យោងតាមលោក Moises Llorens និង Samuel Marsden ដ៏គួរឱ្យជឿជាក់របស់ ESPN ក្រុម Barcelona បានចាប់ផ្តើមរៀបចំផែនការសម្រាប់រដូវកាលក្រោយ ហើយពួកគេរំពឹងថាប្រធានក្រុមបច្ចុប្បន្នទាំងបួននឹងចាកចេញពីក្លឹបនៅរដូវក្តៅនេះ។

កិច្ចសន្យារបស់ Sergio Busquets និង Sergi Roberto នឹងត្រូវផុតកំណត់នៅចុងបញ្ចប់នៃរដូវកាលនេះ។ ទោះបីជាក្រុម Catalans មានបំណងចង់បន្តកិច្ចព្រមព្រៀងរបស់ Busquets ក៏ដោយ ក៏កីឡាករជើងចាស់រូបនេះហាក់ដូចជាប្តេជ្ញាចិត្តចាកចេញ។

សម្រាប់ Gerard Pique និង Jordi Alba កិច្ចសន្យារបស់ពួកគេដំណើរការរហូតដល់ឆ្នាំ 2024។ ទោះជាយ៉ាងណាក៏ដោយ ដោយសារតែប្រាក់ឈ្នួលខ្ពស់ និងការរួមចំណែកមានកំណត់ Barca ប្រហែលជាមានទំនោរចង់លក់ពួកគេ ឬយល់ព្រមលើការបញ្ចប់កិច្ចសន្យា។

ប្រភព៖ ESPN

បាល់ទាត់អេស្ប៉ាញអាច​នឹងមានហានិភ័យធ្ងន់ធ្ងរនាំការ​ផ្អាក ឬបិទសកម្មភាព។ នេះជាអ្វីដែលប្រធាន La Liga លោក Javier Tebas បានប្រាប់ក្លឹបលេង​លីគទី 1 និងលីគទី 2 ដែលត្រូវបានកោះហៅទៅប្រជុំសភាវិសាមញ្ញនៅថ្ងៃព្រហស្បតិ៍ទី 27 ខែតុលាខាងមុខនេះបើយោងតាម ​​El Partidazo ។

មន្ត្រីរបស់ក្លឹប La Liga ចំនួន 16 និងលោក Tebas ផ្ទាល់បានជួបជាមួយលោក Mikel Iseta រដ្ឋមន្ត្រីក្រសួងវប្បធម៌ និងកីឡារបស់ប្រទេសអេស្ប៉ាញ កាលពីដើមសប្តាហ៍នេះ ដើម្បីបង្ហាញពីការព្រួយបារម្ភរបស់ពួកគេ អំពីតួនាទីដែលច្បាប់កីឡាថ្មីផ្តល់ដល់ពាន European Super League ទុកទ្វារបើកចំហសម្រាប់ ក្លឹបដើម្បីចូលរួមទាំង ESL និងជើងឯកក្នុងស្រុក ដោយធ្វើឱ្យក្រុមដែលនៅសល់ចុងក្រោយប្រឈមនឹងហានិភ័យ។

គេជឿថាលោក Florentino Perez និង Joan Laporta រៀបចំច្បាប់ថ្មីទាំងនេះ ដើម្បីតាមដានការមកដល់នៃ Super League យ៉ាងឆាប់រហ័ស។ ពួកគេទាំងពីរមានជម្លោះជាមួយប្រធានលីគលោក Tebas ។

សរុបមក Real Madrid, Barcelona និង Juventus គឺជាក្លឹបតែបីប៉ុណ្ណោះដែលចូលរួមក្នុងគម្រោង ESL ដែលមានដើមកំណើតនៅឆ្នាំ 2020 ប៉ុន្តែមិនទទួលបានការគាំទ្រច្រើនពីអ្នកដទៃនោះទេ។

យោងតាមគេហទំព័រកំពូលរបស់ហូឡង់ Voetbal Primeur បានឱ្យដឹងថា Manchester United បានទាក់ទងនាយកប្រតិបត្តិ Ajax លោក Edwin van der Sar កាលពីសប្តាហ៍មុនអំពីលទ្ធភាពនៃការក្លាយជានាយកបាល់ទាត់ថ្មីរបស់ខ្លួន។

ជំហររបស់វីរបុរស Old Trafford រូបនេះ មិនត្រូវបានគេដឹងនៅពេលនេះទេ ប៉ុន្តែគាត់បានធ្វើការយ៉ាងល្អជាមួយ Erik ten Hag អំឡុងពេលពួកគេនៅជាមួយគ្នានៅ Ajax ។

ក្នុងរយៈពេលប៉ុន្មានឆ្នាំចុងក្រោយនេះ បិសាចក្រហមត្រូវបានគេរាយការណ៍ថាបានព្យាយាមយក Van der Sar ចូល ប៉ុន្តែឥឡូវនេះមានតែជំហានជាក់ស្តែងប៉ុណ្ណោះដែលកំពុងត្រូវបានចាត់វិធានការ។

Ajax ត្រូវបានគេជឿថាកំពុងរៀបចំសម្រាប់ការចាកចេញដ៏មានសក្តានុពលរបស់ Van der Sar ដោយទាក់ទង Danny Blind ដែលជាឪពុករបស់អតីតកីឡាករ Manchester United  Daley Blind ដើម្បីជំនួសបុរសវ័យ 51 ឆ្នាំ។

ទន្ទឹមនឹងនោះ John Murtough ដែលជានាយកបាល់ទាត់បច្ចុប្បន្នរបស់ក្លិបបិសាចក្រហម មិន​ថា​នឹងចាកចេញពីតួនាទីរបស់គាត់ឬក៏យ៉ាងណានោះទេ។ វា​មិន​ប្រាកដ​ទេ​ថា តើ​លោក Van der Sar នឹង​ធ្វើ​ការ​ជាមួយ​គាត់ ឬ​ក៏​កាន់​តំណែង​ជា​អ្នក​ស្នង​តំណែង​របស់​គាត់។

ប្រភព៖ Voetbal Primeur

ស្ថាប័នសង្កេតការណ៍បាល់ទាត់ CIES បានចង្អុលបង្ហាញពីការពិតដែលថា Real Madrid មិនបានចុះហត្ថលេខាលើកីឡាករដែលមានអាយុលើសពី 30 ឆ្នាំក្នុងរយៈពេល 10 ឆ្នាំចុងក្រោយនេះ។

បើអ្នកត្រូវគិតត្រលប់ទៅឆ្នាំ 2012 ដែលជាពេលវេលាចុងក្រោយដែល Real Madrid បានចុះហត្ថលេខាលើកីឡាករអាយុលើសពី 30 ឆ្នាំ។ រដូវក្តៅនោះ Diego Lopez បានមកដល់ពី Sevilla ក្នុងតម្លៃ 3.5 លានអឺរ៉ូ។ អ្នកចាំទីមានអាយុ ៣១ឆ្នាំ។

នេះបានពន្យល់ពីមូលហេតុដែល Real Madrid មិនដែលចុះហត្ថលេខាលើកីឡាករដូច Robert Lewandowski ដែលបានចូលរួមជាមួយ Barcelona ក្នុងតម្លៃ 50 លានអឺរ៉ូនៅអាយុ 33 ឆ្នាំ។Real Madrid កំពុង​តែ​រក្សា​ឈ្មោះ Erling Haaland ជា​អ្នក​ជំនួស Karim Benzema ក្នុង​ឆ្នាំ 2024/25។

ប្រភព៖ CIES

Cristiano Ronaldo ត្រូវបានក្លិបពិន័យសម្រាប់ការចាកចេញពីកៅអីបម្រុងមុន​ការ​ប្រកួតចប់ អំឡុងពេល Man United យកឈ្នះ Tottenham Hotspur ដោយគាត់ត្រូវបានដកចេញពីក្រុមសម្រាប់ការប្រកួតទល់នឹង Chelsea នាពេលខាងមុខ។

Erik ten Hag ផ្ទាល់បានទទួលយកការសម្រេចចិត្តនេះ ហើយក្លឹបក៏បានគាំទ្រគាត់ ដោយពួកគេយល់ស្របថាការមិនធ្វើអ្វីសោះនឹងធ្វើឱ្យពួកគេមើលទៅទន់ខ្សោយ ហើយ​មិនវជរៀបចំនិង​កាន់​ស្ថាប័នមួយ។

ក្រោយ​ពី​បម្រាម Ronaldo ក៏​នឹង​ត្រូវ​ធ្វើ​ឱ្យ​ហ្វឹកហាត់​តែ​ម្នាក់​ឯង​សម្រាប់​ប៉ុន្មាន​ថ្ងៃ​ខាង​មុខ។ គាត់នឹងមិនប្រាស្រ័យទាក់ទងជាមួយក្រុមក្នុងការហ្វឹកហាត់ទេ ខណៈដែលពួកគេត្រៀមសម្រាប់ការប្រកួតដ៏សំខាន់ជាមួយ Chelsea។ យោងតាមកាសែត Mirror, United មិនបានធ្វើអត្ថាធិប្បាយថាតើ Ronaldo ត្រូវបានពិន័យសម្រាប់សកម្មភាពរបស់គាត់ឬយ៉ាងណានោះទេ។

Cristiano ត្រូវបានគេប្រទះឃើញមកដល់មជ្ឈមណ្ឌលហ្វឹកហ្វឺន Carrington កាលពីថ្ងៃព្រហស្បតិ៍ ប៉ុន្តែគាត់មិនត្រូវបានអនុញ្ញាតឱ្យហ្វឹកហាត់ជាមួយកីឡាករក្នុងក្រុមនោះទេ។

ពេលនេះ Ronaldo នឹងត្រូវរង់ចាំរហូតដល់គាត់អាចចូលហ្វឹកហាត់ក្រុមដំបូងឡើងវិញ ហើយប្រហែលជាត្រូវសុំទោសចំពោះទង្វើរបស់គាត់ ក៏ដូចជាហ្វឹកហាត់ឱ្យអស់ពីសមត្ថភាព ដើម្បីទទួលការគោរពពីមិត្តរួមក្រុម និងអ្នកចាត់ការរបស់គាត់ឡើងវិញ។

ប្រភព៖ Tribuna.com

ទំនាក់ទំនងរបស់ Cristiano Ronaldo ជាមួយ Erik ten Hag ហាក់ដូចជាបែកបាក់បន្តិចម្ដងៗ កាន់តែខ្លាំងឡើងៗខណៈដែលរឿងចុងក្រោយកីឡាករ​ព័រទុយហ្គាល់ដើរចេញពីទីលាន មុនពេលបញ្ចប់​ការ​ប្រកួតទល់នឹង Tottenham កាលពីយប់មិញ។

ទោះជាយ៉ាងណាក៏ដោយ ជម្លោះបានកើតមានឡើងនៅពីក្រោយឆាកជាច្រើនខែមក​ហើយ ហើយវាមិនគួរឱ្យភ្ញាក់ផ្អើលបំផុតក្នុងការឃើញទង្វើរបស់កីឡាករ​ព័រទុយ​ហ្គាល់​តាមរបៀបនេះ ដែលបានបង្ហាញអាកប្បកិរិយាថ្មីៗរបស់គាត់នៅ Old Trafford ។

ការមិនចូលរួមការ​ប្រកួតមុនបើករដូវកាល
Ronaldo បានជំរុញដោយបើកចំហរឱ្យចាកចេញពី Manchester United នៅរដូវក្តៅ ឱ្យទៅចូលរួមជាមួយក្លឹបនៅ Champions League ។ កីឡាករវ័យ 37 ឆ្នាំរូបនេះបានខកខានការប្រកួតមុនរដូវកាលនៅអាស៊ី និងអូស្ត្រាលី ហើយមិនមានកាយសម្បទាពេញលេញនៅដើមរដូវកាល។

ចាកចេញពីកីឡដ្ឋានមុនចប់​ការ​ប្រកួតទល់នឹង Rayo
Ronaldo បានបញ្ចេញកំហឹងនៅពេលដែលបិសាចក្រហមត្រលប់មកទីក្រុង Manchester វិញនៅចុងខែកក្កដា ដោយចាកចេញពី Old Trafford មុនពេលបញ្ចប់ការប្រកួតមិត្តភាព 1-1 របស់ Man United ទល់នឹង Rayo Vallecano បន្ទាប់ពីត្រូវបានប្តូរចេញនៅតង់ទី 1 ដោយលោក Ten Hag ។

បដិសេធមិនអរគុណអ្នកគាំទ្រនៅ Brentford

Man United បានរងបរាជ័យយ៉ាងអាម៉ាស់ក្នុងលទ្ធផល 4-0 ទល់នឹង Brentford ក្នុងការប្រកួតទីពីររបស់ពួកគេនៃរដូវកាល Premier League 2022/23 ហើយ Ronaldo បានបដិសេធចូលរួមជាមួយមិត្តរួមក្រុមរបស់គាត់ក្នុងការអរគុណអ្នកគាំទ្រដែលធ្វើដំណើរសម្រាប់ការគាំទ្ររបស់ពួកគេ។

ចេញពីទីលានក្នុងជំនួប Man Utd ស្មើជាមួយ Everton
ខណៈដែល Man United ត្រូវបាន Everton គ្របដណ្ដប់នៅផ្ទះកាលពីដើមខែនេះ Ronaldo បានគូររូបភាពនៃការខកចិត្ត ដោយដើរត្រង់ចុះទៅផ្លូវរូងនៅពាក់កណ្តាលតង់ បន្ទាប់ពីការស្មើ 1-1 ដោយបដិសេធមិនទទួលស្គាល់មិត្តរួមក្រុមរបស់គាត់ និង Ten Hag ។

ចេញពីទីលានក្នុងជំនួប Man Utd ឈ្នះ Spurs យប់មិញ
ឧបទ្ទវហេតុចុងក្រោយបំផុតឃើញ Ronaldo ចាកចេញពីកៅអីបម្រុងដើរកាត់ផ្លូវរូងនៅនាទីទី 89 នៃជ័យជម្នះ 2-0 ទល់នឹង Tottenham នៅផ្ទះខ្លួនឯង។ កីឡាករ​វ័យ 37 ឆ្នាំ​បានក្លាយជាកីឡាករបម្រុងមិនបានចុលលេង​នៅ Old Trafford ។

ប្រភព៖ Tribuna.com

កីឡដ្ឋាន Kanjuruhan ក្នុងទីក្រុង Malaang ប្រទេសឥណ្ឌូនេស៊ី នឹងត្រូវកម្ទេចចោល បន្ទាប់ពីឧប្បត្តិហេតុដែលបានឆក់យកជីវិតអ្នកគាំទ្របាល់ទាត់ប្រមាណ ១៣៣នាក់។

សោកនាដកម្មដ៏គួរឱ្យសោកស្ដាយគឺជាព្រឹត្តិការណ៍ដ៏ខ្មៅងងឹតមួយនៅក្នុងប្រវត្តិសាស្ត្របាល់ទាត់ឥណ្ឌូនេស៊ី ហើយ​វា​ត្រូវ​បាន​គេ​ចាត់​ទុក​ថា​ជា​គ្រោះថ្នាក់​ដ៏​ធំ​បំផុត​មួយ​ដែល​ទាក់​ទង​នឹង​អ្នក​គាំទ្រ​បាល់ទាត់។

ប្រធានាធិបតីឥណ្ឌូនេស៊ីលោក Joko Widodo បានប្រកាសថាកីឡដ្ឋាន Kanjuruhan នឹងត្រូវកម្ទេច និងសាងសង់ឡើងវិញជាមួយនឹងកីឡដ្ឋានថ្មីនៅលើទីតាំងដដែល។​ Jokowi បាន​បញ្ជាក់​ពី​បញ្ហា​នេះ​បន្ទាប់​ពី​ជួប​ជាមួយ​ប្រធាន FIFA លោក Gianni Infantino ​គឺ​បន្ទាប់​ពី​កីឡដ្ឋាន​ត្រូវ​បាន​គេ​បញ្ជាក់​ថា​មិន​បាន​តាម​ស្តង់ដារ FIFA។

Jokowi បាននិយាយថា៖«សម្រាប់កីឡដ្ឋាន Kanjuruhan ក្នុងទីក្រុង Malang យើងនឹងកម្ទេច និងសាងសង់ឡើងវិញតាមស្តង់ដាររបស់ FIFA»។

លោក Jokowi បានបន្ថែមថា៖«កីឡដ្ឋានថ្មីដែលនឹងត្រូវសាងសង់នឹងត្រូវបំពាក់ដោយបរិក្ខារសមស្របដែលអាចធានាសុវត្ថិភាពកីឡាករ និងអ្នកគាំទ្រ»។

ក្នុងជំនួបដដែល លោក Infantino បានសន្យាថា FIFA នឹងជួយក្នុងបដិវត្តន៍ និងផ្លាស់ប្តូរបាល់ទាត់ឥណ្ឌូនេស៊ី។ FIFA ក៏បានសម្តែងការអាណិតអាសូររបស់ខ្លួនចំពោះសោកនាដកម្មដែលបានកើតឡើងនៅប្រទេសឥណ្ឌូនេស៊ីនៅក្នុងសោកនាដកម្ម Kanjuruhan ។

ក្នុង​ចំណោម​ហេតុផល​ដែល​រដ្ឋាភិបាល​ឥណ្ឌូណេស៊ី​សម្រេច​កម្ទេច​ Kanjuruhan គឺ​ដោយសារ​កត្តា​សុវត្ថិភាព និង​ស្ថានភាព​ទ្រុឌទ្រោម​នៃ​កីឡដ្ឋាន។ កីឡដ្ឋាន​ដែល​មាន​សព្វ​ថ្ងៃ​នេះ​មិន​បាន​បំពេញ​តាម​លក្ខណៈ​បច្ចេកទេស​សុវត្ថិភាព​ល្អ​ទេ។ នៅត្រង់ច្រកចូលនីមួយៗ អាចផ្ទុកមនុស្សបានតែ 2 នាក់ប៉ុណ្ណោះក្នុងពេលតែមួយ។

ដូច្នេះ​ពេល​មាន​អាសន្ន​ពិបាក​ណាស់​ដែល​អ្នក​គាំទ្រ​ចេញ​មក។ មិន​ត្រឹម​តែ​ប៉ុណ្ណោះ អ្នក​ជំនាញ​ក៏​បាន​បន្ថែម​ទៀត​ថា ហេដ្ឋារចនាសម្ព័ន្ធ​កីឡដ្ឋាន​ក៏​មាន​សភាព​រង្គោះ​រង្គើ​ដែរ។ ​គួបផ្សំ​នឹង​ភាព​ទន់ខ្សោយ​នៃ​ការគ្រប់គ្រង បាន​ធ្វើ​ឲ្យ​កីឡដ្ឋាន​ដែល​សាងសង់​ក្នុង​ទសវត្សរ៍​ទី 90 លែង​ប្រើកើតទៀតហើយ។

ឧប្បត្តិហេតុដ៏ចម្លែកមួយបានកើតឡើងអំឡុងពេលការប្រកួតក្នុងក្របខណ្ឌលីគលំដាប់ទី 1 របស់ប្រទេសកូឡុំប៊ី កាលពីថ្ងៃចន្ទ នៅពេលដែលកីឡាករម្នាក់បានសម្រេចចិត្តបញ្ចេញលិង្គរបស់គាត់ធ្វើស៊ីផ្លូវអារម្មណ៍គូប្រកួតកុំឱ្យស៊ុតបាល់ហ្វ្រីឃីកចំគោលដៅ។

ទោះយ៉ាងណាក៏ដោយ វាមិនពាក់ព័ន្ធនឹងការកម្សាន្ត ឬការ​លេង​សៀកអ្វីនោះទេ។ តាមពិត ខ្សែការពាររបស់​ក្លិប Santa Fe ឈ្មោះ Geisson Perera គ្រាន់តែព្យាយាមបង្វែរ និង​លេង​ផ្លូវ​ចិត្តពីការទាត់បាល់ហ្វ្រីឃីកពីក្រុមគូប្រកួតប៉ុណ្ណោះ។

ខណៈដែលកីឡាកររបស់​ក្លិប Jaguares de Cordoba កំពុងឈរត្រៀម​ស៊ុត​ហ្វ្រីឃីគនេះ Perera មិនអាចគិតពីអ្វីដែលល្អជាងការពន្លាត់ខោ បង្ហាញពីលិង្គរបស់គាត់នៅ​ពេល​​ឈរជារបាំងការពារក្បែរមិត្តរួមក្រុម។

ការរំខាននេះបានដំណើរការពិត​មែន នៅពេលដែលកីឡាករក្លិប Jaguares បានស៊ុតបាល់ហ្វ្រីឃីកមិនចំគោលដៅ។ ទោះបីជាយ៉ាងណាក៏ដោយ ជាមួយនឹងកាមេរ៉ាចាប់យករូបភាពនៃផ្នែកឯកជនរបស់ Perera ច្បាស់ៗ ឥឡូវនេះកីឡាកររបស់​ក្លិប Santa Fe ម្នាក់នេះ អាចនឹងប្រឈមមុខនឹងការពិន័យពីមន្ត្រីដឹកនាំការ​ប្រកួតនៃលីគកូឡុំប៊ី។

ប្រភព៖ SPORTbible