Borussia Dortmund គ្រោងនឹងធ្វើដំណើរទៅកាន់ទ្វីបអាស៊ី ក្នុងអំឡុងការប្រកួត FIFA World Cup ឆ្នាំ 2022 ហើយកាលវិភាគសម្រាប់ដំណើរទេសចរណ៍ត្រូវបានប្រកាសនៅពេលនេះ។

Borussia Dortmund បានបង្ហាញកាលវិភាគរបស់ពួកគេសម្រាប់ Asia Tour ឆ្នាំ 2022 ដែលនឹងប្រព្រឹត្តទៅក្នុងអំឡុងពេលសម្រាក FIFA World Cup ។ ក្រុម Black and Yellows នឹង​ធ្វើ​ដំណើរ​ទៅ​ប្រទេស​សិង្ហបុរី ម៉ាឡេស៊ី និង​វៀតណាម ហើយ​លេង​ហ្គេម​ចំនួន​បី​ជា​ផ្នែក​នៃ​ដំណើរ​កម្សាន្ត​រយៈពេល 10 ថ្ងៃ។

ក្រុមរបស់លោក Edin Terzic នឹងប៉ះជាមួយក្លឹប Lion City Sailors នៃលីគកំពូលសិង្ហបុរី នៅកីឡដ្ឋាន Jalan Besar នៅថ្ងៃទី 24 ខែវិច្ឆិកា។ បន្ទាប់មក ពួក​គេនឹងធ្វើដំណើរទៅកាន់ប្រទេសម៉ាឡេស៊ី ដើម្បីជួបក្រុម Johor Southern Tigers នៅថ្ងៃទី 28 ខែវិច្ឆិកា។ ការប្រកួតនឹងបញ្ចប់នៅទីក្រុងហាណូយដោយក្រុម Borussia Dortmund  ត្រូវជួបក្រុម​ជម្រើស​ជាតិ​វៀតណាម នៅ​ថ្ងៃ​ទី​៣០ ខែ​វិច្ឆិកា។

ដើមឡើយ Borussia Dortmund ក៏គ្រោងនឹងប្រកួតមិត្តភាពនៅប្រទេសឥណ្ឌូនេស៊ី ដែលជាផ្នែកនៃដំណើរកម្សាន្តរបស់ពួកគេ។ ប៉ុន្តែឥឡូវនេះពួកគេបានបង្ហើប​ថាការប្រកួតមិនអាចប្រព្រឹត្តទៅបានទៀតទេ ដោយសារបទប្បញ្ញត្តិរបស់រដ្ឋាភិបាលក្នុងការពង្រឹងវិធានការសន្តិសុខក្នុងកីឡដ្ឋានបាល់ទាត់ បន្ទាប់ពី​សោក​នាដកម្មកីឡដ្ឋានដែលបានកើតឡើងអំឡុងពេលការប្រកួតបាល់ទាត់កាលពីដើមខែនេះ។

កីឡាករ Borussia Dortmund ដែលមិនតំណាងឱ្យក្រុមជម្រើសជាតិរបស់ពួកគេក្នុងព្រឹត្តិការណ៍ FIFA World Cup នឹងធ្វើដំណើរទៅកាន់ទ្វីបអាស៊ី។ Salih Özcan, Anthony Modeste, Marius Wolf, និង Felix Passlack ត្រូវបានគេរំពឹងថានឹងមានលក្ខណៈពិសេសក្នុង​បង្ហាញខ្លួន។ កីឡាករមួយចំនួនមកពីក្រុមយុវជនក៏នឹងត្រូវបានដាក់បញ្ចូលក្នុងក្រុមសម្រាប់ព្រឹត្តិការណ៍ Asia Tour ឆ្នាំ 2022 របស់ក្លឹបផងដែរ។

បញ្ជីឈ្មោះពេញរបស់ក្រុមកីឡាករ Borussia Dortmund សម្រាប់ Asia Tour របស់ពួកគេនឹងត្រូវបានប្រកាស បន្ទាប់ពីក្រុមជម្រើសជាតិដែលប្រកួតប្រជែងនៅ World Cup បញ្ចប់ក្រុមរបស់ពួកគេសម្រាប់ការប្រកួត។

Diogo Dalot បង្ហើបថាគាត់បានប្រើប្រាក់ឈ្នួលដំបូងរបស់ Man Utd ទៅទិញឡានក្រុងថ្មីសម្រាប់ក្លឹបកុមារភាពរបស់គាត់ដើម្បីជាកាយវិការដឹងគុណ។

ខ្សែការពារស្តាំ Diogo Dalot របស់ Manchester United បានប្រើប្រាស់ប្រាក់ឈ្នួលដំបូងរបស់ Red Devils ដើម្បីទិញឡានក្រុងខ្នាតតូចថ្មីសម្រាប់ក្រុមកុមារភាពរបស់គាត់។

កីឡាករ​វ័យ 23 ឆ្នាំ​កំពុងបង្ហាញទម្រង់​លេង​បាន​ល្អខ្លាំងនៅ Old Trafford ក្រោម​ការ​ដឹកនាំ​របស់​លោក Erik ten Hag។ Dalot បានបង្ហាញខ្លួន 15 ដងសម្រាប់ United នៅរដូវកាលនេះនៅគ្រប់ការប្រកួតទាំងអស់ ដោយចាប់ផ្តើម១១នាក់ពីគ្រប់ប្រកួតតែម្តង។

គាត់បានផ្លាស់ទៅ Old Trafford ដោយចាកចេញពី Porto ក្នុងតម្លៃ 19 លានផោនក្នុងឆ្នាំ 2018 ទោះបីជាបានបង្ហាញខ្លួនត្រឹមតែ 8 ដងសម្រាប់ក្រុមមកពីព័រទុយហ្គាល់ក៏ដោយ។ មុនពេលចូលហ្វឹកហាត់​នៅនៅសាលាយុវជនថ្នាលរបស់ Porto នៅអាយុប្រាំបួនឆ្នាំ គាត់បានលេងឱ្យក្លឹបនៅទីក្រុង Braga ដែលមានឈ្មោះថា Fintas ។

Dalot ថា Fintas តែងតែនៅជិតបេះដូងរបស់គាត់។ ដូច្នេះគាត់បានទិញឡាន​ក្រុងខ្នាតតូច​មួយឱ្យ​ពួកគេ។ ថ្លែងទៅកាន់កាសែត The Times ខ្សែការពារស្តាំបានរំលឹកឪពុករបស់គាត់ដែលបានអញ្ជើញប្រធានក្លឹបទាំងពីរឱ្យទៅផ្ទះរបស់គាត់ ជាកន្លែងដែលគាត់បានជូនអំណោយមួយ ដែលចេញមកពីប្រាក់ខែដំបូងរបស់គាត់នៅ United ។

គាត់បាននិយាយថា៖ «ខ្ញុំបានទិញវា(ឡានក្រុង)សម្រាប់ពួកគេ នៅពេលដែលខ្ញុំទទួលបានប្រាក់ខែដំបូងរបស់ខ្ញុំពី United ។ ខ្ញុំចង់ផ្តល់អ្វីមួយត្រឡប់ទៅ Fintas វិញ ពីព្រោះតាមច្បាប់ពួកគេនឹងមិនទទួលបានអ្វីសម្រាប់ការផ្ទេររបស់ខ្ញុំពី Porto នោះទេ»។

«ខ្ញុំដឹងថាឡានក្រុងអាចជួយពួកគេច្រើនណាស់ ព្រោះពួកគេត្រូវទៅយកក្មេងចេញពីផ្ទះ ហើយពេលខ្លះឪពុកម្តាយត្រូវបើកឡានជូនកូនៗទៅសាលា»។

«ខ្ញុំចាំថាឪពុករបស់ខ្ញុំបានបើកឡានឱ្យខ្ញុំទៅហ្វឹកហាត់រាល់ពេល ពេលខ្លះទៅយកកូនផ្សេងទៀត ដោយសារឪពុកម្តាយរបស់ពួកគេមិនអាច – ដូច្នេះខ្ញុំគិតថា ឡានគឺជាជម្រើសដ៏ត្រឹមត្រូវ»។

ថ្វីត្បិតតែជាតារាបាល់ទាត់ដ៏មមាញឹកក៏ដោយ ក៏ Dalot នៅតែឆ្លៀតពេលដើម្បីទៅលេងក្រុមអតីតរបស់គាត់នៅពេលនៅ Braga ។ គ្រូបង្វឹកលោក Luis Travessa Martins បាននិយាយនៅក្នុងឆ្នាំ 2019 ថា៖ “នៅពេលណាដែលគាត់មក Braga គាត់មកលេងយើង គាត់មើលការប្រកួត និងចំណាយពេលនិយាយជាមួយកីឡាករក្មេងៗ ហើយគាត់​គឺ​ជា​ការ​លើក​ទឹកចិត្ត​ដល់​កីឡាករ​របស់​យើង»។

​លោក Kim Pan-gon គ្រូបង្វឹក​ក្រុម​ជម្រើសជាតិ​ម៉ាឡេស៊ីបាន​បង្ហើប​ពី​មូលហេតុ​ដែល​លោក​ជ្រើសរើស​កម្ពុជា និង​ម៉ា​ល់​ឌី​វ​ជា​គូប្រកួត​ក្នុង​ការ​ប្រកួត​កម្តៅ​សាច់ដុំ​លំដាប់​ទី​១ មុន​ព្រឹត្តិការណ៍ Mitsubishi Electric AFF Cup 2022។

ម៉ាឡេស៊ី នឹងជួបកម្ពុជា នៅថ្ងៃទី៩ ខែធ្នូ នៅពហុកីឡដ្ឋានជាតិ Bukit Jalil ហើយម៉ាល់ឌីវ នឹងរង់ចាំ៥ថ្ងៃក្រោយ ក្នុងសកម្មភាពដែលនឹងធ្វើឡើងនៅកីឡដ្ឋានបាល់ទាត់ Kuala Lumpur, Cheras ។ មនុស្ស​ជា​ច្រើន​ប្រហែល​គិត​ថា​វា​មិន​មែន​ជា​ជម្រើស​ដ៏​ត្រឹម​ត្រូវ​ទេ ព្រោះ​ក្រុម​ទាំង​ពីរ​មាន​ចំណាត់​ថ្នាក់​ទាប​ជាង​ម៉ាឡេស៊ី។ បច្ចុប្បន្ន​កម្ពុជា​ស្ថិត​ក្នុង​ចំណាត់​ថ្នាក់​ទី ១៧៧ ខណៈ​ប្រទេស​ម៉ាល់ឌីវ​ស្ថិត​នៅ​ចំណាត់​ថ្នាក់​ទី ១៥៤។

ទោះជាយ៉ាងណាក៏ដោយ គ្រូបង្វឹកដែលមានដើមកំណើតនៅកូរ៉េខាងត្បូង ប្រាកដជាមានហេតុផលផ្ទាល់ខ្លួនរបស់គាត់ថាហេតុអ្វីបានជាគាត់ជ្រើសរើសប្រឈមមុខនឹងប្រទេសទាំងពីរ។

«បន្ទាប់ពីបានពិភាក្សាជាមួយក្រុមជាច្រើនផ្សេងទៀត និងធ្វើការវាយតម្លៃផ្ទៃក្នុងពីទិដ្ឋភាពផ្សេងៗរួចមក ទីបំផុតការសម្រេចចិត្តត្រូវបានធ្វើឡើងដើម្បីអញ្ជើញក្រុមជម្រើសជាតិកម្ពុជា និងម៉ាល់ឌីវ សម្រាប់ការប្រកួតអន្តរជាតិកម្រិតទី 1 ទាំងពីរនេះ»។

លោក Pan-gon បាននិយាយ ក្នុង Facebook ផ្លូវការរបស់សមាគមបាល់ទាត់ម៉ាឡេស៊ី (FAM)ថា៖«ទោះបីជាក្រុមទាំងពីរនេះស្ថិតក្នុងទីតាំងទាបជាងបើធៀបនឹងក្រុមជម្រើសជាតិម៉ាឡេស៊ីក៏ដោយ ការជ្រើសរើសនេះគឺផ្អែកលើការកក់ទុកនៃការធ្វើដំណើររបស់ក្រុមពេញមួយយុទ្ធនាការ Mitsubishi Electric AFF Cup 2022 នៅពេលក្រោយ» ។

“កម្ពុជាគឺជាក្រុមមួយក្នុងចំណោមក្រុមមកពីពូល A ដែលការជ្រើសរើសក្រុមនេះជាគូប្រកួតក្នុងការប្រកួតកម្ដៅសាច់ដុំ ត្រូវបានគេមើលឃើញថាសមស្របក្នុងការខិតខំប្រឹងប្រែងរបស់យើង ដើម្បីកំណត់នូវអ្វីដែលត្រូវកែលម្អ បន្ទាប់ពីក្រុមបានត្រលប់មកវិញសម្រាប់ការបោះជុំរំហ្វឹកហាត់»។

«យើង​បាន​ប្រកួត​ជាមួយ​ថៃ និង​ហ្វីលីពីន​ក្នុង​ឆ្នាំ​នេះ ហើយ​ជឿជាក់​ថា​កម្ពុជា​នឹង​ក្លាយ​ជា​គូប្រកួត​ដ៏​ល្អ​សម្រាប់​ការ​ត្រៀម​ខ្លួន​របស់​យើង​លើក​នេះ»។

«សម្រាប់ការជួបជាមួយ ម៉ាល់ឌីវ ដែលជាគូប្រកួតដែលថ្វីត្បិតតែមិនមែនមកពីអាស៊ីអាគ្នេយ៍ ប៉ុន្តែជាជើងឯក ២ សម័យកាលនៃសហព័ន្ធកីឡាបាល់ទាត់អាស៊ីខាងត្បូង (SAFF) Cup ឆ្នាំ ២០០៨ និង ២០១៨ ក្រៅពីមានទម្រង់លេងស្រដៀងទៅនឹងអាស៊ីអាគ្នេយ៍ផ្សេងទៀតក្រុម​អាស៊ី»។

“លើសពីនេះ Maldives បានឈ្នះការប្រកួតរបស់ពួកគេទាំងពីរក្នុងអំឡុងពេល FIFA Days ក្នុងខែកញ្ញា ហើយជាក្រុមចុងក្រោយបំផុតមួយដែលបានប្រកួតជាមួយឡាវ ដែលជាក្រុមដែលយើងនឹងត្រូវប្រឈមមុខក្នុងការប្រកួតនេះ»។

លោក Kim Pan-gon បន្ថែម៖«វាប្រាកដណាស់ថាការប្រកួតកម្តៅសាច់ដុំទាំងពីរនេះ ត្រូវបានគេមើលឃើញថាស្របទៅនឹងការរៀបចំក្រុមម៉ាឡេស៊ីជាពិសេសមុនការប្រកួតបើកឆាកចំនួនពីរនៃពានរង្វាន់ Mitsubishi Electric AFF Cup ឆ្នាំ 2022 ទល់នឹងមីយ៉ាន់ម៉ា និងឡាវ មុនពេលជួបវៀតណាម និងសិង្ហបុរី»។

Manchester United បានបន្តការមិនស្គាល់ចាញ់របស់ពួកគេដល់ទៅ 8 ប្រកួតនៅគ្រប់ការប្រកួតទាំងអស់ បន្ទាប់ពីបានយកឈ្នះក្រុម West Ham United 1-0 នៅ Old Trafford កាលពីយប់មិញ។

ការតែតបាល់បញ្ចូលទីនៅនាទីទី 38 របស់ Marcus Rashford ពីការបញ្ជូនរបស់ Christian Eriksen បានបង្ហាញពីភាពខុសគ្នារវាងភាគីទាំងពីរដែលបានលេងនៅពានអឺរ៉ុបកាលពីយប់ថ្ងៃព្រហស្បតិ៍។ នេះជារឿងប្រាំដែលយើងបានរៀនពី Manchester United West Ham៖

ការ​រក​បានគ្រាប់ទី១០០សម្រាប់ Marcus Rashford ឱ្យ United៖

ក្នុងការបង្ហាញខ្លួនលើកទី 318 សម្រាប់បិសាចក្រហម កីឡាករលេខ 10 របស់ United រូបនេះ បានឈានដល់គ្រាប់​ទី១០០ក្នុងអាជីពនៅ Old Trafford។កីឡាករអន្តរជាតិអង់គ្លេសស៊ុត​បាន​៧គ្រាប់​ហើយ​ក្នុង​រដូវ​កល​នេះ ហើយបានធានាថាគាត់បានឈានដល់ចំណុចសំខាន់មួយថ្ងៃ មុនពេលឈានដល់អាយុ 25 ឆ្នាំ។

គ្រូបង្វឹកក្រុមជម្រើសជាតិអង់គ្លេសលោក Gareth Southgate បាន​ចូលរួមទស្សនានៅ Old Trafford ផង​ដែរ​នោះ Rashford នឹងសង្ឃឹមថាគាត់នឹងធ្វើបានគ្រប់គ្រាន់ដើម្បី​មាន​ឈ្មោះឡើងវិញ មុនការប្រកួត World Cup នៅខែក្រោយ។

ភាពរឹងមាំនៅតំបន់ខ្សែការពារកណ្ដាល

ដោយសារ Victor Lindelof អវត្តមានដោយសារជំងឺ ហើយ Raphael Varane របួសរហូតដល់ក្រោយការប្រកួត World Cup លោក  Erik ten Hag មិនមានជម្រើសអ្វីក្រៅពីចាប់ផ្តើមការ​ដាក់ប្រធានក្រុម Harry Maguire ឱ្យ​លេង ។

កីឡាករលេខ 5 របស់ Man Utd មិនបានចាប់ផ្តើមការប្រកួត Premer League ចាប់តាំងពីការរងបរាជ័យក្នុងលទ្ធផល 4-0 នៅលើទឹកដី Brentford កាលពីថ្ងៃទី 13 ខែសីហា។ ដោយ​គ្មាន Varane ឬ Lindelof នោះ Ten Hag មិន​មាន​ខ្សែ​ការពារ​កណ្តាល​នៅ​លើ​កៅអី​បម្រុង​ទេ។

ស្ថានភាព Jadon Sancho ពេល​នេះ៖

កីឡាករលេខ 25 របស់ United គឺជាកីឡាករអង់គ្លេសម្នាក់ ក្នុងចំណោម៤​នាក់នៅ Man Utd ដែលមិនចាប់ផ្តើមការប្រកួតទល់នឹងញញួរធំ។ស្របពេល​ Antony អវត្តមានដោយសារតែរបួស Anthony Elanga ជាអ្នកចាប់ផ្ដើមជំនួស Sancho ខាងស្លាបស្តាំរបស់ United ។ ស្របពេលលោក Southgate មិនអាចឃើញ Sancho ធ្វើសកម្មភាព វាមើលទៅគួរឱ្យចាប់អារម្មណ៍ណាស់ដែលថា អតីតកីឡាករ Borussia Dortmund នឹង​អង្គុយមើល​ក្រុមខ្លួន​លេង​ World Cup ពី​ផ្ទះហើយ។

ការកសាងសន្ទុះនៃការ​ឈ្នះ

វាមិនមែនជាការឈ្នះដែលស្អាតបំផុតនោះទេ ប៉ុន្តែវាគឺជាប្រភេទនៃការប្រយុទ្ធមួយទទួលបានការ​ឈ្នះដែលនឹងបញ្ចេញទំនុកចិត្តកាន់តែច្រើនពេញបន្ទប់ស្លៀកពាក់។ ការឈ្នះលើក្រុម West Ham ជំរុញឱ្យយើងឡើងពីលើ Chelsea ទៅកាន់ចំណាត់ថ្នាក់ទី 5 និងតាមពីក្រោយក្រុមកំពូលតារាង Arsenal ចំនួន 8 ពិន្ទុ។

ជាមួយនឹងការប្រកួតរបស់យើងនៅក្នុងដៃ យើងអាចឈានទៅកម្រិតលើពិន្ទុជាមួយនឹងក្រុមលេខបី Tottenham Hotspur ។

Diogo Dalot មេដឹកនាំក្នុងតំបន់ការពារ

ម្តងហើយម្តងទៀត West Ham បានបញ្ជូនបាល់ចូលទៅក្នុងតំបន់ពិន័យរបស់ Man Utd ពីខាងឆ្វេង ប៉ុន្តែកីឡាករលេខ 20 របស់ United នៅទីនោះ ដើម្បីដកសម្ពាធចេញ។

ក្បួនការពារ​របស់​កីឡាករ​ព័រទុយហ្គាល់​វ័យ​ក្មេងកំពុង​តែរឹងមាំ ហើយ​ការ​ផ្តោត​អារម្មណ៍​របស់​គាត់​មិន​ដែល​រវើរវាយ​ឡើយ ហើយ​គាត់​បាន​ក្រោក​ឈរ​ឡើង​ដើម្បី​បន្សាបពិស​ខ្សែ​ប្រយុទ្ធ​​របស់ West Ham ដែលមាន​កាយសម្បទា​ធំ។ សារៈសំខាន់របស់ Dalot នៅក្នុងក្រុម United កំពុងរីកចម្រើន ហើយគាត់កំពុងក្លាយជាអ្នកដឹកនាំពិតប្រាកដ។

Patrice Evra និយាយថា Manchester United អាចងាយចាញ់ West Ham United នៅថ្ងៃអាទិត្យ។ ថ្លែងទៅកាន់ Betfair គាត់បាននិយាយថា៖ “ទល់នឹង Man United ក្លឹប West Ham នឹងលេងដោយមិនភ័យខ្លាច ហើយខ្ញុំគិតថាវានឹងក្លាយជាការប្រកួតដ៏ផ្ទុះមួយ»។

«ការប្រកួតគឺនៅ Old Trafford ហើយវាជាអន្ទាក់។ វា​ពិបាក​ក្នុង​ការ​ទស្សន៍ទាយ​លទ្ធផល ព្រោះ​ពេល West Ham ប្រកួត​ជាមួយ United ពួកគេ​គ្មាន​អ្វី​ត្រូវ​ចាញ់​ឡើយ។ ប្រសិនបើ United លេងដោយស្មារតីមិនត្រឹមត្រូវ និងប្រយុទ្ធដើម្បីគ្រប់បាល់ ពួកគេអាចចាញ់ការប្រកួតនេះយ៉ាងងាយ»។

“ខ្ញុំអាចមើលឃើញថានេះជាលទ្ធផលស្មើ ខ្ញុំដឹងថា United ត្រូវការបីពិន្ទុ បន្ទាប់ពីការវាយបកដ៏ល្អជាមួយ Chelsea ប៉ុន្តែ West Ham មានគ្រោះថ្នាក់ ហើយខ្ញុំមិនអាចនិយាយថា United នឹងយកឈ្នះពួកគេដោយងាយនោះទេ។ ពួក​គេ​នឹង​ធ្វើ​ឱ្យ​វា​ជា​ការ​ប្រកួត​ដ៏​តាន​តឹង​មួយ»។

United មិន​ស្គាល់​ចាញ់​សោះ​ក្នុង​ការ​ប្រកួត Premier League 6 លើក​ចុង​ក្រោយ​ជាមួយ West Ham ដោយ​ឈ្នះ​ប្រាំប្រកួត​និង​ស្មើ​មួយ​ប្រកួត។

អតីតកីឡាករជម្រើសជាតិកម្ពុជានិងអតីតខ្សែការពារ​ក្លិប​ណាហ្គាវើលដ៏ម្នាក់ ត្រូវ​បាន​អធិការដ្ឋាននគរបាលក្រុងតាខ្មៅចាប់ខ្លួន​បាន​កាល​ពីថ្ងៃទី២៨ខែតុលា​ឆ្នាំ២០២២ ពីបទជួញដូរសារធាតុញៀនដោយខុសច្បាប់។

ខ្សែការពារសូមមិនបញ្ចេញឈ្មោះរូប​នេះមានកំណើត​មកពី​ខេត្តកណ្តាល។ មុន​បង្ហាញខ្លួន​ឲ្យ​ក្លិប​ណាហ្គា​វើ​ល​ជាច្រើន​រដូវ​កាល គេ​ធ្លាប់​លេង​ឲ្យ​ក្លិប​បៀ​ល​ប្រាយ​យូ​ណាយ​ធី​ត និង​ក្លិប​គិរីវង់ សុខ​សែន​ជ័យ។ រូប​គេ​ក៏ធ្លាប់​ជាប់​ក្នុង​ក្រុមជម្រើសជាតិ​កម្ពុជាផង​ដែរ​គឺ​កាលពី​ឆ្នាំ២០១៥ ក្នុង​វគ្គជម្រុះ ២០១៨ FIFA World Cup ជាមួយក្រុមបាល់ទាត់​ជម្រើសជាតិ​សិង្ហបុរី ដែល​កាល​នោះ​កម្ពុជាចាញ់​២ទល់១។

អតីតអ្នកចាត់ការក្លឹប Barcelona លោក Enrique ‘Quique’ Setien Solar បានសារភាពថា បញ្ហាហិរញ្ញវត្ថុរបស់ FC Barcelona ពិតជាធ្ងន់ធ្ងរណាស៉​ហើយ​ពួកគេគួរតែព្យាយាមពង្រឹង​ក្រុមឱ្យ​ខ្លាំងសិន​ទៅ កុំទាន់អាលសងបំណុលលោក។

តាមពិតទៅ គាត់ដែលត្រូវបានតែងតាំងជាអ្នកចាត់ការនៅខែមករាឆ្នាំ ២០២០ ដើម្បីជំនួសលោក Ernesto Valverde ក៏បានបង្ហើបថា Barcelona នៅតែជំពាក់លុយគាត់រហូតមកដល់សព្វថ្ងៃនេះ។

បញ្ហាហិរញ្ញវត្ថុដែលពាក់ព័ន្ធនឹង Barcelona នៅតែបន្តជាប្រធានបទនៃការសន្ទនា បើទោះបីជារដូវកាលនេះ អ្វីគ្រប់យ៉ាងហាក់ដូចជាស្ថិតនៅលើផ្លូវដ៏ល្អបំផុតបន្ទាប់ពីការលក់ទ្រព្យសម្បត្តិដើម្បីអនុញ្ញាតឱ្យកីឡាករថ្មីត្រូវបានចុះឈ្មោះ។

ប៉ុន្តែដូចដែលបានរាយការណ៍ពីមុនមក ប្រធាន LaLiga លោក Javier Tebas បានព្រមានក្រុមលីគលំដាប់ទី 2 ឱ្យកាត់បន្ថយបន្ទុកលើការបើកប្រាក់បៀវត្សរ៍កីឡាករ ព្រោះបើមិនធ្វើទេ វានឹងមានបញ្ហាប្រឈមនៅរដូវកាលក្រោយ។

លោក​បាន​និយាយក្នុងគេហទំព័រ Goal ថា៖ «Barcelona មានវដ្ដដ៏អស្ចារ្យ ហើយនៅចំណុចនេះ ពួកគេត្រូវឆ្លងកាត់ដំណាក់កាលដ៏លំបាកមួយដើម្បីងើបឡើងវិញ”។

«ខ្ញុំមិនភ្ញាក់ផ្អើលចំពោះស្ថានភាពនោះទេ ពីព្រោះស្ថានភាពដែលពួកគេបានជួបប្រទះ គឺជាអ្វីដែលខ្ញុំបានរំពឹងទុក [តាំងពីនៅជាមួយក្រុម]»។

«ពួកគេនៅតែមិនទាន់សងបំណុលរបស់ខ្ញុំ។ ខ្ញុំបានប្រាប់ពួកគេ ហើយផ្តល់ពេលឱ្យពួកគេ [ដើម្បីដោះស្រាយបំណុល]»។

Setien បាននិយាយថា៖ «ប៉ុន្តែពួកគេចូលចិត្តចុះហត្ថលេខាលើកីឡាករវ័យក្មេងពីក្របខ័ណ្ឌ Racing Santander ដូចជា Pablo [Torre] ហើយពង្រឹងក្រុមជំនួសឱ្យការសងបំណុល»។

Quique Setien មិនរីករាយនឹងអាជីពជាអ្នកចាត់ការដ៏រុងរឿងនៅ Barcelona បន្ទាប់ពីគាត់ត្រូវបានបណ្តេញចេញបន្ទាប់ពីលេងបានត្រឹមតែ 25 ប្រកួតជាមួយក្លឹប។ ក្នុងចំណោមការប្រកួតដែលគាត់ពិតជាចង់បំភ្លេចគឺការបរាជ័យ 2-8 ដោយក្រុម Bayern Munich ក្នុងវគ្គ 1/4 ផ្តាច់ព្រ័ត្រនៃក្របខ័ណ្ឌ Champions League អឺរ៉ុប ដែលបណ្តាលឱ្យគាត់បាត់បង់ការងារបន្ទាប់ពីការបរាជ័យដ៏អាម៉ាស់។