ព័ត៌មានកីឡាជាតិ
ក្រុមបាល់ទាត់ជម្រើសជាតិវៀតណាម មានឱកាសសាកល្បងភាពខ្លាំងរបស់ខ្លួនជាមួយក្រុមមកពីទ្វីបអឺរ៉ុប នៅពេលដែលខ្លួនគ្រោងនឹងជួបជាមួយក្លិប Borussia Dortmund ក្នុងក្របខ័ណ្ឌ Bundesliga ក្នុងការប្រកួតមិត្តភាពនៅថ្ងៃទី 30 ខែវិច្ឆិកា ឆ្នាំ 2022។
ការប្រកួតនេះក៏នឹងក្លាយជាទីលានសម្រាប់គ្រូបង្វឹកលោក Park Hang-seo ដើម្បីអនុវត្តយុទ្ធសាស្ត្រថ្មីក្នុងការរៀបចំការប្រកួតពានរង្វាន់ AFF Mitsubishi Electric Cup ដែលនឹងធ្វើឡើងនៅចុងឆ្នាំនេះ។ គេដឹងថាសំបុត្រសម្រាប់ការប្រកួតទល់នឹង Borussia Dortmund នឹងដាក់លក់តាមអនឡាញចាប់ពីថ្ងៃនេះតទៅ។
[OFFICIAL] Vietnam national football team will have a friendly match with @BVB on November 30, 2022 at My Dinh national stadium. 80% of tickets will be sold online via app VinID from Oct 26,2022.#BroussiaDortmund #VinID #VFF #BVB pic.twitter.com/h2eX63R3GR — Vietnam sports news (@VNSportsnews) October 21, 2022
[OFFICIAL] Vietnam national football team will have a friendly match with @BVB on November 30, 2022 at My Dinh national stadium. 80% of tickets will be sold online via app VinID from Oct 26,2022.#BroussiaDortmund #VinID #VFF #BVB pic.twitter.com/h2eX63R3GR
— Vietnam sports news (@VNSportsnews) October 21, 2022
Dortmund ដែលជាម្ចាស់ជើងឯក Bundesliga 8 សម័យនឹងនាំយកក្រុមដ៏ល្អបំផុតរបស់ពួកគេទៅកាន់ទីក្រុងហាណូយ។ ក្រៅពីសកម្មភាពមិត្តភាព ពួកគេក៏បានចូលរួមក្នុងសកម្មភាពជួបអ្នកគាំទ្រដ៏ស្មោះត្រង់របស់ក្រុមផងដែរ។ លោក Benedikt Scholz នាយកផ្នែកពាណិជ្ជកម្មរបស់ Dortmund បាននិយាយថា “យើងដឹងថាប្រជាជនវៀតណាមពិតជាចូលចិត្តកីឡាបាល់ទាត់ ហើយ Dortmund មានអ្នកគាំទ្រជាច្រើននៅទីនេះ។ យើងសន្យាថានឹងនាំយកក្រុមសំខាន់ៗដែលមានកីឡាករល្អបំផុត” ។
ទោះជាយ៉ាងណាក៏ដោយ តារាមួយចំនួនក្នុងក្រុមប្រហែលជាមិនអាចចូលរួមនៅប្រទេសវៀតណាមបានទេ ដោយសារពួកគេចូលរួមការប្រកួតបាល់ទាត់ពិភពលោកឆ្នាំ 2022 នៅប្រទេសកាតា។
សមាគមបាល់ទាត់វៀតណាម (VFF) កាលពីសប្តាហ៍មុនក៏បានប្រកាសពីភាពជាដៃគូយុទ្ធសាស្ត្រជាមួយ Borussia Dortmund សម្រាប់កម្មវិធីអភិវឌ្ឍន៍មូលដ្ឋាន។ ជាលទ្ធផលនៃកិច្ចសហប្រតិបត្តិការនេះ ក្រុមជម្រើសជាតិវៀតណាម និងកីឡាករវ័យក្មេងដែលមានទេពកោសល្យនឹងមានឱកាសហ្វឹកហាត់នៅមជ្ឈមណ្ឌលបណ្តុះបណ្តាល BVB និងលេងក្នុងការប្រកួតមិត្តភាពនៅឆ្នាំ 2023 ។
Scholz បាននិយាយថា៖ “ការហ្វឹកហាត់បាល់ទាត់សម្រាប់កីឡាករវ័យក្មេងគឺស្ថិតនៅក្នុង DNA របស់យើង ហើយ Dortmund ត្រៀមខ្លួនជាស្រេចដើម្បីជួយវៀតណាម” ។
VFF ក៏មានគម្រោងពិសេសមួយដែលពួកគេនឹងបញ្ជូនកីឡាករវ័យក្មេងដែលមានសក្តានុពលទៅកាន់ប្រទេសអាឡឺម៉ង់ជាជំហានដំបូងក្នុងបេសកកម្មរបស់ពួកគេដើម្បីមានសិទ្ធិសម្រាប់ការប្រកួតបាល់ទាត់ពិភពលោកឆ្នាំ 2030 ។
ជារៀងរាល់ឆ្នាំ VFF នឹងធ្វើការពិនិត្យ ហើយពួកគេនឹងជ្រើសរើសកីឡាករវ័យក្មេងល្អបំផុត ដែលត្រូវបញ្ជូនទៅហ្វឹកហាត់ជាមួយក្លឹបមួយចំនួនដែលលេងនៅ Bundesliga 1 និង 2 ដូចជា Bayern Munich, Borussia Dortmund, Borussia Monchengladbach, Hertha Berlin និងជាច្រើនទៀត។ កីឡាករដែលបង្ហាញទម្រង់លេងបានល្អក្នុងអំឡុងពេលហ្វឹកហាត់ជាមួយក្លឹបដែលពាក់ព័ន្ធនឹងបន្តស្នាក់នៅប្រទេសអាឡឺម៉ង់ជាកន្លែងដែលពួកគេនឹងលេងជាមួយក្រុមយុវជន ខណៈពេលដែលទទួលបានចំណេះដឹង និងបទពិសោធន៍ចាំបាច់។
ព័ត៌មានកីឡាអន្តរជាតិ
Manchester United បានវាយបកតាមពីក្រោយវិញ ដើម្បីទទួលបានលទ្ធផលស្មើ 1-1 នៅក្រៅដីក្នុងការប្រកួតជាមួយ Chelsea នៅ Premier League កាលពីសប្តាហ៍មុន។
Erik ten Hag ឥឡូវនេះនឹងសង្ឃឹមសម្រាប់លទ្ធផលវិជ្ជមានបន្ថែមទៀតនៅក្នុងការប្រកួតកំពូលមុនពេលការប្រកួតបាល់ទាត់ពិភពលោកនឹងមកដល់នៅខែវិច្ឆិកា។ ទន្ទឹមនឹងនេះដែរវេបសាយ FiveThirtyEight បានធ្វើការព្យាករណ៍ចំណាត់ថ្នាក់ក្រុមបិសាចក្រហមពេលបញ្ចប់យុទ្ធនាការ 2022/23 ក្នុងចំណាត់ថ្នាក់ទី 5 ជាមួយនឹងពិន្ទុសរុប 66 ( ច្រើនជាងឆ្នាំមុន៨ពិន្ទុ) ។
នេះជាចំណាត់ថ្នាក់ចុងក្រោយសម្រាប់រដូវកាល 2022/23 ក្នុងពាន Premier League ដែលព្យាករណ៍ដោយ FiveThirtyEight៖ ១. Manchester City — ៨៧ ពិន្ទុ
២. Arsenal — ៧៦ ពិន្ទុ
៣. Liverpool — ៧០ ពិន្ទុ
៤. Chelsea — ៦៨ ពិន្ទុ
៥. Manchester United — ៦៦ ពិន្ទុ
៦. Tottenham — ៦៥ ពិន្ទុ
ប្រភព៖ FiveThirtyEight
ដៃគូរបស់ Cristiano Ronaldo គឺ Georgina Rodriguez បច្ចុប្បន្នកំពុងហ្វឹកហាត់ក្បាច់ប្រដាល់ដោយអ្នកប្រយុទ្ធ MMA អាជីព Lincoln Strong នៅទីក្រុង Manchester ។
Rodriguez ត្រូវបានគេស្គាល់ថាជាអ្នករាំរបាំបាឡេ និងជាតារាបង្ហាញម៉ូត ដែលនេះជាមូលហេតុដែលចំណង់ចំណូលចិត្តរបស់នាងទើបនឹងរកឃើញមានការភ្ញាក់ផ្អើលយ៉ាងខ្លាំង។
អ្នកដែលបង្រៀនគឺជា Strong ដែលជាអ្នកប្រយុទ្ធMMA អាជីព ហើយលោកបានបង្ហាញពីអ្វីដែល Rodriguez បានធ្វើជាមួយនឹងការបង្ហោះ Instagram របស់អ្នកទាំងពីរនេះក្នុងពេលហ្វឹកហាត់។ គាត់បានផុសវីដេអូឃ្លីប “Some pads with Georgina – អ្វីៗកាន់តែប្រសើរឡើងគ្រប់ពេលវេលា” ។ តាមរយៈឃ្លីបខ្លីនេះ ប្រពន្ធរបស់ Cristiano ហាក់ដូចជាចាប់បានយ៉ាងលឿនជាមួយនឹងកណ្តាប់ដៃ និងទាត់។
View this post on Instagram A post shared by Linc MMA Strong (@linc_mma_strong)
A post shared by Linc MMA Strong (@linc_mma_strong)
ប្រភព៖ Daily Star
វាមើលទៅទំនងណាសស់ដែល Barcelona ធ្លាក់ទៅ Europa League នៅរដូវកាលនេះ បើទោះបីជា Xavi ជឿជាក់លើអព្ភូតហេតុក៏ដោយ។ ប្រសិនបើ Barca នៅទីបំផុតធ្លាក់ទៅ Europa League នៅថ្ងៃពុធ នេះគឺជាក្រុមចំនួន 5 ដែលអាចជាបន្លាពាំងផ្លូវពីការឈ្នះពានរង្វាន់មួយដែលពួកគេមិនដែលឈ្នះទោះបីជាពានរង្វាន់តូចក៏ដោយ។
1. Arsenal ៖ Mikel Arteta កំពុងធ្វើការងារដ៏ល្អជាមួយក្រុមកាំភ្លើងធំ។ បច្ចុប្បន្នពួកគេឈរនៅកំពូលតារាង Premier League ហើយចាញ់តែមួយប្រកួតគត់ក្នុងចំណោម 15 ប្រកួតដំបូងក្នុងរដូវកាលនេះ។
2. Real Betis៖ Barca ប្រហែលជាមិនចង់ប្រឈមមុខនឹងគូប្រជែង La Liga របស់ពួកគេឆាប់ពេកក្នុង Europa League នោះទេ។ ពួកគេធ្វើបានយ៉ាងល្អក្នុងរដូវកាលនេះ ហើយមិនស្គាល់ចាញ់នៅពានអឺរ៉ុប។
3. Manchester United ៖ បិសាចក្រហមបានរស់ឡើងវិញក្រោមការដឹកនាំរបស់ Erik Ten Hag ។ ពួកគេនឹងសម្លឹងមើល Europa League ជាឱកាសដ៏ល្អបំផុតរបស់ពួកគេក្នុងការឈ្នះពានរង្វាន់នៅរដូវកាលនេះ។
4. Braga ៖ ក្រុមមកពីព័រទុយហ្គាល់មើលទៅដូចជាក្រុមគ្មាននរណានឹកស្មានពី ការឈ្នះពាន Europa League នៅរដូវកាលនេះ – ចងចាំថា Eintracht Frankfurt កាលពីរដូវកាលមុនអាចធ្វើបាន?
5. AS Roma ៖ លោក Jose Mourinho បានដឹកនាំ Romans ឱ្យឈ្នះពានរង្វាន់អឺរ៉ុបជាលើកដំបូងរបស់ពួកគេក្នុងរយៈពេល 50 ឆ្នាំកាលពីរដូវកាលមុន។ ពួកគេនឹងសម្លឹងមើលទៅកាន់ភាពល្អប្រសើរមួយជាមួយនឹង Europa League នៅរដូវកាលនេះ។
Florentino Perez បានទទួលការវះកាត់តូចមួយនៅលើសួតរបស់គាត់កាលពីព្រឹកថ្ងៃអង្គារនៅទីក្រុងម៉ាឌ្រីដ នេះបើតាមការរាយការណ៍របស់ Football Espana ។
ការវះកាត់បានទទួលជោគជ័យដោយប៉ាប៉ា Perez រំពឹងថានឹងមានសុខភាពល្អវិញក្នុងរយៈពេលប៉ុន្មានសប្តាហ៍ទៀត។ លោក Florentino Perez មានអាយុ 75 ឆ្នាំហើយដែលធ្វើអោយគាត់ក្លាយជាប្រធានក្លឹបដែលមានវ័យចំណាស់បំផុតរបស់បាល់ទាត់នៅពេលនេះ។
ទោះយ៉ាងណាក៏ដោយ Perez នៅតែជាអ្នកគ្រប់គ្រងបាល់ទាត់ដែលមានភាពម៉ត់ចត់ និងគោរពដោយបានដឹកនាំ Real Madrid ធ្វើជាប្រធានសម្រាប់ក្រុមហ៊ុនធំៗ បួនផ្សេងគ្នាដែលចាប់ពីពាក់កណ្តាលឆ្នាំ 2000 ។
បុរសដែលមានចំណាស់រូបនេះបានដឹកនាំក្រុម Real Madrid ឱ្យឈ្នះពានរង្វាន់ច្រើនជាង 30 រួមទាំងពានរង្វាន់ Champions League ចំនួនប្រាំមួយ។
ប្រភព៖ Football Espana
បន្ទាប់ពីរបួសក្បាលដែលគាត់បានប៉ះទង្គិចជាមួយកីឡាករ Shakhtar Donetsk Antonio Rudiger បានដេរចំនួន 20 ថ្នេរ។ ខ្សែការពារពេលនេះមានស្នាមនៅលើចិញ្ចើមខាងឆ្វេង ហើយភ្នែករបស់គាត់នៅតែមានដក់ឈាម។
នៅពេលអ្នកកាសែតសួរអំពីស្លាកស្នាមថ្មីរបស់គាត់ Rudiger មានប្រតិកម្មស្រាលៗថា៖ “ខ្ញុំមានអារម្មណ៍ល្អ ខ្ញុំក៏មិនមែនជាបុរសដែលមានរូបរាងស្អាតបំផុតដែរ ប៉ុន្តែខ្ញុំតែងតែសុខចិត្តផ្តល់អ្វីគ្រប់យ៉ាងសម្រាប់ក្រុមរបស់ខ្ញុំ”។
ទោះបីជាត្រូវការអន្តរាគមន៍ផ្នែកវេជ្ជសាស្រ្តក៏ដោយ ក៏កីឡាករអាឡឺម៉ង់បានជាសះស្បើយយ៉ាងឆាប់រហ័ស ហើយថែមទាំងបានលេងក្នុងការប្រកួតបន្ទាប់ជាមួយនឹងក្រុម Barcelona។ នៅរដូវកាលនេះ Antonio បានលេង 15 ប្រកួត (ចាប់ផ្ដើម១១នាក់ដំបូង៨លើក) សម្រាប់ Real Madrid និងស៊ុតបញ្ចូលទីបាន 2 គ្រាប់។
ប្រភព៖ Real Madrid CF (h/t MadridXtra @ Twitter)
ព្រះខ័នរាជស្វាយរៀងបានចេញសេចក្ដីថ្លែងការមួយពីការប្ដូរទីតាំងប្រកួតពានរង្វាន់ Cambodian Premier League ដែលនឹងលេងនៅចុងសប្ដសហ៍នេះ។
ក្លិបបានសរសេរក្នុងបណ្ដាញសង្គមរបស់ខ្លួនថា៖«ក្លិបសូមពន្យល់ពីមូលហេតុនៅពីក្រោយការផ្លាស់ប្តូរទីលានប្រកួតចុងសប្តាហ៍នេះជាមួយក្លិបបឹងកេត។ ដោយសារគូប្រកួតរបស់យើងត្រូវមានការហ្វឹកហាត់ផ្លូវការនៅកីឡដ្ឋានមួយថ្ងៃមុនការប្រកួត ដែលតម្រូវឱ្យពួកគេស្នាក់នៅមួយយប់ផងដែរ តែដោយសារពិធីបុណ្យអុំទូកមានទីទាំងក្នុងទីរួមខេត្តដែលជិតតនិងទីលានប្រកួតផងនោះ ទើបមិនអាចឱ្យពួកគេរៀបចំការស្នាក់នៅបាន»។
«បន្ទាប់ពីមានការពិភាក្សាគ្នារវាងក្លិបទាំងពីរ និងការយល់ព្រមពី Cambodian Premier League នោះ ពួកយើងក៏មានការយល់ព្រមផ្លាស់ប្តូរទីលានប្រកួតទៅកីឡដ្ឋាន Cambodia Airways»។
«យើងដឹងថាការផ្លាស់ប្តូរទីកន្លែងអាចនឹងធ្វើឱ្យអ្នកគាំទ្រមួយចំនួនខកខានការប្រកួតនៅចុងសប្តាហ៍នេះ ប៉ុន្តែក្នុងនាមជាក្លិបបាល់ទាត់ យើងមានអារម្មណ៍ថាវាមានសារៈសំខាន់ក្នុងការធ្វើជាគំរូឈានមុខគេក្នុងការផ្តល់ការលេងដោយយុត្តិធម៌ និងស្មើរភាពគ្នាក្នុងកីឡាមួយនេះ។ សូមជូនពរបងប្អូនទាំងអស់ដែលចូលរួមពិធីបុណ្យអុំទូកនៅខេត្តស្វាយរៀង ប្រកបដោយសុវត្ថិភាព និងសប្បាយរីករាយ ហើយយើងនឹងជួបអ្នកម្តងទៀតនៅការប្រកួតបន្ទាប់ក្នុងដីរបស់ពួកយើង»។
អ្វីដែលគេទន្ទឹងរង់ចាំបំផុតមុនព្រឹត្តិការណ៏ធំមួយ គឺអាវរបស់ក្រុមដែលចូលរួម ដោយក្នុងនោះ World Cup នឹងជិតមកដល់ ហើយក្រុមជាច្រើនបាននឹងកំពុងបញ្ចេញអាវថ្មីរបស់ពួកគេ។
មួយក្នុងចំនោមពួកគេត្រូវបានបង្ហាញនៅថ្ងៃនេះ ហើយវាគឺជាលក្ខណៈពិសេសមួយ។ Hummel បានបញ្ចេញអាវដែលក្រុមជម្រើសជាតិដាណឺម៉ាកនឹងពាក់នៅ World Cup 2022 ជាមួយនឹងសារអំពីការរចនាលើវា។ ក្រុមហ៊ុន Hummel បាននិយាយនៅក្នុងសេចក្តីថ្លែងការណ៍មួយនៅលើប្រព័ន្ធផ្សព្វផ្សាយសង្គម៖
This shirt carries with it a message. We don’t wish to be visible during a tournament that has cost thousands of people their lives. We support the Danish national team all the way, but that isn’t the same as supporting Qatar as a host nation. pic.twitter.com/7bgMgK7WzS — hummel (@hummel1923) September 28, 2022
This shirt carries with it a message.
We don’t wish to be visible during a tournament that has cost thousands of people their lives.
We support the Danish national team all the way, but that isn’t the same as supporting Qatar as a host nation. pic.twitter.com/7bgMgK7WzS
— hummel (@hummel1923) September 28, 2022
“យើងមិនប្រាថ្នាចង់ឱ្យគេមើលឃើញក្នុងអំឡុងពេលការប្រកួតដែលបានធ្វើឱ្យមនុស្សរាប់ពាន់នាក់បាត់បង់ជីវិតរបស់ពួកគេនោះទេ។ យើងគាំទ្រក្រុមជម្រើសជាតិដាណឺម៉ាកគ្រប់បែបយ៉ាង ប៉ុន្តែវាមិនដូចគ្នានឹងការគាំទ្រប្រទេសកាតាក្នុងនាមជាប្រទេសម្ចាស់ផ្ទះឡើយ»។
Piers Morgan អ្នកសរសេរអត្ថបទរបស់កាសែត The Sun និងមានអ្នកតាមដានជិត ៨ លាននាក់នៅលើ Twitter បានទម្លាយនូវអ្វីដែលគាត់គិតថាជាយុទ្ធនាការរបស់ Manchester United ដើម្បីបង្អាប់ Cristiano Ronaldo ខណៈដែលគាត់ស្វែងរកការចាកចេញពីក្លឹប។
សរសេរក្នុងទំព័រមុខលើកាសែតររបស់គាត់នៅលើ Sun Sport, Morgan បានអះអាងថា Ronaldo នឹងមិនលេងឱ្យក្រុមម្តងទៀត ស្របពេលខ្សែប្រយុទ្ធព័រទុយហ្គាល់មិនមានសម្ព័ន្ធមិត្តនៅសល់នៅក្នុងក្លឹបនោះទេ។
មតិចុងក្រោយរបស់ Piers Morgan អត្ថបទនៅក្នុងកាសែត The Sun បានសរសេរថា៖ “Cristiano មិនមានសម្ព័ន្ធមិត្តនៅសល់នៅក្លឹប ហើយនឹងមិនអាចពាក់អាវរបស់ United ម្តងទៀតបានទេ” ។ អត្ថបទក៏ត្រូវបានដកស្រង់ផងដែរ ដោយនិយាយថា៖ “Manchester United អាចអនុញ្ញាតឱ្យ CR7 ចាកចេញក្នុងខែមករា” ទោះបីជាមានព័ត៏មានថាមិនទាន់មានការដេញថ្លៃសម្រាប់ខ្សែប្រយុទ្ធព័រទុយហ្គាល់អាយុ 37 ឆ្នាំក៏ដោយ»។
យោងតាម Morgan ការចោទប្រកាន់ថា មិនមានការចាប់អារម្មណ៍ក្នុងការចុះហត្ថលេខាលើ Cristiano ក្នុងអំឡុងពេលទីផ្សារដោះដូរកីឡាករគឺដោយសារតែ “ការលេចធ្លាយការគ្រប់គ្រងរបស់ Manchester United ដើម្បីធ្វើឱ្យខូចឈ្មោះ Cristiano Ronaldo” ។
Piers Morgan សរសេរការពារ Cristiano Ronaldo Morgan បានការពារការប្តេជ្ញាចិត្តរបស់ Ronaldo ចំពោះ Manchester United ដោយរំលឹកថាកាលពីរដូវក្តៅមុន Ronaldo បានបដិសេធការដេញថ្លៃ 130 លានអឺរ៉ូពីក្លឹបអារ៉ាប៊ីសាអូឌីត។ អ្នកសរសេរអត្ថបទរូបនេះក៏បានដាក់គោលដៅលើលោក Erik ten Hag ដែលគាត់បានចោទប្រកាន់ថាបានបន្ទាបតម្លៃ Ronaldo ដោយចេតនា។
«Ten Hag ព្យាយាមបង្រៀន Cristiano អំពីស្តង់ដារ និងតម្លៃ នៅពេលដែលគាត់កំពុងធ្វើឱ្យគាត់អាម៉ាស់ដោយចេតនាមែនទេ? លេងសើចណាស់!»
“ខ្ញុំគិតថាការមិនគោរពរួមចំពោះ Cristiano ពីអ្នកចាត់ការរបស់គាត់ និងអ្នកគាំទ្រ Manchester United ជាច្រើន បន្ទាប់ពីគាត់បានធ្វើចំពោះក្លឹបរបស់គាត់គឺជាការអាម៉ាស់” ។
បកប្រែពី MARCA
