សហព័ន្ធកីឡាបាល់ទាត់ហ្វីលីពីន (PFF) បានបញ្ជាក់ថា កីឡដ្ឋាន Rizal Memorial Football Stadium ក្នុងទីក្រុងម៉ានីល នឹងក្លាយជាកន្លែងមួយសម្រាប់ការប្រកួតបាល់ទាត់នារីលំដាប់កំពូលរបស់អាស៊ីអាគ្នេយ៍ ដែលចាប់ផ្តើមនៅថ្ងៃទី ៤ ខែកក្កដា ឆ្នាំ ២០២២។

សាងសង់ឡើងក្នុងឆ្នាំ 1934 កីឡដ្ឋានដែលមានកៅអីអង្គុយចំនួន 12,873 ដែលបានធ្វើជាម្ចាស់ផ្ទះសម្រាប់ការប្រកួតបាល់ទាត់ជាប្រវត្តិសាស្ត្រជាច្រើនដែលពាក់ព័ន្ធនឹងក្រុមបាល់ទាត់ជម្រើសជាតិហ្វីលីពីនពេញមួយឆ្នាំនោះ នឹងធ្វើជាម្ចាស់ផ្ទះការប្រកួតអន្តរជាតិជាលើកដំបូងរបស់ពួកគេចាប់តាំងពីដំណាក់កាលនៃព្រឹត្តិការណ៍កីឡាអាស៊ីអាគ្នេយ៍លើកទី 30 កាលពីបីឆ្នាំមុន។

ប្រធាន PFF លោក Mariano Araneta Jr បាននិយាយថា៖ “យើងមានសេចក្តីសោមនស្សរីករាយក្នុងការស្វាគមន៍ប្រទេសទាំង 10 ដែលនឹងមកដល់សម្រាប់ព្រឹត្តិការណ៍ AFF Women’s Championship 2022” ។

“យើងចង់បង្ហាញឱ្យអស់ពីសមត្ថភាពរបស់យើងក្នុងការធ្វើជាម្ចាស់ផ្ទះ​ហើយ​នេះជាពេលវេលាដ៏រំភើបមួយសម្រាប់កីឡាបាល់ទាត់នារីក្នុងតំបន់ជាមួយនឹងប្រទេសហ្វីលីពីន និងវៀតណាមដែលជម្រុះសម្រាប់ FIFA Women’s World Cup នៅដើមឆ្នាំនេះ រួមជាមួយនឹងសហម្ចាស់ផ្ទះអូស្ត្រាលី”។

Araneta ក៏បានប្រកាសថាកីឡដ្ឋាន Rizal Memorial Football Stadium នឹងក្លាយជាកន្លែងសម្រាប់ការប្រកួតតាមពូល វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ។

“PFF យល់ឃើញថាយើងមានកីឡដ្ឋាន Rizal Memorial Football Stadium ដែលអាចធ្វើជាម្ចាស់ផ្ទះការប្រកួត AFF Women’s Championship 2022″។

“វាស័ក្តិសមដែលក្រុមបាល់ទាត់ជម្រើសជាតិនារីហ្វីលីពីន ដែលជាប់នឹងការប្រកួត FIFA Women’s World Cup របស់យើងនៅកីឡដ្ឋាន Rizal Memorial Football Stadium។ យើងសូមថ្លែងអំណរគុណយ៉ាងជ្រាលជ្រៅដល់គណៈកម្មការកីឡាហ្វីលីពីនដែលដឹកនាំដោយប្រធានលោក William Ramirez និងនាយកប្រតិបត្តិ Atty Guillermo B. Iroy, Jr. សម្រាប់ការគាំទ្ររបស់ពួកគេចំពោះបាល់ទាត់។

កីឡដ្ឋាន Biñan Football Stadium នៅ Biñan, Laguna និង City of Imus Stadium ក្នុងតំបន់ Imus, Cavite ក៏នឹងធ្វើជាម្ចាស់ផ្ទះការប្រកួត AFF Women’s Championship 2022 ខណៈដែល PFF National Training Center គឺជាកន្លែងហ្វឹកហាត់មួយ។

ហ្សាកាតា (២៤ មិថុនា ២០២២) – ក្រុមជម្រើសជាតិប្រ៊ុយណេអាយុក្រោម ១៩ឆ្នាំ បានមកដល់ទីក្រុងហ្សាកាតានៅថ្ងៃនេះហើយ ដោយធ្វើឱ្យពួកគេក្លាយជាក្រុមដំបូងគេមក​ដល់ក្នុងប្រទេសឥណ្ឌូនេស៊ី សម្រាប់ព្រឹត្តិការណ៍ AFF U19 Boys Championship 2022 ដែលនឹងត្រូវចាប់ផ្តើមនៅដើមខែក្រោយ។

អ្នកដឹកនាំគណៈប្រតិភូប្រ៊ុយណេគឺប្រធានក្រុម Mohd Nazib Ali ជំនួយដោយអ្នកគ្រប់គ្រងក្រុម Bujang Japar រួមជាមួយគ្រូបង្វឹក Faisalani Ghani ។ នៅទីក្រុងហ្សាការតា ផែនការនេះគឺសម្រាប់ក្រុមមិនត្រឹមតែធ្វើការលើសពីមត្ថភាពរាងកាយរបស់ពួកគេប៉ុណ្ណោះទេ ប៉ុន្តែថែមទាំងលេងការប្រកួតមិត្តភាពជាច្រើនផងដែរ ខណៈដែលពួកគេកំពុងរៀបចំក្រុមត្រៀមប្រកួតប្រជែងសម្រាប់ពូល A ដែលរួមមានម្ចាស់ផ្ទះឥណ្ឌូនេស៊ី មីយ៉ាន់ម៉ា វៀតណាម ថៃ និងហ្វីលីពីន។

ប្រ៊ុយណេនឹងលេងក្នុងការប្រកួតបើកឆាកឆ្នាំនេះជាមួយមីយ៉ាន់ម៉ា នៅថ្ងៃទី 2 ខែកក្កដា ឆ្នាំ 2022 នៅកីឡដ្ឋាន Madya។ ពូល B មាន ម៉ាឡេស៊ី ឡាវ ទីម័រខាងកើត កម្ពុជា និងសិង្ហបុរី។

កីឡាករវ័យក្មេង​របស់អាស៊ីអឺរ៉ុប វ៉ាន់ វីតគឺ​ជាកីឡាករម្នាក់​ក្នុងចំណោម៣​នាក់របស់​ក្លិប​ដែលមានឈ្មោះ​ក្នុង​បញ្ជី​ចុងក្រោយនៃជម្រើស​ជាតិ​ U19 កម្ពុជាត្រៀម​សម្រាប់ពាន​រង្វាន់ AFF U-19 Boy Championship 2022 នៅ​ប្រទេស​ឥណ្ឌូនេស៊ី។

អតីតកម្មករសំណង់រូបនេះ​បាន​ជាប់​ជម្រើស​ជាតិ​តាម​គោលបំណងរបស់​ខ្លួន​ហើយ។ ក្នុង​សារឆ្លើយឆ្លងជាមួយ B8 Sport រូប​គេបង្ហាញភាពសប្បាយរីករាយ​ ហើយ​គោលបំណង​នៃ​ការ​ប្រឹង​ប្រែងរបស់ខ្លួន។

«ខ្ញុំសប្បាយចិត្តណាស់ដែលមានឈ្មោះក្នុងបញ្ជីចុងក្រោយ​របស់ជម្រើស​ជាតិ។ ឆ្លង​ការត់ការ​ធ្វើតេស្តិ៍ជាច្រើនដំណាក់កាល និង​ពិបាក​ទៅៗ ខ្ញុំមិននឹកស្មានទេ តែពេលនេះវា​គ្រាន់​តែ​ជាចាប់​ផ្ដើម​ប៉ុណ្ណោះ”។

«វា​មិន​មែន​ជារឿងចៃដន្យទេបង។ ខ្ញុំជាប់​ជម្រើស​ជាតិ​នេះ​ដោយ​ការ​ប្រឹងប្រែងដោយ​ខ្លួន​ឯងផង ជាមួយមិត្តរួម​ក្រុម រៀនសូត្រពី​រៀមច្បង ពិសេសអរគុណ​គ្រូបង្វឹកមែន​ទែន​ដែលគាត់​ផ្ដល់ឱកាស​ឱ្យខ្ញុំបាន​បង្ហាញសមត្ថភាពក្នុងការ​ប្រកួតលីគ និងខាប់​កន្លងមក។ ពេល​មាន​ចំណុចខ្វះខាតគាត់តែងតែងណែនាំ”។

លើស​ពី​នេះកីឡាករវ័យ១៨ឆ្នាំមានកំណើតនៅស្រុកសន្ទុក ខេត្តកំពង់ធំ​រូបនេះបាន​បន្ត​ថា៖« ក្នុង​រដូវ​កាល​នេះ​ខ្ញុំមានឱកាស​បាន​លេង​ច្រើនក្នុងក្រោម ពិសេស​ក្នុង​ជម្រើស១១នាក់ដំបូងគ្រប់​ការ​ប្រកួត។ កីឡាករក្នុងក្រុមពិត​ជាមាន​ការ​ប្រកួតប្រជែងខ្ពស់​ណាស់បង ទោះ​បី​ជាក្រុម​យើងលេង​ក្នុង​លីគ​ទី​២​ក៏​ដោយ។ ដំបូងឡើយ! ខ្ញុំគិត​ថាគ្មានសង្ឃឹម​ដែរ តែប្រឹងយូរៗទៅ ឃើញ​ថាបាន​ផលហើយក៏មានឱកាស​លេងអញ្ចឹង​ទៅ”។

វ៉ាន់ វីត គឺជាខ្សែបម្រើវ័យក្មេងមួយរូបនៅអាស៊ីអឺរ៉ុបយូណាយធីត ដោយត្រូវបានដំឡើងពីក្រុមថ្នាលយុវជនមកកាន់ក្រុមធំក្នុងរដូវកាល ២០២១នេះ។កីឡាករវ័យ១៨ឆ្នាំមានកំណើតនៅស្រុកសន្ទុក ខេត្តកំពង់ធំ មានឪពុកម្ដាយជាអ្នកលក់ដូរតិចតួចនៅផ្ទះ។ ដោយសារតែបញ្ហាជីវភាព គេបានបង្ខំចិត្តឈប់រៀនត្រឹមថ្នាក់ទី៤ ចាប់ការងារជាកម្មករសំណង់ជាមួយពូ ដោយទទួលបានថ្លៃពលកម្ម២ម៉ឺនរៀលក្នុងមួយថ្ងៃ។ធ្វើការសំណង់បានមួយរយៈ គេក៏សម្រេចចិត្តទៅធ្វើការជាអ្នកតំណាងចែកចាយផលិតផលជាមួយបងប្រុសវិញ។

អំឡុងធ្វើការជាអ្នកតំណាងចែកចាយ វ៉ាន់ វីត ក៏ឆ្លៀតលេងបាល់ទាត់ជាប្រចាំដែរ។ ក្រោយមក គេបានសម្រេចចិត្តចូលធ្វើតេស្ដនៅក្រុមអាយុក្រោម១៨ឆ្នាំអាស៊ីអឺរ៉ុយូណាយធីត កាលឆ្នាំ២០២០ ដោយមានការណែនាំពីគ្រូៗដែលជាអ្នកស្គាល់គ្នា ហើយក៏បានជាប់ជាស្ថាពរ។ ត្រឹមរយៈពេលមួយឆ្នាំ គេក៏ត្រូវបានគ្រូបង្គោលក្រុមធំ គឺលោក សុក វាសនា កោះហៅចូលរួមការប្រកួតក្របខណ្ឌ Metfone Cambodian League 2021 តែម្ដង។

នៅអាស៊ីអឺរ៉ុបយូណាយធីត ក្រៅពីបានប្រាក់ខែសមល្មម វ៉ាន់ វីត ក៏ទទួលបានកន្លែងស្នាក់នៅ និងការជួយទំនុកបម្រុងផ្សេងពីក្លិប និងពីម្ចាស់ហាងស៊ុបពពែពេញចិត្តទៀតផង។ គេបានទុកប្រាក់ខែមួយភាគផ្ញើដល់គ្រួសារនៅស្រុកកំណើតជាប្រចាំផងដែរ។

ម្ចាស់ជើងឯកលីគកំពូលកម្ពុជាឆ្នាំ២០២១ ភ្នំពេញក្រោនត្រូវចាប់ផ្ដើមប្រកួតបើកឆាកនៃពានរង្វាន់ AFC CUP 2022 ក្នុងពូល I ជាមួយក្រុមចំណាត់ថ្នាក់លេខ៣ លីគកំពូលសិង្ហបុរីរដូវកាលមុន Hougang United នៅថ្ងៃសុក្រស្អែកនេះ វេលាម៉ោង០៩៖០០នាទីយប់ នៅកីឡដ្ឋាន Thong Nhat Stadium នៃទីក្រុងហូជីមិញ ប្រទេសវៀតណាម។

មុនការប្រកួតឈានមកដល់គ្រូបង្វឹកនៃក្រុមទាំង២ សុទ្ធសឹងតែមានជំនឿលើកូនក្រុម និងគូរពទៅដល់គូប្រកួតខ្លួនទៅវិញទៅមកក្នុងការនិយាយលើសន្និសីទសារព័ត៌មាននៃការប្រកួត។ គ្រូបង្វឹក Clement Teo របស់ Hougang United បាននិយាយថា៖ «ការប្រកួតជាមួយភ្នំពេញក្រោននឹងជាការលេងដ៏គួរឲ្យការចាប់អារម្មណ៍និងការប្រកួតប្រជែងប្រជែង។ ពួកគេជាក្រុមដែលបានអភិវឌ្ឍន៍ជាច្រើនឆ្នាំមកហើយ។ យ៉ាងណាក៏ដោយ យើងកំពុងទន្ទឹងរង់ចាំការប្រកួតនៅថ្ងៃស្អែក ហើយធ្វើឱ្យបានល្អដើម្បីឈានទៅវគ្គបន្ត»។

សម្រាប់គ្រូបង្គោលភ្នំពេញក្រោន លោក Oleg Staranskyi ក៏បានលើកឡើងថា៖ «សម្រាប់ក្រុមក្នុងពូលរបស់យើងគឹមិនសូវជាឆ្ងាយគ្នាប៉ុន្មានទេ ព្រោះសុទ្ធតែជាក្រុមល្អៗប្រចាំប្រទេស។ សម្រាប់ការប្រកួតជាមួយ Hougang United ខ្ញុំបានទស្សនាការប្រកួតរបស់គេ និងវិភាគដែរ ដោយពួកគេព្យាយាមលេងគ្រប់គ្រងការប្រកួតច្រើន។ ហើយនៅទីនេះមិនខុសពីកម្ពុជាទេ ទាំងពេលវាលា និងអាកាសធាតុ ខ្ញុំរីករាយនឹងពេលវេលាប្រកួតម៉ោង៩យប់ផងដែរ។ សម្រាប់ទីលានប្រកួតគឺល្អមែនទែន ប៉ុន្តែសម្រាប់ចំនុចអវិជ្ជមាននោះគឺទីលានហ្វឹកហាត់ ព្រោះក្នុងនាមជាគ្រូបង្វឹកខ្ញុំចង់ឲ្យកីឡាករលេងឲ្យអស់ពីសមត្ថភាពក្នុងពេលហ្វឹកហាត់ ប៉ុន្តែសម្រាប់ទីលានគឺយើងមិនអាចធ្វើបាន»។

ជាមួយគ្នានេះផងដែរប្រធានក្រុមទាំងពីររូបដែលមានវត្តមាននៅក្នុងសន្និសីទការសែត ក៏បានបញ្ចេញមតិផ្ទាល់ខ្លួន ជាមួយនឹងការតាំងចិត្តរបស់ពួកគេប្រកបដោយឆន្ទៈ។ ប្រធានក្រុមភ្នំពេញក្រោន កីឡាករ ជួន ចាន់ចាវ និយាយថា៖ «យើងត្រៀមខ្លួនរួចរាល់ហើយសម្រាប់ការប្រកួត ព្រោះពានរង្វាន់ឌ៏ធំសម្រាប់ពួកយើង។ យើងបានខិតខំប្រឹងប្រែងខ្លាំងណាស់ក្នុងការប្រកួតលីគកំពូលកម្ពុជា គឺគោលដៅដើម្បីលេងពានរង្វាន់មួយនេះ ដូច្នេះវាពិតជាសំខាន់សម្រាប់ពួកយើង»។ រីឯប្រធានក្រុម Hougang ខ្សែបម្រើ Fabian Kwok បានបន្ថែមថា «យើងនឹងចាត់ទុកប្រកួតនីមួយៗដែលមកដល់ ដោយ បង្ហាញជាមួយការលេងឲ្យបានល្អបំផុត ដើម្បីទទួលបាន ៩ពិន្ទុពីការប្រកួតទាំង៣ក្នុងពូល»៕

ក្លិបបាល់ទាត់វិសាខា ដែលជាជើងឯក Hun Sen Cup 2021 របស់កម្ពុជា នឹងត្រូវបើកទំព័រការប្រកួតអន្តរជាតិ AFC CUP លើកដំបូងក្នុងពូល G ជាមួយក្រុមខ្លាំងហ្វីលីពីន ជាជើងឯករងលីគកំពូលហ្វីលីពីនរដូវកាលមុន Kaya FC-Iloilo នៅថ្ងៃសុក្រស្អែកនេះ វេលាម៉ោង០៤៖០០នាទីល្ងាច(កម្ពុជា) នាកីឡដ្ឋាន Kapen I Wayan Dipta Stadium នាទឹកដីកោះបាលី នៃទីក្រុង Denpasar ប្រទេសឥណ្ឌូនេស៊ី។

មុនជំនួបដំបូងនៃពានរង្វាន់កម្រិតទី២ទ្វីបអាស៊ី AFC CUP 2022 គ្រូបង្វឹកក្រុមទាំងពីរ បានលើកឡើងក្នុងសន្និសិទសារព័ត៌មានយ៉ាងដូចច្នេះ៖ លោកមាស ចាន់ណា គ្រូបង្វឹកវិសាខាលើកឡើងតាមរយៈរយៈប្រព័ន្ធផ្សព្វផ្សាយក្លិបបែបនេះ៖«នេះជាការចូលរួមលើកដំបូង សម្រាប់ក្រុមយើងក្នុងពានរង្វាន់ AFC CUP ។ ក្រុមទាំងមូល ក៏ដូចជាកីឡាករ ពិតជាមានមោទនភាពណាស់ក្នុងនាមជាក្រុមមួយតំណាងជាតិចូលរួមពានរង្វាន់មួយនេះ ដែលជាពានមួយដ៏សំខាន់សម្រាប់មុខមាត់ក្រុម និងមុខមាត់ប្រទេសជាតិយើងផងដែរ»។

ចំណែកឯលោក Yu Hoshide គ្រូបង្វឹករបស់ Kaya Iloilo បាននិយាយដែលចេញផ្សាយទំព័រក្លិប៖«នេះជាពូលដែលពិបាកបំផុតក្នុងតំបន់អាស៊ាន។ដែលមានជើងឯកលីគឥណ្ឌូនេស៊ី Bali United និងជើងឯករងលីគម៉ាឡេស៊ី Kedah Darul Aman ជាដើម។ គូប្រជែងរបស់យើងទាំងអស់គឺជាក្លិបដែលមានគុណភាពខ្ពស់ ដូច្នេះវាដូចជាការប្រកួតវគ្គផ្តាច់ព្រ័ត្រ។ យើងត្រូវតែចាប់ផ្ដើមឲ្យខ្លាំង ហើយបញ្ចប់ជាមួយភាពខ្លាំង។ ក្នុងការប្រកួតទាំងបីនេះ យើងនឹងព្យាយាមឱ្យអស់ពីសមត្ថភាពរបស់យើង»។

លើសពីនេះប្រធានក្រុម KAYA កីឡាករ Jovin Bedic ដែលធ្លាប់បានស៊ុតបញ្ចូលទីលើក្រុមជើងខ្លាំងកូរ៉េនៅ ACL Ulsan Hyundai បាននិយាយបែបនេះ៖ «យើងបានរៀនច្រើនពី Champions League។ វាគឺជាការជំរុញបន្ថែមសម្រាប់យើងទាំងអស់គ្នា។ ថ្ងៃស្អែកគឺជាការចាប់ផ្តើមនៃយុទ្ធនាការរបស់យើង ដូច្នេះយើងត្រូវតែធ្វើការឲ្យខ្លាំង ហើយសង្ឃឹមថាយើងអាចទទួលបានបីពិន្ទុ»។

Foto : VSKFC &KAYA

ពេល​នេះវិសាខាកំពុងតែ​ស្ថិត​នៅ​ក្នុងប្រទេសឥណ្ឌូនេស៊ី ត្រៀមការ​ប្រកួត AFC Cup 2022 ពូល​G ខណៈខ្សែបម្រើប្រយុទ្ធ ស៊ិន កក្កដាបាន​បង្ហាញ​អំពីការ​ត្រៀមខ្លួនរបស់​ក្លិប និង​ស្ថានភាពរបួសរបស់​ខ្លួន​សម្រាប់​ជំនួបនេះ​ផង​ដែរ។

និយាយក្នុងសារឆ្លើយឆ្លង​ជាមួយ B8 Sport កីឡាករ​រូបនេះថា៖«ពេល​នេះរបួសរបស់ខ្ញុំជាសះស្បើយ១០០%ហើយ ហើយ​កម្លាំង និង​ស្មារតីប្រមូលបានពេញ​មក​វិញ»។

«មុន​ពេល​មក​ដល់ម៉ាឡេស៊ីនេះ ខ្ញុំបាន​លេង​ពេញ៩០នាទីក្នុងការ​ប្រកួតមិត្តភាពជាមួយបឹងកេត ហើយឱកាស​ក្នុងការ​លេងក្នុងការ​ប្រកួតដំបូង(ជាមួយ Kaya FC)ខ្ញុំរំពឹង​ថា​នឹង​អាច​បាន​ចូល​លេងក្នុងជម្រើស១១នាក់ ហើយ​យ៉ាងហោច​ណាស់​ក៏​បាន​ប្ដូរ​ចូលដែរ​បង។ ពេល​នេះខ្ញុំមានទំនុកចិត្តគ្រប់​គ្រាន់ក្នុងការ​លេង ហើយសង្ឃឹម​ថា​នឹង​ធ្វើបាន​ល្អ»។

លើស​ពី​នេះ១ អតីតកីឡាករជម្រើស​ជាតិកម្ពុជារូប​នេះក៏បាន​បង្ហាញអំពីស្មារតីក្រុម ការហ្វឹកហាត់ ការ​ហូប​ចុក​របស់​ក្រុមទាំងមូលនៅឥណ្ឌូនេស៊ីផង​ដែរ។

«យើងត្រៀមខ្លួនបាន​ល្អមែន​ទែន ពិសេសការ​យក​ចិត្តទុកដាក់របស់​ថ្នាក់ដឹកនាំ ដែលគាត់​បាន​ផ្គត់ផ្គង់អាហារខ្មែរយើង ដែល​កីឡាករយើងមិនអាច​ញ៉ាំអាហារ​នៅទីនេះ»។

ទាក់ទងជាមួយការ​រំពឹងទុកលើ​ព្រឹត្តិការណ៍នេះ កក្កដាថា ក្រុមមាន​ភាពវិជ្ជមានខ្លាំងដោយ​សារ​ក្លិបបាន​ត្រៀមខ្លួនយូរមក​ហើយ មាន​ទាំងការ​ហ្វឹកហាត់ ទាងការ​ប្រកួតសមជើង ហើយ​ពិសេស​កីឡាករ​ដែលបាន​ជាប់​ភារកិច្ចជម្រើសជាតិបាន​ត្រលប់មកវិញ។ ការ​ប្រកួតដំបូងនេះយើងរំពឹង​អំពីជ័យជម្នះ ហើយក្រុមទាំងមូលបាន​ត្រៀម​សម្រាប់ការប្រកួតនេះហើយ។

ប្រកួតបើក​ឆាក​ពួក​គេ​ត្រូវ​ជួបក្រុមមក​ពី​ហ្វីលីពីន Kaya FC នៅថ្ងៃទីសុក្រទី២៤ខែមិថុនាឆ្នាំ២០២២ វេលាម៉ោង៤​និង​០០នាទី​នៅកីឡដ្ឋាន Kapten I Wayan Dipta លើកោះបាលី ប្រទេសឥណ្ឌូនេស៊ី៕

ខ្សែប្រយុទ្ធស្លាបក្រុមវិសាខា និងជម្រើសជាតិកម្ពុជា កីឡាករ កែវសុខផេង ត្រូវបានទំព័រផ្លូវការរបស់សហព័ន្ធបាល់ទាត់ទ្វីបអាស៊ី the-afc.com ជ្រើសរើសជាកីឡាករឆ្នើម ០៥រូបដែលគួរចាប់អារម្មណ៍ក្នុងការបង្ហាញខ្លួននៅព្រឹត្តិការណ៍ AFC CUP 2022 ក្នុងចំណោមកីឡាករឆ្នើមៗដ៏ទៃទៀតនៃក្លិបបាល់ទាត់អាជីពនៅតំបន់អាស៊ានចំនួន១១ ដែលប្រកួតប្រជែងក្នុងពានកម្រិតអាស៊ីមួយនេះពីពូល G ដល់ពូល I ដែលចាប់ផ្ដើមការប្រកួតពីថ្ងៃទី២៤ ខែមិថុនានេះតទៅ។

គេហទំព័រ the-afc.com បានចុះផ្សាយថា៖ «តារាបាល់ទាត់កម្ពុជាមួយរូប ក្នុងរយៈពេល ៧ឆ្នាំចុងក្រោយនេះ កែវ សុខផេង ត្រៀមបង្ហាញខ្លួនលើកដំបូងក្នុងពានរង្វាន់ AFC Cup នៅអាយុ ៣០ឆ្នាំ ខណៈដែលទាំងរូបគេ និងក្លិបវិសាខា បោះជំហានទៅកាន់ការប្រកួតដែលពួកគេមិនដែលបានប្រកួតប្រជាងពីមុនមក។»

ទំព័រដដែលក៏បានលើកឡើងថា កែវ សុខផេង បានចូលក្នុងការប្រកួតនេះ បន្ទាប់ពីបានចូលលេងឲ្យក្រុមជម្រើសជាតិកម្ពុជា ក្នុងយុទ្ធនាការជម្រុះពានរង្វាន់ AFC Asian Cup 2023 ដែលគាត់បានរកគ្រាប់បាល់តាមស្មើ ជួយឲ្យក្រុមដែលដឹកនាំដោយលោក Keisuke Honda ក្នុងលទ្ធផលស្មើ ២-២ ទល់នឹងអាហ្វហ្គានីស្ថាន។

កីឡាករឆ្នើមៗផ្សេងៗទៀតដែលត្រូវបាន the-afc.com លើកឡើងរួមមាន៖ ខ្សែប្រយុទ្ធ Ilija Spasojevic ឥណ្ឌូនេស៊ីសញ្ជាតិដើមម៉ុងតេណេ វ័យ៣៤ឆ្នាំ (Bali United) ,ខ្សែបម្រើវៀតណាមវ័យ២៤ឆ្នាំ Nguyen Hoang Duc (Viettel FC) , ខ្សែប្រយុទ្ធសញ្ជាតិកាមេរូន វ័យ៣០ឆ្នាំ Ronald Ngah (Kedah Darul Aman),និង ខ្សែប្រយុទ្ធBoris Kopitovic (Tampines Rovers) សញ្ជាតិ ស៊ែប៊ី-ម៉ុងតេណេហ្គ្រោបច្ចុប្បន្នមានវ័យ២៧ឆ្នាំ៕

អ្នក​គាំទ្រ​បាល់ទាត់​ម្នាក់អាច​ប្រឈម​នឹង​ការ​ជាប់​គុក​ប្រាំពីរ​ឆ្នាំ​ពី​បទ​រួម​ភេទ​ក្នុង​អំឡុង​ពេល​ប្រកួត​បាល់ទាត់​ពិភពលោក​កាតា។ ប្រទេសកាតាទើបតែបានប្រកាសថាខ្លួននឹងអនុវត្តការហាមប្រាមផ្លូវភេទនៅមុនការប្រកួតបាល់ទាត់ពិភពលោក Qatar ឆ្នាំ 2022 ដែលមានន័យថាការឡើងស្ថានសួគ៌មួយយប់ប្រឈមមុខនឹងការជាប់ពន្ធនាគាររយៈពេលប្រាំពីរឆ្នាំ ប្រសិនបើត្រូវបានផ្តន្ទាទោស។

យោងតាមសារព័ត៌មាន Daily Star បានឲ្យដឹងថា មានសេចក្តីរាយការណ៍ពីអ្នកគាំទ្រដែលមាននាមត្រកូលផ្សេងគ្នាត្រូវបានឃុំខ្លួនពីការកក់ទុក និងចែករំលែកបន្ទប់តែមួយ។ ព្រឹត្តិការណ៍ World Cup មានភាពល្បីល្បាញដោយសារវប្បធម៌ផឹកស៊ី និងជប់លៀងបន្ទាប់ពីការប្រកួត ទោះជាយ៉ាងណា នោះនឹងមិនកើតឡើងនៅក្នុងប្រទេសកាតានោះទេ។

ប្រភព​មួយ​បាន​និយាយថា៖«ជាមួយនឹងផលវិបាកដ៏តឹងរ៉ឹង និងគួរឱ្យខ្លាច ប្រសិនបើអ្នកត្រូវបានចាប់ខ្លួន។ មានអារម្មណ៍ថា នេះអាចជាការប្រកួតដ៏អាក្រក់សម្រាប់អ្នកគាំទ្រ។»

ប្រភពពីប៉ូលីសបានបន្ថែមថា “ការរួមភេទគឺហួសពីមុខម្ហូបដែលអ្នកបញ្ជាទិញ លុះត្រាតែអ្នកមកជាក្រុមប្តី-ប្រពន្ធ។ គ្មានការសប្បាយឡើងស្ថានសួគ៌មួយយប់ទេ”។

“ពិតណាស់! នឹងគ្មានពិធីជប់លៀងអ្វីទាំងអស់នោះទេ។ មនុស្សគ្រប់គ្នាត្រូវតែរក្សាការយកចិត្តទុកដាក់ចំពោះពួកគេ លុះត្រាតែពួកគេចង់ប្រថុយនឹងការជាប់គុក។ មានការហាមប្រាមផ្លូវភេទនៅក្នុងការប្រកួត World Cup ឆ្នាំនេះជាលើកដំបូងដែលមិនធ្លាប់មាន។ អ្នកគាំទ្រត្រូវការដើម្បី​ត្រៀម​ខ្លួន»។

ប្រទេសនេះហាមមិនអោយនរណាម្នាក់រួមភេទក្រៅអាពាហ៍ពិពាហ៍ ហើយអ្នកគាំទ្រ World Cup ក៏មិនលើកលែងពីរឿងនេះដែរ។ ប្រទេសកាតាក៏មានច្បាប់ហាមប្រាមមិនផឹកស្រាយ៉ាងតឹងរ៉ឹងផងដែរ។ ជាងនេះទៅទៀត ប្រទេសមួយនេះហាមប្រាមជនណាម្នាក់ពីការស្រវឹងជាសាធារណៈ។ ការស្រលាញ់គ្នាជាសាធារណៈរវាងបុរស និងស្ត្រីក៏ជាបទឧក្រិដ្ឋដែរ ហើយម្យ៉ាងទៀតគឺមិនត្រូវស្លៀកសម្លៀកបំពាក់ដែលបង្ហាញហួសហេតុពេកនៅទីសាធារណៈនោះទេ។

FIFA បាននិយាយថា៖ «សូមស្វាគមន៍ទាំងអស់គ្នា»នៅក្នុងការប្រកួតនាពេលខាងមុខ ទោះបីជាយ៉ាងណាក៏ដោយ មានការរំពឹងទុកកាន់តែច្រើនឡើង ដែលប្រហែលជាមិនមែនជាករណីនៃបទប្បញ្ញត្តិដ៏តឹងតែងនោះទេ។ Nasser al-Khater នាយកប្រតិបត្តិនៃ FIFA 2022 World Cup នៅប្រទេសកាតា បានចែករំលែកថា «សន្ថិភាព និងសុវត្ថិភាពរបស់អ្នកគាំទ្រគ្រប់រូបគឺមានសារៈសំខាន់បំផុតសម្រាប់ពួកយើង»។

វាជារឿងធម្មតាសម្រាប់អ្នកគាំទ្រក្នុងការធ្វើដំណើរទៅកាន់ប្រទេសដែលធ្វើជាម្ចាស់ផ្ទះរៀបចំការប្រកួតបាល់ទាត់ពិភពលោក ហើយស្វែងយល់ពីភាពទាក់ទាញ និងភាពស្រស់ស្អាតនៃប្រទេសទាំងនេះ ដោយស្វែងរកដោយខ្លួនឯងនៅក្នុងដំណើរការនេះ។ ការប្រកួតបាល់ទាត់ពិភពលោកឆ្នាំ 2022 នឹងចាប់ផ្តើមនៅខែវិច្ឆិកា ហើយក្នុងការរៀបចំ ប្រទេសកាតាបានសាងសង់កីឡដ្ឋានដ៏ស្រស់ស្អាតសម្រាប់ផ្ទុកអ្នកគាំទ្របាល់ទាត់ដែលធ្វើដំណើរចូលប្រទេស។

ការប្រកួតបាល់ទាត់ពិភពលោកឆ្នាំនេះនឹងប្រព្រឹត្តទៅនៅពេលដែលលីគជុំវិញអឺរ៉ុបកំពុងបន្ត។ លីកធំៗនឹងឈប់សម្រាក ហើយអនុញ្ញាតឱ្យកីឡាកររបស់តំ​ណាងប្រទេសរបស់ពួកគេធ្វើដំណើរសម្រាប់ការប្រកួត។ លីគនឹងបន្តឡើងវិញបន្ទាប់ពីចប់ការប្រកួតបាល់ទាត់ពិភពលោកក្នុងខែធ្នូ។