គ្រូបង្វឹក Park Hang-seo នឹងអនុវត្តការផ្លាស់ប្តូរដ៏ធំនៅក្នុងក្រុមជម្រើសជាតិបន្ទាប់ពីការបរាជ័យក្នុង AFF Cup ដោយចាប់ផ្តើមពីប្រធានក្រុម។

Park បាននិយាយថា៖ “ខ្ញុំចង់ធ្វើការផ្លាស់ប្តូរមួយចំនួន។ Que Ngoc Hai នឹងលែងធ្វើជាប្រធានក្រុមជម្រើសជាតិទៀតហើយ។ ខ្ញុំចង់ឱ្យគាត់ផ្តោតទៅលើទីលានបន្ថែមទៀត” Park បាននិយាយក្នុងកាសែត VN Express។

ទោះបីជាលោក Park Hang-Soe  មិនទាន់បានប្រកាសពីប្រធានក្រុមជម្រើសជាតិថ្មីក៏ដោយ ក៏គាត់បានបញ្ជាក់ថាការផ្លាស់ប្តូរដ៏ធំនឹងមកដល់ក្រុមជម្រើសជាតិក្នុង​ពេល​ខាង​មុខ​នេះ។

លោក​បាន​បន្ថែម​ថា​៖ «កីឡាករដែល​ធ្លាប់ហៅចូល​ក្នុង​ជម្រើស​ជាតិ​ពេល​នេះ​នឹង​មាន​វត្តមានក្នុងការ​ហៅ​ចូល​លើក​ក្រោយ”។

AFC Asian Cup 2019, Group D – Iran vs Vietnam at Al Nahyan Stadium on 12.01.2019.

Que Ngoc Hai ដែលមានអាយុ 28 ឆ្នាំគឺជាខ្សែការពារដ៏ល្អបំផុតម្នាក់របស់វៀតណាមនៅពេលនេះ។ នៅឆ្នាំ 2018 គាត់ត្រូវបានកោះហៅឱ្យចូលរួម AFF Cup ។ បន្ទាប់ពីក្រុមឈ្នះការប្រកួត គាត់បានពាក់ខ្សែដៃប្រធានក្រុមជម្រើសជាតិក្នុងការប្រកួតធំៗបន្ទាប់ ពីឆ្នាំ 2019 ដល់ឆ្នាំ 2021។

នៅក្នុង AFF Cup 2020 កាលពីខែមុន  ខ្សែការពាររូបនេះបានបំពេញតួនាទីរបស់គាត់ និងបានជួយក្រុមឱ្យឆ្លងផុតវគ្គចែកពូលដោយមិនចាញ់សោះ។ ក្នុងការប្រកួតជើងទី១ វគ្គពាក់កណ្តាលផ្តាច់ព្រ័តទល់នឹងថៃ ដែលវៀតណាមចាញ់ ០-២ ប្រធាន​ក្រុមវៀតណាមបានជួបស្ថានការណ៍ដ៏ចម្រូងចម្រាសមួយ នៅពេលដែលគាត់បានទាត់បាល់ចូលមុខរបស់ Supachok Sarachat នៅពេលដែលកីឡាកររូបនេះដួលនៅលើទីលាន។ គាត់​មិន​បាន​ទទួល​ការ​ផាក​ពិន័យ​ចំពោះ​ទង្វើ​នេះ​ទេ។

ថ្មីៗនេះ Hai បានចែកផ្លូវជាមួយក្លឹបដើម Viettel FC ហើយត្រលប់ទៅក្លឹបស្រុកកំណើតរបស់គាត់ Song Lam Nghe An ។ ក្រុម​ជម្រើសជាតិ​នឹង​ត្រឡប់​ទៅ​ហ្វឹកហាត់​វិញ​សម្រាប់​ការ​ប្រកួត​ជម្រុះ World Cup បន្ទាប់​ជាមួយ​អូស្ត្រាលី​នៅ​ថ្ងៃ​ទី​២៧ មករា និង​ចិន​នៅ​ថ្ងៃ​ទី​១ ខែ​កុម្ភៈ។​ បន្ទាប់​ពី​ចាញ់​៦​ប្រកួត​ជាប់​គ្នា វៀតណាម​ស្ថិត​នៅ​បាត​តារាង​នៃ​ពូល B។

ក្លិបក្នុងក្របខណ្ឌ Premier League ចំនួន ៣ រួមមានទាំង Liverpool បានបង្ហាញពីចំណាប់អារម្មណ៍ក្នុងការចង់បានកីឡាករ Philippe Coutinho របស់ក្លិប Barcelona មករួមក្រុមក្នុងអំឡុងពេលទីផ្សារដោះដូរកីឡាករខែមករានេះ។

ខ្សែបម្រើសញ្ជាតិប្រេស៊ីលខាងលើបានជួបនូវការលំបាកយ៉ាងខ្លាំងនៅឯកីឡដ្ឋាន Camp Nou ដោយអាចស៊ុតបញ្ចូលទីបានតែ ៥ គ្រាប់ប៉ុណ្ណោះក្នុងការបង្ហាញខ្លួន ៣០ ប្រកួតក្នុងរយៈពេល ២ រដូវកាលកន្លងមកនេះ។

Coutinho ត្រូវបាន Barcelona នាំយកមកពី Liverpool កាលពីឆ្នាំ២០១៨ ក្នុងតម្លៃខ្លួន១៤២លានផោន ប៉ុន្តែ រូបគេមិនបានបង្ហាញទម្រង់លេងល្អឡើយជាហេតុធ្វើឲ្យក្លិបគ្រោងនឹងលក់រូបគេចេញនៅក្នុងតម្លៃសមស្របណាមួយនាខែមករានេះតែម្តងជាពិសេសការលក់កីឡាករមួយចំនួនដើម្បីឲ្យក្រុមអាចចុះឈ្មោះ Ferran Torres បាន។

ចំពោះក្លិបនៅលីគកំពូលអង់គ្លេសបីដែលចង់បាន Coutinho នោះរួមមាន Liverpool, Everton និង Aston Villa ពីព្រោះក្រុមទាំងបីសុទ្ធតែបានដឹងហើយពីសមត្ថភាពរបស់ Coutinho កាលលេងនៅ Liverpool ហើយ ក្រុមទាំងអស់នោះជឿជាក់ថា រូបគេនឹងបង្ហាញទម្រង់លេងល្អឡើងវិញក្នុងការប្រកបអាជីពនៅប្រទេសអង់គ្លេសជាថ្មី៕

សហព័ន្ធកីឡាបាល់ទាត់ប្រ៊ុយណេដារូសាឡឹម (FABD) បានបង្ហាញពីចេតនារបស់ខ្លួនក្នុងការចូលរួមក្នុងការប្រកួតចំនួនប្រាំដែលរៀបចំដោយសហព័ន្ធបាល់ទាត់អាស៊ាន (AFF) នៅឆ្នាំនេះ។

ទោះបីជាយ៉ាងណាក៏ដោយ ការបញ្ជាក់ពីការចូលរួមនឹងត្រូវធ្វើឡើងលើសមត្ថភាពរបស់ក្រុមជម្រើសជាតិក្នុងការហ្វឹកហាត់ក្នុងលក្ខខណ្ឌពេញលេញ និងការយល់ព្រមពីរដ្ឋាភិបាលប្រ៊ុយណេ ដារូសាឡឹម ដើម្បីធ្វើដំណើរទៅក្រៅប្រទេស ដោយសារលក្ខខណ្ឌរីករាលដាលនៃជំងឺកូវីដ-១៩។

ការប្រកួតចំនួនប្រាំដែល FABD មានបំណងចូលរួមគឺ –

– AFF U23 Championship 2022 នៅ​កម្ពុជា។

– AFF Futsal Championship 2022 នៅប្រទេសថៃ

– AFF Futsal Club Championship 2022 នៅប្រទេសថៃ

– AFF U16 Championship 2022 នៅប្រទេសឥណ្ឌូនេស៊ី

– AFF U19 Championship 2022 នៅប្រទេសឥណ្ឌូនេស៊ី

សហព័ន្ធកីឡាបាល់ទាត់ប្រ៊ុយណេដារូសាឡឹម (FABD)  ចាត់ទុកការប្រកួតក្នុងតំបន់ទាំងនេះជាវេទិកាសំខាន់ដើម្បីបង្កើនស្តង់ដារនៃក្រុមជម្រើសជាតិប្រ៊ុយណេ។

ក្លិប​បឹង​កេត និង​ក្លិប​អង្គរថាយហ្គឺ​បាន​ប្រកាស​ពី​យល់​ព្រម​លើ​លក្ខខ័ណ្ឌខ្ចី​ជើងខ្សែការពារវ័យក្មេង ស៊ុំ សាន់​ត្រូវ​ទៅ​លេង​នៅ​ទឹកដី​ខេត្ត សៀម រាប​ក្នុង​រយៈពេល​១​ឆ្នាំ។

ក្លិប​ទាំងពី​សុទ្ធតែ​បាន​ប្រកាសព័ត៌មាន​នេះរៀងៗខ្លួន។ ក្លិប​សាមីកីឡាករ បឹង​កេត បាន​សរសេរថា៖ ក្លិបបាល់ទាត់បឹងកេត សូមធ្វើការប្រកាសថា ខ្សែការពារ ស៊ុំ សាន់ ត្រូវបានផ្លាស់ទៅកាន់ក្លិបបាល់ទាត់អង្គរថាយហ្គឺរ ក្នុងលក្ខខណ្ឌខ្ចីជើង រយៈពេល ០១រដូវកាល” ។

ហើយ​ក្លិប​មាន​មូលដ្ឋាន​នៅ​ខេត្តសៀមរាបក៏​បាន​សរសេរដែរ​ថា៖ “ក្លិបបាល់ទាត់ អង្គរថាយហ្គឺរ សូមប្រកាសដំណឹងជូនថា ក្លិប បានឈានដល់កិច្ចព្រមព្រៀងក្នុងការផ្ទេរកីឡាករ ស៊ុំ សាន់ ពីក្លិបបាល់ទាត់បឹងកេត មកចូលរួមជាមួយក្រុម ក្នុងកិច្ចសន្យារយៈពេលមួយរដូវកាល”។

ស៊ុំ សាន់គឺ​ជាកីឡាករមាន​ប្រភព​ពី​ខេត្តសៀម រាប​បាន​មក​ចូល​រួម​ហ្វឹកហាត់​ក្នុង​ឈុត​យុវជនរបស់​បឹង​កេត ហើយក៏បាន​បង្ហាញខ្លួន​ក្នុង​ឈុត​ធំ​របស់​ក្លិប​ជើងឯកពានលីគកំពូលកម្ពុជា៤សម័យកាលមួយ​នេះនៅ​ពាន​រង្វាន់​ លីគកំពូលកម្ពុជា និងសម្ដេច​ហ៊ុន សែន​កាល​ពី​រដូវ​កាល​មុន​ផង​ដែរ៕

លោក Joan Laporta ដែលជាប្រធានក្លិបរបស់ Barcelona បានសន្យថា ក្លិបអ្នកមានបុណ្យនឹងដាក់សំណើរទៅកាន់ Borussia Dortmund ដើម្បីនាំយកកីឡាករ Erling Haaland មករួមក្រុមនារដូវកាលក្រោយ។

នាពេលថ្មីៗនេះ Barcelona ទើបតែបានប្រកាសជាផ្លូវការអំពីការចុះហត្ថលេខានាំយកខ្សែប្រយុទ្ធ Ferran Torres ក្នុងតម្លៃ៦៥លានអឺរ៉ូ ស្រាប់តែពេលនេះ ក្លិបគ្រោងនឹងចំណាយលុយបន្ថែមទៀតដើម្បីទិញយក Haaland មកពង្រឹងតំបន់ប្រយុទ្ធបន្ថែមសម្រាប់រដូវកាលក្រោយ។

លោក Laporta បាននិយាយយ៉ាងខ្លីថា៖

«ខ្ញុំនឹងចុះហត្ថលេខាទិញយក Haaland នារដូវកាលក្រោយ៕»

-ប្រភព៖ Marca

លោក Rio Ferdinand ដែលជាអតីតកីឡាករ Manchester United បានចុចឈ្មោះកីឡាករ៥រូប ដែលបង្ហាញទម្រង់លេងល្អទាល់តែសោះ ឲ្យក្រុមបិសាចក្រហមនៅក្នុងរដូវកាលនេះ។

កីឡាករទាំង៥រូបនោះរួមមាន Jadon Sancho, Marcus Rashford, Edinson Cavani, Aaron Wan-Bissaka និង Harry Maguire ដែលលោកមើលឃើញ ថា កីឡាករទាំងអស់នេះហាក់បាត់បង់ទំនុកចិត្តលើខ្លួនឯង។

លោក Ferdinand បាននិយាយថា៖

«Man Utd ត្រូវមានការកែលម្អបញ្ហាជាច្រើនទាំងប្រព័ន្ធលេងដែលមិនស័ក្តិសមជាមួយទម្រង់លេងកីឡាករ និង បុគ្គលផ្ទាល់។ ពួកយើងនៅមិនទាន់ឃើញទម្រង់លេងរបស់ Sancho កាលលេងនៅ Dortmund នៅឡើយ Rashford មើលទៅដូចជាស្រមោលនៃអតីតកាលខ្លួនឯង Cavani នៅមិនទាន់លះ Bissaka ត្រូវបានគេធ្វើឲ្យបាត់បង់ទំនុកចិត្ត និង Maguire កំពុងខ្វះទំនុកចិត្តលើខ្លួនឯង៕»

-ប្រភព៖ Sportskeeda