ខ្សែការពារស្លាបឆ្វេង Sergio Reguilon របស់ Tottenham បានចាត់ទុកអ្នកចាំទី David De Gea ជា កីឡាករសញ្ជាតិអេស្ប៉ាញល្អដាច់គេនៅក្នុងក្លិប Manchester United។

De Gea បច្ចុប្បន្នទោះមានវ័យ៣១ រៀងជ្រេបន្តិចមែន ប៉ុន្តែ រូបគេនៅតែបានបង្ហាញថ្វីដៃសង្គ្រោះបាល់បានល្អដដែល ជាក់ស្តែង រូបគេតែងតែជាប់ឈ្មោះនៅជម្រើសដំបូងជាមួយបិសាចក្រហម និង ទទួលបានការកោះហៅឲ្យចូលរួមជាមួយក្រុមជម្រើសជាតិអេស្ប៉ាញជានិច្ចកាលផងដែរ។

Reguilon បាននិយាយថា៖

«ខ្ញុំធ្លាប់បានលេងជាមួយ De Gea នៅក្នុងក្រុមជម្រើសជាតិ ហើយ វត្តមានរបស់គាត់ធ្វើឲ្យក្រុមយើងមានសុវត្ថិភាព។ គាត់បានផ្តល់ភាពជឿជាក់យ៉ាងខ្លាំងមកកាន់ក្រុម៕»

ក្រុមជម្រើស​ជាតិវៀតណាមបានចាប់ផ្តើមការរៀបចំសម្រាប់ការប្រកួតពានរង្វាន់ AFF U-23 Championship នៅខែក្រោយ ដោយការហៅកីឡាករអាយុក្រោម 21 ឆ្នាំមកបោះជំរុំហ្វឹកហាត់ ដែលចាប់ផ្តើមកាលពីម្សិលមិញ នៅមជ្ឈមណ្ឌលបណ្តុះបណ្តាលបាល់ទាត់យុវជនវៀតណាម។

ប្រភពវេបសាយផ្ល្ូវការរបស់​ ASEAN Football បានឱ្យ​ដឹងផែនការនេះគឺក្រោមការដឹកនាំរបស់គ្រូបង្វឹកលោក Dinh The Nam ដើម្បីកំណត់អត្តសញ្ញាណកីឡាករល្អ មិនត្រឹមតែសម្រាប់ជំនួបប្រកួត​នៅ​ទឹក​ដីកម្ពុជាប៉ុណ្ណោះទេ ប៉ុន្តែថែមទាំងប្រើប្រាស់វាដើម្បីអភិវឌ្ឍកីឡាករសម្រាប់ក្រុមកីឡាស៊ីហ្គេមឆ្នាំ 2023 របស់វៀតណាមផងដែរ។

ទន្ទឹមនឹងនោះផងដែរ កីឡាករដែលមានទេពកោសល្យដែលធ្វើបានល្អនៅកម្ពុជា ក៏នឹងត្រូវបញ្ចូលទៅក្នុងក្រុមវៀតណាម ដែលនឹងចូលរួមប្រកួតកីឡាស៊ីហ្គេមនៅខែឧសភាឆ្នាំនេះផងដែរ។ ស្ទើរតែទាំងអស់នៃកីឡាករដែលត្រូវបានកោះហៅគឺជាកីឡាករដែលបង្ហាញថ្វី​ជើងបានល្អក្នុងការប្រកួតជើងឯកជាតិ U21 វៀតណាមឆ្នាំ 2021 ដែលទើបបញ្ចប់ថ្មីៗនេះ។

សម្រាប់​ការ​ប្រកួត AFF U23 Championship ដែល​​កម្ពុជាជាម្ចាស់​ផ្ទះវិញ​វិញ វៀតណាម​​ស្ថិត​ក្នុង​ពូល C ទល់​នឹង​ថៃ និង​សិង្ហបុរី។ពូល A មានកម្ពុជា ទីម័រខាងកើត ហ្វីលីពីន និងប្រ៊ុយណេ ខណៈពូល B មាន ឥណ្ឌូនេស៊ី ម៉ាឡេស៊ី មីយ៉ាន់ម៉ា និងឡាវ។ ការប្រកួតពានរង្វាន់ AFF U23 Championship នឹងធ្វើឡើងនៅប្រទេស​កម្ពុជា នៅថ្ងៃទី 14-26 ខែកុម្ភៈ ឆ្នាំ 2022៕

លោក Lobo Carrasco ដែលជាអតីតកីឡាកររបស់ Barcelona បានលើកឡើងថា Lionel Messi ទំនងជានឹងចាកចេញពី Paris Saint Germain ក្រោយបញ្ចប់រដូវកាលនេះ។

Messi បានចូលរួមជាមួយ PSG កាលពីដើមរដូវកាលក្រោយចំណាយពេលជាមួយ Barcelona អស់រយៈពេល១៧រដូវកាល។ ក្នុងអំឡុងពេលលេងក្រុមអ្នកមានបុណ្យ គេធ្លាប់បានឈ្នះពានរង្វាន់ Ballon d’Or ចំនួន៦ដង មុនឈ្នះជាលើកទី៧ ជាមួយក្រុមអ្នកមានបារាំង។ យ៉ាងណាក្តី ការមកដល់ទឹកដីបារាំង គ្រប់យ៉ាងហាក់មិនដូចការរំពឹងទុកឡើយ បន្ទាប់ពី Messi ហាក់បង្ហាញទម្រង់លេងមិនសូវល្អ និង ធ្លាក់ទាំងស្ថិតិរកគ្រាប់បាល់។

លោក Carrasco បាននិយាយថា៖”ប្រសិនបើគាត់ទទួលបានជោគជ័យ មានន័យថាគាត់បានឈ្នះ Champions League គាត់អាចបន្តស្នាក់នៅមួយឆ្នាំទៀតជាមួយ PSG។ ។ ខ្ញុំគិតថាគាត់មិនសោកស្តាយចំពោះការសម្រេចចិត្តរបស់គាត់ទេក្នុង ន័យកីឡាប៉ុន្តែ ក្នុងកម្រិតផ្ទាល់ខ្លួនគាត់ដឹងថា ខ្លួនបានសាងកំហុសដែលផ្លាស់មកទីនេះ៕

កីឡាករអន្តរជាតិជប៉ុន Hayao Kawabe ក្លាយជាកីឡាករជប៉ុនដំបូងគេលេងនៅ Wolverhampton Wanderers បន្ទាប់ពីត្រូវបានចុះហត្ថលេខាក្នុងតម្លៃ £500,000 ពី Grasshoppers Zurich ។

ខ្សែបម្រើវ័យ 26 ឆ្នាំរូបនេះធ្លាប់លេងនៅ J-League សម្រាប់ Jubilo Iwata និង Sanfrecce Hiroshima មុនពេលផ្លាស់ទៅប្រទេសស្វីសកាលពីឆ្នាំមុន។ គាត់ក្លាយជាកីឡាករអាស៊ីទីពីរដែលបានចូលរួមជាមួយ Wolves នៅរដូវកាលនេះ បន្ទាប់ពីការទិញយកខ្សែប្រយុទ្ធកូរ៉េខាងត្បូង Hwang Hee-chan ពី RB Leipzig នៅដើមរដូវកាលបច្ចុប្បន្ន។

Kawabe ត្រូវបានផ្តល់កិច្ចសន្យារយៈពេល 3 ឆ្នាំកន្លះនៅ Molineux ប៉ុន្តែនឹងបញ្ចប់រដូវកាល 2021-22 ជាមួយ Grasshoppers ក្នុងលក្ខខ័ណ្ឌខ្ចីជើង មុនពេលផ្លាស់ទៅអង់គ្លេសនៅរដូវក្តៅ។ Kawabe បានបង្ហាញទម្រង់​លេង​ល្អ ចាប់តាំងពីផ្លាស់ទៅទ្វីបអឺរ៉ុបកាលពីខែសីហាឆ្នាំមុន ដោយស៊ុតបញ្ចូលទីបាន 4 ដង និង assists 3 ដងក្នុងការបង្ហាញខ្លួន 18 លើកសម្រាប់ក្លឹបស្វីស។

គាត់បានបង្ហាញខ្លួនជាលើកដំបូងសម្រាប់ក្រុមជម្រើសជាតិជប៉ុនក្នុងអំឡុងការប្រកួតជម្រុះតំបន់អាស៊ីឆ្នាំ 2022 កាលពីឆ្នាំមុន និងបានស៊ុតបញ្ចូលទីបានម្តងក្នុងការបង្ហាញខ្លួនចំនួន 4 ដងជាមួយនឹងក្រុមសាមូរ៉ៃខៀវ។ នាយកបច្ចេកទេសរបស់ Wolves លោក Scott Sellars បាននិយាយថា៖ “Hayao គឺជាកីឡាករដែលយើងបានមើលឃើញច្រើន ហើយគាត់ពិតជាធ្វើបានល្អក្នុងរដូវកាលនេះ” ។

“គាត់ជាខ្សែបម្រើប្រយុទ្ធ ស្វាហាប់ ធ្វើការខ្លាំង និងមានគុណភាពល្អ។ គាត់ពិតជាភ្លឺស្វាងនៅ Grasshoppers ក្នុងរដូវកាលនេះ ហើយគាត់គឺជាហេតុផលចម្បងមួយដែលពួកគេកំពុងធ្វើបានយ៉ាងល្អ»។

ខណៈដែល Swiss Super League បច្ចុប្បន្នកំពុងសម្រាករដូវរងា Kawabe នឹងហ្វឹកហាត់ជាមួយមិត្តរួមក្រុម Wolves ថ្មីរបស់គាត់ មុនពេលធ្វើដំណើរត្រឡប់ទៅប្រទេសស្វីសវិញនៅចុងខែនេះ។Wolves ក៏​បាន​ហៅ Dion Sanderson និង Ryan Giles ពី​ការ​ខ្ចី​ជើង​របស់​ពួក​គេ​ជាមួយ​នឹង​ក្លឹប Championship Birmingham City និង Cardiff City រៀង​ៗ​ខ្លួនមក​ហ្វឹកហាត់ដែរ។

Wolves ក៏ បានបង្ហាញពីភាពប្រសើរឡើងគួរឱ្យកត់សម្គាល់ក្រោមការដឹកនាំរបស់អ្នកចាត់ការថ្មី Bruno Lage ហើយបច្ចុប្បន្នកំពុងឈរនៅលេខ 8 ក្នុងតារាង Premier League របស់អង់គ្លេស។

(រូបថត៖ Wolves FB)