ព័ត៌មានកីឡាអន្តរជាតិ
Sepp Blatter បានទទួលស្គាល់ថាការជ្រើសរើសកាតាធ្វើជាម្ចាស់ផ្ទះ World Cup គឺជាកំហុស ហើយវាពាក់ព័ន្ធនឹងធាតុផ្សំនៃអំពើពុករលួយ។
លោក Blatter បាននិយាយថា ប្រទេសកាតាមិនមានសិទ្ធិធ្វើម្ចាស់ផ្ទះ World Cup ដោយសារតែកត្តាមួយចំនួន។ Sepp Blatter បានពន្យល់ថា ប្រសិនបើយោងទៅតាមគំនិតរបស់គាត់ កាតានឹងមិនត្រូវបានគេជ្រើសរើសធ្វើជាប្រទេសម្ចាស់ផ្ទះនោះទេ។ អតីតប្រធាន FIFA បានពន្យល់ពីមូលហេតុដែលគាត់មិនគាំទ្រសិទ្ធិធ្វើជាម្ចាស់ផ្ទះដែលត្រូវបានផ្តល់ឱ្យប្រទេសនៅឧបទ្វីបមជ្ឈិមបូព៌ាមួយនេះ។
«វាជាប្រទេសតូចពេក។ បាល់ទាត់ និង World Cup គឺធំពេកសម្រាប់រឿងនោះ។»
លោក Blatter ដែលត្រូវបានលើកលែងទោសពីបទពុករលួយកាលពីរដូវក្តៅមុន បានប្រាប់កាសែត Tages-Anzeiger ៖ «ការជ្រើសរើសកាតាធ្វើជាម្ចាស់ផ្ទះគឺជាកំហុសមួយ។ នៅពេលនោះ យើងបានយល់ព្រមនៅក្នុងគណៈកម្មាធិការប្រតិបត្តិថា រុស្ស៊ីនឹងឈ្នះសិទ្ធិទៅ World Cup 2018 និងសហរដ្ឋអាមេរិកនៅឆ្នាំ 2022» ។
«វានឹងជាសញ្ញានៃសន្តិភាព ប្រសិនបើគូប្រជែងនយោបាយចាស់ពីរនឹងធ្វើជាម្ចាស់ផ្ទះ World Cup មួយបន្ទាប់ពីមួយទៅមួយផ្សេងទៀត ជាប់ៗគ្នា»។
លោក Blatter បានរំលឹកពីអំឡុងពេលដែលកាតាទទួលបានពានរង្វាន់ World Cup ថា៖«មួយសប្តាហ៍មុនសមាជ FIFA ឆ្នាំ 2010 លោក Michel Platini បានទូរស័ព្ទមកខ្ញុំ ដើម្បីនិយាយថាផែនការរបស់យើងនឹងមិនដំណើរការទេ» ។
Blatter ត្រូវបានអញ្ជើញទៅវិមានប្រធានាធិបតី Sarkozy ដែលទើបបានទទួលទានអាហារថ្ងៃត្រង់ជាមួយព្រះអង្គម្ចាស់នៃប្រទេសកាតា។ Sarkozy បានប្រាប់ Platini ថា៖«រកមើលអ្វីដែលអ្នក និងមិត្តរបស់ UEFA របស់អ្នកអាចធ្វើបាន សម្រាប់កាតា នៅពេលដែល World Cup ត្រូវបានទៅលើប្រទេសកាតា។” ខ្ញុំក៏សួរគាត់ថា គិតយ់ាងម៉េចឥឡូវហ្នឹង?»
«បន្ទាប់មកគាត់បាននិយាយថា: ‘Sep តើអ្នកនឹងធ្វើអ្វីប្រសិនបើប្រធានាធិបតីរបស់អ្នកសុំអ្វីមួយ?»
លោក Blatter បានបន្តសារភាពថា បញ្ហានេះមានពាក់ព័ន្ធនឹងលុយកាក់ និងធាតុនៃអំពើពុករលួយ។ នេះក៏ព្រោះតែតែ៦ខែបន្ទាប់ពីកាតាទទួលបានសិទ្ធិធ្វើម្ចាស់ផ្ទះ World Cup ឆ្នាំ២០២២ ប្រទេសនេះបានទិញយន្តហោះចម្បាំងពីបារាំង។
«វាប្រែថាស្ថានភាពគឺដូចនេះ ដោយសារតែការបោះឆ្នោតបួន [បញ្ចុះបញ្ចូលដោយ] Platini ការប្រកួត World Cup បានបញ្ចប់ទៅប្រទេសកាតាជំនួសឱ្យសហរដ្ឋអាមេរិក! នោះជាការពិត»។
“ជាការពិតណាស់ វាក៏ទាក់ទងនឹងលុយដែរ។ ប្រាំមួយខែក្រោយមក កាតាបានទិញយន្តហោះចម្បាំងពីបារាំងក្នុងតម្លៃ 14.6 ពាន់លានដុល្លារ»។
ព័ត៌មានកីឡាអាស៊ី
ក្លឹបបាល់ទាត់ Johor Darul Ta’zim (JDT) កាលពីម្សិលមិញបានប្រកាសពីការផ្លាស់ប្តូរមួយចំនួនដែលនឹងធ្វើឡើង បន្ទាប់ពីទទួលបានបទបញ្ជាពីម្ចាស់ក្លឹប ឧត្តមសេនីយ Tunku Ismail Ibni Sultan Ibrahim (TMJ) សម្រាប់ការរីកចម្រើនរបស់ក្រុម។
រឿងមួយដែលត្រូវបានប្រកាសដោយក្លឹប គឺការតែងតាំងអតីតបុគ្គលិកយោធាជាប្រធានផ្នែកគ្រប់គ្រង់កីឡដ្ឋាន Sultan Ibrahim Stadium Security (SSI) បន្ទាប់ពីបញ្ហាថ្មីៗនេះពាក់ព័ន្ធនឹងសន្ដិសុខ។
នាយកបច្ចេកទេស JDT លោក Alistair Edwards បាននិយាយថាៈ “ក្លឹបបាល់ទាត់ Johor Darul Ta’zim (JDT) នឹងតែងតាំងអតីតបុគ្គលិកយោធាជាប្រធានសន្តិសុខពហុកីឡដ្ឋាន ដើម្បីត្រួតពិនិត្យរាល់បញ្ហាទាក់ទងនឹងសន្តិសុខ រួមទាំងការគ្រប់គ្រង និងបណ្តុះបណ្តាលសន្ដិសុខពីរបៀបធ្វើការក្នុងពហុកីឡដ្ឋាន” ។
កាលពីសប្តាហ៍មុន មានឧប្បត្តិហេតុដែលមិនចង់ឱ្យកើតឡើងមួយពាក់ព័ន្ធនឹង YouTuber មកពីប្រទេសឥណ្ឌូនេស៊ី ដែលបានទៅទស្សនាកីឡដ្ឋាន Sultan Ibrahim (SSI) អំឡុងពេលការប្រកួតពានរង្វាន់ TM Malaysia Cup 2022 ដែលជំនួបរវាង JDT ទល់នឹង PJ City ។
គេយល់ថា youtuber ដែលគេស្គាល់ថា Endhy TK មានបញ្ហាជាមួយ Marshall (សន្ដិសុខ) នៅកីឡដ្ឋាននៅពេលដែលគាត់ត្រូវបានគេធ្វើមិនសមរម្យ(ជេរប្រមាថ និងហាមឃាត់ការថតវីដេអូ) ធ្វើឱ្យខូចស្មារតីដើម្បីមើលការប្រកួត។ ទោះបីជារឿងនេះត្រូវបានដោះស្រាយរវាងភាគីពាក់ព័ន្ធក៏ដោយ ប៉ុន្តែ JDT មានការសោកស្តាយចំពោះឧប្បត្តិហេតុនេះ ហើយបានចាត់វិធានការវិន័យចំពោះមេទ័ពដែលពាក់ព័ន្ធភ្លាមៗបន្ទាប់ពីធ្វើការស៊ើបអង្កេតផ្ទៃក្នុង។
ឧប្បត្តិហេតុមួយទៀតដែលលួចចាប់អារម្មណ៍ពីអ្នកគាំទ្របាល់ទាត់ក្នុងស្រុកគឺបញ្ហានៃការហាមឃាត់ការនាំយកទង់ជាតិម៉ាឡេស៊ីចូលទៅក្នុងកីឡដ្ឋាន Sultan Ibrahim អំឡុងពេលការប្រកួតលីគក្នុងស្រុក។ បញ្ហានេះបានរីករាលដាលនៅលើប្រព័ន្ធផ្សព្វផ្សាយសង្គមនៅពេលដែលអ្នកគាំទ្រក្រុម South Tigers ម្នាក់បានអះអាងថាត្រូវបានស្តីបន្ទោសដោយ Marshall (សន្ថិសុខ) ពីកាតព្វកិច្ចក្នុងការគ្រវីទង់ជាតិម៉ាឡេស៊ីអំឡុងពេលច្រៀងបទចម្រៀង Negaraku មុនពេលការប្រកួតចាប់ផ្តើម។
ទោះជាយ៉ាងណាក៏ដោយ នៅពេលទាក់ទងទៅ! JDT បានបដិសេធចំពោះបញ្ហានេះ ហើយបានពន្យល់ថា សេចក្តីថ្លែងការណ៍ Marshall របស់ JDT គឺមិនត្រឹមត្រូវទេ ហើយថាគ្មានបទបញ្ជាណាមួយត្រូវបានដាក់ចេញដោយហាមឃាត់អ្នកគាំទ្រមិនឱ្យយកទង់ជាតិក្នុងអំឡុងពេលប្រកួតនោះទេ។ បញ្ហានេះគឺជាបញ្ហាការយល់ច្រឡំ និងការទំនាក់ទំនងរបស់បុគ្គលដែលកំពុងបំពេញកាតព្វកិច្ច។ សេចក្តីថ្លែងការណ៍ពីទំព័រ Facebook របស់ Marshall JDT ក៏មិនតំណាងឱ្យការគ្រប់គ្រងរបស់ Johor Darul Ta’zim (JDT) ហើយមិនមែនជាមធ្យោបាយទំនាក់ទំនងផ្លូវការរបស់ក្លឹបនោះដែរ។
អ្វីដែលគេឃើញ គឺមានអ្នកគាំទ្រគ្រវីទង់ជាតិម៉ាឡេស៊ីអំឡុងការប្រកួតរវាង JDT និង Penang FC នៅកីឡដ្ឋាន Sultan Ibrahim កាលពីថ្ងៃទី ៣ ខែសីហាផងដែរ។
កិច្ចប្រជុំលើកទី១១ នៃគណៈកម្មាធិការប្រតិបត្តិនៃសហព័ន្ធកីឡាបាល់ទាត់វៀតណាម (VFF) អាណត្តិទី8 បានជួបប្រជុំ និងធ្វើការផ្លាស់ប្ដូរគោលដៅសំខាន់ៗទាក់ទងនឹងការប្រើប្រាស់កីឡាករក្នុងការប្រកួតបាល់ទាត់ក្នុងប្រទេស។
ក្រុមប្រឹក្សាប្រតិបត្តិ VFF បានសម្រេចបន្ថែមកីឡាករវៀតណាម និងបរទេស ទៅក្នុងការប្រកួតកីឡាបាល់ទាត់អាជីព មិនអាជីព នារី និងហ្វូតសាល។
ជាពិសេស VFF សម្រេចថាការប្រកួតបាល់ទាត់អាជីព និងមិនអាជីពនឹងត្រូវបានអនុញ្ញាតឱ្យចុះឈ្មោះកីឡាករ ដែលមានដើមកំណើតវៀតណាម។ នោះមានន័យថាក្រុម ដែលចូលរួមក្នុង V.League, First Division, National Cup និងលីគបាល់ទាត់នារី អាចចុះឈ្មោះកីឡាករវៀតណាមនៅឯក្រៅប្រទេស បានដោយគ្មានសញ្ជាតិវៀតណាម។ ពោលក្លឹបនឹងមិនបាត់បង់កូតាសម្រាប់ចុះឈ្មោះកីឡាករបរទេសផ្សេងទៀតឡើយ។
ការសម្រេចចិត្តនេះ ត្រូវបានយល់ថាជាផ្លូវមួយត្រួសត្រាយសម្រាប់ធនធានវៀតណាមនៅបរទេស ឲ្យមកចូលរួមក្នុងវិស័យបាល់ទាត់វៀតណាម។ ដូច្នេះកីឡាករវៀតណាមនៅក្រៅប្រទេស អាចមានឱកាសមកប្រឡូកជើងឯកថ្នាក់ជាតិ ហើយការប្រកួតប្រជែងនេះ គឺជានីតិវិធីដើម្បីបានសញ្ជាតិវៀតណាម។
លោក Michael Weiss និងកូនក្រុមរបស់គាត់ ហ្វឹកហាត់ប្រហែល ៣សប្តាហ៍នៅទីលានហ្វឹកហាត់របស់ក្លឹប Muangthong United ។ ក្រុមជម្រើសជាតិឡាវ បោះជំរុំហ្វឹកហាត់ចាប់ពីថ្ងៃទី 3-23 ខែវិច្ឆិកា ដើម្បីត្រៀមខ្លួនសម្រាប់យុទ្ធនាការ AFF Mitsubishi Electric Cup 2022 ។
សហព័ន្ធបាល់ទាត់ឡាវ (LFF) រៀបចំឱ្យក្រុមមានការប្រកួតមិត្តភាព ចំនួន៤ប្រកួតជាមួយក្លិបលីគថៃ។ ដោយឡែកកាលពីថ្ងៃទី៧ ខែវិច្ឆិកា កន្លងទៅនេះ ក្រុមជម្រើសជាតិឡាវ បានធ្វើការប្រកួតមិត្តភាពទល់នឹងក្រុម Muangthong United ឈុតB ដោយលទ្ធផលបញ្ចប់ការប្រកួត ០-០ នៅកីឡដ្ឋាន Kilen Valley ។
លោក Michael Weiss គ្រូបង្វឹកសញ្ជាតិអាឡឺម៉ង់រូបនេះ បាននិយាយថា៖ «នេះជាឱកាសដ៏ល្អសម្រាប់ក្រុមឡាវ ដើម្បីកម្តៅសាច់ដុំមុនការប្រកួត AFF Cup ចូលមកដល់។ បរិយាកាសនៅទីនេះល្អណាស់ សម្ភារៈបរិក្ខារក៏ល្អដែរ។ យើងត្រូវការការប្រកួតហ្វឹកហាត់បន្ថែមទៀត ដើម្បីសាកល្បងបច្ចេកទេសតាមរបៀបៗផ្សេងៗគ្នា»
LFF មានទំនាក់ទំនងល្អជាមួយក្លឹប Muangthong United ។ ដូច្នេះហើយទើបក្រុមឡាវត្រូវបានជ្រើសរើសតំបន់ហ្វឹកហាត់ល្អសម្រាប់ហ្វឹកហាត់។ កីឡដ្ឋាន Kilen Valley មានទីតាំងនៅឆ្ងាយពីទីក្រុងបាងកក ជាកន្លែងស្ងប់ស្ងាត់ ប៉ុន្តែមានបំពាក់សម្ភារៈបរិក្ខារយ៉ាងពេញលេញសម្រាប់ក្រុមហ្វឹកហាត់។
ការប្រកួតមិត្តភាពបន្ទាប់របស់ក្រុមឡាវ៣ប្រកួតទៀត គឺត្រូវប៉ះជាមួយក្លឹប Nakhon Ratchasima, Mazda FC និងក្លឹប Saraburi United។
យោងតាមសមាគមកីឡាបាល់ទាត់ថៃ គ្រោងរៀបចំក្រុមបាល់ទាត់ជម្រើសជាតិថៃអាយុក្រោម២៣ឆ្នាំ ដើម្បីត្រៀមការប្រកួតបាល់ទាត់អន្តរជាតិក្នុងប្រតិទិនឆ្នាំ ២០២៣-២០២៤ ដែលនឹងប្រើប្រាស់កីឡាករកើតក្រោយថ្ងៃទី១ ខែមករា ឆ្នាំ២០០១ តទៅ ព្រោះនេះជាលក្ខខណ្ឌ ដែលត្រូវបំពេញក្នុងកម្មវិធីរបស់ AFC U23 ដែលជាការប្រកួតជម្រុះអូឡាំពិក ហើយពួកគេមានកាលវិភាគការប្រកួតពេញមួយឆ្នាំ។
ថ្មីៗនេះ លោក Issara Sritaro ដែលជាគ្រូបង្វឹកថ្មី បានជ្រើសរើសកីឡាករក្នុងជុំទីមួយចំនួន 62 នាក់ ដើម្បីត្រៀមធ្វើតេស្តពិនិត្យទម្រង់លេង និងវាយតម្លៃលទ្ធផលផ្សេងៗជាបន្តបន្ទាប់ នៅក្នុងលីគបាល់ទាត់អាជីពជាមួយភ្នាក់ងារ។
ដោយសមាគមកីឡាបាល់ទាត់នឹងធ្វើសេចក្តីជូនដំណឹងដល់ភ្នាក់ងាររបស់កីឡាករ គ្រូបង្វឹក និងបុគ្គលិកគ្រូបង្វឹកនឹងពិចារណាលើការជ្រើសរើសអត្តពលិក ដើម្បីរៀបចំក្រុមសម្រាប់បោះជំរុំហ្វឹកហាត់នៅចន្លោះថ្ងៃទី ៥-១៥ ខែធ្នូ ឆ្នាំ២០២២ ។
សម្រាប់ក្រុមជម្រើសជាតិថៃអាយុក្រោម២៣ឆ្នាំនឹងមានកម្មវិធីប្រកួតកម្តៅសាច់ដុំអន្តរជាតិចំនួន២ ជាមួយក្រុមជម្រើសជាតិឡាវ នៅកីឡដ្ឋាន Thammasat ថ្ងៃទី ១១ និង ១៤ ខែធ្នូ ឆ្នាំ ២០២២ វេលាម៉ោង ៥:៣០ ល្ងាច។
Man United នឹងត្រូវអវត្តមាន Bruno Fernandes ក្នុងការប្រកួត Premier League ពេលខាងមុខរបស់ពួកគេជាមួយ Aston Villa នៅថ្ងៃអាទិត្យ។
ខ្សែបម្រើសញ្ជាតិព័រទុយហ្គាល់រូបនេះត្រូវបានព្យួរ បន្ទាប់ពីទទួលបានកាតលឿងទីប្រាំរបស់គាត់ក្នុងជ័យជម្នះលើក្រុម West Ham United កាលពីសប្តាហ៍មុន។ Fernandes បានចាប់ផ្តើមរាល់ការប្រកួតលីឡសម្រាប់ក្រុមរបស់ Erik ten Hag ដោយធ្វើជាប្រធានក្រុមបិសាចក្រហមជាច្រើនលើក។
ប៉ុន្តែការអវត្តមានរបស់គាត់ជាឱកាសមួយសម្រាប់កីឡាករផ្សេងទៀតមកជំនួស និងទទួលបានឱកាសពួកគេក្នុងតួនាទីលេខ 10។ នៅទីនេះយើងក្រឡេកមើលវិធីពីរយ៉ាងដែល United អាចរៀបជម្រើស១១នាក់ដោយគ្មាន Fernandes ទល់នឹង Villa ។
ជម្រើសទី 1
ខណៈពេលដែលវាអាចចេញជាទម្រង់ការពារបន្តិច Scott McTominay អាចចូលមកជំនួស Fernandes ។ គាត់នឹងជួយ Casemiro ជាមួយនឹងភារកិច្ចការពាររបស់គាត់នៅក្នុងខ្សែបម្រើការពារ ហើយអនុញ្ញាតឱ្យ Christian Eriksen ឡើងខ្ពស់ដើម្បីកាន់តួនាទីលេខ១០។
កីឡាករសញ្ជាតិដាណឺម៉ាកអាចបង្ហាញពីសមត្ថភាពលេងរបស់គាត់ ហើយក៏ចង់ចូលទៅក្នុងតំបន់ស៊ុតបញ្ចូលទីបន្ថែមទៀត ខណៈដែលគាត់នៅតែស្វែងរកគ្រាប់បាល់ដំបូងរបស់គាត់សម្រាប់ United ។ Marcus Rashford ទំនងជានឹងត្រលប់មកវិញសម្រាប់ការប្រកួតនេះ ខណៈដែល Alejandro Garnacho ក៏អាចទទួលបានការចាប់ផ្តើម១១នាក់ក្នុង Premier League ជាលើកដំបូងរបស់គាត់បន្ទាប់ពីបង្ហាញទម្រង់លេងល្អកាលពីថ្ងៃព្រហស្បតិ៍។
ជម្រើសទី 2
Donny van de Beek ពិតជាអាចទទួលបានអត្ថប្រយោជន៍ពីការព្យួររបស់ Bruno និងទទួលបានការចាប់ផ្តើមមួយផ្សេងទៀតនៅក្រោមការដឹកនាំ Ten Hag ក្នុងខ្សែបម្រើ។ គ្រូបង្វឹកសញ្ជាតិហូឡង់អាចអនុញ្ញាតឱ្យ Van de Beek លេងកាន់តែច្រើនក្នុងនាមជាតំណែងលេខ 8 និងផ្តល់ឱ្យ Eriksen មានសេរីភាពបន្ថែមទៀតក្នុងការឡើងទៅខាងលើ។
ជាមួយនឹងសំណួរជុំវិញកាយសម្បទារបស់គាត់ Antony នៅតែមិនច្បាស់សម្រាប់ហ្គេមនេះ ដែលមានន័យថា Anthony Elanga ក៏អាចចាប់ផ្តើមក្នុងតួនាទីស្លាបស្តាំផងដែរ។
ប្រភព៖ Tribuna.com
នៅពេលអ្នកកាសែតសួររកហេតុផលនៅពីក្រោយកំណត់ត្រាការពាររបស់ Manchester United ក្នុងរដូវកាលនេះ Erik ten Hag បានប្រាប់ប្រព័ន្ធផ្សព្វផ្សាយរបស់ក្លឹបថា៖ «ដោយសារតែយើងការពារដោយកីឡាករទាំង 11 នាក់ហើយ Cristiano [Ronaldo] ក៏ចុះមកការពារនៅខាងមុខដែរ»។
“ដូច្នេះយើងពិបាកក្នុងការផ្តួលជាក្រុម។ ខ្ញុំគិតថាវាជាការសរសើរមួយ ប៉ុន្តែវាក៏ជាដំណើរការដែលយើងត្រូវបន្តដែរ ដែលធ្វើឱ្យវាពិបាកក្នុងការផ្តួលយើង ពីព្រោះមនុស្សគ្រប់គ្នាជឿជាក់លើផែនការនោះ មនុស្សគ្រប់គ្នាមានវិន័យនៅក្នុងផែនការនោះ»។
«នៅពេលដែលយើងលេងជាមួយនឹងបំណងប្រាថ្នា និងចំណង់ចំណូលចិត្តរួមគ្នា ពិបាកនឹងយកឈ្នះយើង ហើយនោះធ្វើឱ្យយើងជោគជ័យក្នុងពេលនេះ»។
បិសាចក្រហមបានកាត់បន្ថយចំនួននៃការរបូតគ្រាប់បាល់ដែលបានទទួលតាមរយៈការលេងក្រៅដី និងបានរក្សា Clean Sheet ក្នុងការប្រកួតក្នុងផ្ទះ 5 ចុងក្រោយរបស់ខ្លួន។ក្រុមបិសាចក្រហមមាន Clean Sheet ក្នុងជ័យជម្នះ 1-0 ក្រៅដីលើក្រុម Real Sociedad នាពេលថ្មីៗនេះ ដែលបង្ហាញពីវិធីសាស្ត្ររបស់ Ten Hag កំពុងដំណើរការ។
ប្រភព៖ ManUtd.com
កាលពីប៉ុន្មានថ្ងៃមុន សមាគមកីឡាបាល់ទាត់ថៃបានប្រកាសបញ្ជីបឋមកីឡាករជម្រើសជាតិដល់ទី៧៥នាក់ត្រៀមបោះជុំរំហ្វឹកហាត់ដើម្បីត្រៀមសម្រាប់បានរង្វាន់ Aff Mitsubishi electric Cup 2022 ហើយក្នុងចំណោមឈ្មោះទាំង ៧៥នាក់ មានរហូតដល់ ២៤នាក់ ដែលមិនធ្លាប់លេងក្នុងក្រុមជម្រើសជាតិឈុតធំកាលពីមុន។
ពួកគេខ្លះប្រហែលជាត្រូវបានកោះហៅរួចហើយ ប៉ុន្តែខ្លះក៏មិនត្រូវបានគេហៅទៅក្នុងចុងក្រោយក្រុមនោះទេ ខណៈដែលអ្នកខ្លះមានឈ្មោះនៅក្នុងបញ្ជីបឋម ប៉ុន្តែត្រូវដកចេញពីបញ្ជីចុងក្រោយ។ ខាងក្រោមជាចំណុច៥គួរឱ្យចាប់អារម្មណ៍បន្ទាប់ពីក្រុមជម្រើសជាតិថៃប្រកាសបញ្ជីឈ្មោះបឋម៧៥នាក់៖
ការត្រឡប់មកវិញរបស់ Sanrawat Dechmitr
Sanrawat Dechmitr បានអវត្តមានពីក្រុមជម្រើសជាតិថៃអស់រយៈពេលជិតបីឆ្នាំមកហើយ ដែលលើកចុងក្រោយលេងឱ្យជម្រើសជាតិថៃនៅក្នុងបានរង្វាន់ Asian Games 2019 ដែលកាលនោះថៃបានយកឈ្នះបារ៉ែនក្នុងលទ្ធផល 1-0។
ខ្សែបម្រើវ័យ 33 ឆ្នាំរូបនេះត្រូវបានគេចាត់ទុកថាជាកីឡាករដែលមានទេពកោសល្យបំផុតក្នុងវិស័យបាល់ទាត់ថៃ។ គាត់ត្រូវបានគេសម្គាល់ដោយជំនាញពិសេសរបស់គាត់បូកនឹងការផ្ដោតអារម្មណ៍បាល់ទាត់យ៉ាងល្អ ដែលភ្ជាប់មកជាមួយជំនាញបញ្ជូនបាល់គ្រោះថ្នាក់ ‘Killer Pass’ ដែលអាចធ្វើឱ្យមានភាពខុសប្លែកក្នុងហ្គេមតែមួយប៉ព្រិចភ្នែក។
ទោះជាយ៉ាងណាក៏ដោយជាមួយនឹងបាល់ទាត់សម័យទំនើបតម្រូវឱ្យមានកម្រិតខ្ពស់នៃកម្លាំងកាយ ការដាក់កីឡាករក្នុងទីតាំង ‘Playmaker’ ដូចជា Sanrawat Dechmitr ថយចុះជាលំដាប់ ហើយនោះជារបៀបដែលគាត់បានជ្រុះចេញពីក្រុមជម្រើសជាតិមួយរយៈ។
ប៉ុន្តែក្រុមដំរីចម្បាំងដឹកនាំដោយលោក Alexandre Polking ដែលធ្លាប់ដឹកនាំ និងធ្វើការជាមួយកីឡាកររូបនេះ។ គេជឿថាគ្រូបង្វឹកសញ្ជាតិអាឡឺម៉ង់-ប្រេស៊ីល ប្រាកដណាស់មានក្បួនណែនាំជួយឱ្យខ្សែបម្រើកំពុងលេងនៅក្លិប Kedah របស់ម៉ាឡេស៊ីមួយនេះមានមុខក្នុងបញ្ជីចុងក្រោយឡើងវិញ។
ប៉ុន្តែទោះជាយ៉ាងនេះក្តី ត្រូវតែអាស្រ័យលើថាតើគ្រូបង្វឹកវ័យ 46 ឆ្នាំរូបនេះនឹងទុក Sanrawat ជាកីឡាករម្នាក់ក្នុងចំណោម 23 នាក់ក្នុងក្រុមនេះឬអត់ព្រោះមានគូប្រជែងច្រើនក្នុងមុខតំណែងដូចគ្នា។
តើអ្នកណានឹងក្លាយជាអ្នកចាំទីដៃទីមួយ?
ក្នុងបញ្ជីឈ្មោះ៧៥នាក់មានមនុស្ស 6 នាក់ដែលកាន់តំណែងជាអ្នកចាំទី រាប់ចាប់ពី Chatchai Butprom (BG Pathum United), Kittipong Phutaewchuek (BG Pathum United), Somphon Yot (Muang Thong United), Saranon Anuin (Chiang Rai United), Siwarak Tesungnoen (Buriram United) និង Kamphon Pathomunkun (Ratchaburi FC)។
ប្រាកដណាស់អ្នកឈរតំណែងលេខមួយបច្ចុប្បន្ន Chatchai Butprom ហើយលេខ២គឺ Siwarak Tesungnoen បន្តបន្ទាប់អញ្ចឹងទៅ ។ ប៉ុន្តែនៅពេលនេះ ពួកគេទាំងពីរកំពុងទើបជាពីរបួស ដូច្នេះហើយ Alexandre Polking ត្រូវតែគិតឱ្យខ្លាំង។
បើធៀបនឹងទម្រង់លេងក្នុងលីគលើកនេះ ត្រូវបានផ្តល់ឲ្យ Kamphon មកពី Ratchaburi ដែលមានទម្រង់លេងល្អជាមួយនឹងការរក្សា Clean Sheet ៦ប្រកួត ពីការលេង ១១ លើក និងសង្គ្រោះបាល់ពិន័យប់េណាល់ទី ២ លើក។ ខណៈ Kittipong ដែលដើរតួជាកីឡាករបម្រុង Chatchai នៅ BG Pathum ស្ថិតក្នុងទម្រង់លេងស្ដង់ដារមិនខុសគ្នាទេ ប៉ុន្តែនៅពេលនេះការងាររបស់គ្រូបង្វឹកគឺត្រូវឈឺក្បាលបន្តិចហើយ។
ចំណែក Saranon ដែលកាន់តំណែងលេខ១ របស់ Chiang Rai ក្នុងរដូវកាល 2022-23 បានរបូត 10 គ្រាប់ ប៉ុន្តែគាត់បានរក្សា Clean Sheet ៥លើកពីការបង្ហាញខ្លួន 11 លើកនៅលើទីលាន។
ចុងក្រោយ Somphon Yot បានរបូតគ្រាប់បាល់ ១៥ គ្រាប់ ដែលនេះជាចំនួនច្រើនជាងគេក្នុងចំណោមអ្នកចាំទី ៦ នាក់ក្នុងបញ្ជី។ ដូច្នេះតំបន់អ្នកចាំទី វាជាទីតាំងដ៏គួរឲ្យចាប់អារម្មណ៍មួយដែលនៅទីបញ្ចប់ តើ Polking នឹងជ្រើសរើសយលកនរណាណា?
កីឡាករជំនួស Chanathip
មិនអាចប្រកែកបានថា Chanathip Songkrasin គឺជាកីឡាករសំខាន់ក្នុងជម្រើសជាតិនឹងមិនអាចខ្វះបាន ពីព្រោះគាត់គឺជាកីឡាករ ‘Winner’ ដែលអាចផ្លាស់ប្តូរហ្គេមក្នុងមួយវិនាទី។ គាត់ក៏ជាកីឡាករដែលយល់ចិត្តមិត្តរួមក្រុមបានយ៉ាងល្អផងដែរ។ ទោះជាយ៉ាងណា អតីតកីឡាករមកពីក្លឹប Consadole Sapporo មិនស្ថិតក្នុងក្រុមនេះទេ។ ដូច្នេះតំណែង ‘ខ្សែបម្រើប្រយុទ្ធ’ គឺជាកន្លែងដែល Alexandre Polking ត្រូវស្វែងរកបុរសល្អបំផុតដើម្បីជំនួសគាត់។
ក្នុងចំណោមឈ្មោះទាំង ៧៥នាក់នោះ មានកីឡាករជាច្រើនដែលស្ថិតក្នុងលំដាប់ដូចជា Worachit Kanitsribampen (BG Pathum United), Pokklao Anan (Bangkok United), Siwakorn Tiatrakul (Chiang Rai United) , Sumanya Purisai (Chonburi FC), Sorawit Panthong (Polish Tero FC) និង Sanwat Dechmit (Kedah, Malaysia)។
ខ្សែបម្រើដទៃទៀតមានដូចជា Supachok Sarachat (Consadole Sapporo ជប៉ុន) Pathomphon Charoenrattanapirom (BG Pathum United), Benjamin Davis (Port Authority FC), Ekanit Panya (Muangthong United) និង Channarong Phomsrikao (Chonburi FC) ក៏អាចលេងក្នុងតំណែងនេះដូចគ្នា។ សូម្បីតែ Teerasil Dangda ដែលជាខ្សែប្រយុទ្ធចំ ប៉ុន្តែគាត់បានចុះទៅលេងជា playmaker ផងដែរក្នុងការប្រកួតមួយចំនួន។
មុខតំណែងនេះមានសារៈសំខាន់ណាស់។ ព្រោះអ្នកដែលឈរនៅពីក្រោយខ្សែប្រយុទ្ធនឹងក្លាយជាកីឡាករដែលមានតួនាទីបង្កើតឱកាសសម្រាប់ក្រុម ដូច្នេះ ‘អ្នកជំនួស Chanathip’ ជារឿងមួយទៀតដែល Polking ត្រូវតែជ្រើសរើសឲ្យបានល្អ ព្រោះវាប៉ះពាល់ដល់ការប្រកួតប្រជែងមិនធ្លាប់មាន។
ខ្សែការពារស្តាំដ៏ទាក់ទាញ
ឈ្មោះកីឡាករទាំង 75 សុទ្ធតែមានកីឡាករក្នុងតំណែង ‘Right Back’ ដោយចាប់ផ្តើមពី Tristan Do (Bangkok United) និង Supanan Burirat (Port FC) ដែលស្ថិតនៅក្នុងបញ្ជីរបស់លោក Alexandre Polking យ៉ាងទៀងទាត់។
មានកីឡាករថ្មីដូចជា Nakin Wisetchat (BG Pathum United), Thiti Tumphon (Lamphun Warriors) ទើបតែត្រូវបានកោះហៅជាលើកដំបូង។ ជាអកុសល មិនមានឈ្មោះ Naruebodin Weerawatnodom ដែលតែងតែរក្សាតំណែងនេះកាលពីឆ្នាំមុន ក៏ដូចជា Philip Roller ដែលរងរបួសបាត់ទៅហើយ។ បើមិនដូច្នេះទេ ការប្រកួតប្រជែងក្នុងតំណែងខ្សែការពារស្លាបស្ដាំនឹងមានភាពសប្បាយរីករាយជាខ្លាំង។
យ៉ាងណាមិញ អ្វីដែលគួរឲ្យចាប់អារម្មណ៍បំផុតនោះគឺការកោះហៅខ្សែការពារ Nicholas Mickelson មកពីក្លឹបកំពូលដាណឺម៉ាក Obi Odense ដែលនឹងបង្ហាញខ្លួនលើកដំបូងសម្រាប់ក្រុមជម្រើសជាតិថៃឈុតធំ ខណៈដែលកីលាករមានដើមកំណើតន័រវេសបានទទួលបានលទ្ធផលល្អជាមួយក្រុម U-23រួចមកហើយ។
Mickelson គឺជាខ្សែការពារស្តាំដែលលេងបានទៀងទាត់នៅ Odense ដែលបច្ចុប្បន្នកំពុងឈរនៅលេខ 4 ក្នុងលីកដាណឺម៉ាក។ ពេលខាងឆ្វេងមាន Theerathon Bunmathan ដែលជាកីឡាករល្អកម្រិតទ្វីប ចំណែកខាងស្ដាំគឺ Mickelson ដែលមានបទពិសោធន៍គ្រប់គ្រាន់ក្នុងលីគដាណឺម៉ាក ដូច្នេះវាធ្វើឲ្យខ្សែការពាររបស់ជម្រើសជាតិថៃវាហាក់ដូចជាមានភាពរឹងមាំជាងរាល់ដង។
រដ្ឋមន្ត្រីក្រសួងយុវជន និងកីឡាឥណ្ឌូណេស៊ី លោក Zainudin Amali បានបញ្ជាក់ថា កីឡដ្ឋានចំនួន៣ ជាជម្រើសសម្រាប់ធ្វើជាម្ចាស់ផ្ទះការប្រកួតរបស់ក្រុមជម្រើសជាតិឥណ្ឌូនេស៊ី ក្នុងពានរង្វាន់ Aff Mitsubishi Electric Cup ឆ្នាំនេះ
– Jakarta International Stadium
– Patriot Stadium (Bekasi)
– Pakansari Stadium (Bogor)
