លោក Igor Stimac គ្រូបង្វឹកក្រុមជម្រើស​ជាតិឥណ្ឌាបានបដិសេធមិននិយាយបូបាច់ច្រើនអំពីចំណាត់ថ្នាក់ FIFA Ranking ដ៏​ខ្ពស់របស់ពួកគេនោះ​ទេ នៅមុនថ្ងៃនៃការប្រកួតជម្រុះ Asian Cup ដោយលោកនិយាយថា ចំណាត់​ថ្នាក់​នេះមិនមានបញ្ហាអ្វីទេនៅក្នុងបាល់ទាត់នាពេលបច្ចុប្បន្ននេះ។

ដោយសម្លឹងឃើញការប្រកួតជុំផ្ដាច់​ព្រ័ត្រ Asian Cup លើកទីពីរជាប់ៗគ្នា និងជាលើកទី៥ជាប់ៗគ្នា ក្រុមដែលមានចំណាត់ថ្នាក់ទី១០៦ក្នុងពិភពលោកឥណ្ឌាត្រូវបាន​គេ​ចាត់ទុក​ថា​ជាក្រុមមានភាគរយខ្ពស់​ជាង​គេ និងជាក្រុមខ្លាំងជាងគេក្នុងពូល D បើ​ធៀបទៅចំនួនបីក្រុមរវាង កម្ពុជា អាហ្វហ្គានីស្ថាន និងហុងកុង។

Stimac បាននិយាយនៅក្នុងសន្និសីទកាសែតថា៖ “ខ្ញុំគោរពរាល់គូប្រជែងទាំងអស់។ ខ្ញុំមិនមើលចំណាត់ថ្នាក់ FIFA Ranking ទេ។ កម្ពុជាមិនបានមកទីនេះដើម្បីគ្រាន់​តែចូលរួមទទេៗទេ តែពួកគេមកដោយបំណងប្រាថ្នាដូចគ្នាដើម្បីឈ្នះការប្រកួត និង​ឡើង​ទៅ​ជុំបន្ទាប់” ។

“នៅពេលដែលប្រទេសឥណ្ឌាធ្លាក់ដល់​ចំណាត់​ថ្នាក់១៨០ ពួកយើងបានឈ្នះការប្រកួត ហើយមិនចាញ់ពួកគេទេ។ ខ្ញុំក៏នឹងមានការគោរពបន្ថែមទៀតចំពោះគូប្រកួតនីមួយៗ។ ខ្ញុំមិនដែលនិយាយថាយើងអាចឈ្នះជាមួយនរណាម្នាក់ដោយងាយនោះទេ។ នោះជាការមិនគោរព។ យើងត្រូវ ត្រៀមខ្លួន ស្រេកឃ្លាននិងមានការលើកទឹកចិត្តយ៉ាងពេញលេញសម្រាប់ហ្គេមទាំងនេះ។”

លោកបានបន្ថែមថា៖ “នៅ​លើ​លោកនេះ​គ្មានការ​ប្រកួតងាយស្រួលទៀតទេ។ បើមាន​ប្រហែលជានៅ 50 ឆ្នាំមុន។ ពីចំណាត់​ថ្នាក់ 100 រហូតដល់ 180-200 វាមានគម្លាតតិចតួចណាស់ និងគុណភាពក៏មិនសូវខុសគ្នាដែរ” ។

លោក​បាន​បន្ត​ថា អ្វី​ដែល​លោក​គិត​គឺ​របៀ​ចំ​ការ​ប្រកួតបែបណាដើម្បីឱ្យ​កម្ពុជាមានសម្ពាធ។ “ខ្ញុំចង់និយាយថា យើងបានរៀបចំគម្រោងមួយ ប៉ុន្តែយើងមានបំណងដាក់សម្ពាធសម្រាប់នាទីដំបូងនៃការប្រកួត ហើយធ្វើឱ្យកម្ពុជាស្ថិតនៅក្រោមសម្ពាធខ្ពស់”។

“យើងត្រូវតែបង្ហាញថាយើងជាក្រុមដែលល្អ​ជាង ហើយយើងត្រូវតែគ្រប់គ្រងហ្គេម ក៏ដូចជាត្រៀមខ្លួនជាស្រេចដើម្បីដោះស្រាយការវាយបករបស់​គូប្រកួត។ ខ្ញុំចង់និយាយថាយើងត្រៀមខ្លួនរួចជាស្រេចសម្រាប់រឿងនោះ។”

ការឡើងទៅកាន់វគ្គជម្រុះរបស់ឥណ្ឌាគឺពិតជាមិនគួរឱ្យចាប់អារម្មណ៍នោះទេ ខណៈដែលពួកគេបានចាញ់ការប្រកួតមិត្តភាពចំនួន 3 ក្នុងចំណោមការប្រកួតចំនួន 4 របស់ពួកគេ ខណៈដែលការប្រកួតជាមួយ Zambia ត្រូវបានលុបចោល។

ក្នុង​ចំណោម​ការ​ចាញ់​ទាំង​បី​នេះ ឥណ្ឌា​បាន​ស៊ុត​បាល់​បញ្ចូល​ទី​មួយ​គ្រាប់​ជាមួយ​ក្រុម បារ៉ែន (1-2) ហើយ​ពីរ​ប្រកួត​ទៀត​បាន​ចាញ់​ក្រុម បេឡារុស(0-3) និង ហ្សកដានី (0-2)។

និយាយដល់​ការ​ប្រកួតនេះ ឥណ្ឌានឹង​ត្រូវ​ជួបកម្ពុជា​នៅ​វេលាម៉ោង ៨​និង​៣០​នាទី​ម៉ោង​ក្នុង​ប្រទេស​ឥណ្ឌា​ត្រូវ​នឹង​ម៉ោង​១០​កន្លះ​យប់​ម៉ោង​ក្នុង​ប្រទេស​កម្ពុជា៕

ដោយឆ្លងកាត់ការប្រកួតប្រជែងយ៉ាងសស្រាក់សស្រាំចំនួន១៤សប្តាហ៍កន្លងមក យើងក៏បានរកឃើញក្រុមដែលមានសិទ្ធិឡើងទៅប្រកួតវគ្គផ្តាច់ព្រ័ត្រដណ្តើមជើងឯកពានរង្វាន់សម្តេចតេជោ ហ៊ុន សែន លើកទី១៦ ថ្នាក់ខេត្ត ដោយខេត្តឧត្តរមានជ័យ នឹងត្រូវប្រកួតជាមួយ ក្លិបបាល់ទាត់ភ្នំពេញហ្គាឡាក់ស៊ី នៅថ្ងៃសៅរ៍ ទី១១ ខែមិថុនា ឆ្នាំ២០២២ វេលាម៉ោង ១៥:៣០នាទីរសៀល នៅកីឡដ្ឋាន ខេមបូឌា អ៊ែរវ៉ែ។

ក្នុងនោះដែរ នៅកីឡដ្ឋាន អគ្គិសនីកម្ពុជា ក៏មានការប្រកួតដណ្តើមចំណាត់ថ្នាក់លេខ៣ផងដែរ រវាង ក្លិបបាល់ទាត់កំពត អេហ្វស៊ី ប្រកួតជាមួយ ក្លឹបបាល់ទាត់ ឬទ្ធីសែន នៅវេលាម៉ោង ៨:០០នាទីព្រឹក។ ការប្រកួតពានរង្វាន់សម្តេច ហ៊ុន សែន ថ្នាក់ខេត្ត ក្នុងឆ្នាំ២០២២ នេះមានចំនួនសរុប ៧០ប្រកួត ដែលបែងចែកចេញជា១៥សប្តាហ៍ ដោយត្រូវធ្វើការប្រកួតតាម​ប្រព័ន្ធ Home-Away ហើយត្រូវបានចាប់ផ្តើមប្រកួតតាំងពីថ្ងៃទី០៨ ខែកុម្ភៈ ឆ្នាំ២០២២មក ដោយមានក្រុមតំណាងរាជធានី-ខេត្តចំនួន១៧ ចូលរួមប្រកួត ដោយចែកចេញជា ៤ពូល រួមមាន ៖
ពូល ក : ខេត្តកែប, កំពត អេហ្វស៊ី, ខេត្តព្រះសីហនុ, ក្លឹបបាល់ទាត់មន្ទីរឧស្សាហកម្មខេត្តតាកែវ និងមន្ទីរ អ.យ.ក ខេត្តកំពង់ស្ពឺ
ពូល ខ : ភ្នំពេញហ្កាឡាក់ស៊ី, ខេត្តកណ្តាល, មន្ទីរ អ.យ.ក ខេត្តកំពង់ចាម, និងខេត្តស្វាយរៀង
ពូល គ : ក្លឹបបាល់ទាត់ ឬទ្ធិសែន, បាត់ដំបង អេហ្វស៊ី, សូហ្វីយ៉ាប៉ៃលិន, ខេត្តឧត្តរមានជ័យ
ពូល ឃ :ក្លឹបបាល់ទាត់សន្តិភាពខេត្តកំពង់ធំ, សមាគកីឡាខេត្តព្រះវិហារ និងសមាគមកីឡាខេត្តមណ្ឌលគិរី, ក្លឹបបាល់ទាត់ អធិរាជដំរីឦសាន។

ពានរង្វាន់សម្តេចអគ្គមហាសេនាបតីតេជោ ហ៊ុន សែន ត្រូវបានរៀបចំឡើងតាំងពីឆ្នាំ ២០០៧ ជារៀងរាល់ឆ្នាំ រហូតដល់បច្ចុប្បន្ន ដោយធ្វើការបែងចែកជា២ដំណាក់កាល គឺ ការប្រកួតពានរង្វាន់ ថ្នាក់ខេត្ត និងថ្នាក់ជាតិ។ ឆ្នាំ២០២២ នេះ ជារដូវកាលទី១៦ ដោយរាប់ចាប់តាំងពីឆ្នាំ ដែលពានរង្វាន់មួយនេះត្រូវបានបង្កើតឡើង។

ក្លិបបាល់ទាត់ព្រះខ័នរាជស្វាយរៀង ដែលជាជើងឯករងលីគកំពូលកម្ពុជា Metfone Cambodian League 2021 ទី២របស់កម្ពុជាបន្ទាប់ពីភ្នំពេញក្រោន ដែលនឹងបន្តធ្វើដំណើរទៅកាន់ប្រទេសម៉ាឡេស៊ី ដើម្បីប្រកួតមិត្តភាពអន្តរជាតិ MALAYSIA TOUR 2022 ជាមួយក្លិបជើងលីគម៉ាឡេស៊ី ដែលចាប់ផ្ដើមប្រកួតពីថ្ងៃទី៩-១៥ ខែមិថុនា ឆ្នាំ២០២២នេះ។

ដំណើរការប្រកួតមិត្តភាពអន្តរជាតិមួយនេះធ្វើឡើងដោយគឺក្លិបបាល់ទាត់ព្រះខ័នរាជស្វាយរៀងជាមួយកិច្ចសហការជាមួក្រុមហ៊ុន Echo Sports Management របស់ប្រទេសម៉ាឡេស៊ី ដែលគ្រោងនឹងធ្វើការប្រកួតមិត្តភាពមិត្តភាពអន្តរជាតិលើទឹកដីម៉ាឡេស៊ីនេះជាមួយសមាជិកលីគកំពូលម៉ាឡេស៊ី PJ City FC នៅថ្ងៃទី១០ និងបន្តជួបគ្នាជាមួយសមាជិកលីគ២ម៉ាឡេស៊ី UiTM FC នៅថ្ងៃទី១៣ ខែមិថុនា ឆ្នាំ២០២២ ខាងមុខនេះ។

គួរបញ្ជាក់ដែរថា ក្លិបព្រះខ័នរាជស្វាយរៀងបច្ចុប្បន្នជាក្រុមកំពុងឈរកំពូលតារាងនៃក្របខណ្ឌ Cambodian Premier League 2022 ក្រោយបញ្ចប់ជើងទី១ ចំនួន៧សប្ដាហ៍កន្លងទៅ ដោយមិនទាន់ស្គាល់បរាជ័យនៅឡើយទេ ពោលគឺឈ្នះ ៦ ស្មើ១ មាន១៩ពិន្ទុ នាំមុខគូប្រជែងផ្សេងៗទៀត។ លីគកំពូលកម្ពុជា នឹងត្រឡប់មកវិញតាមការគ្រោងទុកនៅថ្ងៃទី២៥ ខែមិថុនា ឆ្នាំ២០២២ ដែលព្រះខ័នរាជស្វាយរៀងត្រូវជួបគីរីវង់សុខសែនជ័យ នៅវេលាម៉ោង ០៣៖៤៥នាទី នាកីឡដ្ឋានគីរីវង់ នៅខេត្តតាកែវ៕

សហព័ន្ធកីឡាបាល់ទាត់កម្ពុជាត្រៀមទឹកប្រាក់ចំនួន ១៦ មុឺនដុល្លា(160,000 USD) សម្រាប់ឧបត្ថម្ភ​ក្រុម​ជម្រើសជាតិកម្ពុជាក្នុងការចេញទៅ ប្រកួត AFC Asian Cup 2023 Qualifiers Final Round នៅប្រទេស​ឥណ្ឌា។

ក្នុងចំណោម​ទឹក​ប្រាក់​ទាំងអស់​នោះ ទឹកប្រាក់ចំនួន ៤មុឺនដុល្លា (40,000 USD) ផ្ដល់សម្រាប់លើកទឹកចិត្ត និងការធ្វើដំណើរ ស្រប​ពេល១២មុឺនដុល្លា (120,000 USD) នឹងបន្ថែមឱ្យ​ទៀត ប្រសិនបើក្រុមអាចឡើងទៅជុំផ្ដាច់ព្រ័ត្រ ក្រោយឆ្លងវគ្គជម្រុះចុងក្រោយនេះ។

ក្រុមជម្រើស​ជាតិ​បាន​ចាកចេញ​ពី​មាតុភូមិ​ទៅ​កាន់​ប្រទេស​ឥណ្ឌាកាល​ពី​ម៉ោង​៧​នេះ​ហើយ​រំពឹង​ថា​នឹង​ទៅ​ដល់​ទីក្រុង Kolkata នៅ​វេលាម៉ោង១០​យប់។ កម្ពុជា​ស្ថិតក្នុង​ពូល D សម្រាប់​វគ្គ​ជម្រុះ​ជុំ​ទី​៣​ដោយ​មាន​ម្ចាស់​ផ្ទះឥណ្ឌា ហុងកុង និង​អាហ្វហ្គានីស្ថាន។ ការ​ប្រកួត​បើក​ឆាក កម្ពុជា​ត្រូវ​ជួបម្ចាស់​ផ្ទះនៅ​ថ្ងៃ​ទី ០៨ ហុងកុង នៅ​ថ្ងៃ​ទី​១១​និង​ថ្ងៃ​ទី​១៤​ត្រូវ​អាហ្វហ្គានីស្ថានដែល​ជាការ​ប្រកួតចុងក្រោយក្នុងពូល៕

ប្រធានក្រុមជម្រើស​ជាតិ​ឥណ្ឌា កីឡាករ Sunil Chhetri ថា​ការ​លេង​ក្នុង​ទឹក​ដីខ្លួន​ឯងគឺ​ជាគុណសម្បត្តិ​ដែល​ជម្រើសជាតិឥណ្ឌាមាន​ប្រៀប​ជាង​គូប្រជែងដទៃ​ទៀត​ដូចជា ហុងកុង កម្ពុជា និង អាហ្វហ្គានីស្ថាន។

និយាយ​ក្នុង​វេបសាយរបស់សមាគមកីឡាបាល់​ទាត់​ឥណ្ឌា កីឡាករ​វ័យ៣៧ឆ្នាំ​រូបនេះថា៖« នោះជាគោលដៅចុងក្រោយ។ អារម្មណ៍របស់​កីឡាករគឺរីករាយ ហើយ​កីឡាករ​កំពុងតែ​ហ្វឹកហាត់សមម្ដង​បន្តិចៗ ហើយគ្រប់គ្នាកំពុងព្យាយាមយល់ពីគ្នាទៅវិញទៅមក។ វា​ជា​ក្រុម​ថ្មី​មួយ​ហើយ​មាន​កន្លែង​ជា​ច្រើន​ស្វែងយល់​បន្ថែម​ទៀត”។

«មានកីឡាករវ័យក្មេង មាន​ទេពកោសល្យថ្មីៗ​បាន​មក​ដល់។ អ្វីដែល​ល្អ​គឺ​អ្នក​គ្រប់​គ្រប់គ្នាកំពុងតែស្រេកឃ្លានជ័យជម្នញ។ យើងសង្ឃឹមថានឹងទទួលបានសមតុល្យភាពត្រឹមត្រូវ។ មិន​ថា​អ្នក​ណា​ទទួល​បាន​ឱកាសលេង​នោះ​ទេ  យើង​នឹង​ប្រឹង​ឱ្យ​អស់​ពី​សមត្ថភាព។ ដោយ​សារ​តែ​យើង​មាន​ប្រៀប​ក្នុង​ផ្ទះ ខ្ញុំ​នឹង​និយាយ​ថា វា​នឹង​ល្អ​បើ​យើង​អាច​អាច​ទទួលបាន​លទ្ធផល​ល្អ​ក្នុង២​ប្រកួត​ដំបូង។ ។ វាមិនសំខាន់ទេឥឡូវនេះ ហើយគ្រប់គ្នាមានឱកាសត្រឹមត្រូវ ។ យើង​លេង​ក្នុង​ផ្ទះ​របស់​ខ្លួន​ពិត​មែន​តែ​យើងក៏​មាន​សម្ពាធ​ខ្លាំង​ផង​ដែរ”។

ក្រុមបាល់ទាត់ជម្រើសជាតិកម្ពុជានឹងប្រកួតជាមួយអាហ្វហ្គានីស្ថានក្នុងការប្រកួតចុងក្រោយនៃវគ្គជម្រុះ AFC Asian Cup Qualifiers ។ ការប្រកួតនឹងធ្វើឡើងនៅថ្ងៃទី ១៤ ខែមិថុនា ឆ្នាំ 2022 នៅកីឡដ្ឋាន Salt Lake ក្នុងទីក្រុង Kolkata។ កម្ពុជា​​បាន​ប្រកួតទីម័រខាងកើត​ក្នុង​លទ្ធផល ២-១ នៅ​ថ្ងៃ​ទី០២ខែ​មិថុនា ជា​ការ​ប្រកួត​មិត្តភាព​អន្តរជាតិ​តែ​មួយ​គត់​ដែលបាន​ត្រៀម​ខ្លួន​មុន​ការ​ប្រកួត​ដ៏​សំខាន់។

ម្យ៉ាងវិញទៀត អាហ្វហ្គានីស្ថាន ត្រៀម​ក្នុងពាន​រង្វាន់​នេះ​ក៏​មិន​សូវ​ជា​ល្អ​ប៉ុន្មានដែរ។ អាហ្វហ្គានីស្ថានត្រៀម​ការ​ប្រកួតទល់នឹងនេប៉ាល់ ក្នុង​លក្ខណៈមិត្តភាពដែលត្រូវបានលុបចោលដែលគ្រោងនឹងធ្វើឡើងនៅថ្ងៃទី ២៥ និង ៣០ខែឧសភា ប៉ុន្តែ​ត្រូវ​ប្ដូរគូប្រកួត​វិញ​ដោយ​ប៉ះ​វៀតណាមហើយ​ចាញ់​ក្នុង​លទ្ធផល២​ទល់០។

បើ​និយាយ​អំពី​កម្ពុជាមិន​ដែលទទួលសិទ្ធិ​ចូល​លេង​ពាន​រង្វាន់ AFC Asian Cup ជាប់ៗ​គ្នា​ទេ ហើយ​អាហ្វហ្គានីស្ថានក៏​ឈរ​ក្នុង​ផ្លូវ​នៃ​សុបិន​ដែល​មិន​បាន​សម្រេច​នោះដូចគ្នា។

គុណផល​ជម្រើស​ជាតិ​អាហ្វហ្គានីស្ថានក្នុងពេល​ថ្មីៗ៖
អាហ្វហ្គានីស្ថានបានលេងតែពីរប្រកួតប៉ុណ្ណោះចាប់តាំងពីការប្រកួតជម្រុះ World Cup ជុំទីពីរក្នុងខែមិថុនាឆ្នាំ 2021។ ពួកគេបានយកឈ្នះក្រុម U-23 គុយវ៉ែត​ក្នុងលទ្ធផល 3-0 និងបានចាញ់ក្រុម U-23 ហ្សកដានី 1-0 ក្នុងខែមីនា ឆ្នាំ 2022 ។ ចុងក្រោយ​ដូចនិយាយពី​ខាង​លើ​ពួក​គេ​ចាញ់​វៀតណាម​មុន​ធ្វើ​ដំណើ​ទៅ​ឥណ្ឌា។

អំពីក្រុម៖
អាហ្វហ្គានីស្ថានជាប់ចំណាត់ថ្នាក់ទី 150 ក្នុងចំណាត់ថ្នាក់របស់ FIFA ។ សមាជិកស្ថាបនិកម្នាក់នៃសហព័ន្ធបាល់ទាត់អាស៊ី (AFC) ពួកគេបានឈ្នះជើងឯក SAFF Championship ក្នុងឆ្នាំ 2013 ។

គ្រូបង្វឹក៖

Anoush Dastgir គឺ​ជាគ្រូបង្វឹកអាហ្វហ្គានីស្ថានវ័យក្មេងបំផុតនៅលើពិភពលោកនៅអាយុ 32 ឆ្នាំ។ អតីតកីឡាករជម្រើស​ជាតិអាហ្វហ្គានីស្ថានរូបនេះក៏គ្រប់គ្រងក្រុម U21 នៃក្លឹប Almere City ដែលមានមូលដ្ឋាននៅប្រទេសហូឡង់ ខណៈដែលកំពុងផ្តល់ក្តីសង្ឃឹមរបស់ប្រទេសជាតិ។ Anoush បានចូលដឹកនាំក្លឹបនៅខែមីនា ឆ្នាំ 2022 ហើយពីមុនបានបង្វឹក VV Duno Doorwerth ដែលមានមូលដ្ឋាននៅប្រទេសហូឡង់ផងដែរ។ ទម្រង់លេងដែលពេញចិត្តរបស់អតីតកីឡាករ​វ័យ 32 ឆ្នាំគឺ 4-3-3 និង 4-2-3-1 ។

កីឡាករគួរកត់សម្គាល់ៈ
Faysal Shayesteh

កីឡាករវ័យ 30 ឆ្នាំគឺជាកីឡាករដែលមានការបង្ហាញខ្លួនច្រើនជាងគេទីពីរសម្រាប់ប្រទេសរបស់គាត់។ ខ្សែបម្រើប្រយុទ្ធរូបនេះបានបង្ហាញខ្លួនចំនួន 50 ប្រកួតសម្រាប់ក្រុមអាហ្វហ្គានីស្ថាន។

គាត់ធ្លាប់​លេង​ឱ្យ​ក្លិបហូឡង់ VV Duno ។ Faysal បានលេងនៅគ្រប់មុខតំណែងជាច្រើនក្នុងអាជីពដ៏វែងឆ្ងាយរបស់គាត់ ដែលធ្វើឱ្យគាត់ក្លាយជាជម្រើសដ៏ល្អ និងសំខាន់សម្រាប់លោក Dastgir ។

Ovays Azizi

Ovays Azizi នឹង​ត្រូវ​ទទួល​ភារកិច្ច​ក្នុង​ការសង្គ្រោះបាល់​នោះ​មុខ​ទី​។ កីឡាករវ័យ 30 ឆ្នាំរូបនេះបានបង្ហាញខ្លួន 36 ប្រកួតសម្រាប់ប្រទេសរបស់គាត់ ហើយបច្ចុប្បន្នលេងឱ្យក្លឹបស៊ុយអែត Ariana ។ បន្ទាប់ពីលេងឱ្យក្លឹបផ្សេងៗគ្នាក្នុងប្រទេសដាណឺម៉ាកអស់រយៈពេល 10 ឆ្នាំ អ្នក​ចាំ​ទី​រូបនេះបានត្រឡប់មក​ទ្វីប​អាស៊ី​វិញ​ ហើយ​លេង​ឱ្យ​ក្លិប Maziya S&RC នៅក្នុង Divehi Premier League នៃ​ប្រទេស​ម៉ាល់ឌីវ ។

Sharif Mukhammad

ខ្សែការពារដែលកើតនៅ​តំបន់ Makhachka នឹងមានទំនួលខុសត្រូវដ៏ធំក្នុងការទប់​មិន​ឱ្យ​ជម្រើសជាតិ​កម្ពុជា​ស៊ុត​បាននៅថ្ងៃទី១៤ខែមិថុនា។ កីឡាករវ័យ 32 ឆ្នាំរូបនេះមានបទពិសោធន៍ពីមុនក្នុងការលេងនៅក្នុងប្រទេសឥណ្ឌាជាមួយក្លិប Gokulam Kerala FC ។ ក្រៅពីសមត្ថភាពការពារ  Sharif មានកេរ្តិ៍ឈ្មោះក្នុងការសម្រេច​ទី​ដោយ​ប្រើ​ក្បាល។ ខ្សែការពារកម្ពស់១.៨៤ម៉ែត្រស៊ុតបញ្ចូលទីបាន 9 គ្រាប់ក្នុង 38 ប្រកួតសម្រាប់ Gokulam Kerala ហើយនឹងក្លាយជាGjnk គំរាមកំហែងពេល​បាល់ Set-piece ។

អ្វីដែលត្រូវរំពឹង
កម្ពុជា​នឹង​ត្រូវបង្កើត​កំហុស​ឱ្យ​បាន​តិច​បំផុតពេល​ប៉ះ​អាហ្វហ្គានីស្ថាន​ក្នុង​ការ​ប្រកួតនេះ។ ដោយមិនគិតពីគុណភាពដែលអាហ្វហ្គានីស្ថានមាន ក្រុមរបស់​លោក Honda ត្រូវ​តែ​បង្កើតឱកាស​ឱ្យ​បាន​មុនអាហ្វហ្គានីស្ថាន។

ភ្នំពេញ ថ្ងៃទី ៤ ខែ ឧសភា ឆ្នាំ ២០២២៖ iOne ដែលជាអាជីវកម្មបច្ចេកវិទ្យាលក់រាយឈានមុខគេក្នុងប្រទេសកម្ពុជាបានចុះកិច្ចព្រមព្រៀងជាមួយ ហ្វរ៉េស អ៊ិនធឺអ៊ែកទីវ ខេមបូឌា (Forest Interactive Cambodia) ដើម្បីផ្តល់ជូននូវផលិតផលឌីជីថលថ្មីផ្តាច់មុខ សម្រាប់អ្នកប្រើប្រាស់កម្មវិធី iOneCard ។

ភាពជាដៃគូនេះនឹងផ្តល់ជូននូវបទពិសោធន៍ក្នុងការបញ្ជាទិញយ៉ាងងាយស្រួលសម្រាប់អ្នកប្រើប្រាស់កម្មវិធី iOneCard ដែលអាចទិញប័ណ្ណឌីជីថលជាច្រើនប្រភេទ ទាក់ទងនឹងប័ណ្ណហ្គេមកម្សាន្ត និងកម្មវិធីកម្សាន្តសកលជាច្រើន ដូចជា Discord, Twitch, Netflix, Spotify, Amazon, Play Station, PUBG Mobile, Mobile Legends​ Bang Bang , Garena , Valorant , Marvel, Razer Gold និងប័ណ្ណឌីជីថលផ្តាច់មុខផ្សេងទៀត។

លោក តូ សុខណាង អ្នកគ្រប់គ្រងប្រចាំប្រទេសនៃ ហ្វរ៉េស អ៊ិនធឺអ៊ែកទីវ ខេមបូឌា បានលើកឡើងថា “ហ្វរ៉េស អ៊ិនធឺអ៊ែកទីវ នឹងបន្តរិះរកមធ្យោបាយថ្មីៗដើម្បីកំណើន និងពង្រីកការផ្តល់ជូនផលិតផលឌីជីថលរបស់យើង ដើម្បីជួយលើកកំពស់សហគ្រាសបច្ចេកវិទ្យាដូចជា អាយ វ័ន ។ យើងក៍ទន្ទឹងរង់ចាំបង្កើតភាពជាដៃគូថ្មីៗនៅកម្ពុជា ដើម្បីនាំមកនូវបទពិសោធន៍លក់រាយផលិតផលឌីជីថល ក៍ដូចជាជំរុញវិស័យកីឡាអេឡិចត្រូនិច និងមាតិការកម្សាន្តអនឡាញនៅកម្ពុជាឱ្យរីកចម្រើនមួយកម្រិតទៀតផងដែរ។

“នៅ អាយ វ័ន យើងប្តេជ្ញាក្នុងការបង្កើនបទពិសោធន៍ទិញទំនិញដ៍ល្អ ដោយផ្តល់នូវភាពងាយស្រួល និងឆាប់រហ័សដល់អតិថិជន។ តាមរយៈភាពជាដៃគូនេះ យើងសង្ឃឹមថាវានឹងបំពេញតម្រូវការរបស់អតិថិជន អាយ វ័ន ក្នុងការជ្រើសរើសប័ណ្ណឌីជីថលផ្សេងៗគ្នា ដែលគាំទ្រដល់រដ្ឋាភិបាលក្នុងការប្រឹងប្រែងអភិវឌ្ឍន៍ ឌីជីថលភាវូបនីយកម្ម និងផ្តល់នូវដំណោះស្រាយលក់រាយដ៏ល្អបំផុតនៅកម្ពុជាផងដែរ នេះការលើកឡើងរបស់ កញ្ញា លីលី ​និង​ កញ្ញា លីនដា អ្នកតំណាងពីក្រុមហ៊ុន អាយ វ័ន “។

កំណើនដ៏អស្ចារ្យនៃការចំណាយរបស់អ្នកប្រើប្រាស់លើហ្គេមកម្សាន្តតាមរយៈទូរស័ព្ទ និងវេទិកាកម្សាន្តអនឡាញបានជំរុញឱ្យ អាយ វ័ន សហការជាមួយ ហ្វរ៉េស អ៊ិនធឺអ៊ែកទីវ ខេមបូឌាដើម្បី លើកកម្ពស់សេវាកម្មទីផ្សារកាតសមាជិករបស់ខ្លួនជាមួយនឹងសិទ្ធិពិសេសផ្តល់ជូនយ៉ាងជាក់លាក់សម្រាប់សមាជិកតែប៉ុណ្ណោះ។

ប្រព័ន្ធអេកូឡូស៊ីឌីជីថលហ្គេម និងការកម្សាន្តឌីជីថលសកលបានផ្លាស់ប្តូរយ៉ាងខ្លាំងក្រោយការរីករាលដាលនៃជំងឺរាតត្បាត ដោយផ្តោតលើ ផលិតផលមួយក្នុងចំណោមផលិតផលរបស់ ហ្វរ៉េស អ៊ិនធឺអ៊ែកទីវ គឺ វេទិការប័ណ្ណឌីជីថល (Digital Voucher Platform, DVP) ដែលផ្តល់ជូននូវថ្នាលតែមួយដ៏ទូលំទូលាយសម្រាប់ប័ណ្ណទូទាត់លើទំនិញឌីជីថល។

តាមរយៈ DVP អាជីវកម្មអាចផ្តល់ជម្រើសជាច្រើននៃមាតិកាឌីជីថលដល់អ្នកប្រើប្រាស់។ ហើយភាពជាដៃគូនេះនឹងផ្តល់ជូននូវអត្ថប្រយោជន៍សម្រាប់ភាគីទាំងពីរ ព្រមទាំងពង្រឹងបទពិសោធន៌ដ៍ល្អ ដល់អតិថិជន និងជំរុញកំណើនអ្នកប្រើប្រាស់អោយចូលទៅកាន់វេទិការបស់ខ្លួនផងដែរ ។

អ្នកប្រើប្រាស់អាចទាញយក កម្មវិធីទូរស័ព្ទ iOneCard តាមរយៈ Play Store និង App Store ដើម្បីរីករាយជាមួយនឹងការបញ្ចុះតម្លៃពិសេសរហូតដល់ ៥០% ផ្តាច់មុខលើផលិតផលឌីជីថលដែលមាននៅលើកម្មវិធី iOneCard ។ ការផ្តល់ជូននេះមានសុពលភាពចាប់ពីថ្ងៃទី ៤ រហូតដល់ថ្ងៃទី ១៨ ខែ មិថុនា ឆ្នាំ២០២២ ។

អំពី ហ្វរ៉េស អ៊ិនធឺអ៊ែកទីវ

ហ្វរ៉េស អ៊ិនធឺអ៊ែកទីវ (Forest Interactive) បានបង្កើតឡើងក្នុងឆ្នាំ ២០០៦ ដែលរៀបចំអោយមានវេទិកាចល័តមួយ ដើម្បីភ្ជាប់ប្រតិបត្តិករទូរស័ព្ទចល័ត អ្នកផ្តល់មាតិកា និងអ្នកផលិតផ្សព្វផ្សាយហ្គេមកម្សាន្តជាមួយអតិថិជនរបស់ពួកគេ។ ជាមួយនឹងបទពិសោធន៍ជាង ១៥ ឆ្នាំនៅក្នុងឧស្សាហកម្មនេះ ហ្វរ៉េស អ៊ិនធឺ​អ៊ែកទីវ បានពង្រីកការិយាល័យប្រត្តិបត្តការរបស់ខ្លួន និង ប្រើធនធានមនុស្សជាង ២០+ សញ្ជាតិនៅក្នុង តំបន់ចំនួន ១៦ ។

ការផ្តល់សេវាជាវមាតិកា ប័ណ្ណទូទាត់ឌីជីថល និងវេទិកាពាណិជ្ជកម្មអេឡិចត្រូនិក និងកម្មវិធីទូរស័ព្ទសម្រាប់គ្រប់វ័យ Forest Interactive ដំណើរការនៅក្នុងប្រទេសជាង ៣០ ដោយបម្រើប្រតិបត្តិករទូរស័ព្ទចល័ត ៩០+ និងដៃគូមាតិកា ១០០+ ដែលមានសមត្ថភាពឈានដល់អតិថិជនជាងមួយពាន់លាននាក់នៅទូទាំងពិភពលោក។ សូមចូលទៅកាន់ Forest-interactive.com ដើម្បីស្វែងយល់បន្ថែម។

អំពី អាយ វ័ន
ចាប់តាំងពីការចាប់ផ្តើមរបស់យើងក្នុងឆ្នាំ២០០៦មក អាយ វ័ន តែងតែស្ថិតនៅជួរមុខនៃបច្ចេកវិទ្យា។ មិនថាជាការលក់រាយឧបករណ៍ទំនើបបំផុតនៃបច្ចេកវិទ្យារបស់ពិភពលោកដូចជា Apple ឬការដាក់ឱ្យប្រើប្រាស់នូវ Enterprise Elastic Cloud ដំបូងបង្អស់របស់ប្រទេសកម្ពុជានោះទេ អាយ វ័ន កំពុងបន្តនាំមុខគេក្នុងការផ្លាស់ប្តូរឌីជីថលតាមរយៈ hybrid e-commerce កម្មវិធីអតិថិជនស្មោះត្រង់ ប្រព័ន្ធពាណិជ្ជកម្មឆ្លាតវៃ និងការអនុវត្តបច្ចេកវិទ្យាថ្មីៗទៅក្នុងបរិយាកាសធុរកិច្ចកម្ពុជា។ សូមចូលទៅកាន់គេហទំព័រ៖ https://www.ionecards.com/ ដើម្បីស្វែងយល់បន្ថែម។