេសរបស់គាត់។ ទោះជាយ៉ាងណាក៏ដោយ មួយឆ្នាំបន្ទាប់ពីគូស្នេហ៍បានជួបគ្នា អ្នកទាំងពីរត្រូវបែកគ្នាជាថ្មី។

ដោយសារវិបត្តិសេដ្ឋកិច្ច គ្រួសាររបស់ Sofia នាងបានផ្លាស់ទៅរស់នៅប្រទេសអេស្ប៉ាញ។ចាប់ពីពេលនោះមក Suárez និងមិត្តស្រីរបស់គាត់មានតែទំនាក់ទំនងតាមអ៊ីនធឺណិតប៉ុណ្ណោះ ហើយកីឡាករសញ្ជតិអ៊ុយរូហ្គាយបានសន្យាជាមួយដៃគូរបស់គាត់៖« គាត់បាននិយាយថាគាត់នឹងក្លាយជាកីឡាករអាជីព ហើយលេង​នៅអឺរ៉ុប រៀបការជាមួយនាង និងបង្កើតកូន។

ការសន្យារបស់គាត់បានបំពេញរួចរាល់។ ក្នុងឆ្នាំ 2006 បុរសវ័យក្មេងនេះត្រូវបានក្លិបហូឡង់ Groningen ចុះកុងត្រាយកហើយពេលទទួលបានប្រាក់ខែដំបូងគាត់បានធ្វើដំណើរទៅប្រទេសអេស្ប៉ាញហើយបានរកឃើញមនុស្សជាទីស្រឡាញ់របស់គាត់ឡើងវិញ។

ក្នុង​ឆ្នាំ​២០០៩ អ្នក​ទាំង​ពីរ​បាន​រៀប​ការ ហើយ​ឆ្នាំ​បន្ទាប់​មាន​កូន​ដំបូងដែលជាកូនស្រីដ៏ស្រស់ស្អាត។ សព្វថ្ងៃនេះ Suárez និង Sofia មានកូនបីនាក់ ហើយនៅជាមួយគ្នាតាំងពីក្មេងនៅ Montevideo ។

ក្លិប Paris Saint Germain បានសម្រេចចិត្តអនុញ្ញាតឲ្យកីឡាករ Gini Wijnaldum ចាកចេញពីក្លិប ទៅចូលរួមជាមួយ AS Roma ក្នុងលក្ខខណ្ឌខ្ចីជើង។

Wijnaldum ទើបតែបានចូលរួមជាមួយ PSG បានមួយរដូវកាលប៉ុណ្ណោះ កាលពីរដូវកាលមុនពី Liverpool ក្នុងនាមកីឡាករដែលគ្មានតម្លៃខ្លួន ប៉ុន្តែ ការដែលផ្លាស់មកលេងនៅទឹកដីបារាំង គឺ រូបគេពុំទទួលបានជោគជ័យឡើយ ពោល រូបគេតែងតែស្ថិតនៅកៅអីបម្រុងជារឿយៗ មិនសូវទទួលបានឪកាសបង្ហាញខ្លួននៅលើទីលាននោះទេ។

បើយោងទៅតាមការចុះផ្សាយរបស់លោក Fabrizio Romano បានបញ្ជាក់យ៉ាងច្បាស់ៗថា ក្លិបបន្ទាប់ដែល Wijnaldum នឹងចូលរួមនោះ គឺ Roma ក្នុងលក្ខខណ្ឌខ្ចីជើងខណៈការប្រកាសផ្លូវការនឹងធ្វើឡើងនៅក្នុងពេលឆាប់ៗខាងមុខនេះ៕

PAUL POGBA បានប្រមូល​រថយន្ត​ទំនើបៗ​ពី​ផ្ទះ​របស់​គាត់​នៅ Manchester ប្រទេស​អង់គ្លេស​​ទៅកាន់​ទីក្រុង Turin ប្រទេសអ៊ីតាលី ក្រោយ​ចាកចេញពីក្លិបបិសាចក្រហម។

កីឡាករសញ្ជាតិបារាំងរូបនេះបានចាកចេញពី Manchester United ទៅ Juventus នៅដើមរដូវក្តៅនេះ ហើយគ្រោងនឹងយកឡានទំនើបៗដ៏អស្ចារ្យតម្លៃរាប់លានផោនរបស់គាត់ទៅជាមួយផង។ Pogba វ័យ 29 ឆ្នាំបានជួលក្រុមហ៊ុនដឹកជញ្ជូនឆ្លងប្រទេស Premier Removals ទៅដឹកឡាននៅផ្ទះចាស់របស់គាត់នៅសង្កាត់ Hale, ទីក្រុង Greater Manchester ។

ការ​ប្រមូលឡានជាច្រើនគ្រឿងនេះស្ថិតក្រោមក្រសែភ្នែកឃ្លាំមើលរបស់ប្រពន្ធគាត់អ្នកស្រី Zulay ហើយកម្មករបានរុះរើយកទ្រព្យសម្បត្តិដែលគួរឱ្យ​កត់​សម្គាល់​​បំផុតគឺការដករថយន្តដ៏អស្ចារ្យរបស់គាត់ចេញ។ឡានទាំងអស់របស់គាត់បាន​ប្រមូល និង​សណ្ដោងដាក់លើឡានធំ ហើយបើ​តាម​ការប៉ាន់ស្មានសរុប​ទៅជាងមួយលានផោន។

ក្នុងចំណោមរថយន្តទាំងនោះមានរថយន្ត Ferrari 812 Superfast ពណ៌លឿងរបស់ Pogba ដែលមានតម្លៃប្រហែល ២៦ម៉ឺនផោន។ រថយន្ត Mercedes v class vip klassen និង Bentley Betayga ក៏ត្រូវបានដកចេញ ក៏ដូចជារថយន្ត Rolls Royce ដ៏ល្បីផងដែរ។

អ្នកស្រី​Zulay បានបន្តឱ្យ​កម្មករទៅលើកឡានម៉ាក Bentley មួយទៀត។ លើស​ពី​នេះ! កន្លែងផ្សេងទៀត Pogba ក៏មានរថយន្ត Audi RS6, Maserati Quattroporte និង Mercedes GLS 4×4 ពណ៌ខ្មៅ​ដែលត្រូវដឹកទៅដែរ។ ចំណែកឡានម៉ាក Chevrolet ដែល Man United បានផ្ដល់ឱ្យគាត់​ គាត់​រក្សាទុកឱ្យក្លិបវិញ។ Pogba នឹងសង្ឃឹមថាការជួបជុំគ្នាជាមួយនឹងរថយន្តរបស់គាត់អាចនាំឱ្យគាត់មានសំណាងល្អនៅក្នុងទីក្រុង Turin ។

ចាប់តាំងពីត្រូវបានដកចេញពីការប្រកួត Pre-season របស់ Juve មក ការភ័យខ្លាចបានចាប់ផ្តើមកើនឡើងដែលថារបួសរបស់ Pogba អាចធ្ងន់ធ្ងរជាងការគិតដំបូង។ របួសជង្គង់របស់ Pogba ដែលជាដំបៅនៃឆ្អឹងក្រោយ អាចធ្វើអោយគាត់អវត្តមានរហូតដល់ឆ្នាំ 2022។ គាត់ប្រហែលជាត្រូវការការវះកាត់ដែលអាចឃើញគាត់ត្រូវអវត្តមានរយៈពេល 5 ខែ មានន័យថាគាត់នឹងខកខានការប្រកួតបាល់ទាត់ពិភពលោក៕

បំណងប្រាថ្នារបស់សមាគមបាល់ទាត់ឥណ្ឌូណេស៊ី (PSSI) ក្នុងការចាកចេញពីសហព័ន្ធកីឡាបាល់ទាត់អាស៊ីអាគ្នេយ៍ (AFF) ហាក់ដូចជាមិនទាន់រលត់នៅឡើយទេ ខណៈពេលនេះស្ថាប័នមេមួយនេះនឹងជួបជាមួយគណៈកម្មាធិការប្រតិបត្តិ (Exco) ដើម្បីធ្វើការសម្រេចចុងក្រោយ។

ព័ត៏មានចុងក្រោយដែលផ្សាយនេះត្រូវបានបញ្ជាក់ដោយអគ្គលេខាធិការ PSSI លោក Yunus Nusi នៅក្នុងសេចក្តីថ្លែងការណ៍ផ្លូវការមួយកាលពីម្សិលមិញ។ ពួកគេនឹងពិភាក្សាពីគុណសម្បត្តិ និងគុណវិបត្តិនៃការចាកចេញពី AFF ហើយនឹងប្រកាសលទ្ធផលផ្លូវការ។

«យើង​នឹង​ពិភាក្សា​ជាមួយ​សមាជិក PSSI Exco ដើម្បី​ពិភាក្សា​ពី​គុណសម្បត្តិ និង​គុណវិបត្តិ​ដែល​យើង​ចាក​ចេញ​ពី AFF ឬ​ក៏​អត់ បន្ទាប់​មក​យើង​នឹង​សម្រេច»។

សម្ដីរបស់​លោក​ត្រូវបានគេដក​ស្រង់​​ក្នុង​គេហទំព័រ​ផ្លូវការ​របស់ PSSI ថា៖ «ទុក​ពេល​ឲ្យ​យើង​ជា​មុន​សិន បន្ទាប់​ពី​អ្វីៗ​ត្រូវ​បាន​បញ្ចប់ យើង​នឹង​ជម្រាប​ជូន​សាធារណជន»។

បញ្ហា PSSI ចាកចេញពី AFF បានកើតឡើងបន្ទាប់ពីពួកគេសង្ស័យថាក្រុមវៀតណាម និងថៃ ព្យាយាមឃុបឃិតគ្នា ដើម្បីកម្ចាត់ឥណ្ឌូនេស៊ីក្នុង AFF U-19 Cup កាលពីខែមុន។ បន្ទាប់មក PSSI បានផ្ញើការតវ៉ាជាផ្លូវការ ប៉ុន្តែ AFF បានបញ្ជាក់ថា មិនមានធាតុផ្សំនៃការក្លែងបន្លំនៅក្នុងការប្រកួតនោះទេ។

កន្លងមក អ្នកនិយមលេងអ៊ីនធឺណិតឥណ្ឌូនេស៊ីក៏បានទទូចឱ្យក្រុមជម្រើសជាតិរបស់ពួកគេចាកចេញពី AFF ខណៈដែលបង្ខំឱ្យ PSSI ពិចារណាលើសំណើសុំចូលរួមជាមួយសហព័ន្ធកីឡាបាល់ទាត់អាស៊ីបូព៌ា (EAFF)។ EAFF ត្រូវ​បាន​គេ​ចាត់​ទុក​ថា​មាន​ការ​ប្រកួត​ប្រជែង​ជាង ​ព្រោះ​វា​ក៏​រួម​បញ្ចូល​ឈ្មោះ​ជម្រើសជាតិធំៗ​ចំនួន​ពីរ​ក្នុង​កីឡា​បាល់ទាត់​អាស៊ី​គឺ​ជប៉ុន​ និង​កូរ៉េ​ខាង​ត្បូង​បន្ថែម​លើ​ប្រទេស​ផ្សេង​ទៀត​ដូច​ជា​ហុងកុង ម៉ុងហ្គោលី កូរ៉េ​ខាង​ជើង តៃវ៉ាន់ កោះ Guam ម៉ាកាវ និង​ប្រជុំ​កោះ Northern Mariana។

ដើម្បីជំនួសប្រទេសឥណ្ឌូនេស៊ី សហព័ន្ធបាល់ទាត់ឥណ្ឌា (AIFF) បានត្រៀមខ្លួនរួចជាស្រេចដើម្បីចូលរួមជាមួយ AFF ខណៈដែលចាកចេញពីសហព័ន្ធបាល់ទាត់អាស៊ីខាងត្បូង (SAFF)។ យោង​តាម AIFF បំណង​របស់​ពួកគេ​ក្នុង​ការ​ចូល​រួម AFF ត្រូវ​បាន​គេ​ទាក់ទង​គ្នា​អស់​រយៈពេល​ប៉ុន្មាន​ឆ្នាំ​កន្លង​មក​នេះ។ ប៉ុន្តែស្ថានភាពជំងឺរាតត្បាតដែលបានវាយប្រហារពិភពលោកនៅពេលនោះបានរារាំងពួកគេមិនឱ្យចាកចេញពី SAFF ៕