ព័ត៌មានកីឡាអន្តរជាតិ
Christian Eriksen ក្លាយជាកីឡាករតំណាង Man United ដំបូងគេដែលចូលរួមក្នុង World Cup 2022 ហើយបានធ្លាក់ចេញពីវគ្គចែកពូល។
ក្រោយចាញ់អូស្ត្រាលី ១-០ ដាណឺម៉ាកនៅតែឈរបាតតារាងក្នុងពូល D ដោយមានតែ១ពិន្ទុប៉ុណ្ណោះ ក្រោយប្រកួតបាន៣ប្រកួត។ Eriksen បានលេង 90 នាទីក្នុងការប្រកួតនីមួយៗនៃការប្រកួតទាំង 3 លើក ប៉ុន្តែបានបរាជ័យក្នុងការបង្កើតភាពច្នៃប្រឌិតរបស់ខ្លួននៅក្នុងតំបន់បម្រើ និងដឹកនាំក្រុមរបស់គាត់ទៅកាន់វគ្គ១៦ក្រុមចុងក្រោយ។
ម៉្យាងវិញទៀត ក្រុមជម្រើសជាតិបារាំងរបស់ Raphael Varane បានឈរនៅកំពូលតារាង បើទោះជាពួកគេបានចាញ់ទុយនីស៊ី ១-០ ក្នុងការប្រកួតចុងក្រោយនៃវគ្គចែកពូលក៏ដោយ។
ខ្សែការពារកណ្តាលរបស់ Man United បានចាប់ផ្តើមពីរប្រកួតចុងក្រោយ ក្នុងចំណោមបីប្រកួតសម្រាប់ជម្រើសជាតិបារាំង ដោយសារទើបតែបានជាសះស្បើយពីរបួស។
ប្រភព៖ Tribuna.com
Marcus Rashford បច្ចុប្បន្នកំពុងលេងឱ្យក្រុមអង់គ្លេសនៅ World Cup ដោយស៊ុតបញ្ចូលទីបានពីរគ្រាប់ទល់នឹងក្រុម Wales កាលពីថ្ងៃអង្គារ( សរុបបាន៣គ្រាប់)។
យោងតាមលោក Fabrizio Romano បានឱ្យដឹងថា Manchester United នឹងដាក់សំណើកីឡាករវ័យ 25 ឆ្នាំនូវ “កិច្ចសន្យារយៈពេលវែង” ថ្មីមួយនាពេលអនាគតដ៏ខ្លីខាងមុខនេះ។ កិច្ចសន្យាបច្ចុប្បន្នរបស់ខ្សែប្រយុទ្ធនៅ Old Trafford ផុតកំណត់នៅចុងបញ្ចប់នៃរដូវកាល 2022/23 ទោះបីជាបិសាចក្រហមអាចបន្តវាបានមួយឆ្នាំទៀត(ជម្រើសបន្ត១២ខែ)។
Rashford ដែលឥឡូវនេះបានស៊ុតបញ្ចូលទីបាន 3 គ្រាប់ក្នុងការប្រកួត World Cup ក្នុងការបង្ហាញខ្លួន២លើកសម្រាប់ក្រុមអង់គ្លេស ខណៈក្រុមតោបីអង់គ្លេសមួយនេះនឹងត្រូវជួបហ្គាណានៅវគ្គ១៦ក្រុមចុងក្រោយនៅថ្ងៃអាទិត្យខាងមុខ។
ប្រភព៖ FabrizioRomano @ Twitter
ព័ត៌មានកីឡាអាស៊ី
វាមិនមែនជាថ្ងៃឈប់សម្រាកនៅកោះបាលីទេសម្រាប់ក្រុមជម្រើសជាតិឥណ្ឌូនេស៊ី ខណៈដែលពួកគេត្រៀមសម្រាប់ការប្រកួត AFF Mitsubishi Electric Cup 2022 នៅខែក្រោយ ក្រោមការឃ្លាំមើលរបស់គ្រូបង្វឹក Shin Tae-yong។
ក្រុមជម្រើសជាតិឥណ្ឌូណេស៊ីបច្ចុប្បន្នកំពុងហ្វឹកហាត់នៅទីលាន Bali United Training Center ក្នុងឆ្នេរ Purnama ប្រទេសបាលី។ លោក Shin Tae-yong បាននិយាយថា៖
«នៅក្នុងការរៀបចំសម្រាប់ AFF Mitsubishi Electric Cup 2022 យើងកំពុងរៀបចំជំរុំហ្វឹកហាត់នៅកោះបាលី។ ទីលានពិតជាល្អ ហើយស្មៅក៏ល្អដែរ»។
«កីឡាករមិនទាន់បានមកជុំគ្នាទាំងអស់នៅទីនេះទេ ប៉ុន្តែសម្រាប់វគ្គហ្វឹកហាត់ដំបូង យើងធ្វើតែលំហាត់ស្រាលៗប៉ុណ្ណោះ។ សប្តាហ៍នេះយើងកំពុងតែផ្តោតលើការស្តារកាយសម្បទាឡើងវិញ បន្ទាប់មកធ្វើឲ្យកាយសម្បទារបស់កីឡាករមានភាពប្រសើរឡើង»។
ក្នុងចំណោមកីឡាករទាំងអស់ កីឡាករដែលអវត្តមានមាន៖ Elkan Baggott, Sandy Walsh, Jordi Amat, Egy Maulana Vikri, Witan Sulaeman, Dimas Drajad, Marselino Ferdinan, Muhammad Ferarri, និង Dzaky Asraf។
សម្រាប់ពានរង្វាន់ AFF Mitsubishi Electric Cup 2022 ឥណ្ឌូណេស៊ី ស្ថិតក្នុងពូល A ជាមួយក្រុមការពារតំណែងជើងឯក ថៃ ហ្វីលីពីន កម្ពុជា និងប្រ៊ុយណេ ដារូសាឡឹម។ ការប្រកួតដំបូងរបស់ពួកគេនឹងត្រូវប៉ះកម្ពុជាក្នុងផ្ទះនៅថ្ងៃទី២៣ ខែធ្នូ ឆ្នាំ២០២២។
Cristiano Ronaldo ទទួលបានសំណើដ៏ធំដែលមានប្រាក់ឈ្នួលចំនួន 1.2 លានផោនក្នុងមួយសប្តាហ៍ពីក្រុម Al Nassr របស់អារ៉ាប៊ីសាអូឌីត នេះបើយោងតាមការចុះផ្សាយរបស់ CBS Sports ។
ទោះជាយ៉ាងណាក៏ដោយ កីឡាករវ័យ 37 ឆ្នាំរូបនេះ “មានចិត្តធំជាងនេះ” នេះបើយោងតាមលោក Graeme Bailey របស់វេបសាយ TEAMtalk ទោះបីជាមានភាពចម្រូងចម្រាសនាពេលថ្មីៗនេះជាមួយ Man Utd ក៏ដោយ។
កីឡាករសញ្ជាតិព័រទុយហ្គាល់ចង់បន្តលេងនៅកម្រិតកំពូលនៅអឺរ៉ុប យ៉ាងហោចណាស់ 18 ខែទៀត ដែលជាចុងបញ្ចប់នៃយុទ្ធនាការ 2023/24 ។ មាន ‘ក្លឹបជាច្រើន’ ដែលកំពុងតាមដាន Ronaldo ក្នុងអំឡុងពេល World Cup បន្ទាប់ពីគាត់បានចាកចេញពី Manchester United ដោយការយល់ព្រមគ្នាទៅវិញទៅមកកាលពីដើមខែនេះ។
ប្រភព៖ TEAMtalk | CBS Sports
ព័ត៌មានកីឡាជាតិ
គម្រោងសាងសង់ THE DREAM VISAKHA TRAINING CAMP របស់ក្លិបវិសាខាកំពុងដំណើរការសាងសង់យ៉ាងរលូន ស្ថិតលើមហាវិថីឈ្នះឈ្នះ (ផ្លូវទំនប់កប់ស្រូវ) នេះបើតាមការបញ្ជាក់ពីទំព័រហ្វេសបុករបស់ក្លិប។
គម្រោងនេះបានចាប់ផ្ដើមសាងសងតាំងពីឆ្នាំ២០២០មកម្ល៉េះ ស្ថិតក្នុងរាជធានីភ្នំពេញដែលសាងសង់លើផ្ទៃដីជាង៤ហិចតា ដែលមានទីលានលំដាប់ខ្នាតអន្តរជាតិចំនួនបីដែលក្នុងនោះក្រាលស្មៅធម្មជាតិ២និងស្មៅសិប្បនិមិត្តចំនួន១។ ពិសេសពួកគេនឹងសាងសង់តារាងបែប Indoor សម្រាប់លេងក្នុងស្ថានភាពអាកាសធាតុមិនអំណោយផលថែមទៀត។
ក្នុងមជ្ឈមណ្ឌលបាល់ទាត់នេះនឹងមាន អាគាររដ្ឋបាលសម្រាប់បុគ្គលិកបំពេញការងារ សាលប្រជុំ សាលសន្និសីទ មានកន្លែងហ្វឹកហាត់ បន្ទប់រៀនសម្រាប់យុវជន បន្ទប់វិភាគបាល់ទាត់ បន្ទប់ស្នាក់នៅរបស់គ្រូបង្វឹក និងកីឡាករ មានបន្ទប់សម្រាប់សំពះព្រះទាំងពុទ្ធសាសនា ឥស្លាមសាសនា អាហារដ្ឋាន បន្ទប់ថែរទាំងសម្លៀកបំពាក់និងស្បែកជើង បន្ទប់ស្ទីមសូណា និងកន្លែងហាត់ប្រាណក្នុងខណៈ Outdoor CrossFit។
ខ្សែបម្រើស្លាបរបស់ក្រុមជម្រើសជាតិប្រេស៊ីល Antony បានបង្ហើបប្រាប់ដោយឥតព្រងើយកន្តើយថា ខ្លួនមានការលំបាកដោយសារបញ្ហាសុខភាពដែលប្រឈមមុខតាំងពីគាត់មកដល់កាតាលើកដំបូង ក្នុងយុទ្ធនាការ World Cup ឆ្នាំ 2022 ។
ចូលលេងជាកីឡាករបម្រុងទល់នឹងស៊ែប៊ី និងស្វីស Antony បានបន្ទោសម៉ាស៊ីនត្រជាក់ក្នុងកីឡដ្ឋានថាប៉ះពាល់ដល់សុខភាពរបស់គាត់។ ស្ថានភាពនេះបានធ្វើឱ្យគាត់ចូលរួមជាមួយមិត្តរួមក្រុមដែលរងរបួសពីរនាក់ទៀតគឺ Neymar និង Danilo ដោយការហ្វឹកហាត់នៅខាងក្រៅ។
“វាពិបាកបន្តិចសម្រាប់ខ្ញុំ។ ខ្ញុំបានបញ្ចប់ដោយមានអារម្មណ៍មិនល្អអស់រយៈពេលពីរបីថ្ងៃ ដែលវាធ្វើឱ្យជីវិតខ្ញុំស្មុគស្មាញបន្តិច”។
Antony បាននិយាយថា៖«ខ្ញុំកំពុងជាសះស្បើយ និងជិតដល់ 100 ភាគរយ។ វាកាន់តែឈឺបំពង់ក។ វាគឺដោយសារតែម៉ាស៊ីនត្រជាក់នៅក្នុងកីឡដ្ឋាន» នេះបើយោងតាមរបាយការណ៍របស់ Sport Bible ។
«ខ្ញុំមិនមែនជាមនុស្សតែម្នាក់ដែលជួបបញ្ហាបែបនេះ ប៉ុន្តែកីឡាករផ្សេងទៀតក៏មានក្អក និងឈឺបំពង់កដែរ។ វាពិតជាលំបាកណាស់សម្រាប់ខ្ញុំ ដោយសារខ្ញុំធ្លាក់ខ្លួនឈឺ»។
«ប៉ុន្តែខ្ញុំរីករាយក្នុងការក្លាយជាផ្នែកសំខាន់នៃក្រុម។ នៅពេលណាដែលអ្នក [ប្រេស៊ីល] ត្រូវការ Antony ខ្ញុំបានត្រៀមខ្លួនរួចរាល់ហើយ»។
ប្រេស៊ីលដែលបានទទួលកៅអីក្នុងជុំទី 16 បន្ទាប់ពីយកឈ្នះស៊ែប៊ី និងស្វីស នឹងត្រូវប្រឈមមុខនឹងការប្រជែងជាមួយកាមេរូន ក្នុងសកម្មភាពចុងក្រោយនៃពូល G ។
ជ័យជម្នះនឹងធ្វើឱ្យក្រុមម្ចាស់ជើងឯក World Cup 5 សម័យក្លាយជាក្រុមកំពូលតារាងក្នុងពូលដើម្បីជួបក្រុមចំណាត់ថ្នាក់លេខ2 ក្នុងពូល H ដែលមានព័រទុយហ្គាល់ ហ្គាណា កូរ៉េខាងត្បូង និងអ៊ុយរូហ្គាយ។
Marca អះអាងថា Real Madrid កំពុងសម្លឹងមើលការផ្លាស់ប្តូរនៅរដូវក្តៅសម្រាប់ខ្សែបម្រើ Benfica Enzo Fernandez ។
Los Blancos បានកំណត់ថាគាត់ជាជម្រើសដ៏រឹងមាំសម្រាប់ជំនួសខ្សែបម្រើ Jude Bellingham របស់ Borussia Dortmund ។ កីឡាករអង់គ្លេសនៅតែជាអាទិភាពរបស់ពួកគេសម្រាប់រដូវក្តៅ ប៉ុន្តែពួកគេកំពុងរក្សាជម្រើសផ្សេងទៀតនៅក្នុងដៃផងដែរ។
Fernandez ត្រូវបានគេរាយការណ៍ថាមានលក្ខខណ្ឌផ្ដាច់កុងត្រាចំនួន 120 លានអឺរ៉ូ ប៉ុន្តែ Benfica អាចមានឆន្ទៈក្នុងការចរចាតម្លៃតិចជាងនេះដើម្បីលក់គាត់។Madrid អាចនឹងប្រឈមមុខនឹងការប្រកួតប្រជែងខ្លាំងពីគូប្រជែង Barcelona ដែលចាប់អារម្មណ៍ក្នុងការចុះហត្ថលេខាលើរូបគេផងដែរ។ Enzo បានស៊ុតបញ្ចូលទីគ្រាប់បាល់ដំបូងរបស់គាត់នៅ World Cup កាលពីថ្ងៃសៅរ៍ដើម្បីជួយអាហ្សង់ទីនឈ្នះ 2-0 លើម៉ិកស៊ិក។
ប្រភព៖ Marca
Christian Pulisic បានស៊ុតបញ្ចូលទីគ្រាប់ជ័យជម្នះក្នុងការប្រកួតឱ្យសហរដ្ឋអាមេរិកយកឈ្នះការប្រកួតវគ្គចែកពូល World Cup ដ៏សំខាន់ជាមួយអ៊ីរ៉ង់ 1-0 ហើយបញ្ជូនក្រុមរបស់ខ្លួនឡើងទៅវគ្គ១៦ក្រុមចុងក្រោយ។
ខ្សែប្រយុទ្ធ Chelsea រូបនេះរកបានគ្រាប់បាល់ជិតសំណាញ់ទីពីតែប៉ុន្មាននាទីមុនចប់តង់ទីមួយ។ មួយសន្ទុះក្រោយមក គាត់ត្រូវបានហ៊ុំព័ទ្ធដោយបុគ្គលិកពេទ្យ ខណៈដែលដឹងថាគាត់បានដួលក្នុងដំណើរការនៃការស៊ុតបញ្ចូលទី។ គាត់អាចត្រឡប់ទៅទីលានវិញមុនពេលសម្រាក ប៉ុន្តែមិនបានចេញមកក្រៅទីលានសម្រាប់តង់ទីពីរទេ។
នៅក្នុងការប្រកួតផ្សេងទៀតនៃពូល B អង់គ្លេសបានយកឈ្នះវេលស៍ 3-0 ដោយ Mason Mount, Raheem Sterling និង Conor Gallagher ចំណាយការប្រកួតទាំងមូលនៅលើកៅអីបម្រុង។
ជាលទ្ធផល អង់គ្លេសបានឈរនៅលើកំពូលតារាង ហើយនឹងត្រូវជួបជាមួយសេណេហ្គាល់ក្នុងជុំទី 16។ Edouard Mendy និង Kalidou Koulibaly អាចនឹងប្រឈមមុខនឹងមិត្តរួមក្រុម Chelsea មួយចំនួន។ ចំណែក Pulisic ក្រុមរបស់លោកនឹងជួបក្រុមហូឡង់ក្នុងការប្រកួតជុំទី ១៦ ផ្សេងទៀត។
តារាបាល់ទាត់ប្រេស៊ីល Rodrygo បានសម្រេចចិត្តធ្វើវិធីតែមួយគត់ព ដើម្បីពង្រឹងការស៊ុតបាល់បញ្ចូលទីរបស់គាត់គឺការយកដៃរបស់គាត់ទៅប៉ះជើងរបស់ Ronaldo Nazario ក្នុងអំឡុងពេលបទសម្ភាសន៍មួយបន្ទាប់ពីក្រុមប្រេស៊ីលឈ្នះ 1-0 លើស្វីស។
តារាឆ្នើមរបស់ក្រុម Real Madrid បានបញ្ជូនបាល់មួយសម្រាប់គ្រាប់បាល់ដែល Casemiro បានបញ្ចប់ទីយ៉ាងអស្ចារ្យ។ ជ័យជម្នះនេះបានបិទកៅអីរបស់ប្រេស៊ីលក្នុងវគ្គ១៦ក្រុមចុងក្រោយ ហើយពួកគេនឹងសង្ឃឹមបញ្ចប់ចំណាត់ថ្នាក់កំពូលក្នុងពូល G បន្ថែមទៀត។
ពេលវេលាជួបគ្នារបស់ Rodrygo ជាមួយ Ronaldo បន្ទាប់ពីការប្រកួត ហើយ Rodrygo ត្រូវបានសម្ភាសដោយវីរបុរសប្រេស៊ីល។កីឡាករវ័យក្មេងត្រូវបានសួរអំពីបទពិសោធន៍ World Cup លើកដំបូងរបស់គាត់ ដោយម្ចាស់ជើងឯក FIFA World Cup ឆ្នាំ 2002 ។
«វារីករាយណាស់ដែលបាននិយាយជាមួយអ្នក(Ronaldo)។ វាពិតជារំជួលចិត្ត ល្អណាស់សម្រាប់ខ្ញុំ ខ្ញុំបានរៀនជារៀងរាល់ថ្ងៃ។ ខ្ញុំសប្បាយចិត្តខ្លាំងណាស់។ អ្វីៗបានប្រែទៅជាល្អ វាពិតជាអស្ចារ្យសម្រាប់ខ្ញុំ»។
Rodrygo trying to get some of that Ronaldo magic pic.twitter.com/M1hQH3U1xY — Siavoush Fallahi (@SiavoushF) November 28, 2022
Rodrygo trying to get some of that Ronaldo magic pic.twitter.com/M1hQH3U1xY
— Siavoush Fallahi (@SiavoushF) November 28, 2022
នៅចុងបញ្ចប់នៃបទសម្ភាសន៍ លោក Rodrygo បានស្វាគមន៍ Ronaldo មុននឹងយកដៃរបស់គាត់ទៅត្រដុសលើជើងរបស់កីឡាករប្រេស៊ីល និងបន្ទាប់មកយកមកត្រដុសជើងខ្លួនឯង ដែលនេះការគិតថា វាជាកិច្ចខិតខំប្រឹងប្រែងដើម្បីទទួលបានការស៊ុតបញ្ចូលទីរបស់អតីតកីឡាករឆ្នើមរូបនេះ។
បញ្ជីនៃសមិទ្ធិផលរបស់ Ronaldo Nazario មានរយៈពេលយូរមកហើយ។ អ្វីដែលលេចធ្លោនោះគឺពានរង្វាន់ Ballon d’Or ចំនួនពីរដែលគាត់បានឈ្នះក្នុងឆ្នាំ 1997 និង 2002 ហើយគាត់ក៏ជាផ្នែកមួយនៃក្រុមប្រេស៊ីលដែលបានឈ្នះពានរង្វាន់ World Cup ឆ្នាំ 1994 និង 2002 ផងដែរ។ ចំណែក Rodrygo ត្រូវបាន Real Madrid ចុះហត្ថលេខាលើកីឡាករវ័យ 17 ឆ្នាំនៅដើមរដូវកាល 2019/20 ក្នុងតម្លៃ 45 លានអឺរ៉ូ។ Zinedine Zidane បានផ្តល់ឱ្យគាត់ជាលើកដំបូងរបស់គាត់ហើយគាត់បានរកគ្រាប់បាល់ដំបូងរបស់គាត់បន្ទាប់ពី 93 វិនាទី។
