ក្រុមបាល់​ទាត់​អគ្គិសនីកម្ពុជា​ពេល​នេះ​កំពុងតែបង្ហាញភាពភ្ញាក់ផ្អើលក្នុងពាន​រង្វាន់លីគ​ទី​២កម្ពុជា Cambodian League 2 ក្រោយ​ឈរ​កំពូលតារាង​លីគ​គិត​ត្រឹម​សប្ដាហ៍​ទី​៥ ដោយ​រក្សាលទ្ធផលឈ្នះ៤​និង​ស្មើមួយប្រកួត។ ទាក់​ទងលទ្ធផល​ល្អ​បែប​នេះ អតីតកីឡាករជម្រើស​ជាតិ​កម្ពុជា​កាល​ពី​១០​ឆ្នាំមុនបាន​និយាយ​ថា មាន​មូលហេតុជាច្រើនដែល​ធ្វើ​ឱ្យ​ក្រុមលេង​បាន​ល្អ និង​ទទួល​លទ្ធផល​បែបនេះ​៖

«អរគុណថ្នាក់​ដឹកនាំដែល​គាត់​មិន​រើសកីឡាករបរទេស​មក​ចូលរួម​ក្រុម ។យើង​ប្រើ​ប្រាស់​តែ​កីឡាករខ្មែរ និង​កីឡាករយុវជនដែលមាន​ទេពកោសល្យ បណ្ដុះបណ្ដាលពួក​គេ​ឱក្លាយជាកីឡាករអាជីពពេញលេញ ឱ្យ​ពួក​គេ​លេង​ឱ្យបាន​ច្រើន និង​ជាប់​ជម្រើស​ជាតិឱ្យបាន​ច្រើន​តាម​តែ​អាច​ធ្វើបាន។ យើងផ្ដោតលើ​ឆន្ទៈឱ្យ​គាតបាន​លេងខ្លាំង និង​បាន​ច្រើន​ប្រកួត ហើយ​សន្សំបទពិសោធន៍លើ​ទីលានឱ្យបាន​ច្រើន”។

ពេល​សួរ​អំពី​កីឡាកររូបណាល្អជាង​គេ​ក្នុងក្រុមបច្ចុប្បន្ន? ​លោក ទុំ សារ៉ាយ​គ្រូបង្គោលក្លិប​អគ្គិសនីកម្ពុជាតាម​រយៈ​សារអេឡិចត្រូនិកជាមួយអ្នក​យក​ព័ត៌មាន B8 Sport ថា៖

«ក្នុងនាមជាគ្រូបង្វឹកផ្ទាល់! ខ្ញុំមិនអាច​ឆ្លើយថា​កីឡាករ​ណា​លេចធ្លោជាង​គេ ឬ​លេង​ល្អ​ជាង​គេនោះទេ។ និយាយ​ទៅ! ខ្ញុំមិនចង់ថា បង្ហាត់​ពួក​គាត់ឱ្យ​មាន​លក្ខណៈជា Star ឬ​កីឡាករល្អបំផុត​ របស់​ក្រុម​តែ​ម្នាក់ ឬ​ពីរ​នាក់​ទេ» ។

«ខ្ញុំផ្ដោតលើ​ការ​លេង​ជាក្រុមឱ្យ​បាន​ល្អ ហើយ​ពី​មួយប្រកួត​ទៅ​មួយ​ប្រកួត ខ្ញុំបាន​ដាក់ឱ្យ​ពួក​គេ​លេង​ចល័ត​គ្រប់​ប្រកួត និង​គ្រប់ៗគ្នា។ អ្នកខ្លះលេង​នាទី​ប៉ុណ្ណេះ អ្នក​ខ្លះលេង​នារី​ប៉ុណ្ណោះ​ដោយ​ចល័តគ្នារហូត។ អញ្ចឹង​រាល់​ថ្ងៃនេះ កីឡាករទាំងអស់​លេង​បាន​សឹង​គ្រប់​គ្នា ហើយ​សមត្ថភាពប្រហាក់ប្រហែលគ្នា ពេល​អ្នក​អវត្តមាន អ្នក​នោះ​អាច​ជំនួសបាន​ដោយ​ស្មើ​ភាព​គ្នា។ បែបនេះហើយបាន​ធ្វើឱ្យពួក​គេគាត់សប្បាយចិត្តក្នុងការ​លេង ឆន្ទៈរបស់​ពួកគាត់​ប្រឹង​ប្រែងខ្លាំង ក្នុងការ​ហ្វឹកហាត់រួម​គ្នា លេង​ជាមួយគ្នារាល់ថ្ងៃ។ អញ្ចឹង​! ពួកគាត់​មិន​ដែល​គិត​ថា​ គាត់​មិន​បាន​លេង​ក្នុង​ការ​ប្រកួត​នេះ ក្នុងការ​ប្រកួត​នោះ​ទេ។ យើង​តែងតែត្រៀមរួច​ជាស្រេច ហើយ​រដូវ​កាល​នេះ​យើង​ពាន​ពាន​ច្រើន​ត្រូវប្រកួត​ប្រជែង ហើយ​យើង​បាន​ព្យាយាមឱ្យ​ពួក​គាត់​បាន​លេង​ទាំងអស់​គ្នា។ អ្នក​ខ្លះ​លេង​សម្រាប់​ពាន​លីគ អ្នក​ខ្លះពាន​ខាប់»។

លោកបាន​បន្ត​ថា​កីឡាកររបស់​លោក​មាន​៦​នាក់​ត្រូវ​បាន​គេរើស​យក​ទៅ​ចូល​រួមជម្រើស​ជាតិ​ប៉ុន្តែ​ខ្ញុំមិនដឹង​ថា​នរណា​នោះ​ទេ ហើយ​ក៏មិន​ទាន់​ដឹង​ថាក្នុងន​ចំណោម​អ្នក​ទាំង​នោះ​ ខាងគ្រូជម្រើស​ជាតិ​រើស​យក​នរណា​ដែរ៕

ក្លិបបាល់ទាត់អង្គរថាយហ្គឺរ សូមប្រកាសដំណឹងជូនថាកីឡាករសញ្ជាតិជប៉ុនពាក់ស្លាកលេខ ៨ Naoki Maeda និងក្លិបអង្គរថាយហ្គឺរ បានសម្រេចបញ្ចប់កុងត្រាដោយមានការព្រមព្រៀងពីភាគីទាំងសងខាង ដែលមានសុពលភាពចាប់ពីរដូវកាល ២០២២។

Naoki បានចូលរួមជាមួយអង្គរថាយហ្គឺរកាលពីខែ មករា ឆ្នាំ ២០២២ នេះ និងបានហ្វឹកហាត់ជាមួយក្រុមជាច្រើនសប្ដាហ៍ និងបានរួមចំណែកក្នុងការប្រកួតមិត្តភាពនានាជាច្រើនកាលពីពេលកន្លងទៅផងដែរ។ ជាអកុសល ការប្រកួទល់នឹងក្រុម បឹងកេត នៅក្នុងពានរង្វាន់មិត្តភាពមុនបើករដូវកាល Cambodia Airways Cup 2022 កាលពីថ្ងៃទី ១៦ ខែកុម្ភះ កីឡាករវ័យ ២៥ រូបនេះបានរងរបួសផ្នែកជង្គង់ធ្ងន់ធ្ងរ និងបានបញ្ជូនទៅពិនិត្យនៅមន្ទីរពេទ្យភ្លាមៗក្រោយចប់ការប្រកួត។ ថ្មីៗនេះរូបគេក៏បានទទួលបានការព្យាបាលនៅប្រទេសជប៉ុនផងដែរ។

នៅដើមខែមេសានេះ ក្លិបអង្គរថាយហ្គឺរ និងកីឡាករ Naoki Maeda បានសម្រេចព្រមព្រៀងគ្នាបញ្ចប់កុងត្រាជាផ្លូវការ ដែលនេះនឹងក្លាយជាដំណឹងដ៏សោកសៅមួយសម្រាប់ពួកយើង ក៏ដូចជាអ្នកគាំទ្រជាច្រើនដែលចង់ឃើញនិងទន្ទឹងរងចាំវត្តមានរបស់គេនៅលើទីលានក្នុងការប្រកួតផ្លូវការជាមួយក្រុម។

អត្ថបទ៖ អង្គរថាយហ្គឺរ

លទ្ធផល​ចាប់​ឆ្នោតលើ​វិញ្ញាសាបាល់ទាត់​បុរសក្នុងព្រឹត្តិការណ៍ SEA Games នៅ​វៀតណាម​បាន​ចេញ​ហើយ​ដោយ​ក្រុម​ជម្រើស​ជាតិ​កម្ពុជា​ស្ថិតក្នុង​ពូល B ជាមួយ​ថៃ ម៉ាឡេស៊ី សិង្ហបុរី និង​ឡាវ។

ដោយ​ឡែក​ក្រុមម្ចាស់​ផ្ទះ​វៀតណាម​ស្ថិត​ក្នុងពូល A ជាមួយឥណ្ឌូនេស៊ី មីយ៉ាន់ម៉ា ហ្វីលីពីន និង​ទីម័រខាងកើត។ ចំណែក​ក្រុមបាល់​ទាត់​ជម្រើស​ជាតិនារី​កម្ពុជា​ស្ថិត​ក្នុង​ពូល A ជាមួយ​ម្ចាស់​ផ្ទះ​នារីវៀតណាម ក្រុមជម្រើស​ជាតិ​នារី​ហ្វីលីពីន និង​ជម្រើស​ជាតិ​នារី​ឥណ្ឌូនេស៊ី។ ចំណែក​ពូល​ B វិញ​មាន​ថៃ មីយ៉ាន់ម៉ា ឡាវ​ និង​សិង្ហបុរី។

បើយោងទៅតាមទំព័រផ្លូវការរបស់គណៈកម្មការជាតិអូឡាំពិកកម្ពុជា CAMSOC បានចុះផ្សាយជាសារធារណៈថា ក្រុមជម្រើសជាតិកម្ពុជានឹងចូលរួមប្រកួតប្រជែងក្នុងព្រឹត្តិការណ៍កីឡាដ៏ធំប្រចាំទ្វីបអាស៊ី Asian Game 2022 នៅឯប្រទេសចិន ដែលចាប់ផ្ដើមពីថ្ងៃទី១០ ដល់ថ្ងៃទី២៥ ខែកញ្ញា ឆ្នាំ២០២២ខាងមុខនេះ។

តាមរយៈ CAMSOC លោក ឈូក ពិសិដ្ឋ អ្នកចាត់ការក្រុមជម្រើសជាតិកម្ពុជាបានថ្លែងថា៖ «ការប្រកួត Asian Games គឺជាការប្រកួតមួយដែលយើងរំពឹងទុកថា យើងនឹងត្រូវប៉ះក្រុមខ្លាំងៗប្រចាំទ្វីបអាស៊ី។ វាជាការប្រកួតដែលមានកម្រិតខ្ពស់ជាងការប្រកួត SEA Games ដែលយេីងសង្ឃឹមថា នឹងទទួលបានបទពិសោធន៍ និងគុណផលថ្មី សម្រាប់ការត្រៀមការប្រកួត SEA Games 2023»។

លើសពីនេះទៅទៀតលោកក៏បានបន្តថា៖ «បន្ទាប់ពីការប្រកួតនេះ យើងអាចនៅមានការប្រកួតមិត្តភាពអន្តរជាតិ និងការប្រកួត AFF Suzuki Cup ដែល យើងអាចបញ្ចូលកីឡាករយុវជនបន្ថែមទៀត។ ទន្ទឹមនឹងនេះ យើងនឹងមានការប្រមូលផ្តុំរយៈពេលវែងមួយ មុនការប្រកួត SEA Games 2023»។

ការចូលរួមរបស់ក្រុមជម្រើសជាតិកម្ពុជា U23 សម្រាប់ព្រឹត្តិការណ៍ Asian Game 2022 នេះ គឺជាការចូលរួមលើកដំបូងក្រោយពីអាកខានបង្ហាញមុខកន្លងមកអស់រយៈពេល ២៤ឆ្នាំមកហើយ ដែលការចូលរួមប្រកួតចុងក្រោយលើវិញ្ញាសាបាល់ទាត់នេះគឺនៅឆ្នាំ១៩៩៨ ដែលពេលនោះធ្វើឡើងនៅប្រទេសថៃ ហើយមិនទាន់កំណត់អាយុក្រោម ២៣ឆ្នាំនៅឡើយទេ៕

យោងតាមប្រព័ន្ធផ្សព្វផ្សាយរបស់អារ៉ាប alittihad សហព័ន្ធកីឡាបាល់ទាត់អាស៊ី (AFC) គ្រោងនឹងបង្កើតឲ្យមានពានរង្វាន់ក្លិបអាជីពប្រចាំទ្វីបអាស៊ីប្រកួតប្រជែងថ្មីស្រឡាងមួយ ដែលមានឈ្មោះថា Asian Super League ។

ប្រភពដដែលបានឲ្យដឹងថា Asian Super League គ្រោងចាប់ផ្តើមពីរដូវកាល ២០២៤/២០២៥ខាងមុខនេះតទៅ ហើយសម្រាប់ទម្រង់រៀបចំពានរង្វាន់ Asian Super League ឬ Elite Club Championship ត្រូវបានកំណត់ចំនួនក្លិបមិនលើសពី ២៤ក្រុមឡើយ។ ចំពោះការកំណត់ក្លិបចូលរួមភាគច្រើនមកពីតំបន់អាស៊ីខាងលិចដូចជា អារ៉ាប់រួម អារ៉ាប៊ីសាអូឌីត កាតា អ៊ូសបេគីស្ថាន និងតំបន់អាស៊ីបូព៌ា មានដូចជាក្រុមមកពីលីគប្រទេសជប៉ុន កូរ៉េខាងត្បូង ចិន និងអូស្ត្រាលីជាដើម។ លើសពីនេះប្រាក់រង្វាន់ពានរង្វាន់ថ្មីស្រឡាងនេះត្រូវបានគេរំពឹងថានឹងកើនឡើងទ្វេដងនៃការប្រកួត AFC Champions League នាពេលបច្ចុប្បន្ន។

គួរបញ្ជាក់ផងដែរថាកន្លងមកសហព័ន្ធកីឡាបាល់ទាត់អាស៊ី ធ្លាប់បង្កើតឲ្យមានពានរង្វាន់ក្លិបអាជីពប្រចាំទ្វីបអាស៊ីចំនួន ៣ពានរង្វាន់ដែរ ដោយមាន AFC Champions League ,AFC Cup និង AFC President Cup ប៉ុន្តែ AFC President Cup ត្រូវបានលុបចោលវិញនៅឆ្នាំ២០១៤។ យ៉ាងណាក្ដីសម្រាប់ពានរង្វាន់កម្រិតកំពូល និងការប្រកួតប្រជែងថ្មី Asian Super League មិនទាន់មានការប្រកាសផ្លូវការពីសហព័ន្ធកីឡាបាល់ទាត់អាស៊ីនៅឡើយទេ ហើយទំព័រ B8 SPORT នឹងជូនដំណឹងបងប្អូននៅពេលក្រោយបន្ថែមទៀត៕

ក្រុមជម្រើស​ជាតិហ្វូតសាល​កម្ពុជាកាល​ពី​ម្សិលមិញ​បាន​រងបរាជ័យយ៉ាង​ធ្ងន់ធ្ងរជាទីបំផុតក្នុងលទ្ធផល១៦ទល់០ ក្រោមថ្វី​ជើង​ជម្រើស​ជាតិ​ហ្វូតសាលថៃក្នុងពាន​រង្វាន់ AFF Futsal Championdship 2022 ខណៈដែល​ការ​ប្រកួត​នេះ​លោក Carlos Cesar ថា វាគ្រាន់​តែ​ជាជំនួបមួយត្រៀម​ខ្លួន​ប៉ះក្រុមខ្លាំងឥណ្ឌូនេស៊ី​និង​ម៉ាឡេស៊ីប៉ុណ្ណោះ។

លោក​បាន​និយាយក្រោយ​ចប់​ការ​ប្រកួតកាល​ពី​ម្សិលមិញថា៖ «ការ​ប្រកួត​ទល់​និង​កម្ពុជាវា​ពិតជាជំនួប​មួយដ៏ពិបាក។ ពួក​គេ​ក៏​ជាក្រុម​ល្អ​មួយ​ដែរ ប៉ុន្តែខ្ញុំ​សូមអបអរសាទរ​ដល់​កីឡាំកររបស់​យើងទាំងអស់។ បន្ទាប់​ពី​យើង​ដឹង​កម្រិតស្ដង់ដាររបស់​គូប្រកួតរបស់​យើង យើង​បាន​បង្ហាញភាព​ខ្លាំង ជាមួយ​និង​គុណផល​លេង​បាន​ល្អបំផុត»។

លោក​បាន​បន្ត​ថា៖« ពិតណាស់! គោលបណណងរបស់ពួក​យើងមុនការ​ប្រកួតជាមួយកម្ពុជា គឺការ​គ្រប់​គ្រងការ​ប្រកួតទាំងមូល ហើយ​ការ​គ្របសង្កត់បែបនេះ វា​គឺ​ជាការ​រៀបចំត្រៀម​សម្រាប់​ជួប​ជាមួយឥណ្ឌូនេស៊ី និង​ម៉ាឡេស៊ី ដែល​ជាជំនួបដ៏​ពិបាកពិតប្រាកដ”។

ក្រុមជម្រើសជាតិ​ថៃ​ឆ្លង​កាត់​២​ប្រកួត​កន្លងមកស៊ុត​បញ្ចូល​ទី២៩​គ្រាប់ និង​រក្សា​សំណាញ់ទី​មិនឱ្យគូប្រកួត​ស៊ុត​នោះ​ទេ។ ចំណែក​កម្ពុជាវិញ! រង់បរាជ័យ២​ប្រកួតនិង​របូត​គ្រាប់បាល់​២៣​គ្រាប់​ហើយ​ក្រោយ​ចាញ់ម៉ាឡេស៊ី​៦ទល់៧ និង​ចាញ់​ថៃ​១៦ទល់​០​នេះឯង៕