អាវ​របស់​ក្រុម​ជម្រើស​ជាតិ​ជប៉ុន​ នៅ​តែ​ប្រើ​ពណ៌​ខៀវ​ ជាពណ៌សម្រាប់ឈុតក្នុងទឹកដី (Home)។ ចំណែក​ឈុត​ក្រៅ​ផ្ទះ​វិញ​ (Away) គឺ​ប្រើ​ពណ៌​ស​ខ្មៅ​ យ៉ាងសាមញ្ញ​តែ​មើល​ទៅគួរឲ្យទាក់ភ្នែក​។

ឯកសណ្ឋានបន្តផលិត និងរចនាដោយក្រុមហ៊ុន adidas ដែលជាម៉ាកសម្លៀកបំពាក់កីឡាដ៍ល្បីឈានមុខគេលំដាប់ពិភពលោករបស់ប្រទេសអាល្លឺម៉ង់។ លើក​នេះ​ អ្វីដែលជារឿងប្លែកនោះ គឺ​និមិត្តសញ្ញា​ឡូហ្គោ​នៅ​លើ​ទ្រូងខាងស្តាំតែម្តង។ វាលែងមានពាក្យ Adidas ទៀតហើយ។ ក្រុមហ៊ុន Adidas នឹង​ចេញ​លក់​ជា​ផ្លូវ​ការ​នូវ​ឈុត​នេះ ក្នុងខែនេះ ឬ​ខែ​ក្រោយ។

ខ្សែបម្រើ Paul Pogba ប្រាប់ប៉ូលីសបារាំងថា គាត់ត្រូវបានចាប់ធ្វើជាចំណាប់ខ្មាំងដោយក្រុមប្រដាប់អាវុធ ដែលទាមទារប្រាក់ចំនួន ១១លានផោន ជាផ្នែកនៃគម្រោងការចោទប្រកាន់ដ៏យូរមកហើយ បានរៀបចំដោយបងប្រុស និងមិត្តភក្តិរបស់គាត់។

កីឡាករ Paul Pogba ត្រូវបានគេរាយការណ៍មកថា រូបគេបានប្រាប់អាជ្ញាធរបារាំងអំពីផែនការចោទប្រកាន់នឹងបង្ខូចកេរ្តិ៍ឈ្មោះជាសាធារណៈ ដោយក្រុមមួយដែលបានចាប់គាត់យកទៅអាគារមួយ នៅទីក្រុងប៉ារីសកាលពីខែមីនា ហើយទាមទារប្រាក់ចំនួន ១១លានផោន ខណៈដែលពួកគេបានគំរាមដោយការប្រើប្រាស់កាំភ្លើងជាអំពើហឹង្សា។

កីឡាករវ័យ ២៩ឆ្នាំ ដែលបានឈ្នះពានរង្វាន់ World Cup ជាមួយប្រទេសបារាំងបាននិយាយថា បងប្រុសរបស់គាត់ Mathias Pogba គឺជាអ្នករៀបចំគម្រោង ចង់បានប្រាក់សម្រាប់ «សេវាការពារ» ដែលមានរយៈពេល ១៣ឆ្នាំមកហើយក៏បានតាមគាត់ទៅ Manchester ។

បុរសប្រដាប់អាវុធទាំងពីរនាក់បានប្រាប់ Pogba ថាពួកគេបាន «ការពារគាត់ដោយសម្ងាត់បំផុត» ក្នុងអំឡុងពេលជាងមួយទសវត្សរ៍មកនេះ រួមទាំងអំឡុងពេលនៅ Manchester United ទាំង២លើក។

ប្រភពតុលាការនៅទីក្រុងប៉ារីសបានបញ្ជាក់កាលពីថ្ងៃអាទិត្យថា ការស៊ើបអង្គេតត្រូវបានចាប់ផ្តើមពីបទប៉ុនប៉ងជំរិតទារប្រាក់ ហើយប្រភពជិតស្និទ្ធនឹងករណីនេះបានប្រាប់សារព័ត៌មាន Franceinfo ថា «បងប្រុសច្បង និងមិត្តភក្តិពីកុមារភាព» របស់ Pogba ត្រូវបានគេចោទជាជនសង្ស័យទាំងអស់ក្នុងករណីនេះ។

ដើមហេតុដំបូង វាកើតឡើងបន្ទាប់ពីបងប្រុសរបស់គាត់ Mathias Pogba ដែលបានអានឈ្នោះក្រុមបាល់ទាត់អង់គ្លេស Wrexham, Crewe និង Crawley Town ហើយសន្យាថានឹងបង្ហាញព័ត៌មាន  អំពីប្អូនបង្កើតរបស់គាត់ ដោយបង្ហោះវីដេអូដ៏ចម្លែកមួយ នៅលើប្រព័ន្ធផ្សព្វផ្សាយ Twitter ។

«សាធារណៈជន បារាំង អង់គ្លេស អ៊ីតាលី និងអេស្បាញ – និយាយជាមួយរួមគឺពិភពលោកទាំងមូល – ក៏ដូចជាអ្នកគាំទ្ររបស់ប្អូនប្រុសខ្ញុំ ហើយលើសពីនេះទៅទៀត ដូចជាក្រុមជម្រើសជាតិបារាំង និង Juventus មិត្តរួមក្រុមរបស់ប្អូនប្រុសខ្ញុំ ព្រមទាំងអ្នកឧបត្ថម្ភរបស់គាត់ ប្រហែលជាសមនឹងដឹងរឿងជាក់លាក់មួយអំពីគាត់»

ប៉ុន្តែកាលពីយប់មិញ Mathias បានបដិសេធការអះអាងនេះ នៅក្នុងការផ្ទុះកំហឹងនៅលើ Twitter ។ គាត់បានសរសេរថា៖ « Paul អ្នកពិតជាចង់បិទបាំងរឿងខ្ញុំនេះ ហើយបញ្ជូនខ្ញុំទៅគុក ខ្ញុំធ្លាប់សង្ស័យថាវានឹងក្លាយជាការពិត ឥលូវនេះការពិតរបស់ខ្ញុំកើតឡើងហើយ មិនដូចជាអ្នកឯងទេ»

Pogba បាននិយាយថាក្រុមក្មេងទំនើងចង់បាន ១៣លានអឺរ៉ូ – ស្មើនឹង១១លានផោន ហើយបានគំរាមកំហែងគាត់អស់រយៈពេល ៤ខែមកហើយ។ ការគំរាមកំហែងត្រូវបានធ្វើឡើង តាំងពីនៅទីក្រុង Manchester ក្នុងខែមេសា រហូតដល់បច្ចុប្បន្ន ដែលកីឡាករ Paul Pogba លេងនៅ Juventus។

នៅចុងខែមីនា ក្រុមក្មេងទំនើងនេះ ក៏ត្រូវបានគេនិយាយថាបាននាំ Pogba ទៅអាគារស្នាក់នៅ នៅជាយក្រុងប៉ារីស តំបន់ Lagny-sur-Marne ជាកន្លែងដែល Pogba ធំដឹងក្តី នៅទីនោះ សមាជិកក្រុមក្មេងទំនើងបានចោទប្រកាន់ Pogba ថាមិនបានជួយប្រាក់ផ្ទត់ផ្គង់ពួកគេ ចាប់តាំងពីគាត់បានក្លាយជាកីឡាករអាជីព។

ក្នុងអំឡុងពេលសម្ភាសជាមួយប៉ូលីស Paul Pogba បាននិយាយថាគាត់ជិតស្និទ្ធនឹងមិត្តភក្តិកុមារភាពរបស់គាត់ ហើយបានជួយប្រាក់ផ្ទត់ផ្គង់ពួកគេ តាមតែអាចធ្វើទៅបាន។

Paul Pogba កើត និងធំធាត់នៅតំបន់ Lagny-sur-Marne រួមជាមួយនឹងបងប្អូនពីរនាក់គឺ Mathias និង Florentin ដែលទាំងពីរនាក់នេះ ក៏ជាកីឡាករបាល់ទាត់អាជីពផងដែរ។

ប្រភព៖ Daily Mail
ប្រែសម្រួល៖ B8-sport

យោងតាមគេហទំព័រ 45 Sport បានចេញផ្សាយឲ្យដឹងថា ពានរង្វាន់លីគកំពូលកម្ពុជា ឬខេមបូឌានព្រីមៀរលីគ និងលីគទី២កម្ពុជា គ្រោងនឹងធ្វើការផ្លាស់ប្ដូរការចាប់ផ្ដើម និងការបញ្ចប់រដូវកាលរបស់ខ្លួនឲ្យដូចនៅតំបន់អឺរ៉ុប ដោយលេងឆ្លងឆ្នាំចាប់ពីឆ្នាំក្រោយតទៅ តាមរយៈការអនុវត្តរដូវកាល២០២៣-២០២៤ ។

អំឡុងខែមករា ដល់ខែមិថុនា ពុំមានការប្រកួតលីគឡើយ គេឃើញខែមករា មានចន្លោះពេលសម្រាប់ការប្រកួត ជើងឯកប្រចាំតំបន់អាស៊ីអាគ្នេយ៍ (AFF Mitsubishi Electric Cup 2022) ដែលបន្តពីខែធ្នូ ឆ្នាំ២០២២ (ពាននេះលេងពីថ្ងៃទី២០ ធ្នូ ២០២២ បញ្ចប់នៅថ្ងៃទី២០ ខែមករា ឆ្នាំ២០២៣)។

បន្ទាប់មកនៅខែកុម្ភៈ មានការប្រកួតខេមបូឌានលីគខាប់ ឆ្នាំ២០២៣ (Cambodian League Cup) នៅសប្ដាហ៍ទី៣ នៃខែកុម្ភៈ ដោយមានដល់ទៅ ៦ប្រកួតសម្រាប់វគ្គចែកពូល (អាចបានសេចក្ដីថាលេង ២ជើង) ហើយនឹងបញ្ចប់នៅថ្ងៃទី២៨ ខែមេសា ឆ្នាំ២០២៣។

យ៉ាងណាមិញនៅអំឡុងខែមីនា ថ្ងៃទី០១ ដល់ថ្ងៃទី១៨ គឺមានការប្រកួតជុំផ្ដាច់ព្រ័ត្រពានរង្វាន់ជើងឯកយុវជនអាស៊ីអាយុក្រោម ២០ឆ្នាំ (AFC U-20 Asian Cup 2023) ករណីក្រុម U-20 កម្ពុជាឆ្លងផុតវគ្គជម្រុះ ដែលកំពុងត្រៀមធ្វើការប្រកួតជម្រុះនៅខែក្រោយនេះ។ ហើយបន្ទាប់មកនៅថ្ងៃទី២០ ដល់ថ្ងៃទី២៨ ក៏មានការប្រកួតរបស់ក្រុមជម្រើសជាតិកម្ពុជាឈុតធំ ប្រកួតមិត្តភាពអន្តរជាតិ (FIFA Day) ផងដែរ។

ចូលដល់ខែឧសភា គឺជាខែពិសេសជាងគេ នោះគឺការប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះផ្ទាល់ តែកីឡាបាល់ទាត់ចាប់ផ្ដើមមុនគេតាំងពីថ្ងៃទី៣០ ខែមេសា នឹងបញ្ចប់នៅថ្ងៃទី១៦ ខែឧសភា។ ខណៈខែឧសភា នេះក៏មានការប្រកួតជុំផ្ដាច់ព្រ័ត្រពានរង្វាន់ជើងឯកយុវជនអាស៊ីអាយុក្រោម ១៧ឆ្នាំ (AFC U-17 Asian Cup 2023) ករណីក្រុម U-17 កម្ពុជាឆ្លងផុតវគ្គជម្រុះ ដែលត្រូវប្រកួតត្រៀមធ្វើការជម្រុះនៅខែតុលា ឆ្នាំ២០២២ ខាងមុខនេះ។ លើសពីនេះទៅទៀត នៅខែឧសភា ក៏មានព្រឹត្តិការណ៍ពិសេសបន្ថែមទៀត ពោលគឺការប្រកួតបាល់ទាត់ពិភពលោក យុវជនអាយុក្រោម ២០ឆ្នាំ (FIFA U-20 World Cup) ដែលធ្វើនៅឥណ្ឌូនេស៊ី ប្រសិនបើ U-20 ឆ្លងផុតវគ្គជម្រុះហើយ បានឡើងទៅលេងជុំផ្ដាច់ព្រ័ត្រ រួចបានចំណាត់ថ្នាក់ពីលេខ១ ដល់លេខ៤ ទៀតនោះនឹងបានលេងក្នុងព្រឹត្តិការណ៍នេះជាលើកដំបូងក្នុងប្រវត្តិសាស្រ្តបាល់ទាត់កម្ពុជា។

ក្រោយពីព្រឹត្តិការណ៍ទាំងអស់នេះហើយ ទើបនៅខែមិថុនា ឆ្នាំ២០២៣ ទីផ្សាដោះដូរកីឡាករនឹងបើក ដើម្បីក្លិបទាំងអស់នាំចូលកីឡាកររៀងៗខ្លួន យោងតាមក្រដាសខាងក្រោមនេះហើយចំនុចដែលបញ្ជាក់ថាជាថ្ងៃចាប់ផ្ដើមគឺនៅត្រង់ចន្លោះដៃអាវពណ៌ខ្មៅ ត្រង់ចំនុចដែលមានពណ៌ក្រហម និងពណ៌បៃតង នៅជាប់គ្នា គឺបញ្ជាក់ថា ជាថ្ងៃប្រកួតរបស់លីគទី១ (ក្រហម) លីគទី២ (បៃតង)។ ហើយជាបន្តបន្ទាប់មកទៀតទើបបន្តការប្រកួតរហូតដល់ខែកុម្ភៈ ឆ្នាំ២០២៤ លីគទី២កម្ពុជា នឹងបញ្ចប់ ហើយនៅខែមេសា ឆ្នាំ២០២៤ ទើបបញ្ចប់ការប្រកួតខេមបូឌានព្រីមៀរលីគ រដូវកាល២០២៣-២៤ ទាំងស្រុង។

បញ្ជាក់ថា ប្រតិទិនប្រកួតនេះ មិនមានការបញ្ចូលពានរង្វាន់សម្តេចតេជោ ហ៊ុន សែន ជាមួយឡើយ ដោយសារស្ថិតក្រោមរៀបចំរបស់ស្ថាប័នផ្សេង និងម៉្យាងទៀតពុំប៉ះពាល់ឡើយដោយសារពានសម្តេចតេជោ ប្រកួតរៀងរាល់ថ្ងៃអង្គារ ឬថ្ងៃពុធ។

គេកត់សម្គាល់ដោយសារកត្តា២ នៃការដែលនាំមានការផ្លាស់ប្ដូរ៖

ទី១ ឆ្នាំ២០២៣ កម្ពុជា ត្រូវធ្វើម្ចាស់ផ្ទះស៊ីហ្គេម លើកទី៣២ នៅខែឧសភា ហើយជាការត្រៀមខ្លួនឲ្យបានកាន់តែល្អ មានដំណឹងថា ក្រុម U-23 កម្ពុជា នឹងត្រូវប្រមូលផ្ដុំហ្វឹកហាត់រយៈពេលយូរ ទាំងក្នុង និងក្រៅប្រទេស ដើម្បីត្រៀមសម្រាប់ការប្រកួតដែលជាកំណត់ត្រាប្រវត្តិសាស្ត្រ ក្នុងដំណើរឆ្ពោះទៅដណ្ដើមមេដាយមាស។

ទី២ ក្រុមហ៊ុនខេមបូឌានព្រីមៀរលីគ ចង់ធ្វើឲ្យមានលក្ខណៈស្ដង់ដារួម លើទីផ្សារដោះដូរកីឡាករ គឺស្របគ្នាទៅនឹងប្រទេសមួយចំនួន និងជាមួយគ្នាផងដែរពានរង្វាន់ AFC Cup ដែលកម្ពុជា មានសិទ្ធចូលរួមផងដែរនោះ នៅរដូវកាលក្រោយគេនឹងចាប់ផ្ដើមរដូវកាល ២០២៣-២០២៤ ផងដែរ។

នៅអាស៊ីអាគ្នេយ៍ មានប្រទេស ៣ហើយដែលអនុវត្តការរដូវកាលលីគរបស់ខ្លួនបែបនេះ ពោលគឺនៅលីគថៃ, លីគឥណ្ឌូនេស៊ី និងលីគហ្វីលីពីន ខណៈលីគម៉ាឡេស៊ី និងវៀតណាម ក៏មានដំណឹងថាគ្រោងនឹងប្ដូររដូវកាលបែបនេះនៅឆ្នាំក្រោយដូចគ្នាផងដែរ។

អត្ថបទរបស់៖ គេហទំព័រ 45 sport
រូបភាព៖ CPL

ការិយាល័យក្រុមប្រឹក្សា FIFA បានសម្រេចចិត្តដកការព្យួរដែលត្រូវបានដាក់លើសហព័ន្ធកីឡាបាល់ទាត់ឥណ្ឌា (AIFF) ដោយសារតែឥទ្ធិពលពីភាគីទីបី។

ការសម្រេចចិត្តនេះត្រូវបានធ្វើឡើងបន្ទាប់ពី FIFA បានទទួលការបញ្ជាក់ថាអាណត្តិនៃគណៈកម្មាធិការគ្រប់គ្រងដែលត្រូវបានបង្កើតឡើង ដើម្បីទទួលយកអំណាចរបស់គណៈកម្មាធិការប្រតិបត្តិរបស់ AIFF ត្រូវបានបញ្ចប់ ហើយថារដ្ឋបាលរបស់ AIFF បានគ្រប់គ្រងឡើងវិញទាំងស្រុងនូវកិច្ចការប្រចាំថ្ងៃរបស់ AIFF ។ FIFA និង AFC នឹងបន្តតាមដានស្ថានការណ៍ ហើយនឹងគាំទ្រ AIFF ក្នុងការរៀបចំការបោះឆ្នោតរបស់ខ្លួនក្នុងលក្ខណៈទាន់ពេលវេលាផង​ដែរ។

បន្ទាប់ពីការផ្អាកត្រឹមតែ 3 សប្តាហ៍ សកម្មភាព និងការប្រកួតទាំងអស់ដែលក្រុមជម្រើសជាតិ និងក្លឹបនានារបស់ឥណ្ឌាបានចូលរួមនឹងបន្តជាធម្មតា រួមទាំងការប្រកួតរបស់ AFC ផងដែរ។

ជាលទ្ធផល FIFA U-17 Women’s World Cup 2022™ គ្រោងនឹងធ្វើឡើងនៅថ្ងៃទី 11-30 ខែតុលា ឆ្នាំ 2022 នឹងធ្វើឡើងនៅប្រទេសឥណ្ឌា តាមការគ្រោងទុក។ ម្យ៉ាងវិញទៀត! ក្នុង​ពាន​រង្វាន់​ក្លិប​អាជីពលំដាប់​អាស៊ី ATK Mohun Bagan (ឥណ្ឌា) នឹងត្រូវប៉ះក្លិប Kuala Lumpur City FC (??) ក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់ AFC Cup នៅថ្ងៃទី 7 ខែកញ្ញា។

✅ 2023 AFC Asian Cup
✅ វគ្គជម្រុះ AFC U20 & U17 Asian Cup 2023
✅ 2022 AFC Cup – វគ្គពាក់កណ្តាលផ្តាច់ព្រ័ត្រនៃ Inter Zone (រវាង KL City FC និង Mohun Bagan)

ប្រភព៖ FIFA

គ្រូបង្វឹកក្រុម Real Madrid លោក Carlo Ancelotti បញ្ជាក់ Marco Asensio បានស្នើឱ្យចាកចេញ ខណៈដែល Man Utd មានព័ត៏មាន​ចង់បាន​កីឡាករអេស្ប៉ាញរូប​នេះក្នុង​តម្លៃ២៥លានផោន។

កីឡាករ​វ័យ 26 ឆ្នាំ​ដែល​មាន​សមត្ថភាពគ្រាន់​បើ តែ​ត្រូវ​បាន​គេ​ចាត់​ទុក​ថា​ជា​ចំនួន​លើស​ពី​តម្រូវ​ការ​របស់គ្រូបង្វឹក​សញ្ជាតិ​អ៊ីតាលី នឹង​ត្រូវ​បាន​អនុញ្ញាត​ឱ្យ​ចាកចេញ។ស្របពេល Asensio នៅសល់កុងត្រាមួយឆ្នាំទៀតនៅ Bernabeu ក្លឹប Real ចង់បានលុយពីការ​ឱ្យ​ចាកចេញគាត់ ខណៈដែលក្លិប​អាច​បើក​ការ​ចចារបាន។

កីឡាករជម្រើសជាតិអេស្បាញរូបនេះ បានជួបការលំបាកក្នុងការ​ប្រជែងជម្រើស១១នាក់ដំបូងក្នុងក្រុមរបស់លោក Ancelotti ខណៈកាលពីរដូវកាលមុន គាត់​បាន​ចូលលេង​ត្រឹម​តែ១៩​ប្រកួតប៉ុណ្ណោះក្នុង La Liga។

យ៉ាងណាមិញ គាត់គឺជាអ្នកស៊ុតបញ្ចូលទីច្រើនជាងគេទី 3 របស់អធិរាជសក្នុងយុទ្ធនាការឆ្នាំ 2021-22 ជាមួយនឹងការស៊ុតបញ្ចូលទី១២គ្រាប់ តាមពីក្រោយ Karim Benzema និង Vinicius Jr។ សម្រាប់​រដូវ​កាល​នេះ Asensio លេង​បានរយៈពេលប្រាំពីរនាទីប៉ុណ្ណោះនៃការប្រកួតក្របខ័ណ្ឌកំពូលរបស់​អេស្ប៉ាញ បន្ទាប់ពីបានក្លាយជាបៀសន្លឹកធីប។

ហើយឥឡូវនេះលោក Ancelotti បានបញ្ជាក់ថា Asensio ដែលអាចដើរតួជាខ្សែបម្រើស្លាប និងខ្សែបម្រើប្រយុទ្ធបានស្នើសុំចាកចេញពី Real ។ ដកស្រង់ចេញពីកាសែតអេស្ប៉ាញ AS អតីតអ្នកចាត់ការ Chelsea បាននិយាយថា៖ “Marco កំពុងសម្លឹងមើលអ្វីមួយដើម្បីដឹងថាគាត់អាចចាកចេញឬអត់”។

 “ប្រសិន​បើ​គាត់​មិន​ចាកចេញ​ទេ គាត់​នឹង​នៅ​តែ​ជា​កីឡាករ Madrid”។

ការផ្ទេរទៅកាន់កីឡដ្ឋាន Old Trafford ត្រូវបានគេចាប់អារម្មណ៍ ដោយមានការអះអាងថា បិសាចក្រហមត្រៀមនឹងដាក់សំណើរ 25 លានផោន។

ថ្មីៗនេះ អ្នករៀបចំការប្រកួតលីគបាល់ទាត់ម៉ាឡេស៊ី និង លីគបាល់ទាត់ម៉ាឡេស៊ី (MFL) បានសម្រេចផ្តល់ប្រាក់ចំនួន 100,000 រីងហ្គីត​(ប្រហែល​២២០០០​ដុល្លារ ដើម្បីជួយដល់កីឡាករ និងមន្ត្រីនៃក្លឹប Sarawak United FC ដែលកំពុងជួបបញ្ហាជំពាក់ប្រាក់ខែ។

ការសម្រេចចិត្តនេះ កើតតាមរយៈកិច្ចប្រជុំក្រុមប្រឹក្សាភិបាល MFL លើកទី 4 សម្រាប់អាណត្តិ 2021-2025 ដែលដឹកនាំដោយប្រធាន Dato’ Ab Ghani Hassan កាលពីម្សិលមិញ និងត្រូវបានធ្វើឡើងដើម្បីសម្រាលបន្ទុកដែលកើតដោយកីឡាករ និងមន្ត្រីពាក់ព័ន្ធរបស់​ក្លិបខាងលើ។

«ដោយផ្អែកលើរបាយការណ៍ដែល MFL ទទួលបានពី PFAM ក្រុមប្រឹក្សាភិបាលរបស់ MFL កាលពីម្សិលមិញបានយល់ព្រមជាឯកច្ឆ័ន្ទ ដើម្បីចាត់វិធានការជាបន្ទាន់ដើម្បីកាត់បន្ថយមូលនិធិសិទ្ធិផ្សាយរបស់ Sarawak ចំនួន 100,000 RM ដើម្បីបញ្ជូនទៅកាន់កីឡាករ និងមន្ត្រីដែលកំពុងមានបញ្ហាប្រាក់ខែ»។

«ការទូទាត់ទៅឱ្យកីឡាករ Sarawak United FC ដែលពាក់ព័ន្ធនឹងត្រូវបានបញ្ជូនដោយសមាគមកីឡាករបាល់ទាត់អាជីពនៃប្រទេសម៉ាឡេស៊ី (PFAM) ។MFL យកចិត្តទុកដាក់យ៉ាងខ្លាំងចំពោះបញ្ហាជំពាក់ប្រាក់បៀវត្សរ៍ដែលពាក់ព័ន្ធនឹង Sarawak United»។

Ghani ពន្យល់នៅក្នុង​សេចក្តីថ្លែងការណ៍​ផ្លូវការ​មួយ​ដែល​ចេញ​ដោយ MFL៖ «ដូច្នេះ MFL បានណែនាំ Sarawak United ឱ្យដោះស្រាយបញ្ហានេះក្នុងរយៈពេល 14 ថ្ងៃដោយមានប្រសិទ្ធភាពនៅថ្ងៃនេះ ហើយប្រសិនបើពួកគេមិនធ្វើដូច្នេះទេ សកម្មភាពតាមដាននឹងត្រូវធ្វើឡើង ហើយកៅអីប្រកួតប្រជេងបាន TM Piala Malaysia ឬ Malaysia Cup 2022 នៅឆ្នាំនេះនឹងមិនត្រូវបានផ្តល់ឱ្យនោះទេ»។

ដូចដែលបានរាយការណ៍ពីមុនមក កីឡាករ និងមន្ត្រីនៃក្រុមចំណាត់ថ្នាក់ទី 11 ក្នុងក្របខ័ណ្ឌ Malaysian Super League ឆ្នាំ 2022 មិនបានទទួលប្រាក់បៀវត្សរ៍របស់ពួកគេអស់រយៈពេល 4 ខែ បើទោះបីជាអ្នកគ្រប់គ្រងបានសន្យាថានឹងបង់ប្រាក់ក៏ដោយ។

Casemiro បាន​បញ្ចប់​ការ​ផ្ទេរ​ដ៏​អស្ចារ្យ​របស់​គាត់​មកកាន់ក្លិប Man United ដោយ​តម្លៃផ្ទេរ ៧០ លាន​ផោន។ គាត់នាំមកនូវបទពិសោធន៍ដ៏សម្បូរបែបដល់ក្រុម និងជាជម្រើសខ្សែបម្រើដ៏ល្អរបស់ Erik ten Hag សម្រាប់រដូវកាលនេះ។

និយាយនៅក្នុងបទសម្ភាសន៍លើកដំបូងរបស់គាត់ចាប់តាំងពីការចុះហត្ថលេខាសម្រាប់ Man United កីឡាករវ័យ 30 ឆ្នាំរូបនេះបានសរសើរ Fred ដោយសរសើរមិត្តរួមសញ្ជាតិថាថាជា «កីឡាករដ៏អស្ចារ្យ»។

កីឡាករអន្តរជាតិប្រេស៊ីលក៏បានបង្ហើបថា គាត់បានជជែកគ្នាជាមួយ Fred មុនពេលចុះហត្ថលេខាសម្រាប់ Man United ។ នៅពេលសួរអំពីកីឡាករវ័យ ២៩ឆ្នាំ កីឡាករ Casemiro បាននិយាយថា «មែនហើយ មុនពេលមកទីនេះ ខ្ញុំបាននិយាយជាមួយ Fred ។ គាត់ជាមិត្តដែលខ្ញុំធ្លាប់លេងជាមួយនៅក្រុមជម្រើសជាតិជាច្រើនឆ្នាំមកហើយ ខ្ញុំស្គាល់គាត់ច្បាស់។»

«គាត់ជាកីឡាករដ៏អស្ចារ្យម្នាក់ ហើយនោះជាមូលហេតុដែលគាត់លេងឱ្យ Manchester United និងសម្រាប់ក្រុមជម្រើសជាតិប្រេស៊ីល ដែលជាកន្លែងមានការលំបាកប្រកួតប្រជែង។ ដូច្នេះ! ខ្ញុំ​មាន​ទំនាក់ទំនង​ពិសេស​ជាមួយ​គាត់ ហើយ​ជា​ការ​ពិត​ណាស់ គាត់​ជា​កីឡាករ​ដ៏​អស្ចារ្យ ហើយ​នោះ​ជា​មូលហេតុ​ដែល​គាត់​ជាកីឡាកររបស់ Manchester United»

(Photo by Thiago Ribeiro/NurPhoto via Getty Images)

បន្ទាប់មក Casemiro ត្រូវបានគេសួរបន្តថា តើអ្វីទៅដែលធ្វើឲ្យ Fred ក្លាយជាកីឡាករដ៏អស្ចារ្យម្នាក់ ហើយគាត់បានឆ្លើយថា “មែនហើយ Fred មានគុណសម្បត្តិច្រើន…។

«ខ្ញុំគិតថាគាត់ជាកីឡាករដែលមានចលនាបំលាស់ទីតាំងល្អ គាត់ចល័តគ្រប់កន្លែង បញ្ជូនបាល់បានល្អ គាត់អាចលេងដោយប្រើជើងទាំងពីរ (ឆ្វេង ឬស្តាំ) គាត់អាចបញ្ជូនបាល់បានយ៉ាងល្អដោយជើងទាំងពីរ។ គាត់ជាកីឡាករដ៏អស្ចារ្យ។

«ជាថ្មីម្តងទៀត នោះហើយជាមូលហេតុដែលគាត់លេងឲ្យក្រុមជម្រើសជាតិប្រេស៊ីល ហើយគាត់ជាកីឡាករសំខាន់ម្នាក់នៅក្លឹបនេះ ហើយខ្ញុំគិតថាគាត់នឹងជួយខ្ញុំយ៉ាងច្រើន ខណៈដែលគាត់ជាជនជាតិប្រេស៊ីល។ ខ្ញុំគិតថាគាត់នឹងជួយខ្ញុំច្រើននៅក្លឹប ហើយដោយគ្មានការសង្ស័យអ្វីច្រើនទេ។ វាសំខាន់​ណាស់សម្រាប់​ខ្ញុំ ​ដែល​មាន​មិត្តរួមសញ្ជាតិ​​នៅ​ទី​នេះ​ផង​ដែរ»។

កីឡាករ Casemiro អាចបង្ហាញខ្លួនជាលើកដំបូង ជាមួយ Man United ទល់នឹង Southampton នៅថ្ងៃសៅរ៍នេះ។

ប្រភព៖ Sportbible
ប្រែសម្រួល៖ B8-sport