វា​មិន​មែន​ជារឿង​ចៃដន្យសោះ​ឡើយ តែ​វា​អាច​និយាយបាន​ជាសំណាងបូក​ជាមួយគុណភាព ដែល​វិសាខាកំពុងធ្វើ​បាន​ល្អ​ក្នុងពាន​រង្វាន់ AFC Cup 2022 វគ្គ​ជម្រុះ​ក្នុងពូល​ G ក្រោយ​បង្ហាញខ្លួន​២​ប្រកួត​ ឈ្នះទាំង២​ប្រកួត​ហើយ​មាន​ភាគរយខ្ពស់​ជាង​គេ​ក្នុង​ឡើង​ទៅ​វគ្គពាក់កណ្ដាលផ្ដាច់​ព្រ័ត្រអន្តរតំបន់។

ហេតុអ្វីថាសំណាង? ក្នុង​នាម​ជាជើងឯកពាន​សម្ដេច​ហ៊ុនសែន វិសាខា​ទទួលបាន​កៅអីវគ្គជម្រុះ​ play0ff ពាន AFC Cup 2022 តែ​ប៉ុណ្ណោះពី​កៅអី មួយកន្លះ​ដែល​ក្លិប​កម្ពុជា​ទទួល​បាន ខណៈដែល​ភ្នំពេញក្រោន​ជាម្ចាស់​ជើង​លីគកម្ពុជា​ទទួលបាន​កៅអីវគ្គជម្រុះក្នុងពូលស្វ័យប្រវត្តិ។ វគ្គជម្រុះ​ play0ff តំបន់​អាស៊ាន ក្រុមសេះស​ មួយ​នេះ​ត្រូវ​លេង​តទល់នឹង​ Young Elephant របស់​ឡាវ។ បើ​ក្រុមណា​ឈ្នះ​នឹង​ឡើង​ទៅវគ្គ​ជម្រុះក្នុងពូល។

អ្វីដែលចំណេញ! ក្រុម​ទាំងពីរ​មិនចាំបាច់​លេង​វគ្គ​នេះ​ឡើយ គឺ​ត្រូវ​ឡើង​មក​វគ្គ​ជម្រុះ​ក្នុង​ពូល G និង​ I រៀងៗខ្លួន​ដោយ​សារ​តែ​ក្លិបមីយ៉ាន់ម៉ា​ចំនួន​២​គឺ Shan United និង Hantharwady United ដែល​មាន​កៅអីក្នុងពូលស្រាប់ ​ត្រូវ​ដកខ្លួនចេញដោយ​សារ​បញ្ហាកូវីដ និង​បញ្ហានយោបាយក្នុង​ប្រទេស។

បើ​និយាយអំពី​គុណភាព ចូល​មក​ដល់​ក្នុង​ពូល​គ្មាន​នរណារំពឹង​ថា​វិសាខា​ធ្វើ​បាន​ល្អ​បែនេះនោះ​ឡើយ ពី​ព្រោះ​ពួក​គេ​ជាក្លិប​ថ្មីថ្មោងបំផុត​ដែល​មាន​បទពិសោធន៍​លេង​ពានអន្តរជាតិ​ទទួលស្គាល់​ពី​ AFC ​ប្រកួត​ទី​មួយ​បាន​យក​ឈ្នះ​ Kaya FC របស់​ហ្វីលីពីន២​ទល់​១។ របូត​គ្រាប់​បាល់​មុន​គឺ​ជា​អ្វី​ដែល​ពួក​គេ​ធ្វើ​ឱ្យ​អ្នក​គាំទ្រ​សឹង​តែ​អស់សង្ឃឹម ប៉ុន្តែ​ការ​វាយបក​យក​២​គ្រាប់​ពី កែន ចាន់សុភ័ក្ត្រ និង​សារ ទី​ជាមួយនឹង​ការ​បង្ហាញគុណផល​លេង​ដ៏​ជក់​ភ្នែកក្រោម ​ការ​ដឹកនាំរបស់​លោក មាស ចាន់ណា ធ្វើឱ្យ​ពួក​គេ​បាន​ក្លាយ​ជា​ក្លិប​ច្បាស់​ជើងឯកពាន Hun Sen Cup 2021 ឈ្នះការ​ប្រកួតដំបូងក្នុង​ប្រវត្តិសាស្រ្តក្លិបកម្ពុជា​លេង​នៅ AFC Cup ។

ការ​ប្រកួត​ទី២ប៉ះ​ជាមួយ Bali United ត្រូវ​បាន​គេ​រំពឹង​ថា ម្ចាស់​ពានសម្ដេច​ហ៊ុន សែន២សម័យកាលមួយ​នេះ​កំពុងតែជួប​ឧបសគ្គធំក្នុងប្រវត្តិសាស្រ្តពាន​អន្តរជាតិរបស់​ខ្លួន។ មិន​ខុស​ពី​ការ​ប្រកួតទីមួយ! ការ​របូត​គ្រាប់បាល់​មុន​ ជា​រឿង​មួយ​ដែល​ធ្វើភាគរយ​នៃ​ការ​ឈ្នះ​ត្រូវ​ថមថយ។ ប៉ុន្តែ​ការ​សហការ​គ្នាក្នុងក្រុម បូក​ជាមួយ​ការ​បង្ហាញគុណផល​លេង​របស់​កីឡាករម្នាក់ៗក្នុងក្រុម បាន​ធ្វើឱ្យ​ពួក​គេ​វាយ​បក​យក​៥​គ្រាប់​យ៉ាង​រន្ថើន។ ២​គ្រាប់​របស់​អ៊ុក សុវណ្ណ និង​ Paulo Victor និង​មួយ​គ្រាប់​របស់ Lee Jae-Gun ធ្វើឱ្យ​ក្លិប​មួយ​នេះ​រក​បាន​ជ័យជម្នះ២​ប្រកួត​ជាប់​គ្នាគួរឱ្យភ្ញាក់ផ្អើល។

នេះ​មានន័យថាវិសាខា​គឺ​ជាក្លិប​ជើងឯក Cup របស់កម្ពុជាដំបូង​គេដែល​រកបាន​ជ័យជម្នះ​២​ប្រកួត​ជាប់​គ្នាក្នុងវគ្គជម្រុះក្នុងពូល។ បឹង​កេត​ធ្លាប់​ឈ្នះ​២​ប្រកួត​ក្នុង​វគ្គ​ជម្រុះក្នុងពូលដែរ តែ​ក្នុង​នាម​ជា​ជើងឯក​លីគកំពូលកម្ពុជា ហើយ​មិន​បាន​ឈ្នះ​ការ​ប្រកួត២​លើកជាប់​គ្នាបែបនេះ​ទេ។

សម្រាប់​ការ​ប្រកួត​ចុងក្រោយ! វិសាខា​នឹង​ត្រូវ​ជួបក្រុម Kedah Darul Aman របស់​ម៉ាឡេស៊ី​ដែល​លេង​២​ប្រកួត​ឈ្នះមួយ​និងចាញ់​១ នៅ​ថ្ងៃទី៣០​ខែមិថុនាឆ្នាំ​២០២២។ ការ​ប្រកួត​នេះ វិសាខា​ត្រូវ​ការ​ឈ្នះជាចាំបាច់​ដើម្បីរក្សាតំណែង​កំពូលតារាងពូល G ដើម្បី​ឡើងទៅ​វគ្គ ASEAN Zonal semi-finals ដេល​លេង​តែ​មួយ​ជើង​តែ​ប៉ុណ្ណោះ៕

អត្ថបទដើម៖ ផេកពាន​រង្វាន់សម្ដេចហ៊ុន សែន

នៅឆ្នាំ 2023 ឥណ្ឌូណេស៊ីត្រូវបាន FIFA ទុកចិត្តធ្វើជាម្ចាស់ផ្ទះ U-20 World Cup ។ ព្រឹត្តិការណ៍នេះគឺជាមធ្យោបាយមួយដើម្បីស្វែងរកកីឡាករវ័យក្មេងល្អបំផុតដែលក្លាយជាគ្រាប់ពូជនៃតារាបាល់ទាត់នាពេលអនាគត។ អញ្ចឹងសូមពិចារណាការពិត 7 យ៉ាងខាងក្រោមអំពីការប្រកួត FIFA U-20 World Cup ឆ្នាំ 2023៖

-U20 World Cup នឹងត្រូវពន្យារពេលដល់ឆ្នាំ 2023៖ ដំបូងឡើយ U20 World Cup នឹងធ្វើឡើងនៅខែមីនា ឆ្នាំ 2021 នៅប្រទេសឥណ្ឌូនេស៊ី ប៉ុន្តែដោយ សារស្ថានភាពមិនទាន់បញ្ចប់នៃជំងឺរាតត្បាត COVID-19 ការប្រកួត U20 World Cup នឹងត្រូវបង្ខំចិត្តពន្យារពេលរហូតដល់ឆ្នាំ 2023។

-FIFA U-20 World Cup លើកដំបូងត្រូវបានប្រារព្ធឡើងនៅប្រទេសទុយនីស៊ី៖ ក្នុងឆ្នាំ 1977 FIFA បានធ្វើជាម្ចាស់ផ្ទះការប្រកួត U-20 World Cup នៅប្រទេសទុយនីស៊ី ដែលត្រូវបានបង្កើតឡើងដោយ Harry Cavan ដែលជានាយកប្រតិបត្តិរបស់ FIFA នៅពេលនោះ។

-អាហ្សង់ទីន​ជា​ប្រទេស​ឈ្នះ​ច្រើន​បំផុត៖ អាហ្សង់ទីន​ត្រូវ​បាន​គេ​ទស្សន៍ទាយ​ថា​ជា​ក្រុម​ដែល​ជោគជ័យ​បំផុត​ក្នុង​ព្រឹត្តិការណ៍ U-20 World Cup គ្រប់​ពេល។ ពីឆ្នាំ 1995 ដល់ 2007 អាហ្សង់ទីនអាចនាំយកពានរង្វាន់មកផ្ទះវិញបាន 5 ដង។ អាហ្សង់ទីន​ក៏​អាច​រក​បាន​តារា​របស់​ខ្លួន​ពី​ការ​ប្រកួត​ដូច​ជា Javier Saviola, Lionel Messi និង Sergio Aguero។

-ប្រទេសឥណ្ឌូណេស៊ីធ្វើជាម្ចាស់ផ្ទះជាលើកដំបូងនៅចុងឆ្នាំ 2019៖ ឥណ្ឌូណេស៊ីបានយកឈ្នះគូប្រជែងរបស់ខ្លួនចំនួនពីរគឺប្រេស៊ីល និងប៉េរូ ដើម្បីធ្វើម្ចាស់ផ្ទះការប្រកួតបាល់ទាត់ពិភពលោក U-20 លើកទី២២។ នេះ​ជា​ព្រឹត្តិការណ៍​សំខាន់​ដំបូង​សម្រាប់​ប្រទេស​ឥណ្ឌូណេស៊ី​ក្នុង​ការ​ធ្វើ​ជា​ម្ចាស់​ផ្ទះ​នៃ​ការ​ប្រកួត​បាល់​ទាត់​ដ៏​ធំ​បំផុត​របស់​ពិភពលោក។

-INAFOC ត្រូវបានតែងតាំងជាគណៈកម្មាធិកាកាលពីដើមខែកក្កដាកន្លងទៅ៖ ប្រធាន Joko Widodo បានសម្រេចចិត្តបង្កើត INAFOC (Indonesia FIFA U-20 World Cup 2023 Committee) និងបានតែងតាំងលោក Zainudin Amali រដ្ឋមន្ត្រីក្រសួងយុវជន និងកីឡា (Menpora) ជាប្រធានគណៈ កម្មាធិការ ។ ទោះបីជាប្រធាន INAFOC ត្រូវបានតែងតាំងដោយប្រធានក៏ដោយ FIFA នៅតែដឹកនាំរចនាសម្ព័ន្ធគ្រប់គ្រងរបស់ខ្លួន។

-ប្រារព្ធឡើងនៅក្នុងពហុកីឡដ្ឋានចំនួន 6 ដែលរីករាលដាលទូទាំងខេត្តចំនួន 5៖ នៅក្នុងការអនុវត្តរបស់ខ្លួន ព្រឹត្តិការណ៍ FIFA U-20 World Cup ឆ្នាំ 2023 នឹងធ្វើឡើងនៅក្នុងកីឡដ្ឋានចំនួន 6 គឺកីឡដ្ឋាន Gelora Bung Karno Jakarta, Gelora Bung Tomo Stadium Surabaya, Gelora Sriwijaya Stadium Palembang, Manahan Solo Stadium, កីឡដ្ឋាន Kapten I Wayan Dipta Bali និងកីឡដ្ឋាន Si Jalak Harupat Bandung ។ កីឡដ្ឋានទាំងប្រាំមួយត្រូវបានជ្រើសរើសដោយ FIFA ពីកីឡដ្ឋានចំនួន 10 ដែលស្នើឡើងដោយរដ្ឋាភិបាល។

-24 ក្រុមនឹងប្រកួតប្រជែង (ក្រុម A ឥណ្ឌូនេស៊ី)៖ នៅក្នុងការប្រកួតដ៏មានកិត្យានុភាពនេះ នឹងមាន 24 ប្រទេស/ក្រុមចូលរួមប្រកួតប្រជែងដណ្តើមពានរង្វាន់ជើងឯកនេះ។ ក្នុង​នាម​ជា​ប្រទេស​ម្ចាស់​ផ្ទះ ឥណ្ឌូណេស៊ី​បាន​បញ្ជាក់​ជំហរ​របស់​ខ្លួន​ក្នុង​ពូល A។

ព្រឹត្តិការណ៍កីឡាបាល់ទាត់ដ៏ធំនេះ មានការទន្ទឹងរង់ចាំយ៉ាងខ្លាំង មិនត្រឹមតែសម្រាប់ការត្រៀមខ្លួនរបស់ឥណ្ឌូនេស៊ីក្នុងនាមជាម្ចាស់ផ្ទះប៉ុណ្ណោះទេ ប៉ុន្តែក៏ជាសក្តានុពលរបស់ Garuda Muda ក្នុងការប្រឈមមុខនឹងគូប្រជែងដ៏ស្វិតស្វាញពីប្រទេសផ្សេងៗផងដែរ។ Datra សង្ឃឹមថា ព្រឹត្តិការណ៍ FIFA U-20 World Cup 2023 អាចដំណើរការដោយរលូន ហើយអាចក្លាយជាគោលដៅទេសចរណ៍កីឡាអន្តរជាតិនៅពេលក្រោយ។

សហព័ន្ធបាល់ទាត់ឡាវ (LFF) បានប្រកាសថា Lao Ford City Ltd. ជាអ្នកឧបត្ថម្ភពានរង្វាន់ LFF Cup 2022 ដែលនឹងប្រព្រឹត្តទៅនៅទីក្រុងចំនួនបួនដែលមានដូចជាទីក្រុងវៀងច័ន្ទន៍ ចំប៉ាសាក់ និងហ្លួងប្រាបាងក្នុងខែសីហាឆ្នាំនេះ។

ក្រុមហ៊ុន Lao Ford City Co Ltd បានដំណើរការនៅក្នុងប្រទេសតាំងពីឆ្នាំ 2004 គឺជាអ្នកចែកចាយផ្តាច់មុខតែមួយគត់សម្រាប់ក្រុមហ៊ុន Ford Motor ក្នុងប្រទេសឡាវ។ LFF Lao Ford Cup គឺ​ជា​ការ​ប្រកួត​ជម្រុះ​បាល់ទាត់​ប្រចាំ​ឆ្នាំ​សម្រាប់​ជើង​ឯក​លីគ​កំពូល​ឡាវ។

លោក Viphet Sichachakr ប្រធាន LFF បាន​និយាយថា៖«យើងមានសេចក្តីសោមនស្សរីករាយក្នុងការស្វាគមន៍ Lao Ford City ក្នុងនាមជាអ្នកឧបត្ថម្ភពានរង្វាន់ LFF Cup 2022។ ក្រុមហ៊ុន Ford គឺជាអ្នកដឹកនាំឧស្សាហកម្មរថយន្ត ដែលចែករំលែកចក្ខុវិស័យរបស់យើងក្នុងការផ្តល់លទ្ធភាពប្រើប្រាស់ និងបទពិសោធន៍របស់អតិថិជន ខណៈពេលដែលធ្វើឱ្យប្រាកដថាយើងជាដៃគូសហគមន៍ពិតនៅទូទាំងប្រទេសឡាវដែលបង្កើត វា​ជា​ដៃគូ​ដ៏​ស័ក្តិសម​ក្នុង​ការ​ពង្រីក​វិស័យ​កីឡា​របស់​យើង​ក្នុង​ប្រទេស​ឡាវ»។

នាយកគ្រប់គ្រងក្រុមហ៊ុន Automotive RMA Lao បាន​ថ្លែង​ក្នុងពិធីចុះហត្ថលេខានេះដែរថា៖ “Lao Ford City រំភើបចិត្តក្នុងការចាប់ដៃគូជាមួយសហព័ន្ធបាល់ទាត់ឡាវ។ យើងទន្ទឹងរង់ចាំធ្វើការជាមួយអង្គការដែលបំផុសអារម្មណ៍ និងចំណង់ចំណូលចិត្តចំពោះកីឡាបាល់ទាត់»។

“ការធានាភាពជាដៃគូជាមួយក្រុមហ៊ុន គឺជាឱកាសពិសេសមួយសម្រាប់ក្រុមហ៊ុនរបស់យើង ដោយផ្តល់ឱ្យយើងនូវលទ្ធភាពដ៏ធំធេងមួយ នៅពេលដែលយើងបន្តខិតខំប្រឹងប្រែងដោយមិននឿយហត់ឆ្ពោះទៅរកការពង្រីកម៉ាកយីហោរបស់យើងនៅគ្រប់តំបន់។ ឥឡូវនេះ យើងទន្ទឹងរង់ចាំជាមួយនឹងការកើនឡើងនៃក្តីរំភើបសម្រាប់ហ្គេមនេះ!”។

LFF Cup 2022 គឺ​ជាពានខាប់​របស់​វិស័យបាល់​ទាត់​ឡាវ​ដែល​គ្រប់​គ្រង​ដោយ​សហព័ន្ធកីឡាបាល់​ទាត់​ឡាវ។ពាន​រង្វាន់​មួយ​នេះ​ហាក់​បង្ហាញខ្លួន​មិន​សូវ​ទៀង​ទាត់​នោះ​ទេ ដោយ​បាន​បង្ហាញខ្លួន​ឆ្នាំ២០១៤, ២០១៩, ២០២០, ហើយ​ឆ្នាំ២០២២​នេះ​គ្រោង​នឹង​ចាប់​ផ្ដើម​ដែលមាន ៨​ក្រុមចូលរួមទូទាំងប្រទេស ប៉ុន្តែ​ឆ្នាំ២០២២​នេះ​លឺ​ថា​លេង​តែ​បួនទីក្រុងប៉ណ្ណោះ៕

ទាំងម្ចាស់ផ្ទះ Bali United របស់ឥណ្ឌូនេស៊ី និង ក្លិបវិសាខា ដំណាងឲ្យកម្ពុជា សុទ្ធសឹងតែទទួលបាន ៣ពិន្ទុពេញពីប្រកួតដំបូងក្នុងពូល G ក្រោយពី Bali ឈ្នះក្រុមម៉ាឡេស៊ី Kedah FC ២ទល់នឹង០ ខណៈដែលវិសាខាទទួលជ័យជម្នះលើ KAYA FC របស់ហ្វីលីពីន ២ទល់នឹង១ ។ នៅក្នុងសន្និសីទសារព័ត៏មានមុនការប្រកួតទី២ AFC CUP 2022 របស់ក្លិបកម្ពុជាវិសាខា ជាមួយក្រុមជើងឯកលីគកំពូលឥណ្ឌូនេស៊ី Bali United នៅថ្ងៃស្អែកនេះ វេលាម៉ោង០៤៖០០នាទីល្ងាច(នៅកម្ពុជា) លោក មាស ចាន់ណា នឹងផ្ដោតសំខាន់ទៅលើការលេងជាក្រុមទាំងមូលរបស់ម្ចាស់ផ្ទះ ដោយនឹងមិនប្រុងប្រយ័ត្នខ្លាំងពេកលើអតីតម្ចាស់ស្បែកជើងមាសលីគកំពូលកម្ពុជាឆ្នាំ ២០២០ ខ្សែប្រយុទ្ធ Privat ពេកនោះទេ។

គ្រូបង្គោលវ័យ ៣៨ឆ្នាំ ដែលធ្លាប់បានសហការគ្នាជាគ្រូបង្វឹក និងកីឡាករ ជាមួយ Privat Mbarga ពេលប្រកបអាជីពនៅក្លិបណាហ្គាវើលដ៏ ក្នុងរដូវកាល២០១៦ បាននិយាយថា«គាត់មិនមែនជាកីឡាករសំខាន់ដែលផ្ដោតខ្លាំងនោះទេសម្រាប់ខ្ញុំ ដោយសារកីឡាករក្នុងស្រុករបស់យើង រួមទាំងខ្សែការពារ ស្គាល់គាត់ច្បាស់។ ជាងនេះទៅទៀតក្នុងការផ្តោតលើក្រុមរបស់ខ្ញុំ ព្រោះការស៊ុតបាល់បញ្ចូលទីមិនមែនជាការបណ្តោយឲ្យកើតមានគ្រាប់បាល់ងាយៗនោះទេ»។ អតីតគ្រូបង្វឹកដែលដឹកនាំ ណាហ្គាវើលដ៏ឈ្នះជើងឯកលីគកំពូលកម្ពុជាឆ្នាំ២០១៨ រូបនេះបានបន្តថា «លោកនឹងមិនផ្តោតលើ Privat Mbarga ម្នាក់ឯងឡើយ។ ព្រោះថា Bali United មានកីឡាករគ្រោះថ្នាក់ច្រើន។ ពេលនេះខ្ញុំមិនចង់ផ្តោតលើគាត់ទេ ប៉ុន្តែផ្តោតលើក្រុមទាំងមូល ដោយសារតែពួកគេមានកីឡាករដែលមានគុណភាពសប្បូរបែប។ ដូច្នេះយើងគ្រាន់តែផ្តោតលើកលល្បិចដែលគ្រូបង្វឹកបានរៀបចំ»។

ក្រុមភ្នំពេញក្រោន​នឹង​ត្រូវ​ជួប​គ្នា​ជាមួយក្រុមម្ចាស់ទឹក​ដី​វៀតណាម Viettel FC ក្នុង​ការ​ប្រកួត​ទី​២នៃ​វគ្គ​ជម្រុះ​ពូល I ពាន​រង្វាន់ AFC Cup 2022 ស្រប​ពេល​គ្រូបង្វឹក​ទាំងពីរ​ប្ដេជ្ញាយក​ឈ្នះការ​ប្រកួត​នេះរៀងៗខ្លួន។

ឆ្លើយតបនឹងសន្និសីទសារព័ត៌មានមុនការប្រកួតទល់នឹងភ្នំពេញក្រោន គ្រូបង្វឹក Viettel FC  លោក Bae Jiwon បានប្តេជ្ញាចិត្តថានឹងសម្រេចបានលទ្ធផលល្អបំផុតសម្រាប់ការប្រកួតដ៏សំខាន់ក្នុងពូល៖

«យើងមើលឃើញថា ភ្នំពេញក្រោន ជាក្រុមបាល់ទាត់ដ៏ល្អមួយ។ ពួកគេមានក្រុមល្អ និងមាន​ចង្វាក់ប្រយុទ្ធដ៏ក្លាហាន។ ជាមួយនឹងគូប្រកួតបន្ទាប់ យើងប្រាកដជាឈ្នះ។ ខ្ញុំមិនមានសម្ពាធខ្លាំងពេកទេ។ ខ្ញុំយល់ពីកីឡាកររបស់ខ្ញុំ។ យើងលេងបាល់ទាត់របស់យើង ដើម្បីគោលដៅដ៏ល្អបំផុត»។

ដោយឡែក​លោក Oleg Starynskyi គ្រូ​បង្វឹក​ក្រុម​ភ្នំពេញ​ក្រោនវិញ​ក៏​ត្រូវ​ការ​ឈ្នះដើម្បី​បន្ត​ដង្ហើម​ទទៅ​មុខ​ទៀត បន្ទាបប់​ពី​ចាញ់​ក្រុម Hougang United ៣ទល់៤កាល​ពពី​ប្រកួតទី​មួយ៖

«ការប្រកួតនៅថ្ងៃស្អែកគឺជាចំណុចរបត់មួយសម្រាប់ក្រុមទាំងពីរ ជាពិសេសពួកយើង។ មានតែការឈ្នះទេ ដែលផ្តល់ឱ្យយើងនូវឱកាសដើម្បីបន្តទៅមុខទៀត​។ ខ្ញុំមានកីឡាករជម្រើសជាតិកម្ពុជា។ យើងបង្ហាញពីហ្គេមដែលព្យាយាមគ្រប់គ្រងហ្គេម និងទទួលបានលទ្ធផលល្អបំផុត។ យើងមានការតាំងចិត្ត និងរំភើប។
ហើយ​ខ្ញុំ​និយាយ​ដដែលៗ​ថា​មាន​តែ​ការ​ទទួល​ជ័យ​ជម្នះ​បន្ត​ទៀត “។

មុន​ជួប​ជាមួយភ្នំពេញក្រោន​ដែល​ជាក្រុម​មានឱកាស​លេង​ AFC Cup ដោយ​សារ​ឈ្នះជើងឯក​លីគកំពូលកម្ពុជារដូវ​កាល​២០២១ Viettel FC បាន​យក​ឈ្នះក្រុម​ឡាវ Young Elephant ៥ទល់១ ក្នុងការ​ប្រកួតទី​មួយ។ ពួគគេ​នឹង​ជួប​គ្នា​នោ​ថ្ងៃ​ទី២៧​ខែ​មិថុនាឆ្នាំ២០២២​នៅ​កីឡដ្ឋាន Thoung Nhat Stadium ទីក្រុងហូជីមិញ ប្រទេស​វៀតណាម៕

អតីតជើងឯកលីគមីយ៉ាន់ម៉ា Yangon United បាន​យក​ឈ្នះ​ក្រុម Myawady FC ក្នុងលទ្ធផល 2-0 នៅក្នុងការប្រកួតដែលធ្វើឡើងនៅកីឡដ្ឋាន Thuwunna នៃពានរង្វាន់ Myanmar National League (MNL) 2022 ។

ដោយប្រើប្រាស់កីឡាករក្មេងៗភាគច្រើន កីឡាកររបស់ Yangon United បានធ្វើឱ្យ​រនាំងការពាររបស់ Myawady មាន​ការ​ភ្ញាក់ផ្អើលនិង​ស្លន់ស្លោរ នៅដើមនាទីទី 7 បន្ទាប់ពីការព្យាយាមរបស់ Law Min Htwe ទាត់​បុករបារទី។ ​ប្រាំមួយ​នាទី​ក្រោយ​មក​  Min Htwe ដដែលបាន​ស៊ុត​បាល់​បញ្ចូល​ទី​យ៉ាង​ល្អ​ពី​កៀកតំបន់​ទី​ធ្វើឱ្យ Yangon United នាំមុខមួយ​គ្រាប់​មុន។

បន្ទាប់មក Htet Phyo Wai រកបានមួយគ្រាប់បន្ថែមឲ្យ Yangon United ដោយគ្រាប់ទីពីរនៃការប្រកួតនៅនាទីទី 37 ។  លោក Min Tun Lin គ្រូ​បង្វឹក​របស់ Yangon United បាន​និយាយ។

“វាជារឿងល្អដែលយើងឈ្នះថ្ងៃនេះ។ ប៉ុន្តែ​បន្ទាប់​ពី​សម្រាក​ជិត​ពីរ​ឆ្នាំ​ទៅ​ហើយ មាន​ផ្នែក​មួយ​ចំនួន​ដែល​យើង​ត្រូវ​កែ​លម្អ” ។

បន្ទាប់ពីកិច្ចប្រជុំដែលបានធ្វើឡើងកាលពីពេលថ្មីៗនេះរវាងគណៈកម្មាធិការលីគបាល់ទាត់មីយ៉ាន់ម៉ាជាមួយប្រធានសមាគមបាល់ទាត់មីយ៉ាន់ម៉ា និងម្ចាស់/ប្រធានសមាគមក្លឹប Myanmar National League សកម្មភាពការប្រកួតលីគកំពូលប្រទេសមីយ៉ាន់ម៉ានឹងចាប់ផ្ដើមរដូវកាលថ្មី នៅថ្ងៃទី២៥ ខែមិថុនា ឆ្នាំ២០២២ រហូតដល់ថ្ងៃទី៦ ខែវិច្ឆិកា ឆ្នាំ២០២២។

ការប្រកួតលីគកំពូលមីយ៉ាន់រដូវកាលឆ្នាំ២០២២នេះ​ ត្រូវបានរាយការណ៍ថាមានក្រុមចំនួន១០ ចូលរួមប្រកួតប្រជែង ខណៈដែល Shan United ជាក្រុមចុងក្រោយដែលឈ្នះជើងឯក Myanmar National League 2020 មុននឹងត្រូវអសកម្មភាពជាង២ឆ្នាំ ដោយសារវិបត្តិកូវីដ១៩ និងវិបត្តនយោបាយក្នុងប្រទេសមីយ៉ានម៉ា។